أين حماية أسرار وخصوصية العميل من الإنتهاك يا ((كيوتل))

[إينشتاين]

ماذا لو أحسست أن خصوصيتك منتهكة ؟؟ ماذا لو أحسست أن أسرارك مكشوفة للغير ؟؟ ماذا لو أحسست أنك شفاف ومرئي لبعض الناس وليس كل الناس ؟؟ فمن يا ترى هم هؤلاء الناس ؟؟
الجواب : هؤلاء الناس الذين باستطاعتهم كشف أسرارك هم من لديهم معارف يعملون في كيوتل.

باختصار لدي صديق قال لي أنه باستطاعته أن يعرف تفاصيل المكالمات الصادرة والواردة وتفاصيل الرسائل والصور التي أرسلها أو استقبلها على هاتفي عن طريق إحدى الموظفات في كيوتل،، في بادئ الأمر لم أصدقه وقلت له أنت تعرف رقم تلفوني حاول أن تعرف ما تستطيع معرفته واخبرني ماذا حصلت عليه ،، في اليوم التالي أتاني ضاحكاً مسروراً وهو يحمل في يده ورقة ويقول إقراء مابها ،، وكم كانت صدمتي كبيره عندما وجدت الرسائل التي كتبتها والتي استقبلتها لمدة يوم كامل مكتوبة أمامي في هذه الورقة ،، والأدهى والأمر أن هناك بعض الرسائل التي قمت بإرسالها إلى أهلي وكانت في طياتها بعض الخصوصيات العائلية لم تكن موجودة في تلك الورقة بالرغم أنني متأكد من كتابتها في نفس اليوم ،، وعندما سالت صديقي عنها ابتسم وأدعى أنه لا يعرف عنها شيئا ً وأكاد اجزم انه قرأها ،، لم تتوقف المفاجئات إلى هذا الحد ،، فحين قلبت الورقة وجدت الأرقام التي اتصلت عليها وكذلك التي استقبلتها في اليوم السابق وبجانبها أسماء أصحابها !!!!!!!!!

بالإضافة إلى ذلك فأن هذه السيدة التي تعمل في كيوتل تقدم خدماتها بالمجان لصديقاتها ومعارف صديقاتها بأن تخبرهم باتصالات ازواجهم وكافة الرسائل والصور المرسلة والمستلمة على هواتفهم،،

السؤال الموجة إلى كيوتل ..
أين حماية خصوصيات وأسرار العميل من التسرب ؟؟
لماذا لا يحلفون الموظفين والموظفات القسم على المصحف بعدم تسريب أي من أسرار العميل وخصوصاً الموظفين الذين يحملون تصريح للدخول لمثل هذه المعلومات ؟؟

[نمر بن عدوان]

ليش ماكتبت (منقول) !!!!!!!

[ANONYMOUS]

:cry2:

[إينشتاين]

ليش ماكتبت (منقول) !!!!!!!



ليه يابن عدوان اكتب منقول وهو ليس بمنقول ؟؟؟؟

الموضوع صار لي شخصياً وانا الي كاتبه ،، فما له داعي اكتب (منقول)

[شموع قطريه]

حسبي الله عليهم الليمايخافون الله هذي خصوصيات شلون يطلعونها للناس وهالوحده ماخافت ربها هالشي أمانه في رقبتها ومثل ماتنشر خصوصيات الناس بيجي يوم وبتلقى خصوصياتها منتشره من اقرب مالها لان الجزاء من جنس العمل .. صج ناس ماعندهم ذمه وال ضمير والمفروض مثل هالوظايف يحلفون الموظفين بانهم يحافظون على خصوصيات العميل وماينشرونها لاحد

[ماريسا]

حسبي الله و نعم الوكيل
اخوي لاتصدق كلام رفيجك ان وحدة اللي معطته المعلومات
يمكن واحد
الله يفضحهم ان شالله

[إينشتاين]

حسبي الله و نعم الوكيل
اخوي لاتصدق كلام رفيجك ان وحدة اللي معطته المعلومات
يمكن واحد
الله يفضحهم ان شالله


اختي مافيه فرق إذا كان واحد أو وحده ،، المهم انهم موظفين كيوتل ومؤتمنين على اسرار الناس ولكنهم خانوا الأمانه.

[KING OF FISH]

اخوي من حوالي اسبوعين كتبت مقال كبير في هذا المنتدى ((المحترم)) بأن خصوصياتنا في كيوتل (((المحترمة))) مخترقة وفيها بعض الموظفين والموظفات ضعيفي النفوس يفشون أسرارنا ويطلعون الصادر والوارد ويسجلون لكن روح شوف الردود لاتغني ولاتسمن من جوع ومن ذلك اليوم لم أكتب ولن أكتب وإذا حاب ارجع وشوف المقال لكن كانت الردود في معظمها ((أطنازة)) وضحك وغشمرة مع العلم اني امسوي اربع بلاغات في مراكز الشرطة حسبي الله ونعم الوكيل والحمد لله .

[الأصيلة]

تقدر تقدم شكوى وترفع عليهم قضية
كفايه ها السلبية اللي احنا عايشينها
شوفوا اشلون الناس تاخذ حقوقها كاملة...
المفروض يصير تحقيق في الموضوع حتى يرتدعوا عن كشف عورات الناس...

[إينشتاين]

تقدر تقدم شكوى وترفع عليهم قضية
كفايه ها السلبية اللي احنا عايشينها
شوفوا اشلون الناس تاخذ حقوقها كاملة...
المفروض يصير تحقيق في الموضوع حتى يرتدعوا عن كشف عورات الناس...


الصراحة انا موب ناوي اسكت عالموضوع،،
بس ياليت حد يقولي وين اشتكي ،،
إذا اشتكيت في كيوتل حاميها حراميها ،،
وإذا اشتكيت عند الشرطة ماعرف اسم الموظفة وصاحبي رافض يعطيني اياه ،، والمشكلة الأكبر إن صاحبي ممكن ينضر من هالموضوع وهو ماله ذنب انا الي تحديته وطلبت منه يطلع الي يقدر عليه..

[نايم سهران]

اخوي كيوتل مالها دخل الشخص نفسه هو الي لازم يتحاسب انت لو رحت ورفعت قضيه اكيد واكيد الشخص راح يروح في مليون داهيه بس المشكله وين انه رفيجك وماتقدر تسوي شي صح ولالا بس لو كان شخص ثاني اكيد راح تحاسبه يعني كيوتل اكيد مانعين هالتصرفات والخرابيط بس المشكله ف الموظفين نفسهم وموب بس في كيوتل في اماكن وايد تصير انه مثلا واحد من الربع يتحدى رفيجه وف النهاية يسوي الي في راسه بس رفيجه مايقدر يسوي شي لانه لو اشتكى ذاك بيروح في 60 داهيه بس صراحه هاي حركات يهال ومالها داعي انه الواحد يتدخل في امورك واسرارك الشخصيه

[جنوب الدوحه]

ماذا لو أحسست أن خصوصيتك منتهكة ؟؟ ماذا لو أحسست أن أسرارك مكشوفة للغير ؟؟ ماذا لو أحسست أنك شفاف ومرئي لبعض الناس وليس كل الناس ؟؟ فمن يا ترى هم هؤلاء الناس ؟؟
الجواب : هؤلاء الناس الذين باستطاعتهم كشف أسرارك هم من لديهم معارف يعملون في كيوتل.

