The Master
18-04-2010, 12:33 AM
احم احم...ثم احم...
بعد تشجيعكم لي في الجزء الاول...وتحميسكم لي عشان انزل الجزء الثاني..."اشفيييه...احم...اعذار عشان الشهره"
هذا انا انزل لكم الجزد الثاني...من يوميات عليان...متعلق في برج طوكيو...
هنا الجزء الاول...
:::يوميات عليان...متعلق في برج طوكيو..:::.صور...فيديو...احم (http://www.qatarshares.com/vb/showthread.php?t=351039)
قبل لا ابتدي...
رحلتي لطوكيو كانت لمدة شهر...سنة 2008...وكانت عمل...فا شهر مب شوي...خاصه لما تكون لحالك...فا انا قسمت الرحله لاجزاء...في نهاية هالموضوع راح اقول الاجزاء...يعني السالفه مطوله...احم..."عشان التشويق والمتعه"
والاهم...مب شرط يكون في مواقف كوميديه...لكن الاهم تستفيدون من اخطائي...واتجنبونها...او تفتحون عينكم عليها..."يرقع من الحين...احم"
في الجزء الاول...وقفنا عند وصولي لمطار هانيدا...في طوكيو...
الحمدلله وصلنا المطار...
http://toshiwo.files.wordpress.com/2008/03/100_06001.jpg
وعلى اساس انا جاي من جهة عمل كان ينتظرني الليموزين عشان يوصلني الفندق...
وانا طالع من البوابه...قعدت ادور السايق...شايل اسمي...شفت عالم بره...واشكثرهم اللي شايلين اللوحات...قلت يااااالييييل...وين احصله هذا من بينهم...قمت ادور يمين يسار...فوق تحت...مالقيت حد شايل اسمي...قلت ابوووو النكبه...لا بالله حجزت تذكره راجع الدوحه...احم...
تخيل الساعه 10 بالليل...واول مره تجي هالدوله...لا وماتعرف لغتها...واهلها مايتكلمون انجليزي...ومب عندي عنوان الفندق...لانه كان من صوبهم..."اكملت"...احم
شوي...والا اشوف لوحه عليها اسم اشطووووووووول...استغربت...ركزت على المكتوب...طلع يبتدي ب AL بس اللي عقبه صعب تقراه...قلت ايييه الظاهر في اعربي جاي وهذا بيستقبله...قلت مادري اروح اتلزق فيه عشان يضبطني...خبركم العرب للعرب...احم
انتظرت ساعه تقريبا وانا واقف...وانا اقز هاللوحه من على جنب...ومن ورا...واني مار...يعني تمويه...عشان الشبهه...احم
لكن محد طلع...قلت ايييه الظاهر الاخ فاتته الطياره...ماعليه شرهه...اعربي...احم
وانا مفهي...افكر في حالي وماذا سوف تؤول اليه...احس ان في حد يلوح لي...من بعيد...ركزت...طلع اللي ماسك اللوحه...قلت وش يبغي هذا...رحت له...قال لي انت هالشخص اللي اسمه في اللوحه...بالانجليزي ومكسر ورايح فيها بعد...قلت له لا...قال لي متأكد!!...في قلبي بخصوص شكله هذا امفهي...قلت له اي متاكد...طلع اورقه من مخباه...قال لي هذا اسمك؟؟!!...قريت الاسم...طلع اسمي!!!!...لكن المفهي كاتبه غلط...امكس في الاحرف ابو الشباب...قلت له اي انا...قال لي انا سايق اللموزين...بغيت اذبحه...لكن الحمدلله فرجت...فا تخيلوا قعدنا انناظر بعض ساعه وشي...واخرتها العله في كتابته لاسمي بالغلط...وغذره ان اسمي طويل..."طبعا العائله"...
قبل لا اجي اليابان...قالوا لي الربع ان نظام اليابان غير عن جواويل العالم...يعني جوالك ماراح يشتغل هناك...فا في محل في المطار تقدر تأجر منه جوال...مع الخط...ولجيت بترجع الدوحه ترجعه لهم وتدفع...
فا قلت حق السايق وين محل تاجير التلفونات...قعدت نص ساعه افهمه تاجير...وتلفونات...المهم قال لي في بوابه ثانيه للمطار ولازم بالسياره...فا رحنا هناك...وخذ من السنداره...انا اقول حق السايق وش ابغي...وهذا عشان يفهمني ياخذ له وقت...وعلى مايقول للي يشتغلون...هم ياخذ وقت...وعلى مايترجم لي ياخذ وقت...يعني قمة الملاااااغه...
المهم...
طبعا قبل لا نوصل المحل...انا كنت متشوق اشوف الجوال اللي بأجره في اليابان...يعني تخيلوا كيف راح يكون...من تكنلوجيا وشكل ومواصفات...يعني شي خيالي...اذا عندنا ومواصفات عجيبه فما بالك في اليابان...
