@@ الـعـلاقـه بيـن الــشاب وبـنـت الخــاله / العــمــه او... ( نــقـــ..) @@

[بنـ الدحيل ـت]

أســـعــد الله أوقــــاتــكـــم .........

مِـــنــور/هـ المُــتصــفــح بـِـدخـــولِــكم الجــمــيل








السلام عليكم..



محمـد يدخل بيت خالتـه .. نوره من بعيد :




هلا محمد ، أخبارك ؟ هاه عساك شاد حيلك عاد يقولون الحربية كرف وشي يهد الحيل ..
محمـد / هلا وغلا نوره ايه الحمد كلش زين .. والحربية يبي لها والمهتوي يقطع المستوي ..
نوره / صح صح يامهتوي ..




- طيب حياك للمجلس ....








* * *


* خالد يدق على بيت عمتـه ، ترد عبير ..




أهلييييين خالد ، أخبارك وين الغيبات يالقاطع ..
خالد / اتغلى
عبير / تتغلى ولا مسوي جامعي ومشغول ؟
خالد / لا والله بس تعرفين الدنيا ومشاغلها ..
عبير / اييييـه الله يعيـن ..



المهم بس ولا يكثر وين عمتي ؟ أدق على جوالها ماترد ..
طيب لا تدف بناديها لك ..






* * *



* يتخرج من الجامعة بتقدير امتياز هذا هو بدر ..




….. ألف ألف مبرووووك ، فرحت كثير بتخرجك
عقبال الدكتوراة يارب ….



........................ تم ارسال الرسـالة ..





-----


بعد هذي المقدمة البسيطة اكيد عرفتوا ( موضوعنـا )اللي راح نتناقش فيـه ..




.... العلاقة بين اولاد / بنات الخاله او العمـة ..هل هي [ سطحيـة ] وعيب نتكلم معهم ،،او ان الموضوع عادي
او فيها سواليف ، السؤال عن الصحة والحال ومباركة بالتخرج ورسايل والوضع فري ..!





- هذا اللي نبي نناقشكم فيـه ..



الموضوع مايكمل الا بتفاعلكم ونقاشكم الراقي أكيـد ..











أتــــمــــنــــى لـــــكــــم أجــــمــــل الاوقــــــات

[ANONYMOUS]

وقت الطفوله اي

بي صار لي حول 20 سنه ماشفتهم ولا كلمتهم .. بس نسمع بأخبارهم

:)

[Sharshooooor]

وقت الطفوله اي

بي صار لي حول 20 سنه ماشفتهم ولا كلمتهم .. بس نسمع بأخبارهم

:)

ومن سمعك :nice:

الحال واحد :shy:

[+qatari+]

اعتقد عند بعض المجتمعات تختلف العادات

وفي مجتمعنا اشوف انها تكون سطحيه في باب مناسبه فقط او ماشابه ذلك

يعني اذا تهنئه او ماشابه ذلك وتكون عامه بالعائله يعني يكون اكثر من فرد من العائله موجودين اثناء التهنئه

وحتى تكون التهنئه سطحيه ومختصره ..

ومب انه عيب نتكلم معهم .. بس العادات ماتسمح بإننا نتعمق في بعض بعد سن المراهقه

يعني فالطفولة اوكي بس بعدها تكون سطحيه

[عابر سبيل]

"
.... العلاقة بين اولاد / بنات الخاله او العمـة ..هل هي [ سطحيـة ] وعيب نتكلم معهم ،،او ان الموضوع عادي
او فيها سواليف ، السؤال عن الصحة والحال ومباركة بالتخرج ورسايل والوضع فري ..!

"


تحية وشكرا ع الدعوة المفتوحة للنقاش!

قبل ما استرسل...او اجاوب..
ممكن اضيف سؤال؟

يعني..
بنت العم..و لا ولد الخالة...

هم..اقرب و لا ابعد
من..بنت الجيران..
و لا الزميل في العمل؟

[الجـــــــرح]

الوسيطة في كل الامور زينه ومطلوبه وكل عايلة لها عادات وتقاليد تفرقها عن غيرها من العوايل وكل عايلة لها اسلوبها في التربية والتعامل والتدين لدى كل عايلة وكذلك فارق السن احيانا بنت العم او بنت الخال اذا كبيره في السن تعامل قريبها على ساس انه اخوها الصغير ,,,,,,,,,,,واذا كان هناك حاجه ملحه للتواصل وفي حدود الاحترام من وجهة نظري لا باس بها ,,,,,,,,,تقبلي مروري .

[Al-Kuwari]

وقت الطفوله مب مشكله بس من يكبر الولد ويصير بعمر المراهقه المفروض تنقطع العلاقه

واللي صاير فوق فالسيناريو الموضوع مع كامل احترامي وتقديري لهذي الفئه عيب ومب من سلومنا وعاداتنا :)

وللأسف منتشر بكثره هالايام !! الولد عمره 21 والبنت 19 وسوالف وعبط فبيت اليده كل ويكند والدنيا سهالات !!

[نااااني]

طبعا تكون العلاقه سطحيه شخبارك وكيف الحال بس انا من طبعي ما ابدا بالسلام اذا سلمو سلمت...........

[بوحمد111]

بنت الدحيل

كلامك ما ينطبق في عصرنا الحالي وكان زمان الاخوان والاخوات جيران بعض وعادي مو بس بالكلام وكانت الزياره طبيعيه وبريئه واما الآن كل واحد بعيد عن الثاني وبعض الاخوان ما يتزاورون الا في الاسبوع مره وحده ولا يمكن ما يشوفون بعض الا في المناسبات ان كان فرح او عزاء ولهذا الاساس بنت العم او بنت الخال يمكن ما عمرها شافت عيال عمها وعيال خالها ولو الواحد منهم اتصل يسأل عن عمته او خالته وردت عليه البنت مب عارفته واللي اتمناه انا والاغلبيه ان ترجع ايام زمان وليت الماضي يعود اللي قلوب الناس ما فيها حقد على احد
وآسف اذا طولت بالرد وننتظر تفاعل الناس معاك

[المرحب]

أختنــــــــــــا

بنـ الدحيل ـت

الله يعطيك العافيه على الموضوع

فعلاً أسمع صار الشخص يتحاشى السلام أو الزياره للأقارب

بسبب النقد والقيل والقال ...


هم..اقرب و لا ابعد
من..بنت الجيران..
و لا الزميل في العمل؟

:nice:

تسلم يا عابر سبيل

[ظبيــღــه]

وقت الطفوله مب مشكله بس من يكبر الولد ويصير بعمر المراهقه المفروض تنقطع العلاقه

واللي صاير فوق فالسيناريو الموضوع مع كامل احترامي وتقديري لهذي الفئه عيب ومب من سلومنا وعاداتنا :)

وللأسف منتشر بكثره هالايام !! الولد عمره 21 والبنت 19 وسوالف وعبط فبيت اليده كل ويكند والدنيا سهالات !!
.
,
:discuss:
،
.

[رنج سبورت]

يمكن ايام الطفوله هالامور تصير او صارت

لكن في مرحله معينه وهي من الاعداديه مثلا تنتهي

واعتقد بعد فتره لو تشوفهم ماتعرفهم !!!

[malakmaroc]

على حسب الشعوب بس من جهتي فانا ارفض تضل اي علاقة لما البنت توصل ل6سنوات الدين ترا ماكان عبت لو نرجع للدين بيكون افضل
وهاي امنياتي .............ببلد المستحيل ربي يعينا بس

[غير البشر]

يعطيج العافيه اختي بنت الدحيل على طرحج
فعلا هذا الموضوع كان شغالني
وخاصه اني اسمع ان ليس علاقه فقط زيارات بيتيه
وانما الخروج الى المطاعم والسينما مع اهله وهلها

وكان لي موضوع قريب من موضوعج بشكل كثير
وشكرا على طرحج والتجديد في الاراء



http://www.qatarshares.com/vb/showthread.php?t=269123

[بنت^البحرين1]

السلام عليكم السلام وانتهى

ان مر وسلم سلمت .. وبالضبط مايزيد عن قولة ، شلونج بنت عمي، حتى مايقول اسمي، الحمدلله طيبة وانا ماشية

واصلا ماشوفهم الا ناااااااااااادر اذا كان في مناسبة والا شي بالغلط عند الباب والا يم السيارات بس


انزين على هالطاري ، شرايكم بسالفة سمعتها من وحده من عايلة ملتزمة جدا ، تقولي يوم اليمعه انا وخواتي كل وحدة وريلها نقعد نتغدى مع بعض !! على سفرة وحدة ،، والبلا كلهم متغشيات مو منقبات بعد !! تقول ريل اختي مافيها شي واختي ويانا

انا والله ريل اختي بالشهور ماشوف ويهه اصلا ولو موجود في البيت ماروح عند اختي الا وقت متأكدة انه مب موجود هالدور اقعد اتغدى وياه على سفرة وحدة ؟؟

في ناس تييب عادات وسلوم استغفر الله مادري من وين يبدعونها ..

[الأصيلة]

موضوع مهمة ويحتاج حوار ونقاش...

كل عايلة تختلف عن الثانية حسب تقاليدها وارتباطها بالدين والحلال والحرام...
والعائلة المختلطة معدودة عندنا بـ قطر....
لكن المفروض ماتطلع البنت الا على محارمها ( خالها / عمها /اخوانها من الرضاع ...ألخ )
لكن ولد العم والعمه وولد الخال والخالة وزوج الأخت ...الخ
صراحة حرام الا وتصير بينهم نظرات محرمة وخضوع بالقول...
تقولين يابنت البحرين ان الأخوات وأزواجهم ياكلون بطاولة وحده
انا سمعت من وحده انهم يسبحون ببركة سباحة وحده كان ماتدرين...
والله انا عدي بعيال عمتي من يوم كنت 8 سنوات ...
ولين الحين لاشفتهم ولا شافوني وازواج خواتي لا شفناهم ولا قعدنا معاهم ولا بالتيلفون حتى سلمنا عليهم..
وانا اشوف هذا احسن وأفضل لدين وخلق المرأة...
وانا اعرف ان هناك عايلة ولد العم يسلم على بنت عمه وبنت خاله مثل سلام الحرمه للحرمه
وألأمر عادي عندهم...ولا يرضون بالمصافحة فقط ...واللي المصافحة حتى حرام..
أسأل الله العفو والعافية والستر في الدنيا والآخرة..

[qatari 111]

شكرا لكي يا بنت الدحيل على موضوعك المهم والهادف واليكم الرابط ارجو ان تدخلوا الرابط يوجد الكثير من الاسأله والاجوبه طبعا سمعيه
http://www.alandals.net/NodeSection.aspx?id=159

[لابس بشت]

انا لو شفتهم ماعرفهم

[umabdulla77]

في طفولتنا كنا دووم مع عيال عمي وخالتي وبناتهم لان في تفاوت فالاعمار منا الكبار والصغار نلعب مع بعض وانام عند جداتنا.
بس بعد عمر الـــ 11سنة صارت بنا رسميات خفيفة اني لين شفته بيت يدتي ماسلم عليه حتى باليد بس ممكن نجتمع على وجبة وحدة وخاصة علاقتنا كنا اكثر من الاخوان بحكم انا جداتنا في البحرين ففي كل عطلة نروح عندهم فنكون في بيت وااحد ..
وعقب ماكبرنا صرنا نتلاقى بس في المناسبات او الواجب او العزا سواء نبارك او نعزي لبعض وطبعا يكون بحضوور جميع الاهل ..
هذا كله بحكم تربيتنا في بيت واحد وقرابة الام والاب مع بعض ومازلت اذا اروح حق خالتي البحرين او عمي اتلاقى بعيال عمي وخالتي بالجمعات بحضور الاهل جميع ونتذكر الطفولة اللي كانت كلها لعب وضرب ونضحك وعيالنا يشاركونا الجمعة العائلية .. بس مابينا مكالمات او مسجات تليفونية طبعااا الا اذا كنت متصلة على خالتي او عمي ورد علي واحد منهم يكون سلام فقط ..
اما بخصوص بعض الاراء اللي يقولون العادات والتقاليد خلتهم عشرين او ثلاثين سنة مايشوفون قرايبهم اللي من الدرجة الاولى

