تسجيل الدخول

مشاهدة النسخة كاملة : عندي مشكله فالبناء ..من يقدر يفيدني عنها ؟؟


سياتل
09-04-2010, 11:57 PM
السلام عليكم ورحمة الله

الأخوان شموخ دائم .. وأصحاب الخبره فالبناء

المقاول اللي يبني لي صب السقف الأول والسقف الثاني وكل شي تمام

وبدا يبني في الطابوق .. يعني باقي شوي ويبلش في البلاستر

لكن المشكله أن السقف يبين فيه طابوق عادي ..

السؤال .. هل يتم تطعيم السقف بالطابوق مع الخرسانه ؟؟


المشكله الأعظم .. إني قلت له يصب ماي في الطابق الثاني

ويوم نزلت للطابق الأول لقيته يخر ماي

السؤال .. هل الخرسانه ماتمنع الماي .. ؟؟

ولنفترض أنكم بتجاوبون وبتقولون فيه خلل في الصب .. في هالحاله شاسوي ؟؟


ياليت الإفاده يا أخوان .. للأهمية


وجزاكم الله خير


محبكم .. سياتل
بوحمد2
10-04-2010, 12:17 AM
السلام عليكم ورحمة الله

الأخوان شموخ دائم .. وأصحاب الخبره فالبناء

المقاول اللي يبني لي صب السقف الأول والسقف الثاني وكل شي تمام

وبدا يبني في الطابوق .. يعني باقي شوي ويبلش في البلاستر

لكن المشكله أن السقف يبين فيه طابوق عادي ..

السؤال .. هل يتم تطعيم السقف بالطابوق مع الخرسانه ؟؟


المشكله الأعظم .. إني قلت له يصب ماي في الطابق الثاني

ويوم نزلت للطابق الأول لقيته يخر ماي

السؤال .. هل الخرسانه ماتمنع الماي .. ؟؟

ولنفترض أنكم بتجاوبون وبتقولون فيه خلل في الصب .. في هالحاله شاسوي ؟؟


ياليت الإفاده يا أخوان .. للأهمية


وجزاكم الله خير


محبكم .. سياتل
ابشرك اني شايف الماي يخر عندي من الدور الثاني لين الدور الاول ومن السطح لين الدور الثاني والامووور سهلات وعادي جدا المهم بعد ماتركب العازل الي في السطح هل بعدها يخر؟؟؟
naklan
10-04-2010, 12:17 AM
السلام عليكم ورحمة الله

الأخوان شموخ دائم .. وأصحاب الخبره فالبناء

حياك الله اخوي العزيز وان شاء الله اقدر افيدك

المقاول اللي يبني لي صب السقف الأول والسقف الثاني وكل شي تمام

وبدا يبني في الطابوق .. يعني باقي شوي ويبلش في البلاستر

لكن المشكله أن السقف يبين فيه طابوق عادي ..

السؤال .. هل يتم تطعيم السقف بالطابوق مع الخرسانه ؟؟


نعم اخوي ويسمى الهوردي طابوق خاص للسقوف شوف الخارطه وبتلقاه في التصميم

والمقاول ما يقدر يئلف على كيفه شركه ونقذت البناء على الخريطه


المشكله الأعظم .. إني قلت له يصب ماي في الطابق الثاني

ويوم نزلت للطابق الأول لقيته يخر ماي

السؤال .. هل الخرسانه ماتمنع الماي .. ؟؟

بعض الخرسانات تمنع الماي وبعضها لا
الموضوع بيكون طبيعي اخوي بعد تركيب العازل

الامور بتكون على ما يرام ان شاء الله


ولنفترض أنكم بتجاوبون وبتقولون فيه خلل في الصب .. في هالحاله شاسوي ؟؟


ليش باني اعتقادك على ان فيه خلل اذا على نزول الماي يعتمد على اشياء كثيره بعض

شركات الريدي مكس تضيف للخرسانه ماده كيمبائيه لمنع التسرب وبعضهم لاء

ورش الخرسانه بالماي او غمرها يجعل التسرب شبه مستحيل يمكن الخرسانه ما خذت

رش مظبوط

ياليت الإفاده يا أخوان .. للأهمية

اتمنى لك التوفيق واتمنى اكون افدتك


وجزاكم الله خير


محبكم .. سياتل

تحياتي اخوي العزيز وبالتوفيق
وهم قطر
10-04-2010, 01:33 AM
صحيح اخوي السقف طبيعي يخر منه الماء قبل العازل الوتر بروف مافي اي مشكله

السوال الثاني الطابوق نوعه هوردي هذا النوع يخفف على السقف بشكل كبير وافضل شي للمساحات الكبير البناء لحد الان ممتاز

واهم شي العازل يكون تركيبه جيد
سياتل
10-04-2010, 01:25 PM
للحين الردود تشجع
الله يطمنكم بالخير :)
نمـر
10-04-2010, 11:10 PM
ماعندك مشكلة أخوي هذي الأمور تحصل مع أغلبية البيوت شي طبيعي وأهم شي إذا صب يرش ماي لمدة أربعه أيام صبح ومساء لأن يزيد من قوة الصبية 30 بالمائة وهذا كلام مهندس لي
شموخ دائم
11-04-2010, 02:31 AM
,


,


الله يعطيك العافيه

وشكرا على ثقتك فينا والله يجعله مسكن مبروك

الشباب ماقصروا الله يعطيهم العافيه

الامور طيبه عندك ومافي اي مشكله

طابوق الهوردي ( للمساحات الكبيره بالسقف المجلس والصالات اكيد )

بعد ما يركب العازل بالسطح والحمامات بالدور الاول

قوله ابي تترك الماي في العازل فوق السطح والحمامات 12 يوم مش يومين

اذا ما نزل ماي ولا ترك بقع بالسقف بيكون الحمدالله الامور طيبه

وحتى الان امورك طيبه ونزل الماء من الخرسانه قبل العازل شي عادي

كمل والله يوفقك

,

,




اخوك


شموخ دائم
الوجيه
11-04-2010, 07:04 AM
اهم اشي تستشير الاستشاري المشرف على المشروع هو اخبر في ها االامور ........


بالتوووووووفيق
اسيرالدوحه
11-04-2010, 10:13 AM
السلام عليكم ...

أمورك طيبة أخوي ...

وبالفعل كما ذكر الاخوة اللي سبقوني ...

هناك طابوق خاص .. يسمى الهوردي ... يستخدم مع صب السقف ...

وبخصوص نزول الماي من خلال الخرسانة .... شي متوقع اخوي ...

بعد العازل ... لازم ولا قطرة ... وحتى ماتكون فيه رطوبه بعد ...

أتمنى لك التوفيق اخوي ..
أسد الجزيرة
11-04-2010, 05:40 PM
ماعندك مشكلة أخوي هذي الأمور تحصل مع أغلبية البيوت شي طبيعي وأهم شي إذا صب يرش ماي لمدة أربعه أيام صبح ومساء لأن يزيد من قوة الصبية 30 بالمائة وهذا كلام مهندس لي

رش الماي لأجل انه جفاف الصبية من الداخل و الخارج تكون متقاربة في الوقت مما يقلل حدوث التشققات
موضي قطر
16-04-2010, 09:28 AM
سؤالك نفس سؤال زوج اختي جزاك الله خير ياصاحب الموضوع وشكراً للي ردوا
أسير الأحلام
18-04-2010, 01:39 PM
من واقع تجربة يجب أن يظل الماء بعد تركيب العازل لمدة أسبوع لتأكد من عدم وجود تسريب للماء .. اما عن صب الماء على الخرسانة بعد ما تنشف يكون لمدة 3 أيام بس مش تغرق السقف لأن الخرسانة تتشرب والحديد كذلك وبالتالي يقلل من عمر الخرسانة والحديد .. اما ما يتعلق بالطابوق فهو نفس ما ذكر الأخ شموخ دائم أخف للسقف وينفع للمساحات الكبيرة وتلاحظ بينهم جسور صغيرة من الخرسانة لتماسك السقف .. وعن السؤال هل الخرسانة تمنع الماي طبعا ما تمنع بدون عازل والا ليش تركب عازل
المضعد
21-04-2010, 07:38 AM
اهم شي العازل الي في الاسطح اتكون ممتازه
وعوازل الحمامات وانت بكرامه
وبالله التوفيق
rashid_qatar
24-04-2010, 01:57 PM
ماعندك مشكلة هذا طبيعي تطعيم السقف بطابوق هوردي وموجود في الخارطة والماي يخر طبيعي لان لين الحين ماتركب العازل فوق وكل امورك طبيييعية