الدوحه.. زحمه x زحمه!!

[شبعان]

الدوحه صارت لاتطاق والسبب هالزحمه ..
اتمنى من المسؤلين انهم ينزلون الى الشوارع ويشوفون الزحمه بدلا من قعدت المكاتب وايجاد الحلول على الاوراق !!
هل يعقل مشوار كيلو يأخذ نص ساعه؟؟
ان سبب الزحمه هم الاجانب لان القطريين لايشكلون اكثر من 17% من عدد السكان.
اشلون يتم التصريح لحوالي 300 الف سياره للسير في شوارع الدوحه والشوارع ماتستوعب هالعدد..
اتخيلوا لو 200 الف سياره مشوا في شوارع الدوحه مره وحده وبحسبه بسيطه هالعدد محتاج الى 400 كيلومتر شوارع!!

[الأصيلة]

الحل يكثرون من الجسور والأنفاق
وبـ نرتاح ..

[بوخالد911]

الززحمة اشوفها خفت عن قبل وبشوي عن قبل


الله يعيينا بس

[الموضوعي]

الحل من ثلاثة الأول بياخذ وقت وهو بناء جسور وانفاق والغاء جميع الدورات والإشارات
الثاني وقوع ازمة اقتصادية وتفلس الدولة ويحترق قلبها على الأجانب وماتقدر تدفع لهم ويضطرون للسفر وتخف الزحمة
الثالث وقوع حرب في المنطقة وهرب الأجانب منها

[ماريسا]

أفففففففففففففففف :anger1::anger1::anger1::anger1::anger1::anger1::a nger1::anger1:
أتمنى والله يشوفون حل للموضوع هذا
صرنا نكره الطلعات بسبب الزحمة
الزحمة بالشوارع
الزحمة بمواقف السيارات
الزحمة بالمجمعات
الزحمة بالمطاعم
وين نرووووح!!!!!! :omen2::omen2::omen2:
يا يحلّون لنا مشكلة الزحمة!!! يا يخلون اليوم فيها 35 ساعة بدل 24 :rolleyes2:

[روح الاطلس]

المطلوب هو الحزم .. فيه اجانب يدخلون البلد والبلد مو في حاجتهم .. هوامير لهم صلاحيات يجيبون عمال كل يوم فوق 100 عامل ويسرحهم في البلد كل واحد يشتغل على هواه وهو يقبض منهم اخر الشهر والدولة عارفه وساكته

وهالكلام عرفته من واحد في الداخلية يقول بعضهم يطلعون سجلات تجارية عشان يدخلون العمالة ويوميا بدون مبالغه يوميا يحصلون على تأشيرات لدخول فوق 100 عامل لشخص واحد

والشيء الثاني يوم كان تعدادنا اقل من مليون كنا في راحة الحين مافيه امل يتقلص العدد والعمالة الوافدة مزروعه بينا وعمرهم مايطلعون يعني خلاص انسو

المشكلة مو بس الطرق ماتستوعب هالعدد بعد الخدمات عندنا ماتستوعب مستشفيات ومدارس ومحلات ومجمعات ( فيلاجيو اخر الاسبوع ماتلقى موقف والسبب الزحمة الرهيبة في البلد)

انا سافرت لدول تعداد سكانها اضعاف الي عندنا ومع ذلك مالمست زحمة في الشارع

رحت القاهره على زحمة السكان إلا اني اوصل مشواري في زمن قياسي واقل من اللي اوصله في قطر !! صدق او لاتصدق
لان مصر تعتمد على شوارع الهاي واي الطرق السريعه والكباري والانفاق فمهما كان عددهم بالملايين الا ان الطرق سالكة ومافيه اشارات

احنا بين كل كيلو والثاني اشارة وماعندنا طرق سريعه او جسور ولو فكروا بس مجرد فكرة بالجسور بيتعوذون من ابليس لان مشاريع الطرق في قطر تعتبر كارثة الشارع ربع كيلو مايخلص الا في خمس سنين فعلا عندنا كارثة طرق

[خالد القطري]

المطلوب هو الحزم .. فيه اجانب يدخلون البلد والبلد مو في حاجتهم .. هوامير لهم صلاحيات يجيبون عمال كل يوم فوق 100 عامل ويسرحهم في البلد كل واحد يشتغل على هواه وهو يقبض منهم اخر الشهر والدولة عارفه وساكته

وهالكلام عرفته من واحد في الداخلية يقول بعضهم يطلعون سجلات تجارية عشان يدخلون العمالة ويوميا بدون مبالغه يوميا يحصلون على تأشيرات لدخول فوق 100 عامل لشخص واحد

