حملة الإلتزام بقوانين المــرور ..

[المتألم]

رغم أنني مؤمن منذ زمن أن القوانين أحيانا تكون سببا في الزحمة ..
ورغم أنه نالني من لهيب المخالفات الكثير ..

إلا أنني أدعوا لحملة للإلتزام بقواعد وقوانين وآداب المرور ..

هذه الحملة لن تكلفنا الكثير ، كل ما علينا فعله هو الإلتزام بالقوانين فقط ..

- ربط حزام الأمان " مالنا عذر غير إن الثياب تتعفس " رغم أن أكثر المخالفات بالمواقف أو وأنت واقف .

- الإلتزام بالسرعة القانونية " قدر الإمكان " لأن في شوارع أشوف السرعه فيها قليلة مع سعة الشارع وطولة .

- الوقوف في المكان الصحيح والمخصص للوقوف " قدر الإمكان " لأن في أماكن ما بها مواقف وش نسوي ساعتها ..

- عدم عرقة حركة المرور بالوقوف بمكان خاطئ ،،

أو بالقيادة البطيئة بالحارة اليسرى " يا قهري من بو هناد " لأن هالحركه ترفع ضغطي وأخاف أنجلط يوم بسببها .


ومن باب الحفاظ على السلامة أتمنى من الجميع المشاركة بالحملة ،
منها نعود أنفسنا على الإلتزام ورويدا رويدا نصبح مثل مواطني الدول الملتزمة بالقوانين إلتزام ذاتي غير محتاج للمراقبة المرورية ..
ومنها تخف شكاوى الكثيرين من المخالفات ،


فهل أنتم مشاركون ،،

[العضو الماسي]

ههههه - انا اول مره اشوف بلاد فيها قوانين مرور واشارات وكميرات مراقبه و رادارات ؟ وابسط شي الي هو شوارع عدله مافيها بصراحه لاتعليق .

[المتألم]

ههههه - انا اول مره اشوف بلاد فيها قوانين مرور واشارات وكميرات مراقبه و رادارات ؟ وابسط شي الي هو شوارع عدله مافيها بصراحه لاتعليق .


طيب ما عندك مشكله ،،:weeping:

أنت شارك معنا بالحملة والله يجيب اللي فيه الخير ،، :nice:

يعني ماكو شوارع عدله خلاص ما نشارك بالحمله :eek5:

[نيساني]

وفر مواقف خلف البنوك وكنسل المخالفات اللي قاعده تصير هناك يوميا وبعدين اطلب من الناس انها تشارك في الحمله!

[بوطويشم]

السلام عليكم

أول شي خلهم يوفرون مواقف عند الأماكن الي عليها ضغط من المراجعين

وشل الأفراد و الضباط الي بينهم وبين الأسلوب والأحترام 1000 سنة ضوئية

وبعدين بنشارك فالحملة

أول مره أشوف مخالفات وقوانين أكثر من الشعب

[باراكودا]

عدم عرقة حركة المرور بالوقوف بمكان خاطئ
هذا الشىء الوحيد ياخوي أقدر التزم فيه الباقي اسمحلي مااقدر
خاصة حزام الامان صعب التزم فيه وأنا لابس ثوب أذا لبست بنطلون
مثل اللي كتب القانون ذيك الساعة بلبس الحزام .

[جنوب الدوحه]

الفتره الي راحت كنت في اوروبا .. عندهم اهم شي هو حق الماشي في الطريق .. اهم من السيارات والسياكل والدرجات ..

يعني اذا بيسون صيانه لشارع معين يسون طريق بديل للي يمشي على ريوله فما بالك بالسيارات والدراجات الهوائيه ..

احنا نحتاج بس ان يعطونا حقنا قبل ان ياخذون حقهم ..

[sara jsm]

:) انا معاك اخوي ,, ومع هالالتزام من 2007 م
بس والله السالفة يبيلها الشخص يتحبب بهالامور ,,
المعاملة الحسنة هي بتساعد على تقبل التوعية والالتزام بالقوانين ,,
نتمنى التطور في تعامل رجال المرور مع الجمهور (( من كل الجنسيات )) ,,
:) وان شاءالله الله يحفظنا واياكم من شر الحوادث ,,

[bo_hamad]

أكثر مخالفات تسجل في الخليج اتوقع قطر ومش اقل من 500 ريال

ننتظر تخيف المخالفات مبالغ كبيرة تنسحب من المواطنين

خفوووو علينا يا إدارة المرور

[BIG-VEGA]

لو كان الهدف توعوي وارشادي كنت شاركت

يقولون للسائق : القياده فن وذوق واخلاق

طيب وين فن الشرطه في التعامل مع الناس وتحذيرهم
وين ذوق الشرطه عند اعطاء المخالفه وتوعيتهم واعلامهم بخطأهم
وين اخلاق الشرطه ومبادئهم تكون حاضره مع ناس وغايبه مع ناس اخرى

[ANONYMOUS]

