مدرسه الحياه الانجليزيه

[ثرية]

السلام عليكم

لو سمحتوا بغيت اعرف من عنده فكره عن مدرسه الحياه الاجنبيه الي في العزيزيه
يعني من ناحيه المستوى التعليمي هل هي ممتازه يعني ابي ارائكم بشكل عام

[ماريسا]

أتمنى تلقين اللي يفيدج

[طموحي عالي]

ماعندي فكره

واول مره اسمع فيها

[جوال 11]

مدرسة الحياة مدرسة أنجليزية منهاجها أنجليزي وتكز على التربية والعلوم الشرعية والمالك الدكتور إبراهيم الخليفي من دولة الكويت وكل فترة يعقد محاضرات لأولياء الأمور بتقديم دعوات لهم لحضور هذه المحاضرات

[jaber]

وعليكم السلام
على حد علمي

اسم المدرسة ، مدرسة الحياة العالمية
تقع حاليا عند اشارات المناصير
وسوف تنتقل الى منطقة معيذر
تتبع المنهج الكندي

[ثرية]

بارك الله فيكم بس حبيت اعرف مستواها الدراسي يعني زينه مب زينه

[كروشيه]

اختي من فتره كنت احاول اسجل ولدي عندهم بسم ما قبل نظرا لانه مستواه في الانجليزي مب قوي لانه جاي من مدارس حكوميه وهم يسوون امتحان قبول للعربي والانجليزي ومديرهم على حد علمي استرالي مسلم ويهتمون باللغتين بنفس المستوى والشرعيه وتعاليمها ايضا وحسب ما شرحو لي عن طريقه تدريسهم اشوفها من المدارس الجيده لاني صراحه انا عندي الشرعيه والعربي اولا وثاني شئ الانجليزي ومعظم المدارس الخاصه تدرس الشرعيه بدون اي اهتمام مجرد انا ندرس شرعيه وعربي بس مب مهم عندهم شنو يفهم من الشرعيه والا شلون مستواه بالعربي الاهم عندهم الانجليزي وتعاليم وافكارهم الاجنبيه ، وكل سنه مدرسه الحياه يفتحون فصل جديد هالسنه لحد صف الثالث ومن السنه الجايه الصف الرابع وراح يكون فيه فصل من الصف الرابع بين البنات والاولاد ومبناهم بينتقل بالقرب من دوار الفروسيه ، بس مشكلتهم رسومهم المبالغ فيها جدا ، واتمنى اني افتج اختي ودعواتج لنا بظهر الغيب

[black@white]

مدرسه الحياه الانجليزيه
مدرسه ذات منهج كندي لا انجليزي ولا امريكي
منهج كندي بحت ومديرها كندي مسلم ومدرسيها ايضا
المدرسه ثنائيه التعليم بمعنى بجانب تدريس اللغه الانجليزيه والمنهج الكندي تدرس وتهتم بمادتي اللغه العربيه والد ين الاسلامي

المدرسه قويه بالمنهج حيث يعد المنهج الكندي من اقوى المناهج في العالم ياتي في المقدمه يسبق المنهج الامريكي الذي وجد الامريكان انفسهم ان مناهجهم غير مجديه وبذلك سيعيدون النظر فيه هذا بعذ تولي الرئيس اوباما تم نقاش جدوى المنهج الامريكي

المدرسه يملكها الدكتور ابراهيم الخليفي >الكويت
وقد حضرت له محاضره قبل افتتاحه للمدرسه في فندق لاسيجال وكانت المحاضره مفيده ورائعه
المدرسه سوف تنقل من مقرها الحالي لعدم صلاحيه المبنى وسف تفتح خلف نادي الفروسيه
الاسعار عاليه نوعا ما
الفصول من التمهيدي الى الثالث الابتدائي والسنه المقبله سيتم فتح الصف الرابع

[روح الاطلس]

يعني كل المدرسين كنديين؟

[ثرية]

بارك الله فيكم جميعاااااااااااااااااااااااااااااااا

[حياة]

ممتااااااااااااازه ولاعليها كلام
ترى هالايام تسجيل لحقي اذا تبين

[msd313]

كم الرسوم للصفوف الاولى