باختصار لدي صديق قال لي أنه باستطاعته أن يعرف تفاصيل المكالمات الصادرة والواردة وتفاصيل الرسائل والصور التي أرسلها أو استقبلها على هاتفي عن طريق إحدى الموظفات في كيوتل،، في بادئ الأمر لم أصدقه وقلت له أنت تعرف رقم تلفوني حاول أن تعرف ما تستطيع معرفته واخبرني ماذا حصلت عليه ،، في اليوم التالي أتاني ضاحكاً مسروراً وهو يحمل في يده ورقة ويقول إقراء مابها ،، وكم كانت صدمتي كبيره عندما وجدت الرسائل التي كتبتها والتي استقبلتها لمدة يوم كامل مكتوبة أمامي في هذه الورقة ،، والأدهى والأمر أن هناك بعض الرسائل التي قمت بإرسالها إلى أهلي وكانت في طياتها بعض الخصوصيات العائلية لم تكن موجودة في تلك الورقة بالرغم أنني متأكد من كتابتها في نفس اليوم ،، وعندما سالت صديقي عنها ابتسم وأدعى أنه لا يعرف عنها شيئا ً وأكاد اجزم انه قرأها ،، لم تتوقف المفاجئات إلى هذا الحد ،، فحين قلبت الورقة وجدت الأرقام التي اتصلت عليها وكذلك التي استقبلتها في اليوم السابق وبجانبها أسماء أصحابها !!!!!!!!!

بالإضافة إلى ذلك فأن هذه السيدة التي تعمل في كيوتل تقدم خدماتها بالمجان لصديقاتها ومعارف صديقاتها بأن تخبرهم باتصالات ازواجهم وكافة الرسائل والصور المرسلة والمستلمة على هواتفهم،،

السؤال الموجة إلى كيوتل ..
أين حماية خصوصيات وأسرار العميل من التسرب ؟؟
لماذا لا يحلفون الموظفين والموظفات القسم على المصحف بعدم تسريب أي من أسرار العميل وخصوصاً الموظفين الذين يحملون تصريح للدخول لمثل هذه المعلومات ؟؟

شوف الي بالاحمر.. شفت هذا الشي وشهته على ناس ..

في حريم مافيهم اعقول او ما عندهم ضمير يتسببون في تفكك الاسر ..

السؤال لو انت صار لك مثل هذا الموقف شنو بيكون فعلك ؟

[بوليد]

اخوي هالشي عادي جدا
لو حصل هالشي بشركة اجنبية كان هالمؤظفين تفنشو على طول وتحولو للتحقيق
الله يهدي مؤظفين كيوتل بس هم فئة قليلة في منهم الامين وياكثرهم

[إينشتاين]

اخوي هالشي عادي جدا
لو حصل هالشي بشركة اجنبية كان هالمؤظفين تفنشو على طول وتحولو للتحقيق
بالنسبة لي مايهمني وش يعني واحد يطلع اسمك الرباعي الا لو كنت خايف من شي !!! او مستحي من اسمك



هل هو عادي عندك حد يقرأ رسايلك الخاصة الي مرسلها لزوجتك ؟؟
أو أي راسايل اخرى موجهها لأي شخص فيها اسرار ماتبي حد يعرفها ؟؟

[Gentleman]

عادي أخوي هذا الشي موجود من زمان وتقريباً أغلب موظفي كيوتل اللي عندهم اطلاع على المعلومات السرية يسوون هالخدمات حق أهاليهم ومعارفهم. هذا غير التلاعب في بيع الأرقام المميزة اللي تمر على عدة مراحل من التصفية قبل عرضها للبيع وآخر مرحلة هي أن الموظف البسيط على الكاونتر يختار من الأرقام بعد ما يقطونها الكبار والهوامير. وإذا تبي رقم حلو شوفوا لكم حد شغّال في كيوتل.
بس عطني أي رقم تليفون وأنا أطلّع لك كل الأرقام المسجلة تحت اسم صاحب الرقم وعنوان بيته وتفاصيل مكالماته... ومن ملاحظاتي أنه للأسف أكثر من يسرب المعلومات هم الموظفات كما ذكرت. علماً بأنني لا أعمل في كيوتل ولكن لدي الكثير من المعارف هناك ومنهم من يسرب الأرقام (وما يقصرون وقت اللزوم!!).
للأسف بعض الأماكن في بلادنا مثل كيوتل وإدارة المرور لا زالت تعمل بالمحسوبية والواسطة وتدار بعقليات غير محترفة ويكون للمزاج والأهواء الشخصية دور كبير في اتخاذ القرارات.

[NEMO]

شوف الي بالاحمر.. شفت هذا الشي وشهته على ناس ..

في حريم مافيهم اعقول او ما عندهم ضمير يتسببون في تفكك الاسر ..

السؤال لو انت صار لك مثل هذا الموقف شنو بيكون فعلك ؟


مب بس الحريم مالهم عقول :anger1: لان انا اعرف وحده تعرف واحد فكيوتل وطلع لها فاتورة وحده من ربعنا وطلع كل تفاصيلها وهالسالفه من 3 شهور

[قطري !]

إينشتاين


صبحك الله بالخير


أخذ الورقه معاك وقابل المدير العام قبل ان تشتكي وأطرح عليه اقتراح انهم يحلفون الموظفين المختصين على استخراج المعلومات عن اي عميل... وبعدها من حقك تقدر تشتكي على كيوتل وليس على اشخاص ,, لان لديك اثبات بتسريب معلومات شخصيه عنك ومن حقك انك ترفع شكوى



تحياتي

[إينشتاين]

عادي أخوي هذا الشي موجود من زمان وتقريباً أغلب موظفي كيوتل اللي عندهم اطلاع على المعلومات السرية يسوون هالخدمات حق أهاليهم ومعارفهم. هذا غير التلاعب في بيع الأرقام المميزة اللي تمر على عدة مراحل من التصفية قبل عرضها للبيع وآخر مرحلة هي أن الموظف البسيط على الكاونتر يختار من الأرقام بعد ما يقطونها الكبار والهوامير. وإذا تبي رقم حلو شوفوا لكم حد شغّال في كيوتل.
بس عطني أي رقم تليفون وأنا أطلّع لك كل الأرقام المسجلة تحت اسم صاحب الرقم وعنوان بيته وتفاصيل مكالماته... ومن ملاحظاتي أنه للأسف أكثر من يسرب المعلومات هم الموظفات كما ذكرت. علماً بأنني لا أعمل في كيوتل ولكن لدي الكثير من المعارف هناك ومنهم من يسرب الأرقام (وما يقصرون وقت اللزوم!!).
للأسف بعض الأماكن في بلادنا مثل كيوتل وإدارة المرور لا زالت تعمل بالمحسوبية والواسطة وتدار بعقليات غير محترفة ويكون للمزاج والأهواء الشخصية دور كبير في اتخاذ القرارات.


صدقت في كل كلامك والله،،
ونجحت في تشخيص الحالة في الفقرة الأخيره.

[شموع قطريه]

موظفين لهم يهالوه توهم مخلصين الاعداديه شلون ماتبونهم يطلعون اسرار الناس وخصوصياتهم

[باقيـﮧ على ذ ڪرآڪ]

صارت هذى السالفه مع زوجى واحد من الربع طلع له كشف باتصالاته ورسائله علشان يكشف له ان مع كيوتل مش بوزك مافيه خصوصيه كلش وراح زوجى يشتكى فى كيوتل قال مسوؤل هناك عطنا اسم الموظف او الموظفه وراح نحقق معاهم المفروض يكون فيه سستم معين يمنع التجسس

[ودي أكون]

حسبي الله عليهم ونعم الوكيل ..


قلوب ضعيفه مريضه والله .. !!


