المساعد الشخصي الرقمي

مشاهدة النسخة كاملة : خلل في نظام المكابح لسيارات ال FJ Cruiser تحذير ( عن تجربة )



جمال اليافعي
12-04-2010, 05:15 PM
السلام عليكم ورحمة الله وبركاته

تحيه طيبه وبعد ..


أخواني وأخواتي ملاك سيارات ال FJ Cruiser ارجو منكم الأنتباه فوالله ان الذي سوف أقوله ليس نشر أشاعه او تشويه سمعه شركة التويوتا ولا بسبب الفضائح المتتاليه لعيوب التصنيع في شركة التويوتا ، بل اني من أكثر المحبين لسيارات التويوتا والمركبات اليابانيه عامة .

منذ فترة ليست ببعيدة لاحظت بوجود خلل في نظام المكابح في هذا النوع بالذات ، هذا الخلل ليس بالسهل أكتشافه انما من الصعب تهيئه الظروف التي تسببه ولكن ان حدث فالله اعلم ماذا سيحدث لسائق المركبة أو لأي سائق بجوراة او حتى المشاة في الشارع .

الخلل يا أخواني في نظام الـ ABS في المركبه ، حيث أثناء قيادتك للمركبه وتصادف وجود منخفض بسيط في الشارع أو مرتفع بسيط وقمت بالضغط على الفرامل ( كان لاقترابك من سيارة أخرى ، التخفيف قبل الدوار أو فتح الطريق للمشاة ) فهناك فرصة كبيرة بأن تعلق الفرامل مما يسبب أنزلاق السيارة وسماع صوت أحتكاك الحديد ، لن تفرق ان قمت بالضغط على الفرامل بالكامل او رفعت قدمك عن الفرامل فأن السيارة سوف تستمر في الانزلاق حتى تنزل عن ال 40 كم/الساعه .

حدثت لي هذه الحاله 6 مرات حتى الان .. خلال 3 أشهر .

مواصفات مركبتي : FJ Crusier 2008 قاطع 19 الف كيلومتر .

قمت بتجربه موديلات 2007 و 2009 و وجدت نفس المشكله .

لم أقم بتجريب 2010 ولكن ان كانت قد حدثت لشخص من المشاركين فيجب الوقوف وقفه صارمة أمام شركة التويوتا .

وقد قمت أيضا قبل كتابة الموضوع بعمل بحث في الأنترنت ووجدت ان الحاله موجوده بنطاق واسع بالمركبة نفسه من سنه 2007 في الولايات المتحدة الامريكيه ، وقد قاموا بتصنيف الحاله بأسم ( Over Responsive Brake System ) بما معنى نظام مكابح حساس أكثر من اللازم .

ولن أخفي عنكم مدى أمتعاضي من هذا الخلل الذي قد يؤدي الى حوادث مميته بين أوساط الشباب وقد يلقى اللوم على السرعه ولن يرا المسؤولين ان نظام المكابح به خلل .

قبل كتابتي الموضوع فكرت ان أقوم ببيع السيارة وشراء سيارة أخرى ولكن ضميري لم يسمح لي ان اقوم بالكذب ببيع المركبه وكأنها سليمه بينما تعاني من خطأ في التصنيع .

تم تجربه الحالات بالمياجر و البالون ووجدت نفس النتيجة .

أرجو من أصحاب ال FJ Crusiers تجربة الحاله او حتى الانتباة عند تخفيف السرعه في شوارع غير مستويه ..

والله على ما أقول من الشاهدين .

