المسمى الوظيفي _ الوزاره

[العضو الماسي]

السلام عليكم ورحمه الله







أخواني اعضاء المنتدى حبيت أخذ رايكم في شغله تخص واحد من اصدقائي






هو تقدم لوظيفه واجتاز الاختبار وخلص الاوراق من الموارد البشريه وكل شئ وانشاء الله خلال هاليومين بيداوم

بس حبيت أخذ رايكم في مسماه الوظيفي هو عنده خبره 3 سنوات تقريبا و شهاده 3 اعدادي

فحطوه فالوزاره بمسمى ( مراقب بيئي مساعد )

هل المسمى جيد او لاء وهل ترفيعاته بتكون جيده وكل كم يترفع

مع العلم ان ماعندي خبره بالوظايف وفي التوظيف وبقوانين الوزارات والهيئات لن عمري ماشتغلت في وزاره او في مكان تابع للدوله . فحبيت اخذ رايكم

[العضو الماسي]

للرفع

[Sari]

بصراحه اول مرة اسمع عن المسمى
وبعدين تو الناس على الترفيع خصوصا ان شهاده اعدادي
الحمد لله حصل وظيفه خله يتمسك فيها اهم شي الراتب :)
بتوفييق

[شعنونة قطر]

ههههه اي والله اهم شي الراتب


وبيني وبينك لو يكمل دراسته اربك له لاتقول راحت عليه

[moonبنتnight]

هلا اخوي 00
الاعدادية في قانون الموارد كل 4 سنوات ترقيته بس بيوقف على الدرجة الرابعة بعد 24 سنة خبرة 00 ما يترفع بعدها 00 احسن له يكمل دراسته 00
وبيتعين على العاشرة 00 مسمى الوظيفة ( مراقب 000 مساعد أول ) ( هو في البيئة ) صار المسمى ( مراقب بيئي مساعد أول ) 00 تدرج في الوظيفة لين يصير ( مشرف لين يصير ( كبير مشرفين ) بعد 24 سنة ) 0

[العضو الماسي]

للرفع

[المغروره]

خلنا نشتغل بعدها مسمى وظيفى

[ثرية]

الله يوفقه

[طموحي عالي]

الله يوفقه

وخله يكمل

على الاقل ثانوي

دام الامور سهله للحين

بعد بكره يطلعون قانون ويقولون ماتدخلون الثانويه الا بتاسيسي

[العضو الماسي]

لحد الأن ماقدرت اوصل له أجابه شافيه للموظوع الي طرحته .

للرفع

[برشلوني قطر]

اخوي..مسمى وظيفته عطوه اياه ع اساس طبيعة عمله..وخدمته

وماله خص المسمى فالترقيه...اهم شي المؤهل..


عن الترقيه سابقا اقل من ثانويه كل خمس سنوات...وثانوي وطالع كل اربع سنوات..

اما حاليا لحد الان مانزل قانون ترتيب تصنيف الوظايف والامور لحين مب واضحه..

والله يوفقه

[العضو الماسي]

طيب سؤال بخصوص السنيير متا يستحقها لا خلص 10 سنوات مثلا او 15 او على حسب الدرجه لن انا مثل ماذكرت لكم اجهل فالوظايف وفالتوظيف لن لم يسبق لى ان اشتغلت او قدمت في مكان والشخص عزيز على وارجو الافاده بخصوصه

[ابو الحارث]

اخوي

اذا اعداديه راح يتعين على الدرجه العاشرة على حسب القانون الجديد

اما الترقية فنحن ننتظر التصنيف الجديد من مجلس الوزراااء الذي يحدد عدد سنوات الترقيةبين درجه ودرجه