بأي حق؟؟؟

[لولوتي]

السلام عليكم ورحمة الله وبركاته

بدون مقدمات :anger1:

بأي حق وعلى اي أساس اي شخص يجي يوقف في عرض الدوار ويقطع على الناس طريقها،،، عشان تمر مجموعة السيارات اللي معاه :anger1:

مجموعه عندها مناسبه اي ان كانت المناسبه هل مناسبتهم تعطيهم الحق ان اي احد منهم يعترض الطريج على الناس ويعطل مصالحهم:anger1: هل مناسبتهم أولى؟؟؟
ولا انا اللي عندي ولد اختي المصاب بالرعاف وأبي أوصل بأقرب وقت لمركز الطوارئ أولى؟؟؟

كل القهر حسيته من هذي المجموعه بصراحه كل القهر لدرجة القولون حسيته عندي خلاص بينفجر :(

تصرفهم بصراحه كان يبغي له دعوه من القلب و ان كنت انا ما دعيت عليهم غيري كان بيدعي عليهم،،، وساعتها ممكن ينقلب فرحهم لحزن الله اعلم به.


فيني حره عليهم من قلب بس اقول الله يهدينا ويهديهم

[إينشتاين]

الإستهتار وعدم المسؤولية التي تربى عليها الشخص هي السبب

[لولوتي]

بالفعل قمة الاستهتار منهم يوم انهم سوو الربكه في الشارع كله وما خلوا حد وما زاحموه :(

[المرحب]

سلامات

والله يعين على هالاشكال

[Riku3]

اليوم ببداية الوكرة واحد صاف بالشارع السريع واكثر من شخص كان بيدعمه، والكل يهرنله بس هو ولا مفتكر وصاف ومنزل ولده الصغير وبنته الي ما اعطيها اقل من 17 يشترون من الدكان .. طبعاً ما دخل الشارع الجانبي لان عنده قلص ومايقدر يصف، بس مافكر انه يدخل شوي المنطقة بما ان الدكان قريب من اللفه وينزل من هناك احتراماً للشارع الرئيسي والناس .. وطبعاً الشرطة كانت قريبه بس على الدوار يخالفون العالم وتاركين الشوارع لمثل هالناس يصكرونه ويستهبلون على العالم براحتهم ..
سبحان الله لو فيه خير مانزل بنته في دكان مليان شباب وهنود @_@ .

ومثل هالناس كثير .. فلاتعورين قلبج عليهم ترى مغترين بنفسهم ومامعطين الناس اي اهتمام .

[~~ الدانـه ~~]

السلام عليكم ورحمة الله وبركاته

بدون مقدمات :anger1:

بأي حق وعلى اي أساس اي شخص يجي يوقف في عرض الدوار ويقطع على الناس طريقها،،، عشان تمر مجموعة السيارات اللي معاه :anger1:

مجموعه عندها مناسبه اي ان كانت المناسبه هل مناسبتهم تعطيهم الحق ان اي احد منهم يعترض الطريج على الناس ويعطل مصالحهم:anger1: هل مناسبتهم أولى؟؟؟
ولا انا اللي عندي ولد اختي المصاب بالرعاف وأبي أوصل بأقرب وقت لمركز الطوارئ أولى؟؟؟

كل القهر حسيته من هذي المجموعه بصراحه كل القهر لدرجة القولون حسيته عندي خلاص بينفجر :(

تصرفهم بصراحه كان يبغي له دعوه من القلب و ان كنت انا ما دعيت عليهم غيري كان بيدعي عليهم،،، وساعتها ممكن ينقلب فرحهم لحزن الله اعلم به.


فيني حره عليهم من قلب بس اقول الله يهدينا ويهديهم



مايشوف شر فديته

مايسوى تقهرين نفسج

الله الهادي

[هذلان]

معليش معليش هدي اعصابج
وهالتصرف اكيد يخالف عليه القانون
اهم شي الولد يكون بخير

اذكر في عرسي انا و اخوي وقت الزفه هو ركب سياره مع واحد من ربعه و انا كذلك و اتفقنا كل واحد فينا يروح من طريق ههههههه مت من الضحك على الشباب مخططين لمسيره و حركات ١٨٠ على خط الشمال لين القاعه ولا مسيره ولا خرابيط مابي استاثم في عيال الناس و اكدر فرحتي

[لولوتي]

الله يسلمك المرحب

Riku3
قلبي ما يعورني عليهم إلا ان ممكن هالتصرفات ممكن تجيب لهم دعوات هم في غنى عنها،،،
ولا يهمني اهتمامهم بي وبغيري من الناس
ولكن لي ولهم الحرية اللي تنتهي حدودها مع بداية حقوق الاخرين

[بوخالد911]

سلامات


وقمة الاستهتار

المفروض يخلوون مسار واحد مفتووح

للطوارىء


الله يسهل عليييج

[تحداني]

.. هذه السلوكيات لا تأتي الا من أناس لا يفهمون معنى ان المكان العام ملك للجميع
ان كان ما بك مهم فالبطبع للناس ظروف مهمه ..

.
.
.
أنانيه البعض .. واتخاذ قرارات عشوائيه ودون تفكير
وكأنه يقول بينه وبين نفسه الي مو عاجبه قلعته
.. هذا شخص لا يحترم نفسه اولا ..
ان صدر الموقف من رجل فأستغرب من سكوت باقي الرجال عليه ..
.
.