أخوي روح اشتك احسن .. لان موبعيده اللي عطته لورقه .. تعطيه ورقه غيرها عنك وبكل وبأدق التفاصيل !!


حسبي الله عليهم ونعم الوكيل ..

[ماريسا]

اخوي
انت تقول انه رفيجك و ماتبي تسوي له مشكلة و هو ما له ذنب
شلون ما له ذنب و هو مستانس عاللى قاعد يصير و عارف الموظف الخاين اللي يطلع المعلومات
قول له هل يرضى اي شخص يسويها فيه و يطلع معلوماته و يقرا رسايل أهله؟؟؟ إذن الاحساس بالأمان مطلوبة!!!!!
لازم تقنعه يقوللك من الموظف و لازم هالمهزلة توقف!!!

[ROSE]

السالفة صارت لناس اعرفهم بعد

اخوي تاكد ان ادارة كيوتل لو صادت هالموظف بيروح في ستين داهيه

الورقة اللي عندك قدمها لاي مدير عود بالمؤسسه

وراح يظهر عندهم في السيستم من اللي طلع هالبيانات

من جهازه لان كل شي مسجل عندهم وراح تنعرف هالموظفه

والاجراء اللي بيصير ضدها راح يكون عبره لغيرها من الموظفين والموظفات

وياريت ماتسكت عن هالشي وتتصرف اخوي

[إينشتاين]

اخوي
انت تقول انه رفيجك و ماتبي تسوي له مشكلة و هو ما له ذنب
شلون ما له ذنب و هو مستانس عاللى قاعد يصير و عارف الموظف الخاين اللي يطلع المعلومات
قول له هل يرضى اي شخص يسويها فيه و يطلع معلوماته و يقرا رسايل أهله؟؟؟ إذن الاحساس بالأمان مطلوبة!!!!!
لازم تقنعه يقوللك من الموظف و لازم هالمهزلة توقف!!!


اختي،، المشكلة موب في الناس الي ياخذون الأسرار من موظفين كيوتل ،، المشكلة في موظفين كيوتل نفسهم ،، يعني رفيجي لو ماخذ هالمعلومات من هالموظفة اكيد الموظفة راح تطلع معلومات حق ناس ثانيين،، يعني عشان نحل المشكلة لازم نستأصل الموظفين الفاسدين من الأماكن الحساسة.

[جنوب الدوحه]

ماذا لو أحسست أن خصوصيتك منتهكة ؟؟ ماذا لو أحسست أن أسرارك مكشوفة للغير ؟؟ ماذا لو أحسست أنك شفاف ومرئي لبعض الناس وليس كل الناس ؟؟ فمن يا ترى هم هؤلاء الناس ؟؟
الجواب : هؤلاء الناس الذين باستطاعتهم كشف أسرارك هم من لديهم معارف يعملون في كيوتل.

باختصار لدي صديق قال لي أنه باستطاعته أن يعرف تفاصيل المكالمات الصادرة والواردة وتفاصيل الرسائل والصور التي أرسلها أو استقبلها على هاتفي عن طريق إحدى الموظفات في كيوتل،، في بادئ الأمر لم أصدقه وقلت له أنت تعرف رقم تلفوني حاول أن تعرف ما تستطيع معرفته واخبرني ماذا حصلت عليه ،، في اليوم التالي أتاني ضاحكاً مسروراً وهو يحمل في يده ورقة ويقول إقراء مابها ،، وكم كانت صدمتي كبيره عندما وجدت الرسائل التي كتبتها والتي استقبلتها لمدة يوم كامل مكتوبة أمامي في هذه الورقة ،، والأدهى والأمر أن هناك بعض الرسائل التي قمت بإرسالها إلى أهلي وكانت في طياتها بعض الخصوصيات العائلية لم تكن موجودة في تلك الورقة بالرغم أنني متأكد من كتابتها في نفس اليوم ،، وعندما سالت صديقي عنها ابتسم وأدعى أنه لا يعرف عنها شيئا ً وأكاد اجزم انه قرأها ،، لم تتوقف المفاجئات إلى هذا الحد ،، فحين قلبت الورقة وجدت الأرقام التي اتصلت عليها وكذلك التي استقبلتها في اليوم السابق وبجانبها أسماء أصحابها !!!!!!!!!

بالإضافة إلى ذلك فأن هذه السيدة التي تعمل في كيوتل تقدم خدماتها بالمجان لصديقاتها ومعارف صديقاتها بأن تخبرهم باتصالات ازواجهم وكافة الرسائل والصور المرسلة والمستلمة على هواتفهم،،

السؤال الموجة إلى كيوتل ..
أين حماية خصوصيات وأسرار العميل من التسرب ؟؟
لماذا لا يحلفون الموظفين والموظفات القسم على المصحف بعدم تسريب أي من أسرار العميل وخصوصاً الموظفين الذين يحملون تصريح للدخول لمثل هذه المعلومات ؟؟


قدم شكوى .. والي رفع سبع سماوات لو منك ما ارتاح الى لين اشوفها فنش او من وراء القضبان سواء وحده او واحد ..

لن هذي الفئه هم اردى الناس .. انا رديت على موضوعك مرتين لن قبل فتره صارلي نفس موقفك هذا ولكن كان مجرد كلام .. وانا لو سمعت اسم واحد فقط من اسم الشخص الي يفعل هذا الفعل الاجرامي ما راح اتردد في اني اخبر الجهات المسؤله عن هذا الشي ..

وتقبل مروري يا الغالي :)

[إينشتاين]

السالفة صارت لناس اعرفهم بعد

اخوي تاكد ان ادارة كيوتل لو صادت هالموظف بيروح في ستين داهيه

الورقة اللي عندك قدمها لاي مدير عود بالمؤسسه

وراح يظهر عندهم في السيستم من اللي طلع هالبيانات

من جهازه لان كل شي مسجل عندهم وراح تنعرف هالموظفه

والاجراء اللي بيصير ضدها راح يكون عبره لغيرها من الموظفين والموظفات

وياريت ماتسكت عن هالشي وتتصرف اخوي


كلامج صحيح اختي ،، بس المشكلة إنه قطع الورقة على طول بعد ما قريت الي فيها ،، لأنه عارف اقدر اودي الموظفة في ستين داهية لو الورقة معاي.

[NEMO]

حول كرتك هلا لان وحده حاولت اطلع فواتيري وتفاصيلها ماقدرت لان كرت هلا

[كركم]

طيب...بس من قالكم ان بس موظفين كيوتل يقدرون يطلعون على البيانات هذي ..بعد في موظفين في وزارة الداخليه عندهم هالصلاحيات بالتنسيق مع كيوتل.
ثاني نقطة محد في كيوتل عنده هالصلاحيات الا المسؤؤلين مب الموظفيين العاديين وانا هذي المعلومة تأكدت منها من خلال طلبي لفاتورة مفصلة من كيوتل واللي قالي هالمعلومة من القيادات الرئيسية في كيوتل ..
واخوي انت اذا سكت ما بتسكت عن حقك بس ..بل بتسكت عن حقوق كل عملاء كيوتل اللي ما يعرفون هالشي وتأكد ان كيوتل بتستقبلك برحابة صدر خاصه ان معك دليل ملموس وهي الورقة اللي جابها رفيك...لان هالورقة اذا طلعت في الأعلام بتضر بسمعة كيوتل مب المحلية بس العالمية بعد...يعني معاك ورقة لا تقدر بثمن ..عاد استغلها وقول لنا شبيصير معاك

[إينشتاين]

حول كرتك هلا لان وحده حاولت اطلع فواتيري وتفاصيلها ماقدرت لان كرت هلا


بالنسبة للرسايل نفس الشئ ؟؟؟

[s o s o]

المادة (37) من الدستور

لخصوصية الإنسان حرمتها، فلا يجوز تعرض أي شخص، لأي تدخل في خصوصياته أو شؤون أسرته أو مسكنه أو مراسلاته أو أية تدخلات تمس شرفه أو سمعته، إلا وفقا لأحكام القانون وبالكيفية المنصوص عليها فيه.

