المساعد الشخصي الرقمي

مشاهدة النسخة كاملة : :::...ابتسم لي تسلم اعيونك...:::...احم


The Master
10-04-2010, 09:57 PM
احم احم...ثم احم...

وانا رايح اخذ لي عشا...بالسياره...جاني اتصال...كان من الدوحه...وصار نقاش...وجدال...وانتهى الاتصال ب تعكر مزاجي...وضيقه...وتتنيحه...وتقفيله...وصلت المطعم...والنفس ضايقه...ومسدوده...
قلت...بلاها عشى...وبعد تردد...قلت خلني انزل اخذ لي شي قبل لا يسكرون...والا بارقد جوعان...
نزلت المطعم...وكان زحمه نوعا ما...وطابور...تنحت بزود...قلت يبا يمدحون الشيبس والبيبسي...لكن...لفت انتباهي...شخص...وكانوا اللي يشتغلون كلهم كانوا استراليين و شرق اسيويين...لكن واحد بينهم...خلاني انتبه عليه للحظات...هيئته...وقفته...تحركاته...استوقفتني...وقع دت انتظر واتربص متى راح يلتفت صوبي عشان اشوف وجهه...ابغي اعرف وش هالشخص اللي لفت انتباهي وشغل فكري...
ما انتبهت لنفسي الا وصلت عند الكاونتر...وطلبت عشاى...وانا لازلت متنح الا اشوف وجه هالشخص...الا اعرف هو وشو...
اشوي...سمعت ان طلبي خلص...ورحت استلمه...لكن ماشفت وجه هالشخص...
وانا طالع...التفت اخر مره...عشان اشوفه...الا به يلتفت علي...
شاب عربي...خليجي...شافني...لاحظني...ركز على نظرتي له..."ابتسم لي"
ابتسامه جميلة جدا...ابتسامه فيها السلام عليكم يا اخوي...

سبحان الله...لا شعوريا حسيت ب شي بداخلي انا تغير...حسيت اني خفيف...شي عني انزاح...حسيت ب السعاده...نسيت ما انا كنت فيه من ضيق وكدر...بمجرد ابتسامه بس...تخيلوا..."ابتساااااامه"


تخيل انك رايح الدوام الصبح...وضايق خلقك...ومانمت عدل بالليل...من هموم الدنيا ومشاغلها...وانت في السياره...وقفت عند الاشاره...تلتفت عالسياره اللي جنبك...وتشوف...


http://jood2009.jeeran.com/normal_151327.jpg



هل ماراح تقول..."ابتسم لي تسلم اعيونك"







تخيل...انك متهاوش مع هلك او ربعك...ومقفل على الكل...ومتكدر...واشيا كثيره غلط تجي على بالك...فجأه وانت تمشي عالكورنيش...تلاحظ هالبنوته...


http://www.majaless.com/up/uploads/96c37f76ff.bmp


هل ماراح تقول لها "ابتسم لي تسلم اعيونك"








هموم الدراسه على راسك...امتحانات...وظايف...غثى مدرسين...قاعد في الحديقه...ماتعرف وش تسوي...تسمع ناس جنبك...تلتفت وتشوف...


http://majdah.maktoob.com/vb/up/775913541654297626.jpg


هل ماراح تقول "ابتسم لي تسلم اعيونك"








الله ابتلاك بمرض...ومرض كايد...صادك اكتئاب...ضيقه...كدر...هم تحس انه ماراح ينزاح منك الا لما تموت...وانت في المستشفى سرحان باللي فيك...تشوف على الكرسي يدزون...


http://gallery.photo.net/photo/2692220-md.jpg


هل ماراح تقول "ابتسم لي تسلم اعيونك"









وانت قاعد عالبحر...تشكي اهمومك...ومتاعبك...وشقى الايام...وشغلك وحياتك...وكيف مصاعب الدنيا على راسك...شدتك تحركات جنبك...التفت الا ب...


http://7obek-m.com/vb/uploaded/2775_11207580263.jpg


هل ماراح تقول "ابتسم لي تسلم اعيونك"









متهاوشه مع زوجك...طلع من البيت وهو مقفل...وانتي متنحه...والشيطان قاعد يلعب براسك...وانتي في قمة غضبك...شي يجر رجلك...تنزلين راسك وتشوفين...


http://www.mstaml.com/imagesData/f-112620.jpg


هل ماراح تقولين "ابتسم لي تسلم اعيونك"






الوكاد من هذا كله...

- ابتسموا...وخلكم دايما بشوشين...في كل الاوقات او متى ما قدرتوا...ترا "والله" قدر الابتسامه عند غيركم كبييييييير...مايعرف قدرها الا من شافها ونفست عنه...
اليوم انت تبتسم...وتفرح انسان...بكره انت متكدر وبتلقى من يبتسم لك يفرحك...

- ان كنت في الدوام...ابتسم للموظفين...غير من نفسياتهم...غير من الجو اللي حولك...خله جو متحمس جو نابض بالحيويه والسعاده...شيل النوم والكسل منهم...

- ان كنت في الاستقبال..ابتسم للمراجعين...خفف عنهم تعبهم وشقاهم في المراجعات...ورهم ان حنا سعيدين لخدمتكم...عشان هم يكونون مرتاحين...

- ان كنت في المدرسه...مدرس او طالب... لدخلت الصف خل وجهك مملوء بالابتسامه...ارفع راسك...شوف الموجودين...وزع ابتسامه كليه ولو سريعه...صدقني ماراح تصدق قوة تأثيرها على الجميع...

- ان كنت في المستشفى...طبيب او مريض... ابتسم للموجودين...ابتسامه هاديه...بدون عطف او ضحكه.... ابتسامه بريئه...ابتسامه سعيده...تحسسهم انهم ماعليهم شر...

- قال الرسول عليه الصلاة والسلام..." تبسمك في وجه اخيك صدقه"

يا اخي...تراها بلاااااش...ليه مستخسر شي بلاش تسويه ويعود عليك بالاجر والثواب...وفوق هذا تنفيس عن الناس ومصائبهم...

شوفوا غيركم...

الشعراوي...الله يرحمه...على ماكان عليه من هموم وفتن...وتعب من اجل توصيل العلم لطلاب العلم...وحياته الزهيده...وحرصه الكبير على تفسير القرآن...

شوفوا كيف ابتسامته تشعرك بالسعاده...شوفوا العفويه...اللي من القلب يوصل للقلب...بلا تصنع...بلا تمثيل...

http://1.bp.blogspot.com/_QC7PArXm32M/SRtz8z0w8WI/AAAAAAAAALY/kLxa5kM5V9k/s320/Mohamed+Metwaly+El-Sharawy.jpg


ومهما اختلفت الالوان...والاجناس...والاديان...في ليست قصرا على ناس من دون ناس...تبقى الابتسامه هي الابتسامه...تشعرك بالسعاده وتجمل صاحبها...


http://commondatastorage.googleapis.com/static.panoramio.com/photos/original/3151720.jpg


ابتسم...عسي ربي يجعلك من الذين يبتسمون وقت قول..."اشهد ان لا اله الا الله...واشهد ان محمد رسول الله..."


http://3.bp.blogspot.com/_-B-s3wyWkFA/SPTaz6hNq4I/AAAAAAAAAB0/gbZ_6cNYDdE/s400/الشهيد+أبو+العباس+المدني+..+بعد+قتله+كأنه+نائم+..+ و+مبتسم+ابتسامة+توحي+بأنه+ليس+ميتاً.jpg


تبقى احلى الابتسامات...العفويه...اللي طالعه من القلب...ولا شعوريا...تسعدك...وتدخل في قلبك السرور...


سو نفسي...اذا شفت نفسك متملل...وطفشان...وقاعد ماعندك شي...سو مثل هالصوره...انا سويتها...اول ماشفتها قلت الحمدلله والشكر...لكن بصراحه قعدت اضحك...وغيرت من مزاجي...فا حاولوا تجربونها...ماراح تخسرون شي...


http://www.raeds.com/falsafat/wp-content/draw-a-smile.jpg




"نصيحه للكل بيني وبينكم...احم...ترا الابتسامه...تجملك...وتخليك احلى...اوش اوش"



اتمنى الموضوع افادكم...انا ادري ان الكل يعرف عن الابتسامه...لكن حبيت اذكركم...."بطريقتي"...عشان الاجر...احم

واتمنى انكم تنقلونها للمنتديات الاخرى اذا اعجبتكم...فا مانبغي الا الاجر من الله سبحانه...

ولاهنتوا جميعا...

اخوكم علي...

11/04/2010
احم
هاب الريح
10-04-2010, 10:08 PM
صدقني ابتسمت وضحكت من قلبي ,,, الدنيا وش فيها وانا خوك ,,
اتمنى من الله ان تكون ابتسامتك سعادة وامل ,
وتقبل تحياتي
hemoud123
10-04-2010, 10:12 PM
تسلم بوحسن على الموضوع اللي خلاني ابتسم من بدايته الى نهايته
بس مع الاسف نلاحظ انعدام الابتسامه من الوجوه
لكم فعلا الابتسامه دواء القلوب
الشمريه
10-04-2010, 10:18 PM
ابتسم تسلم لي عيوونك
وتسلم لي اناملك على هالموضوع والطرح
أجودية
10-04-2010, 10:24 PM
:)مساء الابتسام والفرح ......على الجميع وعساها ماتفاركم
مع خالص تحياتي
The Master
10-04-2010, 10:27 PM
صدقني ابتسمت وضحكت من قلبي ,,, الدنيا وش فيها وانا خوك ,,
اتمنى من الله ان تكون ابتسامتك سعادة وامل ,
وتقبل تحياتي

هلا ومرحب اخوي هاب الريح...

صدقت ياخوي...وعساها دوم يارب...
اي والله الدنيا وش فيها...
ولك كذلك ياخوي...وبيض الله وجهك عالدعوه الطيبه...

وعساك تكون هاب ريح في الخير دوم يارب...

ويامرحبا بك...
ولاهنت عالطله
"وابتسم"
The Master
10-04-2010, 10:32 PM
تسلم بوحسن على الموضوع اللي خلاني ابتسم من بدايته الى نهايته
بس مع الاسف نلاحظ انعدام الابتسامه من الوجوه
لكم فعلا الابتسامه دواء القلوب

هلا ومرحب اخوي حمود123

ومن قال سالم...هلا بك...

اكيد...فا الابتسامه الحقيقه هي اللي توصل للقلب...
حركة العين والحواجب والخدود والفك...كله له تاثيره خيو...

ويامرحبا بك...
ولاهنت عالمرور...
"وابتسم"
The Master
10-04-2010, 10:34 PM
ابتسم تسلم لي عيوونك
وتسلم لي اناملك على هالموضوع والطرح

هلا ومرحب بالشمريه...

احم...
ومن قال سالم...
نورتي اختي...

ويامرحبا بك
ولاهنتي عالطله...
"وابتسمي"
black@white
10-04-2010, 10:38 PM
جعل الابتسامه دوم ما تفارقك ولا تفارق اللي حواليك بعد هذا الموضوع اللي جعلنا فعلا نبتسم واللي عن نفس حسيت ان يمحتاجه لكل انواع هذه الابتسامات
ولكن الشي المحزن احيانا اذا دخلت على جماعه ابتسمت وحيتهم وانت لاعرفهم التفتوا الى بعضهم حتى السلام يرقد لايرد
تقول لي احداهن لقد كنت ادخل هذا المكان(مكان عملي) واجدك انتي المبتسمه بينهن فقلت من تكون هذه لابد ان اعرفها
فالابتسامه هي طريق المرور الى قلوب الاخرين

مساءكم ابتسامه وتصبحون على ابتسامه
عيون Qatar
10-04-2010, 10:40 PM
ان شاء الله دائما الابتسامه مرسومه على وجوهكم ..

تســـــــــــــــلم ياالماستر,,
The Master
10-04-2010, 10:41 PM
:)مساء الابتسام والفرح ......على الجميع وعساها ماتفاركم
مع خالص تحياتي

هلا ومرحب اختي اجودية...

الله يمسي عليج بالخير والصحه والعافيه...
امين يارب...وبارك الله فيك...

ويامرحبا بك...
ولاهنتي عالمشاركه المسعده صراحه...
"وابتسمي"
hemoud123
10-04-2010, 10:48 PM
تصدق اخي بوحسن اني لاحظت ان الشعوب العربيه اقل الشعوب ابتساما واقل الشعوب توزيع للابتسانه ذكورا واناثا , الاوروبيون اكثر ابتساما الاسيويون اكثر ابتساما الافريقيون اكثر ابتساما , ولا اعلم ما السبب , لعله ما نمر به من حالة ضعف وهوان , مع ان هناك شعوبا اكثر ضعفا واكثر فقرا لكنها اكثر ابتساما
اسمع رايك ولي عوده
كركم
10-04-2010, 10:50 PM
فنان يا بو حسن ياخي والله وسعت صدورنا بهالموضوع الأكثر من رائع

جعل أيامك كلها افراح وجعل الابتسامه ما تفارق محياك

وطلبتك طلبه <<< هااا وصلنا

الله لا يهينك بغيت تجيبلي كنغر صغير في مخباك:d
بنت سيف
10-04-2010, 11:09 PM
ابتسمت وأنا أقرا الموضوع ..

