معهــد اللغات

[Mr.Mohammad]

الســـــلام عليكم ورحمه الله وبركـــــاته...

مســــــا الخـــــير للجميع الاعضــــاء..

بصراحة في خبر توه طـــالع وايد صدمنـــــي..ومش متوقعه يصدر من وزير التعليم نفسه للاسف!!

ان بيتم إغلاق معهد اللغـات اللي خدم كثير من موظفين الدولة ..طيب ليش..؟!

اسمعوا العذر ياجماعه..

ان المعهد مايخدم البلد.. و وجوده وعدمه واحد..!!

طيب ليش دايما الشي اللي ينفع عيال وبنات البلد واللي فعلا هل قطر يستفيدون منه يتسكر و يكنسلونه..

هل عندهم عجز انهم يصرفون عليه..؟

ولا يبون يوفرون قد مايقدرون..؟؟؟؟

والله حـــــــــــــــــــــــــــــــــــــرام عليهم..معهد ممتــــــــاز ومديرة المعهد مـاشاءالله عليها مش مخليه عليه قـاصر ..كلمة الحق تنقـــال مهتمه فيه من جميع النــواحي..

طيب احنــا محتاجين معهد كفـوء مثـل معهد اللغات و يكون حكومي و السبب تعليمنـا ماكان مثل الموجود حاليا...

مش من حقنـا ان الدولة توفره لنـا..؟!!

يـــــاخي التعليم من ابرز الجوانب المهمه للنهضة..خلونـا نستفيد ونفيد البلد..اللحين صرف بلايييين الدولارات على تعديل البلد وانتوا يا قطـاع التعليم مستكثرين علينــا معهد للغات يكون تابع للدولة..!!


نطــــــــالب بإعادة نظـر للموضوع ..قبل صدور اي شي رسميــا..

احنـا محتاجين لغة و محتاجين شهادات تنفعنا بدال التخبط و ضعف كفـاءة الموظف القطري وبالتالي محد يستفيد من الوظايف الا الاجانب..

ماراح نســــافر ونتغرب عشـان ناخذ لغة نبي ناخذ لغة بتأسيس فبلادنا ..دام الدولة تقدر توفره لنـا..


والسموحة ع الاطــــــاله..بس والله من الصدمة من هالقرارات اللي ماعرف شلون يفكرون فيها..

[الشمريه]

يعطيك العافيه بس من وين لك هالخبر :(

انا الي وصلني من المديره انه ماراح يتسكر الى حد مايشوفون لهم مبنى جديد
لان مبنى المعهد مثل مانت شايف مبنى جدا قديم

[راية الفخر]

انا درست في هالمعهد والحمدلله كنت مب لين هناك بالانجليزي وعقب مادرست فيه صرت بلبل ماشاءالله فيه .. وايد استفدت منه وخذت الشهاده منه .. مع الاسف كل شي يخدم عيال البلد يسكرونه عنهم حرام عليهم وكل شي للمواطن فقط يحاربونه .. فيه ناس ماتقدر تدفع حق معاهد تعليم الانجليزيه لان اسعارها مبالغ فيها وهالمعهد كان الامل الوحيد لهم .. الظاهر يبون يربحون المعاهد الخاصه واولهم البريتش كونسول

[Mr.Mohammad]

يعطيك العافيه بس من وين لك هالخبر :(

انا الي وصلني من المديره انه ماراح يتسكر الى حد مايشوفون لهم مبنى جديد
لان مبنى المعهد مثل مانت شايف مبنى جدا قديم







الخبـــــــــر صحيح 100%


وع فكره مديرة المعهد من كثر ماهي حريصة على المعهد..ماكانت تقبل بمنى الا ان يكون وسيع و تتوفر فيه جميع المتطلبات العصرية و مواقف سيارات ..

لان كانوا بيعطونها فيلا صغيرة على حد علمي لكن ماشاءالله عليها ماقبلت فيها وطالبت بمبنى يكون مريح للطلاب و المدرسين والادارة..هذا اذا دل يدل على انها مديرة وتستاهل المنصب عسى الله يوفقها دوم..لو وحده غيرها كان رضت بأي مكان فالنهاية هي مكتبها بروحه و الباقي مش مهم..

ماشاءالله عليها..



يعطيج العافيه اختـــــي..