انا لو مكانك اسوي الهوواايل:nice:

[احب قطر]

اعتقد من المهم كشف بعض ضعفاء النفوس اللي يشتغلون في اماكن مختلفة في الدولة وموضوع الاطلاع على الرسائل فهذه الصلاحية مش موجودة عند كيوتل وانما عند الجهات الامنية ، راح ابعث لك عالخاص الايميل الخاص بالسيد / عادل المطوع في كيوتل ارسل له شكوى كاملة بموضوعك ، وكان من المهم حصولك عالورقة لانها تعتبر كاثبات للواقعة وراح تقوي من موقفك .
واعرف ان كيوتل لاتتهاون في هالامور وراح يتم انهاء خدمات الموظف مباشرة في حال ثبت انه سرب اي معلومات خاصة باي عميل لدى كيوتل.

[إينشتاين]

طيب...بس من قالكم ان بس موظفين كيوتل يقدرون يطلعون على البيانات هذي ..بعد في موظفين في وزارة الداخليه عندهم هالصلاحيات بالتنسيق مع كيوتل.
ثاني نقطة محد في كيوتل عنده هالصلاحيات الا المسؤؤلين مب الموظفيين العاديين وانا هذي المعلومة تأكدت منها من خلال طلبي لفاتورة مفصلة من كيوتل واللي قالي هالمعلومة من القيادات الرئيسية في كيوتل ..
واخوي انت اذا سكت ما بتسكت عن حقك بس ..بل بتسكت عن حقوق كل عملاء كيوتل اللي ما يعرفون هالشي وتأكد ان كيوتل بتستقبلك برحابة صدر خاصه ان معك دليل ملموس وهي الورقة اللي جابها رفيك...لان هالورقة اذا طلعت في الأعلام بتضر بسمعة كيوتل مب المحلية بس العالمية بعد...يعني معاك ورقة لا تقدر بثمن ..عاد استغلها وقول لنا شبيصير معاك


صحيح كلامك موظفين وزارة الداخلية وموظفين أمن الدولة عندهم هالصلاحيات ،، لكن الفرق أن هذولا ناس ثقة وحالفين يمين انهم مايخونون أول ماتوظفوا ،، وأزيدك من الشعر بيت انهم مايحطون في هالأماكن الحساسة حريم ابداً،، وهذا كلام ناس يشتغلون هناك،، لأنهم يعرفون إن اكثر من يطلع الأسرار هم الحريم...
وليس صحيح إن الي عندهم الصلاحيات في كيوتل هم المسؤولين لأن الي طلعت معلوماتي كانت موظفة عادية.

بالنسبة لموضوع الورقة شوف ردي على الأخت rose

تحياتي

[كركم]

اهاا.السموحة استعجلت في الرد..بس بعد صدقني يقدرون يعرفون من اللي اطلع على هالمعلومات بضغطة زر كل موظف عنده باسورد يدخل من خلاله على معلومات العملاء وكل ما تأخر الوقت كل ماقل احتمال انهم يصيدونه ...عاد روح يا بطل وسنعهم

[eXpert*]

أعتقد هذه الحالات فردية ونادرة الحدوث في الوقت الحالي ليس كما في السابق .

خصوصاً ان
1) نظام كيوتل غير متاح لكل الموظفين أنما على حسب اختصاص الموظف ودرجته الوظيفية.
2) في حالة الموظف المخول اراد الأستعلام عن اي بيانات يتم عرض البيانات الأساسية فقط ،، وفي حال رغبته بـ التفاصيل يجب عليه ذكر السبب في النظام قبل الأطلاع على أي تفاصيل . ويتم متابعة الأسباب بشكل عشوائيّ .

الله يستر على المسلمين والمسلمات .

للعلم أنا مب موظف في كيوتل لكن هذا الكلام من شخص ثقة يعمل هناك .

[غير البشر]

الموضوع اتوقعه بسيط لو كيوتل تبي تمنع خصوصيات الناس من التلاعب

تفتح السيستم لشخصين او ثلاثه ويكونون مسئولين

واي شخص يبي ملعومات عن حسابه يقدر يطلبه بكتاب موجه لكيوتل

ويوصل للمسؤول ويفتح السيستم من عنده

صحيح ان الموضوع يتأخر لين يتم اخراج المعلومات لكن خصوصيات الناس اهم

[Charisma]

هالكلام صحيح اسرارنا مكشوفة عند البعض والموظفين والموظفات بكيوتل يكشفون لمعارفهم بعض هالمعلومات الشخصيه مثل اسم صاحب الرقم البطاقه الشخصيه ..الخ .

الحل موجود... فودافون

[إينشتاين]

اعتقد من المهم كشف بعض ضعفاء النفوس اللي يشتغلون في اماكن مختلفة في الدولة وموضوع الاطلاع على الرسائل فهذه الصلاحية مش موجودة عند كيوتل وانما عند الجهات الامنية ، راح ابعث لك عالخاص الايميل الخاص بالسيد / عادل المطوع في كيوتل ارسل له شكوى كاملة بموضوعك ، وكان من المهم حصولك عالورقة لانها تعتبر كاثبات للواقعة وراح تقوي من موقفك .
واعرف ان كيوتل لاتتهاون في هالامور وراح يتم انهاء خدمات الموظف مباشرة في حال ثبت انه سرب اي معلومات خاصة باي عميل لدى كيوتل.



شكراً على الإيميل وتم الإرسال للسيد عادل،،
ارجوا أن يتم التفاعل مع الموضوع بالسرعة المطلوبة..

[بنت ابوها 19]

والله شكوى وحده منك انه يودون جميع الموظفين ورا الشمس
شنو الدنيا سايبه

[ماريسا]

اختي،، المشكلة موب في الناس الي ياخذون الأسرار من موظفين كيوتل ،، المشكلة في موظفين كيوتل نفسهم ،، يعني رفيجي لو ماخذ هالمعلومات من هالموظفة اكيد الموظفة راح تطلع معلومات حق ناس ثانيين،، يعني عشان نحل المشكلة لازم نستأصل الموظفين الفاسدين من الأماكن الحساسة.

صدقت
عشان جذي لازم تجيب اسم الموظف الخائن من رفيجك لانه يعرفه
و إذا هو ساكت و راضي علّي يصير يعني له ذنب و مسؤؤول عن كل بيت يتهدم بسبب هالموظف اللي يوزع المعلومات
أرجوك اخوي لا تسكت عن الموضوع و حاول تقنع رفيجك بارك الله فيك

[Gentleman]

شكراً على الإيميل وتم الإرسال للسيد عادل،،
ارجوا أن يتم التفاعل مع الموضوع بالسرعة المطلوبة..

أخوي العزيز لا تنسى تطرّش حق السيد/ عادل هذا الموضوع عشان يشوف إن الكل يشتكي مب بس إنت.
الله يقويك.

[OutLaw]

يا جماعة الخير المشكلة ابسط مما اتصورون وما عليكم من كيوتل وكذبهم

لان كيوتل نفسهم عندهم نظام يكشف الموظف الي دخل على معلومات معينه او استعلم على رقم معين يعني بكل اختصار اي شخص يدخل على بياناتك يتسجل عندهم بالنظام

اما موضوعك والاوراق الي عندك تروح لاقرب مركز وتشتكي على كيوتل ولا دخل رفيجك في السالفه . وهم يخاطبون كيوتل ويتم التحقق من البيانات والموظف الي دخل عليها وتتم محاسبته .