اخوكم ،،،

أونيشان .


http://www-odi.nhtsa.dot.gov/cars/problems/complain/complaintresults.cfm?start=1&SearchType=DrillDown&type=1&year=2007&make=TOYOTA&model=FJ+CRUISER&component_id=0&PrintVersion=YES

مرفق عنوان
National Highway Traffic Safety Administration NHTSA
الإدارة الوطنية لسلامة المرور السريع (ن ه ت س ا)

بوطويشم
12-04-2010, 05:49 PM
السلام عليكم

على ما اعتقد نفس الفكسار الجديد مرات البريك يخون

مشكور على الموضوع

والله يحفظك

Gh2o
12-04-2010, 06:44 PM
فعلا المشكله عندي وتخوف والحمد لله ماخذ الحيطه والله التويوتا مشاكلها كثرت

هذلان
12-04-2010, 06:48 PM
اذا ظرب مطبه و انت ماسك بريك يفلت البريك ولا عاد يمسك الا ترفع رجلك و تظغط مره ثانيه .

هذا من نظام الـ abs

ولد قحطان
12-04-2010, 07:27 PM
فعلا اخوي

تصير معاي بشكل متكرر

واول مرة كنت بروح ملح وربك ستر

اذا دخلت طريق فيه مطبات وانت مسرع
ودعست بريك
اذا كان التاير مرتفع يمسكه نظام الاي تراك عشان يمنعه من الدوران ع الفاضي

وفي نفس الوقت ال اي بي اس يحاول منع انزلاق الفرامل

يعني في هاللحظة يتضارب ال atrac مع abs

اللي يبي يجربها يمشي سرعة خفيفة حدود60

ويجي من طريق الشمال بتجاه جسر الغرافة جسر الشمال ( اللي عند مجمع الدحيل ) وقبل الدور ب50 متر حاول تمسك بريك

بتشوف المشكلة

جمال اليافعي
12-04-2010, 08:04 PM
اذا ظرب مطبه و انت ماسك بريك يفلت البريك ولا عاد يمسك الا ترفع رجلك و تظغط مره ثانيه .

هذا من نظام الـ abs

يا ما سقت مواتر بنظام ABS , A-Trac , EBD ولا عمرهم سوو نفس ال FJ cruiser .

المشكله مهب من مطبات , اي تغير بمستوى الشارع ولو كان بسيط يسبب أنزلاق البريك .

وجربنا نشيل ارجولنا عن البريك ونضرب مرة ثانية مافي فايده البريك ما يسوي شي لين تحت ال 50 كم/الساعه.

وأشكرك على المداخله .

bujasim77
12-04-2010, 09:06 PM
اذا ظرب مطبه و انت ماسك بريك يفلت البريك ولا عاد يمسك الا ترفع رجلك و تظغط مره ثانيه .

هذا من نظام الـ abs


نفس الشى صار ويياي في البرادو والهايلوكس الفل اوبشن

السني 73
12-04-2010, 09:20 PM
تيوتا معروفه هي وكل الشركات اليابانية .... الامن والسلامة هي اخر شي تفكر فيه .... وتيوتا ان فكرت ان تضع شي للامن والسلامة
فبتجيب شي من اختراعها السيئ .... والدليل نظام البريك في جميع سياراتها للاسف .... والله يالربع اسوا سواقه في التيوتا وهذا من واقع تجربه واسوا نظام بريك ايضا في التيوتا ولاحظوا بريك الكروزر والاف جي للاسف .....
وبالفعل يالخوي جاتني هالحركة وانا استعمل الاف جي وربي اهبل والي صنعه صحيح تفكيره غير قاصر ورؤيته قاصره على تيوتا بس
وللاسف اللاند كروزر نفس الطريقه ردائه لاتوصف في نظام البريك
تيوتا انجحت في انها تصنع بدي قوي وسيارات قليلة الخراب
لكن للاسف انا اعتبرها اسوأ سيارة من ناحية السلامة والقيادة الامنه المريحة .... والدليل انظمة البريك السيئة والي ان شاء الله جاي عليها الدور في امريكا والي راح يزيد من خسائرها مثل ماجا عليها في نظام دعسة اودواسة البنزين

لاحد يقول اني انا متحيز ضد تيوتا .... على فكرة عندي موترين من هالشركة ... وفي ظني ان ماراح يطولون معي هههههههههههههه

السني 73
12-04-2010, 09:28 PM
يا ما سقت مواتر بنظام abs , a-trac , ebd ولا عمرهم سوو نفس ال fj cruiser .

