نادي قطري لكرة القدم يدفع 50 ريال ... لكل مصري او هندي يحضر المباراة

[البدع]

كنت اسمع ان الاندية القطرية تدفع مبلغ 50 ريال ... لكل شخص يحضر المباراة ويشجع هذا النادي في الملعب

وكنت اظن انه إشاعة .. او كلام فارغ .. او حتى تاليف

حتى طلب مني احد العمال اذن بالانصراف قبل موعد العمل بساعتين .. وعندما سالته عن السبب .. قال لي انه سيذهب ليشجع نادي (******* )

فاستغربت .. وقلت له .. هل يعجبك تشجيع نادي ضعيف وهو في مؤخرة الدوري

فقال لي لا ... ولكنهم يعطونه 50 ريال عن كل مباراة يحضرها ويشجع فريقها

وان معه مصريين وهنود وكل الجنسيات لتشجع هذا النادي

وهم قرابة 50 الى 70 شخص

[Abu Deeb]

للأسف بعض الاندية أو حتى الاتحاد القطري لكرة القدم

ماقدر يجذب الناس لمشاهدة المباريات لجمال الاداء والقوة بالدوري والتحمس والتشجيع

صاروا يدفعون فلوس حتى الناس تروح وتشجع

أعتقد علاج خاظئ لحل مشكلة عزوف الجمهور عن الملاعب

[لطآم]

كل الأنديه القطريه تستأجر مشجعين
مافي نادي يفرق عن نادي متصدر او الأخير
الرابطه بكبرها مستأجره !

[خالد القطري]

هالشى معرووف من زماان

واغلب الانديه جماهيرها بو خمسين :)

[الوعد2016]

يالغالي بعد كلمباره راح تشوف العجب وتشوف الضرب عند التوزيع لدرجه انها تصل لمركز الشرطه اذا تاخر الاداري في الدفع(السالفه فيها بوق من اطراف معينه) تشوفهمتفق على سعر ويعطيهم سعربعد المباره او يخصم نصف المبلغ او ربعه يعني لو تجيب 50 شخص تربح 500 ريال وهو يمكن يعطيك 250 او اكثر لحدود 350 وصيدهم اطفال المدارس واطفال معينين بطرق حلوه

[ولد النواخذه]

خل يترزقون ياريال

[MoneyMaker]

هالشى معرووف من زماان

واغلب الانديه جماهيرها بو خمسين :)


واجد عليهم الخمسين
اعرف نادي جمهورهم بو ثلاثين( شرط يصفقون):nice:
او عشرين ريال (بدون صفقه)

:secret:

[بوخليفة3]

واجد عليهم الخمسين
اعرف نادي جمهورهم بو ثلاثين( شرط يصفقون):nice:
او عشرين ريال (بدون صفقه)

:secret:

هههههههههههههه
اعجبتني هالطريقه

[سهم بن سهم]

من عجائب الزمان :rolleyes2:

[حبر سري]

هلا البدع

انت اللي صدته قال لك نادي ضعيف وفي مؤخرة الدوري على قولتك

وشقولك لو تدري ان اكبر الاندية عندنا يسوون نفس هالحركة؟

عاد الله اعلم من وين يجيبون الهنود المساكين وغيرهم

باصات وحياتك وكله بحسابه

[بوطويشم]

السلام عليكم

من كم يوم في ملعب الغرافة شفت زحمة غريبه هنود على بتان عبالي في شي

طلعو رايحين يشوفون المباراة

وش مستفيدين الأندية اللعبه مكشوفة والكل يدري

[مرتبش]

صج؟
كاس العالم شلون هههههه..من بيحضر مباريات بوركينا فاسو ؟ لازم 500 ربية

[أكتتاب]

والله العظيم عيب

حتى الجمهور تشترونهم ! !
مايصير كل شي بالفلوس

لازم تكون فيه افكار ,, لجذب الجمهور اكثر واكثر

فالحين بس في التنظيم واستضافه البطولات ... لا انجازات ولا شي
والله عيب

[الوعد2016]

للاسف عند مباره انجلتر والبرازيل كان اكثر الحضور اجانب من هنود وشاميين وشرق اسيا وعمال معاشاتهم ماتكفي لقيمة التذكره وللعلم تم شراء تذاكر من السوق السوداء
وبصراحه كان تنظيم مميز حتى في مقاعد الجلوس

[Ussop]

والله العظيم عيب

حتى الجمهور تشترونهم ! !
مايصير كل شي بالفلوس

لازم تكون فيه افكار ,, لجذب الجمهور اكثر واكثر

فالحين بس في التنظيم واستضافه البطولات ... لا انجازات ولا شي
والله عيب

الله يهديك بس، ربي منعم عليهم بخير، وانت تقول خل يفكرون بطرق لجذب الجمهور؟ ليش يتعبون نفسهم ويفكرون؟؟!!! ما اشوف داعي لهالشيء أبداً! الفلوس تسوي كل شيء لك! توفر عليك الوقت وجهد التفكير!