فا لما قلت ابغي اشوف الجوال...قال لي باعطيك احدث اللي عندنا في المحل...
شوفوا وش عطوني...
http://img.photobucket.com/albums/v482/ria28/keitai.jpg
طبعا انصدمت...وتفاجأت...وغمضت...وفتحت...تلفت...ورجعت اشوف الجوال مره ثانيه...قلت...هذا هو الجوال؟؟!!...
قال لي اي...
قلت له ماعندك غيره...
قال لي موجود...طيب ورني اياه...
http://www.japan-zone.com/new/pix/keitai1.gif
قلت له خير ان شاء الله...هذا لو اعطيه ادريولنا بيحذفه في وجهي...
فا انصدمت من الجوال...لكن ما باليد حيله...لازم جوال ولا باتوهق هناك...
قلت له طيب ممكن اشغله...شغال ولا لا...
لما شغلته وحست شوي فيه...
شوفوا...
http://i.ytimg.com/vi/VyJKY4x6Ljw/0.jpg
طلع كل شي بالياباني...
قلت له بخصوص يعني...حوله لي انجليزي...قال لي مافيه انجليزي...اذا بغيت في صيني وكوري...!!!
قلت مو مشكله بامشي حالي اللهم اتصل واسكر...
سالت عن تسعيره المكالمات واجاره...طلع غالي واجد...
قلت خيره..."الا قح...احم"
وصلت الفندق...وحطيت راسي من التعب...ونمت...
اشوي...عالفجريه...اسمع رنه جوال...قمت متخرع...وقعدت اتلفت...على بالي اني حلمان...اشوي رن مره ثانيه...دورت عن الصوت...طلع في شنطتي الهاند باق...
فا لما شيكت...طلع جوالي ناسيه شغال...طلعوا الاهل متصلين...فا كنت تعبان...حطيته صامت وانبطحت...
وانا توني حاط راسي...قلت...اشدخل؟؟!!!
جوالي القطري يرن؟؟!!...وفي اليابان؟؟!!!! شسالفه؟؟!!...ليكون مسكون؟؟!! احم...
فا اكتشفت ان الجواويل تشتغل في اليابان اذا كان فيها خاصية ال 3G
فا زين اني ماخذت من ذاك المحل النصاب...احم
كان هذا يوم الخميس...
واليوم الثاني الجمعه... قلت باروح اصلي الجمعه في الميجد في مدينه اسمها هيرو... فيها مسجد للسفاره السعوديه...
طبعت لي كم خريطه عشان لضيعت... صحيح انها مغامره...ثاني يوم اروح بالقطار واحوس...لكن متعود على التفهي والمغامره...واهم شي الصلاه...احم
فا طلعت من الفندق من الصبح...عشان لضعت ولا شي...
والحمدلله وصلت للمحطه المقصوده...وصورت فيديو...التصوير كيمرة الجوال...
تفضلوا شوفوا المقطع...
هو في اليوتيوب... فا وصلوا بين الاحرف...
http://www.y outube.com/watch?v=6wqGmiEk3m8
"اهم شي اللكزس...احم"
ثاني يوم...السبت...لاني حجزت بنفسي شقه لمدة شهر...فا طلعت من الفندق...وجاني الليموزين المحجوز لي...ووداني ل البنايه اللي انا حاجز فيها الشقه...طبعا اخترتها لان مكانها قريب من الدوره...والمدينه...
المهم...اول ما وصلت البنايه...وخلصت اجراءات السكن..."هي شقق فندقيه...نوعا ما...مع اني اشك...احم"...
طلعت الشقه...وصورت الشقه فيديو...اهم شي لا تفوتكم...
http://www.y outube.com/watch?v=fC6XU4wFNeE
ها وش رايكم في حجمها؟؟؟...امحكر مب شقه...احم
هنا ينتهي الجزء الثاني...
السموحه على القصور...لكن نزلته بسرعه...على طلبكم...وادري اني مللتكم بكمله مشغول...لكن هذا واقع...خاصه مع الامتحانات...
اتمنى يعجبكم هالجزء...
وانتظوا الجزد الثالث...وبيكون عن رحلتي مع مجموعه مسجل معاها حق الرحلات السياحيه في طوكيو...وكانت الرحله ل اقدم مدينه تاريخيه في طوكيو...بصراحه مكان يستحق الزياره...شي غريب عجيب فيها...انتظروني في الجزء الثالث...الي مايندرى متى...احم...بس قريب ان شاء الله...
وهالصوره مصورها هناك...طبعا كل التصوير كيمرة جوال...لكنها جيده...
تفضلوا هالصوره عشان التشويق...احم
http://ae7m.com/blog/wp-content/uploads/2010/04/05042008009-e1271539625592.jpg
وتريونا ان شاء ربي...
