معاناة الملاك مع القانون القطري

[GRNAS2002]

السلام عليكم ورحمة الله وبركاته

اخواني حبيت انزل هذا الموضوع علشان كل واحد يبدي رايه ومشورته او تجربته علشان تعم الفايده
بنسبه لي اناخذيت قرض واشتريت عقار واجرته علشان يساعدني من بعد الله واحسن من مستواي المعيشي
بس تعرفون المثل الي يقول يامن شراله من حلاله عله هذا المثل شفته شوف العين
جاني واحد يبي يأجر عقاري وسويت انا وياه عقد وكتبت في العقد كل الشروط الي تضمن حقي وحقه ووقعنا على العقد وعطاني شيكات لمدة العقد ورحت وصدقت العقد من مكتب تصديق عقود الأيجارات وطبعن خذو الرسوم الي والله ماادري بأي حق جابرينا عليها وكأنها عمولة مكتب عقارات
وانتظم الرجال اول ثلاثة اشهر وبعدها ماعاد دفع مدة ثلاثة اشهر وهو يتعذر رحت للجنة فض المنازعات علشان يا يدفع يا يطلع علشان اقدر اصرف اموري وهذا سادس شهر لي معاهم ولا خلصنا وكنهم يقولون نبيك تغني معانا الأغنيه المشهوره ييييييياليييييييل ما اطولك
الخلاصه:
1- اذا كان الشيك الي ماله رصيد ما يعاقب عليه القانون ذيك العقوبه الرادعه الي تخلي الواحد يعمل الف حساب قبل لا يوقعه ايش البديل له علشان الواحد يضمن حقه
2- ايش فايدة مكتب تصديق العقود دام انه ما يضمن حقوق الملاك وليش هذي العموله الي هي 1% ليش ما تكون قيمه رمزيه مثل باقي الوزارات
3- انا لما البنك الي انا مقترض منه باع عقاري لعدم تسديدي بسبة المده الطويله الي اقضيها في المحاكم علشان ااخذ حقي من الي بيرجعلي حقي من البنك
4- في قطر قانون عجيب يحدونك حد انك تاخذ حقك بيدك بسبة طول المده علشان يصيرالحق عليك

نشوف ارائكم وردودكم الكريمه
ودمتم

[شموخ دائم]

,

,


الله يعطيك العافيه اخوي الكريم

من اجمل المواضيع الي شفتها اليوم

اخوي الكريم

كل شغله ولها متاعبها وانت اخترت العقارات كـ مصدر رزق لك والله يوفقك

والعقارات مشكلتها الرئيسيه ان لا يلتزم الساكن بالايجار


وهذه مشكله طبيعيه في العقارات للاسف البعض لا يلتزم بمسئوليه وربما تحصل ظروف غير متوقعه له كـ خساره تجارته او فقدانه لوظيفته ومصدر رزقه

المشاكل تحدث وهذه سنه الحياه ولكن سرعه حل المشكله هو المطلوب من اللجنه

لجنة فض المنازعات بصراحه احسن من الذهاب للمحكمه لان جربنا الطريقتين

اخلاء المنزل هو الشي المهم بهذه الحاله عليك طلب الاخلاء من الساكن

في المحكمه الامور توقيتها اطول

والله يكون بعون اصحاب العقارات هذه الايام لتعثر شركات كثيره وايضا تقليص العماله والموظفين في شركات كثيره وبالتالي ظهور مشاكل في التسديد

وبالتالي يشكل ضغط على اصحاب العقارات الي ما زالوا يسددون للبنك

وهي مثلث

المالك
البنك
المستأجر

تعثر طرف يضر الاطراف جميعها

المطلوب من اللجنه حسم المشكله واخلاء المنزل في 3 شهور على اقصى تقدير

اعتقد فتره كافيه حتى المستأجر يدبر نفسه في سكن أخر

وبالتالي سرعه اعاده تأجير المنزل ويخف الضغط على المالك

رأي شخصي

لماذا لا تضع لجنه فض المنازعات اسماء المتعثرين بالتسديد ( افراد او شركات )
في بلاك لست بالكمبيوتر
لان هناك من ينتقل من المنزل الى منزل اخر ويعمل نفس المشكله مع مالك جديد
والملك الجديد لا يعرف انه هذا الشخص مطرود من احد المنازل

وبذالك نخفف المشاكل ونقدم خدمه لاصحاب العقارات ونحذرهم من الاشخاص المتعثرين

لان اللجنه تاخذ 1% عموله على الاقل يكون مقابل خدمات نقدمها للملاك

اخوي الكريم

يامن شراله من حلاله عله

ياريت اخوي نطول بالنا ونوسع صدورنا الدخول الى سوق العقارات والتجاره بشكل عام

لها متاعبها وفيها بركه وباذن الله بركتها اكبر من متاعبها وتأكد ان غيرك يتمنى يكون عنده عقار

:)

المصاعب في التجاره

مثل المضادات الحيويه بالطب راح تزيدك خبره وتعطيك مناعه وما تتكرر عليك المشكله
المرات القادمه راح تختار الساكن بعنايه وحذر وراح تطلب ضمانات كافيه

الله يبارك لك

والله يعين الجميع

والله يوفق


,

,



اخوك



شموخ دائم

[barod]

في راي لازم توكل محامي واول شي تطلبه الاخلاء وذلك لعدم دفع الايجار ولما يتم الاخلاء تبدا في المطالبه بالمبلغ الي عليه والله يعينك

[وارث العز]

اخوي جريمة الشيك بدون رصيد مش سهله فيها 3 سنوات سجن .بس انت لا تخاف البلد فيها

قانون الرجال الي ماله رصيد وين بيروح اخرتها بيصدر عليه حكم وبسجنونة و بييك اترجاك يسوي تسوية اذا وافقت طبعا.

اما اللجنة انت خذ اول شي فسخ عقد و اخلاء واستلم بيتك .وبالنسبة لللاجار الي ما اندفع

المحكمة بتجيبة لك بالقانون ..انت حاط رجل على رجل بس يبيلة شوية وقت .

[النهار]

الله يعينك

[GRNAS2002]

اخوي شموخ دائم
اشكرك على ردك ألأكثر من رائع والله وعجبتني فكرتك
(لماذا لا تضع لجنه فض المنازعات اسماء المتعثرين بالتسديد ( افراد او شركات )
في بلاك لست بالكمبيوتر
لان هناك من ينتقل من المنزل الى منزل اخر ويعمل نفس المشكله مع مالك جديد
والملك الجديد لا يعرف انه هذا الشخص مطرود من احد المنازل )
وعلى فكره هي مطبقه في عدة دول بس اجنبيه وكان فيه بعد مبلغ ينرهن عند هذي الأداره بقيمة شهر ونص يرجع للمستأجر عند أخلأه العقار مش مثل عندنا بس يبغون ياخذون عموله على الخالي بلاش

[GRNAS2002]

في راي لازم توكل محامي واول شي تطلبه الاخلاء وذلك لعدم دفع الايجار ولما يتم الاخلاء تبدا في المطالبه بالمبلغ الي عليه والله يعينك

هلا اخوي barod
هههههههههههههه اخوي رحت وقالي باخذ عليك اتعاب 20000 عشرين الف
يعني عمولة المكتب + عمولة مكتب تصديق العقود+ 20000 = خراب بيوت مستعجل

[GRNAS2002]

اخوي وارث العز الله ياجعلك ما تجرب روحة المحاكم
ياخوي تقول قانون ياخوي تدري دريولك الي عندك في البيت يقدر يطلع دفتر شيكات ويشخط الدفتر كامل قبل لا يسافر وياكثر ما سوها السوريين وجنسيات ثانيه وانا صارت لي سالفه من قبل كنت اطالب واحد 160 الف وقعدت وياه سنتين هو موكل محامي وانا موكل محامي واخرها دفع 80 الف والباقي اقصاد 800 ريال كل شهر
هههههههههههههههههههههههههه
هههههههههههههه
اتقول بيجيني يترجاني علشان اتنازل هذي فيها سجن ثلاث سنين
هههههههههههههههههههههههه
ياخوي والله انا وشوي واترجاه يخلصني ياخوي هو كان عارف بقانونا عدل وجاني وقال ترى بتتعب في المحاكم وبطول واخرشي بتاخذ فلوسك بلقطاره والللللللللللللللللللللله صدق
ياخوي اي قانون تكلم عنه قانون تشوف حقوقك تروح ولاتقدر تسوي شي لأنك تحترم القانون وهم مستغلينه عدل & اجازة محاكم 3 شهور تقول شهور عده ناس تموت ولا بعد خذت حقوقها
الله المستعان
وشاكرلك اخوي وارث العز على ردك

[العون]

جزاكم الله خيرا على الموضوع

[mubarak2000]

الشيك هل ودية للشرطة ومالة قيمة

[GRNAS2002]

الشيك هل ودية للشرطة ومالة قيمة


هلا اخوي مبارك2000 انا وديته الشرطه بس بيقعد له فترة شهر عندهم وبعدين يودونه النيابه
النيابه بتستدعيه ثلاث مرات بين كل استدعاء شهر طبعن هو راح يطنش
النيابه بتحوله على المحكمه والمحكمه بتستدعيه ثلاث مرات طبعن بين كل استدعاء شهر
اذا حضر راح يطلب الأطلاع على القضيه وتوكيل محامي و بيأجلون القضيه شهر
لما يجي موعد القضيه ويقدم محامي الخصم المذكره طبعن انت تبي تطلع وترد على مذكرة الخصم بتئجل بعد شهر
لماتجيب المذكره الي ترد فيها على الخصم وتسلمها للقاضي راح يئجلها شهر للقرار
لما يجي القرار............................................ .............................

والله طول السالفه اخوي وهذا كله علشان ما فيه قانون رادع
لأن من امن العقوبه اساء الأدب وعطاه فرصه ياكل اموال الناس بلباطل
والله اني شفت ناس تنازل عن حقوقهم علشان بس يخلصون من وجع الراس

هههههههههههههههههههههههههههه
اليوم شفت واحد في المحكمه موكلينه الورثه يتابع قضيتهم بعد ماتوفى ابوهم الله يرحمه وهو يطارد في المحاكم
والله ان شر البليه ما يضحك
خلاصة السالفه اخوي مبارك2000 ان علشان شيك واحد يبغيلك من سنتين وحولها هذا اذا ما قصدو المبلغ عليك وعطوك اياه بلقطاره
ياخوي قوانينا حاطينها اجانب ماتفيد ألا ألاجنبي والله لو في بلادهم كان انت مسجون في نفس الوقت يا تدفع يا تنسجن

تقولي الشيك ماله قيمه نعم في بلادنا ماله قيمه واذا له قيمه ماتجيك الى بطلوع الروح
طبعن بتكون محضوض اذا خلال هذي الفتره ما صادفت اجازة القضاه الي هي ثلاث شهور

[اهل قطر]

هههه
الله يعينك
واحد راح المحكمه والمستاجر ما دفع مع النظام القديم وقف قدام القاضي قال له القاضي ما عندك رحمه سامحه
وهو من بيسامحه في حلاله