::: شركة طيران دبي او fly dubai ((اسعار تذاكرها ارخص)) :::

[STAR]

::: طيران دبي او fly dubai :::


فلاي دبي أو طيران دبي هي شركة طيران وطنية إماراتية، تعمل بنظام الطيران منخفض التكلفة.

أنشأتها حكومة دبي في 19 مارس 2008، يقع مقرها الرئيسي في إمارة دبي، وتتخذ من مبنى رقم 2 في مطار دبي الدولي مركزاً لعملياتها.

تقدم فلاي دبي خدماتها إلى 11 وجهة:
وهي بيروت، وعمّان، ودمشق، وحلب، والإسكندرية، وجيبوتي، والدوحة، والخرطوم، وباكو، والبحرين، وكاتمندو.

وأقلعت أول رحلة تجارية للشركة إلى بيروت في الأول من يونيو 2009، وأفتتحت ثاني وجهة لها إلى العاصمة الأردنية عمان في 2 يونيو 2009، وتنطلق الشركة الجديدة بفضل مساعدة شركة طيران الإمارات والتي يتولى رئاسة مجلس إدارتها الشيخ أحمد بن سعيد آل مكتوم، لكنها لن تكون جزءاً من شركة طيران الإمارات.

وبهذا تكون فلاي دبي ثاني شركة طيران اقتصادي يتم إنشائها في دولة الإمارات بعد شركة العربية للطيران والتي يقع مقرها الرئيسي في إماراة الشارقة. وفي 14 يوليو 2008 وقعت الشركة اتفاقية مع بوينغ لشراء 54 طائرة من طراز بوينغ 737-800.


دوحة-دبي-دوحة
http://www9.0zz0.com/2010/04/15/16/207512357.jpg (http://www.0zz0.com)



الموقع الإلكتروني: www.flydubai.com



http://ayu190.files.wordpress.com/2008/07/fly-dubai.jpg


http://farm4.static.flickr.com/3643/3383719637_f740a82c5d_o.jpg







حد جرب وسااافر فيها؟؟؟:omen2:




منقوووول من الايميل

[هدهد سليمان]

الفال حق fly qatar

[STAR]

والله أخوي هدهد سليمان ماعتقد للأسف

[هدهد سليمان]

والله اختي سمعت بالفعل عن توجهات لعمل طيران لذوي الدخل المحدود عاد ما يندرى صج ولا !

[mubarak2000]

الامارات سوق مفتوح للمنافسة غير قطر السوق غير مفتوح وذالك لحمايلة القطرية من المنافسة , لكن اخر تقرير من مجلة الطيران الدولي حذر من الشركات الخليجية بدأت تسحب السوق القطري وتحول مطار الدوحة الى مطار ثانوي اذا ماتداركت الحكومة القطرية الامر وفتحت الاجواء للمنافسة .

[The Watcher]

انا جربته اكثر من مرة
رائع

[STAR]

اشكركم جميعا على المرور... يعيب هذا الطيران ان وجهات السفر 11 بلد فقط..!!

[ابيض و اسود]

كل سفراتي بالطائرة لدبي على هذه الشركة

وكل ما حجزت بفترة أطول...كانت الأسعار أقل.

والأهم الانتباه لموضوع (الشنطة) بحيث يجب دفع قيمتها (40 ريال) مع التذكرة والا ستصبح (150 ريال) حين الوصول للمطار بغير حجز مسبق.

كلها ساعة وانا في دبي....فهل من المعقول أترك التذكرة ب(400 ريال) و أروح أدفع (1400) ريال ع القطرية مثلاً !

ولله الحمد وفروا علينا الكثير منذ فتحها في قطر

[غربة مشاعر]

400.‏!‏‏! حق ذهاب بس والا ذهاب وإياب‏?‏:)

[ورقــة أمــل]

8
8
8
سيم سيم سؤال

[أم علي 2010]

مافهمت يعني هو كل ايكونومي ؟

وكل السفريات ممكن تحجز لنا عليه ؟

يا ريت اللي مجرب يعطينا تفاصيل اكثر

ومشكورين

[Exclusiveperfumes]

طيران حلو ورخيص اللي يبي يروح دبي
انا جربتها للسفر الى دبي
دوحه دبي دوحه تقريبا 730 بس هالكلام قبل الجارج الزايد على الشنط
تقريبا قبل عيد الاضحى اللي راح انا اشوفه مناسب لسفرات دبي صراحه سعر حلو .

[كازانوفا]

كيف طريقة الحجز ؟؟؟؟
وسمعت ان الاسعار بدات بالطلووووووووع

[أم علي 2010]

يعني يصلح حق عوايل ؟

[STAR]

400.‏!‏‏! حق ذهاب بس والا ذهاب وإياب‏?‏:)

ذهااب ...

ذهاب واياب يمكن 800 ...

[STAR]

كيف طريقة الحجز ؟؟؟؟
وسمعت ان الاسعار بدات بالطلووووووووع

احجزي من الموقع


الموقع الإلكتروني: www.flydubai.com

[BuFaisal]

والأهم الانتباه لموضوع (الشنطة) بحيث يجب دفع قيمتها (40 ريال) مع التذكرة والا ستصبح (150 ريال) حين الوصول للمطار بغير حجز مسبق.

ممكن تشرح موضوع الشنطة لو سمحت ؟

[moojq6r]

الله يدوم الرخص

[بـن عدوان]

بل!!

توني اجوف التذكره حق دبي رايح وجاي

Total price 338.00 QAR !!!

من تاريخ 22 -5 لين 26 - 5

[xxqataryxx]

فيها درجه بزنسس

[شريف]

مشكورررررررررررررررررررررررررررر

[ابيض و اسود]

ممكن تشرح موضوع الشنطة لو سمحت ؟

اسمحلي اخوي توني منتبه لسؤالك بارك الله فيك

المقصود بموضوع الشنطة هو انك لا بد ان تختار كم شنطة ستأخذ معاك عند الحجز

والمقصود بالشنطة هنا هي الشنطة التي توضع في (العفش) او (الشحن) في نفس الطائرة..أما الشنطة الصغيرة التي تحملها بيدك فلك الحق في أن تحمل واحدة (ببلاش) بيدك إلى الطائرة

المهم.....عندما تقوم بالحجز عن طريق الموقع الالكتروني.....وبعد اختيار الرحلة وملئ أسماء المسافرين....تكون هناك لائحة تختار منها عدد الشنط المطلوبة وأسعارها كالتالي:

الشنطة الاولى (40) ريال والشنطة الثانية (100) ريال

وللتوضيح اكثر...تخيل انك ستحجز تذكرة لثلاث أشخاص الى دبي....وستأخذون معكم 3 شنط...

فما عليك حينئذ إلا ان تختار 3 شنط الاوائل بقيمة 40 ريال لكل شنطة

أما ان كنت ستأخذ معاك 4 شنط....فحينئذ اختار ثلاث شنط بقيمة 40 ريال للشنطة والشنطة الرابعة بقيمة 100 ريال

----- هذه المعلومات ضرورية ولا بد من دفعها مع التذكرة والا ستفاجئ عند ذهابك للمطار بانك ان اردت ان تدخل الشنط فلا بد من دفع قيمة 150 ريال لكل شنطة....!!!

والله الموفق

[Lipton]

اعتقد انها شركة طيران اقتصادية تابعة لطيران الامارات مثل طيران العربية وفيرجين اتلانتيك وغيرهم زينة حق المسافات القصيرة

[um mohd]

السلام عليكم و رحمت الله و بركاته
ابي حجز 2010-7-16 الى دبي و الرجوع 2010 - 7-22 كم بيكون سعر التذكرة
و ممكن الرقم ع الخاص

[شمسة]

بالتوووووووووووفيج

[مــــلاك]

صديقتي توها راده من دبي السبت ..تقولي انها راحت على فلاي دبي
ب 400 ريال لاتذكره <<< ياابلااااش

تقول حلوه وماعليها كلام واهم شي سعرها ...والاكل يشترونه << للي في خاطره ياكل
ولان عيالها معاها اضطرت تاخذ لهم عصير وسندويتشات ..

[سيف العشق]

مساكم الله بالخير

حبيت اعرف الشركه تروح لندن او لا

[eXpert*]

مواعيد مثل هذه الشركات غير منضبط بتاتاً .

[STAR]

مواعيد مثل هذه الشركات غير منضبط بتاتاً .

ليش؟؟؟


على الاقل اقتصادية :nice:

[STAR]

السلام عليكم و رحمت الله و بركاته
ابي حجز 2010-7-16 الى دبي و الرجوع 2010 - 7-22 كم بيكون سعر التذكرة
و ممكن الرقم ع الخاص

يمكن هالرابط يفيدج ويفيد البقية...


http://www.qatarshares.com/vb/showthread.php?t=317031

[STAR]

مساكم الله بالخير

حبيت اعرف الشركه تروح لندن او لا

للاسف لا.. للحين ماتطورت:weeping:

[ali212]

يعطيكم العافيه

[mubarak2000]

مواعيد مثل هذه الشركات غير منضبط بتاتاً .

معروفة باالانضباط في المواعيد
والحين عندهم اربع رحلات لدبي يوميا يعني اي وقت تقدر اتسافر

[STAR]

up....

[STAR]

معروفة باالانضباط في المواعيد
والحين عندهم اربع رحلات لدبي يوميا يعني اي وقت تقدر اتسافر

:telephone:

[angel qtr]

انا ماجربت بس ان شالله بجرب :)

[(ولد الغلا)]

يقولون مب شي لانها مافيها تامين

[لوردغاليري]

يقولون مب شي لانها مافيها تامين

لي راحت الروح شويفيد الإنشورانس
يبه

كل شي مقدر ومكتوب

انشورانس ولا بدون

اعقلها وتوكل

[(ولد الغلا)]

لي راحت الروح شويفيد الإنشورانس
يبه

كل شي مقدر ومكتوب

انشورانس ولا بدون

اعقلها وتوكل

اختي انتي جربتيها

[شمس]

مواعيد مثل هذه الشركات غير منضبط بتاتاً .

مكنسلين كم رحله الى تركيا بس كاتبين واكيد بلغوا المسافرين
مو مثل القطريه لاعبه بمسافرينها لعبه

[العيون Q]

القطريه
قعدوا امي واختي في مطار هيثرو تقريبا 6 ساعات تاخير
اما فلاي دبي زينه انا جربتها بس شوي خخفت الطيار كان متهور شوي :eek5:
خخخخخخخخخ
والا خدمتهم زينه الصراحه

[دخيل الله]

شي زين والله مشكور

[بــو فهــد]

انا جربتها هالصيف .. خذت كورس في دبي وارجع الدوحه كـل ويك اند وكل تذكره روحه ورجعه ماتكلفني 400 ريال
رحلت اخر الليل هي ارخص وحده .. وغالبا افضى وحده خصوصا اذا ماكان ويك اند
الشزكه ماعليها كلام وطياييرهم زينه .. الخدمه حلوه واللي تبيه تحصله بفلوس ..
اللي يبي يودي معاه شناط ف الشحن ياخذهم من النت ارخص ..
ف الكاونتر اول شنطه ب ١٥٠ ان ماكنت غلطان والثانيه ب ٥٠٠ .. ف ماتسوى !

[بــوعــوف]

جربتها الاسبوع اللي طاف ..

كل شي اوكي ..

بس تاخرت شناطنا ساعه في مطارهم .. وثاني شي مطارهم مافيه شي ، مب مثل المطار الدولي .. لان طيارتهم تنزل في مبنى 2


عموما اسعارهم بالنسبة للخدمة ممتازة .. وكلها أقل من ساعه أنت في دبي ..

[Q.T.R SN!PER]

أنا جربتها من قطر لدبي مجرد تجربة فقط شوف من ناحية الخدمة كل شي بفلوس حتى لو قلت تبي ماي بفلوس
اما من ناحية المقاعد فهي عادية ومافيها t.v ولا راديو تجلس بس اما من ناحية المطبات الهوائية انا في رحلتي من قطر لدبي ومن دبي لقطر ما حسيت بشي يعني اسمع الناس تقول مطبات هوائية ومدري ايش بس عني انا ما حسيت بشي
بس من سلبياتها لو فوت موعد الاقلاع ارمي التذكرة بالزبالة هع :secret: وممكن مثلا انت تكون مسافر من قطر لتركيا مثلا لما وصلت مطار دبي وفوت موعد الاقلاع من هناك هذي المشكلة لازم تروح وتقطع تذكرة جديدة وتنتظر موعدها " يعني توهقت :omen2: "
هذا والله أعلم
بأنتظار أراء الاعضاء
تحياتي لكـ

[العودي V.X.R]

والله اختي سمعت بالفعل عن توجهات لعمل طيران لذوي الدخل المحدود عاد ما يندرى صج ولا !

يعني بيحطوون مطارح وجلسه عربيه في الطياره مثلا ....,:nice:

والا كراسي مدرسه :omen2:.... اعتقد السفره بتكوون وقااافي :victory:... خخخخخخخ :shy:

((( لو يطلع منها الباكر ))) احنا وطيرانا بنكوون بخير ....:rolleyes2:

[كهرمان]

شي زين والله مشكور

[Emarati]

قريبا بتتوفر خدمات ترفيهية مثل التلفزيون والافلام في طائرات الشركة