[احب قطر]

على فكرة توني الحين مشييك مع مدير الاي تي في كيوتل... لايوجد اي احد في كيوتل عنده الصلاحية للدخول على المسجات الخاصة بالعملاء...

[عزوز المضارب]

على فكرة توني الحين مشييك مع مدير الاي تي في كيوتل... لايوجد اي احد في كيوتل عنده الصلاحية للدخول على المسجات الخاصة بالعملاء...

سؤال فني اخوي احب قطر الفواتير المفصله تقدر اطلعها فقط من المركز الرئيسي
ولا من الفروع يعني فرع كيوتل في السيتي سنتر يطلع فواتير مفصله

[سهم بن سهم]

السؤال الموجة إلى كيوتل ..
أين حماية خصوصيات وأسرار العميل من التسرب ؟؟



:omen2::anger1::omen2:

[jm01]

لازم كيوتل تتخذ ها الاجراء بالنسبة لموظيفها كيوتل

بأن توقعهم على عقد واللي ينتهك ها القوانين راح يكون هناك عقاب وغرامه بمبلغ كبير

وبجي كل واحد ساعتها

[احب قطر]

سؤال فني اخوي احب قطر الفواتير المفصله تقدر اطلعها فقط من المركز الرئيسي
ولا من الفروع يعني فرع كيوتل في السيتي سنتر يطلع فواتير مفصله

الشيخ ماالمقصود بالفواتير المفصلة؟؟

[ماريسا]

على فكرة توني الحين مشييك مع مدير الاي تي في كيوتل... لايوجد اي احد في كيوتل عنده الصلاحية للدخول على المسجات الخاصة بالعملاء...

أخوي بارك الله فيك محد عنده الصلاحية و مع ذلك إحنا متأكدين في موظفين عارفين ثغرات يقدرون يدخلون على السيستم الخاص و يطلعون كل البيانات تأكدوا الله يخليكم

[OutLaw]

على فكرة توني الحين مشييك مع مدير الاي تي في كيوتل... لايوجد اي احد في كيوتل عنده الصلاحية للدخول على المسجات الخاصة بالعملاء...

قالوا للحراامي احلف قال جاك الفرج

من الطبيعي ان بيكون جوابه بانه لا يوجد أي أحد في كيوتل عنده الصلاحيات .. الصلاحيات عند ناس في المريخ ..

[بوخالد911]

لو غاب الضمير

توقعوا أي شي من الموظف ولا الموظفة

[بوخالد911]

اخووي اينشتاين : هل قدر صاحبك يعرف شنو المسجات اللي انت كتبتها؟
يعني شنو المضمون والمحتوى ؟
هل قرى وش كتبت حضرتك؟


ولا بس عرف لمن أنت مرسلها؟

ارجو الاجابة لطفا

تحياتي قبل ارسال مسجاتي

[احب قطر]

قالوا للحراامي احلف قال جاك الفرج

من الطبيعي ان بيكون جوابه بانه لا يوجد أي أحد في كيوتل عنده الصلاحيات .. الصلاحيات عند ناس في المريخ ..

لو سمحت لو بتتكلم التزم بابسط قواعد الادب في حوارك ومافي داعي انك تتهم الناس بالكذب ، ولو عندك اي حالة صارت لك اذكرها علشان تبين من هو الكذاب.

[احب قطر]

السؤال الموجة إلى كيوتل ..
أين حماية خصوصيات وأسرار العميل من التسرب ؟؟



:omen2::anger1::omen2:

هذا نص من قانون الاتصالات رقم 34 لعام 2006
المادة ( 52
حماية معلومات العملاء
على مقدمي الخدمة عند إدارة شبكاتهم ومرافقها والأنظمة المتصلة بها مراعاة حقوق الخصوصية للعميل. وتقع
عليهم مسؤولية حفظ المعلومات والبيانات الخاصة بالعميل وباتصالاته التي تكون في حيازتهم، وعليهم توفير
الحماية الكافية لها، ولا يجوز لمقدم الخدمة جمع أي معلومات أو استعمالها أو الاحتفاظ بها أو إعلانها عن أي
عميل إلا بموافقته أو وفقا لما يسمح به القانون .
وعلى مقدمي الخدمة التأكد من أن المعلومات المقدمة صحيحة وكاملة وصالحة لغرض استعمالها. وللعملاء الحق
25
في أن يطلبوا تصحيح أو حذف أي معلومات خاصة بهم .
وليس في أحكام هذه المادة ما يمنع السلطات المختصة من الحصول على أي معلومات سرية أو اتصالات خاصة
بالعملاء وفقا للقانون .

[إينشتاين]

اخووي اينشتاين : هل قدر صاحبك يعرف شنو المسجات اللي انت كتبتها؟
يعني شنو المضمون والمحتوى ؟
هل قرى وش كتبت حضرتك؟


ولا بس عرف لمن أنت مرسلها؟

ارجو الاجابة لطفا

تحياتي قبل ارسال مسجاتي





عرف شنو المضمون والمحتوى كما كتبته بالضبط ،، بالإضافة لمن أُرسلت

[عزوز المضارب]

الشيخ ماالمقصود بالفواتير المفصلة؟؟

قصدي لمده طويله 6اشهر او سنه .يعني يقدر صاحب الجوال يطلب فاتوره اكثر من شهر
من الفرع وليس الرئيسي .هذا ما اقصده .
وشكرا على تجاوبك

[احب قطر]

عرف شنو المضمون والمحتوى كما كتبته بالضبط ،، بالإضافة لمن أُرسلت

بالنسبة حق الضمون والمحتوى فاعرف ان كيوتل ماتقدر تشوفه نهائيا...

[doha70999]

كيوتل ماتقدر تشوف المحتوى الاااااااااااااااااا بطلب من امن الدولة فالظاهر الموظفة تشتغل في امن الدولة وليس كيوتل!!!

[احب قطر]

قصدي لمده طويله 6اشهر او سنه .يعني يقدر صاحب الجوال يطلب فاتوره اكثر من شهر
من الفرع وليس الرئيسي .هذا ما اقصده .
وشكرا على تجاوبك

اول شي أنصحك باستخدام خدمة اي كيوتل واللي من خلالها تقدر تشوف كل فواتيرك ، ونعم تقدر تشوف فواتيرك من الافرع.

هذا ذكرني بوضوع الاطلاع على الفواتير للتلفونات ، اذكر مره واحد جا يشتكي في كيوتل ان في موظف طلع بياناته كلها حق زوجته ، وبعد ماارسل كتاب الشكوى لكيوتل وبعد التحقيق في الموضوع تبين ان زوجته تملك هاتف باسمه ، وبالاتصال في 114 وادخال رقم البطاقة الشخصية راح يجي للشخص نفسه اسم المستخدم وكلمة المرور ومن خلالها اقدرت انها تشوف فواتير التلفونات. وكيوتل طلعت براءة.

[ماريسا]

كيوتل ماتقدر تشوف المحتوى الاااااااااااااااااا بطلب من امن الدولة فالظاهر الموظفة تشتغل في امن الدولة وليس كيوتل!!!

