افيدونــي في علاج بنتــي بارك الله فيكم ...

[qtr.wolf]

السلام عليكم

ياجماعة الخير بنتي عمرها 4 سنوات و صادها ( عنقــز ) وشو العلاج في اعتقادكم اللي يعرف دكتور زين يدلني عليه واكون شاكر له و الله يجعله في ميزان حسناته يارب
المشكله فيها سخونه شوي و حكه في الجسم كله اتمنى من الجميع التفاعل معاي
ويعطيكم العافيه والله لا يرويكم شر في عزيز عندكم

في علاج يريح الاطفال مثلا ..

[رنج سبورت]

عليكم السلام ورحمة الله وبركاته

في البدايه ماتشوفون شر


ودها طواري السد للاطفال وباذن الله بتلقى الدكاتره المتخصصين في هالمجال

ومعروف ان مرض العنقز يسبب حكه في الجسم وحبوب ويكون مصحوب بالحراره بعض الاحيان

[cristal]

سلامتها وماتجوف شر

[حقيقه]

ماتشوف شر

ودها المركز الصحي وبيعطونها علاج وبتصير اووكي

بس بتبقى الاثار فتره وعقب بتروح

وتجنبو العدوى اعزلو ملابسها وكل شيء عن اللي معاها

[qtr.wolf]

ولا تواجهونه وارحم الله والديكم ماقصرتوا يا شيوخ

[ضي]

ألف سلامة عليها وماتشوف شر
لا تحاتين بسيطة ان شاء الله
أحسن شي تودينها المركز الصحي وبيعطونها دوا تدهنين جسمها فيه ولا تقربينه من عيونها
وبيعطونج دوا حق السخونة
وعلى فكرة اذا جاتها السخونة تروح الحكة واذا راحت السخونة ترجع لها
معليش فيها عذاب لكن أيام وتخف

[البيان]

اخوي الله يشفيها - لو انه بنتي المريضه باخذها على طوارئ السد لانه متخصص للاطفال.

[بـــــــنت النوخـّــــذه]

كم عمرها 000000000000000

اذا صغيره وايد وفيها سخونه وديها المستشفى مافي مكان محدد لعلاج العنقز لان اهو عادي اختي كل المستشفيات اتعالجه ياخذ اسبوع ويروح ويعطونج ادوى ابيض اتحطينه على حبات العنقر وبينشف بروحه وبيطيح واهم شي ماتحكه لان اذا حكته يبق بالجسم 00 00بس تحملي من الصخونه الزايده لازم اتروحين المستشفى اي مستشفى سواء مركز صحي او حمد او عياده خاصه 000واذا تبغين تطمين اكثر روحي الاهلي لهم بذي السوالف اذا حرارتها مرتفه وايد بيتخذون الاجراءات اللازمه 00مع اني اعتقد ان حالتها طبيعيه لان العنقز يجي معه الصخونه 00 وحطيها فماي دفئ وابتعدي عن الماي الساخن والبارد
اهم شي بنتج مافيها ربو ولا تعاني من امراض صدريه ولا صغيره (رضيعه ) ولا عندها نقص مناعه 00واجر وعافيه ماتشوف شر والله يخليها لج^_^

[قلم صادق]

سلامتها وماتشوف شر
ودها عند دكتور اطفال شاطر الكيالي او مهند بيعطونها كريم خاص للعنقز ومهدي للحكه

[hemoud123]

ما تشوف شر ان شاء الله
ترى معظم الاطفال يعانون في فترة من طفولتهم من هذي الحمى , وبتمر وبتكبر وبتنسى
اهم شي لا تنزعجون وقديما اذكر كانوا يلفون يد الطفل علشان مايحك البذور اللي تطلع له

[qtr.wolf]

ألف سلامة عليها وماتشوف شر
لا تحاتين بسيطة ان شاء الله
أحسن شي تودينها المركز الصحي وبيعطونها دوا تدهنين جسمها فيه ولا تقربينه من عيونها
وبيعطونج دوا حق السخونة
وعلى فكرة اذا جاتها السخونة تروح الحقة واذا راحت السخونة ترجع لها
معليش فيها عذاب لكن أيام وتخف

