+ المخالفات المرورية في قطر عشوائية وترصد ام ضبط وحماية ! +

[saddawi4ever]

ايش رايكم في نظام المخالفات المرورية في قطر

المرور , فزعة , لخويا , امن الاسواق , تحريات , الدوريات السرية , ...

ردار ثابت , رادار متحرك ’ رادار ذكي , رادار حرامي ...

الكل يخالفك وحزات اتجيك مخالفات ولا تدري وين ومتى

هل تأيدون النظام الحالي وتدعمونه وتأيدون استمرار بهدف الحفاظ على السلامة المرورية

ام انكم ترون ان هناك عشوائية وترصد من اجل المخالفة وتحصيل الاموال فقط ! ؟

وكيف هو تعامل رجال المرور معكم اثناء اعطاء المخالفات ؟

[جنوب الدوحه]

اشوف الشيبه اليوم يتحندى على المرور ..

يقول يا يبه وين ما اروح طلع لي واحد .. ^_^

[yousef545]

ايش رايكم في نظام المخالفات المرورية في قطر

المرور , فزعة , لخويا , امن الاسواق , تحريات , الدوريات السرية , ...

ردار ثابت , رادار متحرك ’ رادار ذكي , رادار حرامي ...

الكل يخالفك وحزات اتجيك مخالفات ولا تدري وين ومتى

هل تأيدون النظام الحالي وتدعمونه وتأيدون استمرار بهدف الحفاظ على السلامة المرورية

ام انكم ترون ان هناك عشوائية وترصد من اجل المخالفة وتحصيل الاموال فقط ! ؟

وكيف هو تعامل رجال المرور معكم اثناء اعطاء المخالفات ؟


يسون خير ويشلون الي بالخط الاحمر لانه ماله داعي

[عزووز قطر]

وين مانروح نحصلهم
على كل دوار حاطين 3 افراد
ومخالفات حزام بالجملة
أتوقع ميزانية وزارة الداخلية هالشهرين أكبر من ميزانية دولة قطر

[سهم العرب]

اخوي سداوي والله فعلا في تشديد وهو مرات للمصلحه عامة بس بعد محل ماتلفلت احصل شرطي وماسك الدفتر كفاية وقفتهم في الشمس مساكين وترتيبهم للدوارات ايام الصيف والبرد،،
والمثل يقول لاتبوق لاتخاف
وانا اليوم صايدني رادار متحرك على خط دخان...
الله المستعان

[بن داوود]

عزيزي انا دائما اقول بأن الرادار وضع لحمياتنا لأن بصراحه احنا شعب ما نتعض من كثره الحوادث وارواح راحت بسبب السرعه الزائده
مهما كانت طريقه وضع الرادار متحرك او ثابت او مخفي تقيد بالسرعه القانونيه وامورك طيبه
والمثل الشعبي يقول لا تبوق ولا تخاف
نعم اويد الرادارات وبقوة وعلى فكره انا صادني رادار قطع الاشاره ومخالفه ربط حزام

[Sharshooooor]

انا لا اراها توعوية وللمحافظة على الارواح اكثر من انها مادية ومزاجية

لوكنت في اول الصف راح تكون فريسة سهله لتلقي اي مخالفة

وممكن يكون الشخص الذي ورائك مباشرة مخالف ايضا لكن حظة ان الاشارة تغيرت لخضراء

انا لا امانع بالرادار وطريقة تثبيته لكن المخالفات الاخرى لابد من اعادة النظر فيها

[بوخالد911]

التشديد زاااد

مدرري ليش؟

هل بسبب انتشار مسجات التحذير بواسطة البي بي ؟!؟


اللي عنده خبر يأكد لنا

تحياتي قبل تحرير مخالفاتي

[ابـو مــحــــمـــــد]

قطر مافيها ضرايب على الدخل
قالو نجيبها بطريقه اخرى
:secret::secret::secret:

[ليث العرين]

الي يسونه عيب!!!! الشطاره في انك تخالف الناس من غير ما يدرون وبدون ما تنبهم يعني؟؟؟ وبعدين أغلبيه الشرطه الي يخالفون, بالذات الصغار في العمر منهم, فيهم حقد عالفئه الشبابيه الي بين ال18 وال23 24 بالذات ومااااااااااااااادري وين يكمن السبب ارجوكم حد يفيدني ؟؟؟؟؟؟

الله يهديهم بس ويسدد جهودهم في شي ينفع المجتمع مب مزيانيتهم!

[فارس قطر333]

واللي قهر اكثر انه ايي قدام السياره ويسجل الرقم عيني عنيك

وعقب ما يخلص يقول لك الحزام

يعني تخالفني بعدين تنبهني وشو هالنظام

[saddawi4ever]

وشسالفة المخالفات وقت المباريات

اليوم واحد يكلمني يقولي خالفوني في المباراة

ويوم مباراة نادي قطر خالفوهم بعد !

[BURBERRY]

المفروض يسون حملات توعيه للحزام و السرعه و التجاوزات .. الخ

بدل المخالفات الي بالهبل عشان زياده ميزانية المرور

[&بوشهد&]

النظام الجديد اللي فالمرور الغني مايدفع مخالفاته واللي على قد حاله وماعنده واسطة يدفع

[المولع22]

ايش رايكم في نظام المخالفات المرورية في قطر

المرور , فزعة , لخويا , امن الاسواق , تحريات , الدوريات السرية , ...
ردار ثابت , رادار متحرك ’ رادار ذكي , رادار حرامي ...

الكل يخالفك وحزات اتجيك مخالفات ولا تدري وين ومتى
هل تأيدون النظام الحالي وتدعمونه وتأيدون استمرار بهدف الحفاظ على السلامة المرورية
ام انكم ترون ان هناك عشوائية وترصد من اجل المخالفة وتحصيل الاموال فقط ! ؟
وكيف هو تعامل رجال المرور معكم اثناء اعطاء المخالفات ؟

انتظر اخوي شوي بس وان شاء الله على 2011 بتحصل مال الـبـلديـة يحط لك مخالفات بعد

لوووووووووول :tease: :tease: :tease:

[بركودة]

السلام عليكم يربع انا احب اضيف علي موضوعكم هذا الاسبوعين صدني رادر متحرك في شارع 80 وانا امشي 91 وموتري بالون وثلاث مخالفات احزم شدعوه يربع شسالفه يبون فلوس بالقوه لنه البلك بيري معنه ماعندي بس يكشف جميع ردارتهم اي واحد من الشباب يشوف رادار يرسل حق جميع قطر تره في رادار

وانا اقول اهم ماعندهم ماعشات يدفعونها حق الموضفين الظهر
والله الرتب مابقه في شي اذا بندفع مخالفات 20000 الف و30000 الف شجعوه يربع


وهذا الي خاطري اقوله

[ابو محمد7]

الموضوع غريب ! حوادث السرعه في قطر سببها الرئيسي ناس تمشي 160 و 180 داخل الدوحة وقطع اشارة المرور الحمراء !

هذولي عطوهم مخالفات واخذوا منهم فلوس وحطوا لهم نقاط مثل ماتبون

اما حاطين لنا رادارات 80 !!!!!!!!!!!! يعني الحين اللي يمشي 90 خطر على غيره !!!!!!!
واحيانا شارع طويل حاطين 100 !!!

انا اشوف الرادار يكون 120 مب اقل , والحزام 100 ريال شفيهم بيوم وليلة سووه 500 ريال !!!

وبعد شي ممنوع الوقوف ليش عليه نقاط ! يعني انا واقف في مكان مب مصكر على احد ولا معطل الطريق ليش نقاط !!!

واخر شي انا ابي اعرف الحين اللي يوقف غلط مرتين ثلاث (خبرك هم متصيدين لنا حتى عند دواماتنا بزحمة منطقة الابراج اللي مافيها مواقف اصلا) وياخذ له نقاط من سرعه المهم اذا وصل مادري كم اسحبوا ليسنه 3 شهور وطبعا ممنوع يسوق بدون ليسن زين في هال3 شهور شلون يسووق ؟ من يوصل اهله الدوام واليهال المدارس ؟ والمشاوير كلها من يقوم فيها يجيب له سايق يعني حق 3 شهور وهو بس شغلته يركب جنب السايق ؟

ارجو اثارة هذه النقاط وبقوة صراحة شي غريب

[bo_hamad]

تجميع مبالغ مالية ههههههه

الله يعين الجميع حاسبوا قبل ان تحاسبوا

[GENIUS]

إذا أردت أن تطاع فأطلب المستطاع.

انا مع تطبيق قوانين المرور كلها وبحذافيرها وعلى الجميع لكن بتعقل ومنطقية .

