هل أبيع ناقلات أم أنتظر

[ابو كـــادي]

لو سمحتو اذا ماثقلت عليكم..
لدي1400 سهم في ناقلات قطر وبصراحه راس مالي اللي جكعته في عمري حطيتها بناقلات لأنهم قبل لأشتريها قالو لي انها فرصه ماتتعوض وحرام تفوتني فشريت 1400 سهم؟ ومن وسمعت انهم يقولون أن سهم ناقلا سيصبح حديث المستثمرين في مجالسهم منهم من قال سيصل إلى 150 ريال والآخر 250 ريال للسهم الواحد حتى انني سمعت أنه سيصل 400 وأكثر!!!
والحقيقه أنا لي سنه من شريتها وللآن رآس مالي مجمد لم اربح في اسهم ناقلات وهو مازال يقف عند سعر36 الى 40 ريال للسهم الواحد!!!

فما راي الأخوان القطريين.؟
هل أبيعها في هذا الوقت أم أنتظر مع العلم أنني تعبت من ركود السهم عند السعر36 ريال؟؟
وبصراحه خلال هالسنه اللي مضت كان بإمكاني استفيد من راس مالي اللي شريت فيه ناقلات يعني استثمره في مجال غير الأسهم مثلاً؟؟

ارجو توضيح لاسهم ناقلات مدى قوة السهم ومتى تتوقعون يرتفع؟؟

أشكركم على حسن ردكم الســـــريع وادامكم الله لهذا الصرح الشامخ؟

[ذيب البورصه]

الاخ ابوكادي

سهم الناقلات له مستقبل زاهر في المدى الطويل

السهم يتعرض لمضاربات قويه من فتره وأنت لابد من الاستفاده من تلك المضاربات ان كنت لاتريد تجميد رأس المال اي تلاحظ اين نقاط الدعم ونقاط المقاومه فهو سهم مربح في المظاربات بطريقه لاتتصور

[ابو كـــادي]

ألله يرزقك ياذيب ابورصه من أو ســــع أبوابه!!!!!!


شكراً لـــــــك

[ذيب البورصه]

في الوقت الحالي

نقاط الدعم 35.50
المقاومه 39

[ابو كـــادي]

ذيب البورصه آسف اخوي بس ما أعرف معنى مصطلحاتك هذي ترى؟
نقاط الدعم 35.50
المقاومه 39

ماعندي خلفيه بسوق الدوحه

[الجرباوي]

أخوي السهم كما صرح وزيرنا العطيه ان ناقلات سهم الخليج الذهبي اضافه ان ناقلات اكبر ناقلات في العالم بس مشكله ناقلات تحتاج واحد وسيع باله ........با التوفيق اخوي

[التاج]

سهم شركة ناقلات عليه تجميع واضح

[ابوسعود]

ابوكادي
صل صلاة الاستخاره
وبتلقا الحل انشاء الله
:nice: :nice: :nice:

[JULY]

ابو كادي خلك متابع السوق بصوره مستمره وبقولك عن سهم ناقلاات ...

اذا ارتد السوق وبدا في الصعود فانك تجد ناقلاات من اسرع الاسهم اللي تتجاوب مع الصعود وممكن انه

يعطيك نسب لمدة ايام متواصله مع طلوع السوق .

الان السوق نزل بما فيه الكفايه ومتوقعين للسوق الطلوع انشاء الله متى الله واعلم

لكن ان شفت السوق طلع خلك متابع وراح تشوف السوق يعطيك كل يوم ارتفاع الى غاية ما تحس ان السوق

وقف ما عاد فيه ارتفاعات بيعها وانتظر السوق لين ينزل ويثبت شوي في النزول اشترها مره ثانيه وانتظر الطلوع

وهكذا . ____ السوق لما يطلع تلاقيه يطلع بشكل متواصل وبعدين يثبت كم يوم وبعدين يرجع ينزل لمدة كم

يوم ويثبت شوي وبعدين يطلع مره ثانيه .... هذي طبيعة السوق تقريبا اذا كانت الظروف طبيعيه وحجم التداول

معقول ..... لكن السوق صارله فتره مريض يعني مافي تداول عالي لذلك انتظر مثل ما قلت لك لما يطلع السوق

وبالنسبه لناقلاات ما اعتقد انها راح تنزل اكثر من اللي نزلت له وان نزلت ممكن تنزل لها شوي .


لكن انك تضارب بشكل يومي وانت ما تعرف نقاط الدعم والمقاومه هذا صعب شوي اخوي وحتى اللي يعرفون

نقاط الدعم والمقاومه مو كلهم يجيدون المضاربه وكثير منهم يخسر .


