السلوم الاصيله لصب القهوه و تقديم الذبيحه للضيف قديما والى الان ^_^

[بـــــــنت النوخـّــــذه]

يا مرحبا بضيف يامرحبـا بالعانـي
وتقدرك عند الريا جيل بغلا بترحيبه
حنا مكسبنا للطيب للكـرم عنوانـي
وعندنا علوم المر جله معتلي أدروبه
مع دلة رسلان تشهـد لـك لطيبـه
له نصبة والجمـر يوضـي لهوبـه

http://alfrasha.com/up/887991182171567897.jpg
القهوة عند الخليج عنوان للأصالة والكرم .. وهو تراث عميق ارتبط بالإنسان العربي في حله وترحاله .. غناه وفقره .. أفراحه وأتراحه .. وهي بطقوسها عادة لها احترامها الذي يصل إلى حد القداسة ..
ورغم أن الاسم الواحد .. والأصل واحد .. إلا أن طريقة إعداد القهوة تختلف من بلد لآخر في العالم .. وللطريقة العربية ما يميزها عن غيرها .. وللطريقة الخليجية ما يميزها عن العربية
سنة الـقـهـوة .

سنة القهوة
هي التقليد العريق الذي تقدم به إلى الضيوف ويحترمه الكبير والصغير ويحرص عليه .. بل أنه من العيب جدا تجاوزه .. والعرب يخشون ذلك حتى لا تصبح " سالفتهم " أي حكايتهم على كل لسان يتناقلها الركبان .. فتصبح عيبه كبيرة في حقهم .

وسنة القهوة أو تقاليدها .
. أن يبدأ تقديمها للضيف أولا .. ثم للجالسين من على يمينه .. أو للجالسين في المجلس إن لم يكن هناك ضيوف وأيضا من على اليمين .
http://www.albrari.com/vb/uploaded/21308_51240956352.jpg

http://up.zya3.com/uploads/images/alzya3.com-590e1d8ef4.jpg
ومن العادات الأصيلة المتوارثة
عند تقديم المقهوي القهوة للضيف باليد اليسرى أبدا .. وعلى الضيف أن يتناول فنجان القهوة من المقهوي هو أيضا بيده اليمنى .. وعند صب القهوة في الفنجان لا يتم ملئه .. ولا يوضع فيه قدر ضئيل جدا .. بل هو ربع الفنجان فقط .. وبمناسبة الفنجان لا يجوز أبدا تقديم القهوة في فنجان به ولو كسر بسيط لأن ذلك يعد عيبا كبيرا .. وعلى الضيف أن يشرب القهوى .. فإذا انتهى منها يهز الفنجان للمقهوي
http://www.viafy.com/uploads/4a3b1c4357.jpg

وإلا فمعناه انه يريد المزيد .. ويستمر المقهوي في تقديم القهوة له حتى يهز الضيف الفنجان هزة خفيفة فيعرف المقهوي ان الضيف قد اكتفى .. وعلى الضيف ان يسلم الفنجان للمقهوي بعد الانتهاء من شرب القهوة ولا يضعه على الأرض .. لأن ذلك يعد عيبا في حق المقهوي .. حيث على الضيف الاحتفاظ بالفنجان في يده حتى يعود إليه المقهوي ليأخذه منه ان كان قد انشغل عنه بتقديم القهوة للآخرين .

http://www.alriyadh.com/2007/09/18/img/189011.jpg
ولا يجوز في سنة القهوة التخطي .. بمعنى .. ان تقديم القهوة يكون من اليمين وحسب تسلسل الجالسين حتى وان كان بينهم طفل صغير .. اذ يجب على المقهوي تقديم القهوة له فإن رفضها فله الحق في في الانتقال لمن يليه .. وان قبلها فنعم ، وله الحق في ان يتناول القهوة حتى يهز الفنجان مثله مثل الرجل الكبير .

ومن سنة تقديم القهوة للضيف
أنه تقدم له ثلاث مرات كأمر واجب .. الأولى عند قدومه .. والثانية بعد تقديم الفواكه .. والثالثة بعد وجبة الطعام التي يتم بها إكرام الضيف سواء أكانت غداء أم عشاء .. وليس معنى ذلك أنها لا تقدم في غير تلك الأوقات .. بل تقدم بعدد غير محدود من المرات واقلها تلك الثلاث

http://4.bp.blogspot.com/_If8S10OIuWo/SSHaSSPnUdI/AAAAAAAAAE4/lpveRYR8Oe4/s400/%D9%82%D9%87%D9%88%D8%A9+%D8%B9%D8%B1%D8%A8%D9%8A% D8%A9.jpg

نجي الحين للذبيحه ::nice:
1) اختيار الخروف : ولازم يتم اختيار احسن انواع الخرفان مثل الخروف الوطني او النعيمي او العربي 000 او ايا" كان من الذبائح الي تقدم للضيف غزلان /خرفان/ حوار 000الخ
http://www.al-jazirah.com.sa/2008jaz/dec/8/ec1.jpg
http://www.uaesheep.com/upload/uploads/images/uaesheep.comebc61cf4c7.jpg

واهل الخبره يقدرون يفرقون بين خروف واخر باللمس او بالنظر 000:)

طريقه تقديمه للضيف :

ومن آداب الطعام والضيافة عندهم، ان يقدم الداعي جفنة مكللة بالارز، تعلوها ذبيحة مشوية أو مطبوخة من لحم الغنم أو الغزال أو الحوار أو طير الحبارى أو ما قسم الله من غير ذلك. ومن الأصول ان يقوم الضيف أولاً بمد يده وتناول اول لقمة من الطعام، ثم يباشر بعده القوم بالأكل.

http://www.abunawaf.com/members/noralbader/B3ER2222.jpg
http://www.albrens.com/vb/uploaded/29741_1250126768.jpg

احم الصوره ملطوشه لتوضيح الطريقه:
http://www.alrassxp.com/uploaded2/6888/21241310204.jpg

وعند بعض القبائل ، لا يأكل المضيف مع ضيفه بل يترك له حرية تناول الطعام.<<<حركه كان يسويها لوالد ويجلس اهو يكمل واجب الضيافه:shy:

ومن أصول تقديم الذبيحة ان يكون الرأس موجوداً، فمن العيب تقديمها بدون رأس.
http://www.802020.net/p3.JPG

يم يم يشهي خاطري فيييييه :(

ولسان الذبيحة يأكله شاعر القوم ان كان موجوداً، وإلا فعلى الموجودين عدم مس اللسان خوفا من وجود شاعر بينهم، ينتظر دوره للوصول إلى اللسان. وفي هذا قال شاعر لشخص مد يده وأكل اللسان قبله:
http://www.albreah.org/up2/uploads/images/albreah.com-c3b8b3fd3c.jpg

أي دليل انك تبدي باللسان شاعر مشهور في عندك دليل

ومن الأصول ان يقوم المضيف بتقطيع اللحم بأصابعه وتقديمه للآكلين.

واذا دخل داخل على قوم يأكلون، فلا يجوز ان يقول لهم السلام عليكم، اذا سلم احدهم وهم يأكلون: قاموا من مجلسهم وتركوا الأكل.<<<< هالزمن ولاعليهم اهههه ياكلون ولاهمهم احد:)

ذلك أن الشائع ان يقول الداخل: (هنهم) أي هنيئاً. فيجيبه القوم: (وانت منهم) وهي بمثابة الدعوة لتناول الطعام معهم.

ومن العيب ان يقدم للضيف (العلاك) أو (الحكاك) وهو الأرز المحمص أو المحترق في قعر القدر. ذلك معناه ان هذا هو نهاية القدر والأرز، وليس لدى المضيف غيره.