18-04-2010
بعد تشجيعكم لي في الجزء الاول...وتحميسكم لي عشان انزل الجزء الثاني..."اشفيييه...احم...اعذار عشان الشهره"
هذا انا انزل لكم الجزد الثاني...من يوميات عليان...متعلق في برج طوكيو...
هنا الجزء الاول...
:::يوميات عليان...متعلق في برج طوكيو..:::.صور...فيديو...احم (http://www.qatarshares.com/vb/showthread.php?t=351039)
قبل لا ابتدي...
رحلتي لطوكيو كانت لمدة شهر...سنة 2008...وكانت عمل...فا شهر مب شوي...خاصه لما تكون لحالك...فا انا قسمت الرحله لاجزاء...في نهاية هالموضوع راح اقول الاجزاء...يعني السالفه مطوله...احم..."عشان التشويق والمتعه"
والاهم...مب شرط يكون في مواقف كوميديه...لكن الاهم تستفيدون من اخطائي...واتجنبونها...او تفتحون عينكم عليها..."يرقع من الحين...احم"
في الجزء الاول...وقفنا عند وصولي لمطار هانيدا...في طوكيو...
الحمدلله وصلنا المطار...
http://toshiwo.files.wordpress.com/2008/03/100_06001.jpg
وعلى اساس انا جاي من جهة عمل كان ينتظرني الليموزين عشان يوصلني الفندق...
وانا طالع من البوابه...قعدت ادور السايق...شايل اسمي...شفت عالم بره...واشكثرهم اللي شايلين اللوحات...قلت يااااالييييل...وين احصله هذا من بينهم...قمت ادور يمين يسار...فوق تحت...مالقيت حد شايل اسمي...قلت ابوووو النكبه...لا بالله حجزت تذكره راجع الدوحه...احم...
تخيل الساعه 10 بالليل...واول مره تجي هالدوله...لا وماتعرف لغتها...واهلها مايتكلمون انجليزي...ومب عندي عنوان الفندق...لانه كان من صوبهم..."اكملت"...احم
شوي...والا اشوف لوحه عليها اسم اشطووووووووول...استغربت...ركزت على المكتوب...طلع يبتدي ب AL بس اللي عقبه صعب تقراه...قلت ايييه الظاهر في اعربي جاي وهذا بيستقبله...قلت مادري اروح اتلزق فيه عشان يضبطني...خبركم العرب للعرب...احم
انتظرت ساعه تقريبا وانا واقف...وانا اقز هاللوحه من على جنب...ومن ورا...واني مار...يعني تمويه...عشان الشبهه...احم
لكن محد طلع...قلت ايييه الظاهر الاخ فاتته الطياره...ماعليه شرهه...اعربي...احم
وانا مفهي...افكر في حالي وماذا سوف تؤول اليه...احس ان في حد يلوح لي...من بعيد...ركزت...طلع اللي ماسك اللوحه...قلت وش يبغي هذا...رحت له...قال لي انت هالشخص اللي اسمه في اللوحه...بالانجليزي ومكسر ورايح فيها بعد...قلت له لا...قال لي متأكد!!...في قلبي بخصوص شكله هذا امفهي...قلت له اي متاكد...طلع اورقه من مخباه...قال لي هذا اسمك؟؟!!...قريت الاسم...طلع اسمي!!!!...لكن المفهي كاتبه غلط...امكس في الاحرف ابو الشباب...قلت له اي انا...قال لي انا سايق اللموزين...بغيت اذبحه...لكن الحمدلله فرجت...فا تخيلوا قعدنا انناظر بعض ساعه وشي...واخرتها العله في كتابته لاسمي بالغلط...وغذره ان اسمي طويل..."طبعا العائله"...
قبل لا اجي اليابان...قالوا لي الربع ان نظام اليابان غير عن جواويل العالم...يعني جوالك ماراح يشتغل هناك...فا في محل في المطار تقدر تأجر منه جوال...مع الخط...ولجيت بترجع الدوحه ترجعه لهم وتدفع...
فا قلت حق السايق وين محل تاجير التلفونات...قعدت نص ساعه افهمه تاجير...وتلفونات...المهم قال لي في بوابه ثانيه للمطار ولازم بالسياره...فا رحنا هناك...وخذ من السنداره...انا اقول حق السايق وش ابغي...وهذا عشان يفهمني ياخذ له وقت...وعلى مايقول للي يشتغلون...هم ياخذ وقت...وعلى مايترجم لي ياخذ وقت...يعني قمة الملاااااغه...
المهم...
طبعا قبل لا نوصل المحل...انا كنت متشوق اشوف الجوال اللي بأجره في اليابان...يعني تخيلوا كيف راح يكون...من تكنلوجيا وشكل ومواصفات...يعني شي خيالي...اذا عندنا ومواصفات عجيبه فما بالك في اليابان...
فا لما قلت ابغي اشوف الجوال...قال لي باعطيك احدث اللي عندنا في المحل...
شوفوا وش عطوني...
http://img.photobucket.com/albums/v482/ria28/keitai.jpg
طبعا انصدمت...وتفاجأت...وغمضت...وفتحت...تلفت...ورجعت اشوف الجوال مره ثانيه...قلت...هذا هو الجوال؟؟!!...
قال لي اي...
قلت له ماعندك غيره...
قال لي موجود...طيب ورني اياه...
http://www.japan-zone.com/new/pix/keitai1.gif
قلت له خير ان شاء الله...هذا لو اعطيه ادريولنا بيحذفه في وجهي...
فا انصدمت من الجوال...لكن ما باليد حيله...لازم جوال ولا باتوهق هناك...
قلت له طيب ممكن اشغله...شغال ولا لا...
لما شغلته وحست شوي فيه...
شوفوا...
http://i.ytimg.com/vi/VyJKY4x6Ljw/0.jpg
طلع كل شي بالياباني...
قلت له بخصوص يعني...حوله لي انجليزي...قال لي مافيه انجليزي...اذا بغيت في صيني وكوري...!!!
قلت مو مشكله بامشي حالي اللهم اتصل واسكر...
سالت عن تسعيره المكالمات واجاره...طلع غالي واجد...
قلت خيره..."الا قح...احم"
وصلت الفندق...وحطيت راسي من التعب...ونمت...
اشوي...عالفجريه...اسمع رنه جوال...قمت متخرع...وقعدت اتلفت...على بالي اني حلمان...اشوي رن مره ثانيه...دورت عن الصوت...طلع في شنطتي الهاند باق...
فا لما شيكت...طلع جوالي ناسيه شغال...طلعوا الاهل متصلين...فا كنت تعبان...حطيته صامت وانبطحت...
وانا توني حاط راسي...قلت...اشدخل؟؟!!!
جوالي القطري يرن؟؟!!...وفي اليابان؟؟!!!! شسالفه؟؟!!...ليكون مسكون؟؟!! احم...
فا اكتشفت ان الجواويل تشتغل في اليابان اذا كان فيها خاصية ال 3G
فا زين اني ماخذت من ذاك المحل النصاب...احم
كان هذا يوم الخميس...
واليوم الثاني الجمعه... قلت باروح اصلي الجمعه في الميجد في مدينه اسمها هيرو... فيها مسجد للسفاره السعوديه...
طبعت لي كم خريطه عشان لضيعت... صحيح انها مغامره...ثاني يوم اروح بالقطار واحوس...لكن متعود على التفهي والمغامره...واهم شي الصلاه...احم
فا طلعت من الفندق من الصبح...عشان لضعت ولا شي...
والحمدلله وصلت للمحطه المقصوده...وصورت فيديو...التصوير كيمرة الجوال...
تفضلوا شوفوا المقطع...
هو في اليوتيوب... فا وصلوا بين الاحرف...
http://www.y outube.com/watch?v=6wqGmiEk3m8
"اهم شي اللكزس...احم"
ثاني يوم...السبت...لاني حجزت بنفسي شقه لمدة شهر...فا طلعت من الفندق...وجاني الليموزين المحجوز لي...ووداني ل البنايه اللي انا حاجز فيها الشقه...طبعا اخترتها لان مكانها قريب من الدوره...والمدينه...
المهم...اول ما وصلت البنايه...وخلصت اجراءات السكن..."هي شقق فندقيه...نوعا ما...مع اني اشك...احم"...
طلعت الشقه...وصورت الشقه فيديو...اهم شي لا تفوتكم...
http://www.y outube.com/watch?v=fC6XU4wFNeE
ها وش رايكم في حجمها؟؟؟...امحكر مب شقه...احم
هنا ينتهي الجزء الثاني...
السموحه على القصور...لكن نزلته بسرعه...على طلبكم...وادري اني مللتكم بكمله مشغول...لكن هذا واقع...خاصه مع الامتحانات...
اتمنى يعجبكم هالجزء...
وانتظوا الجزد الثالث...وبيكون عن رحلتي مع مجموعه مسجل معاها حق الرحلات السياحيه في طوكيو...وكانت الرحله ل اقدم مدينه تاريخيه في طوكيو...بصراحه مكان يستحق الزياره...شي غريب عجيب فيها...انتظروني في الجزء الثالث...الي مايندرى متى...احم...بس قريب ان شاء الله...
وهالصوره مصورها هناك...طبعا كل التصوير كيمرة جوال...لكنها جيده...
تفضلوا هالصوره عشان التشويق...احم
http://ae7m.com/blog/wp-content/uploads/2010/04/05042008009-e1271539625592.jpg
وتريونا ان شاء ربي...
18-04-2010