و يمكن موظف في أمن الدولة
خائن و يطلع على المعلومات و يوزعها لمن شاء و يحطها على كيوتل
يمكن ليش لأ
الفساد في كل مكان لا حول و لا قوة الا بالله

[OutLaw]

لو سمحت لو بتتكلم التزم بابسط قواعد الادب في حوارك ومافي داعي انك تتهم الناس بالكذب ، ولو عندك اي حالة صارت لك اذكرها علشان تبين من هو الكذاب.

ما يحتاي تبيان الكذاب من الصادق لو مدير الايتي صادق نعتبر صاحب الموضوع من الاساس كاذب ونرجع لباقي الردود بأن اصاحبهم كاذبين والمدير اهو الصادق ، ومن البديهي بيكون جواب المدير بان لا يوجد اي موظف في كيوتل يحمل صلاحيات الاطلاع على البيانات حفاظاً على سرية الوظيفة

ولو كان جوابه بان كثير من الموظفين يحملون هذه الصلاحية انا اعتبرة مدير فاشل

[احب قطر]

ما يحتاي تبيان الكذاب من الصادق لو مدير الايتي صادق نعتبر صاحب الموضوع من الاساس كاذب ونرجع لباقي الردود بأن اصاحبهم كاذبين والمدير اهو الصادق ، ومن البديهي بيكون جواب المدير بان لا يوجد اي موظف في كيوتل يحمل صلاحيات الاطلاع على البيانات حفاظاً على سرية الوظيفة

ولو كان جوابه بان كثير من الموظفين يحملون هذه الصلاحية انا اعتبرة مدير فاشل

انا باسألك سؤال ، هل صار معاك هالموقف؟؟؟؟ اذا نعم فاذكر لنا اياه واذا لا فمافي داعي انك تصدق او تكذب احد... وانا اقول لك مافي احد عنده صلاحية يشوف المسجات في كيوتل نهائيا وانا مسؤل عن كلامي.

[NEMO]

بالنسبة للرسايل نفس الشئ ؟؟؟

ولا رسايل ولامكالمات حاولت وماقدرت :)

[abdulla889]

الصراحة انا موب ناوي اسكت عالموضوع،،
بس ياليت حد يقولي وين اشتكي ،،
إذا اشتكيت في كيوتل حاميها حراميها ،،
وإذا اشتكيت عند الشرطة ماعرف اسم الموظفة وصاحبي رافض يعطيني اياه ،، والمشكلة الأكبر إن صاحبي ممكن ينضر من هالموضوع وهو ماله ذنب انا الي تحديته وطلبت منه يطلع الي يقدر عليه..

تقدر تقدم شكوى وراح يحاسبون الموظف الي طلع اسرارك حق اي حد لان عندهم سستم يشوف من الي دخل على حسابك وشاف كل شي وراح يتفنش لان هذي اسرار ناس والمفروض ان محد يطلع عليها الا انت اذا طلب هذا الشي

[بوخالد911]

عرف شنو المضمون والمحتوى كما كتبته بالضبط ،، بالإضافة لمن أُرسلت

بل

ان هذا لشيء عجااب

!!@@!!


:secret::eek5::omg:

[eXpert*]

أنا أشوف ان الموضوع لازم يكون موجه لـ كيوتل وليس للمنتدى .

ما أعتقد نحن بـ حاجة لمثل هذه المواضيع التي تزرع الشك وتزعزع الثقة .

والموضوع هذا محتمل يحدث في أي شركة اتصالات وليس في كيوتل فقط .

والموضوع كله ذمة وأمانة وضميرالموظف .

واذا ضيعت الامانة فـ أنتظر الساعة .

[Loca_qtr]

لازم تروح لكيوتل وتشتكي

واكيد فيه سيستم يطلع من دخل على حسابك وسحب فاتورة تفصيليه

وبعدها تتحاسب الموظفه وتكون عبره لغيرها لان أسرار الناس مب لعبه

وحتى اللي يقولون لازم يتحلفون على القران ليش يعني اللي فالداخلية مايقدرون يعطون ربعه معلومات اي حد

مب شرط كل من حلف على القران عنده ذمه

[برشلوني قطر]

اشتغفر الله العظيم...تستااهل الموظفه السجن سنين مب ايام..

الارقاام ممكن نفوتها وانقول ف طرق كثيره ان يطلع الارقام من الفواتير...لاكن الرساااااايل..

يالله والله كبييييييييره..

بس مثل ماقلت ماتبي تبلش رفيجك فالموضوع لاني اتوقع الموضوع يكبر وايد..لااكن اذا هو مصرح

لك اشتك ولا تسكت...وانت ماراح تطالب بحقك وبس لالا...الا بحقوقنا كلنااا...

والله يعطيك العافيه

[qatari911]

انا باسألك سؤال ، هل صار معاك هالموقف؟؟؟؟ اذا نعم فاذكر لنا اياه واذا لا فمافي داعي انك تصدق او تكذب احد... وانا اقول لك مافي احد عنده صلاحية يشوف المسجات في كيوتل نهائيا وانا مسؤل عن كلامي.

طيب اخوي سؤال
مره كنت اتكلم مع اهلي
وفجأه دخل صوت واحد يغازل مع وحده :eek5:
وتكلمت معه وقلت شلون دخلت على الخط الا من الوهقه سكر في وجهي من المسؤول عن مداخلة الاتصالات في بعض
هذا الكلام من فتره

[إينشتاين]

أنا أشوف ان الموضوع لازم يكون موجه لـ كيوتل وليس للمنتدى .

ما أعتقد نحن بـ حاجة لمثل هذه المواضيع التي تزرع الشك وتزعزع الثقة .

والموضوع هذا محتمل يحدث في أي شركة اتصالات وليس في كيوتل فقط .

والموضوع كله ذمة وأمانة وضميرالموظف .

واذا ضيعت الامانة فـ أنتظر الساعة .


صدقت اخوي هذا الشي ممكن يصير في أي شركة اتصالات ،،
لكن لو حدث هذا في شركة اتصالات في جزر القمر ،، مادخلي أنا به ،، وهل أنا متضرر ،، انا تضررت من شركة كيوتل فقط لهذا سأكتب الموضوع عنها فقط.

وانا اكتب الموضوع تنبيه للناس الغافلين وانت بنفسك قريت ردود الأعضاء الذين حدث لهم نفس الموضوع،، وأنا عن نفسي بديت بالشكوى الموجهه لكيوتل واتمنى كل من صار له نفس القصة انه مايسكت عن حقه.

[إينشتاين]

اخوي من حوالي اسبوعين كتبت مقال كبير في هذا المنتدى ((المحترم)) بأن خصوصياتنا في كيوتل (((المحترمة))) مخترقة وفيها بعض الموظفين والموظفات ضعيفي النفوس يفشون أسرارنا ويطلعون الصادر والوارد ويسجلون لكن روح شوف الردود لاتغني ولاتسمن من جوع ومن ذلك اليوم لم أكتب ولن أكتب وإذا حاب ارجع وشوف المقال لكن كانت الردود في معظمها ((أطنازة)) وضحك وغشمرة مع العلم اني امسوي اربع بلاغات في مراكز الشرطة حسبي الله ونعم الوكيل والحمد لله .



