الى متى البرامج السخيفه ياتلفزيون قطر؟؟؟؟

[شبعان]

ياجماعه شنهو الحل مع تفزيون قطر؟؟
معظم البرامج في الدوره الجديده سخيفه !! وانا اعتبر هالبرامج اهدار للمال العام لان هالبرامج تكلف مئات الالاف بدون اي فايده تذكر للمواطن او حتى لتحسين صورة قطر في الخارج!!
وين البرامج اللي تناقش مشاكل المواطنين؟؟ولا يكمن خلاص ماعندنا اي مشاكل!!
مر اكثر من سنه على انشاء المؤسسه القطريه للاعلام وكان الهدف الرئيسي من انشاء المؤسسه هو تطوير الاعلام القطري المحلي ولكن للاسف ماشفنا اي تطوير!!
الحمد لله ان قطر تتطورت بشكل كبير في كل المجالات خلال العشر سنوات الاخيره ماعدا مجال الاعلام المرئي المحلي.
اعتقد ان السبب في هذا التخلف الاعلامي هو عدم وجود الشخص المناسب في المكان المناسب في تلفزيون قطر مع ان هناك الكثير من القطريين الحاصلين على الدكتوراه في الاعلام ليش مايتم الاستفاده منهم في تطوير تلفزيون قطر؟؟
انا اعتقد انه لو تم عمل استفتاء بين المشاهدين عن افضل قناه حكوميه خليجيه فأن تلفزيون قطر سوف يحتل المرتبه الاخيره..

[Sharshooooor]

والله بالصدفة حطيت الحين على تلفزيون قطر وشفت برنامج مجمعين شباب وبنات ومودينهم رحلة شوي

مادري يعني لهالدرجة تدنى مستوى تلفزيون قطر يعني قلت البرامج

عالاقل حطوا برامج دينية بدل المصخرة اللي عندكم

[روح الاطلس]

بلفيت يعلمون الشباب على تراث قطر !

ولا المذيع ولا المذيعة مناسبين للبرنامج الله يهديهم
وترا طالبين مذيعين ومذيعات قطريين للبرنامج يعني الباب مفتوح للي يحب ينضم لهم :)

[تحداني]

.. وعليه على تلفزيون قطر ..
ايامها ما كان عندنا الا هالقناه
... واذكر قناه مصر كانت تطلع عندنا بالأريل .. ما اعرف اشلون :)

.
.


لنعد لمحور الحديث .. اخواني الافاضل
معظم القنوات المحليه الرئيسيه في اي دوله
.. تكون مخرجاتها ضعيفه..
وتخلو من الجوده العاليه
... وقد يكون السبب .. ان هناك حدود مرسومه لهم
وامكانيه الانتاج لا تكون بتلك الامكانيات العاليه في القنوات الفضائيه ..
وجوده الافكار .. ونوعيه المذيعين ليس بذاك المستوى
فالحال مزري لدى الجميع ..
.
.


ما اعتقد اليوم نسبه مشاهده الناس للتلفزيون عاليه .
اصبحنا نركض وراء الوقت والوقت يركض وراءنا .


.
.
جملكم الله برضى الرحمن

[فطومه999]

والله صدق اخوي شبعان
مانحط على قنات قطر من سخافتها الا يوم الجمعه عشان الخطبه
ولا مافيه شي عدل

[رجل الجزيرة]

.. وعليه على تلفزيون قطر ..
ايامها ما كان عندنا الا هالقناه
... واذكر قناه مصر كانت تطلع عندنا بالأريل .. ما اعرف اشلون :)

.
.


لنعد لمحور الحديث .. اخواني الافاضل
معظم القنوات المحليه الرئيسيه في اي دوله
.. تكون مخرجاتها ضعيفه..
وتخلو من الجوده العاليه
... وقد يكون السبب .. ان هناك حدود مرسومه لهم
وامكانيه الانتاج لا تكون بتلك الامكانيات العاليه في القنوات الفضائيه ..
وجوده الافكار .. ونوعيه المذيعين ليس بذاك المستوى
فالحال مزري لدى الجميع ..
.
.


ما اعتقد اليوم نسبه مشاهده الناس للتلفزيون عاليه .
اصبحنا نركض وراء الوقت والوقت يركض وراءنا .


.
.
جملكم الله برضى الرحمن

خاطري تقول لي شلون إطلع قناة مصرية بالأريل، الصراحة عاد هذي قوية.

[ANONYMOUS]

انا صرت مدمن قناة براعم والجزيره للاطفال و اجيال ... الخ :cry:

[تحداني]

خاطري تقول لي شلون إطلع قناة مصرية بالأريل، الصراحة عاد هذي قوية.



.. والله العظيم كانت تطلع عندنا ..
:)


عاد في الليل اصفى من النهار
.. ولما الدنيا اتكون امرطبه اصفى واصفى .. وكانت تطلع عندنا بعد قناه عجمان .. والشارقه وبوظبي ..
بس مصر ما اعرف اشلون .. :)

.
.
.
اريلنا كان قوي وعجيب


راحت ذيك الايام

[المغروره]

بصراااحه في اكفاااااااااء لكن في ناس ماتعرف تدير الاداره عدل
تحياتي لك

[تحداني]

انا صرت مدمن قناة براعم والجزيره للاطفال و اجيال ... الخ :cry:



.
.
البراعم " مو لين اهناك "
بس " الجزيره للأطفال " فضيعه " بس لو يغيرون هالمذيعين .. خثونا
بس ما عليها كلام

.
.


اهتماماتك فضيعه ما شاء الله عليك
اهم شئ قناه قطر خارج الاهتمامات ..

[إينشتاين]

.. والله العظيم كانت تطلع عندنا ..
:)


عاد في الليل اصفى من النهار
.. ولما الدنيا اتكون امرطبه اصفى واصفى .. وكانت تطلع عندنا بعد قناه عجمان .. والشارقه وبوظبي ..
بس مصر ما اعرف اشلون .. :)

.
.
.
اريلنا كان قوي وعجيب


راحت ذيك الايام



صحيح قناة مصر وقنوات اخرى كان يتم نقلها عن طريق تلفزيون البحرين ويتم التقاطها بالأريل العادي

[بـــــــنت النوخـّــــذه]

والله بالصدفة حطيت الحين على تلفزيون قطر وشفت برنامج مجمعين شباب وبنات ومودينهم رحلة شوي

مادري يعني لهالدرجة تدنى مستوى تلفزيون قطر يعني قلت البرامج

عالاقل حطوا برامج دينية بدل المصخرة اللي عندكم

صح 000وانا استغربت حاطين مذيع لايمثل بزيه قطر ومذيعه اللهم لك الحمد حسبالهم هالقذله لي اطلعت تطور :)


صراحه برنامج مادري شالهدف منه ولا شالهدف من ان البنات والشباب الي يبغون يروحون رحلات يدزون ايميلاتهم وارقامهم عشان ينظمّون للشله اثناء الرحله 0000يابلفيت برامج شبابيه 000 والله مشكله مجتمعنا انهم فاهمين التطور غلط هذي المشكله :secret:


نتتظر تطور وبرامج هادفه يا تلفزيون قطر ^____^ ومذيعين ان كانو قطريين ف يفضل يمثلون قطر افضل تمثيل بالعراقه والاصاله واللباقه والحديث والتقديم والمضمون في البرامج

[تحداني]

صحيح قناة مصر وقنوات اخرى كان يتم نقلها عن طريق تلفزيون البحرين ويتم التقاطها بالأريل العادي




:dance:dance

هي هي طلعت براءه .. :) .. انا اقول لهم هم يقولون قويه ..
شفتوا .. صدقتوا ..
انا كم مره اقول لكم مستحيل " تحداني الزمن " تكتب شئ غير متأكده منه ..
بس انتوا الله يهداكم ما تقتنعون ..
.
.

.
.

:oops:
عذرا لصاحب الموضوع

[ANONYMOUS]

.
.
البراعم " مو لين اهناك "
بس " الجزيره للأطفال " فضيعه " بس لو يغيرون هالمذيعين .. خثونا
بس ما عليها كلام

.
.


اهتماماتك فضيعه ما شاء الله عليك
اهم شئ قناه قطر خارج الاهتمامات ..


مجبرا لابطل

اكبر تحيه حق عنبر من هالمنبر

الووووو مرحبباااااا

http://q-ro7.net/up//uploads/images/q-ro7.net-ec1576d62e.jpg


وبخصوص تلفزيون قطر مادري عنه الا عقب صلاة الجمعه

[البدع]

انا بس في رمضان عشان المدفع

[المها قطر]

توكم تدرون ان تلفزيون قطر اسخف وامصخ تلفزيون في منطقة الخليج
انتوا شوفوا الافلام العربية الاباحية الوصخة اللي يحطونها ومقاطع تفشل الله يلوع كبدهم
من زمان وتلفزيون قطر ماصخ وبايخ من عقب ما ذهب عنة الناس الكفاءة
وين ذهبية الجابي
وين عبدالعزيز السيد
وين محمد المطوع وغيرهم
وغيرهم من المذيعين الخبرة اللي يسوون برامج علمية وثقافية تفيد الاسرة والكل يتشرف ويرفع راسة ان هذا تلفزيون قطر ...قبل كان احسن تلفزيون في المنطقة ...الان اصبح تلفزيون منحط واباحي من يوم ما اشرف علية طوني وبول وسركيس وطختهم ..حسبي الله ونعم الوكيل
من زمان ما نشوف تلفزيون قطر المنحط لان يفسد الاخلاق ويزيد الفتن وقلة الادب ونحاول نشفرة حتى لا يفسد اخلاق اهل البيت
وين الندوات اللي نسمعها من المسؤولين والمؤتمرات (عينك امانة) وغيرها
ليش في مكان تنصحون النشىء على العفة وفي التلفزيون تنسفون كل اللي بنيتوة
انا لله وانا الية راجعون

[مساهم فنان]

والله بالصدفة حطيت الحين على تلفزيون قطر وشفت برنامج مجمعين شباب وبنات ومودينهم رحلة شوي

مادري يعني لهالدرجة تدنى مستوى تلفزيون قطر يعني قلت البرامج

عالاقل حطوا برامج دينية بدل المصخرة اللي عندكم

وأنا شفت بالصدفة هذا البرنامج السخيف والأسخف إنهم ماخذين البنات في رحلة لمزرعة .. ولكن هذي الرحلة فيها شباب مثل مذيع البرنامج ....
برنامج لا قيمة له .

[خالد القطري]

وجوده والعدم واحد !

[بريكان]

اقترح ع ادارة قناة قطر اخذ دورات في تلفزيون الشارقة الي بصراحة نفتخر بوجود مثل هالقناة في الخليج وبصراحة اعتبر هالقناة رائدة القنوات الخليجية من ناحية البرامج الهادفة

[بوخالد911]

نبييهم يتطوروون

[الأصيلة]

تلفزيون قطر يحتاج إلى ترتيب اوراق وإعادة تأهيل...
فإنه متاخر جدا باختيار برامجه التافهه المملة...
ما فيه إبداع ولا ابتكار...
برامج روتينية وأفكار قديمة مغبرة...
الناس وين الحين وهم وين ؟ يروحون على ورى بدل ما يتقدمون للأمام...
يحتاج إلى تغير الدماء في الكادر الإداري وأختيار مبدعين من ذوي الأفكار المتطورة في إنتاج البرامج...
ويركزون على حاجات المجتمع وتوجهات البلد ...
الله يذكرك بالخير ياذهبية جابي...

[قطر501]

ليش تلفزيون قطر لحد الحين موجود خخخخخخخ

[الوجبه]

(ام ضروس) مخربه التلفزيون مع برامجها .. من جات والتلفزيون للاسوء

[OTOsan]

الاستياء العام من تلفزيون قطر وبرامجه لم يظهر الا بعد انتشار (الدش) بجيمع مافيه من قنوات ،
ولذلك ربما كان تلفزيون قطر جيدا في السابق لانه لم تكن هناك مقارنة بينه وبين تلفزيونات اخرى في ذلك الوقت !!


يمدحون ابوظبي ناشونال جيوغرافك

[دلوليانوز]

اشتغلت بالتلفزيون شهر..وعشت الوضع المر..


لا بد من تغيير الاداره بالكامل...
وتجديد الكوادر بالشباب..فقط
امثال محمد سعدون الكواري

[حقيقه]

(ام ضروس) مخربه التلفزيون مع برامجها .. من جات والتلفزيون للاسوء


من ام ضروس ؟؟

[البيان]

صدقتك الله يرحم اعلامنا - في ناس اكفاء ومختصين في الاعلام مثل الدكتور : ربيعه صباح الكواري المفروض يستفيدون منه.

[شيزكيك]

من ام ضروس ؟؟

:con2:

[وحيد-الشوق]

اسخف قناة شفتها

لا مذيعين ولابرامج عدله

كل شيء فيها بايخ

[الشمريه]

بدل ماكل واحد فينا يحط انتقادته وتعليقاته الي المفروض ماتنقال

كل واحد فينا يحط نوع البرامج الي يفضلها

كل واحد يرسم خطه برنامج مسلسل افلام

يمكن الكوادر الي هناك مو عارفه ذوق المشاهده هذا مايمنع ان نحن ننورهم

هم يشوفون انهم قايمين بالواجب بينما الشارع العام رافض هذه البرامج

حل المشكله ماتجي بالتعليقات وهالكلام حل المشكله من الجذور

[noony]

بدل ماكل واحد فينا يحط انتقادته وتعليقاته الي المفروض ماتنقال

كل واحد فينا يحط نوع البرامج الي يفضلها

كل واحد يرسم خطه برنامج مسلسل افلام

يمكن الكوادر الي هناك مو عارفه ذوق المشاهده هذا مايمنع ان نحن ننورهم

هم يشوفون انهم قايمين بالواجب بينما الشارع العام رافض هذه البرامج

حل المشكله ماتجي بالتعليقات وهالكلام حل المشكله من الجذور

معاج حق