ومن العيب ايضا ان يترك احدهم المائدة اذا شبع الا بعد ان يطلب الرخصة من الجالسين.:)

كما انه ليس مستحباً ان يغص احدهم بلقمة كبيرة التهمها. فذلك دلالة على شرهه ونهمه. واذا غرز الضيف عظام اللحم في الأرز فان هذا معناه القطيعة والحرب.:eek5:

أما عندهم ينتهي القوم من طعامهم فانهم يخرجون إلى فناء الدار ويغسلون ايديهم بالماء والصابون، وهم يشكرون الداعي ويتمنون له أحلى الأمنيات كقولهم:

(أكرمك الله) و(غسلك الله من الذنوب .. وستر عليك العيوب). أو: (الله يرحمك ويرحم والديك) ويقال ايضا: (الله يغنيك ويرحم والديك ويزيدك من زوايد الخير) و(سفره دايمه).:nice:

وهذي بعض الصور لكرم الضيافه لشتى انواع من الطباخ :
http://www.alganasah.com/test/up/ar/00-=-=.jpg

احسهم طابخين فيل مهب بعير :eek5::eek5:

وهذا تيس :
http://www.mekshat.com/pix/upload02/images100/mk107664_000.5.jpg

والغزال ماطاوعني قلبي احطه اهئ اهئ :weeping: شكله حلو خساره ينذبح:weeping:

اذا فيه اي اضافات او معلومات او تصحيح لاتبخلون علينا بالمعلومات :nice:

[الأغر]

تقرير حلو كثير يابنت النوخذه يعطيك ا لعافيه في احلى واجمل من القهوه العربيه والخليجيه تحديدا اكيد ما في يسلمو

[الجووري]

كل قبيله وهاااذي سلومهاااا

اللي يدور في بالي ليش يقدمون الراس مع الذبيحه وش الحكمه!!؟ :rolleyes2:

لاهنتي يالغلا على الطرح :)

[بوعلي2]

http://www.mekshat.com/pix/upload02/images100/mk107664_000.5.jpg


:weeping: :weeping: :weeping:

بصراحه الموضوع سبشل و8 ستار

الله يعطيج الف عافيه يا اختنا العضوه المميزه بنت النوخذه :nice:

وشكرا

[بـــــــنت النوخـّــــذه]

تقرير حلو كثير يابنت النوخذه يعطيك ا لعافيه في احلى واجمل من القهوه العربيه والخليجيه تحديدا اكيد ما في يسلمو



والله يسلمك اخوي 000000000000:)

[بـــــــنت النوخـّــــذه]

كل قبيله وهاااذي سلومهاااا

اللي يدور في بالي ليش يقدمون الراس مع الذبيحه وش الحكمه!!؟ :rolleyes2:

لاهنتي يالغلا على الطرح :)

يمكن عشان الذبيحه اتكون كامله وهذا من كرم الضيافه ^_^

ونورتي الموضوع اختي 000000000000:)

[بـــــــنت النوخـّــــذه]

http://www.mekshat.com/pix/upload02/images100/mk107664_000.5.jpg


:weeping: :weeping: :weeping:

بصراحه الموضوع سبشل و8 ستار

الله يعطيج الف عافيه يا اختنا العضوه المميزه بنت النوخذه :nice:

وشكرا

يابوعلي احس عينك طاحت وقمت اتبلع ريجك اههههههههه على طول حاط صوره الذباح :)

ومشكور على المرور والتعليق 000

وعلى فكره توقيعك الهندي الي تدور عليه شايفته بالمنتدى من كمن ساعه :telephone:

[بوعلي2]

يابوعلي احس عينك طاحت وقمت اتبلع ريجك اههههههههه على طول حاط صوره الذباح :)

ومشكور على المرور والتعليق 000

وعلى فكره توقيعك الهندي الي تدور عليه شايفته بالمنتدى من كمن ساعه :telephone:


عيل دام جذي حطي له قشور موز عند باب المنتدى واول مايزلق ضربي راسه على شان يغمى عليه ونوديه مركز الشرطه :protest:

ارويه

فمان الله :weeping:

[هدهد سليمان]

يه يه يه شعندها .. امس حنا اليوم قهوه . . حرام الصوره اللي حاطتها يابنت النوخذه ذبحتني الذبيحه :eek5:

لا موضوع خوش فلا .. حلو مرررره :victory:

[حدالكلمه]

يم يمي -- جني أشم الريحة

تسلمين على الموضوع ---

[غزلان]

يسلموا بنت النوخذه على الموزوووع الخطير

دسم دسم

:omg:O My God

[لــولــو]

الصراحة مواضيع ما لها حل من عضوة ما لها حل

[لولوتي]

لا عجبني الموضوع،،، ببدأ اقراه من الاول :)

[سداوي&مدريدي]

الله عليج وعلى مواضيعج المميزه والتراثيه

موضوع حلو ومفيد لكن فيه سلبيه وحده بس

وأتــمنى أنج تتقبلين كلامي بصدر الرحب :victory:






















:omen2:










أكبر سلبيه في الموضوع :(

http://www.802020.net/p3.JPG


تعذيب الأعضاء

وهذا خطر علينا :weeping:

[بوخالد911]

هلووو بالباحثة والخبيرة التراثية والشعبية


عن نفسي : أحب القهوة وااايد


والعيش واللحم شي لا يقاووم


بس في شي مهم ؛ في فررق كبيير بين الكرم والبذخ والاسراف

واللي يصيير عندنا وللأسف اسرااف ما بعده



والله يرحمنا برحمته



تحياتي قبل أن أحتسي قهوتي


مسيوو / بوخالد911

[بـــــــنت النوخـّــــذه]

عيل دام جذي حطي له قشور موز عند باب المنتدى واول مايزلق ضربي راسه على شان يغمى عليه ونوديه مركز الشرطه :protest:

ارويه

فمان الله :weeping:

خلاص صار ولا يهمك انا في الضرب والهواش محد يوصيني 00بس على ضمانتك الي بيصير:nice:

[بـــــــنت النوخـّــــذه]

يه يه يه شعندها .. امس حنا اليوم قهوه . . حرام الصوره اللي حاطتها يابنت النوخذه ذبحتني الذبيحه :eek5:

لا موضوع خوش فلا .. حلو مرررره :victory:

اهههههه ليش الريايل يحبون الذباح؟؟؟

عموما الفله مروركم وتعليقكم على الموضوع 000:victory:

[بـــــــنت النوخـّــــذه]

يم يمي -- جني أشم الريحة

تسلمين على الموضوع ---

اي هاي ريحتي توني طالعه من المطبخ :nice: والله يسلمج:)

[بـــــــنت النوخـّــــذه]

يسلموا بنت النوخذه على الموزوووع الخطير

دسم دسم

:omg:O My God




اههههههههه الله يسلمج:nice:

[بـــــــنت النوخـّــــذه]

الصراحة مواضيع ما لها حل من عضوة ما لها حل

تسلمين والله من ذوقج حبيبتي :shy:

[غير البشر]

تقرير ومعلومات حلوووووه اختي بنت النوخذه
خاطري في العيش والدسم
الموضوع ينفع في موضوع الرابح الاكبر عند تحداني الزمن ههههههههه :secret:


لاهنتي وعساج على القوه :nice:

[بـــــــنت النوخـّــــذه]

لا عجبني الموضوع،،، ببدأ اقراه من الاول :)

اههههههههههه حلالج اختي الموضوع والي فيه 00000:)

[بـــــــنت النوخـّــــذه]

