رفع اسعار رحلات الخطوط الجوية القطرية

[ولد شرق]

يالاخوان
من شهر تقريبا حجزت تذكرة كالتالي : دوحه - لندن - دوحه بزنس
وسعر التذكر تقريبا 14 الف
ومن كم يوم رحت السفريات اغيّر في موعد العوده فقط وجن يقول لي الشخص اللي في السفريات حظك حلو انك استملت التذكره قبل شهر
قلت له ليش؟
قال القطرية ارفعت السعر من 14 لين 18 الف لنفس موعد الرحله.

اشسالفة القطريه اللي كل يوم يالسه ترفع في السعر؟ اللي قبل كانت تذكرة لندن 7 وبعدها 12 ثم 14 والحين 18؟

[فارس قطر]

عليك بطيران الاماراتي

[البدع]

الي اعرف ان اسعار التذاكر لها مواسم

مثال: سعر الصيف غير عن الشتاء .. وسعر العطلات اكثر من الايام العادية ... الخ

بس ياليت حد يؤكد انه لاتوجد عملية رفع للاسعار

[hamoor4ever]

فعلا فيه زياده في الاسعار ، ياخي شوف لك طيران ثاني وريح بالك القطريه طيران الهنود والاجانب مب للعرب ولنا

[ولد شرق]

الي اعرف ان اسعار التذاكر لها مواسم

مثال: سعر الصيف غير عن الشتاء .. وسعر العطلات اكثر من الايام العادية ... الخ

بس ياليت حد يؤكد انه لاتوجد عملية رفع للاسعار

عفوا اخوي البدع
شكلك اخوي ماقريت كلامي عدل
انا حددت وقلت (القطرية ارفعت السعر من 14 لين 18 الف لنفس موعد الرحله)

بعدين انا قلت ان القطرية ارفعت الاسعار وأنا أأكد لك فمادري اش مقصد كلامك ان (ياليت حد يؤكد انه لاتوجد عملية رفع للاسعار)

[ولد شرق]

الاخوان hamoor4ever وفارس قطر مشكورين على الردود...

[فرحة الكواري]

الله يعين :)

[al.wafe]

أخوي كلامك صحيح

ولو تلاحظ حتى تذكرة البحرين كانت ب 750 وعقب صارت 830 والحين 930 واذا خذتها وسافرت ودك اتغير موعد الرحله قالولك ادفع

يعني الموضوع كله نصب واحتيال

[غزلان]

فعلا الأسعار تغيرت في القطريه

واذا بتغير الموعد تدفع واذ تتاخر عن الطياره تدفع لكن اذا التاخير من القطريه تتحمل وانت تضحك :(

[بن يوسف الثقفي]

الكل قاص علينا تعبنا من الكلام وتعبنا من الشكاوي

اتمنى من الله تجيهم ازمة مالية طاحنا تخلي كل انسان طماع يدم على كل ريال حصله بطمع

[جوال 11]

الله يعين كل المسافرين ، الظاهر أستعدادا للصيف وتعويض لتكاليف التذاكر الصادرة من خارج قطر حيث أنها أرخص

[روح الاطلس]

روح على الايكونومي :) قبل اسبوع ب2400 مدري الحين بكم

[£عبدالعزيز£]

اخوي .. انت حاجز التذكرة في فترة ما تعتبر موسم سفر

وقبل موعد رحلة العودة بفترة طويلة .. اما اللي يحجز في موسم السفر

سعر تذكرته يكوون نااار

السالفة مب نصب واحتيال

بس باختصار هي حركة وصخة

[سهم المراقيب]

هناك إرتفاع ملحوظ يصل إلى 30% لبعض الوجهات

يمكن بدينا ال high season

[La Bella]

4000 ريال مره وحدة ليش عسى ماشر
ليكون الطياره بتوصل قبل موعدها ب 4 ساعات
أنا أقوول قعدوو بالدوحة أحسن

[hemoud123]

الكل قاص علينا تعبنا من الكلام وتعبنا من الشكاوي

اتمنى من الله تجيهم ازمة مالية طاحنا تخلي كل انسان طماع يدم على كل ريال حصله بطمع

الله لا يتقبل دعوتك ان شاء الله

[محسن العجي]

4000 ريال مره وحدة ليش عسى ماشر
ليكون الطياره بتوصل قبل موعدها ب 4 ساعات
أنا أقوول قعدوو بالدوحة أحسن

احسن حل :victory:

والله يعينا على القطريه

[ولد شرق]

شكرا للجميع على المشاركه يالاخوان

[ولد الخال]

جربوا الخطوط المصرية تراها ممتازة

[ثرية]

تذكره البحرين درجه اولى 3000ريال ومده الرحله دقايق 10 بسسسسسسسسسسسسسسس يعني شنقول بس حسبي الله ونعم الوكيل
القطريه شفطت دم المواطن القطري

[ثرية]

بصراحهههههه اول مره اسمع تذكره لندن ب18000 حتى اياام المواسم ماكانت توصل بهالسعررررررررر

توصل 14000 مع الارتفاع

بس صج نصب اكيد بيقولون سعر البترول غالي
ولا يمكن علاوه بدل طبيعه عمل لهاااااااا علاقه بالموضوع
:omg::omg:
المثل ايقول الطرار يطرها والفار يجرها:secret::secret:

[ولد الخال]

للرفع

[البعيد]

احنا جذيه ع كثر ماننتقد القطريه نسافر عليها >>>> انا واحد ماجربت غريها ولا اقدر بس الصراحه مصخت السالفه كل شوي يرفع بالآلاف ولا مفتكر ب حد!!

[فارس قطر333]

مادري وشو يفكر فيه اكبر الباكر

يعتقد انه القطريين الفلوس اتييهم بسهوله ولا ولا

يعني بس فتره وفتره يزيد من اسعار التذاكر

من فتره حجزت تذكره 1900 لكن للاسف ما شريتها وبعد اسبوع بالضبط ولا نفس التذكره ونفس التاريخ

يوصل سعر التذكره لين 2500 وشو السبب الله واعلم

ولا اللي يضحك في الموضوع انه يقول اسعار التذاكر موحده كلام فاضي

[ANONYMOUS]

خذ لك سيد كراسي كامل

2400*3 = 7200 ريال

اركب الطياره وانسدح لين توصل لندل

[مرتبش]

خذ لك سيد كراسي كامل

2400*3 = 7200 ريال

اركب الطياره وانسدح لين توصل لندل

احسن اقتراح..وعملي بعد وال 11 الف الزايدة تتحول لبند الصوغة

[مساهم فنان]

الحمد لله حجزنا من زمان قبل ارتفاع الأسعار .

[تحداني]

.. هالخطوط الجويه القطريه الصراحه يبي لهم رفع دعوه قضائيه عليهم
كل ما سألناهم ليه اسعاركم مرتفعه يردون ويقولون ؟؟
سعر وقود الطائرات غالي


.
.
اشدعوه وقودكم مرصع بالماس ..
ووقود باقي الشركات من فضه ..

.
.
ما افهم في هالسوالف كثير :)
بس الي اعرفه ان اسعارهم جدا غاليه
واذا غيرنا الشركه راحت علينا النقاط .. وجانه وجع راس من الاترانزيت ..

.
.

خلاص انا بسافر لندن بالباخره يصير ؟؟



يبقى سؤال عالق في ذهن القارئ
ومن حق الكاتب الاجابه عليه او الامتناع عن الاجابه




جملكم الله برضى الرحمن

[قطر دزاين]

الله المستعان

[Mr.Mohammad]

المفروض ناخذ قرار مانسافر عليها لين ما يسون عروضات ولا يتسنعون..


لان قاصين علينا قص..


اللي برا يقدرون يغيرون موعد الرحله مجانا..اما قطر حصريا ندفع فلوس..اشكره مستغلينا..



يعطيك العافيه اخوووي..

[بدون]

أنا بصراحة بديت أسافر على أي خطوط ثانية غير القطرية

الله لا يوفق الحرامية

[بوخالد911]

بل


انتهازية

[alqtri]

ليش ماسمعتو اللي اتصل وطني الحبيب وقال ان تذكرة الهند تقريبا 1500 او اقل مب متذكر بالظبط والله

وفي نفس الوقت تذكرة لجدة في موسم العمره توصل 3000 ريال شدعوه

مشكله الناس تنتقد القطريه وتسافر عليها هذي المشكله والحين العالم قامو يغيرون شوي في الخطوط الجويه اللي يروح على الامارتيه او الخليج او الاتحاد

الله يعينا والله

[رويس]

لالالالا ماظن ياخوي انا توني راجع من لندن من اسبوع وكنت حاجز اولى وسعر التذكره22 ألف............ يعني معقوله فرق بين البزنس والاولى بيصير بس 4 الاف ريال ؟؟؟ والحمدلله .......

[جوال 11]

تذكره البحرين درجه اولى 3000ريال ومده الرحله دقايق 10 بسسسسسسسسسسسسسسس يعني شنقول بس حسبي الله ونعم الوكيل
القطريه شفطت دم المواطن القطري

التذكرة بين فرانكفورت في ألمانيا ومانشيستر في بريطانيا فقط بخمسين يورو ومدة الرحلة ساعة وعشرون دقيقة على الدرجة السياحية لجميع الطائرات بين البلدين
وقارنوا الأسعار بين دول الخليج

[A M A]

تذكرة دوحه - أمريكا - دوحه البزنس توصل ل 21 ألف ريال
حجزت على البرتش بزنس والطيران الأمريكي درجه أولى
وصل سعر التذكره 15 ألف، أنا أكثر من مره رحت ورجعت
من أمريكا على القطريه - سياحيه، لكن إستغفر الله العظيم
الطياره ما تبين من الهنود، صح مافي فرق بين الناس عند
رب العالمين، لكن والله الواحد تلوع جبده من الريحه، والله
يعزكم الحمام، الواحد ما يقدر يقرب صوبه، وأكره شي يكون
الواحد كرسيه قريب من الحمام، الواحد يتم مختنق طول
الـ 14 ساعه.


لو في أي طياره بس تروح الدوحه دايركت غير القطريه كان
حجزت عليها، لكن للأسف مافي إلا هي

الله يفرجها علينا إن شاء الله

[ANONYMOUS]

وش حادكم


شوفوا لي طياره خاصه

بس ماتكون ماشيه واجد..

والكراسي مخمل ماحب الجلد

[دلة الرسلان]

كله كلام نشكي الحال لبعض اذا صادقين تبغون تغيير واحترام لمشاعرك ومخابيكم يا قطريين

خلوها تخيس وروحوا على الشركات المنافسة .

[The Watcher]

هم رفعوا السعر لنفس الرحلة ونفس اليوم؟
وعلى كل الرحلات؟

لأن اذا نفس الرحلة ونفس اليوم فهذا شي طبيعي
لأن في اكثر من نوع من الاسعار في كل رحلة
restricted, semi flexible, flexible
بالتالي يمكن السعر الرخيص خلص .. يعني الناس حجزوه .. والحين اللي تم السعر اللي اعلى منه

[خالي مشاعر]

شوفوا هالاسعار واستمتعوا
دوحة - فرانكفورت - دوحة بزنس كلاس

13740 ريال

62159


بانكوك - فرانكفورت - بانكوك بزنس كلاس وفي نفس اليوم ونفس الطيارة

8500 ريال

62158


يعني اللي جاي من بانكوك على البزنس ينزل مطار الدوحة ويركب نفس طيارتي ويروح معاي فرانكفورت ويرجع معاي وعقب يكمل لين بانكوك بزنس بسعر اقل من السعر الي انا سافرت فيه لنصف الطريق

[مــــلاك]

الارتفاع واضح في الاسعار وخاصه في الصيف لانه موسم

نفس الكريسميس الاسعار تكون مرتفعه

بس الي اعرفه ان كل درجه فيها اكثر من سعر

على سبيل المثال الدرجه السياحيه ...فيها درجات يعني لو حجزت قبل ب 4 او 5 شهور تلقى السعر
الارخص في الرحله ..واذا تأخرت يعني قبلها بكم يوم او اسبوع بتلقى الدبل
وحصل اني سألت الموظفه عن فرق السعر قالت الحجز المبكر ارخص ....

يعني حجزت لفرنسا الصيف الماضي قبل السفر ب 4 شهور كانت التذكره ب 3100
وبعدها بشهر ونص وصلت لـ 4800 وهذا على نفس الدرجه !!!!

الاماراتيه نفس الاسعار مب ذاك الفرق الكبير بينهم غير الترانزيت << اكرهه
اروح وارجع من بلادي افضل