؛؛؛ فديـــــــــــــــــــــت الأجنبية والله ؛؛؛ ولا أحد يلومني

[رهج السنابك]

السلام عليكم ورحمة الله


؛





موضوع ملاحظته من زمان وكان ودي اعرف سبب يفسر لي هالموضوع


واللي متأكده انه الكثير منكم لاحظه مثل ما أنا لاحظته ؛؛



واللي جدد الموضوع في ذهني موقف حلو مريت فيه اليوم ؛؛


كنت أمر في الممرات وإذ اجنبية شقراء بعيون زرقاء كالبحر كبيرة شوي في السن


مرت من جنبي واول ماشافتني ابتسمت ابتسامه عريضة جميلة :)


لا تعرفني ولا اعرفها لكن فهمت من حركتها حسن الذوق واللطافة


للأسف الشديد احصل بنات بلادي ابتسم لهم واسلم عليهم لو مايعرفوني تخزني بنظرة وتقعد تفكر نص ساعه ترد السلام او لا !! ولسان حالها يقول " اشتبي ذي وشعرفها فيني عشان تسلم علي "

مع ان السلام سنة والابتسامة سنة واجر !!


لكن ليه هالتناقض ليه مانطبق والأجنبي الكافر يطبق !!


واذكر موقف اخر كان لي مع دكتورة زائرة المانية واجهتها في مستشفى حمد ؛؛ عرفت الفرق بين السماء والارض بين الدكاترة الاجانب والعرب اللي المفروض يكونون ارحم واحن قلب

الالمانية من قمة التواضع يمكن مدت يدها لي اكثر من سبع مرات وكل شوي تبتسم لي ابتسامة عريضة وتطمني وتسلم علي احس كان ودها شوي وتقوم تبوسني

الدكاترة العرب نسلم عليهم اول ماندخل مايردون السلام و لا حتى يرفعون عينهم وهم يكلمونك كأن اللي قاعد يكلمهم يكلم جدار !!


ليه نشوف حسن التعامل من الاجانب والابتسامة واللطافة والهدوء في التعامل ومانشوفها مع بني جلدتنا اللي المفروض يصيرون العكس !!

واعتقد هذا الشي ملاحظ بعد بالنسبة للمراجعات او البنوك او المستشفيات الكل مكشر وعابس
ويتكلم بخياس نفس ومحد طايق احد !!


ليه محد يطيق الثاني ؟؟ ليه الكبر ؟ ليه شوفة النفس ؟؟

انا شخصياً وليس مدحاً احاول قدر الامكان اني اعكس جو ايجابي حولي

اللي يتصل علي في العمل اترك كل شغلي واتفرغ له وارد عليه بهدوء وسعه صدر حتى لو كان يكلمني بتعالي وحتى لو كنت في قمة توتري من ضغط العمل

واحاول قدر الامكان ابتسم للجميع لكن البعض ينظر للابتسامة على انه هبال !!

وهذا مثل للاسف طابع عام ان اللي يبتسم دائما يطلعون عليه " يوزع ابتسامات !! وباستهزاء " طيب خله يوزع ابتسامات ولا يوزع تكشيرات !!




هذا الموضوع هو دعوة للابتسامات ورد السلام والتحلي بالخلق الحميد ولا يكون الاجانب احسن مننا في حسن الطبع والله فديت العجوز الاجنبية اللي ابتسمت لي اليوم فعلا كنت محتاجة اشوف وجه بشوش من زمان ماشفته وحلاتها لما تجي من شخص مايعرفك :shy:

؛

[التيما]

اختي مايجوز تتفدين على اجنبيه .. بس اتفق معاج في الموضوع .. بس بعد احنا مب قشرات لو دخلنا مكان نسلم وهالشي موجود وملحوظ بعد سواء قاعه او مسجد او اي مكان .. يمكن الابتسامه لج فيها شوي صح يمكن يخافون تييهم عين على ضروسهم ! هههههههه انا اتفق معاج في الدعوة للابتسامه

[Bu Rashid]

راح تزعلين ناس وايد على هذى الكلام .. مع انها الحقيقه

[alrheeb2020]

الله يجزيج خير اختي ..


الدين اخلاق

[بوخالد911]

وضيفوا عندكم


بعض المسلمين - مب قايل الجنسية - لو دخلت المصعد وسلمت عليه ؛ ما يرد علييك

!!@@!!


وصار لي هالشي أكثر من مررة



والله تذكرت زيارتي الى جولد كوست باستراليا ؛ وكيف الناس ترحب بي مبتسمين ويقوولون :


Good Morning

[ولد النواخذه]

كلامج صحيح جدا وفعلا بعض الاجانب اكثر بهجة وترحيبا بالآخرين وصادفني هذا الموقف كثيرا وفي عدة اماكن مجرد ترحيب او ابتسامه ليس من خلفها اي معنى سوى الاحترام والترحيب من بعض الأجانب وأكرر البعض...

[jo0ory.56]

السلام عليكم ورحمة الله وبركاته ..

نعم ما أجمل أن تجد من يبتسم في وجهك .. فالابتسامة رسالة بالود .. وهي صدقة كما قال

رسولنا الكريم صلى الله عليه وسلم حيث قال "تبسمك في وجه أخيك صدقة"

[شموع قطريه]

انتي من صجج اختي .. تراج مغتره فيهم .. هم يبتسمون علشان يأمنون شرنا لأنهم ماخذين عنا فكره انا ناس شريرين ودوم مكشرين فهي من الخوف تبتسم لج ويمكن ماعطينهم تعليمات بهالشي ولا الاجانب عمرهم ماحبوا المسلمين .. روحي شوفيهم في بلادهم يطالعونج بخياس نفس ولو يشوفونج تنزفين في الشارع ما اسعفوج .. تفدي شي يستاهل واللي يسلمج بس

[الأصيلة]

لاوالله محد يزعل من الحقيقة...
لكن اللي انا اشوفه أن الوحده لو مرت عند احد وابتسمت وهي ماتعرفهم بيقولون اشفيها هذي ...
تتبسم لنا..
يعني مافيه مناسبة وخاصة بالسوق...
لكن لو صار لي موقف مثلا مع طفل ابتسم لـ أمه أو أي موقف ثاني يجبرني على الإبتسام ...لكن امشي واتلفت وأوزع ابتسامات ما اعتقد عدله يعني...
(والأجنبية تبتسم لأنها رايقة وريلاكس ولا عندها ماعند القطرية اللي كله قلقة وتحاتي وشايلة الدنيا على راسها...) هههههه
بس والله انا اشوف مب الكل مكشر بالعكس فيه بنات في البنوك والمستشفيات عادي مبتسمين وهاديين بس ثقل يمكن...
والله يهدي الجميع..

[هاب الريح]

انتي من صجج اختي .. تراج مغتره فيهم .. هم يبتسمون علشان يأمنون شرنا لأنهم ماخذين عنا فكره انا ناس شريرين ودوم مكشرين فهي من الخوف تبتسم لج ويمكن ماعطينهم تعليمات بهالشي ولا الاجانب عمرهم ماحبوا المسلمين .. روحي شوفيهم في بلادهم يطالعونج بخياس نفس ولو يشوفونج تنزفين في الشارع ما اسعفوج .. تفدي شي يستاهل واللي يسلمج بس

بس اختي كلامج عن تجربة ولا كلام سطحي ؟ يمكن تقصدين اليهود المهاجرين هذي صحيح 100%

[رهج السنابك]

الأصيلة ذكرتيني بشيء

فيه حركة ماخذينها الامهات غلط

ان لو أحد غريب مثلا كنتي جالسة بحديقة او مكان عام وشفتي طفل صغير وحبيتي تلاعبينه او تعطينه حلاوة جات امه هجمت ورمت الحلاوة !!! كأنك معطيته سم او بتذبحينه !! طيب ارميها بعدين مو لازم قدامنا !!


مدري ليه نعتقد كل شخص مانعرفه ويسلم أو يمد شي انه نيته سوء او انه يبي شر !!

؛

[ANONYMOUS]

ليطاحت عيني بعين اي حد اجبي اجباريا نتبادل الابتسامات

http://blogs-static.maktoob.com/userFiles/r/a/rajatanoth/images/smile.jpg


ولكن غالبيية العرب بغض النظر عن الجنسيه ليطاحت عينك بعينه جنه يقول لك شتبي بعينه

عشان كذا اتحاشى اطالع..

اش حادني

[اخر العنقود]

الابتسامه صدقه
:):):):):):):):)

وبعد ابلاش

[الأصيلة]

الأصيلة ذكرتيني بشيء

فيه حركة ماخذينها الامهات غلط

ان لو أحد غريب مثلا كنتي جالسة بحديقة او مكان عام وشفتي طفل صغير وحبيتي تلاعبينه او تعطينه حلاوة جات امه هجمت ورمت الحلاوة !!! كأنك معطيته سم او بتذبحينه !! طيب ارميها بعدين مو لازم قدامنا !!


مدري ليه نعتقد كل شخص مانعرفه ويسلم أو يمد شي انه نيته سوء او انه يبي شر !!

؛


عاد كل وحدة وشخصيتها وتربيتها ...
بعضهم كشرات من اصل...
بالعكس انا عمري ماصابني هالموقف مع اني اوزع دايم على الأطفال حلاوة...
سواء كنت بقطر او بالخارج...
احب اشوف فرحة الطفل ولكن الاحظ الأمهات يستانسون..

[تحداني]

.. غاليتي الارستقراطيه ..


... الإبتسامه العفويه ..
كلفتني ثمنا باهضاً في حياتي
.
.
.

الى يومي هذا اردد واقول
ما سر تفسيرها على انها تحمل معنى آخر .. عكس المعاني المعروفه


.
.

جملك الله برضى الرحمن

[مها88]

انتي من صجج اختي .. تراج مغتره فيهم .. هم يبتسمون علشان يأمنون شرنا لأنهم ماخذين عنا فكره انا ناس شريرين ودوم مكشرين فهي من الخوف تبتسم لج ويمكن ماعطينهم تعليمات بهالشي ولا الاجانب عمرهم ماحبوا المسلمين .. روحي شوفيهم في بلادهم يطالعونج بخياس نفس ولو يشوفونج تنزفين في الشارع ما اسعفوج .. تفدي شي يستاهل واللي يسلمج بس

بس اختي كلامج عن تجربة ولا كلام سطحي ؟

كلامك في محله / أخوي ..

مهب لله في لله يبتسمون لنا ..

أنا مجربة ..

مثلاً الإنجليز في بلادنا يتمحلسون لنا .. ويراوونا الوجه الحلو ..

لكن لما رحت لندن .. كرهتهم كره العمى ..

يطالعونك بخياس نفس وكأنك جاي عالة عليهم ...!!!

وإن الخير اللي احنا فيه ما نستاهله ؟؟!!

****

تحذري من هالأشكال ..

[دلوليانوز]

انا معاااااااااااااااج

[اخر العنقود]

اذكر صار لي موقف ومن بعده حرمت ابتسم او اساعد حد حتى

مره كنت عند مطعم يم يم تري اطلب باستا المهم طلبت وشوي شفت وحده ومعاها بنتها جات ووقفت عندي تبي تطلب ومعروف الي يطلب لازم يوقف فالدور انا سكت قلت هي بتعرف من نفسها او بتقرى اللافته وقعدت وقعدت والناس اتجي توقف فالدور وهي مسكينه جايه قبلهم عااد انا المسكينه قلت بساعدها وبقولها لازم اتوقف فالدور وقلت لها وتحسفت اني ساعدتها (خير تعمل شر تلقى ) والله والله انها اطالعني ولا معبرتني وشكلها اتقول فخاطرها الحمدالله والشكر او اشفيها هااذي وعطتني ضهرها بعد

الله يسامحها

[STAR]

انزين جربيني وراح يتغير نظرتج لبعض البنات ‏‏(‏‏=‏

[هاب الريح]

[quote=هاب الريح;5746164]

كلامك في محله / أخوي ..

مهب لله في لله يبتسمون لنا ..

أنا مجربة ..

مثلاً الإنجليز في بلادنا يتمحلسون لنا .. ويراوونا الوجه الحلو ..

لكن لما رحت لندن .. كرهتهم كره العمى ..

يطالعونك بخياس نفس وكأنك جاي عالة عليهم ...!!!

وإن الخير اللي احنا فيه ما نستاهله ؟؟!!

****

تحذري من هالأشكال ..

اختي الانكليز صدقيني في حالهم وشعب مسكين , اللي يطالعك باحتقار لهنود والبنقالية اللي عايشين هناك وحنجه على صوب تارسه تمبل .:anger1:

[بلاميعاد]

حبيبتي لفيت اروبا طول بعرض اخيس ناس في التعامل مع االمسلمين هم الاجانب وخصوصا الالمان والفرنسيين والله كريهين لاخر درجه وغير متعاونين
واذا بنت البلاد تتكلم عن اهلها بهالطريقه ماالوم الغرب لو وش ماقالو فينانستاهل كلا مقللين من قدؤنا ورافعين هالاجانب علينا

وللعلم انا حتى لوكنت ملاحظ هالنقطة في بناتنا ماكنت راح اتكلم بنفس اسلوبج كنت راح ادعي لهم بالهدايه((واذا بليتم فاستترو))مب افضحوواغسلو شراعهم

وشكراا

[زمن الغدر]

انتي من صجج اختي .. تراج مغتره فيهم .. هم يبتسمون علشان يأمنون شرنا لأنهم ماخذين عنا فكره انا ناس شريرين ودوم مكشرين فهي من الخوف تبتسم لج ويمكن ماعطينهم تعليمات بهالشي ولا الاجانب عمرهم ماحبوا المسلمين .. روحي شوفيهم في بلادهم يطالعونج بخياس نفس ولو يشوفونج تنزفين في الشارع ما اسعفوج .. تفدي شي يستاهل واللي يسلمج بس

:nice::nice:
كلامك صحيح
سبحان الله مسلمين نتفدى كفار واعداء الاسلام
ليش تبتسملك حسب تفكيرك الاجنيه؟؟هل هي تمشي على انه الابتسامه صدقه؟؟

[STAR]

عاد كل وحدة وشخصيتها وتربيتها ...
بعضهم كشرات من اصل...
بالعكس انا عمري ماصابني هالموقف مع اني اوزع دايم على الأطفال حلاوة...
سواء كنت بقطر او بالخارج...
احب اشوف فرحة الطفل ولكن الاحظ الأمهات يستانسون..
في ‏
بعض اليهال لما أعطيهم حلاوة يشردون مني ههه:shy:

[زمن الغدر]

حبيبتي لفيت اروبا طول بعرض اخيس ناس في التعامل مع االمسلمين هم الاجانب وخصوصا الالمان والفرنسيين والله كريهين لاخر درجه وغير متعاونين
واذا بنت البلاد تتكلم عن اهلها بهالطريقه ماالوم الغرب لو وش ماقالو فينانستاهل كلا مقللين من قدؤنا ورافعين هالاجانب علينا

وللعلم انا حتى لوكنت ملاحظ هالنقطة في بناتنا ماكنت راح اتكلم بنفس اسلوبج كنت راح ادعي لهم بالهدايه((واذا بليتم فاستترو))مب افضحوواغسلو شراعهم

وشكراا

:nice::nice:

الحكومه تجيبهم وترزهم باحسن المناصب ويكون صايع ببالده ويجى عندنا وسيده يمسك مدير وراتب 5 اضعاف الراتب في بلاده وسكن فيلا وسياره ويجيب عشيقه ولا مرته وعياله بيوم
ماتبونهم يخيسون نفسهم ببلاده الاجانب وهنا يبتسمون بوجوهنا لانهم يضحكون علينا ليس اكثر

[Qtrstyle]

والله الصراحه كلااامج صح 100%
انا اللاااحظ الأجانب كلهم سوااء رجال ولا حريم ..
يمشون ويتبسمون ويسلمووون كله !! لا معرفه ولاشي بمجرب بس عيني تطيح في عينه يبتسم !!
(( على قولة اللي يقول يتملحسون؟؟ يتملحسون عندك على اي اساس اصلا ؟ مو محتاجين منك انت شخصيا شي ))

وثاني كلن قال كفار وكفار واعداء المسلمين .. @@ .. يمكن صحيح كفار واعداء ..
بس بعد في هالشغله هم احسن من العرب؟!

الحين اهل قطر تدخل تدخل عليه تسلم .. مايرد عليك السلام .! سوااء في مكتب ولا قهوه واللي اي مكان عام
ولا اذا رد قال (( وعليكم ! )) مستخسر يكمل الجمله مثلا؟ ههههه
ولا سالفة الدكتور .. اللي ندخل نسلم عليه .. لايرد السلام ولا يعبر .. ولا يتكلم بخياس
الله يهديييهم ^.^ ويهديينا انشالله

[Qtrstyle]

:nice::nice:

الحكومه تجيبهم وترزهم باحسن المناصب ويكون صايع ببالده ويجى عندنا وسيده يمسك مدير وراتب 5 اضعاف الراتب في بلاده وسكن فيلا وسياره ويجيب عشيقه ولا مرته وعياله بيوم
ماتبونهم يخيسون نفسهم ببلاده الاجانب وهنا يبتسمون بوجوهنا لانهم يضحكون علينا ليس اكثر



ههههههههههه يضحكون عليكم ليش؟!
ال5 اضعااف الراتب .. جايتهم من طيب خاطر .. مو مغصوووبين

[bittersweet]

والله مب من حقك تطالب بنات الناس تتبسم لك في الشوارع.

اما في المراكز الخدمية .. انا عن نفسي اتجنب القطرية لنها شايفه نفسها كنه احنا نخدمها .

[المها قطر]

للاسف اختي كلامج حقيقي مع ان المسلم هم اللي يجب يبتسم في وجة اخية المسلم
لكن اللي نشوفة العكس

[انا حره]

والله العظيم ان كلامك صح بس مو نتفداهم خخخخخخ

بس ترى عن جد بعض البات رافعين خشمهم ويمشون مشيه اتضحك كان رقبتهم مكسووره

وطالعك نظره كانك مسويتلها شي وطبعا ترى هالنظره بس للنساااء فقط ولا والله اتشوف الاجنبي تبتسم واتقوله ثانكيوو عاد انها متحضره


واذا هي عندها بزر انشوف البزر ونبتسم بل كانك مسويه جريمه

واذا دخلتي مكان وقلت السلام عليكم اول شي يطالعونك اذا عجبتيهم ابتسموو وردوو اذا طحت من عينهم

اوووف يتمون يطالعون بعض يحسبونا مانفهم هالحركات

مره من المرات لقيت وحده وامها متوهقين يدورون شي معين ويسالون المحاسب شاحسن نوع ان والله مو قصدي لقافه قلت تبون نصيحتي لاتاخذون الي بيدكم ن دايما طعمه محزر

راحوو نحااس حطوه بالقاري وهم يطالعون مو عاجبهم

[هذلان]

السلام عليكم


رسولنا صل الله عليه وسلم حثنا على الابتسامه في وجه الغير و هي كالصدقه تماما .

و انا مع هالشي ولكن ضغوطات الحياه احيانا تخلي الواحد مايبتسم بالايام الا ما ندر .

بخصوص ام عيون زرق الي ابتسمت اعتقد انها امريكيه ، و البريطانيين دايما يعلقون على ابتسامه الامريكان غير المبرره و يسمونها stupid smile كونها غير مبرره ولو تتعامل مع الشخص المبتسم في اي موضوع بعد الابتسامه ستكتشف لماذا هي ابتسامه غبيه .
طبعا هذا راي البريطانيين في الامريكان .

[Ussop]

أنا ودي إن هالشيء ينتشر ويشيع من بيننا أهل قطر

ولكن للأسف، البعض منا يوم تبتسم له، يرد لك بنظرة استحقار أو تعالي وكأنك تبغي منه شيء... لذلك صرت اتجنب الابتسام، إلا للي شكله حليو ويشجع!

[هاب الريح]

[quote=هاب الريح;5746164]

كلامك في محله / أخوي ..

مهب لله في لله يبتسمون لنا ..

أنا مجربة ..

مثلاً الإنجليز في بلادنا يتمحلسون لنا .. ويراوونا الوجه الحلو ..

لكن لما رحت لندن .. كرهتهم كره العمى ..

يطالعونك بخياس نفس وكأنك جاي عالة عليهم ...!!!

وإن الخير اللي احنا فيه ما نستاهله ؟؟!!

****

تحذري من هالأشكال ..

اختي الانكليز ما يعرفون يتملحسون كفايه اذا وعدو بشيء ينفذونه وما يجامل .

[بلوتنيوم]

تقدرين تعطينا نسبة
يعني من كل 10 كم الى يردون عليج الابتسامة:omen2:

وبعدين انا مجرب الابتسامة في الخارج ماتنفع مع الجميع
يعني صعب نعمم على جنسية او عرق معين صفة معينة
لانه في الخارج ينظرون لك بنظرة بما معناها
وش يبي هالعررربوووو:tease:

[همسه]

الارستقراطية

انتي ميه ميه

:)

حلوه الابتسامه واللطف في التعامل

[السهم البلاتيني]

نعيب زماننا والعيب فينا
وما لزماننا عيب سوانا
!!!!!!!!!!!!!!!
!!!!!!!!!!!!
!!!!!!!!
!!!!!
!!!
!!
!


بدون تعليق

[نيساني]

الحين تبتسم في ويه حد يقول طالع ذي قاعد يوزع ابتسامات!


شنسوي مانقول الا الله المستعان

[هدهد سليمان]

للأسف اختي الفاضله تحصلين يطبقون تعاليم الاسلام لكنهم غير مسلمين .. هذا هو الواقع .. والابتسامه صدقه .. يا بخلكم !!

[sara jsm]

الحين تبتسم في ويه حد يقول طالع ذي قاعد يوزع ابتسامات!

شنسوي مانقول الا الله المستعان

ههههههههههههههههههههههههه
والله صادق ,,
:
:
:
بس ترى من باب الدين والادب الابتسامة ,,
مب في وجه كل حد عشان مايتفسر بشي ثاني ,,
حتى رد السلام ,, مب شرط كلمة ( السلام عليكم ) ,,
في اخوان يقولون مثلا (( مرحبا \\ صباحوو )) نوع من انواع السلام ,,
بس تحسونه بابتسامه :)
على فكرة في الشركات الكبيرة علمونا لما نرد على التلفون ومعانا عميل لازم نرد واحنا مبتسمين لان الطرف الاخر راح يشعر بهالشي :)

يعطيج العافية اختي عالموضوع ,,
واكيد في ناس استفادوا منه ,,

[راعي ال VXR]

يقول جرير بن عبدالله رضي الله عنه: ما رآني رسول الله صلى الله عليه وسلم إلا ابتسم في وجهي, تأمل! ما هو الشيء الذي خلد في ذاكرة هذا الصحابي؟ إنها البسمة الحلوة الدائمة من رسول الله صلى الله عليه وسلم. ويقول ابن عباس رضي الله عنهما: كان رسول الله صلى الله عليه وسلم أجوَدَ أَبَشْ, أي بشوش مبتسم. وجعل النبي صلى الله عليه وسلم حركة الشفة صدقة يثاب عليها الإنسان إذ قال: تبسمك في وجه أخيك صدقة. فلو لم تملك المال كي تنفقه صدقة في سبيل الله, فإن البسمة وسماحة النفس صدقة عظيمة, وكيف لا تكون صدقة, وبها تبهج من أمامك, وتشرح صدره, وتدخل السرور عليه, وتخفف بها من معاناته, وتكون هي البوابة للمحبة والمودة؟.

[الأصيلة]

مره من المرات لقيت وحده وامها متوهقين يدورون شي معين ويسالون المحاسب شاحسن نوع ان والله مو قصدي لقافه قلت تبون نصيحتي لاتاخذون الي بيدكم ن دايما طعمه محزر

راحوو نحااس حطوه بالقاري وهم يطالعون مو عاجبهم

ضحكني الموقف والله ...
هذا معناه ان هالثنتين نحيسات من أصل..
وقاعدتهم خالف تعرف ...
لكن والله بـ قطر المواقف هذي نادرة...
بالعكس مافيه أطيب من القطريات والقطريين ...ومتواضعين ويحبون الخير للكل..
هذا الكلام عن 90 % منهم
عاد الـ 10 % يتصرفون تصرفات تقهر وشايفين نفسهم ...

[ام سلطون]

http://www13.0zz0.com/2010/04/19/04/849773660.jpg

[حنان الدنيا]

ياجماعه الموضوع وجه نظر لااكثر وفي كل مكان بنلقى الزين والشين

يعني مو كل اجنبي زين ولا كلهم شين وكله على حسب انته تعاملك معاهم بعد

وانا تعاملت مع اجانب اعرفهم وبعضهم ماعرفهم بس مو الكل يبتسم ولا الكل زين

مرات يجيك الاجنبي مخيس النفس عليك

ومرات تروح البنك تخلص معامله او المستشفى تاخذ موعد شوف عاد خياس النفس اشلون ولا

من قطريات وعربيات ولاتزعلون يابنات انا مريت في هالموقف في المستشفى ولا في اي ابتسامه

بس مو الكل بعد عشان مانظلم الباقي

بالنسبه لي على حسب وما نقدر نعمم هالشئ

[غير البشر]

قلت لكم قبل محد صدقني
للأسف طاااحو فيني
ذبحونا وطنيه ووطنيه
انزين انا وطني واحب بلادي واحب اهل بلادي اكثر من غيرهم
بس بعد الحق ينقال مب عيب :victory:

[بوخالد911]

pls, Keep Smiling
http://thm-a03.yimg.com/nimage/bbf2aa2cc7ea5a22

[غير البشر]

المقولة الشهيرة للشيخ محمد عبده رحمه الله عندما زار فرنسا في اوائل القرن الماضي

" وجدت اسلاما ولم اجد مسلمين .. وعدت فاذ بمسلمين بلا اسلام"


ولو اني اعتقد هذي المقوله انها لليشخ الغزالي بس مب مشكله
اهم شي ان المقوله صحيحه :(

[ماريسا]

اكتفي بالمتابعة
يعطيج العافية ع الموضوع

[Mansour_qa]

أتفـق معـاج في كـل كلمـة ..

والأخـت دعـة الجميـع لرد السلام و للإبتسامـه والتصافح وعدم التعالي من واقع ديننا الإسلامي الحنيف ..

[بو خليفه 123]

هي تعود الى النفسيات .. نفسية كل شخص سواءً اجنبي او عربي

لما درسنا في بريطانيا كنا نبتسم للبريطاني و كان يرد لنا الابتسامه بعبارة : Stupid Arab

[خوي الشوق]

ولا احلى من هالمواضيع ومفيده وااااااااااااااايد

[شجرة الدر]

هي تعود الى النفسيات .. نفسية كل شخص سواءً اجنبي او عربي

لما درسنا في بريطانيا كنا نبتسم للبريطاني و كان يرد لنا الابتسامه بعبارة : Stupid arab


والله صاادق اخوي بوخليفه ،،

كانو معانا إماراتيين لما اركبو الباص قعدو يسبونهم كانو يقولون نسوي عمرنا مانفهم المسبه علشان ماتكبر السالفه ،،

والله انا مره واحد واقف لي وقفه في الجمعيه وقاعد يقولي مب من حقج تلبسين الزي الاسلامي في بريطانيا والله ارعبني الا يوم اخوي شد معاه بالكلام راح عنا يعني ليقعدون يتفلسفون علينا بابتساماتهم انا مااقول الكل لكن الاغلب نفوسهم مب صاافيه وتطلع حقيقتهم في بلادهم ،،

[doha70999]

صح في للأسف وايد قطريات بس مب الكل يمرون من جنبي ويسوون نفسهم مايشوفون!!!!!!!!!!!!!! مادري شسالفه؟؟؟؟

[برق لمع]

مب كل الاجانب ترى يبتسمون
انا عشت سنين برا والبعض منهم يبتسم والبعض الاخر لا يلقي لك بال, لاني مسلمة ومتحجبة
الناس اجناس في كل بلد الصالح والطالح وهذي مش قاعدة لاني اعرف وايد قطريات وفي العمل او خارج العمل قمة في الاخلاق والابتسامه تزين ثغرهاا على طول
بس حلوة فكرتج دعوة للابتسام والله يعطيج العافية

[black@white]

اتفق مع صاحبه الموضوع
فعلا هنا عندنا ندخل نسلم تجد البعض واهنا اتكلم عن بعض النساء تتشاور هل ارد ام لا واغلب الاحيان لايردوون صراحه يقهرررررررررررررون
فما بالكم بالابتسامه
رحت امريكا لاحظت الكل يبتسم ويسلم كانك تعرفه وهذا الانطباع اللي خذته عنهم
بغض النظر عن ما تحمله قلوبهم لنا فالابتسامه هي بوابه العبور لقلوب الاخرين
ومن الملاحظ نجد هولاء اللي ما يردون السلام ومتعبتهم الابتسامه تلقاهم من اكثر المتوددين لو الاجنبيه ابتسمت معهم

[شبح الصمت]

اختي تفدين كافره !!!

أسمحي لي بس كان في طريقة أو عنوان أفـضل

أنتـي ما نقدر نلومـج وابتسامتج لها يدل على حسن تعامل العرب وانهم مش عنصرين ويمـكن سبحان الله تقدرين تقنعينها في دينا الاسلامي

بس طبعا مافي مقارنة بين العرب والكفار مافي مافي مقارنة

اسمحي لي بس من باب التنويه ومقدر افتـي في تفديــج لها بس نبي لج الأفضـل

وترى اختي احنا تعودنا ما نضـحك لأحد غريب لأسباب واجد منها الافكار الخاطئة ومابي اذكرها ..

اما الانـقلـيز عادي الابتسامة عندهم من باب التعارف يعني شوفيهم على طول ابتسم تعرف عليه يعني اهم متعودين على هالشـيء

أحـنا شعـب خجول

:shy:

[™كاسـبر™]

السلام عليكم ورحمة ورحمة الله وبركاته



موضوع شد انتباهي وعجبني وحبيت اشارك فيه

اي والله صدقتي فديت هالنوع من الأجانب الي كلما تمرون جنبهم

يعطونا ابتسامه حلوة او يقولون good morning

يازين نفسيتهم الحلوة وطبايعم وروحهم الخفيفة محد شايف روحه على الثاني ومغتر بروحه الا (فئة قليلة منهم)

اما احنا عندنا خير من هالنوعيات ((الله لايبلانا))

وايد ناس شايفة روحها ومغرورة وهاي العيب في فئة كبييييرة من مجتمعنا :(

حلو لو الواحد يمر جنب اي شخص مثلا مب شرط في مكان عام او سوق وزحمة او الخ

مثلا مر علي واحد فيس تو فيس او قابلته بالأصنيصير او بالدرج في اي مكان
ومافيه احد غيرنا طبعا شي اكيد انا باسلم بس شي حلو لو يرد لك السلام بأبتسامته
او يمر علي ويبتسم

يمكن البعض يشوف هالشي هبالة او فيه غرور وماينزل نفسه

بس مايدري شنو تأثير الأبتسامة

قال نبي الرحمة : (وتبسمك في وجه أخيك صدقة)!

1- فالابتسامة سلاح قوي وفعال يستخدمه الإنسان منذ طفولته للاقتراب والتودد للآخرين
2- يمكنك من خلال الابتسامة أن تدخل السرور لقلب الآخرين
3- بابتسامة لطيفة يمكنك أن تبعد جو التوتر الذي يخيم على موقف ما
4- من خلال الابتسامة يمكنك أن توصل المعلومة بسهولة للآخرين وفي غيرها وايد امور...



ويمكن بعضكم مايعرف يفرق بينهم

وهاي صور توضحية للي مايعرف يفرق بين الابتسامتين هه


يازين هالأبتسامة

http://up3.al-qatarya.org//uploads/images/al-qatarya-5711a80b04.jpg (http://up3.al-qatarya.org//uploads/images/al-qatarya-5711a80b04.jpg)

&

وياشين هالهبالة

http://up3.al-qatarya.org//uploads/images/al-qatarya-f7fc88212b.jpg (http://up3.al-qatarya.org//uploads/images/al-qatarya-f7fc88212b.jpg)

شوفوا الفرق الشاسع




على العموم اعذروني طولت بالرد

وماقصرتي اختي ((الارستقراطية)) على الموضوع الرائع والمميز

واتمنى لج كل التوفيق وبيض الله ويهج

[ام السعف]

صحيح ان الأجنبيات بشكل عام يرسمون ذيك الإبتسامة الودودة
بس بعد الكثيرات من القطريات يمرون ويلقون تحية الإسلام
وحتى مرات وان ما القوا التحية وقلنا لهم السلام عليكم ردوا و عليكم السلام ،،

اعتقد القاعدة مب عامة على كل القطريات ،، بس اقدر أأكد ان جمود الوجه ممكن
التأثر عليه من خلال القاء تحية او بتسامة منا ،،

[M!$s ĀŁ!eN]

احنا العرب قوم متخلف عن التقدم
يبيلنا اعاده تاهليل
بس لو ايتسمت البنت لشاب بفيهمونهم علط اووه هاي تبيني .. ويطلع عليها اكثر من بيعه السوق ...
مسكينه والله

ارد اقول يبيلنا اعاده تاهيل ..

[M!$s ĀŁ!eN]

ترا انا بطبعي ابتسم على طول
ليش ماادري كله مسويه اعلان سجنال2 لاسنان ..
هههه الابستامه .. حره

[بويعقوب]

ياجماعة الخير لا تتجادلون في موضوع مفرغ منه

لأن الزين موجود والشين موجود

ولا حد يعم ولا يخص

وتذكروا ان الرسول (صلى الله عليه وسلم ) قال : ( تبسمك في وجه اخيك صدقه )

[بويعقوب]

احنا العرب قوم متخلف عن التقدم
يبيلنا اعاده تاهليل
بس لو ايتسمت البنت لشاب بفيهمونهم علط اووه هاي تبيني .. ويطلع عليها اكثر من بيعه السوق ...
مسكينه والله

ارد اقول يبيلنا اعاده تاهيل ..

للتوضيح فقط

الابتسامه لها معاني اخرى اذا خرجت عن الحد المعقول

يعني انا وقف في الاشاره واحصل وحده تبتسم اكيد هذي تبغي تتعرف

الخلاصه : المرأه للمرأه والرجل للرجل

بابا في معلوم كلام ولا يسوي كركر زياده :nice:

[شبح الصمت]

للتوضيح فقط

الابتسامه لها معاني اخرى اذا خرجت عن الحد المعقول

يعني انا وقف في الاشاره واحصل وحده تبتسم اكيد هذي تبغي تتعرف

الخلاصه : المرأه للمرأه والرجل للرجل

بابا في معلوم كلام ولا يسوي كركر زياده :nice:



ارحم الله والديك يابويعـــقوب

قلت الي في خاطري كنت ابي اقوله بس راح عن بالي

محد بيقرقر لا تحاتي :secret:

:nice:

[لولوتي]

يقول جرير بن عبدالله رضي الله عنه: ما رآني رسول الله صلى الله عليه وسلم إلا ابتسم في وجهي, تأمل! ما هو الشيء الذي خلد في ذاكرة هذا الصحابي؟ إنها البسمة الحلوة الدائمة من رسول الله صلى الله عليه وسلم. ويقول ابن عباس رضي الله عنهما: كان رسول الله صلى الله عليه وسلم أجوَدَ أَبَشْ, أي بشوش مبتسم. وجعل النبي صلى الله عليه وسلم حركة الشفة صدقة يثاب عليها الإنسان إذ قال: تبسمك في وجه أخيك صدقة. فلو لم تملك المال كي تنفقه صدقة في سبيل الله, فإن البسمة وسماحة النفس صدقة عظيمة, وكيف لا تكون صدقة, وبها تبهج من أمامك, وتشرح صدره, وتدخل السرور عليه, وتخفف بها من معاناته, وتكون هي البوابة للمحبة والمودة؟.


جزاك الله خير
مشاركتك من اجمل ما يمكن ان يقال في الابتسامه :)

وانا والله احترت في جارتنا الجديده كل كم يوم اصادفها اسلم عليها و ترد وهي كأنها مغصوبه على الرد :rolleyes2:
أمس بعد صادفتها وعيني بعينها و ما كان لي مزاج بصراحه سفهت لها ومشيت :shy:
صرت اتمنى اطلع وما اصادفها ابدا :shy:

عسى الله يهدينا اجمعين.

[لولوتي]

ههههههههههههههههه
ضحكتني سالفة الوحده اللي تبتسم لواحد
هههههههههههههههه

ما تدرين انه ما يجوز يا أختي :omg:

[بويعقوب]

ارحم الله والديك يابويعـــقوب

قلت الي في خاطري كنت ابي اقوله بس راح عن بالي

محد بيقرقر لا تحاتي :secret:

:nice:

و والديك الجنه ومن يسمع

[هتـان قطر]

كنت افضل لو كان عنوان الموضوع غير العنوان الحالي

لانه ما يجوز يا عزيزتي الارستقراطية تتفدين مشركة

التبرؤ من الشرك وأهله من اصول العقيدة السليمة

انتبهي اختي لحديث رسولنا الكريم عليه افضل الصلاة والتسليم

" استأذنت ربي في زيارة قبر أمي ، فأذن لي ، واستأذنته أن أستغفر لها ، فلم يأذن لي "


وفي مسند البزار من حديث بريدة أنه - صلى الله عليه وسلم - حين أراد أن يستغفر لأمه ضرب جبريل عليه السلام في صدره وقال له لا تستغفر لمن كان مشركا ، فرجع وهو حزين .


فكيف يا اختي تفدين مشركة بنفسك وتعجبين بها..

الاخلاق الفاضلة نحن اولى الناس بها..ولكن العيب كل العيب فينا نحن

الذين تخلينا عن سنة نبينا الكريم وسيد الخلق..

قال صلى الله عليه وسلم

" تركتم على محجة بيضاء ليلها كنهارها لا يحيد عنها الا هالك"

[راعي ال VXR]

جزاك الله خير
مشاركتك من اجمل ما يمكن ان يقال في الابتسامه :)

وانا والله احترت في جارتنا الجديده كل كم يوم اصادفها اسلم عليها و ترد وهي كأنها مغصوبه على الرد :rolleyes2:
أمس بعد صادفتها وعيني بعينها و ما كان لي مزاج بصراحه سفهت لها ومشيت :shy:
صرت اتمنى اطلع وما اصادفها ابدا :shy:

عسى الله يهدينا اجمعين.


يزاج الله الف خير اختي الفاضله ...لكن حاولي بقدر الامكان ان اتبتسمي في وجهها لعل وعسى الله يهديها ...وفعلا حق الجار ياناااااااس وطبعا لا ننسى وصية الرسول (ص) ..عن الجار وحقوق الجار ..تحياتي

[المرحب]

ابتسامتك في وجه من تعرف أو لا تعرف صدقه

[شـــوق]

انتي من صجج اختي .. تراج مغتره فيهم .. هم يبتسمون علشان يأمنون شرنا لأنهم ماخذين عنا فكره انا ناس شريرين ودوم مكشرين فهي من الخوف تبتسم لج ويمكن ماعطينهم تعليمات بهالشي ولا الاجانب عمرهم ماحبوا المسلمين .. روحي شوفيهم في بلادهم يطالعونج بخياس نفس ولو يشوفونج تنزفين في الشارع ما اسعفوج .. تفدي شي يستاهل واللي يسلمج بس
اللي شفتهم في بلادهم ناس ودودين والكلمه الحلوه على لسانهم :)

اختي الارستقراطية هذي دعوه حلوه منج للابتسامـــه

عن نفسي راح اطبقها :)

[hemoud123]

ثبت في صحيح مسلم من حديث المستورد ابن شداد أنه قال : قال رسول الله صلى الله عليه وسلم (( تقوم الساعة والروم أكثر الناس )) فلما سئل في ذلك قال : لأن في الروم خصالاً اربعاً :

-أنهم أحلم الناس عند فتنة
2-وأسرعهم إفاقة بعد مصيبة
3- وأوشكهم كرة بعد فرة
4- وخيرهم لضعيف ويتيم ومسكين
و خامسة حسنة جميلة : وأمنعهم من ظلم الملوك'

[المغروره]

خلهاااااااااااااا تضحك بس روحي بلادهااااااااا شوفي بتضحك لج
ولا بتضحك عليج
تحياتي لموضوعج حبوبه

[رهج السنابك]

؛

اولاً اسمحوا لي ماشاء الله 70 رد بيوم واحد مقدر ارد عليهم كلهم لكن بعلق تعليقات سريعة على بعض الردود


هذه المداخلة اعجبتني جداً واعجبتني كل مداخلاتكم لكن هذه بالذات لها وقع في نفسي ما اعظم هذه الكلمات التي لابد ان تكتب بماء الذهب

((يقول جرير بن عبدالله رضي الله عنه: ما رآني رسول الله صلى الله عليه وسلم إلا ابتسم في وجهي, تأمل! ما هو الشيء الذي خلد في ذاكرة هذا الصحابي؟ إنها البسمة الحلوة الدائمة من رسول الله صلى الله عليه وسلم. ويقول ابن عباس رضي الله عنهما: كان رسول الله صلى الله عليه وسلم أجوَدَ أَبَشْ, أي بشوش مبتسم. وجعل النبي صلى الله عليه وسلم حركة الشفة صدقة يثاب عليها الإنسان إذ قال: تبسمك في وجه أخيك صدقة. فلو لم تملك المال كي تنفقه صدقة في سبيل الله, فإن البسمة وسماحة النفس صدقة عظيمة, وكيف لا تكون صدقة, وبها تبهج من أمامك, وتشرح صدره, وتدخل السرور عليه, وتخفف بها من معاناته, وتكون هي البوابة للمحبة والمودة؟.))



من ناحية اللي علقوا عن تفدي الاجنبية ( اعترف بجهلي في هذه الجملة ولا اعرف ماذا تعني فقط تقال لو شيء اعجبك جداً او عزيته ولا اعلم الحكم لمن افتى بالموضوع لاتوجد عندي فتوى في ذلك .. والله يغفر لي لو كان لايجوز )


بعلق على اللي قالوا ان هالاجنبية تتمحلس او يبون يامنون شرنا


ما رأيكم ان هذه االاجنبية بروفيسورة ومحاضرة جامعية :) ولها في قطر سنوات عديدة فأي مصلحة تريدها مني انا الفقيرة لله ؟ وهي على مستوى علمي يفوقني بالكثير انظروا فقط لقمة التواضع !! لو كانت قطرية هل تتوقعون تجدون دكتورة بهذا المستوى من التواضع ؟؟ رأيت كثيراً من الدكتورات وصاحبات المناصب العليا تنظر الينا بطرف عين وكأننا عدم بجانبها الا ماندر ( خمسين خط تحت الا ماندر )


واللي قالوا ان فيه بعض ( وخمسين خط تحت بعض ) اهل بلادنا يبتسمون ويردون السلام فأقول ان حسن الخلق ورد السلام واجب على المسلمين هذا في شريعتنا وليس منة انما من الواجبات عليهم أي لابد على الجميع وليس البعض ان يتحلى بهذه الاخلاق
فالعتب اشد هنا ولا عتب على الكفار

وبالنسبة للي قالوا سلام البنت على الشاب !! اقووول له ستووب انا ما اقصد هالسلام طبعا وهذا مايجوز وانا كل كلامي عن بنات قابلتهم ولم اذكر شباب:omg:


وأخيراً اتمنى لكم حياة سعيدة وهذه ابتسامة فقط للبنات :)

وتذكروا دائماً ان التواضع وحسن التعامل كله بأجر وثواب وصدقات تأتي من اسهل الطرق فلا تبخلوا على انفسكم بها ؛؛ ماذا سنخسر لو كنا بشوشين في وجه الاخرين ؟؟
وماذا سيخسر من يرى نفسه اعلى قدراً ومكانة لو ابتسم لكل من حوله ؟

ماذا سيخسر مدير الادارة لو ابتسم صباحاً في وجه موظفينه ؟
وماذا ستخسر المعلمة لو ابتسمت في وجه طالباتها ؟
وماذا سنخسر لو ابتسمنا في وجه الاغراب ؟
؛

[حليتان*]

وينج من زمان ماتبينين ؟







وبخصوص هذا الموضوع مؤثر والله


حياج في مسابقة خط في الاستراحة ..وانتي خطج في الكتابة ماشاء الله حلو :)

[بـــــــنت النوخـّــــذه]

اي انسان ينقصه (التواضع) بتحصلين الابتسامه تختفي من على وجهه ^______^


سواء اجنبي ولا عربي ولا خليجي ولا قطري ولا 0000الخ :)

[شموخ وبس]

صحيح ان الابتسامه في وجه اخيك صدقه بس صعبه انطبقها اهني كل واحد يفسر على كيفه
واساسا البريطانيين شعب تعيس مايضحكون مثل الاميركان
وانا عني محد ضحكلي يمكن لاني متنقبه بس يطالعوني مستغربين جني يايه من كوكب عطارد
كلش يهموني ماليت عليهم افضل مسلمه امبوزه في حالها ولا اجنبيه خبله يابلفيت تضحكلي في النهايه كافره

[الأصيلة]

؛
ما رأيكم ان هذه االاجنبية بروفيسورة ومحاضرة جامعية :) ولها في قطر سنوات عديدة فأي مصلحة تريدها مني انا الفقيرة لله ؟ وهي على مستوى علمي يفوقني بالكثير ؛


عزيزتي بغض النظر عن الموضوع باكمله..
لما قالوا تتملحس ..وانتي تقولين الفقيرة إلى الله..
هنا الغير مسلمين لو تملحسوا مش عشان امور مادية او غيره..
هم الهم الأكبر اللي شايلينه
( التنصير )وتغيير عقيدة المسلمين...ويغيرون أفكار الناس عن الإسلام والمسلمين...
فهم يفعلون في دعوتهم مالا يفعله المسلم من اجل الإسلام...
والتواضع خلق حميد بل هو عمدة الأخلاق بأكملها...
فلذلك من تأدب به كان له الخير في الدنيا والآخرة...
أسأل الله أن يجعلنا متواضعين خاضعين لأمره ولأمته ...
قال تعالى في صفات المؤمنين
( أذلة على المؤمنين اعزة على الكافرين )

[الفهد1]

السلام عليكم ورحمة الله


؛





موضوع ملاحظته من زمان وكان ودي اعرف سبب يفسر لي هالموضوع


واللي متأكده انه الكثير منكم لاحظه مثل ما أنا لاحظته ؛؛



واللي جدد الموضوع في ذهني موقف حلو مريت فيه اليوم ؛؛


كنت أمر في الممرات وإذ اجنبية شقراء بعيون زرقاء كالبحر كبيرة شوي في السن


مرت من جنبي واول ماشافتني ابتسمت ابتسامه عريضة جميلة :)


لا تعرفني ولا اعرفها لكن فهمت من حركتها حسن الذوق واللطافة


للأسف الشديد احصل بنات بلادي ابتسم لهم واسلم عليهم لو مايعرفوني تخزني بنظرة وتقعد تفكر نص ساعه ترد السلام او لا !! ولسان حالها يقول " اشتبي ذي وشعرفها فيني عشان تسلم علي "

مع ان السلام سنة والابتسامة سنة واجر !!


لكن ليه هالتناقض ليه مانطبق والأجنبي الكافر يطبق !!


واذكر موقف اخر كان لي مع دكتورة زائرة المانية واجهتها في مستشفى حمد ؛؛ عرفت الفرق بين السماء والارض بين الدكاترة الاجانب والعرب اللي المفروض يكونون ارحم واحن قلب

الالمانية من قمة التواضع يمكن مدت يدها لي اكثر من سبع مرات وكل شوي تبتسم لي ابتسامة عريضة وتطمني وتسلم علي احس كان ودها شوي وتقوم تبوسني

الدكاترة العرب نسلم عليهم اول ماندخل مايردون السلام و لا حتى يرفعون عينهم وهم يكلمونك كأن اللي قاعد يكلمهم يكلم جدار !!


ليه نشوف حسن التعامل من الاجانب والابتسامة واللطافة والهدوء في التعامل ومانشوفها مع بني جلدتنا اللي المفروض يصيرون العكس !!

واعتقد هذا الشي ملاحظ بعد بالنسبة للمراجعات او البنوك او المستشفيات الكل مكشر وعابس
ويتكلم بخياس نفس ومحد طايق احد !!


ليه محد يطيق الثاني ؟؟ ليه الكبر ؟ ليه شوفة النفس ؟؟

انا شخصياً وليس مدحاً احاول قدر الامكان اني اعكس جو ايجابي حولي

اللي يتصل علي في العمل اترك كل شغلي واتفرغ له وارد عليه بهدوء وسعه صدر حتى لو كان يكلمني بتعالي وحتى لو كنت في قمة توتري من ضغط العمل

واحاول قدر الامكان ابتسم للجميع لكن البعض ينظر للابتسامة على انه هبال !!

وهذا مثل للاسف طابع عام ان اللي يبتسم دائما يطلعون عليه " يوزع ابتسامات !! وباستهزاء " طيب خله يوزع ابتسامات ولا يوزع تكشيرات !!




هذا الموضوع هو دعوة للابتسامات ورد السلام والتحلي بالخلق الحميد ولا يكون الاجانب احسن مننا في حسن الطبع والله فديت العجوز الاجنبية اللي ابتسمت لي اليوم فعلا كنت محتاجة اشوف وجه بشوش من زمان ماشفته وحلاتها لما تجي من شخص مايعرفك :shy:

؛

كفو والله ما قلتي الا الصحيح

[~~ الدانـه ~~]

صحيح ان الابتسامه في وجه اخيك صدقه بس صعبه انطبقها اهني كل واحد يفسر على كيفه
واساسا البريطانيين شعب تعيس مايضحكون مثل الاميركان
وانا عني محد ضحكلي يمكن لاني متنقبه بس يطالعوني مستغربين جني يايه من كوكب عطارد
كلش يهموني ماليت عليهم افضل مسلمه امبوزه في حالها ولا اجنبيه خبله يابلفيت تضحكلي في النهايه كافره


هههههههههه حلوه مسلمه امبوزه


طيب اختي لهم حق يطالعونج باستغراب ........النقاب بالنسبه لهم قناع مخيف لاتلومينهم

[بو خليفه 123]

والله صاادق اخوي بوخليفه ،،

كانو معانا إماراتيين لما اركبو الباص قعدو يسبونهم كانو يقولون نسوي عمرنا مانفهم المسبه علشان ماتكبر السالفه ،،

والله انا مره واحد واقف لي وقفه في الجمعيه وقاعد يقولي مب من حقج تلبسين الزي الاسلامي في بريطانيا والله ارعبني الا يوم اخوي شد معاه بالكلام راح عنا يعني ليقعدون يتفلسفون علينا بابتساماتهم انا مااقول الكل لكن الاغلب نفوسهم مب صاافيه وتطلع حقيقتهم في بلادهم ،،

هذا دليل على الجانب العنصري لدى الاجانب . و ماخفي كان اعظم ..


و لكن كما تُدين تُدان .. الحين الاجنبيه غير مسموح لها تلبس لباس غير محتشم بالمجمعات او الاماكن العامه و من حقك كـ مواطنه ابلاغ الاداره لأتخاذ الاجراء اللازم ضد هذي المرأه الغير محتشمه ... و لكن هذا موضوع آخر بعيد عن الابتسامه .. ادامها الله على وجهك :)