الله عليج وعلى مواضيعج المميزه والتراثيه

موضوع حلو ومفيد لكن فيه سلبيه وحده بس

وأتــمنى أنج تتقبلين كلامي بصدر الرحب :victory:






















:omen2:










أكبر سلبيه في الموضوع :(

http://www.802020.net/p3.JPG


تعذيب الأعضاء

وهذا خطر علينا :weeping:


عيل انا شاقول تميت اطالع في الصوره واكبر فيها :)

معاك حق هالسلبيه انا انتبهت لها بس مجبوره احطها :weeping:

[بـــــــنت النوخـّــــذه]

هلووو بالباحثة والخبيرة التراثية والشعبية


عن نفسي : أحب القهوة وااايد


والعيش واللحم شي لا يقاووم


بس في شي مهم ؛ في فررق كبيير بين الكرم والبذخ والاسراف

واللي يصيير عندنا وللأسف اسرااف ما بعده



والله يرحمنا برحمته



تحياتي قبل أن أحتسي قهوتي


مسيوو / بوخالد911



معاك حق اول يجلسون على الوليمه يخلصونها الحين خلف الله حتى اللحم يعجزن يقطعونه بيدهم ويتم الاكل مثل ماهو 0000 صحيح كلامك

وانا عكسك سبحان الله ماداني القهوه العربيه مادري ليش <<<تناقض لمواضيعها التراثيه

يمكن لان واحنا اصغار امي اتقول عيب البنت تشرب قهوه لين كرهتها اهههههه:nice:

[شبح الصمت]

يعطيج العافيه أختي بنت النوخذه

كل يوم تتحفينا في شيء جديد ومميز

عالعموم السلوم والعادات والتقاليد لابد منها ولا بد نعلم عيالنا اشلون يصبون القهوه ومن وين يبدون لانه هذا يدل على حسن تربية الطفل

وننطر منـج كل ما هو مميز يا جدتنا العوده

[بـــــــنت النوخـّــــذه]

تقرير ومعلومات حلوووووه اختي بنت النوخذه
خاطري في العيش والدسم
الموضوع ينفع في موضوع الرابح الاكبر عند تحداني الزمن ههههههههه :secret:


لاهنتي وعساج على القوه :nice:


اهههههههههههههه بتقوم علي تحداني الزمن تخيل احط صوره الخروف المطبوخ في موضوعهم حركه نذاله ككككككك:nice:
والله يقويك:)

[بـــــــنت النوخـّــــذه]

يعطيج العافيه أختي بنت النوخذه

كل يوم تتحفينا في شيء جديد ومميز

عالعموم السلوم والعادات والتقاليد لابد منها ولا بد نعلم عيالنا اشلون يصبون القهوه ومن وين يبدون لانه هذا يدل على حسن تربية الطفل

وننطر منـج كل ما هو مميز يا جدتنا العوده

والله المميز مرورك اخوي وصح كلامك المفروض البنات والاولاد يتعلمون هالعادات الطيبه
والمواضيع ماتزيد حلاه الي بتعليقكم :victory:

[غير البشر]

اهههههههههههههه بتقوم علي تحداني الزمن تخيل احط صوره الخروف المطبوخ في موضوعهم حركه نذاله ككككككك:nice:
والله يقويك:)



ههههههههههههههههههههههههههههههههههه
هههههههههههههههههههههههههههههههههه

مساكين صار لهم صك وحك بالوصفات وانتي اتخربينه لهم بصوره تخيلي :tease:
انزين اشرايج بالخطه انزل لهم وجبات دسم يوميه :secret:

[بو خليفه 123]

صباح الخير ..

لي عوده للتعليق على بعض النقاط التي اتحفظ عليها في هذي اللحظه حتى استجمع قواي العقليه :shy:

[بو الجوري]

موضوع رائع ومفيد الصراحه :.. ويعطيج ألف عافيه :..

الصراحه مواضيعج مميزه :.. وأحبهاا :..

وأنا نقطة ضعفي الذبيحه :.. :(
آآآآآيه على اللسان :.. والرقبه :.. والكبده :.. :victory:

بوعلي متى بتعّرس :.. عشان تعزمني على العشى :secret::..

[بـــــــنت النوخـّــــذه]

ههههههههههههههههههههههههههههههههههه
هههههههههههههههههههههههههههههههههه

مساكين صار لهم صك وحك بالوصفات وانتي اتخربينه لهم بصوره تخيلي :tease:
انزين اشرايج بالخطه انزل لهم وجبات دسم يوميه :secret:

المفروض ياكلون مايصير يحرمون نفسهم واصلا الذباح يساعد في الريجيم كاني انا ذبحتي الخروف المطبوخ في العزايم ولا امتن لالا صج بحط لهم تجربتي اههههه عشان يقتنعون<<خلاص تحداني الزمن بتزنطني :)

[وافق شنن طبقة]

الله يعطيج العافيه ماقصرتي على الشرح الي بعضهم مايعرفونه..:)

وازيد على موضوعك ان الظيف ما يقعد على الصحن الا من صوب جمب الخروف او من امام الذبيحه ..
وعيب انه يجلس من صوب الكفل ..<<

ومن ناحيه المعزب ..الي هو الي مظيف الظيف .
فيه قبايل ما يقومون مع الظيف ابد ..وفيه قبايل .يطفون الليت لو فيه ليت اذا في بر ..عشان ياخذ راحته الظيف ..وفيه قبايل ماياكلون طول الوقت بس يكونون مع الظيف على الصحن ويقطعون له .وفيه الي مثل ماذكرتي اختي ..

ومن ناحيه القهوة ..فيه عاده معروفه انه ما يصبون القهوة للظيف او ل اي شخص ..الا بعد ما يقدع<<ياكل التمر عقب يصبون الفنجال


على العموم الف شكر على الموضوع الحلو

[بـــــــنت النوخـّــــذه]

صباح الخير ..

لي عوده للتعليق على بعض النقاط التي اتحفظ عليها في هذي اللحظه حتى استجمع قواي العقليه :shy:

الله يستر :eek5::eek5:ننتظرك يابوخليفه:)

[بـــــــنت النوخـّــــذه]

موضوع رائع ومفيد الصراحه :.. ويعطيج ألف عافيه :..

الصراحه مواضيعج مميزه :.. وأحبهاا :..

وأنا نقطة ضعفي الذبيحه :.. :(
آآآآآيه على اللسان :.. والرقبه :.. والكبده :.. :victory:

بوعلي متى بتعّرس :.. عشان تعزمني على العشى :secret::..

بو الجوري تاكل اللسان ليكون انت شاعر:nice:

بس الرقبه ماحبها ولا اللسان والكبده احلى شي00:nice:00

والله يعافيك 0000000

[بـــــــنت النوخـّــــذه]

الله يعطيج العافيه ماقصرتي على الشرح الي بعضهم مايعرفونه..:)

وازيد على موضوعك ان الظيف ما يقعد على الصحن الا من صوب جمب الخروف او من امام الذبيحه ..
وعيب انه يجلس من صوب الكفل ..<<

ومن ناحيه المعزب ..الي هو الي مظيف الظيف .
فيه قبايل ما يقومون مع الظيف ابد ..وفيه قبايل .يطفون الليت لو فيه ليت اذا في بر ..عشان ياخذ راحته الظيف ..وفيه قبايل ماياكلون طول الوقت بس يكونون مع الظيف على الصحن ويقطعون له .وفيه الي مثل ماذكرتي اختي ..

