خرب علينا العزيمه وا منقذاه ....!!

[بوغانم995]

بدون أطاله عزمني صديق على مطعم الذي جنب فوشــن ... و في الساعه40 .8 مساءً تقريباً - وصلت المكان وصفيت خلف السيارات الوافقه أمام فوشنو . ودخلت المطعم و بعد فتره قال لي العامل في شرطي وضع مخالف على سيارتك بسبب الوقوف . فزيت من مكاني ووجدت المخالفة على الدريشه والسيارات التي كانت امامي اختفت . وسياره جاء اصحابها بعدي ووقفوا خلفي عليها مخالفه .
قلت لا حول ولا قوه ألا بالله وصفيت السياره في مكان ثاني ورجعت بنفس عافت الزاد مو بخل في تسديد المخالفه بس سببتلي ضيقه في نفسي و جاملت صديقي وهو يحاول ان يخفف عني وطلعنا تقريباً الساعه التاسعه والنصف وعند خروجنا من الموقف ....حدث ولا حرج يمكن اكثر من عشرين سياره واقفه و ملاصقه للرصيف الذي جنب المطاعم من وكالة السيارات الى محل ادوات الكوفير قبل التقاطع وسألة زميلي قائلاً له وين الذي خالفني ....بس عكر الجو علينا وذهب .... اهي مسألة مزاج ....او بس تخالف السيارات الواقفه بجنب الرصيف في ساعه معينه وبعد هذا الوقت لا يخالف احد ..... بعدين دائماً السيارات تقف في هذا الموقف لليلاً ونهاراً .. ياخي وأنته متجه من أشارات رمادا لجسر مدماك شوف على يمينك عند فوشن السيارات كلها بجنب الرصيف ...وبعدين لا توجد اشــرات ممنوع الوقوف .يمكن تخفف علينا هذه العباره ولا نقف .
انا تعمدت البارحه امر الساعه 8 المساء ووقفت في سيارتي بس اراقب الموقف ولا شرطه ولا يحزنون حتى الساعه التاسعه وكانت سيارات واقفه في نفس الموقف الذي اعطيت فيه مخالفه وحتى سيارات واقفه بعكس السير وحدث ولا حرج ....اكيد المسأله حظي ذاك اليوم........ وووبسسس

[sara_qatar]

بصراحه قهر قهر - انا مره صارتلي سالفه انقهرت عليها وايد وللحين - صج هالشرطه تحس يمكسون على اي وبساعه معينه بس وبعدين خلاص يصير كل شي فري


انا مره بس دخلت موقف معاقين بالغلط ماشفت اللافته واول ما شفتها طلعت على طول وبعدها اجيك بالموقع الا حسبيه الله عليه مسجلي مخالفه

مع انه كان وراي وشافني انه انتبهت على الافته وطلعت على طول

[روح الاطلس]

عاد هذا اكل عيشهم :) على كثر مايخالف الشرطي على كثر ماياخذ مكافأة :)

[جرح الزمان]

هاليومين شدين حيلهم

يوميا عند اشارات المناصير واشارات حياة بلازا

[طموحي عالي]

ذاك اليوم واحد عطانا مخالفه يقول صار لكم خمس دقايق واقفين اهنيه

وتخيلوا احنا ماصار لنا دقيقه وحده

وعطانا مخالفه

حتى لو كان هذا اكل عيشهم مايفكرون بالناس بروحه المعيشه غاليييييييه

[بـــــــنت النوخـّــــذه]

نصيحه مني لكم 000اي شرطي يخالفكم بدون (حق) نفس الحزه اتصلو على شخص من معارفكم في المرور وقولو له السالفه لان اذا الكل بيسكت على مخالفات بدون حق بتستوي السالفه لعبه 00000اهم شي بنفس الحزه قبل لاتسجل في المرور 000لان البعض ماخذها هوايه ولعبه من يصيد اكثر :secret:

[الأغر]

نصيحه مني لكم 000اي شرطي يخالفكم بدون (حق) نفس الحزه اتصلو على شخص من معارفكم في المرور وقولو له السالفه لان اذا الكل بيسكت على مخالفات بدون حق بتستوي السالفه لعبه 00000اهم شي بنفس الحزه قبل لاتسجل في المرور 000لان البعض ماخذها هوايه ولعبه من يصيد اكثر :secret:

صح الله لسانك واللي ما يعرف شيسوي؟:shy:

[شمعة الدوحه]

اكثر شي صوب الابراج الله لايراويك يتصيديون لهم هناك :tease:
وفعلا هي بالحظوظ
ياما ناس يصفون غلط ولا احد يمر عليهم ولايصيدهم
بس تعال انت وقف مره وقول ماظني حد يمر او يخالفني
ماترد الا المخالفه على السياره:(

[السندان]

الله يعينك

عاد يوم لقيت المخالفه كان خليت السياره مكانها مع المخالفه الين تخلص تروح تدور موقف بعد ليش

[بوحارب]

عاد هذا اكل عيشهم :) على كثر مايخالف الشرطي على كثر ماياخذ مكافأة :)

يقولون والعهده على ذمة الراوي

اي شرطي يجيب موتر للحجز يعطونه يومين اجازة :eek5:

[sara jsm]

بوغانم ,, اول شي عليكم بالعافية الاكل ,,
ووسع خاطرك ,, انا سمعت من مصدر في ادارة المرور ,,
انه تم افتتاح قسم للتظلمات والشكاوي للتواصل مع الجمهور في مرور مدينة خليفة ,,
ممكن تتاكدون من هالكلام على رقمهم : 4890699

وان شاءالله محد ينظلم بسبب استعراض بعض رجال المرور لعضلاتهم ,,
والله نسوا اهم شي ,, وهو توعية الجمهور قبل اعطاء المخالفة ,,
لو بدال حملات التوعية يعطون دورات تدريبيه للتعامل مع الجمهور والله بتخف المخالفات ,,
لان اغلب الشباب كانهم في تحدي مع ادارة المرور ,,
:shy: دشيت في سالفة ثانية انا ,,
السموحة ,, بس ان شاءالله محد ينظلم هالشكل ,,
يعطيك العافية اخوي

[بوغانم995]

مشكورين والله و هذه هي الشيمه والبخت فيكم ,مره اقول حق واحد من الربع يأخي وسع الصدر ...قال لــي الصدر تفتق ...والشكراً للتواصل لكم sara_qatar , روح الأطلس , جرح الزمان , تاجره مبتدئـه, بنت النوخذه , ALKIDO , شمعة الدوحه , السندان , بوحارب : خوش سندوح إلي في الصوره ...وبسسسس

[ســـهم]

الله يعينك

عاد يوم لقيت المخالفه كان خليت السياره مكانها مع المخالفه الين تخلص تروح تدور موقف بعد ليش

اوعى

انتبه

مره في شارع حمد الكبير واقف السياره على جنب وشغاله والطريق سالك يعني مش معرقل حركة السير شفت شرطي جاي مجهز الاستكر مادري يمكن مجهزه من اول الدوام

قلت له توني صاف والسياره شغاله قال " خذها " ... قلت ... " هاتها "

قال طيب طلع السياره قلت لا

ورحت اخلص شغلي وكلها 4 دقايق وهو واقف وصلت للسياره قال خذ الثانيه وهو يبتسم وكأنه مضيفة طيران

خذيتها طلعت المخالفه ( عدم الامتثال لاوامر رجال الشرطه )

فخلك على وحده ابرك من ثنتين :(

[بوخالد911]

شغالييين عدل هالايام

[khalid.qtr]

يعطيك العافية بوغانم ، ، ، مثل ماقالوا اخواني اللي قبل لو يعطونهم دورات في التعامل مع الجمهور أبرك آنا صادني موقف نرفزني كثير بس مسكت أعصابي.

آنا مره كنت في مجمع أسواق الغرافة كنت بالسيارة وبالمجمع في هناك صراف آلي كنت أبي أسحب من الصراف وجدامي سياره ووراي سيارات ثانيه يوم جا دوري رحت أسحب وطبعا كان الصراف بطيء شوي، وهذا غير السيارات الثانيه وراي ،،، إلا جايني شرطي يكلمني بإسلوب تعبان جداً وبصوت عالي جداً:

الشرطي : حرك حرك.
آنا : بس بطاقتي في الصراف.
الشرطي: آنا أقولك حرك أنت معطل السييد.
آنا : مو بيدي الصراف بطيء وبطاقتي داخل.
الشرطي : آنا أقولك حرك عشان ماتتخالف.

طبعاً كانوا معاي هلي طبعاً سويت إلغاء وطلعت البطاقة من الصراف وحركت بس كان ودي أنتظر وأعرف ايش بيسوي مع السيارات اللي وراي، بس هو جاني آنا وبعدها راح ماتم لأن هو كان مار ويوم شافني وقف كلمني وبعدها حرك، لأن إذا ثالث سيارات وقفت عند الصراف الآلي يسكر مدخل السوق، إذا الصراف امعطل الناس المفروض يشيلونه أو يقدم الشرطي تقرير بالشي اللي شافه، مو يكلم الناس بإسلوب تعبان وهم مالهم ذنب.

[بو خليفه 123]

لو بنتكلم بالمنطق .. ترا من حقه يخالفك لأنه هناك ممنوع الوقوف .

[بنت^البحرين1]

الله يعينك يابوغانم والله موقف يقهر وفعلا لو انا بعد بتنسد نفسي

[بوغانم995]

الله يعينك يابوغانم والله موقف يقهر وفعلا لو انا بعد بتنسد نفسي

ويعين مستخدمي المواقف التى لا توجد بها ارشادات مثل ممنوع الوقوف _ ويطبق القانون على الواقف _ اذ انه اذا لم توجد اشارت ممنوع التدخين فما ذنب المدخنين في هذا الموقف .. تسلمين على فزعتك ....وبسسسس