احتاج مشورتكم يا أهل الخير لاتبخلون علي ..!!

[M!ssy]

السلام علكيم ورحمة الله وبركاته


انا بودي ابدا مشروع تجاري يكون لي مصدر دخل ثاني بالاافه لراتبي الوظيفي
وبصراحه انا جديده جدا في هالمجل مع ان هالامور تستهويني ولكني لا أملك الخلفيه او الخبره عن هذه الأمور

ورأس المال الي حابه ابدا فيه مب كبير بين ال 50 و 70 ريال قطري
فأبي افكار منكم اذا ممكن تساعدوني بشرط يرد لي رأس المال خلا شهرين او 3 بالكثير


الشي الثاني الي حابه اقوله انا في بالي مشروع متأكده 100% انه راح ينجح في قطر
وماظن في نفس الفكره ابدا
ولكن يحتاج راس مال كبير

[بوحسن2009]

ان شاء الله يفيدونج الاخوان
وبالتوفيق ..

[سوق واقف]

بالتوفيق وبإذن الله الأخوان راح يفيدونك

[سياتل]

شيك الخاص أخوي

[البدع]

هل تقصدين 70 ريال او 70 الف ريال

على العموم استيراد المبلغ في 3 شهور امر صعب (الا تجارة مخدرات او حفر بئر نفط)

والمبلغ بسيط لفتح اي تجارة ... حتى لاينفع لخلو محل

[خليفـة]

هل تقصدين 70 ريال او 70 الف ريال

على العموم استيراد المبلغ في 3 شهور امر صعب (الا تجارة مخدرات او حفر بئر نفط)

والمبلغ بسيط لفتح اي تجارة ... حتى لاينفع لخلو محل

عند الله الخير وانا اخوك
انما أمرة ان اراد شيئا ان يقول له فيكون
وايد بدأو تجارتهم بمبالغ أقل بكثير من مبلغ الأخت الفاضلة
والحين يتكلمون بالملايين وانا اخوك
ومن غير ما حد يدخل في المخدرات .. ومن غير ما يحفرون بئر بترول .

:)

[البدع]

عند الله الخير وانا اخوك
انما أمرة ان اراد شيئا ان يقول له فيكون
وايد بدأو تجارتهم بمبالغ أقل بكثير من مبلغ الأخت الفاضلة
والحين يتكلمون بالملايين وانا اخوك
ومن غير ما حد يدخل في المخدرات .. ومن غير ما يحفرون بئر بترول .

:)

اخوي

انا فتحت محل بالخلو بكامل ديكوراته مع التاشيرات ب 90 الف ريال

بس تلك الايام ولت

الخلو كان ب 20 اللف ... الحين 100 الف وطالع

الايجار كان 2000 ريال ... الحين 6000 ريال وطالع

السجل التجري رفعوا سعره 4 اضعاف

حتى الكهرباء رفعوا سعره

70 الف في هذي الايام ماتفتح لك محل

حتى ماتجيب لك اصغر قطعة ارض في اقذر منطقة في قطر

التجارة اصبحت شرسة في قطر هذي الايام

وافضل شيء للاخت هي الاسهم ... او وديعة ببنك اسلامي

[La Bella]

أختي توكلي على الله أنا بديت ب 30 الف من سنة
ووشهر 6 بفتح محلي
مو شرط تاخذ محل خلووو وش كثر المحلات الجديدة بالبلاد
والله يوفقج وابعدين عن الاجانب العرب نصيحة
واي شي محتاجة راسليني على الخاص

[البدع]

ياليت بدل الفلسلفة (والكلام) الي بدون دليل .. نقول لصاحب الموضوع :

1. كيف نسوي مشروع (محل) ب 30 الف او 70 الف في هذال الوقت ؟

2. ماهو المشروع الي يكون ب 70 الف فقط .. ويرجع راس ماله بسرعه في 3 اشهر؟

3. وين الاقي محل بدون خلو (اصحاب المجمعات الجديدة الآن يطالبون خلو.. وحتى صاحب المجمعات التجارية القديمة في بعض المناطق يطالب بخلو عند خروج صاحب المحل ودخول شخص جديد) ؟

ياليت نساعد الناس .. لان (الكلام) و(التأليف) هذي الايام ببلاش ...

[فطومه999]

هههههههههههههههههههههههه

صدق اخوي البدع الكلام الزايد مامنه فايده

هلا أختي المبلغ صغير وأبدي بتدريج يعني
عندي كذا فكره ونشالله أتفيدج
1- روحي الامارات وتعاملي مع وحده اتبيع بخور بس اكون شي وضاعفي المبلغ عليه يعني لو العلبه100 خليه 150 او 200
أو عطور
2- بيعي مكياج شركه مو موجوده في قطر وبعد ضاعفي الميلغ
بس مثل ماقلت لج المبلغ قليل ماتقدرين تفتحين محل خليج في التجاره المتنقله وحطيلج مندوبه
والله ايوفقج

[M!ssy]

مشكورين اخواني ماقصرتوا على الرد
انا ماقلت ابي ابدا بقوه من البدايه
ابي شي يناسب هالمبلغ
ومب شرط محل وخلو ومادري وش هذا ممكن يجي عقب
انا اعرف وحده تفصل عبي حلوه والبنات ماشاء الله هابين في عبيها وهي ماعندها محل
بس مفضيه في بيتها غرفه وحاطه اجهزة الخياط ووحده تفصل هي تشتري القطع والمتيريال والتصاميم والباقي تفصله الفلبينيه الي عندها

عقب لصار عندها المبلغ المناسب بتفتح محل

بس انا مابي تجارة عبي صحيح حلوه بس يبي لها ذوق عالي وتجديد في الموديلات والا راحت عليك

وبس :)

[alkref11]

ان شاء الله اختي تلاقي طلبك مو بالضبط ولكن ان شاء الله ربنا يسهل ولدي مشاريع بهيك راس مال وارجو التواصل
التواصل عبر الرسائل الى البريد الالكتروني بسبب خدمة الرسائل لدي غير مفعله لا اقدر على الارسال ما ادري ليش
لذلك هذا بريدي واتمنى اختي التواصل عبر الرسائل البريدية وان شاء الله خيرا اختي الكريمة
ful8@w.cn

وبالانتظار ان كنتي جادة في الموضوع وان شاء الله خيرا


والسلام عليكم ورحمه الله وبركاته

[المليونير الفقير]

اختي بخصوص االبدايه ب70 الف وايد مشاريع بدايتها بنفس راس المال بس سالفة كم شهر يرجع راس المال هاي شوي صعبه وانا عندي مشروع بدايته 10 الاف وفوق ويدخل ذهب بس يبيله دعايه وتسويق وبخصوص مشروعج الي راس ماله وايد ممكن اطرشينه عالخاص واكون لك شاكر:)

[ام شيخه]

والله ياليت نلاقي مشاريع ناجحه وبراس مال قليل بس وين ياحسره ؟
وين مانضربها عوجاء
اخوي مليونير الفقير شنو مشروعك اللي يبيله دعايه وتسويق اذا ممكن نعرفه حنا الحريم بنمشي امورنا وبنسوي دعايه بس عطنا اول خيط الله يجزاك خير وازهلها
وبالتوفيق للجميع

[الجووري]

بالتووفيق

[the engneer]

الفكرة تكمن في امكانيات الشخص.....مثلا لو الشخص ذوقة حلو وعندة فكرة جيدة عن اسس التصميم
ممكن يصمم الاكياس والشنط الورقية للبوتيكات والمحلات والجمعيات في البداية ممكن يصمم وينفذ بشركات
خارجية مثل السعودية ودبي ويكثرهم بيطاليا وممكن بالصين
وذا الامر تطور ممكن يفتح معمل متوسط للانتاج بعد مايكون علاقات وزبائن
ممكن مشروع تصنيع وتشكيل وانتاج الاجسام والديكورات بواسطة الفوم .....ينتج منها على سبيل المثال ديكورات لمحلات ومطاعم للمناسبات والي زار المهرجان البحري كانت الشخصية (الارنب) منتجة بنفس الفكرة
للمسارح والكوش والتمثيليات
والتعويذات ممكن قوالب لصب الجبس او الخرسانة واشيا كثيرة
ممكن مشروع استوديو اللوان....بمعنى معرض لخلط الالوان وعرض افكار الاصباغ وتصاميم والابتكارات التي تطرح بالاسواق والمعارض العالمية

المهم في كل هذا مجهود الشخص وتطوير امكانياتة الذاتية ...وليس الفكرة فقط
من سال نفسة سوال قبل التفكير بمشروع تجاري.... انا ماذا اجيد؟
ولو بدا مشروعة من بيتة وهاتفة واجتهد ستفتح لة ابوب التوفيق

ولو اي من المجتهدين وجد في نفسة الكفاءة التي تكفل لتنفيذ اي من الافكار السابقة وذلك بالبحث والتخطيط
وتقديمة لخطة كاملة ان مستعد ان اكون شريك في كامل راس المال وهو بالمجهود
واللة من وراء القصد

[تاجر طمووح]

بالتوفيق