انا في الحمله من زمان

ماعدا سالفة الحزام .. نص نص

يعني يرضيك اروح الدوام ولا عرس ولا زياره و ثوبي مكرفس كني راقد فيه

:(

[bo_hamad]

والله يا اخوي الظاهر يبونا نلبس جنزات

[شبيهة البحر]

عدم التزام سائق المركبات باشارات المرور الضوئية ذاتية الحركة

الله يعين صاحب مثل هالمخالفات
:omg: أنا ممكن ما ألتزم بالحزام بس أقطع إشارة قوية
هو في إشارة غير ذاتية الحركة

أنا أسوق من أربع سنين تقريباً وما إلتزمت بالحزام إلا من كمن شهر والسبب شرطي حبوب خالفني عند الإشارة سجل الرقم وأشر لي ألبس الحزام وبعد فترة يوم جيت بملي عيني بالمخالفة ما لقيتها وبصراحة حسيت إنه يبي يعطيني درس ما أنساه وفعلاً ما نسيته
طبعاً وبصراحة أنا إلتزمت بس مش بدافع الإلتزام كثر ما هو ما عندي خمسميات أوزعها ع مخالفات راهية الحزام بخمسمية والصورة بخمسمية

عندي مشكلة مع الحزام
مدري من طولي أحسه زانطني في رقبتي :eek:

كلمة حق لرجال المرور

الله يعطيكم العافية وجهودكم جبارة تشكرون عليها

من وأنا صغيرة أقرأ القيادة فن وذوق وأخلاق أظنها موجودة في طريقنا من المطار للوكرة هاللوحة قديمة جداً لكن معبرة جداً

معك يا متألم

[Qt.1]

والله لواتسوي مب حمله بس الاا حملات..عمك اصمخ
البلى مب في المرور ولاا القوانين البلى في (العقليات)..!!!

[باراكودا]

أنا أعلن التزامي التام بقوانين المرور بعد اقتناعي التام بفائدتها للجميع
ووداعا للسرعة الغير قانونية ماعدا شارع سلوى وشارع مسيعيد ما أتحمل سامحوني .

[حليتان*]

رووح واحنا معاك ياطويل العمر :)

[MoTeC]

بالنسبه لي عقب مادق سلف اسولف بالبلاك بيري لما يسخن الموتر اربط الحزام واتوكل على الله
والاوقات اللي ماربط فيها في منطقتنا الشارع التجاري خخخخ اما رايح الدوحه دوم اربط
لكن التزام بالسرعه وين الواحد يلتزم ولا وين تبيه يمشي 60 ورى واحد هندي على خط سريع والهندي ماسك يسار تديم له ماينفع تطق له هرن يدق لك اشاره على انه بيلف يسار وباقي على نهايه الخط 3 كيلو خخخخخخخخخخ فتضطر انك تتجاوز يمين وتزيد سرعتك وتتنرفز وتكمل طريجك
والسموحه ادري طولت عليكم لكن هذي معاناتي كل يوم
معاً للتقيد بقوانين المرور لكن مش دوم خخخخ

[ماريسا]

بصراحة قوانين المرور و لا أحسن منها في أي مكان في العالم
لدرجة اني ما أحب أسوق الا في قطر
و الحوداث اللي تصير أكثرها بسبب السرعة الزايدة و الثقة الزايدة و الاستعجال و التهور

الله يحفظ الجميع

[Qt.1]

بصراحة قوانين المرور و لا أحسن منها في أي مكان في العالم
لدرجة اني ما أحب أسوق الا في قطر
و الحوداث اللي تصير أكثرها بسبب السرعة الزايدة و الثقة الزايدة و الاستعجال و التهور

الله يحفظ الجميع

:confused::confused:

[ماريسا]

:confused::confused:

رغم الزحمة و الله احس بأمان لما أسوق في قطر غير لما تكون في بلد ثاني مافيها إشارات و لا دوارات و لا خطوط أرضية و كل واحد يدخل سيارته بسيارة الثاني عادي و مفي نظام كلّش:s

[كركم]

رغم الزحمة و الله احس بأمان لما أسوق في قطر غير لما تكون في بلد ثاني مافيها إشارات و لا دوارات و لا خطوط أرضية و كل واحد يدخل سيارته بسيارة الثاني عادي و مفي نظام كلّش:s

شكلج كنتي تسوقين في قندهار يا ماريسا :nice:

[بواردي]

انا
حزامي ما اربطه الا اذا في تفتيش او ثبوت
ومرة صادني الشرطي بس ابتسم ومشاها
جزاه الله خير
واذا ربطته ربطته في الزحمة ويوم انزل السوق
ام اذا مسكت خط الشمال او سلوى انسى شي اسمه حزام

[نعيمه علي]

انا أطبق قوانين المرور من اول ما بديت اسوق

ولهذا فأنا معكم في هذه الحملة
من أجل سلامتنا وسلامة المشاة

.

[كاشف الغطاء]

انا معاك بس اول شي لازم نشوف المرور مع الشعب مب ضدهم

[شيخه123]

اوكي انا معاك بالحمله لكن سواقة الاجانب هي اللي ترفع الضغط .