[Mr.Mohammad]

انا درست في هالمعهد والحمدلله كنت مب لين هناك بالانجليزي وعقب مادرست فيه صرت بلبل ماشاءالله فيه .. وايد استفدت منه وخذت الشهاده منه .. مع الاسف كل شي يخدم عيال البلد يسكرونه عنهم حرام عليهم وكل شي للمواطن فقط يحاربونه .. فيه ناس ماتقدر تدفع حق معاهد تعليم الانجليزيه لان اسعارها مبالغ فيها وهالمعهد كان الامل الوحيد لهم .. الظاهر يبون يربحون المعاهد الخاصه واولهم البريتش كونسول






اي والله كل شي يستفيد منه المواطن يسكرونها فويهه..


طيب المعاهد الخاصة و التجارية مش مثل مستواه..وين بنحصل مثله..؟!

" يبـــــون يتم المواطن محلك ســــر" و الاجنبــــــي الكل فالكــــل في كل وزارة و مؤسسة..



مشكووووووووورة اختي و يعطيج العااااافيه..

[القلم الصريح]

اي والله صدقت يالغالي الخبر صحيح 100% وانا واحد من الطلاب اللي يدرسون لغه في المعهد ومنصدمين

من القرار اللي طلع بأغلاق المعهد ومانعرف شنو بيكون مصيرنا احنا كطلاب بعد مادرسنا فيه ووصلنا الى

مستويات عاليه ، ورحنا قابلنا الاستاذه الفاضه جمله على اساس نبي حل لهالموضوع اللي صار شغلنا الشاغل

وضم صوتي مع اصوات المؤيدين باستمرار الدراسه في المعهد وانا ادعوا الاخوان والخوات وخصوصا اللي

مسجلين في المعهد بعمل عريضه نرفض قرار الاغلاق ونطالب بأستمراره ونرفعه لسعادة وزير التربية والتعليم

[طموحي عالي]

اييييييييييه

هم الظاهر يبون مستوانا ينزل بالارض

[ماريسا]

ليه كدة بس :(

[عديـل الـروح]

احزنني خبر اغلاق المعهد جــدا ..

واتصلت بمديرته .. وأبشركم انها مرتاحه نفسيا ..

وكلمة حق في ظهر الغيب بخصوص هذه الانسانه ..

مديرة المعهد حاليــا ..

وان شاء الله ما بها رياء او اغتياب او محاباه ..

من سنين طويله وهذه الاستاذه قائمه بأعمال اداره المعهد من ايام الاستاذ الصديقي ومن بعده ..

ولن اتفوه بغير كلمه حق بانها :


أخــت رجــال ..

[بو نايف]

عز الله انها اخت رجال

انا درست فيه وكنت ناوي اكمل خلال هالفتره الجايه


المعهد ممتاااااز حرام يلغونه

خدم الكثيرين


الى متى التخبط ياوزاره التعليم

[بورصجية]

الخبر صحيح
الوالد بيشتغل هناك في المهعد وللاسف سيتم اغلاقه
وفعلا كلمة حق في مديرة المعهد انسانة رائعة وتخاف على موظفيها وتدافع عنهم وبتدور على حقوقهم
ربنا يبارك لها يارب
ويسترها على موظفين المعهد

[شواطئ منسيه]

الموضوع انهم يبغون يدعمو المعاهد الخاصة
يعني زادت رواتبنا شوي
تبغي تدرس ادفع و مو مهم المستوى اهم شي
جيبك يتم فاضي

[BURBERRY]

انا ادرس حاليا فالمعهد و يوم الاحد سمعنا الخبر و تضايقنا :(

معهد ممتاز و استفدت منه اكثر من البرتش و els

يعني ليش تسكرووونه يالوزاااره مادري المجلس الاعلى للتعليم

الدوله خصصت 8 مليارات من المزانيه للتعليم

خلونا نتعلم كم لغة تفيدنا في الشغل و تشريف البلاد ولا بس تبووون الاجانب :anger1:

الحين وين نرووووح ؟؟؟ البرتش ولا els؟؟؟ امحق معاهد و اسعارهم ناااااااااار و مافي فايده

مانبي مبنى جديد للمعهد .. نبي بس صيانه و صبغ و مب مكلف الدوله شي و الحمدلله الدوله غنيه

بس الله يهدي بعض المسؤليييين

[المها قطر]

