JN000N
09-04-2010, 04:59 PM
السلام عليكم ورحمة الله وبركاته
شلونكم.. ان شاء الله بخير
رديت لكم هالاسبوع بتقرير يديد من عند ايديده.. وان شاء الله يعجبكم:nice:
عالعصر صليت ورحت اسير عليها..
جنون: مسالخير يمــه
ايديده: مسالنور حياج الله.. شلونج
جنون: انا زينه.. شلونكم انتو.. وين اليهال صخه مالهم حس؟؟ :telephone:
ايديده: شدراني بهم من أذن العصر طلعو يهايلون فالشوارع حسون ولولووه يايينهم عيال عمتهم:omen2:
جنون: يحليلهم عيل بطلع اشوفهم يمكن راحو عالسيف
ايديده: خذيني وياج يمه مليت من القعده ابي اروح اقعد عالسيف
ورحنا انا وهي نتمشى على سعه ويلسنا عالسيف نسولف وانا العب بالحصا الصغار حذاي واقطهم عالبحر
ايديده: هاتي بعلمج الللقفه
جنون: شنهي اللقفه؟
ايديده: لعبة يمه كنا نلعبها تعالي بعلمج
http://file14.9q9q.net/local/thumbnail/64222618/600x600.jpg
قامت ايديده نثرت الحصا حذا بعض عالارض واللعبه انها تقط وحده فالهوا وتلقف حصا من الارض بسرعه قبل لا تطيح الي حذفتها وتلقفها قبل لا توصل الارض فيصير في يدها حصاتين وعقب تحط الحصا اللي ما طاحت عندها تخشها وتسوي نفس الحركه فالثانيين واذا طاحت تخسر
http://www.qatargallery.com/arabic/data/media/142/trade_9.jpg
جنون: ايديده بلعب معاج..
مسكت الحصا وماعرفت احذفهم فالهوا فلتتهم في كل مكان وهي تضحك علي وتقول لي يالخداي مب هللون يحذفون لا بكون ترجمين ابليس غربلج الله ههههه
وانا مندمجه فاللعبه ومشتطه واقول لها صبري بتشوفين ان ما غلبتج .. شوي ياو اليهال يركضون صوبنا البنات والصبيان
يحليلهم قبل كانو البنات والصبيان حتى لو كبرو شوي يلعبون مع بعض الحين نخاف عليهم من وهم فاول ابتدائي :(
لولووه: جنووون تعالي لعبي ويانا بنطب فالبحر بنمسك العفاطي
جنون: شنو عفاطي؟
ايديده: شكلج بتعيزينا انتي وياج.. العفاطي سمج
جنونك يمـــــه :omg: ,. شلون تمسكون سمج وخرو عني بعيد لا تيون صوبي
حسون: انا عندي عفطيه خثيتها فالحفره وحطيت عليها ماي البحر عثان ماتموت.. واذا تمللت اغني عليها
جنون: هههههههه شلون بعد تغني عليها؟؟
حسون: اغني واحرك الماي وهي ترقث فالماي والله تعالي ثوفي
رحت وياه عند الحفره اللي مسويها.. ولقيت سمجه صغيره ضعيفه بس طويله شوي ..والمايه كل شوي صبت فيها لان مسوي الحفره على طول عالسيف.. شوي وقام يحرك الماي حسون ويغني.. : عفطيه وهوه ماتثرب القهوه.
والسمجه من الخرعه كانت تطامر فالماي وهو يقول ثوفي ثوفي ترقث
يات ايديده شافت السمجه وضحكت على حسون..
ايديده: حسوون غربل الله عدوك شوله معذب السمجه مسكينه استخفت فالحفره طلعها وقطها فالبحر
حسون: لا بتضيع البحر كبير.. انا ثويت لها بيت ثغير لها بروحها
جنون: حسون.. حط السمجه فالبحر احسن هني بروحها بتتمل.. انت تحب تقعد بروحك؟
حسون: لا..
جنون: خلاص ود السمجه عشان تلعب مع صديقاتها فالبحر وتلاقي الحين امها تدورها
قام حسون ومسك السمجه وبسرعه حذفها فالبحر عشان ما تموت .. زين ما ماتت من الحذفه ههههههه دفش هالصبي وياته لولووه اخته تناقز تبي تسابقه هو وعيال عمتهم
لولوه: حسووون اذا فيك خير الحقني باسبقك البيت
حسون: مابي بقعد مع جنون وايديده..
ايديده: يلا بنروح البيت كلنا خلاص بيأذن المغرب مب زين نهايل برا فالسكيك.. لولووه عن المراكض تلقفج الينيه تعالي امشي ويانا
لولووه: مابي باسبقكم انا سريعه اسرع من حسون:victory:
وراحت تركض ولحقوها اليهال الا حسون.. :tease:وهي تغني حسن بسن تسنسن..
كل نتف عصيده..
حرته في لهاته
قام قطع بناته
بناته يالمساجين
ياعلهم ضربت سجين
حسون عصب عليها يوم غنت عليه وراح يركض وراها
وهو يصيح ويتهدد بيضربها
حسون: وقفي يالدبه والله افثثج والله افثثج يالثنطه يالدنكر يالمنتفخه وقفي..
ما تمت مسبه ما قالها ههههههههههه شوي مسكين وهو يركض وايديده تقول له بالعدال لا تطيح ويدبغ على ويهه
رحناله بسرعه شليته وهو يصيح وقامت ايديده تقرا على مكانه وتسمي وتتفل
يوم سالتها ليش قالت حزه مغرب ومب زين الياهل يطيح يمكن تلقفه ينيه.. اقرا عليه عن الشياطين والجن هذي حزتهم
ورحنا البيت غسلنا ريول حسون كانت متزلغه مسكين ويطلع منها دم.. ويابت ايديه الكركم وحطته عليها ولفته بخلقه..
تقول ان الكركم مضاد حيوي طبيعي خخ وان زين حق الجروح يعقمها. وانهم من كانو صغار لين حد انفلع على راسه والا انجرح ينظفون الجرح ويحطون عليه كركم ويلفون ويطيب
الى هني.. اختم الجزء الثاني من سوالف ايديده وعيالها..
القاكم الاسبوع الياي ان شاء الله
مع تحيات:جنون & شجرة الدر
شلونكم.. ان شاء الله بخير
رديت لكم هالاسبوع بتقرير يديد من عند ايديده.. وان شاء الله يعجبكم:nice:
عالعصر صليت ورحت اسير عليها..
جنون: مسالخير يمــه
ايديده: مسالنور حياج الله.. شلونج
جنون: انا زينه.. شلونكم انتو.. وين اليهال صخه مالهم حس؟؟ :telephone:
ايديده: شدراني بهم من أذن العصر طلعو يهايلون فالشوارع حسون ولولووه يايينهم عيال عمتهم:omen2:
جنون: يحليلهم عيل بطلع اشوفهم يمكن راحو عالسيف
ايديده: خذيني وياج يمه مليت من القعده ابي اروح اقعد عالسيف
ورحنا انا وهي نتمشى على سعه ويلسنا عالسيف نسولف وانا العب بالحصا الصغار حذاي واقطهم عالبحر
ايديده: هاتي بعلمج الللقفه
جنون: شنهي اللقفه؟
ايديده: لعبة يمه كنا نلعبها تعالي بعلمج
http://file14.9q9q.net/local/thumbnail/64222618/600x600.jpg
قامت ايديده نثرت الحصا حذا بعض عالارض واللعبه انها تقط وحده فالهوا وتلقف حصا من الارض بسرعه قبل لا تطيح الي حذفتها وتلقفها قبل لا توصل الارض فيصير في يدها حصاتين وعقب تحط الحصا اللي ما طاحت عندها تخشها وتسوي نفس الحركه فالثانيين واذا طاحت تخسر
http://www.qatargallery.com/arabic/data/media/142/trade_9.jpg
جنون: ايديده بلعب معاج..