مب بس الحريم مالهم عقول :anger1: لان انا اعرف وحده تعرف واحد فكيوتل وطلع لها فاتورة وحده من ربعنا وطلع كل تفاصيلها وهالسالفه من 3 شهور


صارت هذى السالفه مع زوجى واحد من الربع طلع له كشف باتصالاته ورسائله علشان يكشف له ان مع كيوتل مش بوزك مافيه خصوصيه كلش وراح زوجى يشتكى فى كيوتل قال مسوؤل هناك عطنا اسم الموظف او الموظفه وراح نحقق معاهم المفروض يكون فيه سستم معين يمنع التجسس


السالفة صارت لناس اعرفهم بعد

اخوي تاكد ان ادارة كيوتل لو صادت هالموظف بيروح في ستين داهيه

الورقة اللي عندك قدمها لاي مدير عود بالمؤسسه

وراح يظهر عندهم في السيستم من اللي طلع هالبيانات

من جهازه لان كل شي مسجل عندهم وراح تنعرف هالموظفه

والاجراء اللي بيصير ضدها راح يكون عبره لغيرها من الموظفين والموظفات

وياريت ماتسكت عن هالشي وتتصرف اخوي


انا باسألك سؤال ، هل صار معاك هالموقف؟؟؟؟ اذا نعم فاذكر لنا اياه واذا لا فمافي داعي انك تصدق او تكذب احد... وانا اقول لك مافي احد عنده صلاحية يشوف المسجات في كيوتل نهائيا وانا مسؤل عن كلامي.


اخوي احب قطر،، إذا انا موب صادق في كلامي ،، هل الأخوان الي صار معاهم نفس الموضوع كذلك غير صادقين ؟؟؟

[موضي قطر]

طيب اخوي سؤال
مره كنت اتكلم مع اهلي
وفجأه دخل صوت واحد يغازل مع وحده :eek5:
وتكلمت معه وقلت شلون دخلت على الخط الا من الوهقه سكر في وجهي من المسؤول عن مداخلة الاتصالات في بعض
هذا الكلام من فتره


وتأكيد لكلامك انا مره اتصلت في ابوي عشان يمر ياخذني من الدوام وطبيعي رقمه مسيف عندي اتصلت رد علي واحد وبعفوية قلت ( يبه تقدر تمر تاخذني ؟؟ رد على بصوت جهوري يبه في عينج وتم يقولي حركات البنات :eek5: ):eek5: سكرت من الصدمة وفكرت الموقف مقلب المهم رجعت عدت الرقم طلع ابوي ( احلفي عاد :nice: )

[qatari911]

وتأكيد لكلامك انا مره اتصلت في ابوي عشان يمر ياخذني من الدوام وطبيعي رقمه مسيف عندي اتصلت رد علي واحد وبعفوية قلت ( يبه تقدر تمر تاخذني ؟؟ رد على بصوت جهوري يبه في عينج وتم يقولي حركات البنات :eek5: ):eek5: سكرت من الصدمة وفكرت الموقف مقلب المهم رجعت عدت الرقم طلع ابوي ( احلفي عاد :nice: )

ايه صادقه ومره مع الوالده
ولو اتكلم بقولج نص قطر الصار لهم هالموقف
واتذكر مره واحد اشتكى في وطني الحبيب صباح الخير بس لاحياه لمن تنادي

[CH Engineer]

انا علي فاتوره برقم مب باسمي هههههههههه << كيوتل تشوف عجب العجاب :tease:
عندي خط فاتوره باسم اخوي والسبب للحين ماحليت مشكلتي..

انا ماعندي اي مشاكل حد يقرأ مسجاتي او يسمع مكالماتي بس المشكله فالبلاك بيري مسنجر..

في حد يقدر يقرأ المسجات الي فيه ويدخل على محادثاتي ؟ :secret:
انا اسولف فيه 24 ساعه مع اهلى او مع ربعي لدرجة اني اتكلم واسأل من فالصالة ؟ متى بتطلعون واسأل اهلي عن خصوصيات لهم..
واذا في حد يقرأ هالمسجات هل هم فئه محدده؟ وهل هالفئه تخدم ربعها فكيوتل..
مثلا انا موظف بالقسم الفلاني اقدر اجامل موظف ثاني واخليه يشوف الي انا اشوفه على اساس هو يخدمني او بدون مايخدمني بشي لانه عزيز علي قلبي :shy:
وبعدين جهاز البلاك بيري شابك على طول مع الشبكة.. هل موظف كيوتل يقدر يشوف البيانات الي فيه فالاستيديو او الملاحظات واذا هالشي مسموح اكيد مسموح الدخول على برنامج الكاميره يعني يشوف الي تشوفه كاميرتي.. لحد ياخذ البلاك بيري معاه للحمام -وانتو بكرامه- :eek5:
ونلاحظ الكام مايشتغل فيها الفلاش او ليت يوم تكون نشطه :nice:

واخيرا مابي اطول عليكم بس البلاك بيري فيه تجسس من الشركة نفسها حتى الرئيس الامريكي اوباما امنعوه من هالجوال...

[احب قطر]

اخوي احب قطر،، إذا انا موب صادق في كلامي ،، هل الأخوان الي صار معاهم نفس الموضوع كذلك غير صادقين ؟؟؟

انا الشيخ مهب مكذبك ، بالعكس ارشدتك الى الطريق اللي من خلاله يتم التحقيق في الموضوع بس كان كلامي عن المسجات ان مستحيل احد في كيوتل يقدر يشوفها.

[احب قطر]

وتأكيد لكلامك انا مره اتصلت في ابوي عشان يمر ياخذني من الدوام وطبيعي رقمه مسيف عندي اتصلت رد علي واحد وبعفوية قلت ( يبه تقدر تمر تاخذني ؟؟ رد على بصوت جهوري يبه في عينج وتم يقولي حركات البنات :eek5: ):eek5: سكرت من الصدمة وفكرت الموقف مقلب المهم رجعت عدت الرقم طلع ابوي ( احلفي عاد :nice: )

اختي انا صارت معاي ...وقيمت الدنيا وقعدتها ...عقب وش طلع ...اني داق عالرقم بس اني ضغطت اول رقم مرتين بالغلط وطبعا اتصلت وطلع اسم الرجال اللي متصل فيه وقعدت اكلمه وعقب قال لي ان مش هو المقصود وعقب العفيسه طلع اني ضاغط عالرقم مرتين...وجربي هالحركة في تلفونج..اضغطي اول رقم مرتين وكملي الرقم عادي راح يبان لج اسم الشخص اللي متصله فيه...

[ذيبه مزاجيه]

اعرف وحده كانت معاي ف الجامعه تقول لي انها تعرف وحده رفيجتها قالت لها اقدر اطلع كم رقم باسمج وكل شي عنج من كيوتل .. قالت لها شدعوه على كيفج قالت اي لان عندي وحده من اهلي تشتغل ف كيوتل ..
واليوم الثاني قالت لها اعرف ان في كذا رقم باسمج .. وانتي عمرج كذا وهاي اسمج كااااااااااااااااامل وبيتكم كذا وكل شي شلون جذي !!!!!!!
لهالدرجه يعني يقدرون يسوون جذي ؟

غير جذي بعد اللي ف الداخليه نفس الشي .. اقصد ف المرور .. من رقم السياره بس يطلعون كل البيانات اللي مالهم فيها .. وبعضهم ينشرونها ؟؟؟

ما ادري شنو يستفيدون من اذية خلق الله وتسريب المعلومات ..

حسبي الله عليهم ..

[لاجل QT]

الحل هو ..انهم يلغون خدمة كشف الوارد والصادر في الرسائل..ويخلون فقط خدمة فواتير التلفون

[قطريه نمبر ون]

انت كذااااااااااب ؟؟؟؟؟؟

ياخي استح على ويهك حاط موضوع شكبره وشعرضه وتقول قاري مسجات ومعرف اييش ؟؟؟

رووح اشتك عندك المركز وانا اتحدااك اذا كلامك كان فيه شي صحيح ؟؟ انا اشتغل في كيوتل واعرف ان المسجاات الي تنكتب في الجوال ماتطلع ومستحيل حد يشوفها ؟؟؟

وانت تقولي طلعلك ورقه ووحده في كيوتل انا اتحدااك وتقدر تروح امن العاصمه وتقدم شكوى

وبعدين اي واحد يبي يتكلم ويخربط من عنده وهو مب عارف شي يحط موضوع ويتبلى على موظفين كيوتل ؟؟؟

تاكد عقب تعال يا أخ

[إينشتاين]

انت كذااااااااااب ؟؟؟؟؟؟

ياخي استح على ويهك حاط موضوع شكبره وشعرضه وتقول قاري مسجات ومعرف اييش ؟؟؟

رووح اشتك عندك المركز وانا اتحدااك اذا كلامك كان فيه شي صحيح ؟؟ انا اشتغل في كيوتل واعرف ان المسجاات الي تنكتب في الجوال ماتطلع ومستحيل حد يشوفها ؟؟؟

وانت تقولي طلعلك ورقه ووحده في كيوتل انا اتحدااك وتقدر تروح امن العاصمه وتقدم شكوى

وبعدين اي واحد يبي يتكلم ويخربط من عنده وهو مب عارف شي يحط موضوع ويتبلى على موظفين كيوتل ؟؟؟

تاكد عقب تعال يا أخ


يانمبر انتي بارد عليج بمثلين من امثال اخوانا المصريين:

- قال للحرامي احلف .... قال جالك الفرج.

- ومين يشهد للعروسة ,,, اكيد موظفة كيوتل...

وما استبعد انج تكونين من هالخونة الي يسربون اسرار الناس لمعارفج ويدمرون بيوت خلق الله.

عالعموم الموضوع الحين عند السيد عادل المطوع وان شاء الله مايقصر وإذا ماصار شي فيه طرق ثانية نجيب حقنا فيها.

[ماريسا]

متابعة
الله يستر ع الجميع

[GPC]

لا يجب أن تكون هذه المعلومات متاحة أمام موظفي كيوتل بما فيهم كبار الموظفين وهذه المعلومات لا تتاح إلا للأجهزة الأمنية فقط بناء على أمر من النيابة العامة في حالة لاقدر الله يكون الشخص عليه تحريات أو مطلوب في تحقيقات جنائية

[الــوفـــــي]

مهــــما اشكيتوو او تكـــلمتوو


مـــــافيه حل لان هاذا في جميع دول العــالم

وكــــل واحد وضميره ..

[alqtri]

في كل مكان هالسوالف في الجوازات في المرور في كيوتل في اي مكان الموضفين اللي لهم اصدقاء خارج العمل ويبون يعرفون عن بعض الناس معلوماتهم الخاصه يتصلون فيهم ويقول له هذا الرقم الفلاني للجوال جيب لي تفاصله او رقم سياره ونفس الحاله يعني الامانه معدومه في اغلب الدوائر :)

[بوخالد911]

هلا

والله الحيين احترت

هل صاحبك قدر يقرا مسجاتك بالضبط؟


ولا بس عرف الرقم اللي طرشت له؟!؟

[MP3]

مافي الا فودافون

المدراء اكثر اجانب ومن طبعهم مايدخلون بالخصوصيه

كيوتل وموظفينها معروفين بالحركات البايخه

وعند تبي تشتكي وعلى من؟؟ كيوتل!!


حكمة اليوم


لاتفكر يكون لك حق من مؤسستين في قطر


كــيوتل و بنـك قطر الربوي

[بوعلي-Qtr]

انا ابي اعرف شلون الناس يقدرون يعرفون الرقم باسم من

وهالحركه صارت لي اكثر من مره ..

[خفوق]

للاسف اللي يشتغلون ماعندهم ذمه وضمير والشخص اذا غاب ضميره مشكله
يعني عشان ربعه يطلع خصوصيات اشخاص ماله حق اساسا انه يشوفها


بس كيوتل يمال الضعفه على كثر ماتمصين دم القطرريين ليش ماتحطين سستم عدل :anger1:

في وحده كانت تشتغل في المجموعه مالت الاسهم تقول مره سووا اجتماع وقطوا نغززه شكبرها لان وحده من بين البنات دخلت صفحه شخص او حساب شخص وقالوا لو تكرر فنش على طول
يعني كل حركه بالجهاز تطلع عندهم كيوووووتل ليش ماتسوي هالشي :anger1: قطيعه

حسبي الله ونعم الوكيل على كل شخص يخون مهنته ويسوي هالاشياء

[جنوب الدوحه]

انا علي فاتوره برقم مب باسمي هههههههههه << كيوتل تشوف عجب العجاب :tease:
عندي خط فاتوره باسم اخوي والسبب للحين ماحليت مشكلتي..

انا ماعندي اي مشاكل حد يقرأ مسجاتي او يسمع مكالماتي بس المشكله فالبلاك بيري مسنجر..

في حد يقدر يقرأ المسجات الي فيه ويدخل على محادثاتي ؟ :secret:
انا اسولف فيه 24 ساعه مع اهلى او مع ربعي لدرجة اني اتكلم واسأل من فالصالة ؟ متى بتطلعون واسأل اهلي عن خصوصيات لهم..
واذا في حد يقرأ هالمسجات هل هم فئه محدده؟ وهل هالفئه تخدم ربعها فكيوتل..
مثلا انا موظف بالقسم الفلاني اقدر اجامل موظف ثاني واخليه يشوف الي انا اشوفه على اساس هو يخدمني او بدون مايخدمني بشي لانه عزيز علي قلبي :shy:
وبعدين جهاز البلاك بيري شابك على طول مع الشبكة.. هل موظف كيوتل يقدر يشوف البيانات الي فيه فالاستيديو او الملاحظات واذا هالشي مسموح اكيد مسموح الدخول على برنامج الكاميره يعني يشوف الي تشوفه كاميرتي.. لحد ياخذ البلاك بيري معاه للحمام -وانتو بكرامه- :eek5:
ونلاحظ الكام مايشتغل فيها الفلاش او ليت يوم تكون نشطه :nice:

واخيرا مابي اطول عليكم بس البلاك بيري فيه تجسس من الشركة نفسها حتى الرئيس الامريكي اوباما امنعوه من هالجوال...

بنسبه اخوي للماسنجر " الهوت ميل " والـ "بلاك بيري مسنجر " هذي البرامج تشتغل على سيرفرات خاصه بالشركه وعليها حمايه وتقنيات كبيره تمنع اي شخص يشوف البيانات .. ما يقدر اي شخص يطلع هذي المسجات من كيوتل او غير كيوتل والي يقدر بس الاف بي اي بتصريح من الشركتين ^_^

اما رسائل الجوال تكون عن طريق سرفرات كيوتل وبتاكيد يقدرون يسون الي يبون لنها سرفراتهم :)

بنسبه للـ بلاك بيري اعتقد قريت خبر من ايام ان السعوديه تحاول تمنع البلاك بيري من المملكه والسبب ان الشركه رفضت انها تصرح لهم بمتابعه رسائل البلاك بيري وان الشات يمكن يستعمل في الاعمال الارهابيه ..

[شعنونة قطر]

قهههههههررررررررررررررررررررررررررررررررررر

[ماريسا]

حسبي الله ونعم الوكيل

[aldahnoon]

بصراحه لا تعليق
المشكله الاكبر انه مو في كيوتل بس في كل مكان

[اخر العنقود]

حسبي الله ونعم الوكيل

ليش مافي احترام كلش حق خصوصيات الناس وهالطريقه راح اتسبب مشاكل

الله يستر

[ماريسا]

ألحين إيش الحل