حرام والله يسكرون معهد اللغات
انا السنة مسجلة فية وانصدمت يوم اتصلت فيني المديرة وقالت لي انة الغوا الكورس
اتمنى يعيدون النظر في اغلاق المعهد واتمنى انة يعطونا فرصة ويعطون كل بنات وعيال قطر الفرصة كاملة في رفع مستوى التعليمي للغة الانجليزية
حرام عليهم مايبونا نستفيد من خدمات الوزارة على الاقل هو المعهد الوحيد الاقل من ناحية الاسعار المبالغة فيها من المعاهد الاخرى اللي لا ترتقي لمستوى اللغة في معهد اللغات لان المعهد ممتاز وخرج طلاب التحقوا بوظائف جيدة
اضم صوتي لصوت الاخوة والاخوات الافاضل الي طالبوا باعادة النظر في الغاء معهد اللغات
حرام عليكم يا وزارة التربية وين نروح نتعلم لغة صح !!! كل مكان يبون اتقان في اللغة الانجليزية لانها اللغة الرسمية في البلاد كل مكان يرطنون مايتعاملون مع اللغة العربية الا من رحم ربي
اعيدوا النظر ....ارحموا المواطنين من البهدلة اللي فرضت علينا ...
وش بتخسرون يا الوزارة البلاد ماشاء الله ما عليها قاصر والميزانية تضيع يمين ويسار اعتقد في بناء الانسان القطري وتعليمة اللزم لانة هو اللي بينفعهم ويفدي بلادة بكل غالي

والله المعهد مايحتاج شي وشكلة حلو ومرتب بس عمل صيانة فقط ..كفاية انة من المباني القديمة الجميلة استغرب هدم كل شي تراثي جميل ..شوفوا الاجانب يحتفضون بكل ماهو قديم مادري شصاير عندنا
ارجو اعادة النظر يا وزير التربية والتعليم

[Abu Mahmoud]

والله يا اخوان

اللي يشتغل عدل ويفيد ولاد البلد

يصير مهمش يعني لو المعهد جا على مزاجهم

ما كان فكروا يسكرونه .

معهد قوي وله سمعه كبيرة في البلد وكل المؤسسات

تتعامل معاه . وله مردود مادي ويمكن يزيد

ونفس الشي الموظفين القطريين يستفيدون منه

في تعلم اللغات وهاي المعهد الوحيد في البلد حكومي

والمفروض يكون مثل التنمية الادارية

بس ما حد سال فيه . والمديرة ما قصرت جزاها الله خير

نشوفها دوام صبح وليل وما خلت شي ما سوته

في تطوير المناهج والدورات ولكن من يسمع ومن يعقل

حتى اننا نعرفها من سنين وهي نفس ما هي حطوا لها ترقيه


والمعهد يدرس العربية للاجانب

والانجليزية والفرنسية واليابانية

وكان المفترض انهم يدخلون الاسبانية والصينية

لاجل يكون واسع النطاق بدل ما يسكرونه

والمجلس الاعلى للتعليم لو ما يحتاج المعهد

ممكن يتم تحويله لجهة حكومية غير تشرف عليه

او يستفيد منه في ما يلزمه والبقية يخلونه

للدورات الخاصة للموظفين والهيئات

المعهد عمره اعتقد 35 سنة شغال يخدم

القطريين وغيرهم . الله المتستعان

واغلاق المعهد كارثة. واحد من الربع

يقولي ان شغله دفع له 18 الف ريال لدورة

في مكان لامع اسمه تصورو ما ااستفاد شي

من هناك وسجل في المعهد بالمبلغ الرمزي

اللي يدفعونه للمعهد 500 ريال ثلاث شهور

استفاد اكثر من بو 18 الف .

يا عالم وين الناس تفكر

يا ليت يفكرون مليون مرة في اغلاق المعهد

[Mr.Mohammad]

بصــــــــــــراحه مالهم عـــــذر يسكرونه...وبطرح الموضوع ع صفحة كامله في الجريدة ..نبي تدخل من اصحــــاب القرار..


معهد كفـــــــاءة وعلى اعلى مستوى يتكنسل..؟

ليش..؟

مايخدم البلد..؟


الا يخدم و يخدم و يخدم ..وكل اللي يدرسون فيه تابعين لجهات حكومية..يعني اللي يستفيدون منه موظفين الدولة و الاستفادة هذي بتعم الجميع...


الله يقدم اللي فيه الخير..