المشكله مهب من مطبات , اي تغير بمستوى الشارع ولو كان بسيط يسبب أنزلاق البريك .

وجربنا نشيل ارجولنا عن البريك ونضرب مرة ثانية مافي فايده البريك ما يسوي شي لين تحت ال 50 كم/الساعه.

وأشكرك على المداخله .

يارجال
معروف ان شركة المرسيدس هي من ابتكر نظام الاي بي اس وكانت من الثمانينات وهي مبدعه فيه
شوف اليوكن .... كان سيئ في بريكه ... الموديل الجديد الحق نظام بوش في سياراته الجديده
لان هذا الشي مب عيب انك تقتبس نظام هو متطور عنك

تيوتا هي مفتكرة انها صارت رائده في عالم السيارات .... وخلاص مالها داعي انها تقلد او تقتبس من غيرها هههههههههههههه

والضحية الملاك من شركة التيوتا للاسف

شوف الفرق من بين اللاند كروزر في الرمله مع اليوكن .... والله من تجي على مطانيج ولا اتجي على رباض ان الرمله تسحبك يمين يسار
وشوف اليوكن شلون ثابت ولا يتحرك .... مب هذا نظام متطور في اليوكن عن الكروزر وعن سيارات تيوتا والهدف منه الامن والسلامة للراكب

تيربو قطر
12-04-2010, 09:53 PM
يالربع تقدرون تفصلون ال abs
ولا اتعورون روسكم انا اول ما اخذ السياره من الشركة فصلته وكل الامور زينه

qatari 111
12-04-2010, 09:57 PM
تيوتا معروفه هي وكل الشركات اليابانية .... الامن والسلامة هي اخر شي تفكر فيه .... وتيوتا ان فكرت ان تضع شي للامن والسلامة
فبتجيب شي من اختراعها السيئ .... والدليل نظام البريك في جميع سياراتها للاسف .... والله يالربع اسوا سواقه في التيوتا وهذا من واقع تجربه واسوا نظام بريك ايضا في التيوتا ولاحظوا بريك الكروزر والاف جي للاسف .....
وبالفعل يالخوي جاتني هالحركة وانا استعمل الاف جي وربي اهبل والي صنعه صحيح تفكيره غير قاصر ورؤيته قاصره على تيوتا بس
وللاسف اللاند كروزر نفس الطريقه ردائه لاتوصف في نظام البريك
تيوتا انجحت في انها تصنع بدي قوي وسيارات قليلة الخراب
لكن للاسف انا اعتبرها اسوأ سيارة من ناحية السلامة والقيادة الامنه المريحة .... والدليل انظمة البريك السيئة والي ان شاء الله جاي عليها الدور في امريكا والي راح يزيد من خسائرها مثل ماجا عليها في نظام دعسة اودواسة البنزين

لاحد يقول اني انا متحيز ضد تيوتا .... على فكرة عندي موترين من هالشركة ... وفي ظني ان ماراح يطولون معي هههههههههههههه


السلام عليكم
انا اتفق مع اخوي الصراحه عن تجربه ب3 انواع من التيوتا كروزر كامري هيلوكس كلهم فالهوى سوى نظام الفرامل فيه عيب كبير جدا الكامري كنت امشي تقريبا بسرعة 50 وصادفت واحد قدامي ماسك بريك من غير اناره خلفيه وانا مجرد مسكت بريك مفاجئ اشتغل عندي نظام الابي اس فتره ثانيه تقريبا وبعدها ما اشوف الا السياره راحت وانا ماسك بريك وللاسف حصل اللي حصل دمعته والحمدلله جت سليمه لان السرعه كانت بسيطه مع العلم ان السياره كانت ماشيه بحدود 2500 كيلوا فقط
ووديتها الشركه وعلمتهم بالعطل والرد قالوا السياره ما فيها شي
الله المستعان
والمطلوب ان نوكل واحد فينا يكون شاطر فالأمور هاذي وفاهم يعني مثل ماتقولون نوكل محامي يشوفلنا حل مع الشركة الام
الصراحه اول مره اشوف استهلاك السفايف ما تخذ اكثر من 3 الى 4 شهور والدرامويلات تقريبا سنه
ويعطيك العافيه عالموضوع المهم
الله يحفظنا ويحفظكم من كل شر [/size]