لذلك دائما نقول .. رجال الأمن تواجدهم مهم في الشوارع ..
وخاصه في الدوارات وفي التقاطعات والاشارات ..
.
.
.
نظرا لحصول اي ظرف غير مقبول ..

.
.
ما اتشوفون شر يارب
ومن الصعب ان نعلم الجميع الذوق العام
وخاصه انك فتاه .. فالنساء حدود غضبهم محدوده في الشوارع
لا نملك سوى الصمت لحظتها .. وحرقه اللاعصاب بداخلنا ..

.
.


جملك الله برضى الرحمن

[لولوتي]

الشر ما يجيك ~~ الدانـه ~~
لكنه بالفعل شي يقهر :weeping:

اخوي هذلان
يشهد الله ان فرحتي ما اكبرها يوم اشوف اي مسيره احس ان هالمسيره فيها قلوب سعيده،،،
قلوب فرحانه،،، سواء كانت مسيرة عرس ولا مباريات ولا غيرها من المناسبات،،،
وأدعي بالسعاده للناس،،، وياما دخلت مسيرات لكن ما شفت مثل هالتصرف الهمجي :(

من يكون هالشخص اللي وقف في نص الدوار وعطلنا؟؟؟ وش تكون هالمسيره المقدسة في نظره ؟؟؟ و وش تكون قيمتها لما يتسبب على الناس بالمضرة؟؟؟

إن كان اليوم هالشخص ومن كان معه فرحانيين بمناسبتهم وعسى الله يزيدهم افراح ومسرات،،، بيجي يوم ويتحاسبون على الضرر اللي سببوه للناس بتصرفاتهم.

عسى الله يهدينا ويهديهم

والولد الحمد لله بخير عسى ربي يسلمك

[مستر قطر]

والله مافي داعي نكبر الموضوع ونسوي سالفه على شي مايستاهل ...
اشكثر بياخذ هذا الي بيسكر الدوار والله مايتعدى الدقيقتين بالكثير ...ياخي الهندي فالأشاره يبيله دقيقتين لين مايشوف الاشاره خضرا ويمشي .... وسعوا صدوركم

[لولوتي]

والله مافي داعي نكبر الموضوع ونسوي سالفه على شي مايستاهل ...
اشكثر بياخذ هذا الي بيسكر الدوار والله مايتعدى الدقيقتين بالكثير ...ياخي الهندي فالأشاره يبيله دقيقتين لين مايشوف الاشاره خضرا ويمشي .... وسعوا صدوركم


لو كان ولدك اللي ينزف ويغرقك بدمه ما قلت هالكلام

[بوخالد911]

والله مافي داعي نكبر الموضوع ونسوي سالفه على شي مايستاهل ...
اشكثر بياخذ هذا الي بيسكر الدوار والله مايتعدى الدقيقتين بالكثير ...ياخي الهندي فالأشاره يبيله دقيقتين لين مايشوف الاشاره خضرا ويمشي .... وسعوا صدوركم



وووسع الصدر ونا اخووك

لو كنت انت مكانها

يمكن كنت نزلت للرجال وتهاوشت وياه
:eek5::omg::rolleyes2:

طووول بالك اخوووي

والله يحفظك

:victory:

[كركم]

حمد لله على سلامته وما يشوف شر ان شاء الله...وفعلا حركة تضايق الحين اللي يسكر الشارع ما يعرف ظروف الناس يمكن يكون واحد فيهم حالته مثل حالة لولوتي...بس ولا يهمج يالولوتي...بعطيج التريلا اللي عندي ومحد بيفكر يوقف في ويهج مرة ثانيه

[بوحارب]

ربعي في كل عرس يعينون واحد يسكر الدوار جنه دوار ابوهم هههههههههه

اذا حد قالي بوحارب سكر الدوار اقوله اسمحلي انه بستعرض <<< وفي الأخير لاستعراض ولا تسكير خخخخ

معليش لولوتي تحمليهم شوي

والله يشافي ولدكم يارب

[هذلان]

مشاركتي الثانيه في الموضوع

بصراحه فيه موضوع في بالي كنت ناوي انزل له موضوع مستقل ولكن موضوع لولوتي مناسب الواحد يتكلم في هالشي .

الحين كل الاشارات فيها كمرات فيديو و الشوارع مثل الكورنيش و غيره . الكمرات هذي وظيفتها امنيه و لاثبات المخالفات في حال وقوع حادث ،، ليش مايكون استخدامها لظبط المخالفين .
يعني مثلا دوار و الاشاره حمرا فيه وكلنا مستعجلين بس واقفين مع ان الدوار فاظي و محترمين القانون . يقوم موتر يتسحب شوي شوي و يقطع الاشاراة الحمرا ليش ... و ليش يظبطون مثل هذي المخالفات بالفيديو ؟

يعني بالعربي يكون فيه موظفين شغلاتهم يمرون على الكيمرات و يظبطون السيارات المخالفه .

وهالشي مفيد جدا لانه ببساطه بيحس السائق انه مراقب بشكل مستمر . مش مثل الحين اذا فيه شرطي على الدوار تشوف الناس كلها مؤدبه لا و تسلم على الشرطي و اذا مافيه حد ولا يدرون ان الاشاره مافيها رادار تصير كنها اشاره من اشارات الحسا . مع احترامي للحسا و اهلها

[مستر قطر]

وووسع الصدر ونا اخووك

لو كنت انت مكانها

يمكن كنت نزلت للرجال وتهاوشت وياه
:eek5::omg::rolleyes2:

طووول بالك اخوووي

والله يحفظك

:victory:


بوخالد بالعقل والله السالفه ماتأخذ دقيقتين على بعض ...... والله تبون تتكلمون في شي مؤفيد تكلموا على الي يسون مسيره ويسكرون الشارع ..اما بالنسبه للدوار ارجع وقول كلها الى دقيقتين بالكثير .... وسعوا صدوركم

[لولوتي]

بوخالد911 جزاك الله خير والله يسلمك ويبعد عنك كل شر

المسأله مب طارئه عشان يسوون اللي سووه،،، ولا من حقهم يعطلون اي خط في الشارع كله،،، يمشون ويسوون وسط الناس اللي يبونه لكن من غير ضرر ولا ضرار.