[راية الفخر]

للاسف مابيدنا حيله بس نتمنى انهم يعطون مديرة المعهد منصب عالي في المجلس الاعلى لانها تستاهل من قلب والله وان شاءالله مايقعدونها في البيت حالها حال المخلصين في عملهم كالعاده ..

[الكونجرس]

لاحول ولا قوة الا بالله

[saddawi4ever]

هاي موقع المعهد

ومذكور فيه انهم يعتذرون عن استقبال طلاب جديد

http://www.lidoha.com/

[الشمريه]

المفروض مانسكت الصرااحه

بكيفهم يسكرونه >> لا اجل بكيفك

لازم نطالب ونناشد الجهات المسؤؤله باستمراريه المعهد

الظاهر ماهو عاجبهم سالفه البنات في كلاس والشباب في كلاس :(

الله المستعان

[(حوريه)]

بجد خسارة

المفروض ما يسكرونة

[بن محمود]

هو واحد من افضل المعاهد من حيث التدريس والادارة
كل خواتي درسوا فيه واستفادوا منه
والميزة الاهم انه معهد حكومي وليس معهد خاص وهذا الامر يعطيه قوة و موثوقية اكبر

لكن كما قال الكثير من الاخوة في المشاركات
هناك توجه ( غريب ) لمحاربة كل شيء وكل مؤسسة يستفيد منها المواطن ويمدحها ويرتاح معاها
الى درجة اننا صرنا لما نشوف مكان زين نتعمد مانتكلم عنه ونكتم امره حتى لايتم اغلاقه !

[القلم الصريح]

اقرتح نعمل مظاهره تضامنيه مع اداره المعهد نطلب بعدم اغلاق المعهد

[بورصجية]

اقرتح نعمل مظاهره تضامنيه مع اداره المعهد نطلب بعدم اغلاق المعهد

وانا موافقة
يالا بينا

[جوال 11]

يطالبون الناس بمستوى معين فى اللغة الأنجليزية وللدراسة لابد من حصول الطالب على التوفل أو الأيلز والموظف أيضا مطلوب منه رفع مستواه في اللغة الأنجليزية
لا حول ولا قوة إلا بالله

[المغروره]

مو يقولون احنا عاصمه الثقاافه
يلا روني الثقافه بدايتها اغلاق معهد اللغاات

[Abu Mahmoud]

والله حتى فيه اولياء امور طلاب وطالبات الثانوية

قطريين قالوا انهم وعدوهم بالمعهد

انهم بيسون لهم دورة الايلز

لانهم يحتاجونها وراحت عليهم باغلاق المعهد

حتى القطريين الشباب اللي مخلصين الثانوية

كان المعهد يقبلهم لان كل فرصة عمل يقولون

لهم الانجليزي وكانوا يتعلمون في المعهد

الله كريم القرار محتاجه وقفه

من جهات اعلى من الوزارة

لان المعهد انشائه من مجلس الوزراء

يا ليت يتم الرجوع عنه

[الشمريه]

اليوم كنت عند مديره المعهد ومن جد كانت جدا حزينه على الخبر الي صدم الكل الطلاب والموظفين

وخليتها تدخل المنتدى وتقرى الكلام الي كاتبينه عنها بارك الله فيكم

والاجر الي تم اخذها ان كتب خطاب رسمي الى الوزاره باستمراريه المعهد وتم التوقيع عليه من كل الطلاب المنتسبين للمعهد وفي الانتظار

وان شاء الله خير انا جدا متفائله :)

[Mr.Mohammad]

مشكـــــــــــــــــورة وجـــــزاج الله خير اختـــي "الشمـرية"..


بصراحة المديرة تستــــاهل كل خير ماشاءالله عليها..


نطــــــــالب طبعا بإستمرارية المعهد واستمرارها مديرة عليه ولا نقبل باي بديل..

"عســــــــــى الله يحفظهــــا"

الله يقدم اللي فيه الخـــــير..

[عديـل الـروح]

اليوم كنت عند مديره المعهد ومن جد كانت جدا حزينه على الخبر الي صدم الكل الطلاب والموظفين

وخليتها تدخل المنتدى وتقرى الكلام الي كاتبينه عنها بارك الله فيكم

والاجر الي تم اخذها ان كتب خطاب رسمي الى الوزاره باستمراريه المعهد وتم التوقيع عليه من كل الطلاب المنتسبين للمعهد وفي الانتظار

وان شاء الله خير انا جدا متفائله :)


سبقتيني للأجــر بارك الله فيج ..