المشكله طالعة لها حبه في العين اذا غمضت تبين الحبه واضحه

الله يسلمكم و ماقصرتو بعدين انا رجل اختي يعني انا ابو البنت

[هبة ريح]

الله يعينهاا في لوشن ابيض للعنقز

وماي البحر زين بس عقب فترة مب الحين

صج بيحرقها لكن بيجفف الحبوب بسرعه

والله يخفف عليها ان شاءاللهـ :(

[qtr.wolf]

بس ماي البحر يترك اثر ولا لا

[حدالكلمه]

علشان ماتقعد اتألم وتحن -- اخذوا لها قصص والعاب علشان تلهى -- وماتشوف شر

[رنج سبورت]

بس ماي البحر يترك اثر ولا لا

اخوي اهم شي عدم حك الحبوب لان حكها يترك اثر بعد فتره

وفي نفس الوقت الكريم الخاص بالعنقز يخفف من الحك

حاول انك توديها المستشفى باسرع وقت وماعليها شر

[qtr.wolf]

بارك الله فيكم

[بـــــــنت النوخـّــــذه]

بس ماي البحر يترك اثر ولا لا

اشلك بماي البحر بحرنا الحين غير عن اول كله ملوث 000عالج بنتك بالمستشفيات اخوي ولي بغيت ماي بحر حط في البانيو ملح (مخفف)على الاقل اضمن وانظف 000 ^_^

[qtr.wolf]

اشكرج اختي بنت النوخذه

ماقصرتي على الملاحظه

الجاكوزي ينفع احط في ملح

[$$كلنا قطر$$]

ماتشوف شر ان شاء الله والله يقومها بالسلامه
يا اخوي لا تحاتي في مرهم للجسم ومع تحاميل ولا شراب للحراره
وكلها اسبوع وبتقوم بالسلامه ان شاء الله
بس حاول ما تخليها تحك جسمها لانه يعلم شووي مرات

[بـــــــنت النوخـّــــذه]

اشكرج اختي بنت النوخذه

ماقصرتي على الملاحظه

الجاكوزي ينفع احط في ملح

اي ليش ماينفع اصلا حلاته بالجاكوزي على الاقل حتى تلعب تستانس بالماي لما اتشوفه بنتك يتنثر 00وحط لها ملح (مخفف) مهب ملح الاكل تراه قوي تحرق بنتك :( في ملح للجسم

نصيحه ابعد عن البحر والبرك السباحيه في الاماكن العامه كلها امراض 000والله يخليها لكم لاتحاتي ترى العنقز اغلبنا صاده --اهم شي الحراره الزايده لاتسكت عليها

[$$كلنا قطر$$]

الله يعينهاا في لوشن ابيض للعنقز

وماي البحر زين بس عقب فترة مب الحين

صج بيحرقها لكن بيجفف الحبوب بسرعه

والله يخفف عليها ان شاءاللهـ :(

ذكرتني في ابوي الله يسامحه
صادني عنقز وقطني هناك وانا صغير والله عذاب تخيل فيك جروح وتحط عالجرح ملح اووووووف
ما اوصفلك
حرام لاتوديها البحر والله بتصيح صياح

[ماريسا]

ما تشوف شر بنيتك
الموضوع بسيط ان شالله

[هبة ريح]

احسن شي ماي البحر بس مدة اسبوع وف القايله بيخف العنقز

[qtr.wolf]

جزاكم الله خير

الحين باروح اوديها المستشفى والله يكتب اللي فيه الخير

توه طالع فيها من امس بس

[هبة ريح]

الله يشفيها ويخفف عليها فتره وبيزول عنها ان شاءالله

[جلمود]

يخوي ماتشوف شر والحمدلله هذا المرض عادي وكل أنسان لازم يمره

ودها المستشفي ويعطونك كريم وبعد 3 أيام ودها بحر الغاريه ولا الحويله بحر نضيف وأن شاء الله ماتشوف شر

[وهم قطر]