ومن ناحيه القهوة ..فيه عاده معروفه انه ما يصبون القهوة للظيف او ل اي شخص ..الا بعد ما يقدع<<ياكل التمر عقب يصبون الفنجال


على العموم الف شكر على الموضوع الحلو


والله الف شكر لك انت على هالمعلومات الاضافيه القيمه 000وصحيح كلامك خصوصا في نقطه جلوس الضيف امام الذبيحه 00 وعموما نسيت اقول ان هالعادات من كرم الضياقه للنساء والرجال:nice:

[شجرة الدر]

يسعد صباحج بنت النوخذه ،،

ماشاء الله موضوع مميز عن العادات الطيبه واكرام الضيف ،،

يعطيج الف عاافيه ،،

[بـــــــنت النوخـّــــذه]

يسعد صباحج بنت النوخذه ،،

ماشاء الله موضوع مميز عن العادات الطيبه واكرم الضيف ،،

يعطيج الف عاافيه ،،

الله يعافيج اختي وصباحج فل وأشطة اههههههههه:nice:ه

[وافق شنن طبقة]

هههه
كفؤ يالنسوان انه من غيركم من يطبخ وينفخ

[بـــــــنت النوخـّــــذه]

هههه
كفؤ يالنسوان انه من غيركم من يطبخ وينفخ

:eek5:

:nice:

[بو الجوري]

بو الجوري تاكل اللسان ليكون انت شاعر:nice:

بس الرقبه ماحبها ولا اللسان والكبده احلى شي00:nice:00

والله يعافيك 0000000


شاعر :. على خفيف :.. شرايج بتوقيعي :.. :shy:

بالعكس لحم الرقبه عجييييييب :..

[رذاذ]

عساك ع القوة فتحت نفوسنا من صباح الله خير شكلي بطلع بشتري هريفي وعود

[بـــــــنت النوخـّــــذه]

شاعر :. على خفيف :.. شرايج بتوقيعي :.. :shy:

بالعكس لحم الرقبه عجييييييب :..

ايييي عدل اذا عرف السبب بطل العجب !!!!

عيل صح كلامهم الي ياكل اللسان يصير شاعر00والله يخلي لك عيالك :nice:

[بـــــــنت النوخـّــــذه]

عساك ع القوة فتحت نفوسنا من صباح الله خير شكلي بطلع بشتري هريفي وعود

من الصبح عاد:eek5::eek5:

[بوغانم995]

وختام العزيمه أكيد مسك _ صب الماء على يد الضيوف : يسخن البريج الكبير على النار و يخلط بماء يخفف الحراره , ليكون الماء مقبول للمتلقي . ويقوم الشباب بالتناوب على صب الماء وأعطاء الصابون للمغسلين والصابونه الحمرا يازين ريحتها اول . وكذلك واحد شايل الفوطه لمش اليد بعد الغسيل ...وتشوف الشباب مأخذين الموضوع بصدق وعفويه و لا ضجر من هذه الخدمه بل... بالعكس من طيب خاطرويتسابقون على البريج والذي يصب على يد اكثر من شخص يعطي الفرصه لغيره بتسامح وبتسامه من القلب للقلب . ناهيك عن الذي يدور بالمدخن وعود أول اصلي يقعد في الثياب تقول اسبوع .....وبسسسسسسسس

[بـــــــنت النوخـّــــذه]

وختام العزيمه أكيد مسك _ صب الماء على يد الضيوف : يسخن البريج الكبير على النار و يخلط بماء يخفف الحراره , ليكون الماء مقبول للمتلقي . ويقوم الشباب بالتناوب على صب الماء وأعطاء الصابون للمغسلين والصابونه الحمرا يازين ريحتها اول . وكذلك واحد شايل الفوطه لمش اليد بعد الغسيل ...وتشوف الشباب مأخذين الموضوع بصدق وعفويه و لا ضجر من هذه الخدمه بل... بالعكس من طيب خاطرويتسابقون على البريج والذي يصب على يد اكثر من شخص يعطي الفرصه لغيره بتسامح وبتسامه من القلب للقلب . ناهيك عن الذي يدور بالمدخن وعود أول اصلي يقعد في الثياب تقول اسبوع .....وبسسسسسسسس

بوغانم 000مابعد العود قعود :)

الله يذكرك بالشهاده ذكرتني بعد بنقطه مهمه واهو تبخير الضيف بالعود ودهن العود ومن العادات المتوارثه ان اخر شي يتم تبخير الضيف وعلى الضيف ان يفهم ان مابعد العود قعود اهههه:) بس عاد ترى تقديم المدخن فن مهب على طول نشعر الضيف بالاحراج انه لازم يطلع 00اكيد بعد فتره من الضيافه وعاد الحريم حدث ولا حرج بالطيب الي يقدمونه000

[بو خليفه 123]

أنا حاولت اتفادى الصفحة الاولى من الموضوع بدخولي الصفحه الاخيره مباشرةً .. عشان ما اشوف الصور و اعور قلبي :(

فـ لذلك قررت ان شاء الله عشاء اليوم تويس صغيرون مشوي .. والعين اوسع من المكان حياكم جميعاً .


اما بخصوص موضوع اختنا فسكر مديرة الشؤون الثقافية :shy:

تختلف بعض العادات بين القبائل و لكن كـ شكل عام جميعها متشابهه "والهدف المنشود هو ارضاء الضيف" بعيداً عن الهفوات والاخطاء البسيطه اثناء العشاء .

فـ الوضع اختلف الآن عن قبل عندما كان يتم شواء الخروف امام بيت الشعر على الحطب الى أن الآن ترفع سماعة التلفون و تكلم المطابخ الشعبيه تقوله جهز لي عدد الخرفان المطلوب و يتم ارساله مغلف بالقصدير حتى عليك انت والضيف تاكلون و بس .

اما بخصوص "اللي يحط العظم حق ضيفه عشان يعلن الحرب" ضحكتني ..

طيب ليش عازمه على ذبيحه اذا تبي تحاربه ؟ :tease:

لا اتوقع هذي الصفه متواجده بين اهل الخليج تحديداً فـ اكرام الضيف واجب و ليس من سلوم العرب والقبائل اعلان الحروب بهذه الطريقه .


هذا التعقيب الأول و لي عوده للتعقيب على النقاط الاخرى و لكن بعد الغداء "ربنا يسامحك ياللي في بالي" :(

[بـــــــنت النوخـّــــذه]

أنا حاولت اتفادى الصفحة الاولى من الموضوع بدخولي الصفحه الاخيره مباشرةً .. عشان ما اشوف الصور و اعور قلبي :(

فـ لذلك قررت ان شاء الله عشاء اليوم تويس صغيرون مشوي .. والعين اوسع من المكان حياكم جميعاً .


اما بخصوص موضوع اختنا فسكر مديرة الشؤون الثقافية :shy:

تختلف بعض العادات بين القبائل و لكن كـ شكل عام جميعها متشابهه "والهدف المنشود هو ارضاء الضيف" بعيداً عن الهفوات والاخطاء البسيطه اثناء العشاء .

فـ الوضع اختلف الآن عن قبل عندما كان يتم شواء الخروف امام بيت الشعر على الحطب الى أن الآن ترفع سماعة التلفون و تكلم المطابخ الشعبيه تقوله جهز لي عدد الخرفان المطلوب و يتم ارساله مغلف بالقصدير حتى عليك انت والضيف تاكلون و بس .

اما بخصوص "اللي يحط العظم حق ضيفه عشان يعلن الحرب" ضحكتني ..

طيب ليش عازمه على ذبيحه اذا تبي تحاربه ؟ :tease:

لا اتوقع هذي الصفه متواجده بين اهل الخليج تحديداً فـ اكرام الضيف واجب و ليس من سلوم العرب والقبائل اعلان الحروب بهذه الطريقه .


هذا التعقيب الأول و لي عوده للتعقيب على النقاط الاخرى و لكن بعد الغداء "ربنا يسامحك ياللي في بالي" :(

اهههههههه قبل لا انزل الموضوع والقط المعلومات كنت حاطه في بالي احذف نقطه تقديم العظم معقوله انزلت سهوا هالجمله ؟؟؟؟ لان حبيت اركز على الاساسيات بدون مبالغه :)

عموما بالنسبه لتقديم الخروف من المطبخ لي البيت لي المجلس اكيد بتشل القصدير وبتشيك على الذبيحه وبتضبط وضع الذبيحه للضيف000وعموما" في بعض العادات (الرأيسيه) مازالت متواجده0000 والزيادات خلك عنها مثل العظم وطخته :fight:000

عموما شنهو غداكم ؟؟:whistling:

[هذلان]

السلام عليكم

اووووه الفسكره شهالموضوع الي يرد الروح .

شوفي طال عمرج بخصوص القهوه

اعتقد لا تصب القهوه للولد الصغير ان كان جالس (يتم تخطيه) الا اذا الي على يساره ردك له ،، يعني صب له .. بقصد انه له غرض معين ،، مثلا يقول الرجل الي على يسار الولد لا لا صب لفلان صار رجال ما شاء الله ولا كلمه صب له يستاهل .

بالنسبه للضيق العزيز صاحب القدر الكبير عند راعي المجلس (في وقتنا هذا يوجد مقهوي) فـ اذا كان الضيوف مهمين و عزيزين على صاحب المجلس وقدرهم كبير مايصب المقهوي و الي يقهوي احد ابناء صاحب المجلس او ابناء ابنائه .

موضوع اخر فينا يخص القهوه ( ما احب هالسالفه) فيه ناس (بعض الشيبان الكبار)
اذا تقهوى و بقى في الفنجال شوي هيل نثره في المجلس على الزوليه ( بركه و الهيل طيب)

بالنسبه للعشا ( كرامه الضيف)

من الكرم عزيمه اي ضيف او غريب (طرقي) و على الغالب الضيف يرفض قبول العزيمه و هذا ايضا من الكرم (مايبي يكلف على المعزب ) و من الحيل لاجبار الضيف هو ذبح الذبيحه و جلب راسها للضيف وهو يقطر دم ليعلم ان ذبيحته ماتت . طبعا الحلفان حدث ولا حرج و البعض يطلق الله يصلحهم .

موضوع اخر اذا المعزب برز عشاه و قلط ضيوفه (عند كثير من الناس) لازم يقوم المعزب و يرحب بالضيف ببعض الجمل مثل .

يالله حيهم سمو الله يحييكم على عشاكم فلان (الضيف) والله انه غالي و مبروك الي جمعنا بكم هالليله .
وهم على السفره في هذا الوقت تحديدا تتم عزيمه الضيف عند شخص اخر من الجالسين اما جار او ابن عم او او و احيانا تصير العفيسه بين اثنين و الضيف هو الي ضايع :)

و الصح انه محد يقوم من الجالسين على العشا الا لين يقوم الضيف و الضيف قصدا يطول في الجلسه و ان شبع ياكل شوي شوي عشان يعطي الجالسين فرصه يشبعون و ان تاكد ان الجميع كلهم شبعو (واحيانا ينغزه شخص كانك تعشيت قم مع ابتسامه يعني خلصنا) فيقوم الضيف و يليه الباقين و طبعا المعزب مايتعشى و غالبنا اهل البيت يرفعون له عشى

السموحه على الاطاله و مشكوره بنت النوخذه

[بـــــــنت النوخـّــــذه]

السلام عليكم

اووووه الفسكره شهالموضوع الي يرد الروح .

شوفي طال عمرج بخصوص القهوه

اعتقد لا تصب القهوه للولد الصغير ان كان جالس (يتم تخطيه) الا اذا الي على يساره ردك له ،، يعني صب له .. بقصد انه له غرض معين ،، مثلا يقول الرجل الي على يسار الولد لا لا صب لفلان صار رجال ما شاء الله ولا كلمه صب له يستاهل .

بالنسبه للضيق العزيز صاحب القدر الكبير عند راعي المجلس (في وقتنا هذا يوجد مقهوي) فـ اذا كان الضيوف مهمين و عزيزين على صاحب المجلس وقدرهم كبير مايصب المقهوي و الي يقهوي احد ابناء صاحب المجلس او ابناء ابنائه .

موضوع اخر فينا يخص القهوه ( ما احب هالسالفه) فيه ناس (بعض الشيبان الكبار)
اذا تقهوى و بقى في الفنجال شوي هيل نثره في المجلس على الزوليه ( بركه و الهيل طيب)

بالنسبه للعشا ( كرامه الضيف)

من الكرم عزيمه اي ضيف او غريب (طرقي) و على الغالب الضيف يرفض قبول العزيمه و هذا ايضا من الكرم (مايبي يكلف على المعزب ) و من الحيل لاجبار الضيف هو ذبح الذبيحه و جلب راسها للضيف وهو يقطر دم ليعلم ان ذبيحته ماتت . طبعا الحلفان حدث ولا حرج و البعض يطلق الله يصلحهم .

موضوع اخر اذا المعزب برز عشاه و قلط ضيوفه (عند كثير من الناس) لازم يقوم المعزب و يرحب بالضيف ببعض الجمل مثل .

يالله حيهم سمو الله يحييكم على عشاكم فلان (الضيف) والله انه غالي و مبروك الي جمعنا بكم هالليله .
وهم على السفره في هذا الوقت تحديدا تتم عزيمه الضيف عند شخص اخر من الجالسين اما جار او ابن عم او او و احيانا تصير العفيسه بين اثنين و الضيف هو الي ضايع :)

و الصح انه محد يقوم من الجالسين على العشا الا لين يقوم الضيف و الضيف قصدا يطول في الجلسه و ان شبع ياكل شوي شوي عشان يعطي الجالسين فرصه يشبعون و ان تاكد ان الجميع كلهم شبعو (واحيانا ينغزه شخص كانك تعشيت قم مع ابتسامه يعني خلصنا) فيقوم الضيف و يليه الباقين و طبعا المعزب مايتعشى و غالبنا اهل البيت يرفعون له عشى

السموحه على الاطاله و مشكوره بنت النوخذه

صحيح كلامك وماطلع الا من شخص متعود على هذي العوايد 0000والتنغز هذي حزه الكل اتصير معنا احنا الحريم لان ساعات تاخذنا الهذره فتحصل وحده تنغز ان يلا عاد 000وبالنسبه للحلفان حدث ولا حرج حلف بالطلاق :eek5:

وشاكره لك المداخله القيمه ومنكم نستفيد باضافاتكم القيمه ومسموح اخوي :nice:

[لاجل QT]

:omg:

http://www.7mmlbs.com/img/Dir94606.jpg

طابخين دينصور

يسلمو على حسن الضيافة:nice:

[هذلان]

صحيح كلامك وماطلع الا من شخص متعود على هذي العوايد 0000والتنغز هذي حزه الكل اتصير معنا احنا الحريم لان ساعات تاخذنا الهذره فتحصل وحده تنغز ان يلا عاد 000وبالنسبه للحلفان حدث ولا حرج حلف بالطلاق :eek5:

وشاكره لك المداخله القيمه ومنكم نستفيد باضافاتكم القيمه ومسموح اخوي :nice:

عسى ربي يسلمج يالفسكره
اضافه اخرى جديره بالذكر
بخصوص الكرامه (العشا) فيه قبائل بعض اجزاء الذبيحه ماتاكلها و البعض بعض الاجزاء مايقدمها مع الذبيحه . الي يحضرني المناصير ماياكلون الكليه ولا اعرف السبب بصراحه
وايضا القبيله العزيزه على قلبي النعيم مايقدمون الفصله (وهي الجزء الاخير من رقبه الخروف و السبب ان الفصله هي قسم مره ،، اي جرة العاده ان الجزء هذا من الخروف يتم ارساله الى النسوان فلذالك لاتقدم مع الذبيحه .