الفهد1
12-04-2010, 10:12 PM
السلام عليكم ورحمة الله وبركاته

تحيه طيبه وبعد ..


أخواني وأخواتي ملاك سيارات ال fj cruiser ارجو منكم الأنتباه فوالله ان الذي سوف أقوله ليس نشر أشاعه او تشويه سمعه شركة التويوتا ولا بسبب الفضائح المتتاليه لعيوب التصنيع في شركة التويوتا ، بل اني من أكثر المحبين لسيارات التويوتا والمركبات اليابانيه عامة .

منذ فترة ليست ببعيدة لاحظت بوجود خلل في نظام المكابح في هذا النوع بالذات ، هذا الخلل ليس بالسهل أكتشافه انما من الصعب تهيئه الظروف التي تسببه ولكن ان حدث فالله اعلم ماذا سيحدث لسائق المركبة أو لأي سائق بجوراة او حتى المشاة في الشارع .

الخلل يا أخواني في نظام الـ abs في المركبه ، حيث أثناء قيادتك للمركبه وتصادف وجود منخفض بسيط في الشارع أو مرتفع بسيط وقمت بالضغط على الفرامل ( كان لاقترابك من سيارة أخرى ، التخفيف قبل الدوار أو فتح الطريق للمشاة ) فهناك فرصة كبيرة بأن تعلق الفرامل مما يسبب أنزلاق السيارة وسماع صوت أحتكاك الحديد ، لن تفرق ان قمت بالضغط على الفرامل بالكامل او رفعت قدمك عن الفرامل فأن السيارة سوف تستمر في الانزلاق حتى تنزل عن ال 40 كم/الساعه .

حدثت لي هذه الحاله 6 مرات حتى الان .. خلال 3 أشهر .

مواصفات مركبتي : Fj crusier 2008 قاطع 19 الف كيلومتر .

قمت بتجربه موديلات 2007 و 2009 و وجدت نفس المشكله .

لم أقم بتجريب 2010 ولكن ان كانت قد حدثت لشخص من المشاركين فيجب الوقوف وقفه صارمة أمام شركة التويوتا .

وقد قمت أيضا قبل كتابة الموضوع بعمل بحث في الأنترنت ووجدت ان الحاله موجوده بنطاق واسع بالمركبة نفسه من سنه 2007 في الولايات المتحدة الامريكيه ، وقد قاموا بتصنيف الحاله بأسم ( over responsive brake system ) بما معنى نظام مكابح حساس أكثر من اللازم .

ولن أخفي عنكم مدى أمتعاضي من هذا الخلل الذي قد يؤدي الى حوادث مميته بين أوساط الشباب وقد يلقى اللوم على السرعه ولن يرا المسؤولين ان نظام المكابح به خلل .

قبل كتابتي الموضوع فكرت ان أقوم ببيع السيارة وشراء سيارة أخرى ولكن ضميري لم يسمح لي ان اقوم بالكذب ببيع المركبه وكأنها سليمه بينما تعاني من خطأ في التصنيع .

تم تجربه الحالات بالمياجر و البالون ووجدت نفس النتيجة .

أرجو من أصحاب ال fj crusiers تجربة الحاله او حتى الانتباة عند تخفيف السرعه في شوارع غير مستويه ..

والله على ما أقول من الشاهدين .