والشيء الثاني يوم كان تعدادنا اقل من مليون كنا في راحة الحين مافيه امل يتقلص العدد والعمالة الوافدة مزروعه بينا وعمرهم مايطلعون يعني خلاص انسو

المشكلة مو بس الطرق ماتستوعب هالعدد بعد الخدمات عندنا ماتستوعب مستشفيات ومدارس ومحلات ومجمعات ( فيلاجيو اخر الاسبوع ماتلقى موقف والسبب الزحمة الرهيبة في البلد)

انا سافرت لدول تعداد سكانها اضعاف الي عندنا ومع ذلك مالمست زحمة في الشارع

رحت القاهره على زحمة السكان إلا اني اوصل مشواري في زمن قياسي واقل من اللي اوصله في قطر !! صدق او لاتصدق
لان مصر تعتمد على شوارع الهاي واي الطرق السريعه والكباري والانفاق فمهما كان عددهم بالملايين الا ان الطرق سالكة ومافيه اشارات

احنا بين كل كيلو والثاني اشارة وماعندنا طرق سريعه او جسور ولو فكروا بس مجرد فكرة بالجسور بيتعوذون من ابليس لان مشاريع الطرق في قطر تعتبر كارثة الشارع ربع كيلو مايخلص الا في خمس سنين فعلا عندنا كارثة طرق

صدقت في كل كلمه

[البدع]

ليس الحل في شوراع جديدة

ولا انفاق جديدة (لندن مافيها جسور كثيرة مثل مصر)

الحل مثل حل لندن

1. باصات

2. قطارات تحت الارض او حتى فوقها.

3. عدم اعطاء رخصة لكل من هب ودب .. (اعرف حداد عنده رخصة) .. لازم نسير مثل الكويت

ولكن هناك مشكلة ان للاسف اغلبنا يستحقر ركوب باص في الدوحة ... ويستحقر نفسه ويركب باص في لندن

[rayyane9]

الحل من ثلاثة الأول بياخذ وقت وهو بناء جسور وانفاق والغاء جميع الدورات والإشارات
الثاني وقوع ازمة اقتصادية وتفلس الدولة ويحترق قلبها على الأجانب وماتقدر تدفع لهم ويضطرون للسفر وتخف الزحمة
الثالث وقوع حرب في المنطقة وهرب الأجانب منها

انا عجبني الثالث وقوع حرب في اللمنطقه وهرب الاجانب منها هههه ههه ه ه ه

[طلعة الروح]

الاجانب ماراح يطلعون الا بالديناميت...

الشرهه على بلاعين البيزه...

[بوطويشم]

السلام عليكم

الزحمة من الأجانب

ولي مهب مصدق يوقف فالزحمة ويتلفت يمين ويسار وراح يشوف

وهم سبب كثرة الحوادث

وهم السبب يخلون الواحد يسرع يمسكون شارع اليمين السرعة 80 يمشون 60 !!!

الله يعينا على هالمسؤلين الي مهب قادرين يسون شي

[عقد اللآلي]

أغلبكم ذهب إلى أوروبا. هل رأيتم زحمة هناك مثل التي في شوارع قطر؟ ذهبت إلى عدة دول أوروبية وحركة

السير عندهم ممتازة والمدن عندهم من مئات السنين . ماالذي يحدث عندنا؟!

[تحداني]

ان كانت دولتنا الحبيبه تفتقد للجسور والانفاق والقطارات ..
وهذا هو سبب الزحمه



.. طيب الامارات ليه عندهم زحمه .. ؟؟
عندهم جسور... وانفاق ..
ونقل جماعي... وعندهم قطار ..
وشوارعم 4 اخطوط :)
.
.


أكيد هناك سبب لهذه الزحمه التي تأبى أن تفارقنا في الخليج


.
.
.
جملكم الله برضى الرحمن

[mohd89]

استغرب من ردود البعض
يقولك الزحمه من الاجانب !!
الحل في رأيك يسوون الطريق حكر ع القطريين عشان ما يكون في زحمه ؟

قد يكون الحل توسيع الطرقات والغاء الدوارات

[ابو ضمير]

ههههههه اشوفكم طحتوا في الاجانب هههه تراهم حتى هم مسوين زحمه في المنتدى والقطريين بوحارب وشلته الا اذا كان بوحارب منهم:secret::secret:

[الطائر الحائر]

الحل انهم يجيبون الشركه اللي خططت شوارع مدينة الرياض في المملكة السعوديه ويطبقونها بحذافيرها عندنا

[برق لمع]

يسوون ترامب نفس اوروبا ومترو انفاق بس مجهز تجهيز صح مع محطات كبيرة وفيها محلات واستراحات
وبعدين بتشوفون الاقبال عليه حتى من اهل قطر
واكبر سبب للزحمة هو العوائل الاجنبية التي تهل علينا بالهبل وكل واحد من هالعائله يبيله سياره الاب والام والولد والبنت ...تخيلوا كل عائله جذي...
ومااااااااااااااا تبون زحمة
الخطير في الموضوع هو المستقبل وان الزحمة راح تزيد اكثر واكثر

[The End Qtr]

الله كنا قبل انتمنى نشوف زحمة مثل كويت .. قبل اذا عندي مشوار في الدوحه اخلص اربع مشاوير ولحد الحين عندي وقت

والحين مشوار واحد وما اقدر

ولا تقولون الحل في بناء الجسور والانفاق .. اذا جسر الجيده صار له اكثر من 8 سنين
عجل لو قطار تحت الارض او انفاق كم يبي لهم

الحل التقطير التقطير وتسفيير الاجااااااااااااااااااااااااااااااااااااانب اللي ترسوا المكان .. حتى في حلمي يدخل معاي اجنبي

[قطر501]

الزحمة سببها الاول والاخير الاجانب

[أبورودي]

الاجنبي سبب الزحمه
الاجنبي بياكل فى المطاعم والدنيا زحمه
الاجنبي بيروح المستشفى وهو اللى عامل زحمه
الزحمه هى بسبب الاجنبي
الاجنبي هو سبب زحمه
زحمه يا دنيا زحمه
مولد وصاحبه غايب
اجى من هنا زحمه - ارروح من هنا زحمه
احمد عدويه

[برق لمع]

الله كنا قبل انتمنى نشوف زحمة مثل كويت .. قبل اذا عندي مشوار في الدوحه اخلص اربع مشاوير ولحد الحين عندي وقت

والحين مشوار واحد وما اقدر

ولا تقولون الحل في بناء الجسور والانفاق .. اذا جسر الجيده صار له اكثر من 8 سنين
عجل لو قطار تحت الارض او انفاق كم يبي لهم

الحل التقطير التقطير وتسفيير الاجااااااااااااااااااااااااااااااااااااانب اللي ترسوا المكان .. حتى في حلمي يدخل معاي اجنبي
والله كلامك جميل وعين العقل لكن هذا الاقتراح ما يمشي في قطر من غير الاجانب بنضيع

[جغرافي قطر]

انشالله خلال الشهرين الجايه بيفتحون الهاي وي مال العسيري اللي يربط بيم دوار سوق العلي ودوار التضامن

اعتقد الزحمه بتخف اكثر من 30%

من منطلق التخطيط العمراني

[دكتورة روح]

زحمة يادنيا زحمة :funny:

[طلعة الروح]

والله كلامك جميل وعين العقل لكن هذا الاقتراح ما يمشي في قطر من غير الاجانب بنضيع [/i][/b]

التنظيم مطلوب اخوي بس اللي صاير بالوقت الحالي اكثر من اوفر وهاي اعتقد مشكلة الداخليه وادارة الهجره تحديدا اللي امشيه السالفه حلاوه وتوزيع
الاقامات للي يسوى واللي مايسوى والشعب هو اللي ياكلها طبعا وغير هذا وزارة العمل في تسيير اجراءات توظيف الاجانب وزيادة الطين بله.[/SIZE][/COLOR]

[مشيرب]

شوفو زحمة الصين على القطارات كيف

[مشيرب]

شوفو زحمة الصين على القطارات كيف62177

62178

62179

62180

62181

[kka]

اجبار الشركات توفير باصات لنقل موظفينهم خاااااااااصة الاجانب لانهم هم الاكثرية وانا لا اقصد اي شي عنصري لكن حل للازمة الى ان يتم حل مشكلة الطرق

[نايم سهران]

http://www.qatarshares.com/vb/showthread.php?t=358163

اقرأ هاي وان شاء الله يفيدك :nice:

[كازانوفا]

الاجانب الاجانب الاجانب احسها صارت هالكلمه مثل الفيلم الرعب

هههههه
الله المستعان

[عزووز قطر]

والله المشكلة من إدارة المرور
أشوف ان الرخصة صارت تطلع بسهولة وحق ناس غير مؤهلين للسياقة ..

والشي الثاني يمكن الحل يكون بوضع لمت معين لكل اجنبي لإمتلاك سيارة
لأن نشوف ان الاجنبي له سيارة ولزوجته سيارة وولده سيارة

صحيح ان كل بيت قطري فيه 4 سيارات وفوق بس والله ان الشعب القطري مو مسبب زحمة والدليل شوفو اللي حواليكم أثناء الانتظار .. وراك اجنبي ويمينك أجنبي وقدامك اجنبي ويسارك أجنبي
ولو نشوف قطري في الشارع الثاني ودنا نسلم عليه !!!