المساعد الشخصي الرقمي

مشاهدة النسخة كاملة : :::...طلاب العلميه ودرجاتهم العاليه...في الخارج...!!!...:::...احم


The Master
15-04-2010, 08:56 PM
احم احم...ثم احم...

"الموضوع طويل...فا اقروه على رواقه ماعليكم امر"


سنة 2004...استراليا...

حيالله شباب قطر...الحمدلله عالسلامه...الله يسلمك...ها وش تخصصكم هنا في الجامعه الاستراليه؟؟؟...هندسه...في منا ميكانيكيه وكيميائيه...وتخصص محاسبه...وبيانات تقنيه في الحاسب...وغيره وغيره...
ماشاء الله ماشاء الله...شي طيب...وكم عددكم...اممم يعني حول 30 شخص...
يالله فيكم الخير والبركه...موفقين يارب...

بعد كم شهر...

مريت عليهم...عازميني على العشى...
قربت من سكنهم...اشوف سيارات صافه بره...وكلها سيارات جديده وكشخه...يعني سعرها فوق ال 100 الف ريال...وبعضها فوق ال 70 الف ريال...
استغربت...وقلت اشدخل...وحتى ان كان معاشاتهم ماتوصل انهم ياخذون بهالاسعار...قلت يمكن عندهم خير...

يالربع وش سالفة السيارات اللي بره؟؟؟...هذي حق فلان وفلان وفلان...اشدعوه؟؟؟...بس كيف دفعتوا افلوسها؟؟؟...ومعاشكم حتى وان جمعتوا ماراح تقدرون تدفعون ثمنها الا بعد سنين...لا وين...الموضوع سهالات...كيف يعني؟؟؟
خذناها اقصاد من البنك في استراليا!!!...طيب وكم الفايده؟؟؟...اووووه خلنا ساكتين...طيب وش اللي حادكم؟؟؟... يا علي خلنا نعيش حياتنا...ونستانس ونفرفش... اي بس انتوا جايين دراسه مب لعبه!!!...وان كان بتفرفشون وتبغون سيارات في اسعار ارخص من هذي بكثير ومايحتاج ديون في البنك!!!!
عادي...سهالات...اهم شي الكشخه والرزه...فلان مب احسن مني عنده موتر اكشخ مني...وشي ثاني...ترا الموتر الكشخه يسوي شغل هنا في استراليا اذا كنت فاهمني...
الله يعين...


نفس اليوم...الساعه 11 بالليل...

يالربع وين عشاكم؟؟...وراي دوام جامعه بكره...اي بس ننتظر اللحم ينظى...
طيب ليه ما استعجلتوا شوي قبل...ماعندكم دوامات بكره؟؟؟...
لا وييين...من صجك...ليه شسالفه؟؟؟
احنا ماخذين مواد قليله...ومخلين الدوام يومين في الاسبوع...وفي اليوم نفسه يعني حول ال 3 ساعات...لا والظهر بعد...اشدعوه؟؟؟...وليه هالترييح؟؟؟
بس ماعندنا شي...ولاحقين عالدراسه...خلنا نستانس شوي...
اي بس كذا ماراح تخلصون بسرعه...ان شاء الله بنشد حيلنا في الكورسات الجايه...

الا ماقلتوا لي...كم اعماركم...بين ال 18 و 19 سنه...
ماشاء الله...على طول من الثانويه لهنا...
اي حنا خريجين العلميه...فا درجاتنا عاليه...ونسبنا طيبه...والانجليزي عندنا توب...فا اللهم امتحان قبول...وجبنا الدرجه المطلوبه وخلاص...طرشونا هنا...



بعض المواقف اللي صارت بيني وبينهم...

كانوا كثيرين الغياب...موادهم كانت قليله وحصصهم قليله مع ذلك يغيبون...

لما يمر عليك بسيارته الكشخه...تشوف جنبه شقره...امممم...

دايما شغالين عزايم وطباخ...ولعبه...وسفرات لمناطق استراليه...

سهر دايما...فسفة فلوس في كل مكان...اهتمامات غريبه...


سنة 2007...في الدوحه...

اووووه فلان...اخبارك اعلومك...الحمدلله تسرك العلوم...ها علي اشعندك في الدوحه؟؟؟...الحمدلله خلصت البكالريوس والحين احضر حق الماستر...وانت اخبار الهندسه؟؟ بشر؟؟؟
اي هندسه يارجال...افا ليه؟؟؟...الجامعه صعبه واجد...واطردونا...والحين في جامعه قطر...اشدعوه...الله يعينكم...وفلان اخباره؟؟؟...اي فلان...اطردته الجامعه...ورجع قطر للمكان اللي طرشه...لكن خلوه فني...وطلع من الشغل...والحين يدور له شغل...الله يعينه...
وباقي الشباب...من ال 30 شخص...بقوا اهناك بس 9...والباقي ارجعوا ومادري وين في الدوحه...

القصد من هذا كله...

- من وجهة نظري... طلاب العلميه ناس محكورين...زياده عن اللزوم...وحاكينهم في الدراسه...وماشافوا الدنيا عدل...فا لما انت اتطرشه بره قطر...وتحط في يده افلوس...ومعاش... ومكان مفتوح في كل شي...واللي تبغيه تحصله...وهو اصغير في السن...وعظمه للحين لين...فا توقع وش اللي راح يصير...اكيد يختلف من شخص لشخص...لكن نسبه كبيره ماتفلح...ويكون مفتل في شي...
والاسباب مذكوره اعلاه...

- كان الافضل... تحضيرهم عدل...من ناحيه ذهنيه وعقليه...
مثلا...يعطونهم كورسات في الدوحه في مواد...مثل اللي حاصل لبعض من الشركات... مثلا في الرياضيات والانجليزي والفيزيا والكيميا...ويخلونهم على الاقل سنه ونص او سنتين في الدوحه عقب تخرجهم من العلميه...
منها النضوج العقلي...ويشوفون الدنيا...ويعرفون يتصرفون في حياتهم...

اما انه يخلص من العلميه...يعني استثناء...واتطرشه على طول بره يعني انه ذكي ومخه نظيف...وهو صغير في السن... فا اشوفه غلط...من وجهة نظري... وقليل منهم من يفلح او يقدر انه ينجو من الغرق...خاصه في دول الانفتاح والفتن...

- ولطلاب العلميه... او الطلاب اللي حاكينهم وحاكرين على نفسهم بالدراسه...كانوا من نفسهم او من اهاليهم...
اخذوا ابريك...ريحوا شوي من الدراسه...خفوا على اعماركم...وشوفوا الدنيا اللي حواليكم... عيشوها... ترى الدراسه مب كل شي... صحيح هي هدف يجب تحقيقه...لكن مع اعطاء جسمك وعقلك راحه... ولا ترهقهم...

كثير من الناس اللي حاكرين نفسهم بالدراسه...وبالاخص البنات...
يجيهم الضغط...العصبيه...الانطوائيه...العزله...دايما في الغرفه مهتم بالدراسه...واكبر مصيبه...هو الاكتئاب...
تحس ان قلبك ينبض بسرعه...صعوبه في التنفس...تحس ب الدوار...ارق...تخاف كثير من اشيا تطري عليك...
كل هالاعراض هي نتيجه الضغط النفسي والحك الدائم...وانشغالك بالدراسه...في تراكم الهموم...
فا ريح...الزم ماعليك صحتك...وش خانة الدرجات العاليه والصحه متدهوره؟؟!!!...
"النقطه اللي فوق بره الموضوع...لكن ذكرتها عشان تفيد"

- سبب ذكري للمثال عن شباب العلميه...لاني شفت هالشي بعيني...وشفت تصرفاتهم...ماكان واحد ولا اثنين...كانوا مجموعه مب قليله...
جيت اقارنها ب القروب اللي انا معاهم...وقروبنا تخصصه اصعب من تخصصهم بكثير...وفيه حك اكثر وملاغه اكثر...
لما بلغونا ان بيطرشونا استراليا...
قعدنا في الدوحه سنتين ونص...بس تحضير...حق استراليا..."طبعا كنا خريجين مدارس حكوميه"
وكانوا يمشون لنا معاش...
اول 10 ايام مفلسين...احم...
لكن بعد شهور وفتره...صرنا انتحكم بالمعاش...ويقعد معانا لين اخر الشهر...
وخلال هالفتره انت تمر في مشاكل وتجارب...في الحياة...خاصه لما تكون معتمد على نفسك...ومحد يصرف عليك...ومعتمد على نفسك...فا تعرف كيف اتصرف...وكيف اتعامل مع امور الحياه...
وبعد هالسنتين ونص طرشونا استراليا...والحمدلله...وماشاء الله...حنا القروب من 5 اشخاص...من سنة 2001...لحد يومنا هذا مع بعض...ومكملين نفس التخصص...وكلنا نحضر الماستر...
اكيد هو توفيق من الله سبحانه...ولله الحمد والمنه...
لكن تبقى في اسباب...،معطيات...مساعده وتصلب الانسان...

ادري اني طولت اكثير...

مقالي هذا حبيت فيه اوصل حقيقه... واطرح افكار ان شاء الله تنفع في المستقبل...
و تجنب بعض التصرفات اللي قد تضر ب عيالنا...

السموحه ان كان الموضوع مش مرتب نوعا ما...
واتمنى ان الفكره اوصلت...
يبقى فيما طرح يعبر عن رأيي انا الشخصي...ورؤيتي للأمور...من خلال تجارب عشاتها...وشفتها...
قد اكون محق...او اكون مخطأ...
فا اتمنى اسمع رايكم...وتعليقاتكم...
لاهنتوا...

اخوكم علي
16-04-2010
تحداني
15-04-2010, 09:24 PM
... موضوع جميل ...
سأحجز مقعدا هنا لحين عودتي ان شاء الله من وليمه العشاء
يكفي انه يعكس واقع حقيقي... نعاني منه .. ولا أحد يصدقنا




معظم الناس هذه جملهم .. >.. يقول ابني ما شاء الله عليه
ولدي عمره ما يسوي شئ
انا بناتي الله يحفظهم
اعيالي كل واحد احسن من الثاني ..



.
.

بارك الله فيك .. وجملك برضى الرحمن
م. عبدالعزيز
15-04-2010, 10:34 PM
يعطيك العافيه The Master ،،

انا من الخريجين القدامى لهالمدرسه وكلامك صحيح، الدراسه هناك انواع الكرف وكنا في عالم والثانويه الحكوميه في عالم ثاني ، نخلص الفصل متأخرين ،

وأخبر من أول اسبوع دوام تبدأ الواجبات والدراسه .. صج تعبنا بس تعلمنا والحمد الله على كل حال ..

وفيما يخص السفر للخارج هذا يعتمد على الشخص نفسه مب شرط يعني ، فيه اشخاص قد المسؤوليه وفيه بعضهم لا .. بالنسبه لي كملت دراستي بالدوحه..

الله يوفق الجميع :)
BIG-VEGA
15-04-2010, 10:50 PM
حيالله اهل استراليا :)

اذا كنت مب غلطان انا وقتها كنت في بريطانيا ...... وكنا نسمع عن الي يصير عندكم

وكيف ان بعض الشباب كانوا مبالغين في سالفه السيارات

شخصيا اعرف 2 ماخذين سيارات كشخه في استراليا وفي الدوحه كان عندهم سيايير ماتوصل ربع قيمه السياره في استراليا


على العموم مشكور على الموضوع وذكرتني بايام حلوه:)
محمد افندي
16-04-2010, 01:11 AM
خيو انا من خريجين العلمية و أدرس بـ أمريكا حاليا ..

لكن الي اشوفه الشباب الي جايين من المدارس الثانية كلش مع احترامي !! Yes وNo و هاو ار يو و انت ماشي وعلى بركة الله .. و الطموح يكون المعدل 2.7 من 4 !!


و على حسب الي اشوفه قدامي , أغلب الشباب القطري يميل للقروبات الكبيرة و هنا المشكلة ومثل ما قلت انت شغل عزايم و سيارات و سفرات لكن هذا ماله دخل ابدا بالمدرسة بالعكس الي اشوفه حنا اخف منهم بواااجد
بــو فهــد
16-04-2010, 06:16 AM
خيو انا من خريجين العلمية و أدرس بـ أمريكا حاليا ..

لكن الي اشوفه الشباب الي جايين من المدارس الثانية كلش مع احترامي !! Yes وNo و هاو ار يو و انت ماشي وعلى بركة الله .. و الطموح يكون المعدل 2.7 من 4 !!


و على حسب الي اشوفه قدامي , أغلب الشباب القطري يميل للقروبات الكبيرة و هنا المشكلة ومثل ما قلت انت شغل عزايم و سيارات و سفرات لكن هذا ماله دخل ابدا بالمدرسة بالعكس الي اشوفه حنا اخف منهم بواااجد

اسمحلي ياخوي محمد
انا من خريجين المدارس الحكوميه
والحمدلله معدلي 3.4 والانقليزي ماعليه كلام .. الحمدلله رب العالمين
لكن تعال وشوف " الدفعات الجديده " طبعا نتكلم عن عدد لاباس فيه ومش الكل .. مسبه ومايدري وين الله قاطه .. مايعرف يصرف نفسه .. سجلولي مواد .. ابي مواد easy A و و و و و و .... وفوق هاي كله تعال وشوف مشاكلهم ..
لو تميت اتكلم بترس لك الصفحه .. اوافق اخوي كاتب الموضووع الراي .. لكن ما نعمم على طلاب العلميه كلهم لان في منهم ناس متفوقين ورجال بكل معنى الكلمه ..

السموحه عـ الاطاله :)
ورقــة أمــل
16-04-2010, 06:52 AM
انا من خريجي العلمية


بس ماسافرت برى :rolleyes2:

لكن اتوقع ان هالمجموعة من الشباب متواجدة في كل البعثات للخارج بسبب الفتن والحرية السايبة اللي هي عكس تقاليدنا في البلد فشي طبيعي تلاقي هالفئة سواء مبتعثين من العلمية او اي مدرسة ثانيه
mohd89
16-04-2010, 07:00 AM
والله ياخوك خرعتني انا من طلاب استراليا المستقبليين والحين انطر الفيزا :omg:
طلاب العلميه مافلحوا انا ادبي ومحصل قبول في جامعه استراليه هندسه مدنيه شلون لا تسألني :tease:

يلا انحاول نمشي في الهندسه عل وعسى :secret:

على كل حال هذا الموضوع اللي ذكرته اخوي يعتمد على شخصية الطالب ونشأته

الله يعين
The Master
16-04-2010, 12:15 PM
هلا ومرحبا بكم جميعا
شي طيب اشوف اختلاف في وجهات النظر والمنظور...

لكن
اتمنى انكم تشوفون النقطه المهمه في الموضوع...وتصرفون النظر عن طلاب العلميه كا محور اساسي...لاني قلت العلميه كا مثال يساعد لتأكيد وجهة نظري...

انتظر ردودكم...وان شء الله توصلون للمغزى اللي ابغي اوصل له...
The Master
17-04-2010, 04:45 PM
... موضوع جميل ...
سأحجز مقعدا هنا لحين عودتي ان شاء الله من وليمه العشاء
يكفي انه يعكس واقع حقيقي... نعاني منه .. ولا أحد يصدقنا




معظم الناس هذه جملهم .. >.. يقول ابني ما شاء الله عليه
ولدي عمره ما يسوي شئ
انا بناتي الله يحفظهم
اعيالي كل واحد احسن من الثاني ..



.
.

بارك الله فيك .. وجملك برضى الرحمن

هلا ومرحب اختي تحداني...

هذا حنا في انتظارك اختي...وهذي الساعه المباركه...

وعوافي...

في الانتظار...لسماع رأيك...
The Master
17-04-2010, 04:51 PM
يعطيك العافيه the master ،،

انا من الخريجين القدامى لهالمدرسه وكلامك صحيح، الدراسه هناك انواع الكرف وكنا في عالم والثانويه الحكوميه في عالم ثاني ، نخلص الفصل متأخرين ،

وأخبر من أول اسبوع دوام تبدأ الواجبات والدراسه .. صج تعبنا بس تعلمنا والحمد الله على كل حال ..

وفيما يخص السفر للخارج هذا يعتمد على الشخص نفسه مب شرط يعني ، فيه اشخاص قد المسؤوليه وفيه بعضهم لا .. بالنسبه لي كملت دراستي بالدوحه..

الله يوفق الجميع :)

هلا ومرحب اخوي عبدالعزيز...

اشكرك على مشاركتك...وطرح وجهة نظرك...
وصدقت ان السفر للخارج يعتم على الشخص نفسه...والتربيه وهذا لاشك فيه...

لكن اسمح لي...
فكرة الموضوع للحين ما اوصلت لك...او الغايه من الموضوع...
انت ركزت على جزئيه انا اخترتها لتوصيل فكرتي...لكن هي كانت مجرد مثال مساعد...
فا ان شاء الله بعد فتره باوضح اللي كنت ابغي اوصله لكم...

ويامرحبا بك...
ولاهنت على تواجدك...
The Master
17-04-2010, 04:54 PM
حيالله اهل استراليا :)

اذا كنت مب غلطان انا وقتها كنت في بريطانيا ...... وكنا نسمع عن الي يصير عندكم

وكيف ان بعض الشباب كانوا مبالغين في سالفه السيارات

شخصيا اعرف 2 ماخذين سيارات كشخه في استراليا وفي الدوحه كان عندهم سيايير ماتوصل ربع قيمه السياره في استراليا


على العموم مشكور على الموضوع وذكرتني بايام حلوه:)

يحييك ويبقيك يا السمي...

هالله هالله...لدرجه من المفاشر في شباب انسرقت سياراتهم وممتلكاتهم...الله يعين بس...

الشكر لك لتواصلك اخوي...
عسى دايما ذكرياتك وحاضرك ومستقبلك جميل يارب...

يامرحبا بك...
ولاهنت عالطله...
طموحي عالي
17-04-2010, 04:56 PM
الله يوفقكم

صج انا معاك لازم لما يطرشونهم برع على الاقل تكون اعمارهم 20
The Master
17-04-2010, 04:57 PM
اسمحلي ياخوي محمد
انا من خريجين المدارس الحكوميه
والحمدلله معدلي 3.4 والانقليزي ماعليه كلام .. الحمدلله رب العالمين
لكن تعال وشوف " الدفعات الجديده " طبعا نتكلم عن عدد لاباس فيه ومش الكل .. مسبه ومايدري وين الله قاطه .. مايعرف يصرف نفسه .. سجلولي مواد .. ابي مواد easy a و و و و و و .... وفوق هاي كله تعال وشوف مشاكلهم ..
لو تميت اتكلم بترس لك الصفحه .. اوافق اخوي كاتب الموضووع الراي .. لكن ما نعمم على طلاب العلميه كلهم لان في منهم ناس متفوقين ورجال بكل معنى الكلمه ..

السموحه عـ الاطاله :)

هلا ومرحب اخواني بوفهد ومحمد افندي...

اتوقع محمد افندي قال راي وعقب عليه بوفهد...

اشكركم على طرح وجهات نظركم...

لكن لحد الحين محد فهم النقطه اللي ابغي اوصلها في الموضوع...

يمكن انا طرحي ماساعدني...او الله العالم...
في الجايات بنوضح ان شاء الله...

يامرحبا بكم...
ولاهنتوا للتواجد...
The Master
17-04-2010, 05:01 PM
انا من خريجي العلمية


بس ماسافرت برى :rolleyes2:

لكن اتوقع ان هالمجموعة من الشباب متواجدة في كل البعثات للخارج بسبب الفتن والحرية السايبة اللي هي عكس تقاليدنا في البلد فشي طبيعي تلاقي هالفئة سواء مبتعثين من العلمية او اي مدرسة ثانيه

هلا ومرحب q44

والنعم في طلاب العلميه...احم...لكن انا ضد طريقة التدريس فيها...

اكيد الفتن والحريه لها دور في تدهور الطلاب كان علميا او فكريا او جسديا..الله يكفينا الشر يارب...

طيب في نظرك وش الحل لهالامور؟؟؟
هل دراستكم في العلميه والحك اللي واجهتوه نفعكم؟؟؟
او بينفعكم في الدراسه بره؟؟؟

ويامرحبا بك...
ولاهنت للتواجد...
The Master
17-04-2010, 05:05 PM
والله ياخوك خرعتني انا من طلاب استراليا المستقبليين والحين انطر الفيزا :omg:
طلاب العلميه مافلحوا انا ادبي ومحصل قبول في جامعه استراليه هندسه مدنيه شلون لا تسألني :tease:

يلا انحاول نمشي في الهندسه عل وعسى :secret:

على كل حال هذا الموضوع اللي ذكرته اخوي يعتمد على شخصية الطالب ونشأته

الله يعين

هلا ومرحب اخوي محمد...

يامرحبا الساع خيو...

لاتحاتي والامور سهالات...ب اذن الله...وان شاء الله تخلص امور الفيزا واتوفق يارب...

شد حيلك...وركز...وان شاء ربي امور بتتسهل...

ان شاء الله في اي ولايه رايح؟؟؟ واي مدينه؟ ومتى ان شاء الله؟

وان بغيت شي ولا شي مايردك الا لسانك...حاضرين لك باللي تبغي تعرفه عن استراليا وغثاها...احم

طرش لي عالخاص وابشر باللي يسعدك ان شاء الله...
كل شي ولا المقاولين...احم...خبرك انضبط عن مستقبلنا...
The Master
17-04-2010, 11:14 PM
الله يوفقكم

صج انا معاك لازم لما يطرشونهم برع على الاقل تكون اعمارهم 20

هلا ومرحب اختي تاجرة مبتدأه...

وياك يارب...

تشكرين على التأييد اختي...وطرح وجهة نظرك...

يامرحبا بك...
ولاهنتي عالمرور...
بعيد النظر
18-04-2010, 04:56 AM
الله يعطييك العافية اول شي ..

حاولت افهم وش تبي توصله وعييت للاسف ..
مادري هو خلل مني ولا ومن اسلوبك ؟!

الحين خذت العلمية كـ مثال ؟
ولا كـ واقع , عشان اعرف ارد عليك ..
دامي متخرج من هـ المدرسة !


ولي رجعة للرد عقب ما افهم شالسالفة , ان شاء الله !



عسااك ع القوة
mohd89
18-04-2010, 06:33 AM
هلا ومرحب اخوي محمد...

يامرحبا الساع خيو...

لاتحاتي والامور سهالات...ب اذن الله...وان شاء الله تخلص امور الفيزا واتوفق يارب...

شد حيلك...وركز...وان شاء ربي امور بتتسهل...

ان شاء الله في اي ولايه رايح؟؟؟ واي مدينه؟ ومتى ان شاء الله؟

وان بغيت شي ولا شي مايردك الا لسانك...حاضرين لك باللي تبغي تعرفه عن استراليا وغثاها...احم

طرش لي عالخاص وابشر باللي يسعدك ان شاء الله...
كل شي ولا المقاولين...احم...خبرك انضبط عن مستقبلنا...

هلا اخوووي The Master

أبشرك يالغالي طلعت الفيزه وتواصلوا معي السفاره لاسكتمال الاجراءات :tease:

ولله الحمد سويت الفحص الطبي والامور طيبه

وأن شاء الله بكون في سيدني في كليه اسمها Ultimo college والكورس يبدا شهر 7 :shy:

راحت علينا العطله الصيفيه :weeping:

بس يقولون الغربه صعبه وانا اخوك :omg:


ومشكوووور اخوي ما تقصر وفيك الخير وعسى ربي يوفقك

وعسى الله يوفق جميع المغتربين وينجحهم ويرجعهم بالسلامه لخدمة تراب الوطن :shy:
بنQATARت
18-04-2010, 11:38 AM
مع احترامي لكل الاراء السابقه ....لكن اصابعك مب سوا
المهم التربيه في البيت
يقولون...من زرع حصد...وهذا شي مهم
يعني على الوالدين يأهلون ولدهم ويربونه تربيه اسلاميه مب بس دراسه وحكره
من كل شي شوي ....اشوي حريه ....وشوي مسؤوليه...على شوي ودراسه
وقبل ليروح يعطونه توجيهات....وبعد ميروح يتابعونه( صار سهلبالوسائل الحديثه جوال، نت،ايميل) ويسألون عنه ويتابعون النتائج((اهم شي))
وسلامتكم
مب يهدونه وممكن يزورونه بين فتره والثانيه
A M A
18-04-2010, 12:55 PM
السموحه ياخوي
أنا أخالفك في كل نقطه قلتها في الموضوع

في البدايه حاب أوظح إني خريج العلميه دفعة 2008
والحمدلله أول ما خلصت الدوام في نص شهر خمسه
قدمت أوراقي في أمريكا والحمدلله إنقبلت وجيت للدراسه
على طول شهر 8، ما خذتلي شهرين بالكثير

أولاً: نقطة السيارات الكشخه
مش عيب إنه الطالب يشتريها مدام الله مقدره ولا هو حرام إقتنائها
ومدام إنه الواحد عنده القدر خله يستانس ويعيش شبابه

ثانياً: نقطة إنه العلميه محكوكين بالدراسه ومن هالكلام
أخوي إسمحلي أقولك إنه هالكلام كان في السابق، فالعلميه
حالياً تعتبر من أردى المدارس في الدوحه، وهذا الكلام ما جبته
من عندي، جبته من المدرسين نفسهم! ألحين يقولك إذا تبي تنجح
ولا تبي ولدك ينجح دخله العلميه.

ثالثاً: مسألة العزايم والطباخ، أحب أقولك أخوي إنه الاكل ما يحلى
إلا باليمعه، ومره ولا مرتين في الأسبوع ما تظر، وهذا إحنا نطبخ
أسبوعياً وما إشتكينا ولله الحمد والمنه

رابعاً: مسألة الدوام ساعتين أو ثلاث في اليوم، بالعكس أنا ما أشوف
فيها شي، أنا عن نفسي أداوم ساعه ونص يومياً فقط، والدوام يكون
بعد 2 الـ ظهر، والحمدلله ماشي على الجدول صح، أخوي إنت إحسبها
من نفسك، معظم الجامعات تطلب 120 ساعه لطالب الهندسه للتخرج
هني في أمريكا، يعني بالظبط 5 سنوات إذا خذ الطالب 12 ساعه كل
كورس وهو أقل شي ممكن الواحد ياخذه، ولو بتاخذ صيفي بتنزل المده
إلى 4 سنوات. بالعكس الدوام الخفيف خصوصاً أول سنتين يساعد على
رفع المعدل

..


في النهايه هي وجهات نظر
أقول ياخوي ترى كله يعتمد على التربيه
أنا ما أقولك إنه كل طلاب العلميه إلي تخرجوا ملايكه
لكن لك قاعده شواذ، ولازم في ناس ما يكملون، وناس
يدرسون، وناس يلعبون، وأصابع يدك مب متساويه


،

يعطيك العافيه

اخوكـ ama
The Master
18-04-2010, 01:21 PM
لي عوده...الموضوع يحتاج قعده...
A M A
18-04-2010, 01:37 PM
^
خذ راحتك أخوي
ناطرينك
The Master
18-04-2010, 01:43 PM
^
خذ راحتك أخوي
ناطرينك

:eek5:
A M A
18-04-2010, 01:52 PM
:eek5:

:)

...
The Master
18-04-2010, 09:33 PM
الله يعطييك العافية اول شي ..

حاولت افهم وش تبي توصله وعييت للاسف ..
مادري هو خلل مني ولا ومن اسلوبك ؟!

الحين خذت العلمية كـ مثال ؟
ولا كـ واقع , عشان اعرف ارد عليك ..
دامي متخرج من هـ المدرسة !


ولي رجعة للرد عقب ما افهم شالسالفة , ان شاء الله !



عسااك ع القوة

هلا ومرحب اخوي بعيد النظر...

ويعافيك يارب...

في الردود الجايه راح تلقى مبتغاك...
يامرحبا بك...
ولاهنت على المرور اخوي...
The Master
18-04-2010, 09:37 PM
هلا اخوووي the master

أبشرك يالغالي طلعت الفيزه وتواصلوا معي السفاره لاسكتمال الاجراءات :tease:

ولله الحمد سويت الفحص الطبي والامور طيبه

وأن شاء الله بكون في سيدني في كليه اسمها ultimo college والكورس يبدا شهر 7 :shy:

راحت علينا العطله الصيفيه :weeping:

بس يقولون الغربه صعبه وانا اخوك :omg:


ومشكوووور اخوي ما تقصر وفيك الخير وعسى ربي يوفقك

وعسى الله يوفق جميع المغتربين وينجحهم ويرجعهم بالسلامه لخدمة تراب الوطن :shy:

موفق ان شاء الله...
يامرحبا بك...
The Master
18-04-2010, 09:53 PM
مع احترامي لكل الاراء السابقه ....لكن اصابعك مب سوا
المهم التربيه في البيت
يقولون...من زرع حصد...وهذا شي مهم
يعني على الوالدين يأهلون ولدهم ويربونه تربيه اسلاميه مب بس دراسه وحكره
من كل شي شوي ....اشوي حريه ....وشوي مسؤوليه...على شوي ودراسه
وقبل ليروح يعطونه توجيهات....وبعد ميروح يتابعونه( صار سهلبالوسائل الحديثه جوال، نت،ايميل) ويسألون عنه ويتابعون النتائج((اهم شي))
وسلامتكم
مب يهدونه وممكن يزورونه بين فتره والثانيه

هلا ومرحب اختي بنت قطر...

اعجبني طرحك...ونقطه ذكرتيها هي من النقاط المهمه في طرحي هذا...

باعقب عن كل النقاط بعدين...

اتفق معاج في ماذكرتيه...وتشكرين على المشاركه اختي...

ويامرحبا بك
ولاهنتي...
عـ ن ـاد
19-04-2010, 07:19 AM
يعطيك الف عافيه اخوي على الطرح.
١٠٠٪ مع *a m a
معاي في الدفعه بس ماعرفت من
ورقــة أمــل
19-04-2010, 12:11 PM
هلا ومرحب q44

والنعم في طلاب العلميه...احم...لكن انا ضد طريقة التدريس فيها...

اكيد الفتن والحريه لها دور في تدهور الطلاب كان علميا او فكريا او جسديا..الله يكفينا الشر يارب...

طيب في نظرك وش الحل لهالامور؟؟؟
هل دراستكم في العلميه والحك اللي واجهتوه نفعكم؟؟؟
او بينفعكم في الدراسه بره؟؟؟

ويامرحبا بك...
ولاهنت للتواجد...

والله نفعني وايد بس عقب ما خلصت دراسة تعبت نفسيا واااايد مادري يمكن لاني تعودت على الحك ومرة وحده لقيت نفسي فاضية

المهم من ناحية الدراسة برع اكيد طبعا انت عارف الدراسة بررع محتاجة لغة ومخ نظيف

في العلمية استفدنا وايد من هالناحية سوا طريقة الدراسة او المواد العلمية العملية

تخلي الواحد يفكررر اكثر من انه يدرس ويحفظ وبس
كاريرا
19-04-2010, 06:49 PM
مبروك ياعلي انت بعد عطوك نك بنفسجي!:eek5:

شسالفه كل المنتدى الوان الى انا!!!

يالله يعطيك خير البنفسجي ويكفيك شره
شموخ وبس
19-04-2010, 09:58 PM
كلام رائع 000 واللي حلاه انه واقعي 0000 ماقول الا الله يعقلهم شكلهم يابوا درجات عشان يستانسون مع هالشقر لو كل واحد يسويله هدف ماكان صار اللي صار بس شكله هدفهم الوناسه وبس المخ وعندهم والذكاء بعد 0000 مثل ماتفضلت يالماستر لازم يهيؤنهم هنا عقب يطرشونهم
The Master
20-04-2010, 03:12 PM
السموحه ياخوي
أنا أخالفك في كل نقطه قلتها في الموضوع

في البدايه حاب أوظح إني خريج العلميه دفعة 2008
والحمدلله أول ما خلصت الدوام في نص شهر خمسه
قدمت أوراقي في أمريكا والحمدلله إنقبلت وجيت للدراسه
على طول شهر 8، ما خذتلي شهرين بالكثير

أولاً: نقطة السيارات الكشخه
مش عيب إنه الطالب يشتريها مدام الله مقدره ولا هو حرام إقتنائها
ومدام إنه الواحد عنده القدر خله يستانس ويعيش شبابه

ثانياً: نقطة إنه العلميه محكوكين بالدراسه ومن هالكلام
أخوي إسمحلي أقولك إنه هالكلام كان في السابق، فالعلميه
حالياً تعتبر من أردى المدارس في الدوحه، وهذا الكلام ما جبته
من عندي، جبته من المدرسين نفسهم! ألحين يقولك إذا تبي تنجح
ولا تبي ولدك ينجح دخله العلميه.

ثالثاً: مسألة العزايم والطباخ، أحب أقولك أخوي إنه الاكل ما يحلى
إلا باليمعه، ومره ولا مرتين في الأسبوع ما تظر، وهذا إحنا نطبخ
أسبوعياً وما إشتكينا ولله الحمد والمنه

رابعاً: مسألة الدوام ساعتين أو ثلاث في اليوم، بالعكس أنا ما أشوف
فيها شي، أنا عن نفسي أداوم ساعه ونص يومياً فقط، والدوام يكون
بعد 2 الـ ظهر، والحمدلله ماشي على الجدول صح، أخوي إنت إحسبها
من نفسك، معظم الجامعات تطلب 120 ساعه لطالب الهندسه للتخرج
هني في أمريكا، يعني بالظبط 5 سنوات إذا خذ الطالب 12 ساعه كل
كورس وهو أقل شي ممكن الواحد ياخذه، ولو بتاخذ صيفي بتنزل المده
إلى 4 سنوات. بالعكس الدوام الخفيف خصوصاً أول سنتين يساعد على
رفع المعدل

..


في النهايه هي وجهات نظر
أقول ياخوي ترى كله يعتمد على التربيه
أنا ما أقولك إنه كل طلاب العلميه إلي تخرجوا ملايكه
لكن لك قاعده شواذ، ولازم في ناس ما يكملون، وناس
يدرسون، وناس يلعبون، وأصابع يدك مب متساويه


،

يعطيك العافيه

اخوكـ ama

هلا ومرحب اخوي a m a واتوقع هو احمد محمد احمد "يعني اني فطين...احم"


اولا...اعذرني على التاخير في الرد عليك...

بالنسبه للنقاط اللي انت ذكرتها...انت خذت الموضوع بمنظور انا كنت حاطه مجرد مثال للتوضيح...
لكن هذا لا يمنع اني ارد عليك...

بالنسبه للنقطه الاولى...اي نعم انا ضد انه ياخذ له سياره كشخه...
بهالسياره راح يلفت نظر الناس عليه...وتسبب له مشاكل مع الناس وتعرضه للسرقات...كان لسيارته ولا لبيته ولا نفسه وهي تعرضه للخطر...هذا اذا كان مقتدر...
هنا في استراليا واللي هي أأمن من امريكا بكثير تخيل الشباب تعرضوا للسرقات 3 مرات...والسبب سياراتهم الكشخه...
فا ليه الشقى...خذ لك سياره للغرض...توديك وتجيبك...وبسعر معقول...ليه المفاشر حتى في امريكا؟؟!!!

والشي الاهم انت رايح تدرس ولا تفسفس وتعيش عمرك؟؟؟
واي عيشه هذي اللي انت تقيسها بسياره كشخه وانت توك بزر في ال 19 سنه؟؟؟!!!...هذا دليل على عدم النضوج وفهم الحياه...


النقطه الثانيه...
هذا من وجهة نظرك...ومب شرط تكون صح...وان كنت انت من خريجيها...هذا لا يعني ان كلامك صح...
هي كانت ولازالت من اقوى المدارس في الدوله من ناحيه علميه...
فا ماراح اخذ على كلامك اخوي في هالنقطه...
والمدرسين...الله العالم وش السبب في كلامهم...لكن انا ضد فكره انها من اردى المدارس...



النقطه الثالثه


عن العزايم...من قال ان العزايم غلط او لحد يسويها...
اذا في الويك اند انا من اكثر الناس الي يحب جمعه الشباب...لكن كل شي له وقته وبوقته...
وانا اللي ذكرته كان في ايام الاسبوع...فا اتمنى انك قريت الموضوع عدل لهالنقطه...


النقطه الرابعه

ساعه ونص يوميا؟؟!!!

هل انت رايح للدراسه ومنها بتستانس؟؟؟
ولا رايح للوناسه ومنها بتدرس؟؟؟؟

والله ياخوي مادري وش اقول لك...مش مسألة اني مب مصدقك...
لكن اشوف ان الموضوع غريب بالنسبه لي...خاصه فكرة رفع المعدل ب مواد قليله جدا...
احتمال جامعتكم ترييح...

اذا انت تشوف ان هالشي بينفعك سوه...محد بيمنعك...في النهايه هذي مصلحتك...
وموفق اخوي...


طبعا الكلام اللي فوق مايخصك انت كا شخص...ولكن كنت ارد على اساس موجه لك انت كا طارح الرد...فا ماله علاقه شخصيه فيك اخوي...


وردي هذا ايضا ماله علاقه بفكرة موضوعي الاساسيه...لكن حبيت اوجه لك وجهة نظري دامك بره وتدرس...يمكن تاخذ بعين الاعتبار اللي باقوله...ومب شرط تاخذ به...لكن مجرد شي يكون في البال...

ويامرحبا بك...
ولاهنت على هالتواجد المثري اخوي...
The Master
20-04-2010, 03:14 PM
والله نفعني وايد بس عقب ما خلصت دراسة تعبت نفسيا واااايد مادري يمكن لاني تعودت على الحك ومرة وحده لقيت نفسي فاضية

المهم من ناحية الدراسة برع اكيد طبعا انت عارف الدراسة بررع محتاجة لغة ومخ نظيف

في العلمية استفدنا وايد من هالناحية سوا طريقة الدراسة او المواد العلمية العملية

تخلي الواحد يفكررر اكثر من انه يدرس ويحفظ وبس

شكر على الرد الطيب...

هنا مربط الفرس...وهنا النقطه اللي حبيت اوصلها لكم...
The Master
20-04-2010, 03:16 PM
مبروك ياعلي انت بعد عطوك نك بنفسجي!:eek5:

شسالفه كل المنتدى الوان الى انا!!!

يالله يعطيك خير البنفسجي ويكفيك شره

هلا ومرحب ب ال ثري

الله يبارك فيك...عشان تعرف بس...احم
لخذنا العنابي خذناه...خلك انت مع الاخضر...خله ينفعك...احم
العنابي وبس...

الله يجزاك خير...ولاهنت على المرور الجميل...اللي اسعدني خيو...
The Master
20-04-2010, 03:18 PM
كلام رائع 000 واللي حلاه انه واقعي 0000 ماقول الا الله يعقلهم شكلهم يابوا درجات عشان يستانسون مع هالشقر لو كل واحد يسويله هدف ماكان صار اللي صار بس شكله هدفهم الوناسه وبس المخ وعندهم والذكاء بعد 0000 مثل ماتفضلت يالماستر لازم يهيؤنهم هنا عقب يطرشونهم

اوه اوه...هلا ومرحب اختي شموخ وبس...الحمدلله عالسلامه...نورتي اختي...

امين يارب...
الواحد يتعلم...لكن مايعود للغلط من جديد...يحاول يتجنب اخطاءه...

احييك على كلامك الطيب والتأييد...بارك الله فيك...

ويامرحبا بك...
ولاهنتي عالطله الجميله...
The Master
20-04-2010, 03:58 PM
في هالمشاركه باحط النقاط على الحروف...وقول وش عندي من هالموضوع اللي طول لاسباب خارجه عن ارادتي...احم


طبعا الاقتراحات اللي اوردتها انا في الموضوع اتمنى انها تؤخذ بعين الاعتبار...لمن اتفقوا معي فيها...وفي فايدتها لشبابنا المغتربين...ايا كانوا علميه او غيره...فا هو ليس فقط للعلميه...


طيب نجي للهدف الاساسي من الموضوع...هذا يعتبر راي شخصي...وللجميع الحق في طرح رأيه...


هدفي الاساسي من ذكر العلميه في الموضوع كالتالي...

- مدرسه عالية المستوى في التحصيل العلمي والذهني...وتخرج ناس اعقولها متفتحه وذكيه...

- مدرسه دائما يكون فيها الحك والحكر والكراف في الوظايف...بمعنى دايما ماتخليك فاضي لا في المدرسه ولا في البيت...يا وظايف يا بريزينتيشن يا شغلات...يعني دائما مب فاضي وبالك مشغول...

- ان اي شخص يتخرج منها...بيكون مثالي...وشاطر...وبيفلح في اي مكان ينحط فيه...خاصه الدراسات العليا...او الدراسه في الخارج..."مب الكل لكن الاغلبيه"

من هالمعطيات كلها...

لو جبنا واحد من العلميه نسبته ٩٩٪
وجبنا واحد من المدارس الحكوميه نسبته ٧٥٪

ودخلناهم تخصص هندسه كيميائيه...في اي جامعه في العالم...
من فيهم بيفلح او بيخلص الهندسه وبيتخرج؟؟؟

في نسب...شي طبيعي...
لكن الواقع وش يقول...نسبة ٩٥٪ انه راح ينجحون ويتخرجون...وفي احتمال اللي في المدرسه الحكوميه معدله يكون افضل...والعكس صحيح...


في النهايه...
الجامعه غير عن المدرسه...في كل شي...دراسه...وظايف...تعامل...حريه...اثبات الذات...اختلاف كبير...
واثنيناهم راح ينجحون ويتخرجون وبيشتغلون وبيثبتون وجودهم في اماكن عملهم...وبياخذون نفس المعاش...


نجي للحاله النفسيه..."وهنا اهم نقطه في الموضوع"

اتكلم عن الطلاب في العلميه...او الحكوميه وراص على نفسه وكارف عمره...

ليه كل هالحك والدراسه؟؟؟ والوظايف اللي ماتخلص...وبذل طاقه اكبر من الطاقه اللي جسمك يستحملها...
غير عن الضغط النفسي من صوب الوالدين والاخوان والربع...ان انت لازم تتخرج بنسبه عاليه...عشان ترفع راسنا...وعشان تدخل الجامعه...وعشان تكون احس من فلان...
واحنا تعبنا عليك ودفعنا وسوينا كل اللي تبغيه عشان تجيب نسه وتفلح...

كل هالاشيا اللي ذكرتها فوق...تؤدي الى الاكتئاب...والانطوائيه...والابتعاد عن الناس...
ودائما الوحده...ويفكر اكثير...وارق...

ولما يوصل للي هو كان يبغيه...ويتخرج بنسبه ٩٩٪

يروح الجامعه...ويقابل واحد نسبته ٧٥٪...
ومريح والامور سهالات...ويكون معدله اعلى من معدل اللي من العلميه...هذا لان نظام الجامعه غير عن نظام المدارس العلميه والحك والكراف...كل شي بذكاء...وحنكه...ومعرفه...وحسن تصرف...مع اختيار المكان المناسب والتوقيت المناسب...فا في الجامعه خبرتك وذكاءك هم الفارق...مش اجتهادك وطموحك...

صحيح ان نبغي الزين لعيالنا...
ونبغيهم يجيبون درجات عاليه...ويرفعون الراس...
لكن هل هذا بينفعنا اذا الولد او البنت تعقدوا؟؟؟ وجاهم الاكتئاب...والانطوائيه؟؟!!!
طبعا لا...
فا عليكم بالحكمه...وتثبيت الاعتماد عالنفس...والثقه في اعقولهم...
وانتوا تعرفون اعيالكم...فا شوفوا وش اللي يخليهم يفلحون وبدجات طيبه لكن بدون ضغط نفسي...وحك وضيق...ووحده...

وعن العلميه...او حتى المدارس الثانيه...
انا ضد فكرة الحك والكراف...
خاصه مابعد المدرسه...
اذا في وظايف...بالكثير بس ساعه اخلص كل الوظايف...
واخليهم يفضون لاشيا ثانيه...تنفعهم في حياتهم...الدنيا مش دراسه وبس...
في اشيا ثانيه غير عن المناهج الدراسيه اللي لازم انتعلمها...مثل السيره والاحاديث والعقيده...

فا لازم يهدون شوي عن التدريس الممل....ويشوفون لهم طرق تجذب الطلاب...وتحببهم في المواد عشان يشدون حيلهم ويبدعون برغبتهم...مب غصب عليهم...


فا من الحك والدراسه...والوظايف اللي ماتخليك تفضى لشي...

لما تروح بره...او تخلص من الثانويه...
ناس كثيره اندمرت من هالانفتاح اللي يجي مره وحده...
تخيل تكون محبوس ومقفل عليك...ماتدري عن شي....ومره وحده كل شي تشوفه قدامك...وفريش...

وغير عن هذا...
وان كنت طالب علميه...او طالب دايما شاد حيله...ومجتهد...

بدون تجارب في حياتك...ماراح تقدر اتصرف مع الاشيا بمجرد انك درستها...
واحيان كثيره...تشوف منهم ناس مايعتمدون على نفسهم...دايما على الغير يسوون لهم الاشيا...


طبعا هذا كله من نتايج الحك...والكراف...والعزله...وعشان وشو...عشان يجيب لي نتيجه ترفع راسي؟؟!!!
وان جابها...كلها سنه ولا سنتين...ومحد يتذكر هو كم جاب...
وهذا اذا مالقيتهم قد تعقد...ولا جاه اكتئاب...او تغير ١٨٠ درجه...

وعشان تصدقون...
هاللي قلته...نتايجه...
الشباب اللي كانوا في الثانويه شخصيات...وبعد الثانويه شخصيات ثانيه...
كان للافضل او للاسوء...



الوكاد من هذا كله...


لا تحكرون على اعيالكم...ولا تضغطون عليهم في الدراسه...ولضغطوا عليهم بالشي اللي هم يقدرون عليه...مش فوق طاقتهم...

الاهم مش نتايج الشهاده...الاهم انه يكون صالح...ومجتهد...ويعتمد علي نفسه...واما مستقبله فا مقدره ربي العالمين...اهم شي يسوي اللي هو عليه...وكل شي قدر...

هالكلام...للشباب...وللبنات..."وهم الاهتمام لازم عليهم اكثر"


ادري طولت...وطولت من قلب...احم

ولكم القرار في ماذكرت...

واللي قلته من تجارب كثيره...كانت لي او لغيري...او شفتها بعيني...

كل اللي بغيته...اني اوضح لكم هالنقطه...لعل وعسى تفيد في المستقبل...وان اخذتوا منها ولو شي بسيط...

لاهنتوا...

اخوكم علي
ذوق
20-04-2010, 10:30 PM
أكتفي بالمتابعه من بعيد...

موضوع مثير :)

أختك
ذوق
بــو فهــد
20-04-2010, 11:29 PM
في هالمشاركه باحط النقاط على الحروف...وقول وش عندي من هالموضوع اللي طول لاسباب خارجه عن ارادتي...احم


طبعا الاقتراحات اللي اوردتها انا في الموضوع اتمنى انها تؤخذ بعين الاعتبار...لمن اتفقوا معي فيها...وفي فايدتها لشبابنا المغتربين...ايا كانوا علميه او غيره...فا هو ليس فقط للعلميه...


طيب نجي للهدف الاساسي من الموضوع...هذا يعتبر راي شخصي...وللجميع الحق في طرح رأيه...


هدفي الاساسي من ذكر العلميه في الموضوع كالتالي...

- مدرسه عالية المستوى في التحصيل العلمي والذهني...وتخرج ناس اعقولها متفتحه وذكيه...

- مدرسه دائما يكون فيها الحك والحكر والكراف في الوظايف...بمعنى دايما ماتخليك فاضي لا في المدرسه ولا في البيت...يا وظايف يا بريزينتيشن يا شغلات...يعني دائما مب فاضي وبالك مشغول...

- ان اي شخص يتخرج منها...بيكون مثالي...وشاطر...وبيفلح في اي مكان ينحط فيه...خاصه الدراسات العليا...او الدراسه في الخارج..."مب الكل لكن الاغلبيه"

من هالمعطيات كلها...

لو جبنا واحد من العلميه نسبته 99٪
وجبنا واحد من المدارس الحكوميه نسبته 75٪

ودخلناهم تخصص هندسه كيميائيه...في اي جامعه في العالم...
من فيهم بيفلح او بيخلص الهندسه وبيتخرج؟؟؟

في نسب...شي طبيعي...
لكن الواقع وش يقول...نسبة 95٪ انه راح ينجحون ويتخرجون...وفي احتمال اللي في المدرسه الحكوميه معدله يكون افضل...والعكس صحيح...


في النهايه...
الجامعه غير عن المدرسه...في كل شي...دراسه...وظايف...تعامل...حريه...اثبات الذات...اختلاف كبير...
واثنيناهم راح ينجحون ويتخرجون وبيشتغلون وبيثبتون وجودهم في اماكن عملهم...وبياخذون نفس المعاش...


نجي للحاله النفسيه..."وهنا اهم نقطه في الموضوع"

اتكلم عن الطلاب في العلميه...او الحكوميه وراص على نفسه وكارف عمره...

ليه كل هالحك والدراسه؟؟؟ والوظايف اللي ماتخلص...وبذل طاقه اكبر من الطاقه اللي جسمك يستحملها...
غير عن الضغط النفسي من صوب الوالدين والاخوان والربع...ان انت لازم تتخرج بنسبه عاليه...عشان ترفع راسنا...وعشان تدخل الجامعه...وعشان تكون احس من فلان...
واحنا تعبنا عليك ودفعنا وسوينا كل اللي تبغيه عشان تجيب نسه وتفلح...

كل هالاشيا اللي ذكرتها فوق...تؤدي الى الاكتئاب...والانطوائيه...والابتعاد عن الناس...
ودائما الوحده...ويفكر اكثير...وارق...

ولما يوصل للي هو كان يبغيه...ويتخرج بنسبه 99٪

يروح الجامعه...ويقابل واحد نسبته 75٪...
ومريح والامور سهالات...ويكون معدله اعلى من معدل اللي من العلميه...هذا لان نظام الجامعه غير عن نظام المدارس العلميه والحك والكراف...كل شي بذكاء...وحنكه...ومعرفه...وحسن تصرف...مع اختيار المكان المناسب والتوقيت المناسب...فا في الجامعه خبرتك وذكاءك هم الفارق...مش اجتهادك وطموحك...

صحيح ان نبغي الزين لعيالنا...
ونبغيهم يجيبون درجات عاليه...ويرفعون الراس...
لكن هل هذا بينفعنا اذا الولد او البنت تعقدوا؟؟؟ وجاهم الاكتئاب...والانطوائيه؟؟!!!
طبعا لا...
فا عليكم بالحكمه...وتثبيت الاعتماد عالنفس...والثقه في اعقولهم...
وانتوا تعرفون اعيالكم...فا شوفوا وش اللي يخليهم يفلحون وبدجات طيبه لكن بدون ضغط نفسي...وحك وضيق...ووحده...

وعن العلميه...او حتى المدارس الثانيه...
انا ضد فكرة الحك والكراف...
خاصه مابعد المدرسه...
اذا في وظايف...بالكثير بس ساعه اخلص كل الوظايف...
واخليهم يفضون لاشيا ثانيه...تنفعهم في حياتهم...الدنيا مش دراسه وبس...
في اشيا ثانيه غير عن المناهج الدراسيه اللي لازم انتعلمها...مثل السيره والاحاديث والعقيده...

فا لازم يهدون شوي عن التدريس الممل....ويشوفون لهم طرق تجذب الطلاب...وتحببهم في المواد عشان يشدون حيلهم ويبدعون برغبتهم...مب غصب عليهم...


فا من الحك والدراسه...والوظايف اللي ماتخليك تفضى لشي...

لما تروح بره...او تخلص من الثانويه...
ناس كثيره اندمرت من هالانفتاح اللي يجي مره وحده...
تخيل تكون محبوس ومقفل عليك...ماتدري عن شي....ومره وحده كل شي تشوفه قدامك...وفريش...

وغير عن هذا...
وان كنت طالب علميه...او طالب دايما شاد حيله...ومجتهد...

بدون تجارب في حياتك...ماراح تقدر اتصرف مع الاشيا بمجرد انك درستها...
واحيان كثيره...تشوف منهم ناس مايعتمدون على نفسهم...دايما على الغير يسوون لهم الاشيا...


طبعا هذا كله من نتايج الحك...والكراف...والعزله...وعشان وشو...عشان يجيب لي نتيجه ترفع راسي؟؟!!!
وان جابها...كلها سنه ولا سنتين...ومحد يتذكر هو كم جاب...
وهذا اذا مالقيتهم قد تعقد...ولا جاه اكتئاب...او تغير 180 درجه...

وعشان تصدقون...
هاللي قلته...نتايجه...
الشباب اللي كانوا في الثانويه شخصيات...وبعد الثانويه شخصيات ثانيه...
كان للافضل او للاسوء...



الوكاد من هذا كله...

]لا تحكرون على اعيالكم...ولا تضغطون عليهم في الدراسه...ولضغطوا عليهم بالشي اللي هم يقدرون عليه...مش فوق طاقتهم...

الاهم مش نتايج الشهاده...الاهم انه يكون صالح...ومجتهد...ويعتمد علي نفسه...واما مستقبله فا مقدره ربي العالمين...اهم شي يسوي اللي هو عليه...وكل شي قدر...

هالكلام...للشباب...وللبنات..."وهم الاهتمام لازم عليهم اكثر"


ادري طولت...وطولت من قلب...احم

ولكم القرار في ماذكرت...

واللي قلته من تجارب كثيره...كانت لي او لغيري...او شفتها بعيني...

كل اللي بغيته...اني اوضح لكم هالنقطه...لعل وعسى تفيد في المستقبل...وان اخذتوا منها ولو شي بسيط...

لاهنتوا...

اخوكم علي

تفكيرك 100٪ ..

بس معليه بغيت اتكلم عن نقطة الامان .. يعتمد عليك انت وين ساكن ،، يعتمد على السكن وعلى المنطقه .. والله يديم الامان على منطقتي .. الحمدلله الشرطه 24/7 يحوسون في الشوارع ..

يعطيك العافيه والله يوفقك ف دراستك
mnmn172
21-04-2010, 12:05 AM
موضوع حلوومحير ماعاد عرفنا شنسوي
The Master
21-04-2010, 01:01 AM
أكتفي بالمتابعه من بعيد...

موضوع مثير :)

أختك
ذوق

تهقين...احم :secret:

ودنا نسمع رايك في ماذكر...يبقى كلن وله نظرته للامور...وعمرها ماكانت هي نفسه بحذافيرها وان كانوا يتفقون...يبقى الاختلاف موجود...

ويامرحبا بك اختي ذوق...
لاهنتي عالطله...
A M A
21-04-2010, 03:29 AM
هلا ومرحب اخوي a m a واتوقع هو احمد محمد احمد "يعني اني فطين...احم"

لا هههههه، بس صدت إسم الوالد، والباقي غلط :)


اولا...اعذرني على التاخير في الرد عليك...

خذ راحتك ياخوي، الدنيا ما بطير :nice:

بالنسبه للنقاط اللي انت ذكرتها...انت خذت الموضوع بمنظور انا كنت حاطه مجرد مثال للتوضيح...
لكن هذا لا يمنع اني ارد عليك...

بالنسبه للنقطه الاولى...اي نعم انا ضد انه ياخذ له سياره كشخه...
بهالسياره راح يلفت نظر الناس عليه...وتسبب له مشاكل مع الناس وتعرضه للسرقات...كان لسيارته ولا لبيته ولا نفسه وهي تعرضه للخطر...هذا اذا كان مقتدر...
هنا في استراليا واللي هي أأمن من امريكا بكثير تخيل الشباب تعرضوا للسرقات 3 مرات...والسبب سياراتهم الكشخه...
فا ليه الشقى...خذ لك سياره للغرض...توديك وتجيبك...وبسعر معقول...ليه المفاشر حتى في امريكا؟؟!!!

أخوي هي مب سالفة مفوشر، هي سالفة الراحه النفسيه، وأهم شي للطالب إلي
يدرس برى راحته النفسيه، ومثل ما قال أخوي بوفهد، يعتمد على المكان إلي ساكن
فيه، ولله الحمد معظم أماكن سكن القطرين الدوريات تدور فيها 24 ساعه

والشي الاهم انت رايح تدرس ولا تفسفس وتعيش عمرك؟؟؟
واي عيشه هذي اللي انت تقيسها بسياره كشخه وانت توك بزر في ال 19 سنه؟؟؟!!!...هذا دليل على عدم النضوج وفهم الحياه...

شفت أخوي إهني إنت قلتها بنفسك، وهالشي هو إلي يخلي الإنسان إنطوائي
في شباب يجون ومادري من حاط في بالهم إنه الدراسه في الخارج للدراسه
فقط! يجون ويحكون عمرهم كله دراسه وما يطلعون من مكتبة الجامعه، وكل
ما تشوفه تحس إنه تعبان ووجهه مصفوق وماله خاطر وشايل الدنيا على راسه!
إنت بنفسك ياخوي قلت إنه الدنيا مب دراسه بس وفيها أشياء ثانيه، عيل ليش
تبون تحكرون الطلاب إلي يدرسون برع، خلهم يدرسون ويستانسون في نفس الوقت

ملاحظه: كنت أتمنى لو إنك حصلت مصطلح أحسن من [بزر] لأنه عيب في حقي
وفي حق أي شخص، وإحنا مب يهال صغار ينقالنا هالكلام :) فقط للتنويه


النقطه الثانيه...
هذا من وجهة نظرك...ومب شرط تكون صح...وان كنت انت من خريجيها...هذا لا يعني ان كلامك صح...
هي كانت ولازالت من اقوى المدارس في الدوله من ناحيه علميه...
فا ماراح اخذ على كلامك اخوي في هالنقطه...
والمدرسين...الله العالم وش السبب في كلامهم...لكن انا ضد فكره انها من اردى المدارس...

مدام إنك مب مقتنع، أحب أقترح عليك إقتراح أخوي، أتمنى في يوم من الأيام
تفضي نفسك وتروح تزور العلميه الثانويه، المدرسه موجوده في بن عمران
بجانب المستشفى الأهلي، روح للمدرسين إلي يدرسون المواد العلميه مثل
الرياضيات، الفيزيا، الكيميا والأحياء، وإسئلهم شلون كانت العلميه في أول
دفعتين أو ثلاث، وشلون صارت حالياً، لكن أبيك تقول للمدرس إنه يكون صريح
معاك، وما يخاف إنك بتعلم المدير ولا أي حد، وهو ما ينلام يخاف على أكل عيشه
إسألهم وشوف شبيقولون لك.

أنا الحمدلله تخرجت ونسبتي في التسعينات، لكن للأسف ما إستفدت إلا الشي
القليل، وتوهقنا في الجامعه شوي لأنه الأشياء الي درسناها في العلميه كانت
basics أو بالعربي أساسيه، ومش advance نفس ما كانت العلميه أول
ما إفتحت

النقطه الثالثه


عن العزايم...من قال ان العزايم غلط او لحد يسويها...
اذا في الويك اند انا من اكثر الناس الي يحب جمعه الشباب...لكن كل شي له وقته وبوقته...
وانا اللي ذكرته كان في ايام الاسبوع...فا اتمنى انك قريت الموضوع عدل لهالنقطه...

معاك حق في هالنقطه وآسف لأني ما إنتبهت لها، وأحلى جمعه
بالفعل هي بالويكند، لكن هالشي ما يمنع إنه العزيمه تكون في
وسط أيام الإسبوع، هالشي عادي وما فيه شي أبد، بالعكس
يكون تغيير جو الدراسه الروتيني

النقطه الرابعه

ساعه ونص يوميا؟؟!!!

هل انت رايح للدراسه ومنها بتستانس؟؟؟
ولا رايح للوناسه ومنها بتدرس؟؟؟؟

والله ياخوي مادري وش اقول لك...مش مسألة اني مب مصدقك...
لكن اشوف ان الموضوع غريب بالنسبه لي...خاصه فكرة رفع المعدل ب مواد قليله جدا...
احتمال جامعتكم ترييح...

اذا انت تشوف ان هالشي بينفعك سوه...محد بيمنعك...في النهايه هذي مصلحتك...
وموفق اخوي...

أخوي ترى الدوام ساعه ونص يومياً مش سهل أبداً، إنت كل ما ترجع من الدوام
تبدى تشتغل في أبحاث أو تدرس لإمتحانات أو تسوي واجباتك، وكل هالأشياء تاخذ
وقت طويل. أنا بقولك شي، أنا ما رايح لا أدرس ولا رايح أستانس، أنا رايح أدرس
وأستانس في نفس الوقت، ولا تبون الطلاب يصيرون نفس صاحبنا إلي دوامه من
الصبح لين المغرب ويخلص كلاسات ويروح المكتبه يقعد يدرس لين نص الليل،
ليش أظغط نفسي بهالشكل، وأنا أقدر أتخرج في 4 سنوات وأنا مرتاح ونفسيتي
مرتاحه وما أعيش حياة الظغط، ولا تخاف ياخوي، ما جامعه إسمها جامعه ترييح
كل شي يبيله شغل وتعب، وأعتقد الطالب إلي مسافر برع مش مسافر لنفسه بس،
في نفس الوقت هو مسافر لبلاده وما رده بيرجع وبيشتغل في هالبلاد وبيخدمها
بإذن الله.


طبعا الكلام اللي فوق مايخصك انت كا شخص...ولكن كنت ارد على اساس موجه لك انت كا طارح الرد...فا ماله علاقه شخصيه فيك اخوي...


وردي هذا ايضا ماله علاقه بفكرة موضوعي الاساسيه...لكن حبيت اوجه لك وجهة نظري دامك بره وتدرس...يمكن تاخذ بعين الاعتبار اللي باقوله...ومب شرط تاخذ به...لكن مجرد شي يكون في البال...

ويامرحبا بك...
ولاهنت على هالتواجد المثري اخوي...

ردودي باللون الأحمر :)

والخلاف في الرأي لا يفسد للود قضيه

أخوك ama
The Master
21-04-2010, 08:50 PM
تفكيرك 100٪ ..

بس معليه بغيت اتكلم عن نقطة الامان .. يعتمد عليك انت وين ساكن ،، يعتمد على السكن وعلى المنطقه .. والله يديم الامان على منطقتي .. الحمدلله الشرطه 24/7 يحوسون في الشوارع ..

يعطيك العافيه والله يوفقك ف دراستك

ويعافيك يارب...تشكر على رايك اخوي بوفهد...

اذا تشوف ان كل شي تمام وفل الفل الحمدلله...

لكن ما ابغي ادخل في سالفة الخبره والتجارب اللي مرينا فيها...
لكن الحياة تعلم...
وان شاء الله ربي يحفظكم...

وياك يارب...الله يجزاك خير...
لاهنت
The Master
21-04-2010, 08:52 PM
موضوع حلوومحير ماعاد عرفنا شنسوي

هلا ومرحب اخوي...

تشكر على المرور...

امش عالفطره...وراح تلقي طريقك وانا اخوك...
الاعتدال في كل شي هو حلك...

وموفق ان شاء الله...
The Master
21-04-2010, 09:02 PM
ردودي باللون الأحمر :)

والخلاف في الرأي لا يفسد للود قضيه

أخوك ama

هلا ومرحب عبالعزيز محمد عبدالعزيز "ها جبتها صح ولا لا...غصب يجيبها...احم"


بالنسبه لردك بالاحمر...قلتها قبل اني رديت عليك وان كانت بره موضوع عشان ردك كان طويل ومتعوب عليه ومن حقي اعقب...
والحين انت بردك هذا عبرك عن وجهة نظرك...وانا عبرت عن وجهة نظري...ومب شرط تقنعني او انا اقنعك...
مثل ماقلت الخلاف لا يفسد من الود قضيه...
وكلن له نظرته للامور ورؤيته للاشيا...والتجارب تاخذ حيز كبير في التفكير...

لكن بكل صراحه...اسجل اعجابي بردودك...ترتيب ياولد...احس اني انا قاعد ارد...خلاص انت خليفتي في الملاعب..."ارحم حالك بس...احم"

لا بجد اخوي...يعجبني فيك هدوءك وركادتك وفطنتك...الله ينور اخوي...وموفق ان شاء الله كان في الحياه العلميه او العمليه...

اي صح عن بزر...اسمح لي ماكنت اقصدك...وانا قلتها من باب انه اصغير في العمر...
فا البزر في اللغه يعني البذره...الشي الصغير...

فا السموحه ان اسأت انا استخدامها اتجاهكم...


وموفقين اجمعين...

يالله همتك نشوف ردودك في المواضيع...
نشوف قوة اسلوبك وفكرك..."يتحرش...احم"

ويامرحبا بك اخوي...
عبدالله محمد عبدالله "غصب يجيبها...احم"
شموخ وبس
21-04-2010, 09:50 PM
اوه اوه...هلا ومرحب اختي شموخ وبس...الحمدلله عالسلامه...نورتي اختي...

امين يارب...
الواحد يتعلم...لكن مايعود للغلط من جديد...يحاول يتجنب اخطاءه...

احييك على كلامك الطيب والتأييد...بارك الله فيك...

ويامرحبا بك...
ولاهنتي عالطله الجميله...


الله يسلمك والله 00000 كلك ذوق 00000 لاتحرمنا جديدك 0000 لاني احب مثل هالمواضيع الهادفه 0000:)
A M A
21-04-2010, 10:33 PM
هلا ومرحب عبالعزيز محمد عبدالعزيز "ها جبتها صح ولا لا...غصب يجيبها...احم"

هههههه لا للحين


بالنسبه لردك بالاحمر...قلتها قبل اني رديت عليك وان كانت بره موضوع عشان ردك كان طويل ومتعوب عليه ومن حقي اعقب...
والحين انت بردك هذا عبرك عن وجهة نظرك...وانا عبرت عن وجهة نظري...ومب شرط تقنعني او انا اقنعك...
مثل ماقلت الخلاف لا يفسد من الود قضيه...
وكلن له نظرته للامور ورؤيته للاشيا...والتجارب تاخذ حيز كبير في التفكير...

لكن بكل صراحه...اسجل اعجابي بردودك...ترتيب ياولد...احس اني انا قاعد ارد...خلاص انت خليفتي في الملاعب..."ارحم حالك بس...احم"

شرف لي طال عمرك

لا بجد اخوي...يعجبني فيك هدوءك وركادتك وفطنتك...الله ينور اخوي...وموفق ان شاء الله كان في الحياه العلميه او العمليه...

اي صح عن بزر...اسمح لي ماكنت اقصدك...وانا قلتها من باب انه اصغير في العمر...
فا البزر في اللغه يعني البذره...الشي الصغير...

فا السموحه ان اسأت انا استخدامها اتجاهكم...

مسموح ياخوي، تصير في أحسن الحالات


وموفقين اجمعين...

يالله همتك نشوف ردودك في المواضيع...
نشوف قوة اسلوبك وفكرك..."يتحرش...احم"

بالتوفيق للجميع إن شاء الله
ويالله ناطرين مواضيعك الحلوه
عجبني إسلوب طرحك وايد

ويامرحبا بك اخوي...
عبدالله محمد عبدالله "غصب يجيبها...احم"

هههههه يالله مبروك جبت الإسم الأول صح
لكن الأخير غلط


:)

ama
The Master
22-04-2010, 09:19 PM
الله يسلمك والله 00000 كلك ذوق 00000 لاتحرمنا جديدك 0000 لاني احب مثل هالمواضيع الهادفه 0000:)

تامرين امر...
وماسوينا شي...واجبنا...

ابشري...عندي موضوع خشن عنكم يالنسوان...احم
اهم شي لحد يسبني...لنزلته اقروه عدل بعد اذا بتسبون...بس لا تسبون...احم

ويامرحبا بك...
The Master
22-04-2010, 09:21 PM
:)

ama

:shy:

عبدالله محمد علي ؟؟!!
غصب...احم...

يامرحبا بك...شرفت خيو...
جامعي
15-05-2010, 07:27 AM
الله يستر على شبابنا

انا اتوقع السالفة كلها نقص الوازع الديني

يعني لو كان عندهم ايمان ومراقبة ومحاسبة لاعمالهم

صدقني محد تجرأ .. واكيد المجتمعات والدول الغربية فيها

انفتاح وفتنه ..وطريق الحرام سهل للي ما عنده خوف من الله

والعياذ بالله ..

أتوقع اخوي الماستر انت كنت تقصد باللي ياخذون ساعات شوي

يعني انت رايح دولة اجنبية تدرس عندك هدف معين ..فالواحد ليش

يقعد ويهذر الوقت والمال بشي ماراح يوصله للهدف واخذ الشهادة

كفاية انك عايش في بلد وغربة ... وكفاية ان الاهل مساكين منتظرينك

يفرحون فيك ..يعني مو تاخذ 9 او 12 ساعه في الكورس على اساس انك

بتريح عمرك ..واللي يحوا بعدك يخلصون قبلك ... !!

الكلام في هالموضوع نفس ما قلت اخوي الماستر ما يخلص

بس اتمنى ان الشباب الصالح امثالك اخوي ينصحهم (ويأمر بالمعروف وينهى عن المنكر)

وياليت اذا كان فيه جمعات انها تكون محفوفة بالملائكة شلون.. جيبوا لكم داعيه

او واحد يذكركم بدينكم شي ينفعكم دنيا واخر (وذكر ان الذكرى تنفع المؤمنين)

مو كله سوني واكل وضحك ومقالب لازم تخصصون وقت لذكر الله وشوفوا اثرها


الله ييهدي الجميع ويوفق الجميع لما يحبه ويرضاه

وترجعون حاملين اعلى الشهادات وتنفعون وطنكم واهلكم
The Master
21-05-2010, 08:27 PM
الله يستر على شبابنا

انا اتوقع السالفة كلها نقص الوازع الديني

يعني لو كان عندهم ايمان ومراقبة ومحاسبة لاعمالهم

صدقني محد تجرأ .. واكيد المجتمعات والدول الغربية فيها

انفتاح وفتنه ..وطريق الحرام سهل للي ما عنده خوف من الله

والعياذ بالله ..

أتوقع اخوي الماستر انت كنت تقصد باللي ياخذون ساعات شوي

يعني انت رايح دولة اجنبية تدرس عندك هدف معين ..فالواحد ليش

يقعد ويهذر الوقت والمال بشي ماراح يوصله للهدف واخذ الشهادة

كفاية انك عايش في بلد وغربة ... وكفاية ان الاهل مساكين منتظرينك

يفرحون فيك ..يعني مو تاخذ 9 او 12 ساعه في الكورس على اساس انك

بتريح عمرك ..واللي يحوا بعدك يخلصون قبلك ... !!

الكلام في هالموضوع نفس ما قلت اخوي الماستر ما يخلص

بس اتمنى ان الشباب الصالح امثالك اخوي ينصحهم (ويأمر بالمعروف وينهى عن المنكر)

وياليت اذا كان فيه جمعات انها تكون محفوفة بالملائكة شلون.. جيبوا لكم داعيه

او واحد يذكركم بدينكم شي ينفعكم دنيا واخر (وذكر ان الذكرى تنفع المؤمنين)

مو كله سوني واكل وضحك ومقالب لازم تخصصون وقت لذكر الله وشوفوا اثرها


الله ييهدي الجميع ويوفق الجميع لما يحبه ويرضاه

وترجعون حاملين اعلى الشهادات وتنفعون وطنكم واهلكم

هلا ومرحب اخوي جامعي...

ماشاء الله اعجبني ردك اخوي...وبين لي مدى ثقافتك الطيبه...

لكن يبقى هذا رأي...صحيح الوازع الديني مهم...لكن من وجهة نظري لا يتدخل في استهتار الشباب او الترييح بمعنى اصح...لكن احترم رايك...

اعجبتني فكره جلب دعاة الى المنطقه...وهذا شي معمول به من خلال بعض الشباب اللي هنا...خاصه اللي من السعوديه...وعمل ندوات او محاضرات في مناطق تجمع المسلمين الله يجزاهم خير...

وربك يعين للخير يارب...

ولاهنت على المشاركه المثريه اخوي...
ويامرحبا بك...

"معليش عالتاخير في الرد...لانشغالنا..."