تحداني الزمن انا مب من النوعية اللي اتنقص من أهمية اية مناسبه يعيشونها الناس،،،
بالأخص السعيدة منها،،، وان كانت فالواجب ان الواحد يعيش سعادته بدون ما يزعج الناس بتصرف مماثل لهالتصرف الغير اللائق،،، تصرف بدال ما الواحد يقول الله يسعدهم يدعي عليهم :(

الى متى لابد ان تكون عيون رجال الأمن هي الرادع لمثل هذه التصرفات الوقحه :(
في كل لحظه وكل دقيقه وكل شارع وكل دوار لابد يكون الشرطي واقف عشان يجبرنا نمشي صح :rolleyes2:

متى الواحد من هالنوعيه يصحى ويحس بالناس لي متى الاحساس ميت بالغير :(



والشر ما يجيك ويبارك فيك ويبعدك عن كل حرقة اعصاب وكل غضب،،، اللهم امييييين :)

[بوخالد911]

لولوتي : كم كان مسكر الدوار؟

الوقت يعني ؛ كم دقيقة؟

[جرح الزمان]

الحمد لله على سلامة ولد اختك

أختي ليش ما اتصلتي على العمليات 999 وعطيتيهم رقم السيارة وهم بيتصرفون معاهم وبيوصلون له في اقل من دقيقه وأكيد أنه بيتخالف

[لولوتي]

ارجع واقول مستر قطر
اذا كان ولدك بو اربع سنين

8
8
8
بدال عبودي الله يحفظه ويبعد عنه كل شر

http://www.m6lob.net/download.php?imgf=m6lob12714603051.jpg (http://www.m6lob.net/download.php?imgf=m6lob12714603051.jpg)

و كان نور عينك وقلبك يسبح بدمه ومغرقك بدمه وينتفض في حضنك من الخوف ومن ما فيه

ماكنت تقول هالكلام



وجزاكم الله خير اجمعين على ردودكم ومشاركتكم اللي لي عوده لها في الصباح

وتصبحون على خير يا اهل الخير

[محمد افندي]

أحسن حل انك تدخل الصدام عند اذنه و يفضل انه يكون صدام صب :)

[ممنوع اللمس]

بل بل بل اكلتو الناس بقشورهم؟
كلها دقيقه بالضبط او اقل يوقف تمر مسيرة العرس وخلاص
اهي فرحه ومره وحده بالعمر ومن حقه يشوف ربعه واصحابه واحبابه يمينه ويساره زافينه
شسالفه يعني لو وقف الدوار ثانيه؟ ما توقف الدنيا
انا اشوف ان الموضوع عادي واي حد يوقف فالدوار بطريقي علشان زفه عرس ما بقول لا بالعكس بقول الله يوفقه ويستر عليه
هذي مناسبه والموضوع عادي واقل من عادي...
اتمنى تقبل وجهة نظري يا اخوان :)

[هام السحاب]

اول شي ماتشوفون شر
ثاني شي اكيد هالتصرف مرفوض حتى لو زفه عرس ياخي شالمشكله اذا صكرت مسارين وخليت مسار حق خلق الله
محد قالك لا تستانس بس لاتعطل الناس

[هام السحاب]

بل بل بل اكلتو الناس بقشورهم؟
كلها دقيقه بالضبط او اقل يوقف تمر مسيرة العرس وخلاص
اهي فرحه ومره وحده بالعمر ومن حقه يشوف ربعه واصحابه واحبابه يمينه ويساره زافينه
شسالفه يعني لو وقف الدوار ثانيه؟ ما توقف الدنيا
انا اشوف ان الموضوع عادي واي حد يوقف فالدوار بطريقي علشان زفه عرس ما بقول لا بالعكس بقول الله يوفقه ويستر عليه
هذي مناسبه والموضوع عادي واقل من عادي...
اتمنى تقبل وجهة نظري يا اخوان :)

تبيها شيمه ولا قيمه
شيمه ياخوك مثل ما عندك ظروف فرح حط في بالك في ناس عندهم ظروف طارئه
قيمه انت مخالف وبترد تحط موضوع فالمنتدى و تقولون المرور يخالفون الشباب عشان زفه عرس

[السيف5]

بأي حق الشخص ينزل ويسكر الدوار مسيرة عرس والاغيره
تصرف غير مسئول ---------ليش الناس الثانية ينجبرون
بالانتظار حتى لو ماكان عندهم حالة طارئة .

هذا طريق عام وليس خاص ليش ماياخذون السيد اليمين

وما يشوف شر الياهل

[لولوتي]

اخوي كركم الله يسلمك ويحفظك من كل شر
و والله ما اتمنى لحد يكون في موقفي،،، بس ودي الناس اتحس فبعضها :weeping:
مب ناس تفرح على حساب ناس وقهرها

واقول مره ثانيه وثالثه وعاشره للي يقولون خلوا الناس تفرح والمعرس يفرح،،،
ترى كلنا مسلمين و نحب الفرح و الوناسه لأنفسنا ولأخواننا وخواتنا،،،
نحب نشوف المسرات،،، عن نفسي احب ويفرحني ويسرني سرور كبير لما امر بطريق واشوف فيه بيت مزين بليتات العرس،،، أدعي لأهل البيت بسرور وأقول الله يسعدهم ويسهل امورهم :) أدعي للمعاريس بأن الله يتمم عليهم فرحتهم :)
وقبل ان صار وانحشرت وسط مسيرة عرس وغيرها،،، اشارك بوناسه في المسيره،،،
اهرن مثلهم واشغل الدنجر ((صح جذي يسمونه)) لين ما يفصلني طريقي عن طريق المسيره،،،

والمسيره شخصيا احبها وان كانت الوسيلة الوحيده اللي يعبرون فيها الشباب عن فرحتهم بأخوهم المعرس اقول محد منعهم بالعكس بينوا له اللي ودكم من غير ما تجيبون له دعوه مثلا ((الله لا يسعده،،، الله لا يهنيه دنيا ولا آخره)) خلوا الدعوه لي جاته تكون له مب عليه،،، دعوه بالسعاده مب بالشقا.
والمسيره ممكن تمر وبكل سرور وسط الناس مب لازم يتسكر لها الشارع ويتعطلون الناس لها،،،

واللي يقول كلها دقيقتين اقوله حاااااضر وتحت أمرك :)
المره الجايه وعسى الله لا يجيبها،،، و لو -لا سمح الله- صادته ولد اختي مره ثانيه حالة الرعاف ((النزيف)) بحط تحت خشمه مله لمدة دقيقتين،،، وبصور لك الدم اللي بينترس في المله عشان تقدر حجم الدم اللي ينزفه مريض الرعاف في خلال دقيقتين فقط واتشوف و تعرف ان المسأله مب هينه على طفل انه يتم ينززززف من غير اسعاف.


والتريلا ما تنفع للأسف لازم ليسن ثاني :( ولو ان لي خاطر اسوق شي يخوف الناس ويبعدهم عني.

[Bu Rashid]

سلامات وما تشوفووون شر ان شاء الله
الله يهديهم ويصلحهم

[لولوتي]

بوحارب :eek5: تقصد ان هالشي يخططون له بشكل طبيعي:omg:

اتمنى ما يصادفني ابدا هالشي مره ثانيه

وعسى الله يحفظك ويحفظ بنوتك ويخليها لك
وبلغ ربعك وقول لهم اختكم في الله لولوتي تبارك لكم و تقول لكم ترى مب عدل اللي تسونه

والله يهديني ويهدي الجميع

اخوي هذلان انا معاك في اقتراحك ولو ان التحريات :unsure: مب مقصريين :unsure:
واحد من الاهل الله يسامحه قطع اشاره ما عليها مراقبة كاميرات،،،
وبس عقب ساعتين جاه اتصال بضرورة الحضور في مركز الشرطه،،،
واتضح ان في عيون كانت تراقب الشارع وبلغت عنه :unsure:

اشكثر الدوله بتراقب وتراقب وتراقب
لي متى الشرطي هو اللي يراقب تصرفاتنا
والكاميرات هي اللي تجبرنا نمشي صح غصب عنا
لي متى يستمر فينا السلوك الخاطئ

محد مثالي ومحد فينا ما غلط ويغلط ولكن لي متى ؟؟؟

[كازانوفا]

يمكن فاكرين انه شارع ابوهم وماخذين راحتهم
الله يهدينا ويهديهم

[ولد النواخذه]

ما يحدث في بعض هالمسيرات مرفوض جملة وتفصيلا من استعراض وتفحيط نتمنى من السلطات ان تلتفت اليه بكل جديه لا يجوز ومرفوض, ماتشوفون شر أختي وفعلا التصرف مرفوض والله يهدي بعض الشباب من استهتارهم...

[ماريسا]

الله المستعان

[لولوتي]

بوخالد911 ما حسبت المده كم كانت.

جرح الزمان الله يسلمك ويبعد عنك وعن احبابك كل شر.
وفكرت اتصل على 999 لكن توتر اعصابي وخوفي على الولد كان أكبر من اني اشغل نفسي باي شي ثاني.

محمد افندي ياريت :shy:

[بـــــــنت النوخـّــــذه]

اخبر مره صادتنا حاله نفس حالتج هبوط بالاكسجين يعني الي معنا بالسياره بينها وبين الموت شعره بس للامانه الطريج الي كنا ماشيين فيه فيه اشاره ودورية الشرطه على الرصيف 00والشارع موقف كلمه حق تنقال اخوي عطاهم خبر (اتصل بالجوال) ان يفتحون الاشاره لان معنا حاله بين حياه وموت والله افتحوها ومشى الشارع وكنا بسيارتنا الخاصه يعني مهب سيارة اسعاف 0000

صدقيني لو درو ان معاج حاله طارئه اهم اول ناس بيتعاونون معاج 00ترى اهم مايدرون شالي موجود بكل سيارة اعذريهم اختي لؤلؤتي والله حاسه فيج بالموقف بس لو يدرون كان على طول مشو الشارع 000 ^_^ واجر وعافيه لوليدج

[ممنوع اللمس]

كل واحد منكم يحط نفسه في مكان المعرس
وإن اخوه اللي وقف على الطريق علشان يكملون ربعه معاه ويكونون جنبه في فرحته
يعني لو صارت السالفه خبيصه كان المعرس يطالع يمين يحصل واحد هندي مادري من وين طالع
الموضوع عادي ولا ياخذ دقيقه او اقل
بالعكس انا لو حد وقف قدامي علشان عرس بقول الله يوفقهم ويستر عليهم ما راح اعصب واقول عطلني ياما وياما يوقفون الاجانب والاسيوين في الشارع ويمشون قدامنا شوي شوي ولا حد تكلم واعترض
والحين ولد بلادكم وفي يوم عرسه سويتو كل هالسالفه الموضوع ما يستاهل
وانا اقول من رايي الله يوفقه ويستر عليه ويرزقه بالذريه الصالحه...لو كان في موكب او مؤتمر يتسكر الدار ربع ساعه و 20 دقيقه تقريبا وتسير زحمه كبيره ولا شفت حد اعترض بالعكس الموضوع عادي.. كلكم مبتسمين :)
وبصراحه لو كنت موجود كان وقفت سيارتي مع اللي وقف الدوار وخليت العرس يتكمل عاادي
والأمور طيبه وإحنا بخير ... واهم شي راحة الركآب

[لولوتي]

ممنوع اللمس شكرا

هام السحاب الشر ما يجيك والله يجزيك الخير
ومثل ما قلت ودي الكل يفرح ويستانس بدون مضره للمحتفلين بمناسبتهم ولا لغيرهم.

السيف5 الشر ما يجيك والله يحفظ لكم كل غالي
وانا مثلك اتسائل ليش هالأنانيه،،، ومن اللي أعطاكم الحق في هالتصرف :( ؟؟؟

[ضوى]

الحمد لله على سلامة الولد اختي الغالية


حرية الاخرين تنتهي عندما تبدأ حقوق الاخرين

[qtr.wolf]

اخوي اذا حد وقف جدامك في الدوار والطريق لك خله ثواني اذا شفته اطمأن انك واقف في ها الحاله ادعمه بسيارتك بس دعموه بسيطه مثلا دخل باب السايق عليه بدون ان يصاب السايق و خل المعرس ينفعه ذاك الوقت لان مب نشاد عن حد في وقتها .. هذا اذا كان عندك ظرف طارئ اذا ماعندك مشكله اذا انتظرت فاصبر ان الله مع الصابرين ...

و ماتشوف شر يالغالي ..

[حبر سري]

في رايين متعارضين:
1-اللي يقول حط نفسك مكان المريض يقول هاذول ماعندهم سالفة اللي عطلوا السير في الدوار , وانهم غلطانين , وانهم وانهم......., وهاذي مخالفة قوانين والشوارع مب لهم
2-اللي يقول حط نفسك مكان المعرس او اخوانه او ربعه , يقول حرام اتخربون فرحة المعرس , وكلها دقيقتين او اقل حتى وتمر كل المواتر وينتهي الموضوع

وانا اميل للرأي الاول , مع احترامي المطلق للرأي الثاني واصحابه , لان فعلا مهب من حق حد غير شرطة المرور تعطيل السير لسبب شخصي

واقولها من قلبي:
ماتشوفون شر والحمد لله عالسلامة , وعسى الله يبلغكم في الولد وتشوفونه معرس ان شا الله

بس ها ,لايصك الدوار في المسيرة يوم عرسه:) عاد ذكريه انتي

[لولوتي]

Bu Rashid
الله يسلمك من الشر
والله يهدينا ويهديهم اجمعين

كازانوفا تخيل لي ذيك الساعه مثل هالشي :eek5: او يمكن يكون وارث الشارع :eek5:
والله يهدينا ويهديهم اجمعين

ولد النواخذه ما ودي ولا عندي التصور ولا الفكره بمنع المسيرات ولكن القصد التعقل في الاستمتاع بها،،، و كم مسيرة عرس وفرح انقلبت حزن بدل الفرح :(
والشر ما يجيك والله يحفظكم اجمعين.

[حبر سري]

يمكن فاكرين انه شارع ابوهم وماخذين راحتهم
الله يهدينا ويهديهم

يازلمة طوّل بالك

[لولوتي]

دانتيل وردي والنعم بالله :)

بنت النوخذه يالغاليه الحمد لله اللي سلم مريضتكم وما تشوفون شر.
ومب غريبه على عيالنا الشهامه ولا احد انكرها عليهم،،، بالعكس الله يحفظهم أغلب شبابنا ما شاء الله عليهم في المواقف تلقينهم ما لهم مثيل :victory: عسى ربي يحفظهم، سواء كانوا مدنيين او عسكريين،،، وانا بنفسي تعرضت لعدة مواقف لقيت فيها من عيال بلادي كل عون ومسانده،،، ونعم مب عيالنا اللي بيشوفون حد في ضيقه وما يفزعون له،،، وهذي امر مفروغ منه :)


بس لو يدرون كان على طول مشو الشارع
بالتأكيد ما اختلف مع اي شخص على هالجمله،،، ولكن اشلون كانوا بيعرفون،،،
اذا الدنجر الكل مشغله،،، و الاهرانه الكل كان يهرن،،، كنت يعني اطلع من السياره واصرخ عشان يعرفون :(

اقول اللي حصل حصل ولكن كلي أمل ورجا ان هالامور ما تتكرر :)

اطلعوا في مسيره لكن لا تضيقون على المبتلي اكثر من ما فيه.

[لولوتي]

كل واحد منكم يحط نفسه في مكان المعرس
وإن اخوه اللي وقف على الطريق علشان يكملون ربعه معاه ويكونون جنبه في فرحته
يعني لو صارت السالفه خبيصه كان المعرس يطالع يمين يحصل واحد هندي مادري من وين طالع
الموضوع عادي ولا ياخذ دقيقه او اقل
بالعكس انا لو حد وقف قدامي علشان عرس بقول الله يوفقهم ويستر عليهم ما راح اعصب واقول عطلني ياما وياما يوقفون الاجانب والاسيوين في الشارع ويمشون قدامنا شوي شوي ولا حد تكلم واعترض
والحين ولد بلادكم وفي يوم عرسه سويتو كل هالسالفه الموضوع ما يستاهل
وانا اقول من رايي الله يوفقه ويستر عليه ويرزقه بالذريه الصالحه...لو كان في موكب او مؤتمر يتسكر الدار ربع ساعه و 20 دقيقه تقريبا وتسير زحمه كبيره ولا شفت حد اعترض بالعكس الموضوع عادي.. كلكم مبتسمين :)
وبصراحه لو كنت موجود كان وقفت سيارتي مع اللي وقف الدوار وخليت العرس يتكمل عاادي
والأمور طيبه وإحنا بخير ... واهم شي راحة الركآب



و الناس لو تموت تموت عادي قلعتهم :nice:

قمة الأنانية نتعلمها منك استاذنا الفاضل :nice:

[لولوتي]

الحمد لله على سلامة الولد اختي الغالية
حرية الاخرين تنتهي عندما تبدأ حقوق الاخرين


الله يسلمك اختي ضوى ويحفظ لكم كل غالي

محتاجين شرح وافي منج يالغاليه لهالجمله،،، لأن الظاهر في ناس مب فاهمينها.

qtr.wolf الشر ما يجيك
و الحل اللي طرحته طبعا صعب وبيزيد المسألة تعقيد،،،

والله يعينا ويلهمنا الصبر،،، و والله اني صبوره لكن الوضع اللي مريت فيه كان صعب لأن وحيد امه وابوه كان في وضع حرج،،، الله يحفظه ويبعد عنه كل شر.

[بنسل]

الله يهديكم كلكم ...
اعذريني اختي يمكن راح اطلع من الموضوع شوي
لو شاف اجنبي ( غير عربي ) الموضوع راح يموت يضحك .
هذه اهميّة الاسعافات الأوليّة , ياجماعة تعلمو , اخذوا دورات ... كتيبات .. اقروها .. مافي فيده
وعلى فكره في دورات مجانيّة وحملة حالياََ للاسعافات الاوليه ..
لو واحد من كل بيت تعلم واخذ دوره او يعرف بالاسعافات الاوليّه ماكان رعف الولد بالشكل الي توصفينه
وبالنسبة للرجال الّي وقف الشارع هو فعلاََ غلطان واغلب المسيارت الحين يطبقون فيها نفس هالحركة
والّي يقولون الموضوع ماياخذ دقيقه او دقيقتين , هو لو يعرف قدروقيمة الوقت بهذي الاوقات العصيبة ماكان قال هالكلام
الله يبعد عنا اجمعين كل مكروه
على العموم الله يهديهم ويهدينا اجمعين ويشفي لكم الولد ويجعله سالم غانم وذخر لكم يارب
:)

[لولوتي]

حبر سري
جزاك الله خير والله يبارك فيك ويسعدك ويجزيك الجنه على دعواتك الطيبه :)
والولد ما شاء الله عليه من الحين كل العابه مواتر بجميع انواعها والتحفص والسرعه في دمه،،، لكن الله يحفظه ويحفظ جميع عيال المسلمين ويجعلهم ذخر وفخر لوالديهم،،، ويجعلهم من الصالحين والصالحات.

و حسب الرأيين اللي استخلصتهم من الموضوع،،،
انا مع الاثنين :)
1- لما اكون مع الراي الاول يهمني طبعا الوضع اللي انا فيه محد يعقده لي اكثر،،، وكفايه علينا الزحمه.
2- لما اكون مع الراي الثاني وابي السعاده لنفسي واهلي،،، أعيش سعادتي و أفرح بمسيرتي بأفضل ما يمكن بدون ما اسبب ازعاج للناس ولا تعطيل.

[لولوتي]

لا ياخوي بنسل غلطان في ان موضوعي يسبب الضحك للاجنبي العاقل والفاهم لكل امور الدنيا واحنا العرب اللي جهله وما نفهم شي
الله يسامحك على هالفكر المحدووووووووود جدا والظالم للي قصدتهم،،،

الرعاف بالأخص تعلمنا في الابتدائية الاسعافات الأولية له،،،
ولكن في حالات يستمر فيها الرعاف لفتره اطول وما يوقف الا بالعلاج بالسوائل اللي توقف الدم،،، مثل حالة صغيرنا الله يحفظه والعلاج الدائم لحالات الرعاف الشديد لا تستخدم مع الاطفال ((الكي))

وبخصوص دورات الاسعافات الأولية باختلاف انواعها لو كان عندي حاليا سكانر موصول وجاهز كنت نزلت لك صور شهاداتي في هذي الدورات.

وجزاك الله خير

[بنسل]

لا ياخوي بنسل غلطان في ان موضوعي يسبب الضحك للاجنبي العاقل والفاهم لكل امور الدنيا واحنا العرب اللي جهله وما نفهم شي
الله يسامحك على هالفكر المحدووووووووود جدا والظالم للي قصدتهم،،،
الرعاف بالأخص تعلمنا في الابتدائية الاسعافات الأولية له،،،
ولكن في حالات يستمر فيها الرعاف لفتره اطول وما يوقف الا بالعلاج بالسوائل اللي توقف الدم،،، مثل حالة صغيرنا الله يحفظه والعلاج الدائم لحالات الرعاف الشديد لا تستخدم مع الاطفال ((الكي))

وبخصوص دورات الاسعافات الأولية باختلاف انواعها لو كان عندي حاليا سكانر موصول وجاهز كنت نزلت لك صور شهاداتي في هذي الدورات.

وجزاك الله خير

مادري وين الظلم
انا ماقلت الا عن الاسعافات الاولية والباقي كله موجه للي وقف السير
وقلت انه غلطان وبعد قلت للي يقولون بالموضوع ( ماياخذ دقيقه او دقيقتين )
انهم مايحسون بقيمة الوقت بهاي الاوقات العصيبه " مثل الولد يوم يرعف "
الا اذا ربي حطهم بمثل هالموقف .

واكرر دعوتي ( الله شفي لكم الولد ويجعله سالم غانم وذخر لكم يارب )
:nice:

[لولوتي]

اسفه اخوي بنسل لأني بدون قصد ما علقت على باقي الكلام اللي قلته في مشاركتك،،،
و اقدم لك هالباقه عشان ماتزعل من اختك

http://www.m6lob.net/download.php?imgf=m6lob12715659631.jpg (http://www.m6lob.net/download.php?imgf=m6lob12715659631.jpg)

وبارك الله فيك على دعواتك الطيبه،،، عسى ربي يحفظك ويحفظ لك كل غالي :)

والوقت كلٍ يشوف ان وقته هو بس اللي ثمين وغالي ولكن وقت غيره لو يضيعه باستهتاره عادي ما عنده مشكله ولو تسبب في تأخير غيره عادي عنده،،، وهالشي اساسا اللي كان حاصل،،، وهو بأنهم كانوا مستعجلين جدا وما يبون يضيعون ثانيه من وقتهم و يبون يلحقون على ما ادري وشو :rolleyes2: وكانوا متفننين ما شاء الله في سرعتهم،،، عسى الله يهديهم ويحفظهم


اما الظلم :anger1:


لو شاف اجنبي ( غير عربي ) الموضوع راح يموت يضحك .
هذه اهميّة الاسعافات الأوليّة , ياجماعة تعلمو , اخذوا دورات ... كتيبات .. اقروها .. مافي فيده
وعلى فكره في دورات مجانيّة وحملة حالياََ للاسعافات الاوليه ..
لو واحد من كل بيت تعلم واخذ دوره او يعرف بالاسعافات الاوليّه ماكان رعف الولد بالشكل الي توصفينه


الظلم لي ولكل شخص اعتبرته انت جاهل،،، وبجهله اعتبرته مضحكه للأجنبي اللي ما يفوته شي و ان الاجنبي هو الفذ المتقن لكل الحلول وغيره ما يفهم ولا يقدر يدبر أموره،،،
عممت المعرفه على جميع الاجانب وخصيتنا بالجهل؟؟؟ ليش ؟؟؟ وعلى أي أساس؟؟؟
هل دخلت كل بيوت العرب وتأكدت ان ما في احد من افرادها متعلم الاسعافات الاوليه وعنده عدة دورات فيها،،، واذا ما كان حاصل على هالدورات ليش افترضت ان الكل يجهل اي طريقة اسعاف لأية حاله من الحالات اللي ممكن تصادفه.

صحيح عندنا نقص في تعلم مثل هالامور لكن الجهل العام لا :nono: وألف لا :nono::nono:

[قطر501]

للاسف هالاشكال مشكلة يعني عرس يروح يصكر الدوار على الناس انت من اصلا الكل مشغول مب فاضي حق خرابيطك مسوي نفسه رجال

[ممنوع اللمس]

و الناس لو تموت تموت عادي قلعتهم :nice:

قمة الأنانية نتعلمها منك استاذنا الفاضل :nice:

في اسلوب ارقى فالحوار؟ شنو انانيه :)
لو حد شافني مسكر الدوار ياخذ رقم سيارتي ويروح يشتكي علي
سبحان الله دقيقه مادري علشان فرحة الرجال الكل عصب عليها
الدوارات تتسكر ربع ساعه ونص ساعه علشان موكب يمر او زحمه سيارات بسبب آسيوي والا اوروبي محد عارض عليها بس علشان قطري الكل اكله
الـلــــــــــــــــه يـــــــــــوٍفــــــــقـــــــــه والموضوع عآ’دي والأنآني يعرف نفسه

[لولوتي]

قطر501 جزاك الله خير

ممنوع اللمس

حبيب قلبي عبود صاحي من نومه توه وخشمه حالته حاله ((ينزف الولد وهو نايم))
عقب ما انظفه واريقه وافضى يمكن احاول اغير اسلوبي مقابل اسلوبك :)

[جرح الزمان]

في اسلوب ارقى فالحوار؟ شنو انانيه :)
لو حد شافني مسكر الدوار ياخذ رقم سيارتي ويروح يشتكي علي
سبحان الله دقيقه مادري علشان فرحة الرجال الكل عصب عليها
الدوارات تتسكر ربع ساعه ونص ساعه علشان موكب يمر او زحمه سيارات بسبب آسيوي والا اوروبي محد عارض عليها بس علشان قطري الكل اكله
الـلــــــــــــــــه يـــــــــــوٍفــــــــقـــــــــه والموضوع عآ’دي والأنآني يعرف نفسه

لو تتخيل الموقف لمجرد لحظه وتحط نفسك مكان الاخت

اكيد بتغير كلامك

زين منها انها قدرت تسوق ما شاء الله عليها

اخوك صار له نفس الموقف مع بنتي وما مداني امشي 200 متر من البيت الا جاني هبوط .... اللهم لك الحمد والشكر

والله يا خوي الموقف صعب


بارك الله فيك

[شبيــه الريح]

الله يعينج والله ومايشوف شر واكيد اللي سكر الدوار مايدري باللي يصير يعني ماتوقع حالات مستعجله لانها

كلها دقيقتين بس هالدقيقتين ممكن ارواح ناس تروح زلزال في دقيقتين ذبح عالم المهم زبدة الكلام

الدوار المفروض مايتسكر والمسيره يتسكر شارعين والثالث يخلونه مفتوح للناس

[مستر قطر]

ارجع واقول مستر قطر
اذا كان ولدك بو اربع سنين

8
8
8
بدال عبودي الله يحفظه ويبعد عنه كل شر

http://www.m6lob.net/download.php?imgf=m6lob12714603051.jpg (http://www.m6lob.net/download.php?imgf=m6lob12714603051.jpg)

و كان نور عينك وقلبك يسبح بدمه ومغرقك بدمه وينتفض في حضنك من الخوف ومن ما فيه

ماكنت تقول هالكلام



وجزاكم الله خير اجمعين على ردودكم ومشاركتكم اللي لي عوده لها في الصباح

وتصبحون على خير يا اهل الخير

حمد لله على سلامته وما يشوف شر ان شاء الله....
هذا شارع... يعني بتحصلي الي يتكلم تلفون :telephone: ولي قاعد يتاهوش مع واحد:anger1: ولي سيارته خربانه فنص الطريج.. ولي قاعد يطارد وحده الى يرقمه :telephone:
ولي موقف فالدوار ساعه يطلع الخرده عشان يشتري جريده .....
مالقيتي غير المعرس تحطين حرتج فيه.... هي ليله وحده فالعمر... وكلها الى (دقيقتين بالكثير )
وسعي صدرج :nice:

[مستر قطر]

بل بل بل اكلتو الناس بقشورهم؟
كلها دقيقه بالضبط او اقل يوقف تمر مسيرة العرس وخلاص
اهي فرحه ومره وحده بالعمر ومن حقه يشوف ربعه واصحابه واحبابه يمينه ويساره زافينه
شسالفه يعني لو وقف الدوار ثانيه؟ ما توقف الدنيا
انا اشوف ان الموضوع عادي واي حد يوقف فالدوار بطريقي علشان زفه عرس ما بقول لا بالعكس بقول الله يوفقه ويستر عليه
هذي مناسبه والموضوع عادي واقل من عادي...
اتمنى تقبل وجهة نظري يا اخوان :)

يعجبني تفكيرك .. وكبر عقلك :nice:

[أسير الأحلام]

السلام عليكم ورحمة الله وبركاته

بدون مقدمات :anger1:

بأي حق وعلى اي أساس اي شخص يجي يوقف في عرض الدوار ويقطع على الناس طريقها،،، عشان تمر مجموعة السيارات اللي معاه :anger1:

مجموعه عندها مناسبه اي ان كانت المناسبه هل مناسبتهم تعطيهم الحق ان اي احد منهم يعترض الطريج على الناس ويعطل مصالحهم:anger1: هل مناسبتهم أولى؟؟؟
ولا انا اللي عندي ولد اختي المصاب بالرعاف وأبي أوصل بأقرب وقت لمركز الطوارئ أولى؟؟؟

كل القهر حسيته من هذي المجموعه بصراحه كل القهر لدرجة القولون حسيته عندي خلاص بينفجر :(

تصرفهم بصراحه كان يبغي له دعوه من القلب و ان كنت انا ما دعيت عليهم غيري كان بيدعي عليهم،،، وساعتها ممكن ينقلب فرحهم لحزن الله اعلم به.


فيني حره عليهم من قلب بس اقول الله يهدينا ويهديهم


السلام عليكم ورحمة الله وبركاته .. وبعد ،،،

أول شي ما عليه شر أن شاء الله .. ياريت من الشباب الي عندهم مناسبات مثل الأعراس او الفوز في مباريات ا, كؤوس مراعاة بأنه قد يكون في تلك اللحظة الي انت قاعد تحتفل فيها شخص بين الحياة والموت قد تكون انت السبب في فقدانه حياته أو التسبب له بضرر اكبر لو تم التأخر في علاجه ..

المشكلة أنه الناس ما تراعي ظروف بعض ..
ظرفك مهم بالنسبة لك ومش مهم بالنسبة لي والعكس .. ما يجوز هالكلام ونتمنى هالتصرفات أن يتم تلافيها واترك مجال لغيرك بفتح المسار السريع او الأكتفاء بالأحتفال في مكان الحفل أو خارج المناطق المزدحمة ( الكورنيش على سبيل المثال ) راح يتسكر عن أخره في الأحتقال بأي فريق يفوز .. ما يصير الناس تتعطل علشان مشجعي فريق معين فاز

[ممنوع اللمس]

يعجبني تفكيرك .. وكبر عقلك :nice:

انت بكبرك تعجبني :nice:
والأمور طيبا وإحنا بخير :nice: