جامعة العلوم التطبيقية

[shgawia]

لوسمحتوا بغيت افاده عن الطلاب اللي يدرسون في جامعة العلوم التطبيقيه اللي في البحرين

هل هي معترف فيها في قطر ياليت حد يفيدني اكثر ؟؟

واللي عنده رقم حد يعرفه من الدكاتره في الجامعه ياليت ترسلونه لي

[shgawia]

اشدعوه مافي حد يدرس فالجامعه

[زمن الغدر]

لا مب معترف فيها بالدوحه
يعني اذا خذيتي الشهاده من عندهم وزاره التربيه ماتختمها او تعتمدها
نفس النصب الي هنا بالدوحه انتساب للجامعه وادي النيل السودانيه
تقديم الامتحنات هنا بمركز تعليمي وتاخذين شهاده من عندهم وكل شي صادره من السودان
تجين توثقينها ولا تختمينها من هنا يقلون لا مب معترف فيها شهاي النصب دام مب معترف فيها ليش مسوين لها مكتب بالدوحه وموافقين عليه!!!!!!

[كركم]

جامعة العلوم التطبيقة اللي في الأردن من اقوى الجامعات العربية بس فرعها اللي في البحرين لج عليه شوي...وعشان جذيه ربعنا في وزارة التعليم والتعليم العالي مايعترفون فيها

[القلم الصريح]

فقط جامعه العلوم التطبيقيه فالاردن هي المعترفه فيها الوزاره لليوم

خوفي الوزاره يناموا ويقعدوا الصبح يسحبوا الاعتراف

[أبو طلحه]

اي جامعة حكومية معتمدة ولكن بشرط وهذا الشرط خاص بالقطريين وهو أن الطالب لازم ينتظم

اما غير القطريين عادي انتساب أو انتظام اهم شي الجامعة تكون حكومية

هذا القانون جاي لصالح الغير قطريين مدري اشرايكم

[gamal503]

اول مرة اسمع عنها

[القلم الصريح]

في قرار مع القطرييييييييين ؟؟؟؟؟؟؟؟؟؟؟؟؟

[بومبا]

هلا اختي
انا رحت الفصل الي فات لم قالولي ان معترف فيها وسجلت وحتى داومت (قانون )
وبعدها الصدمه الي اكتشفتها ان مش معترف فيها بقطر وان جامعه اعلوم التطبيقيه الي بالبحرين انفصلت عن الي بالاردن ومالهم خص فيها فقلت معليه دام سجلتي كملي لان في بعض الشركات الخاصه بقطر تعترف فيها
والمفروض ان اسبوع اروح واسبوع لاء
وللاسف الصدمه الثانيه ههههههههههه
طلعوا قرار ان اسبوعيا خميس وجمعه وسبت وحاولت مع الدكاتره اقلها شي قالي دكتور اللغه العربيه اذا ما جيتي كل محاضره ماراح ادخلج للامتحان :omg:
فقلت كفايه صدمات بحياتي هههههههههههههههه وهونت عقب ما حصلت هوشه من الوالده تقولي مب قاعدتلج كل اسبوع انط معاج البحريبن خخخخ
فنصيحه ما عليييييييييج من هالجاااااااااااااامعه كللللللللللللللللللللللللللللللش :anger1::anger1::anger1:

[بوحسن22474]

السلام عليكم,,
والله اعلم معترف فيها في البنوك وبعض الشركات فقط,,
وبالتوفيق,,

[shgawia]

الله كريم سكروا كل شي في وجهنا حسبي الله ونعم الوكيل مع هالحاله

[سياتل]

اي جامعة حكومية معتمدة ولكن بشرط وهذا الشرط خاص بالقطريين وهو أن الطالب لازم ينتظم

اما غير القطريين عادي انتساب أو انتظام اهم شي الجامعة تكون حكومية

هذا القانون جاي لصالح الغير قطريين مدري اشرايكم


مساكين الأجانب .. يبونهم يستفيدون

والقطريين مالهم حاجه فالدراسه ..

ليش يدرسون ويتعبون عمرهم ...

يبون لهم الراحه

شرايك في المميزات ؟؟ :nice:

[doha1]

انا ادرس في هالجامعه فالوقت الحالي

وفالكورس الاول وفعلا مهب معترف فيها

وتم من فتره استدعائنا من قبل المجلس الاعلى عشان نوقع تعهد ان مانروح الجامعه

هذا واحنا دافعين من جيوبنا مهب من مكدتهم

ومعترف فيها في الشركات الخاصه او البنوك اعتقد

وانا من دوامي في طلاب مبتعثين في هالجامعه

واداوم فالويك ايند والامور طيبه

وعلى مدار 4 سنين مايندرى شيصير من قوانين تستجد ام لا

[برشلوني قطر]

واحد من الربع معاي فالشغل..وخذ اجازه دراسيه للدراسه فالفرع الي فالاردن..تم سنه

وحول للبحرين..وخلص قبل سنتين تقريبا...ماعتمدوها له الا قبل كم شهر..

يعني اعتمدوها عقب زوور