وكبرت الابتسامة .. يوم شفت التاريخ في نهاية الموضوع
بحر الكرم
10-04-2010, 11:25 PM
تسلم ياخووي على الكلام الطيب وهاذي ابتسامه مني هههههههههههه
حقيقه
10-04-2010, 11:41 PM
انا داااااايم مبتسمه حتى البعض يستغربون مني :nice:

اذا طلعت من البيت الصبح للدوام احصل بنات الجيران واولادهم وابتسم لهم ويردون لي الابتسامه بالابتسامه :shy:

ونفس الشيء عند الاشارات والدوارات اذا حد جنبي لازم ابتسم :omen2:
غصب عني :(:(
The Master
11-04-2010, 01:18 AM
جعل الابتسامه دوم ما تفارقك ولا تفارق اللي حواليك بعد هذا الموضوع اللي جعلنا فعلا نبتسم واللي عن نفس حسيت ان يمحتاجه لكل انواع هذه الابتسامات
ولكن الشي المحزن احيانا اذا دخلت على جماعه ابتسمت وحيتهم وانت لاعرفهم التفتوا الى بعضهم حتى السلام يرقد لايرد
تقول لي احداهن لقد كنت ادخل هذا المكان(مكان عملي) واجدك انتي المبتسمه بينهن فقلت من تكون هذه لابد ان اعرفها
فالابتسامه هي طريق المرور الى قلوب الاخرين

مساءكم ابتسامه وتصبحون على ابتسامه

هلا ومرحب اختي ابيض واسود...

اجمعين يارب...ودوم ان شاء الله...بجد والله ردك احس انه ابتسامه منك لي...احم

خطاك الشر والكرب والسوء...يارب...
وعساك دوم فرحه وسعيده...

وعن اللي ما يردون السلام...او انهم يتجاهلون او انهم يشوفون نفسهم فوق...هم الخسرانين...لانك في النهايه سويتي اللي عليك...خلك دايما ايجابيه في هالامور...ولا تاخذين على العقول الصغيره الضعيفه...اللي همها بس تكسر مجاديف الغير عشان هي تبين في الصوره...

ولو انك تاثرتي بتصرفاتهم اتجاهك...وهونتي عن الابتسامه...فا اعرفي انك صرتي منهم...وراح توصلين لمستواهم مع الايام بهالطريقه السلبيه...لكن لو تصديتي لهالامور...وقاومتي..بتلاحظين مع صبرك ومع الايام انك صرتي اقوى واقوى...وراح تشوفين ناس تنجذب لك...وبتاخذ اسلوبك...بدون ماهي تحس...او انتي تدرين...
المغزى من هذا كله...انك بقيتي على ما انتي عليه المبتسمه الطموحه الايجابيه...وهم غيرتي من حولك ب اسلوبك واصرارك...وكذلك كسبتي اجر الابتسامه...

موفقه وين ما ارتحلتي...وحليتي...

ويامرحبا بك دوووم...
ولاهنتي على المشاركه الجميله...
"وابتسمي"
The Master
11-04-2010, 01:22 AM
ان شاء الله دائما الابتسامه مرسومه على وجوهكم ..

تســـــــــــــــلم ياالماستر,,

هلا ومرحب اختي عيون الوكره...

امين يارب...ومن قال...ولجميع المسلمين يارب...

ومن قال سالم اختي...
اشكرك على المرور الجميل...

ويامرحبا بك...
ولاهنتي عالطله...
"وابتسمي"
The Master
11-04-2010, 01:27 AM
تصدق اخي بوحسن اني لاحظت ان الشعوب العربيه اقل الشعوب ابتساما واقل الشعوب توزيع للابتسانه ذكورا واناثا , الاوروبيون اكثر ابتساما الاسيويون اكثر ابتساما الافريقيون اكثر ابتساما , ولا اعلم ما السبب , لعله ما نمر به من حالة ضعف وهوان , مع ان هناك شعوبا اكثر ضعفا واكثر فقرا لكنها اكثر ابتساما
اسمع رايك ولي عوده

هلا ومرحب فيك اخوي حمود...

سؤالك لحاله يحتاج موضوع...احم

لكن بارد عليك ب اختصار...

العادات والتقاليد...والمعتقدات...هي اللي قللت الابتسامه بينا...

لما تبتسم لرجال في الشارع...بيقول وش بلاه هالاهبل...
او اكيد يبغي شي...
او يمكن يعرفني...
او شكله مغلط او مشبه...

وذلك...لاسباب كثيره...التربيه...البيئه...الظروف...

وهذا ردي ب اختصار...

ويامرحبا بك في اي وقت...
الرويـس
11-04-2010, 01:30 AM
ادور واحد يبتسم لي

توني طالع من جداااااااال طويل مع احدهم
:(
Arab!an
11-04-2010, 02:14 AM
احب هالمواضيع اللطيفه الخفيفه .. على الاقل ماتشوف فيها جدال وهواش =)

موضوعك جميل ..

ادعو الجميع الى الابتسام حتى اللي ابتسامتهم مش ولابد (يوم من الايام ستكون جميلة).. الله جعل الابتسامه جميلة

فقط اتوقف عند اللي ابتساماتهم ساحره .. مادري اقولهم ابتسموا والا كفوا :rolleyes2:

دائما خير بداية للتواصل هي الابتسام .. قبل لا تكلم حد فقط ابتسم ستكون فتحت الباب الى حديث لطيف

الابتسامات انواع وخيرها الابتسامه الصادقه
الرويـس
11-04-2010, 02:27 AM
^
يبي لها حملة ( كـُـفـّـوا)
:p
The Master
11-04-2010, 11:24 AM
فنان يا بو حسن ياخي والله وسعت صدورنا بهالموضوع الأكثر من رائع

جعل أيامك كلها افراح وجعل الابتسامه ما تفارق محياك

وطلبتك طلبه <<< هااا وصلنا

الله لا يهينك بغيت تجيبلي كنغر صغير في مخباك:d

هلا ومرحب اخوي كركم...

الله يسلمك...ماعليك زود ياخوي...
والحمدلله اهم شي الابتسامه والدعوه الطيبه من ناس طيبين...
امين يارب...ولك بالمثل خيو...

ابشر ماطلبت شي...
بس كنغر؟؟ كان بغيت اجيب لك كوالا و تمساح بعد...
"حشى مب مخبه عنده...احم"

يامرحبا بك اخوي...
ولاهنت على المرور الجميل...والكلام الطيب
"وابتسم"
The Master
11-04-2010, 11:27 AM
ابتسمت وأنا أقرا الموضوع ..

وكبرت الابتسامة .. يوم شفت التاريخ في نهاية الموضوع

هلا ومرحب اختي بنت سيف...

عساك دوم مبتسمه...وراضيه...

الله يسلمك...اعجبك...عاد لبغيتي الصدق من فتره ابغي احط التوقيع في مواضيعي لكن التفهي ومايسوي...بس اليوم تذكرت...وكتبته...
وتشكرين على الفكره خيتو...ترتيب...خاصه اذا كانت ذكرى ابتسامه...

ويامرحبا بك دوم...
ولاهنتي عالطله الجميله...
"وابتسمي"
The Master
11-04-2010, 11:29 AM
تسلم ياخووي على الكلام الطيب وهاذي ابتسامه مني هههههههههههه

هلا ومرحب بحر الكرم...

ومن قال سالم...
اخجلتني ب ابتسامتك...احم
تشكر على الابتسامه الجميله...اللي اسعدتني صراحه...وخلتني ابتسم لك...
وعساك دوم مبتسم وفرح...

يامرحبا بك...
ولاهنت عالمرور المبتسم...
"وابتسم"
The Master
11-04-2010, 11:33 AM
انا داااااايم مبتسمه حتى البعض يستغربون مني :nice:

اذا طلعت من البيت الصبح للدوام احصل بنات الجيران واولادهم وابتسم لهم ويردون لي الابتسامه بالابتسامه :shy:

ونفس الشيء عند الاشارات والدوارات اذا حد جنبي لازم ابتسم :omen2:
غصب عني :(:(

هلا ومرحب اختي حقيقه...

عساج ان شاء الله دوم وكل يوم يارب...

وعلمي الاطفال هالشي...والكبار كذلك...
خلج مثر الاشعاع المبهج اللي يؤثر عالناس..."يمكن كلام خيالي...لكنه واقع..."

وموفقه ان شاء الله...

ويامرحبا بك...
ولاهنتي عالمداخله الطيبه...
"وابتسمي"
حمد بن خالد
11-04-2010, 11:37 AM
مرحبا بعليان .. احم ههه ههه

:)

ابتسم لي تسلم عيونك
ما يطيـق القلـب هجرانـك
لي ابتسمـت و قلـت يا عونـك
ينشـرح بالـي علـشانـك

غيرت فيها شوي ههه

موضوغ قيم وجزاك الله خير عليه

والله لا يجيب لك الكدر والهم قول آمين

ويوفقك ويردك الدوحة سالم غانم ورافع الراس بالشهادة اللي تسرنا وتفرحنا بعيال قطر

:)
بدون
11-04-2010, 11:43 AM
http://www.mstaml.com/imagesData/f-112620.jpg


هل ماراح تقولين "ابتسم لي تسلم اعيونك"



كسرت عادتي في عدم المشاركة صباحا
شفت الصورة ما قدرت أقاوم الرد
بصراحة ابتسمت غصب علي و انا أقرا الموضوع
الله يفرحك دنيا و آخرة ،، و يفتح لك كل باب خير
و يغلق عنك كل باب شر اللهم آمين يا رب العالمين
قطرية7
11-04-2010, 11:53 AM
:cry2:تسلم عالموضوع
بس احياناً تقعد وتفكر بأشيا فجأة صارت حزتها والله ماتطلع الابتسامه ابي اصيح
ROSE
11-04-2010, 12:02 PM
وانت قاعد عالبحر...تشكي اهمومك...ومتاعبك...وشقى الايام...وشغلك وحياتك...وكيف مصاعب الدنيا على راسك...شدتك تحركات جنبك...التفت الا ب...


الله يجزيك الخير على هالموضوع

الابتسامه في زمن الانكسار
بو خليفه 123
11-04-2010, 12:15 PM
اصبحت الابتسامه تتطلب جهد من الانسان في هذا الزمن المر ..

تصدق يالماستر حاولت اتبع هذي النظريه اني اكون مُبتسم في وجه الآخرين لكن تشكيلة وجهي شريره .. يعني ماينفع !

يعني ماينفع ابتسم لك و حواجبي مقرونه و حاده .. هذي يسمونه ابتسامه خبيثه :(

فـ لذلك قررت اني اكون "الوجه الشرير" سواءً بالمكتب , البيت , المجلس .. الاماكن العامه الخ الخ .


ارفع لك قبعتي احتراماً على هذا الموضوع المتميز .
عذايب قطر
11-04-2010, 12:36 PM
موضوعك في وقته
توني كنت معصبه مووت بس لما قريت موضوعك ابتسمت لنفسي :)

موضوعك روعه بصراحه
احسنت الاختيار
تحياتي لك
عذايب قطر
حمد بن خالد
11-04-2010, 12:39 PM
اصبحت الابتسامه تتطلب جهد من الانسان في هذا الزمن المر ..

تصدق يالماستر حاولت اتبع هذي النظريه اني اكون مُبتسم في وجه الآخرين لكن تشكيلة وجهي شريره .. يعني ماينفع !

يعني ماينفع ابتسم لك و حواجبي مقرونه و حاده .. هذي يسمونه ابتسامه خبيثه :(

فـ لذلك قررت اني اكون "الوجه الشرير" سواءً بالمكتب , البيت , المجلس .. الاماكن العامه الخ الخ .


ارفع لك قبعتي احتراماً على هذا الموضوع المتميز .

ههههههههههه

يالشرير :nice:
The Master
11-04-2010, 01:22 PM
ادور واحد يبتسم لي

توني طالع من جداااااااال طويل مع احدهم
:(

هلا ومرحب اخوي الرويس...

انت ما اتدور حد يبتسم لك...الابتسامه تجيك...اذا كان قلبك صافي...وابيض...بتحس ب اي ابتسامه تواجهك...وبتفرحك...اما انك تنقي او تدور...فا هذي جديده...واشوفها في عالمك الخاص...
والله يعينك اتعين حد يبتسم لك...
The Master
11-04-2010, 01:26 PM
احب هالمواضيع اللطيفه الخفيفه .. على الاقل ماتشوف فيها جدال وهواش =)

موضوعك جميل ..

ادعو الجميع الى الابتسام حتى اللي ابتسامتهم مش ولابد (يوم من الايام ستكون جميلة).. الله جعل الابتسامه جميلة

فقط اتوقف عند اللي ابتساماتهم ساحره .. مادري اقولهم ابتسموا والا كفوا :rolleyes2:

دائما خير بداية للتواصل هي الابتسام .. قبل لا تكلم حد فقط ابتسم ستكون فتحت الباب الى حديث لطيف

الابتسامات انواع وخيرها الابتسامه الصادقه

هلا ومرحب اخوي Arab!an

الجمال في تواجدك اخوي...
والحمدلله الموضوع نال استحسانك...
اكيد...الساحره غير...ويسحرها صفاء القلب وعفويته...
لان في اعتقادي مهما كانت الابتسامه او جمال الوجه او طريقة الابتسامه...ماتفرق...الا ب العفويه ونقاء القلب والضحكه...هذي هي الساحره اللي ماتنوصف...لذلك غالبا ابتسامات الاطفال هي احلى الابتسامات...

واشكرك على المشاركه المثريه اخوي...ردك جميل...

ويامرحبا بك...
ولاهنت عالتواجد...
"وابتسم"
The Master
11-04-2010, 01:31 PM
مرحبا بعليان .. احم ههه ههه

:)

ابتسم لي تسلم عيونك
ما يطيـق القلـب هجرانـك
لي ابتسمـت و قلـت يا عونـك
ينشـرح بالـي علـشانـك

غيرت فيها شوي ههه

موضوغ قيم وجزاك الله خير عليه

والله لا يجيب لك الكدر والهم قول آمين

ويوفقك ويردك الدوحة سالم غانم ورافع الراس بالشهادة اللي تسرنا وتفرحنا بعيال قطر

:)

يالله حيهم حمد بن خالد...

هلا بك...نورت خيو...

ياعيني على اللي قاعد يتغنى ويألف...احم

حاضرين لك...واهم شي انه اعجبك...
امين يارب...ولك كذلك...ولجميع المسلمين...والله يجزاك خير عالدعوه الطيبه...

الله يسمع منك...ويوفقنا...ونرفع راس بلادنا قبل اهلنا ونفسنا...
في النهايه نمثل قطر...وهذا شرفنا...
"ابشر باحط اصوري بالجرايد...لخلصت...خبرك ان شاء الله يشوفنا الامير ويقدرنا...احم..." احلى شي الطموح...ويكون عندك هدف تسعى له...

بيض الله وجهك عالدعوه الطيبه...والكلام المشجع...احييك عليه اخوي...

ويامرحبا بك...
ولاهنت على المرور المبتسم خيو...
"وابتسم"
The Master
11-04-2010, 01:34 PM
http://www.mstaml.com/imagesdata/f-112620.jpg


هل ماراح تقولين "ابتسم لي تسلم اعيونك"



كسرت عادتي في عدم المشاركة صباحا
شفت الصورة ما قدرت أقاوم الرد
بصراحة ابتسمت غصب علي و انا أقرا الموضوع
الله يفرحك دنيا و آخرة ،، و يفتح لك كل باب خير
و يغلق عنك كل باب شر اللهم آمين يا رب العالمين

هلا ومرحب خيو بدون...
اهم شي خليناك تبتسم...وبردك افرحتني انك ابتسمت...
عسى البسمه دوم ماتفارق محياك يارب...

امين يارب...ولك بالمثل...والله يجزاك خير عالدعاء الطيب...
شي يشعرك بالسعاده...لما تفرح غيرك...ويردون عليك بالمثل...بارك الله فيك...

ويامرحبا بك...
ولاهنت عالمشاركه اخوي...اقدرها...
"وابتسم"
BIG-VEGA
11-04-2010, 01:38 PM
:)





.
The Master
11-04-2010, 01:42 PM
:cry2:تسلم عالموضوع
بس احياناً تقعد وتفكر بأشيا فجأة صارت حزتها والله ماتطلع الابتسامه ابي اصيح

هلا ومرحب اختي لولو قطر...

ومن قال سالم...
اكيد الانسان بشكل عام معقد...وفيه عقليات معقده وماينفهم لها...وصعب معرفة ردة الفعل مهما كان...
لكن الواحد يحاول يبسط الامور...ويسهلها...
ويعود نفسه على اشيا تسعده...مره ثنتين ثلاث...وكذا راح تعدي الامور سهالات...
ولازم وجود الحزن في حياتنا...منها نستمد قوتنا...ورجوعنا...ونكون اقوى من قبل...
فا سهالات ان شاء الله...وبسطي الامور...وراح تعدي سهالات...

ويامرحبا بك...
وموفقه وين ماحليتي...
"وابتسمي اختي"
The Master
11-04-2010, 01:47 PM
وانت قاعد عالبحر...تشكي اهمومك...ومتاعبك...وشقى الايام...وشغلك وحياتك...وكيف مصاعب الدنيا على راسك...شدتك تحركات جنبك...التفت الا ب...


الله يجزيك الخير على هالموضوع

الابتسامه في زمن الانكسار

يالله حيهم اختي روز...

ويجزيك بكل خير يارب...

اخر جمله تحتاج موضوع لحالها...
لكن الواحد دايما باللي حواليه يقوى...
وان ماكان حد حوله...عنده اللي كون اللي حواليه...دايما موجود يسمعه...يسمع صوته...دعوته...استنجاده به...وهو الوحيد القادر على تنفيس الكرب والهموم...

وعليك بالصحبه الطيبه...اللي تقويك على الخير...وعمل الخير...ترا ينفعونك كثير في الاوقات الصعبه...
وابتسامتهم...هي مفتاح الحل...

والاسنان يحاول يقارن باللي ربي عطاه اياه...باللي اخذه منه...بتلقى عطايا ربي اكثر...فا ليه ماتكون سعيد...شوف عيالك...هلك...جماعتك...صحتك...شغلك...تنفسك...كلها لك...فا خلك شاكر...وحامد...دائما وابدا...

ويامرحبا بك...
ولاهنتي على المرور...
"وابتسمي دائما وابدا"
دلوليانوز
11-04-2010, 04:07 PM
رايق.....
The Master
11-04-2010, 08:09 PM
اصبحت الابتسامه تتطلب جهد من الانسان في هذا الزمن المر ..

تصدق يالماستر حاولت اتبع هذي النظريه اني اكون مُبتسم في وجه الآخرين لكن تشكيلة وجهي شريره .. يعني ماينفع !

يعني ماينفع ابتسم لك و حواجبي مقرونه و حاده .. هذي يسمونه ابتسامه خبيثه :(

فـ لذلك قررت اني اكون "الوجه الشرير" سواءً بالمكتب , البيت , المجلس .. الاماكن العامه الخ الخ .


ارفع لك قبعتي احتراماً على هذا الموضوع المتميز .

هلا ومرحب بو خليفه321

اي اصدق ليه ما اصدق...عندنا وعندك خير...احم
في واحد من الربع الله يذكره بالخير...
وجهه غضبان...لدرجه مسمينه سنفور غضبان..."اني اكره هذا...احم"

فا عندنا مشكله ولا شي...مايحتاج...نقول له مايحتاج تعصب بس ورهم وجهك وهو بيخافون...احم

لكن تعال شوفه اذا ابتسم...شي ثاااااني...ماشاء الله تقول مب هذا الشخص اللي كان من شوي مبين انه مقفل...

فا اترك عنك النظره الشريره...واذا جات عالحواجب...عندنا وعندك خير...لركعنا الحواجب تقطر ماي عقب الوضو...احم

فا ابتسم تحلى ايامك...وحياتك...ياخوي اكفايه لابتسمت...تحس ان مافي حد اسعد منك عالارض...وهذا شعور قليل من الناس يحسه...

بيض الله وجهك...ولي الشرف اخوي...اعجباك بالموضوع...

ويامرحبا بك...
ولاهنت عالمرور الشرير المفعم ب الابتسامه...احم
"وابتسم"
The Master
11-04-2010, 08:12 PM
موضوعك في وقته
توني كنت معصبه مووت بس لما قريت موضوعك ابتسمت لنفسي :)

موضوعك روعه بصراحه
احسنت الاختيار
تحياتي لك
عذايب قطر

هلا ومرحب اختي عذايب قطر...

الحمدلله اهم شي راح الغضب...وجات مكانها الابتسامه...هذا كفايه عندي...

الروعه في تواجدك...
والحمدلله...كله من فضل ربي...

والله يبعد عنك العصبيه والغضب...كلنا نمر فيها...لكن من يصحينا ويفتح اعيونا على التصرف الصحيح...هو هذا اللي ينقصنا...واللي انا احول اوصله...

يامرحبا بك...
ولاهنتي عالكلام الجميل...
"وابتسمي"
The Master
11-04-2010, 08:13 PM
:)





.


احم...
هلا ب السمي...

تصدق مع انك بس حاط ابتسامه..
انا ابتسمت...
حسيت انها طالعه من قلبك...

يامرحبا بك...
"وابتسم"
بنت ذياب
11-04-2010, 08:54 PM
هههههههههههههههههههههههههه

موضوع عجيب

هل تعلم ياخي الكريم

ان اقصر مسافة بين كل شخصين هي : الابتسامة

سبحان الله مفعولها عجيب

امس كنت اتمشى بالسوق.. وضاايقه فيني الدنياا .. وعيوني كلها دمووع

جان تمر وحده هبله ههههههه تمشي وتغني وشكلها رااايقه من قلللب

التفتت علي.. طالعتني .. ابتسمت .. وبعدين اضحكت .. شكلها اضحكت على نفسها

وبعد مارحت .. انسسسسدحت من الضحك عليها .. حسيتها عبيطة:shy:

بس صج غيرت لي موودي..

:nice:

يسلمو اخوووي عالموضوع

يالله كل من يقرى الموضوع الحين.. يشق حلجه

قولوا cheeeeeeeeeeeeeeese

:nice:
بنت ذياب
11-04-2010, 08:59 PM
اصبحت الابتسامه تتطلب جهد من الانسان في هذا الزمن المر ..

تصدق يالماستر حاولت اتبع هذي النظريه اني اكون مُبتسم في وجه الآخرين لكن تشكيلة وجهي شريره .. يعني ماينفع !

يعني ماينفع ابتسم لك و حواجبي مقرونه و حاده .. هذي يسمونه ابتسامه خبيثه :(

فـ لذلك قررت اني اكون "الوجه الشرير" سواءً بالمكتب , البيت , المجلس .. الاماكن العامه الخ الخ .


ارفع لك قبعتي احتراماً على هذا الموضوع المتميز .


صح هاذي مشكلة بعد !!

نفس المشكلة انا.. تشكيلة ويهي شريرة !! :(

ماينفع ابتسم .. لاني لو ابتسمت يقولون لي شفيج مخيسه وتبتسمين لنا من غير نفس:rolleyes2:

حتى امي اذا عندنا ضيوف ولا شي.. تقولي بنت ذياب.. هالله هالله بالابتسامه بليز

ف لقيت الحل اخيييرا :( ..

ان المفروض ماابتسم ..

لاااازم اشق حلجي .. عشان مايبين اني مخيسة ولا معصصبة ..:omen2:

جرب هالطريقة وبتدعي لي :omen2:
Arab!an
11-04-2010, 11:42 PM
نسيت اقولك ان توقيعي هذا والتوقيعات اللي قبله كلها تدعو للأبتسام =) :) =>
خفوق
12-04-2010, 03:08 AM
فديت الاطفال اللي في الصور ماحلا ابتسامتهم

موضوعك حلو بس صعب وقت التطبيق لانك ماتقدر تتصنع الابتسامه وداخلك زعلان
خفوق
12-04-2010, 03:15 AM
مسكين كسر خاطري بوخليفه اللي يقول الوجه الشرير والابتسامه الخبيثه :p

مساكين بعض الناس اشكالهم تظلمهم تحسهم مطنقرين ومنفسين وهم العكس
بو خليفه 123
12-04-2010, 11:24 AM
مسكين كسر خاطري بوخليفه اللي يقول الوجه الشرير والابتسامه الخبيثه :p

مساكين بعض الناس اشكالهم تظلمهم تحسهم مطنقرين ومنفسين وهم العكس

صج كسرت خاطرج ؟

ناويه تسددين ديوني ؟
هاب الريح
12-04-2010, 03:45 PM
اصبحت الابتسامه تتطلب جهد من الانسان في هذا الزمن المر ..

تصدق يالماستر حاولت اتبع هذي النظريه اني اكون مُبتسم في وجه الآخرين لكن تشكيلة وجهي شريره .. يعني ماينفع !

يعني ماينفع ابتسم لك و حواجبي مقرونه و حاده .. هذي يسمونه ابتسامه خبيثه :(

فـ لذلك قررت اني اكون "الوجه الشرير" سواءً بالمكتب , البيت , المجلس .. الاماكن العامه الخ الخ .


ارفع لك قبعتي احتراماً على هذا الموضوع المتميز .

على هذي المواصفات " انت شخص غير مرغوب فيك في امريكا وانت عادك في الدوحه مب ناطرينك لين توصل "
بس انت عندنا روحك حلوة ومشاركاتك احلى ,,

وتقبل مروري ...
alrheeb2020
12-04-2010, 03:49 PM
الله يعطيك العافيه اخوي ..


موضوع روعه والله ..


ويارب انكون من الشهداء المبتسمين ..


الله يجزيك الجنه اخوي
honey
12-04-2010, 08:08 PM
فعلا للابتسامة دور فعال في تغير النفسيه
The Master
12-04-2010, 08:25 PM
رايق.....

رايق عليك راااايق...
امر...قول تدلل...الكل لك عاااشق...احم
اشدخل من قلب...احم

عساك دوووم يارب...
"وابتسم تسلم لي اعيونك"
The Master
12-04-2010, 08:30 PM
هههههههههههههههههههههههههه

موضوع عجيب

هل تعلم ياخي الكريم

ان اقصر مسافة بين كل شخصين هي : الابتسامة

سبحان الله مفعولها عجيب

امس كنت اتمشى بالسوق.. وضاايقه فيني الدنياا .. وعيوني كلها دمووع

جان تمر وحده هبله ههههههه تمشي وتغني وشكلها رااايقه من قلللب

التفتت علي.. طالعتني .. ابتسمت .. وبعدين اضحكت .. شكلها اضحكت على نفسها

وبعد مارحت .. انسسسسدحت من الضحك عليها .. حسيتها عبيطة:shy:

بس صج غيرت لي موودي..

:nice:

يسلمو اخوووي عالموضوع

يالله كل من يقرى الموضوع الحين.. يشق حلجه

قولوا cheeeeeeeeeeeeeeese

:nice:

هلا ومرحب اختي بنت ذياب..."هلا بالايجابيه البشوشه"

تصدقين كل ما اشوف لك رد...احس ان الابتسامه موجوده في ردك...فا هذي نعمه من الله لك...استغليها للناس المتكدرين...عشان ترفعين معنوياتهم...

ها شفتي...هي ماكانت تقصد انها تسعدك...لكن ابتسامتها العفويه هي اللي اسعدتج...وطبعا خبالها...احم
لكن مانوصي الناس يكونون مصفوقين...لكن سبحان الله ربي سخرها لج في ذاك الوقت بس عشان تسعدج...وتنفس عنك...فا الحمدلله والمنه...

ومن قال سالم اختي...واجبنا نفرحكم...عسى ربي ياجرنا عليه...

تشييييييييييييييززززززززز"الزاء شاير"زززززززز"الاسنان ماتبغي تفتح..احم"

يامرحبا بك ااختي...
ولاهنتي عالمشاركه الفعاله والمثريه...
"ودوم ان شاء الله مبتسمه"
The Master
12-04-2010, 08:33 PM
صح هاذي مشكلة بعد !!

نفس المشكلة انا.. تشكيلة ويهي شريرة !! :(

ماينفع ابتسم .. لاني لو ابتسمت يقولون لي شفيج مخيسه وتبتسمين لنا من غير نفس:rolleyes2:

حتى امي اذا عندنا ضيوف ولا شي.. تقولي بنت ذياب.. هالله هالله بالابتسامه بليز

ف لقيت الحل اخيييرا :( ..

ان المفروض ماابتسم ..

لاااازم اشق حلجي .. عشان مايبين اني مخيسة ولا معصصبة ..:omen2:

جرب هالطريقة وبتدعي لي :omen2:

اقول...بوخليفه...صرت للتجارب خيو...
مابقى حد الا عطاك نصيحه...احم
يالله عشان تعرف ان الاعضاء يهمهم انك تبتسم...واترك عنك الشر...احم
The Master
12-04-2010, 08:39 PM
نسيت اقولك ان توقيعي هذا والتوقيعات اللي قبله كلها تدعو للأبتسام =) :) =>

هذا التوقيع اللي انت الحين الحين حاطه يدعوا للابتسام؟؟؟

اقول ارابيان...اخبارك بس...انت طيب...احم

المهم...
اهم شي الابتسامه الغصب...
لكن احييك عالفكره...الله ينور خيو...
والله يعطيك على قد نيتك...يارب...
وكيب موفينق فورورد...
The Master
12-04-2010, 08:45 PM
فديت الاطفال اللي في الصور ماحلا ابتسامتهم

موضوعك حلو بس صعب وقت التطبيق لانك ماتقدر تتصنع الابتسامه وداخلك زعلان

هلا ومرحب اختي خفوق...

اكيد...اللي محلي الموضوع الاطفال...

الصعوبه في كل شي في حياتنا...
لكن لما انتعود وانعود انفسنا...يصير الشي روتيني...وانتحكم فيه بسهوله...

وشي طبيعي صعب لما اتكون معصب او متكدر تبتسم...
هذا قانون الحياة...مافي شي دايما جميل...او دايما حلو...او دايما على هوانا...
فا علينا حنا انغير وانحاول...
فا انت لما تكون طبيعي ابتسم...وفرح اللي حواليك...
وفي المقابل انت بكره على الخير اللي سويته...ب اذن الله ومثل ما ابتسمت لغيرك...ربي بيسخر لك شخص يبتسم لك...ويفرحك...

اهم شي الفكره اوصلت...حاولت ابسطها...وان شاء الله فهمتي...

ويامرحبا بك...
ولاهنتي عالمرور اختي...
"وابتسمي"
The Master
12-04-2010, 08:55 PM
الله يعطيك العافيه اخوي ..


موضوع روعه والله ..


ويارب انكون من الشهداء المبتسمين ..


الله يجزيك الجنه اخوي

هلا ومرحب اخوي الرهيب..."عاش من شافك خيو"

ويعافيك يارب...
الروعه في مرورك...وكلامك الطيب...
امين يارب...عسى ربي يجمعنا ابهم وبالانبياء في الفردوس الاعلى...يارب...

ويجزاك بالمثل...ولجميع المسلمين...

بيض الله وجهك عالكلام الطيب...من طيبك اخوي...

يامرحبا بك...
ولاهنت...
"وابتسم"
The Master
12-04-2010, 08:56 PM
فعلا للابتسامة دور فعال في تغير النفسيه

هلا ومرحب بالعسل...احم

اكيد مافي شك في ذلك...
وعشان كذا ندعوا بالمثابره...ونشر الابتسامات...
عسى في يوم من الايام انكون متكدرين...ويجي شخص يبتسم لنا يغير مزاجنا للاحسن...

يامرحبا بك...
ولاهنتي عالمرور...
"وابتسمي"
بو خليفه 123
13-04-2010, 08:33 AM
على هذي المواصفات " انت شخص غير مرغوب فيك في امريكا وانت عادك في الدوحه مب ناطرينك لين توصل "
بس انت عندنا روحك حلوة ومشاركاتك احلى ,,

وتقبل مروري ...


بعد اذنك يالماستر ارد على تعقيب الأخ هاب ريح "شكلي صرت محور موضوعك بالنقاش" ههههه


للأسف يا هاب ريح اني كنت من اكثر المرحبين بهم في امريكا اثناء رحلتي بين الولايات ..

لا نيو يورك ولا لاس فيجاس ولا لوس انجلوس ولا واشنطن لقيت اي معامله شاذه سواءً في المطارات , القهاوي او المطاعم طالما انت محترم نفسك .

عكس بعض الدول العربيه اللي حتى لما تسلم عليه مايرد عليك السلام ... الظاهر حواجبي في هذي البلدان لها مفعول سلبي على مشاعرهم ;) !

تحياتي
The Master
14-04-2010, 11:27 AM
بعد اذنك يالماستر ارد على تعقيب الأخ هاب ريح "شكلي صرت محور موضوعك بالنقاش" ههههه


للأسف يا هاب ريح اني كنت من اكثر المرحبين بهم في امريكا اثناء رحلتي بين الولايات ..

لا نيو يورك ولا لاس فيجاس ولا لوس انجلوس ولا واشنطن لقيت اي معامله شاذه سواءً في المطارات , القهاوي او المطاعم طالما انت محترم نفسك .

عكس بعض الدول العربيه اللي حتى لما تسلم عليه مايرد عليك السلام ... الظاهر حواجبي في هذي البلدان لها مفعول سلبي على مشاعرهم ;) !

تحياتي

خذ راحتك اخوي...
اهم شي بفايده للناس...

احم...
امس مسوي مشكله واليوم اوزع ابتسامات...احم

اهم شي النيه...وعدت على خير...
هاب الريح
14-04-2010, 09:31 PM
" عودآ حميدآ ان شاء الله "

سهالات يا الغالي : بو خليفة123 كل اللي في المنتدى يمونون عليه , بس الحين عندكم بداية فصل الشتاء , بس تكفى شلون الجوى الحين .

وتقبل مروري .
The Master
14-04-2010, 09:54 PM
" عودآ حميدآ ان شاء الله "

سهالات يا الغالي : بو خليفة123 كل اللي في المنتدى يمونون عليه , بس الحين عندكم بداية فصل الشتاء , بس تكفى شلون الجوى الحين .

وتقبل مروري .

يالله حيهم...
اولا تشكر على كلامك امس...هذا شرف لي خيو...
وان اختلفنا في الاراء...يبقى الاحترام موجود...
كنت باعقب على كثير من المشاركات واقول وش عندي...لكن راعي المنتدى انهى الموضوع...وما اللومهم...منتداهم وشي راجع لهم...كان اقتنعنا بوجهة نظرهم ولا لا...

المهم...

عن الجو...
اووووووه...ماعليه كلام ياولد...ترتيب...
صار لنا حول ال 4 ايام مطر كل يوم...
ولا تدري...حياك هالرابط...وشوف الفيديو...والجو...

تفضل هنا (http://www.qatarshares.com/vb/showthread.php?p=5730062#post5730062)
The Master
29-05-2010, 07:10 PM
للرفع...خل الناس تبتسم شوي من النكد اللي هم فيه...احم
مــــلاك
29-05-2010, 08:51 PM
موضوعك ما اقدر اقول جى في و قته لان معنون بتاريخ قديم
ولكن اقول انا قريته في وقت محتاجته وخليتني ابتسم :)
جزاك الله خير

نحتاج للابتسامه دائما بس مرات الزعل والضيق مايخلونا نضحك
احاول اضحك بس احسها مصطنعه ...
موضي قطر
29-05-2010, 09:28 PM
ماشاء الله على طرحك لمواضيعك ( ترى قلت ماشاء الله عشان ماتقول اني نضلتك :nice:
ارين
30-05-2010, 12:56 AM
أنقش على كفوف الصباح ( التفاؤل )

وارسم على وجه الليالي .." ابتسامات "

لأنّ العمر في كل يوم يتضائل !

وإن ما زرعت الفرْح بيموت بسكات !




رائع يا أخي The Master .. موضوعك في قمة الروعة



شكرا لك والله يعطيك العافية

http://i481.photobucket.com/albums/rr173/lots_341/2008_03_17_smile.jpg
نعيمه علي
30-05-2010, 02:42 PM
:)

وهل أجمل من الإبتسامة
برغمِ كل شيء

رائع في كل ما تكتب وتهدف
اطيب تحياتي


.
The Master
10-11-2010, 02:38 AM
الله يجزاكم خير على تواجدكم وحضوركم...وكلامكم الطيب...

لاهنتوا جميعا...
ويامرحبا الساع...
بصمة قطرية
10-11-2010, 02:50 AM
جعل الابتسامة ما تفارقك أبد ..
موضوع جميل ورائع ويخليك تبتسم غصباً عنك ..
يازين الابتسامة ومفعولها السحري على القلوب ..

ذكرتني اخوي من فترة كنت رايحة موعد للمستشفى في العيادة المسائية
وبالضبط مكان سحب الدم ..
اول ما دخلت سلمت ردت السلام الممرضة
شافتني ابتسمت لها
قالت لي قولي آمين ..
استغربت ..!!
قلت آمين ..
قالت لي يارب ما تفارقج الابتسامة ..
ياريت كل اللي يدخلون علينا يبتسمون هالابتسامة الحلوة ينسوننا
شوي من الضغط والتعب اللي فينا ..
والله دمعت عيني من كلامها ..

الابتسامة مجرد حركة بسيطة مش محتاجة شي ولا محتاجة مجهود
ليش نحرم اللي حوالينا منها وهو ينتظرونها ..
The Master
10-11-2010, 11:32 PM
جعل الابتسامة ما تفارقك أبد ..
موضوع جميل ورائع ويخليك تبتسم غصباً عنك ..
يازين الابتسامة ومفعولها السحري على القلوب ..

ذكرتني اخوي من فترة كنت رايحة موعد للمستشفى في العيادة المسائية
وبالضبط مكان سحب الدم ..
اول ما دخلت سلمت ردت السلام الممرضة
شافتني ابتسمت لها
قالت لي قولي آمين ..
استغربت ..!!
قلت آمين ..
قالت لي يارب ما تفارقج الابتسامة ..
ياريت كل اللي يدخلون علينا يبتسمون هالابتسامة الحلوة ينسوننا
شوي من الضغط والتعب اللي فينا ..
والله دمعت عيني من كلامها ..

الابتسامة مجرد حركة بسيطة مش محتاجة شي ولا محتاجة مجهود
ليش نحرم اللي حوالينا منها وهو ينتظرونها ..

هلا بك اختي بنوتة اقطريه...

الله يجزاك خير يارب...والله يسمع منك يارب...
وانتي كذلك...

الحمدلله ان الابتسامه على محياك...وعساها دوم يارب...

وتشكرين على هالقصه الجميلة...واللي انتمنى اغلبنا يطبقها...ونرسم الفرحه عالجميع...

جميلة مشاركتك...ومثريه... الله يجزاك خير...

ويامرحبا بك...
ولاهنتي...
خالـــــد
10-11-2010, 11:41 PM
ههههههههههههه

الله يرضى عليك

موضوع رائع لا هنت اخوي ماستر
بدون
11-11-2010, 01:31 AM
موضوعي المفضل في المنتدى
:)
ابتسم لي تسلم عيونك
ولد شرق
11-11-2010, 07:37 AM
وكانوا اللي يشتغلون كلهم كانوا استراليين و شرق اسيويين...لكن واحد بينهم...خلاني انتبه عليه



عفوا اخوي ممكن اعرف اسم المطعم المزحوم و فيه طابور وكله استراليين؟

الصراحه شوقتني للمطعم
The Master
07-02-2011, 07:11 AM
كل الشكر على المرور الطيب...لاهنتوا...

وعن اللي يسأل عن المطعم...مر ماكدونالدز في استراليا... :)
الصريحه
07-02-2011, 07:49 AM
جزاك الله كل خير
هتـان قطر
07-02-2011, 08:03 AM
لولا أهمية الابتسامة ..ما أوصانا بها نبينا الكريم

صلى الله عليه وسلم.." تبسمك في وجه أخيك صدقة "



بس ملاحظة صغيرة أخوي الماستر

انت شاللي لفت انتباهك...؟؟

هل هي الابتسامة ..؟؟

والا الشخص اللي أمامك ..لانه خليجي..؟؟
The Master
18-02-2011, 02:00 AM
لولا أهمية الابتسامة ..ما أوصانا بها نبينا الكريم

صلى الله عليه وسلم.." تبسمك في وجه أخيك صدقة "



بس ملاحظة صغيرة أخوي الماستر

انت شاللي لفت انتباهك...؟؟

هل هي الابتسامة ..؟؟

والا الشخص اللي أمامك ..لانه خليجي..؟؟

انه حليجي...وعقبها الابتسامه اللي اسعدتني...جدا جدا...شي مب طبيعي الصراحه...احم
kakashi
18-02-2011, 05:41 AM
ان شاء الله دائما الابتسامه مرسومه على وجوهكم ..

تســـــــــــــــلم ياالماستر:nice: اشرايك في هالابتسامه