لله ايام كاشخ من قلب والوجه كله عنقز لا وعادي مافي غياب من المدرسه انروح

ترا زين اذا جاها من الحين احسن والعنقز لابد منه جايك جايك صغير ولا كبير

بس تبي الصراحه عليك بالبحر ولو مره وبعدين حط الكريمات بس سالفه الجاكوزي ويحط فيه ملح واذاماعنده يشتريه ويركبه ويحط فيه ملح البانيوم ماينفع ترا

[qtr.wolf]

مشكووورين و ماقصرتو

وديتها طوارئ السد و عطوها شراب يخفف شعورها بالحكه والحمدلله ارتاحت عليه و اختها الثانيه جاها بعد وباعطيها نفس الدوا

وبيض الله وجوهكم و جزاكم الله خير

بالنسبه حق البحر اشوفه لين الحين الماي بارد على وحده صغيره

[سويسرا]

ضروري طواري السد وتحليل دم عاجل
سلامتها ما تشوف شر الله يشافيها يارب العالمين ويطمنكم عليها
لو في عندكم مره انقعها في الماي وعقب لو صار لون الماي اغمق حط الماي في قطنه وامسح جسم البنت كامل وحتى اخوانها والوجه

[دمع الغيم]

اخوي انا عن تجربه بنتي صادها عنقز وكان شديد ومنتشر في جسمها وكانت تعاني لكن على طول وديتها حق دكتور خالد البياري في عياده خاصه بصراحه عطاها شراب وكريم من استخدمته والحمدلله خف على طول ،،،،وسلامتها انشاء الله

[ANONYMOUS]

من رأي تجيب كل اطفال العيله من نفس العمرعندها عشان ينعدون ويفتكون مره وحده

بالمره عشان يريحون اسبوع او اسبوعين من الدوام

العنقز مرض عادي..

واستشر طبيب

:)

[هذلان]

الف سلامه على البنيه ،، ذكرتنا بالذي مضى :nice:



اشلك بماي البحر بحرنا الحين غير عن اول كله ملوث 000عالج بنتك بالمستشفيات اخوي ولي بغيت ماي بحر حط في البانيو ملح (مخفف)على الاقل اضمن وانظف 000 ^_^

غلطانه ،،، ولد اخوي فيه حساسيه في الجلد ماخلا مستشفى في بريطانيا ما وداه له اخوي (كان ابوه يدرس هناك ٥ سنين ) و طول هالفتره يتعالج منها تروح و ترجع له و مكانها في الرجل خلف الركبه و تاركه اثر و مايرقد الليل .

استاذنت اخوي و رحت البحر ترست مطاطير ماي بحر و طلبت من الوالده تطبق علاجي وهو صب ماي البحر في طشت صغير و الشاب اللطيف يتنقع فيه :nice:

اول الايام كان يكسر خاطري من الصياح بس الهيه المهم بعد تقريبا سبع جلسات صار راحت منه الحساسيه و لليوم مارجعت له .

طبعا التوفيق من الله ثم ما البحر

انا شخصيا كنت اعاني لسنوات من حساسيه في الجيوب الانفيه ولا خليت دكتور مارحت له و في الاخير كان الحل استنشاق ماي البحر وو طبعا انواع الالم بس الحمد لله راحت

[زهرة قطر]

أحسن شي لعلاج العنقز المرهم وشراب الحكة مثل زيرتك لأن أكثر شي يضايق في العنقز الحكة وخافض للحرارة إذا فيها حرارة
أما الدواء الأبيض مامنه فايدة يلزق على الجروح ولا يقوم
ممكن تطبخ نخالة القمح وتخليها في سطل بالحمام وعقب ما تسبحها تصب على جسمها من هالماي
(بس لازم تزيد عليه شوي ماي دافي يعني ماتصبه عليها بارد) بدون ما تغسل جسمها عقبه وعقب تحط عليه المرهم لأن ماي النخالة ييبس العنقز بسرعة
ماتشوف شر إن شاالله

[qtr.wolf]

مشكوووورين على ردودكم و مشورتكم و ماقصرتوا و حالة نتي المدلله احسن شوي بس الحبوب تزيد فيها نعطيها شراب عن الحكه و مرتاحه عليه و جزاكم الله خير ..