+++ افتتاح قسم للتظلمات والشكاوي بادارة المرور للتواصل مع الجمهور +++

[jajassim]

السلام عليكم ورحمة الله وبركاته


تم افتتاح قسم للتظلمات والشكاوي بإدارة المرور للتواصل مع الجمهور وجزاهم الله خير


اخواني واخواتي يعطيكم الف عافيه قامت ادارة المرور بعمل مكتب خاص للتظلمات والشكاوي في مدينة خليفه بقسم المخالفات اي شخص يحس انه انظلم من مخالفه او شكوى يراجع القسم


وبارك الله فيكم جميعااااااااااااا



اخوكم

مروري


((( منقول ))) :omen2:

[saranay1]

مافي رقم معلن
يكفينا عن الحضور وسط الرجاجيل ومظيعة الوقت في هالزحمة

[بوخالد911]

خطوةة مووفقة


والله يعيينهم

[بوحارب]

خبر حلو

تسلم يالجسمي :)

[الوعد2016]

اول رساله لهم لماذا اخفاء الرادار
والثانيه تعديل سرعة بعض الشوارع
والثالثه هي اذا كان شرطي بيخاف يجب عليه التنبيه ويعطي المخالف فرصه او المخالفه تكون مباشره ويبلغه بذالك مش يمشي وبعدين تنزل في السيستم
الرابعه تعديل اسعار المخالفات
الخامسه هي المخالفات عند الاشارات الضوئيه اذا كان اتجاه يسير والاخر متوقف وعند الغلط تحرك الشخص لمترين تحسب مخالفه لانه رجع للخلف يعني يتسبب في حادث ولا يتخالف ولا يعفى
والكثير الكثير
ومنها عدم وجود لوحات ارشاديه بالرادار والسرعه واي علامه مروريه في كثير من الطرق

[هذلان]

الشكوى لغير الله مذله


اتمنى يكون قرار الغرض منه مصلحه كل من المرور و السائق و ليس الدعايه

[جرح الزمان]

يعطيهم العافيه

بس في ظل التقنيه المفروض يكون التظلم الكتروني عبر الانترنت او رساله sms أو بواسطة الاتصال هاتفياً

جزاك الله خير أخوي جاسم

[برشلوني قطر]

مشكور اخوي جاسم ع النقل

[alsahm 12]

جميل ورائع هذه الخطوه من إدارة المرور ...

[hamoor4ever]

بس ياليت يسوون ايميل شكاوي معاه لان حضور الشخص بروحه مشكله فيها طلعه دوام ومشوار وزحمه

[رفيعة الشآن]

جزاك الله خير على النقل اخوي وماقصرت

ان شاء الله الناس تستفيد من هالخدمه وتوصل لحل مشاكلها مع المرور

[راعي ال VXR]

يعني اللي انظلم سابقا بمخالفه راح يرجعون له قيمة المخالفه .....؟




وجزاهم الله الف خير خطوه موفقه

[الوعد2016]

ياليت يرد احد من القسم المذكور على برنامج وطني الحبيب صباح الخير وكل مره يطلبوا بحد يرد على الاسئله ومحد رد وخاصه اليوم كثيره الشكاوي

[مطيع الله]

نطالب برد أموالنا التي سرقها المرور

يا ليت يسوون فيها فايدة
المشكلة يشترون فيها أجهزة جديدة
يعني من جيب المواطن لجيب التاجر

وعاش التاجر
وعاش التاجر
كم مرة خالفني التاجر
كم مرة خالفني التاجر
افلوسي ما خذها مني
هذا ما هو طبع التاجر
التاجر ياخذ بالقانون
والقانون يحمي التاجر

في كل شارع يوجد تاجر
في كل شارع له سكين
وفي كل شارع له مقصلة
يدخلها المواطن غافل
ويلطع منها ينزف دمه

عاش التاجر عاش التاجر عاش التاجر

[بويوسف]

رسالتي لهم ارحموا من في الارض يرحمكم من في السماء .. مب طالعين لنا على مخالفات وتصيد في الناس تراها خمسمية ريال مب شي بسيط ..

التقاطع اللي من صوب النادي الاهلي يصيدون الناس ويقولون لهم تجاوز مع العلم ان الناس تكون جاية من داخل الفريج لي الشارع .. اي تجاوز االله يهداكم !!

اقول حق الشرطي انه مش متجاوز السيارات انه حاي من التقاطع وبدخل الشارع يقول لي اي ادري .. ويصكني بمخالفة 500 ريال .. انتوا مفكرين ال500 ريال نص ريال ؟ ترى في ناس على الله وعلى الراتب ..

[هدهد سليمان]

اهم شي يكون جاسم هو المسؤول عن هالتظلمات :)

[jajassim]

اهم شي يكون جاسم هو المسؤول عن هالتظلمات :)

:looking:

[هدهد سليمان]

:looking:

قد ابوها .. :nice: :telephone:

[G0LD]

خطوه جميله جدااااا

لكن نتمنى بأن ينظرون للشكوى بعين الإعتبار وليس فقط النظر اليها ومن ثم الي سلة المهملات !!


لاهنت اخو جا جاسم :)

[باراكودا]

نقلة نوعية تشكر عليها أدارة المرور
تسلم على الخبر ياخوي جاسم .

[هذلان]

خل يسجلون اول شكوى قبل لا يفتحون المكتب .

الشكوى هي :

اطالب كمواطن يحب وطنة بأن يرتقي رجال المرور و ان يكونوا بمستوى شعار الدولة الذي يضعونة على رؤوسهم .

بدل التخفي في الاشارات بين طوابير السيارات وكأنهم بائعي جرائد ....


للعلم محد خالفني ولكن المنظر و الطريقه غير لائقه ابدا

[فارس قطر333]

اذا المخالفه يسجلت ما في مجال انها تشال

وليش احرج نفس واترجى فلان وعلان على شي ما في فايده منه

مثل ما يقولون الشكوى لغير الله مذله

[بوحارب]

اذا المخالفه يسجلت ما في مجال انها تشال

وليش احرج نفس واترجى فلان وعلان على شي ما في فايده منه

مثل ما يقولون الشكوى لغير الله مذله

يشلوم ابوها اخوي

بس على حسب الشخص اللي بتكلمة :)

[jajassim]

حد جرب هذا القسم omen

[هدهد سليمان]

حد جرب هذا القسم omen

تتوقع يقدرون يشتكون ولا بس بالمنتديات ؟؟ :)

[jajassim]

تتوقع يقدرون يشتكون ولا بس بالمنتديات ؟؟ :)

انت شفت صندوق الاقتراحات بلون البني وصاده الدهر ،، وتحته ايش مكتوب (( ممنوع الاقتراب اوالتصوير )) :swoon2:

[هدهد سليمان]

انت شفت صندوق الاقتراحات بلون البني وصاده الدهر ،، وتحته ايش مكتوب (( ممنوع الاقتراب اوالتصوير )) :swoon2:

عجل ابشر بالخير :nice:

[بوالفاروق]

حد جرب هذا القسم omen

http://qatarshares.com/vb/showpost.php?p=5783807&postcount=54

[auto body]

خطوة نحو الطريق الصحيح
واتمنى مايكون القسم مائل للاعلام على حساب المواطن

[بو فهد]

افتتاح قسم للتظلمات والشكاوي بادارة المرور للتواصل مع الجمهور +++

تشكر وزارة الداخلية على هذه الخطوه

واتمنى يفتحون قسم دراسة تثقيف و واجبات شرطي المرور وتعليمهم للغة العربية

[الكواري]

ياليت تزويدنا برقم الهاتف
للتواصل معاهم