الدوري بكبرة يارجال قايم على الفلوس وبس!
الأفكار والإبداع عند ربعنا = صفر
خلهم يستمرون على ماهم عليه، وخل الناس تضحك علينا
فشلونا بأفعالهم

[بوخالد911]

الله يعيين بس


يبوووون جمهوور وبأي طريقة !!!

[STAR]

الهندي والبتاني والمصري يعطونهم خمسين ريال

والقطري مع العلاوة الجنسية كم يحصل؟! هههه

انزين الهنووود يشجعوون بالهندي والا بالعربي؟!‏

انا عندي اقتراح..ليش مايسوون سحب على اجهزة الكترونية
بعد انتهاء المبارة؟! اوفر وارخص..

[حبر سري]

الهندي والبتاني والمصري يعطونهم خمسين ريال

والقطري مع العلاوة الجنسية كم يحصل؟! هههه

..

:confused:
وش هي ذي بعد؟؟؟

[STAR]

:confused:
وش هي ذي بعد؟؟؟

حبر سري لا توهقني:shy:


يعني ‏50‏ ر.ق على الحضور+مبلغ ثاني لانه مواطن
:tease:

[جنوب الدوحه]

عندك قناة الكاس + مجلس + شاي و قهوه ومتاي + مكيف + تحليل + الجو حار + رطوبه + تدفع تذكره دخول 10 ريال = المجلس ابرك

^_^

[البدع]

التذاكر ب 10 ريال

ظنيتها ببلاش

الظاهر ايام البو بلاش راحت بلا رجعة

[حليتان*]

بااااااااال من زماااااان

[خالد القطري]

واجد عليهم الخمسين
اعرف نادي جمهورهم بو ثلاثين( شرط يصفقون):nice:
او عشرين ريال (بدون صفقه)

:secret:

هههههههههههههههههههههه

:nice:

[alrheeb2020]

اي معروف هالشي ويسمونهم ب (( الرابطه ))

[kooool]

صارت الفلوس في يد من لايقدرها ..خسااااااارة ياقطر

[عليان قطر]

50 ريال

يا الغالي
مرصود للجمهور ( 500,000) تعطى للنادي من اجل الجمهور

ما تشوف رواتب اللاعبيين
( 100,000 الف في الشهر )

[قلب صادق]

50 ريال

يا الغالي
مرصود للجمهور ( 500,000) تعطى للنادي من اجل الجمهور

ما تشوف رواتب اللاعبيين
( 100,000 الف في الشهر )

كل النوادي :omg:

500,000*12 = 7,000,000 ريال قطري (سبعه مليون ريال ):rolleyes2: معقوله

[N7eEeS]

ربعنا يبون يصيرون كل شي وفي نفس الوقت مايصير :)
مره كلمني واحد من نادي الريان وقال بنودي العمال وبنعطيهم عشى نسيت المباراه من معاه بس من فتره :)

[الـقـاسـي]

واحنا فلوسنا رايحة على شنو .. كله للرياضه

[أبوزينة]

اعتقد في اسباب كثيرة لظاهرة عزوف شبابنا عن حضور المباريات
منها الوقت
طلابنا يصحون على ال 5 ويردون البيت 3 ونص 10 ساعات ونص
متى بيكون وقت للاكل والراحة والخروج لحضور المباريات
وسبب اخر ومهم الاهتمام نفسه بالكورة
واذا كان في اهتمام ف بيكون للاندية العالمية برشلونه ومدريد
وشتان طبعا بين دوريهم ودورينا

باختصار لو كانت الملاعب بداخلها مبارة استعراض مواتر بيكون الحضور 100 بالمية
مجرد رأي
تقبلوا مروري

[بوخالد911]

بنظر للموضوع من زاوية أخرى


ما ألووم اللي يشجعون مقابل 50 ريال

ليش؟


يكرفوون كررف

وبالنهايو رواتبهم تعباانة من قلب

يدوووب 300 - 600 ريال



وغير الفراشين اللي رواتبهم 350 ريال ويمكن أقل
كررف من الصبح لييين العصر تقريبا


الله يعيينهم بس

[بوحارب]

:taunt::funny:

[عليان قطر]

كل النوادي :omg:

500,000*12 = 7,000,000 ريال قطري (سبعه مليون ريال ):rolleyes2: معقوله



مش لازم اقولك زياده
يمكن تطير غشيان

[محمد11]

اخوي البدع للعلم

ترى هذا الشي من زمان ..

وحتى رؤساء رابطة الاندية بعد لهم مبالغ ..

عادي يعني تشوف شخص رئيس رابطة عرباوي ...بكره اهلاوي !!

الموضوع من اجل ( ملئ الملعب وهو لايمتلئ )

[كازانوفا]

هههههههههههههههههه
مسويين مثل موسم الانتخابات بمصر وغيرهاا هههههههههههههههههه

[حبر سري]

مش لازم اقولك زياده
يمكن تطير غشيان

يطير غشيان ولا يطيح؟:tease:

الا ماقلت لنا ياعليان:
ريال مدريد كم يدفع حق الجماهير علشان اتحضر له؟