والعادات والتقاليد اللي تخلي صلة الرحم تنقطع من عمر 9 او عشر وماجوف هلي يبي له كلام ثاني وتؤدي الا انقطاع الصلة بالاهل وولد العم مايعرف عيال بنت عمه وبجذي العائلة تنقرض شوي شوي على الرغم من تواجدهم

انا بكلامي هذا ماقصد ان الميانة تطيح او مسجات او مكالمات لا انا اقصد على الاقل نكون متواصلين عن طريق الاهل وزوجاتهم واعيالنا وبناتنا اقل شي يعرفون بعض ماقلنا انجمعهم مكان وااحد ويتناظرون بالعكس كل واحد منهم يعرف حدوده ويعرف انه بنت عمه والا بنت خاله مثل اخته ..
وادري ان البعض بشن هجمة علي بس هذي وجهة نظري ولله الحمد احنا من العوايل المحافظة مش من اللي حتى يهدون بناتهم يطلعون بنفسهم هذا اقل شي اقدر اقوله .... :secret::secret:






"
.... العلاقة بين اولاد / بنات الخاله او العمـة ..هل هي [ سطحيـة ] وعيب نتكلم معهم ،،او ان الموضوع عادي
او فيها سواليف ، السؤال عن الصحة والحال ومباركة بالتخرج ورسايل والوضع فري ..!

"


تحية وشكرا ع الدعوة المفتوحة للنقاش!

قبل ما استرسل...او اجاوب..
ممكن اضيف سؤال؟

يعني..
بنت العم..و لا ولد الخالة...

هم..اقرب و لا ابعد
من..بنت الجيران..
و لا الزميل في العمل؟


:nice::nice::nice:

[عاشق ميونخ]

اول ما دخلت الثانوية انا في صوب وهم في صوب بس ما اشوفهم الا في العيد مرة وتصدقو ن مرة شافوني ما عرفوني يقولون تغيرت ( طبعا للاحسن) ومشكورة على الموضوع

[الطيبة كلها]

عادي نسلم عليهم ونسولف معاهم بس باحترام

[محمد افندي]

آخر مرة شفت بنت عم قبل 13 سنة ..

[صقر عربي]

السلام عليكم
يعطيك العافية بنت الدحيل على الموضوع الحلو

قبل ماغوص في الموضوع وندخل في الحلال والحرام ويصير ومايصير والعادات والتقاليد الي طغت على الدين انا عندي سؤال برى بس لحد يفسره بطريقه غلط

اول شي الي يقول / تقول انها ماشافت ولد العم / الخال من 20 وتحت سنه لان العادات والتقاليد ماتسمح
انكم تكلمون بعض حتى ولو سلام والسوال عن الحال والتطمئن عن الاحوال وماتتجاوز لابعد من ذالك

بالنسبه للرجل انت ممكن زميله في العمل كل يوم اتسلم عليها وتسال عنها وعن اخبارها ويمكن الامور تتطور اكثر من ذالك ؟؟؟؟؟؟؟

بالنسبة للمرأه ماراح اقول العمل بس الكلام مع السائق والبائع وجميع العمال عادي الميانه طايحه ومع احترامي لبعض الاخوات الي السائق عندها محرم الدعوه مفتوحه ليش معاه حلال ومع ابن العم / الخال حرام
نشوف الردود وبعدين نتفاهم
تحياتي لكم

[الأصيلة]

السلام عليكم
يعطيك العافية بنت الدحيل على الموضوع الحلو

قبل ماغوص في الموضوع وندخل في الحلال والحرام ويصير ومايصير والعادات والتقاليد الي طغت على الدين انا عندي سؤال برى بس لحد يفسره بطريقه غلط

اول شي الي يقول / تقول انها ماشافت ولد العم / الخال من 20 وتحت سنه لان العادات والتقاليد ماتسمح
انكم تكلمون بعض حتى ولو سلام والسوال عن الحال والتطمئن عن الاحوال وماتتجاوز لابعد من ذالك

بالنسبة للمرأه ماراح اقول العمل بس الكلام مع السائق والبائع وجميع العمال عادي الميانه طايحه ومع احترامي لبعض الاخوات الي السائق عندها محرم الدعوه مفتوحه ليش معاه حلال ومع ابن العم / الخال حرام
نشوف الردود وبعدين نتفاهم
تحياتي لكم

انا اوضح لك اخوي...
السائق وصاحب البقاله مو مسموح له يدخل البيت ويطلع
على راحته ويختلي بالمرأة مهما تكلمت معاه وسألته عن احواله...
لكن ولد العم والخال بما انه قريب فدخوله البيت وخروجه أمر عادي بيت خاله او عمه
فهنا يمكن تكون هناك خلوة بدون محد يحس...
والآن حتى المحارم أصبحت الخلوة معهم تخوف ...كثر ماسمعنا بما يدور من أمور محرمة بيت البنت وخالها أو اخوها...

[صقر عربي]

انا اوضح لك اخوي...
السائق وصاحب البقاله مو مسموح له يدخل البيت ويطلع
على راحته ويختلي بالمرأة مهما تكلمت معاه وسألته عن احواله...
لكن ولد العم والخال بما انه قريب فدخوله البيت وخروجه أمر عادي بيت خاله او عمه
فهنا يمكن تكون هناك خلوة بدون محد يحس...
والآن حتى المحارم أصبحت الخلوة معهم تخوف ...كثر ماسمعنا بما يدور من أمور محرمة بيت البنت وخالها أو اخوها...

الي مايعرف الله يسوي اكثر من هتك المحارم اخوي


بس الظاهر اني انا اختلف معاك في الراي لاني اعرف ابيوت يدخل السايق والهندي البيت عادي ويوصل راعي البقاله الاغراض لين داخل البيت والدعوه عامه وابيوت ناس وعوايل
مافيه مستحى منهم لانهم حسب الكلام ( هندي عادي )
وبعدين مين قال ان ولد العم / الخال يدخل ويطلع من البيت امر عادي انا عن نفسي ادخل باذن عقب مايشوفون لي درب والطلعه نفس الشي
وعلى فكره ازيدك من الشعر بيت انا مش مع ان الميانه تتطيح مابين عيال العم / الخال باي حال من الاحوال بس في حدود الشرع والادب وماسمح لابنتي انها تقعد مع ولد العم وتسولف معاه الكلام في ( حدوووود فقط الدين والادب ) مره اخرى شكراً للتوضيح

[الأصيلة]

الي مايعرف الله يسوي اكثر من هتك المحارم اخوي

بس الظاهر اني انا اختلف معاك في الراي لاني اعرف ابيوت يدخل السايق والهندي البيت عادي ويوصل راعي البقاله الاغراض لين داخل البيت والدعوه عامه وابيوت ناس وعوايل
مافيه مستحى منهم لانهم حسب الكلام ( هندي عادي )
وبعدين مين قال ان ولد العم / الخال يدخل ويطلع من البيت امر عادي انا عن نفسي ادخل باذن عقب مايشوفون لي درب والطلعه نفس الشي
وعلى فكره ازيدك من الشعر بيت انا مش مع ان الميانه تتطيح مابين عيال العم / الخال باي حال من الاحوال بس في حدود الشرع والادب وماسمح لابنتي انها تقعد مع ولد العم وتسولف معاه الكلام في ( حدوووود فقط الدين والادب ) مره اخرى شكراً للتوضيح


أنا قصدي اخوي ان ولد الخال أو العم مارح أحد يستنكر
دخوله وخروجه البيت حتى لو مكث طول اليوم..
أما الغريب حتى لو رضوا بدخوله اهل البيت ..
لا اعتقد يستطيع المكوث مدة طويلة كما لا يمكن أن يجلس
بالصاله أو بالمجلس...وان الناس ستسنكر وجوده داخل البيت..
وانا اتكلم عن البعض ...ِِ

[rayyani4ever]

وقت الطفوله اي

بي صار لي حول 20 سنه ماشفتهم ولا كلمتهم .. بس نسمع بأخبارهم

:)


:nice: "الحال من بعضه"




وقت الطفوله مب مشكله بس من يكبر الولد ويصير بعمر المراهقه المفروض تنقطع العلاقه

واللي صاير فوق فالسيناريو الموضوع مع كامل احترامي وتقديري لهذي الفئه عيب ومب من سلومنا وعاداتنا :)

وللأسف منتشر بكثره هالايام !! الولد عمره 21 والبنت 19 وسوالف وعبط فبيت اليده كل ويكند والدنيا سهالات !!


انا معاك و بقوة..:victory:

[ضوى]

موضوع مهم يابنت الدحيل

ماشاء الله عيالنا وعيال خواتي وعيال اخوي بعمر متقارب وسبحان الله كانت اليمعة ببيت الوالد الله يرحمه ، شباب وبنات طبعا وهم صغار ومن كبروا صاروا بس البنات يتجمعون الاولاد مالهم مكان بينهم كل واحد مع ربعه بس الشباب يسلمون ويطلعون احيانا ماشوفهم بالاسابيع

[ام السعف]

اختي الكبيرة لدخلوا عيالي او عيال خواتي او اخواني و سلموا على الكل الا اللي في اعمارهم
كانت اتعصب تقول وشو هالسنع ما يعرفون يسلمون على بعض
اشلون يا ....
و اشلونج يا ...

كنت اقول لها الباب اللي ايي منه الريح سده و استريح ما نبي ويع راس
مع الوقت صارت الاهتمامات الجامعية و المدرسية متقاربة ما بينهم ومع الماسنجر
والبلاك بيري صار التواصل اكثر قرب و أكثر ترابط ،،

ففي ايام الجمع من الطبيعي انهم يلتقون و يسولفون مع بعض في وجودنا احنا
الكبار في الصالة سواء كانوا الشباب او البنات ،،

كلهم نص ساعة وان كثروا ساعة و راحوا الشباب في حالهم و البنات تموا في مكانهم


فالسلام بحد ذاته و السؤال عن الأحوال ما بين الشباب أمر طبيعي
وان كنت قبل اجوفه مب طبيعي ،، بس الأهم انهم ما يلغون الحواجز
في كلامهم مع بعض و يحترمون بعض ،،

[الماسة55]

اعتقد عند بعض المجتمعات تختلف العادات

وفي مجتمعنا اشوف انها تكون سطحيه في باب مناسبه فقط او ماشابه ذلك

يعني اذا تهنئه او ماشابه ذلك وتكون عامه بالعائله يعني يكون اكثر من فرد من العائله موجودين اثناء التهنئه

وحتى تكون التهنئه سطحيه ومختصره ..

ومب انه عيب نتكلم معهم .. بس العادات ماتسمح بإننا نتعمق في بعض بعد سن المراهقه

يعني فالطفولة اوكي بس بعدها تكون سطحيه



نفس الحالة وارقام تلفوناتهم اصلا ماعرفها ولا افكر اني اعرفها