مسكت الحصا وماعرفت احذفهم فالهوا فلتتهم في كل مكان وهي تضحك علي وتقول لي يالخداي مب هللون يحذفون لا بكون ترجمين ابليس غربلج الله ههههه
وانا مندمجه فاللعبه ومشتطه واقول لها صبري بتشوفين ان ما غلبتج .. شوي ياو اليهال يركضون صوبنا البنات والصبيان
يحليلهم قبل كانو البنات والصبيان حتى لو كبرو شوي يلعبون مع بعض الحين نخاف عليهم من وهم فاول ابتدائي :(
لولووه: جنووون تعالي لعبي ويانا بنطب فالبحر بنمسك العفاطي
جنون: شنو عفاطي؟
ايديده: شكلج بتعيزينا انتي وياج.. العفاطي سمج
جنونك يمـــــه :omg: ,. شلون تمسكون سمج وخرو عني بعيد لا تيون صوبي
حسون: انا عندي عفطيه خثيتها فالحفره وحطيت عليها ماي البحر عثان ماتموت.. واذا تمللت اغني عليها
جنون: هههههههه شلون بعد تغني عليها؟؟
حسون: اغني واحرك الماي وهي ترقث فالماي والله تعالي ثوفي
رحت وياه عند الحفره اللي مسويها.. ولقيت سمجه صغيره ضعيفه بس طويله شوي ..والمايه كل شوي صبت فيها لان مسوي الحفره على طول عالسيف.. شوي وقام يحرك الماي حسون ويغني.. : عفطيه وهوه ماتثرب القهوه.
والسمجه من الخرعه كانت تطامر فالماي وهو يقول ثوفي ثوفي ترقث
يات ايديده شافت السمجه وضحكت على حسون..
ايديده: حسوون غربل الله عدوك شوله معذب السمجه مسكينه استخفت فالحفره طلعها وقطها فالبحر
حسون: لا بتضيع البحر كبير.. انا ثويت لها بيت ثغير لها بروحها
جنون: حسون.. حط السمجه فالبحر احسن هني بروحها بتتمل.. انت تحب تقعد بروحك؟
حسون: لا..
جنون: خلاص ود السمجه عشان تلعب مع صديقاتها فالبحر وتلاقي الحين امها تدورها
قام حسون ومسك السمجه وبسرعه حذفها فالبحر عشان ما تموت .. زين ما ماتت من الحذفه ههههههه دفش هالصبي وياته لولووه اخته تناقز تبي تسابقه هو وعيال عمتهم
لولوه: حسووون اذا فيك خير الحقني باسبقك البيت
حسون: مابي بقعد مع جنون وايديده..
ايديده: يلا بنروح البيت كلنا خلاص بيأذن المغرب مب زين نهايل برا فالسكيك.. لولووه عن المراكض تلقفج الينيه تعالي امشي ويانا
لولووه: مابي باسبقكم انا سريعه اسرع من حسون:victory:
وراحت تركض ولحقوها اليهال الا حسون.. :tease:وهي تغني حسن بسن تسنسن..
كل نتف عصيده..
حرته في لهاته
قام قطع بناته
بناته يالمساجين
ياعلهم ضربت سجين
حسون عصب عليها يوم غنت عليه وراح يركض وراها
وهو يصيح ويتهدد بيضربها
حسون: وقفي يالدبه والله افثثج والله افثثج يالثنطه يالدنكر يالمنتفخه وقفي..
ما تمت مسبه ما قالها ههههههههههه شوي مسكين وهو يركض وايديده تقول له بالعدال لا تطيح ويدبغ على ويهه
رحناله بسرعه شليته وهو يصيح وقامت ايديده تقرا على مكانه وتسمي وتتفل
يوم سالتها ليش قالت حزه مغرب ومب زين الياهل يطيح يمكن تلقفه ينيه.. اقرا عليه عن الشياطين والجن هذي حزتهم
ورحنا البيت غسلنا ريول حسون كانت متزلغه مسكين ويطلع منها دم.. ويابت ايديه الكركم وحطته عليها ولفته بخلقه..
تقول ان الكركم مضاد حيوي طبيعي خخ وان زين حق الجروح يعقمها. وانهم من كانو صغار لين حد انفلع على راسه والا انجرح ينظفون الجرح ويحطون عليه كركم ويلفون ويطيب
الى هني.. اختم الجزء الثاني من سوالف ايديده وعيالها..
القاكم الاسبوع الياي ان شاء الله
مع تحيات:جنون & شجرة الدر