[القلم الصريح]

نطالب بألغاء قرار اغلاق المعهد والاستمرار في تقديم خدماته لتطوير الكادر البشري (( القطري ))

لرفع مستوياته من ناحية اللغه لنيل المراكز المتقدمه في جميع المحافل

والله يجزيها الف خير مديرة المعهد على العطاء وتطوير معهد اللغات وجلب الدعم له

[طارق]

معهد اللغات يخدم المواطن القطري و بسعر ممتاز و خدمه متميزه

500 ريال فقط تتعلم فيها انجليزي . فرنسي وياباني لمده 12 اسبوع


هل سيكون قرار معهد اللغات قرار فاشل مثل قرار هدم معهد التدريب المهني

أرجو ان حد يفهمني

[al.wajbah]

نطالب بألغاء قرار اغلاق المعهد والاستمرار في تقديم خدماته لتطوير الكادر البشري (( القطري ))

لرفع مستوياته من ناحية اللغه لنيل المراكز المتقدمه في جميع المحافل

والله يجزيها الف خير مديرة المعهد على العطاء وتطوير معهد اللغات وجلب الدعم له

اضم صوتي لك :victory:

[المها قطر]

نتمنى اعادة النظر في عدم الغاء معهد اللغات لان قطر بلد العلم والثقافة شلون يبون المواطن يتعلم انجليزي
وهم يغلقون معهد من احسن المعاهد في قطر
ليش التناقض ..او ل ما يسألون عنة المسؤولين للتوظيف عندك لغة _عندك كمبيوتر؟
من وين يتعلم المواطن اذا بتغلقون هذا الصرح العلمي المفيد

[ريماس الغلا]

ليش كل مكان متميز وادارته متميزه يسكرونه كأنه معصره ؟؟


المسؤولين في التعليم ويش يبون ؟؟

[طارق]

نتمنى اعادة النظر في عدم الغاء معهد اللغات لان قطر بلد العلم والثقافة شلون يبون المواطن يتعلم انجليزي
وهم يغلقون معهد من احسن المعاهد في قطر
ليش التناقض ..او ل ما يسألون عنة المسؤولين للتوظيف عندك لغة _عندك كمبيوتر؟
من وين يتعلم المواطن اذا بتغلقون هذا الصرح العلمي المفيد


اطالب مثلك بألغاء قرار اغلاق معهد اللغات

المكان خدمته متميزه وغير تجاري ومحترفين
ويخدم الموظفين

[Mr.Mohammad]

هذا بدال مايدعمونه اكثر ويفتحون كلاسات متخصصة اكثر مثل كلاسات خاصة للقواعد وكلاسات للمحادثة .....الخ


يسكــــــــــــــــــــــــــــــــــرونه..!


لكل اللي يسأل ليش يتسكر ..

لتوووفير و تسييف الاموال لمصلحة اخـــرى..الله العالم شنهي..!

[إعلامي قطر]

..

ياجماعه لازم تحركون الرأي العام ويسمع القاصي
والداني باللي قاعد يحصل المنتدى بروحه غير كافي..


وطني الحبيب ممكن يكون عامل مؤثر وفعّال..
والخط الساخن بالشرق والجرايد الأخرى أيضاً ممكن يكونون عامل مساعد..


وبالنسبه للمديره الله يجزاها الخير، لاتمدحونها كثير عشان لوبعض
المسؤولين أصحاب عقدة النقص قرو كل هالمدح راح يقعدونها في البيت !!

..

[مها88]

والله إنه خبر محزن ..

كان خادم شريحة كبيرة من الموظفين ..

وإحنا الحمدلله بخير ونعمة ..

يعني عيزانين يحطون له مبنى مناسب ..؟!

والمليارات اللي تنصرف هنا وهناك بالهبال ...!!!

*****

الله يستر بس ..

[mbaj]

السلام عليكم ورحمة الله وبركاته حقيقة انا درست في هذا المعهد واستفد منه كثيرا وحقيقة مديرة المعهد انسانة فاضلة وقيادية ناجحة ومعها الكادر يبذلون جهد جبارودائما الموسسات الحكومية التعليمية خاصة فيها جدية وفائدة افضل من المؤسسات التجاريةواقترح اعادة النظر في القرار الاغلاق وان ينظر لمصلحة المواطن والوطن