اخوكم ،،،

أونيشان .


http://www-odi.nhtsa.dot.gov/cars/problems/complain/complaintresults.cfm?start=1&searchtype=drilldown&type=1&year=2007&make=toyota&model=fj+cruiser&component_id=0&printversion=yes

مرفق عنوان
national highway traffic safety administration nhtsa
الإدارة الوطنية لسلامة المرور السريع (ن ه ت س ا)
.والله ماقلت الاالصحيح انا احد محبي السيارات بالذات التويوتا نف المشكلة عندي في الجي اكس ار والله اتروع لين مسكت البريك وضغط مرة واحدة احس مافي سيفتي بالمرة وكذالك البيكم الهيلوكس تراة نفس الشي حاسبو ياخوان من الظغط مرة واحدة على البريك واتمنى السلامة للجميع

مستثمر111
12-04-2010, 10:25 PM
المشكله موجود في الكزس بعد موديل 2008 و 2009 و2010 والكروزر والجي اكس والفي اكس ار

جمال اليافعي
12-04-2010, 10:44 PM
لاحول ولا قوه الا بالله ... عيل كل سيارات التويوتا رايحه فيها .. وعبدالغني خبر خير ..... وانا ظنيت انها ال fj بس .

نيساني
12-04-2010, 11:27 PM
يالربع تقدرون تفصلون ال abs
ولا اتعورون روسكم انا اول ما اخذ السياره من الشركة فصلته وكل الامور زينه






تيربو قطر اشدعوه ياخوي تاخذ موتر بمبلغ وقدره وتروح تدور قراجات عشان تفصل الabs

وهذا نظام سيفتي للسياره

وشالفرق بين موتر قديم موديل 95 وموتر 2010 من ناحية البريك اذا فصلت الabs واللي هو اهم شي

والله المستعان

qatari 111
13-04-2010, 12:31 AM
انتوا لاحظوا ان اكثر سيارات نسبة الحوادث فالمقدمه هي التيوتا بشكل عام بقض النظر عن عددها
يعني لو تحسبون بالنسبه راح تلاحظون بأن نسبة الدوادث فالمقدمه هي التيوتا
وبعد في عيب ثاني انتوا ما لاحظتوا ان عند حدوث حادث فالمقدمه ويكون حادث قوي الله يكافينا شرها
ليش الارباجات ما تطلع صح ولا انا غلطان .
وسلامتكم من كل شر

halcrow
13-04-2010, 12:31 AM
عندي في اكس ار وكنت ماشي بطرق داخليه وصادف قدامي تقاطع وقبلها مطبه حطيت رجلي على البريك وانا طالع المطبه مامسك معاي والله مثل الحديد يحتك أظن نظام الأي بي أس وكسرت مع التقاطع وماوقف وياي زين ان مافي موتر قدامي ولا كنت احصل نفسي قاعد معاه بالكرسي اللي وراه :)

سعود العمادي
13-04-2010, 12:46 AM
انا عندي نفس المشكلة

لما امشي 100 وابي اوقف السياره ماتوقف بسرعه البريك يفصل او يصير مثل هزة فيه

ومادري شنو الحل

KhalidQ
13-04-2010, 01:01 AM
يالربع تقدرون تفصلون ال abs
ولا اتعورون روسكم انا اول ما اخذ السياره من الشركة فصلته وكل الامور زينه

قولي كيف فصلته

al-obaidly
13-04-2010, 01:01 AM
هاي المشكله في كل سيارات تويوتا الجديده

خــطــافــ
13-04-2010, 01:39 AM
بل بل بل

كل هذا في الكروزر وساكتين

ياجماعه الموضوع خطير ولازم مساءلة الشركه

التيوتا منتشره في كل قطر يعني مب شرط اني اسوق تيوتا او اني ماسوقها خلاص .. تنتهي المشكله

الدريوليه اعليميه والسالفه فيها ارواح ..

اتمنى اللي تواجهه المشكله يرفعها للجهات المسؤوله عن الامن والسلامه المروريه ... (( اذا كانت الشركه غير مهتمه ))

السني 73
13-04-2010, 05:02 AM
بل بل بل

كل هذا في الكروزر وساكتين

ياجماعه الموضوع خطير ولازم مساءلة الشركه

التيوتا منتشره في كل قطر يعني مب شرط اني اسوق تيوتا او اني ماسوقها خلاص .. تنتهي المشكله

الدريوليه اعليميه والسالفه فيها ارواح ..

اتمنى اللي تواجهه المشكله يرفعها للجهات المسؤوله عن الامن والسلامه المروريه ... (( اذا كانت الشركه غير مهتمه ))

ومن متى اي شركة يابانية اهتمت بالامان والسلامة وعلى راسهم شركة التيوتا
الان اشتغلوا عليه الامريكان وعطو شركة التيوتا على راسها وخلوه يجي غصب يصيح عندهم
لاجل يسامحونه ... وخسروه مليارات الدولارات ... اما عندنا من الي بيتكلم ولا بيشتكي
وان اشتكيت ياريال من الي بيسمع لك في الاخير

وبعدها بكم شهر تشوف التيوتا زادت مبيعاتها 13% عن قبل في امريكا
ههههههههههههههههههههههههههههههه

والله مالج حل يالتيوتا

روح الشمال
13-04-2010, 09:22 AM
اذا ظرب مطبه و انت ماسك بريك يفلت البريك ولا عاد يمسك الا ترفع رجلك و تظغط مره ثانيه .

هذا من نظام الـ abs


نعم انا اؤكد هذه المعلومة واحصلت لي كثير مع vxr 2009 بصراحة اللة يستر علينا في امريكا انسحبت السيارات وتمت مقاضاة الشركة وغيروغير واحنا كل يوم 100 سيارة تطلع من الشركة الروح البشرية ماتسوى عندنا شي وين تبون الغير يحترمنا ؟!!!

Alpinestars
13-04-2010, 09:55 AM
السلام عليكم

مرحبا اخوي انا من زمان كنت كاتب نفس الموضوع

اصلأ الاف جي موتر تحسه تجاري ونفس المشاكل اللي ذكرتها صارت معاي الموتر 2008 على يدي من الشركه بعته ماشي 16

اذا كبست بريك وتحتك مطب و حفره و حتى لوالشارع في خفقه على تحت و اي شي يفصل البريك وكنك تسمع صوت حديد يحك في بعضه ولوموتر قدامك مباشره بتدعمه على طول لان الموتر يحذف نفســــه بقوه بعد الفصل

الله يستر عليك اخوي نصيحه كنسل التويوتا واخذلك نيسان ابرك

بنت ابوها 19
13-04-2010, 10:46 AM
السلام عليكم

مرحبا اخوي انا من زمان كنت كاتب نفس الموضوع

اصلأ الاف جي موتر تحسه تجاري ونفس المشاكل اللي ذكرتها صارت معاي الموتر 2008 على يدي من الشركه بعته ماشي 16

اذا كبست بريك وتحتك مطب و حفره و حتى لوالشارع في خفقه على تحت و اي شي يفصل البريك وكنك تسمع صوت حديد يحك في بعضه ولوموتر قدامك مباشره بتدعمه على طول لان الموتر يحذف نفســــه بقوه بعد الفصل

الله يستر عليك اخوي نصيحه كنسل التويوتا واخذلك نيسان ابرك

تحمل تاخذ نسيان المشكله اكثر بكثير في النيسان


انا سيارتي تويوتا جديده موديل 2010 توني مطلعتها من الوكاله لكن من طلعتها حسيت انه في مشكله الي هي اني لو دست بترول بطرف رجلي بالخفيف على طول العداد على طوووول يوصل فوق 80


وعقب اكتشفت انه البريك ماقام يستجيبلي بسرعه
فقمت اخاف من السياره وعلى بالي انه السياره جديده والفرامل توها جديده وقلت انطر لين ماتيبس بس حالين قمت اشوف الوضع يتغير للاحسن شوي

بس الحمدالله سيارات 2010 فييها نظام لهل السالفه
لدرجه اني قمت اشوف البريك مبالغ لدرجه اني لو دست على الخفيف تتوقف السياره كلين ..
..

الجـــــــرح
13-04-2010, 11:18 AM
هذا وانتوا ما جربتوا في البر البر ما يمسك خير شر لا ولا تلف السياره يعني لو يطلع في وجهك شي فجاءه وانت ماشي في الرمل وتبي تلف ما يلف ولا يمسك بريك انا مجربها في المدينة ارحم منها في البر مليون مره .

قطر501
13-04-2010, 12:50 PM
الكل يعاني من نفس المشكلة في موضوع البريك لكن هل هناك بديل بصراحة نظام اقل مايقال عنه فاشل

السني 73
13-04-2010, 04:43 PM
الكل يعاني من نفس المشكلة في موضوع البريك لكن هل هناك بديل بصراحة نظام اقل مايقال عنه فاشل

في بديل لنظام بريك الاف جي

وهو انك تركب تي ار دي

هو نظام متقدم من شركة متخصصه لتزويد وتعديل سيارات تيوتا

بس اعتقد ان سعر النظام كامل من درامات وسفايف ب 8000 ر. ق
ولا يمكن اكثر شوي

نيساني
13-04-2010, 06:16 PM
في بديل لنظام بريك الاف جي

وهو انك تركب تي ار دي

هو نظام متقدم من شركة متخصصه لتزويد وتعديل سيارات تيوتا

بس اعتقد ان سعر النظام كامل من درامات وسفايف ب 8000 ر. ق
ولا يمكن اكثر شوي



بيطيحون الضمان:eek3::eek3:


:)

ذكي جدااا
13-04-2010, 06:19 PM
اهاااااااااااا الحين عرفت سالفة موتري لاحول ولا قوة الا بالله طيب اشلووون افصل نظاام اي بي اس ياليت تفيدووووووووووونا

السني 73
13-04-2010, 07:23 PM
بيطيحون الضمان:eek3::eek3:


:)

لا يالغالي
الضمان مايطيح والسبب ان ال TRD
هي شركة تزويد وتعديل معتمده من تيوتا وهي اختصار
Toyota Racing Development
وتوجد بعض القطع تنباع في شركة التيوتا

رنج سبورت
13-04-2010, 08:10 PM
الله يحفظكم يعني التيوتا فيه مشكله

ليش مايهتمون في هالمشاكل وليش ماتخاطبون الشركه او مركز الشرق الاوسط يمكن يساعدكم في حل هالمشكله

تيربو قطر
13-04-2010, 09:23 PM
تيربو قطر اشدعوه ياخوي تاخذ موتر بمبلغ وقدره وتروح تدور قراجات عشان تفصل الabs

وهذا نظام سيفتي للسياره

وشالفرق بين موتر قديم موديل 95 وموتر 2010 من ناحية البريك اذا فصلت الabs واللي هو اهم شي

والله المستعان

هلا اخوي

اول شي مافي داعي أنك اتروح كراجات بنفسك وانا أتكلم عن الاف جي لاني فاصل من اول ماطلع من الشركة لانه نظام فاشل موب نفس الالماني ولا الامريكي

تيربو قطر
13-04-2010, 09:27 PM
قولي كيف فصلته

هلا اخوي خالد


اول ماتفتح البانه من جهة اليسار قدام علبة البريك بتلقى فيوز أفصله بس لازم اتكون مسكر السياره وترى يفصل ال abs وكذا نظام

يراعٌ فراتي
13-04-2010, 11:37 PM
ياجماعة لا تخوفونا من التويوتا ....؟