[بوحارب]

i don`t know any thing:tooth::D


can you learn me step by step PLS:looking::p

[نايف قطر]

جوعتينا:secret:

[بـــــــنت النوخـّــــذه]

عسى ربي يسلمج يالفسكره
اضافه اخرى جديره بالذكر
بخصوص الكرامه (العشا) فيه قبائل بعض اجزاء الذبيحه ماتاكلها و البعض بعض الاجزاء مايقدمها مع الذبيحه . الي يحضرني المناصير ماياكلون الكليه ولا اعرف السبب بصراحه
وايضا القبيله العزيزه على قلبي النعيم مايقدمون الفصله (وهي الجزء الاخير من رقبه الخروف و السبب ان الفصله هي قسم مره ،، اي جرة العاده ان الجزء هذا من الخروف يتم ارساله الى النسوان فلذالك لاتقدم مع الذبيحه .


والنعم بكل القبايل 0000

اما سالفه الفصله ؟؟؟ بس عشان التسميه :omen2: والله عوايد غريبه بس حلوه منهم ومنكم نستفيد تعددت الاسباب وفي الاخير كله لاكرام الضيف وهذا الشي الحلو في الموضوع :nice: وننتظر مداخلات جديده منك ^_^

[بـــــــنت النوخـّــــذه]

i don`t know any thing:tooth::D


can you learn me step by step PLS:looking::p

عشتّو والله step by step :funny:

[بـــــــنت النوخـّــــذه]

جوعتينا:secret:

:):) والله لو يصير كان مع الموضوع حطيت لكم ذبيحه صجيه 0تستاهلون000

[كازانوفا]

يسلمو على موضوعك يا كريمه :)

[بـــــــنت النوخـّــــذه]

يسلمو على موضوعك يا كريمه :)

:):) الله يسلمج 0000000اختي0000

[بوخالد911]

:omg:

http://www.7mmlbs.com/img/Dir94606.jpg

طابخين دينصور

يسلمو على حسن الضيافة:nice:



هذا مو كرم ولا شي
:omg::eek5::omg:

اسراااف وتبذيير

ماله داعي كللش ملشش بللش


:anger1::anger1::anger1:

[بـــــــنت النوخـّــــذه]

:omg:

http://www.7mmlbs.com/img/Dir94606.jpg

طابخين دينصور

يسلمو على حسن الضيافة:nice:

اههههههههههههه وانا كنت احسب فيل طلع دينصور :)

بس خاطري اعرف اشلون اطبخو هالبعير :eek5:

[بوخالد911]

ابي قهوة عربية
تعدل راااسي

[بـــــــنت النوخـّــــذه]

هذا مو كرم ولا شي
:omg::eek5::omg:

اسراااف وتبذيير

ماله داعي كللش ملشش بللش


:anger1::anger1::anger1:

انزين يمكن الجماعه الي اجلسو عليه قضو عليه بالكامل ؟؟؟

اهو صح اذا بالاسراف حدث ولا حرج بمجتمعنا كل ماكنت مسرف كل مادل هذا شي على كرم الضيافه <<< تفكير غريب :omen2:

[بـــــــنت النوخـّــــذه]

ابي قهوة عربية
تعدل راااسي






http://gallery.7oob.net/data/thumbnails/4/dallani2.gif

سم يابوخالد

[غبيش]

السلاام عليهم
كل قبيله ولها سلمها في المواجيب واكرام الضيف وتقريبا اكثر اسلوم القبايل العربيه متقارب
والبعض فيه اختلاف في التقديم وملاحظه في صب القهوة مثلاا يصبونها لراعي المكان اي ان الابن يصب لوالده القهوة وهو بدوره يقوله اويأشر على الضيف اول

[المغروره]

شي حلوووووو وعند القبايل معرووف
يقول ياما حلا الفنجان مع ريحه البان في مجلسن مافيه نفسن ثقيله
تحياتي لموضوعجج الاكثر من الرووعه

[الشمالي111]

الله يعطيتس العافيه متى عاد بتسوين لنا مثل هالصور


ههههههههههههههههههههههههههههههههه



تقرير متعوب عليه

[لاجل QT]

هذا مو كرم ولا شي
:omg::eek5::omg:

اسراااف وتبذيير

ماله داعي كللش ملشش بللش


:anger1::anger1::anger1:

اي صح ليش التبذير..مالة داعي كلش ملش كدا خلاص:tease:

[بـــــــنت النوخـّــــذه]

السلاام عليهم
كل قبيله ولها سلمها في المواجيب واكرام الضيف وتقريبا اكثر اسلوم القبايل العربيه متقارب
والبعض فيه اختلاف في التقديم وملاحظه في صب القهوة مثلاا يصبونها لراعي المكان اي ان الابن يصب لوالده القهوة وهو بدوره يقوله اويأشر على الضيف اول

ومنكم نستفيد 00انا قلت سابقا" تعددت الطرف والهدف واحد واهو اكرام الضيف وهذا الشي الحلو في الموضوع 000شاكره لك مداخلتك القيمه :)

[بـــــــنت النوخـّــــذه]

شي حلوووووو وعند القبايل معرووف
يقول ياما حلا الفنجان مع ريحه البان في مجلسن مافيه نفسن ثقيله
تحياتي لموضوعجج الاكثر من الرووعه

الروعه مرورج اختي 0000وقلتيها ياما حلا الفنجان مع ريحه البان في مجلسن مافيه نفسن ثقيله :nice:

[بـــــــنت النوخـّــــذه]

الله يعطيتس العافيه متى عاد بتسوين لنا مثل هالصور


ههههههههههههههههههههههههههههههههه



تقرير متعوب عليه



اهههه والله لو يصير كان الذبيحه اسبقت الموضوع تستاهلون

وشاكره مرورك اخوي:)

[بـــــــنت النوخـّــــذه]

اي صح ليش التبذير..مالة داعي كلش ملش كدا خلاص:tease:

اهههه كلش ملش :omen2::omen2:

[The Master]

احم...

الله ينور...
تصدقين ذكرتيني بمواضيع اختنا العضوه البندري...
فنانه في كذا مواضيع...الله يذكرها بالخير...

المهم نرجع لموضوعك...
في اشيا سلبيه او اشيا مذكوره "بعضها" مب عندنا كا اهل قطر ...
فا مادري انتي من وين جبتي هالمعلومات؟؟؟ او منقول؟؟؟

لكن على كل حال شي متعوب عليه اختي...والله ينور...وينحسب لك...كا فكره او طرح...

بخصوص وحده من الاعضاء اذكرت ان الضيف مايقوم وياكل اشوي اشوي لحد ما يشبعون الناس ويقوم...عشان يخلي لهم فرصه...
هذي معروفه العاده عند هل الكويت...

حتى في العزايم...خاصه اذا كانت بين ناس من قطر والكويت...يقولون الدعوه اقطريه ولا اكويتيه...

علي العموم...
يعطيك العافيه اختي...

[عيون Qatar]

يعطيج العافية يابنت النوخذه

[بـــــــنت النوخـّــــذه]

احم...

الله ينور...
تصدقين ذكرتيني بمواضيع اختنا العضوه البندري...
فنانه في كذا مواضيع...الله يذكرها بالخير...

المهم نرجع لموضوعك...
في اشيا سلبيه او اشيا مذكوره "بعضها" مب عندنا كا اهل قطر ...
فا مادري انتي من وين جبتي هالمعلومات؟؟؟ او منقول؟؟؟

لكن على كل حال شي متعوب عليه اختي...والله ينور...وينحسب لك...كا فكره او طرح...

بخصوص وحده من الاعضاء اذكرت ان الضيف مايقوم وياكل اشوي اشوي لحد ما يشبعون الناس ويقوم...عشان يخلي لهم فرصه...
هذي معروفه العاده عند هل الكويت...

حتى في العزايم...خاصه اذا كانت بين ناس من قطر والكويت...يقولون الدعوه اقطريه ولا اكويتيه...

علي العموم...
يعطيك العافيه اختي...

الله ينور 0000

تعددت الاسباب والطرق والهدف واحد وهو (اكرام الضيف) عموما هالمعلومات منقوله وبعضها ضايفتها لطرق الضيافه عند العرب والقبائل القطريه 000والخليجيه بعضهم مازالو وبعضهم اندثرو بظهور البوفيه :)

وشاكره لك هالمعلومه وبالنسبه لعاده الضيف الي ياكل مع ضيوفه مهب فقط لهل الكويت ترى احنا الحريم انسويها مثلا الوالده اتجلس وحده من البنات مع المعازيم بس انسوي نفسنا ناكل لكن ماناكل تمويه كأشراف على الضيوف وهذي العوايد موجوده في كل الناس 00

ومنكم نستفيد :nice:

[بـــــــنت النوخـّــــذه]

يعطيج العافية يابنت النوخذه

الله يعافيج اختي 0000000000000000:nice:

[بو خليفه 123]

فيه ناس عليهم غياب اليوم .

[بـــــــنت النوخـّــــذه]

فيه ناس عليهم غياب اليوم .

مافهمت من الغايب؟؟؟؟؟؟؟؟؟؟

[هذلان]

احم...

الله ينور...
تصدقين ذكرتيني بمواضيع اختنا العضوه البندري...
فنانه في كذا مواضيع...الله يذكرها بالخير...

المهم نرجع لموضوعك...
في اشيا سلبيه او اشيا مذكوره "بعضها" مب عندنا كا اهل قطر ...
فا مادري انتي من وين جبتي هالمعلومات؟؟؟ او منقول؟؟؟

لكن على كل حال شي متعوب عليه اختي...والله ينور...وينحسب لك...كا فكره او طرح...

بخصوص وحده من الاعضاء اذكرت ان الضيف مايقوم وياكل اشوي اشوي لحد ما يشبعون الناس ويقوم...عشان يخلي لهم فرصه...
هذي معروفه العاده عند هل الكويت...

حتى في العزايم...خاصه اذا كانت بين ناس من قطر والكويت...يقولون الدعوه اقطريه ولا اكويتيه...

علي العموم...
يعطيك العافيه اختي...

الي بالاحمر القصد هو ان بعض اهل قطر مايعرفون السنع (طنازه) ولاكن تنقال كمزحه و عادي يقولونها الربع لبعض .

[بـــــــنت النوخـّــــذه]

الي بالاحمر القصد هو ان بعض اهل قطر مايعرفون السنع (طنازه) ولاكن تنقال كمزحه و عادي يقولونها الربع لبعض .

:nice::nice:

[The Master]

الله ينور 0000

تعددت الاسباب والطرق والهدف واحد وهو (اكرام الضيف) عموما هالمعلومات منقوله وبعضها ضايفتها لطرق الضيافه عند العرب والقبائل القطريه 000والخليجيه بعضهم مازالو وبعضهم اندثرو بظهور البوفيه :)

وشاكره لك هالمعلومه وبالنسبه لعاده الضيف الي ياكل مع ضيوفه مهب فقط لهل الكويت ترى احنا الحريم انسويها مثلا الوالده اتجلس وحده من البنات مع المعازيم بس انسوي نفسنا ناكل لكن ماناكل تمويه كأشراف على الضيوف وهذي العوايد موجوده في كل الناس 00

ومنكم نستفيد :nice:

نعم نعم...
والنعم في الام اللي تعلمها بناتها واعيالها السنع...
احييه على هالشي...وعسى تكونون بارين لها يارب...

لكن تبقى الاختلافات موجوده...
لان كثير من التطورات احصلت...والناس شوي شوي قامت اتغير...
مثل ما للبدو عندهم سنع...كذلك الحضر...
وفي من من البدو تحضروا ومن من الحضر تبدوا
فا صار عندهم مكس...احم
وهذا ماهو بعيب...لكن لازم تعرف الضيف من منه...او من اي بيئه عشان تعرف اعلومه وتوجبه صح...
كنت انت احضري او ابدوي...
وان كان هو ابدوي او احضري...

ما انقص من مقدار حد...ان كنت انا ابدوي وضيفي احضري...ولشفت تصرفاته مب على تصرفاتي معناها انه مايعرف السنع او اطنازه...
احترم الناس واقدرهم...ومهما كان هذا ضيف...وعلي احترمه ايا كان...

وبس...
شبكت ردي عليك وعلى الاخت هذلان...تحت...

[بـــــــنت النوخـّــــذه]

نعم نعم...
والنعم في الام اللي تعلمها بناتها واعيالها السنع...
احييه على هالشي...وعسى تكونون بارين لها يارب...

لكن تبقى الاختلافات موجوده...
لان كثير من التطورات احصلت...والناس شوي شوي قامت اتغير...
مثل ما للبدو عندهم سنع...كذلك الحضر...
وفي من من البدو تحضروا ومن من الحضر تبدوا
فا صار عندهم مكس...احم
وهذا ماهو بعيب...لكن لازم تعرف الضيف من منه...او من اي بيئه عشان تعرف اعلومه وتوجبه صح...
كنت انت احضري او ابدوي...
وان كان هو ابدوي او احضري...

ما انقص من مقدار حد...ان كنت انا ابدوي وضيفي احضري...ولشفت تصرفاته مب على تصرفاتي معناها انه مايعرف السنع او اطنازه...
احترم الناس واقدرهم...ومهما كان هذا ضيف...وعلي احترمه ايا كان...

وبس...
شبكت ردي عليك وعلى الاخت هذلان...تحت...

صحيح كلامك مانقدر نقول عنه شي لانه منطقي وعقلاني00

وكلام الاخ هذلان وكلامك على العين والراس وكلها امور وواجبات هدفها واحد (اكرام الضيف) يعني مثل ماقلت قبل تعددت الاسباب والطرق والهدف واحد (اكرام الضيف)

ومشكور على هالاضافات القيمه:)

[The Master]

صحيح كلامك مانقدر نقول عنه شي لانه منطقي وعقلاني00

وكلام الاخ هذلان وكلامك على العين والراس وكلها امور وواجبات هدفها واحد (اكرام الضيف) يعني مثل ماقلت قبل تعددت الاسباب والطرق والهدف واحد (اكرام الضيف)

ومشكور على هالاضافات القيمه:)


الاخ هذلان!!!!؟
احم...وانا معلق على الاخت...احم

معليش التفهي ومايسوي...
تشكرين عالتوضيح

[بـــــــنت النوخـّــــذه]

الاخ هذلان!!!!؟
احم...وانا معلق على الاخت...احم

معليش التفهي ومايسوي...
تشكرين عالتوضيح

اهاااا انا ما انتبهت لكلمه اخت لالالا مايصير لازم هذلان يدخل يبرر لنا اهو اخت ولا اخ <<<متسببه

عموما جل من لايسهو :victory:

[هذلان]

السلام عليكم

هلا بالفسكرة :nice:
The Master مرحبتين بالمفتاح :tease:

طال عمرك اتركنا من موضوع اخ او اخت .. قريت مشاركتك السابقه و اعتقد اني اعترض وياك في شغله بسيطه . مش عارف انا فهمت صح او خطا ،، تقول انت لا جاك ضيف مثلا تشوف هل هو بدوي او حضري او بلده و تعامله بالطريقه الي تناسبه . ان كان فهمي صحيح اذا اخالفك من وجهة نظري لانك بتكون على غير طبيعتك و غيرت الي علمك اياه ابوك و جدك (اطال الله في عمر الحي منهم و رحم ميتكم) و حرمت ضيفك من معرفة عاداتكم و سلومكم .

مثلا عزمت ضيف من عائله الشحوح و العائله معروف عنهم (الندبه) انهم يعوون مثل صوت الذيب كطريقه تواصل بينهم للإبلاغ بوجود ضيف ،، هل انت لا عزمت حد منهم بتسوي هالشي .
او في اليمن اذا جارك عنده ضيف بعد ماينتهي العشا تروح لبيتك و تثور بالكلاشينكون مشط كامل لابلاغ الجميع ان عشان ضيف جاري عندي بكره .
هههههه ابيك تسوي الاخيره و الوعد العاصمه :)

[Al-Jawhara]

موضوع مو غريب على الأصيله بنت النوخذه :)

حبيت هذا الموضوع واجد لأني من عشاق القهوه

لا هنتي على هالموضوع الرائع يا بنت النوخذه :ok:

[بـــــــنت النوخـّــــذه]

السلام عليكم

هلا بالفسكرة :nice:
The Master مرحبتين بالمفتاح :tease:

طال عمرك اتركنا من موضوع اخ او اخت .. قريت مشاركتك السابقه و اعتقد اني اعترض وياك في شغله بسيطه . مش عارف انا فهمت صح او خطا ،، تقول انت لا جاك ضيف مثلا تشوف هل هو بدوي او حضري او بلده و تعامله بالطريقه الي تناسبه . ان كان فهمي صحيح اذا اخالفك من وجهة نظري لانك بتكون على غير طبيعتك و غيرت الي علمك اياه ابوك و جدك (اطال الله في عمر الحي منهم و رحم ميتكم) و حرمت ضيفك من معرفة عاداتكم و سلومكم .

مثلا عزمت ضيف من عائله الشحوح و العائله معروف عنهم (الندبه) انهم يعوون مثل صوت الذيب كطريقه تواصل بينهم للإبلاغ بوجود ضيف ،، هل انت لا عزمت حد منهم بتسوي هالشي .
او في اليمن اذا جارك عنده ضيف بعد ماينتهي العشا تروح لبيتك و تثور بالكلاشينكون مشط كامل لابلاغ الجميع ان عشان ضيف جاري عندي بكره .
هههههه ابيك تسوي الاخيره و الوعد العاصمه :)

ضرب نار :eek5::eek5: ويعاوون مثل الذيابه :eek5:
يحليلهم والله عوايد اكرام الضيف متنوعه وغريبه في بعض البلدان زين ان ماعندنا ضرب نار لان احنا مجتمع تفاخر وزبو عاد الله يعين لو عندنا كل بيتفنن بعدد الطللقات 00ومن احسن واحد:nice:عموما مافي احلى من عوايدنا (السلميه والطبيعيه والمعتاده)وعموما اكرر تعددت الاسباب والطرق والهدف واحد وهو (اكرام الضيف):)

[بـــــــنت النوخـّــــذه]

موضوع مو غريب على الأصيله بنت النوخذه :)

حبيت هذا الموضوع واجد لأني من عشاق القهوه

لا هنتي على هالموضوع الرائع يا بنت النوخذه :ok:

هلا بجوهرة المنتدى :nice:

انتي وينج صار لج مده غايبه :telephone:

والرائع مرورج حبيبتي وكلج ذوق :shy:

[حليتان*]

الله يعطيج العافية على هاالمواضيع

[Qt.1]

الله عليج يابنت النوخذه مواضيعج وايد مهمه خاصه هالاايام لانج اذكرينا بعاداتنا وتقاليدنا الي للاسف فئه كبيره نستها او بالااحرى للاسف ماتعرفها الله يرحم ايام اول....والله يعطيج العافيه.

[ابو ضمير]

جزاك الله خير على الموضوع الحلو

[Al-Jawhara]

هلا بجوهرة المنتدى :nice:

انتي وينج صار لج مده غايبه :telephone:

والرائع مرورج حبيبتي وكلج ذوق :shy:


يا هلا بج يا بنت النوخذه

أنت الرائعه وبصراااااحه جدا متميزه :)

( دعواتج لي يا الغاليه )

[بـــــــنت النوخـّــــذه]

الله يعطيج العافية على هاالمواضيع

الله يعافيك 000000000:nice:

[بـــــــنت النوخـّــــذه]

الله عليج يابنت النوخذه مواضيعج وايد مهمه خاصه هالاايام لانج اذكرينا بعاداتنا وتقاليدنا الي للاسف فئه كبيره نستها او بالااحرى للاسف ماتعرفها الله يرحم ايام اول....والله يعطيج العافيه.

والاهم مروركم الحلو على الموضوع وتعليقكم :shy: والله يعافيج :nice:

[بـــــــنت النوخـّــــذه]

جزاك الله خير على الموضوع الحلو

وياج اختي وتسلمين 00000000:nice:

[بـــــــنت النوخـّــــذه]

يا هلا بج يا بنت النوخذه

أنت الرائعه وبصراااااحه جدا متميزه :)

( دعواتج لي يا الغاليه )

:shy::shy:

[ابو ضمير]

وياج اختي وتسلمين 00000000:nice:

اوب تحرتيني حريمه:eek5:

[بـــــــنت النوخـّــــذه]

اوب تحرتيني حريمه:eek5:

:eek5::eek5::eek5:
كح كح عفوا عفوا حسبتك ام ضمير المعذره يابو ضمير العتب على النظر راعو كبار السن العجايز مثلي :shy:

[المضعد]

يعطيج القوه والعافيه

الا عن له تذكار الأحباب وأشتاق ....باله.وطف بخاطره طاري الشوق

قربت له من غاية البن مالاق....بالكف صافيها عن العذف منسوق

أحمس ثلاث يانديمي على ساق ....ريحه على جمر الغضى يفضح السوق

[بو خليفه 123]

يعطيج القوه والعافيه

الا عن له تذكار الأحباب وأشتاق ....باله.وطف بخاطره طاري الشوق

قربت له من غاية البن مالاق....بالكف صافيها عن العذف منسوق

أحمس ثلاث يانديمي على ساق ....ريحه على جمر الغضى يفضح السوق


:victory:

[ابو ضمير]

:eek5::eek5::eek5:
كح كح عفوا عفوا حسبتك ام ضمير المعذره يابو ضمير العتب على النظر راعو كبار السن العجايز مثلي :shy:

صااادوه
بس هم فيج الخير والبركه وعساج على القوه

[بـــــــنت النوخـّــــذه]

يعطيج القوه والعافيه

الا عن له تذكار الأحباب وأشتاق ....باله.وطف بخاطره طاري الشوق

قربت له من غاية البن مالاق....بالكف صافيها عن العذف منسوق

أحمس ثلاث يانديمي على ساق ....ريحه على جمر الغضى يفضح السوق


صح السانك--والله يعافيك :victory:


:victory:


وبعد لك وحده يابوخليفه:victory:


صااادوه
بس هم فيج الخير والبركه وعساج على القوه

اي يمك انا عجيز من زمن الغوص كح كح:shy: