سعادة وزير البلديه ايش رايك بهالمنظر ؟؟ هل يمكن مقارنته بالبورت كابن

[مساهم قديم]

بما ان سعادة وزير البلديه اصدر قرار بازالة البورت كابن وذلك حرصا من سعادته على عدم تشويه المدن والقرى و ( حفاظا على المنظر العام) اتمنى الاطلاع على الصور المرفقه مع الموضوع لمحلات تجاريه تقع في منطقة محبوبه وجميله بطبيعتها وسكانها ..

الصور لمحلات تجاريه تقع بمنطقة روضة راشد تم استقلال المساحة امام المحلات وكذلك المساح خلف المحلات والادهى انه يتم العمل والتصنيع في المساحات الخارجيه وقد وصل المد لهذه المعروضات (للروض)

المستاجرين جميعهم ( بنقال) استقلو المحلات الاساسيه ( كسكن) واستخدمو الاراضي المجاوره وامام المحلات وخلفها ( لمصنوعاتهم) مما غير منظر المكان بل المنطقه بالكامل

عن الاطاله اقول الصور تكفي تعبيرا

والسؤال الاخير يا وزارة البلديه بدل اجتهاداتكم على ما ينفع ولايضر كالبورت كابن نلفت عنايتكم لما يظر ولا ينفع كهذه الضاهرة بالصور لمنطقة حيويه من مناطق قطر , ولا نصل لمقولة ( من برا الله الله ومن داخل يعلم الله)

[المهندس عبدالعزيز]

وماذا عن أبراج فودافون المشوهة للمنظر ايضا؟

[سهم سهم]

فيه ناس يطلق عليهم مفتشين بناء في البلديه وينهم عن هذي الحالات ؟؟؟؟

[مضاد]

وماذا عن أبراج فودافون المشوهة للمنظر ايضا؟


وماذا عن سكن العزاب في الاحياء السكنية ..!!!؟

[دلوليانوز]

حبتين ل راعي الموضوع..

[سداوي&مدريدي]

ناس وناس :telephone:

[وحيد-الشوق]

هم مايقدرون الا على المواطن المسكين :(

[روح الاطلس]

وماذا عن الكراكيب اللي قدام الحياة بلازا ؟؟ وهي على شارع رئيسي حيوي ومشوه للمنظر العام لو كان المنظر العام يهمهم :)

قطر كلها بر وصحراء وحصى وجايين يقولون لنا منظر عام !! اي منظر عام يبه لايكون زيلامسي وانا مدري

[الكونجرس]

وماذا وماذا وماذا،،،،،،،،،الخ
لا حياة لمن تنادي

[البدع]

الدولة صمتت كثيرا عن البورت كابين بسبب ازمة السكن والنقص الهائل

ولكن الازمة انحلت والسكن متوفر

والبورت كابن لم تتم ازالته الا ان اساء بعض الجشعيين استغلاله

تخيل ساكن في بيتك وجنبك بورت كابن في 6 عمال ... يدفعون اجار لصاحب البيت

[العلم الوكاد]

وماذا عن الكراكيب اللي قدام الحياة بلازا ؟؟ وهي على شارع رئيسي حيوي ومشوه للمنظر العام لو كان المنظر العام يهمهم :)

قطر كلها بر وصحراء وحصى وجايين يقولون لنا منظر عام !! اي منظر عام يبه لايكون زيلامسي وانا مدري

اي والله هذا اللي قاهرني

ولا عمري مريت مناك الا وافكر اشلون مخلينها

خاصة انها من غير المنظر البشع لاصقة بالشارع

وتشوفيهم مغسلين ملابسهم ومعلقينها بعد

[HIGHNESS]

والعزب والمزارع اللي جايبه الحشرات والروايح الكريهه متى بيشلونها من الفرجان:telephone:

[الوعد2016]

حبك لقطع الارزاق وش جاب ارض المحلات وما حولها لملك راعي المحلات الى ارصفة الدوله

[برق لمع]

كل شي له حد
لا ضرر ولا ضرار ...
صعبة الواحد حتى لو كان مسؤول والقرار بيده انه يحط راسه على المخدة وهو ظالم غيره ويكون سبب في قهرة ...وين بيتوفق هو ولا عياله .... يا سبحان الله
اذا دعتك قدرتك عى ظلم الناس ...فتذكر قدرة الله عليك
ما نقو ل الا حسبي الله ونعم الوكيل

[السندان]

فيه ناس متضررين من وجود البورت كابين في الاحياء السكنيه

وفيه ناس منتفعين من وجودها .. ورضا الناس غاية لاتدرك

تحياتي لك

[$$كلنا قطر$$]

وماذا عن الكراكيب اللي قدام الحياة بلازا ؟؟ وهي على شارع رئيسي حيوي ومشوه للمنظر العام لو كان المنظر العام يهمهم :)

قطر كلها بر وصحراء وحصى وجايين يقولون لنا منظر عام !! اي منظر عام يبه لايكون زيلامسي وانا مدري

??
عرفنا انك تعرف زيلامسي
بس هذي بلادك مب حلوه فحقك انك تطنز عليها

[غناتي1]

جنوا على عيالنا اللي مستانسين ببدء رجولتهم -- وان لهم مجلس خاص فيهم

وهو عباره عن خيمة امام بيت اهلهم --

فأزااااااااااااااااااااااااااااااااااااااااااااااا ااااالوها

[basma222]

وماذا عن سكن العزاب في الاحياء السكنية ..!!!؟
والعزاب يوم الجمعه والخميس والسبت في الحديقة في الفريج يلعبون كرة ومكتوب حديقة للعائلات في الشارع نايم على الحشيش او فوق السطح بالبنطلون بس ينظر على بنات الفريج في بيوتهم

[أستاندر]

وماذا عن أبراج فودافون المشوهة للمنظر ايضا؟

وماذا عن ابراج كوتيل اللي فوق سطوح البيوت ماشاء الله منظرها وايد حلو .

[waseet]

حتى الصناعيه اعتقد ماتلاقي هالفوضى الي بالصور

[مساهم قديم]

حبك لقطع الارزاق وش جاب ارض المحلات وما حولها لملك راعي المحلات الى ارصفة الدوله


ياليت توضح قصدك

[qatari 111]

الدولة صمتت كثيرا عن البورت كابين بسبب ازمة السكن والنقص الهائل

ولكن الازمة انحلت والسكن متوفر

والبورت كابن لم تتم ازالته الا ان اساء بعض الجشعيين استغلاله

تخيل ساكن في بيتك وجنبك بورت كابن في 6 عمال ... يدفعون اجار لصاحب البيت


والله انك صادق اخوي وهذا قدام بيتنا يمكن حول 10 ساكنين فيها
والله يستر على اهلنا
الصراحه في بعض الناس عنده حوشش طول وعرض وحاط البورتكبن خارج البيت يا أخي حطه داخل الحوش وافتحله باب من برع والامور طيبه

[ممنوع اللمس]

وش يبونا نسوي؟ نحط البورت كابن داخل البيت والله وش صار مستحيل ادخله داخل البيت
الوزير يوم انه سوي هالقرار ما فكر اننا عرب ومسلمين ومانرضى حد غريب يدخل البيت ويسير كأنه عايش بينا؟
الموقع روضة راشد للي يبي يعرف هذي صورة لمجمع روضة راشد
بيت شعبي جنبنا يبي يأجره راعيه على عزاب
قلت لمدير الشركه لو اجرتو هنا وماطلعتو بالطيب قسم بالله تطلعون غصب... ماعجبه الكلام الزلـ...؟
هذا اللي ناقص

[الوجيه]

مفتشين البلديه نايمين بالعسل ومنهم الي يسافر شهر وهو على راس عمله .....
واي عمل تبيه ينجز والمرور على المناطق المخصصه للمفتش ...

وتقبل مروري

[مستر قطر]

انا واحد من الناس الي مؤيد وبشده قرار ازالة البورت كابن والطبيلات الي في الرفرجان مشوه المكان وبالنسبه للصور انا اشوف ان مافيه مقارنه.... الصوره في مكان تجاري محلات تجاريه وحداد يعني وين بيحط الاغراض هذي كلها داخل المحل شي مايدش المخ ....

[قطري !]

ياليت الوزير ياخذ لفه في السد .. ويشوف الفوضى ..




ولا مايقدر؟؟؟

[برق لمع]

والله انك صادق اخوي وهذا قدام بيتنا يمكن حول 10 ساكنين فيها
والله يستر على اهلنا
الصراحه في بعض الناس عنده حوشش طول وعرض وحاط البورتكبن خارج البيت يا أخي حطه داخل الحوش وافتحله باب من برع والامور طيبه


في اقتراح سهل جدا
وهو عدم السماح لتاجير البورت كابين للعمال
وكان الله غفور رحيم ...لكن الدريول اللي نافع الاسرة والعيال وين يروووووووووووووووح
في بيوت وايد ماعندهم مترين بحوشهم وين يروح دريولهم ردوا علي يا جماعة الخير

[مساهم قديم]

شكرا لكل المتداخلين .... بس الحديث عن الصور المرفقة وهمجية الوضع بعيد عن اعين مراقبي النظافة والرخص التجاريه والبلديه بمجملها ؟