اتمنى لك التوفيق

اخوك


جولاااي

[M O 7 A M M E D]

لا تبيع يالغالي ...

[sloomsss]

حبيبي عندك اكثر من حل في هاذا الوقت بذات ؟
ولكن يعتمد مدا الطريقه التي ستلجاء اليها في الاستثمار عزيزي لا اعرف سعر شرائك السهم لنفترض انه 60 ريال 0 السهم لا شك انه قوي وله مستقبل كبير مثل ما تكرموا الشباب ولكن الاسهم الجديده في العاده لا تبداء بلاستقرار قبل ما تبداء الشركه بتوزيع الارباح مثل بروه والناقلات والريان عند الطرح0
في حال انك خائف من السهم ومليت منه ويمكن شاري باكثر من 60 ولا تجيد المضاربات وانا لا انصحك بها خاصه انك هاذا كل ما تملك 0
مجموع الاسهم التي تملكها 1400سهم قيمتها الان بتاريخ 2/3/2006 علا سعر 37.90=53060 ريال
لو توجهت الاسلاميه لتامين علا سعر اليوم مثلا 177 ريال هاذا السعر بعد توزيع الارباح 2005
53060 علا 177=299 سهم طبعا لو راقبته الفتره القادمه يمكن تاخذه 160 او155 قبل انعقاد الجمعيه طبعا بكون هاذا ممتاز وبتكون اخذته احسن من سعر التوزيع الي وزعته الشركه
طبعا السهم قوي ويصل عند توزيع الارباح للعام الحلي فوق 400 ريال
لو فترضنا انك بعته قبل موعده اي 300
299*300=89700 ريال
عندك المصرفالاسلامي جيد ايضا احسبها جيدا وشوف سعره مقارنه بلفترات
لك الخيار ولكن هاذي حلول يجب اتصبر عليها لانها اسهم استثماريه درجه اولى
واي حد عند تعليق علا هاذا الكلام يرجا المساعده من الشباب . والله يوفقك

[أخلاق]

أخي السائل عن سهم الناقلات .

ربما السهم ينزل اكثر ... 33.5 ربما 25 او اكثر :eek3:

لكن اذا مستعجل بيع بعد تحقيق الدبل - اي بعد ان تحقق دبل راس مالك المستثمر

هذا اذا مستعجل :)

نصيحة محب :D ;)

[مستثمر تحت التعليم]

في اشياء كثيره يسويها الواحد ويندم عليها مثل يوم بعت كل اسهم الناقلات بسعر 38 و صدقني اخوي الفاضل و بعده بيوم بدى السهم يرتفع ووصل للستين ريال . انا يوم بعته كنت خايف ينزل اكثر . والحين انا نادم عليه ولكن الله يعوضني خير . الخلاصة ان سهم ناقلات خيره فيه و شكرا

[المال والسلطه]

لا تبيع ناقلات عشان ما تندم

[as aa]

في اشياء كثيره يسويها الواحد ويندم عليها مثل يوم بعت كل اسهم الناقلات بسعر 38 و صدقني اخوي الفاضل و بعده بيوم بدى السهم يرتفع ووصل للستين ريال . انا يوم بعته كنت خايف ينزل اكثر . والحين انا نادم عليه ولكن الله يعوضني خير . الخلاصة ان سهم ناقلات خيره فيه و شكرا
ليش تتكلم عن انك ندمت عليها
هذا السوق يوم فوق ويوم تحت
واذا كنت في السوق فاول شي مطلوب منك انك تتحمل الي يجيك ولاتهتم ولا بتروح فيها
وانت يوم بعت او شريت فتشتري او تبيع اسهم :deal: مب ورق وارقام :confused: ولا فلوس
وعلى ذلك الحين قم واشتر النافلات باقل من سعرها الي بعتها عليها :nice:

[ghanim_19]

لا تبيع لو شنو!!!!!!!!!!!!!!!
جيب راسمالك اول بعدين اربح عقب تبيع
السوق فيه خير و القادم احسن
والله يرزقك ويرزقنا

[الرشيدي 64]

لاتبع السهم صاعد باذن الله خلال الايام القادمه

[ابن بطوطه]

مع العلم أنني تعبت من ركود السهم عند السعر36 ريال؟؟

التملل من السهم اشارة انطلاق بارك الله فيك .. اصبر .. وانتظر .. استثمر .. انسى السهم .. سيتذكرك .
السهم للاقتناء بهذه الاسعار والله اعلم .. خلال 3 شهور من الان الى 60 مرة اخرى