مثلا الطريق الجديد من دوار سلاح الجو لغاية راس ابو عبود عندما كان شارعا مؤقتا وبمسارين كانت السرعة محددة ب 100 كلم اما بعد التوسعة والتعديل جعلوا السرعة 80 كلم بأي منطق تمت هذه العملية وتحديد السرعة ( لا منطق ولا عقلانية ).

لماذا بعض الاشارات في بعض الاتجاهات تومض الاشارة على اللون الاخضر وبعضها لا تومض مع يجعل الكثير فريسة للاصطياد.

والكثير الكثير .

اما سالفة تحريات ورادار مخفي فلا أعلم بقانونيتها وشرعيتها.

[BIG-VEGA]

انتظر اخوي شوي بس وان شاء الله على 2011 بتحصل مال الـبـلديـة يحط لك مخالفات بعد

لوووووووووول :tease: :tease: :tease:

الي يخم الشارع عند الاشارات
خخخخخخخخخخخخخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخ

اذا الاشاره خضرا يخم عادي
اذا حمرا يطلع الدفتر ويقعد يسجل
ههههههههههههههههههههههههههههههههههههههههههه
ههههههههههههههههههههههههههههه

[R.S.C]

المشكلة في ناس تدفع 6 الاف على قطع الاشارة بدون قصد
وفي ناس تقطع الأشارة وبقصد ويشيلون عنهم المخالفات بقدرة قادر

سبحان الله

[بوحارب]

والله ماعندهم سالفة

همهم كيف يسحبون فلوس المواطن المسكين

[LionFish]

حكم القوي على الضعيف... :(

[abn qatar]

مزاجيه وترصد المصيبه اذا كانت السياره فخمه ورقم اسبشيل مستحيل يخالفك اما اذا السياره

اي كلام ورقم سلطه يخالفك بنفسي شايف واحد مخالف سياره واقفه في مواقف مخصصه

لذوي الاحتياجات الخاصه وفي نفس الوقت سياره ثانيه مخالفه ماقرب صوبها لان سياره فخمه

المشكله الثانيه عندك واسطه تعرف احد قريب من مدير المرور تسقط المخالفه عنك اللي

ماعنده الله يعينه مشكلتنا في من اللي يطبق القوانين بالشكل الصحيح وتطبيق العداله في

التطبيق الفرق بينا وبين اليابانينن تطبيقهم للقوانين بشكل حياديه مافي فرق بين فلان وفلان

[باراكودا]

السلام عليكم يربع انا احب اضيف علي موضوعكم هذا الاسبوعين صدني رادر متحرك في شارع 80 وانا امشي 91 وموتري بالون وثلاث مخالفات احزم شدعوه يربع شسالفه يبون فلوس بالقوه لنه البلك بيري معنه ماعندي بس يكشف جميع ردارتهم اي واحد من الشباب يشوف رادار يرسل حق جميع قطر تره في رادار

وانا اقول اهم ماعندهم ماعشات يدفعونها حق الموضفين الظهر
والله الرتب مابقه في شي اذا بندفع مخالفات 20000 الف و30000 الف شجعوه يربع


وهذا الي خاطري اقوله
عليك مخالفة وغرامه ونقاط سوداء ....بسبب أنتحال شخصية براكودا
هههههههههه وراك وراك المخالفات.

[SomeOne]

والله ماعندهم سالفة

همهم كيف يسحبون فلوس المواطن المسكين

اصلا هم يبون مصلحتك

يا فوفو :victory:

[saddawi4ever]

جوفو كاركتير جريدة الراية اليوم !

[saddawi4ever]

كاركتير الوطن اليوم !

http://www.qatarp.com/files/143/asdbwer1236565.JPG

[bo_hamad]

البارحه بالليل على الساعة 8 مساءً كان فيه تفتيش في دوار بمنطقة عين خالد داخل الفريج من الدوار اللي قبل دوار قصر محمد بن مبارك العلي المعاضيد وصاروااا يجون يفتشون حتى في الفرجااان

[saddawi4ever]

كاركتير الراية اليوم

http://www.mo7md.com/images/cartoon/today_2_524440_1_209.jpg?8629

[R.S.C]

^
^
خوش كاريكاتير ويمثل واقعنا في هذه الأيام

[qazqaz]

ههههههههههههههه

الكاريكتير عجييب


والله رفيجي في اقل من شهـر مخالفاته 9700 .. @@

من وين الله اعلم ..