تعبت مع طيور الجنة

[نمر بن عدوان]

بصراحة تعبت ادور حل مالقيت قلت مافي الا اخواني وخواتي في المنتدى يمكن احصل عندهم الحل.


عيالي مثل باقي لعيال تولعوا بقناة اسمها (طيور الجنه) اكيد اكثركم يعرفها :)

. المشكله ان هالقناه شغاله 24ساعه:anger1: .ودي اقعد وياهم اسولف واضحك والعب معاهم لكن مافي امل طبعا لانهم مشغولين بطيور الجنه :rolleyes2:. الي مبطل حلجه والي
يغني وياهم ( انا لين , ويالسعوديه , واسناني وا وا ) والصغيره الي ماتفهم تهز يدها وتقط كل شوي كلمه مادري من وين تجيب هالكلمات شي يضحك والله .

قلت مره باصير شديد ويياهم دخلت وغيرت القناة وعينكم ماتشوف الا النور الي يصيح والي يصارخ والي يقول ماحبك والي يركض رايح جاي من اول الغرفه لاخرها وهو يردد (مابي مابي مابي ) .


ماقدر اقعد بروحي واخليهم بروحهم وفي نفس الوقت ماقدرت اتأقلم مع هالقناه يعني ممكن اتحمل 10دقايق او نص ساعة لكن اكثر صعب .

ابي حل من مجرب او خبير في الاطفال لأني فعلا تعبت وشكلي اخرتها باكسر التلفزيون مع الدش .

للعلم: لعيال صغار اقل من 6سنين :)

[سهم سهم]

هههههههههههههههههههههههههههههههههههههههههههههههههه ههههه

الله يعينك عليهم والله ايخليهم لك

الحل انك اطلعهم برى البيت شوي يمكن ينسون التلفزيون

[Sharshooooor]

امنعهم شوي شوي بانك ترتب لهم وقت للمشاهدة ووقت للعب ووقت للتعليم

[qatarlands]

انا قبل نفسك

بس مالك الا انك تلهيهم بشيء تدريجيا وشوي شوي

الين تكنسل هالقناه من روسهم

وربي يخليهم لك

[أبو لجـيـــن]

هههههه الله يخليهم لك

مافي امل يتغيروا... خلك ريلاكس مثلي واقعد وياهم وتابع :) انا حفظت كل اناشيدهم وقمت ارددها ويا عيالي خخخخ:eek5:

[نمر بن عدوان]

هههههههههههههههههههههههههههههههههههههههههههههههههه ههههه

الله يعينك عليهم والله ايخليهم لك

الحل انك اطلعهم برى البيت شوي يمكن ينسون التلفزيون

المشكلة الطلعه يومين في الاسبوع الويكند اما باقي الايام اذا قدرت اوديهم بيوت عيال عمهم والمشكلة هناك تزيد يتجمعون كلهم وتحدي بينهم من حافظ اغاني طيور الجنه وحركاتهم :nice:

[بويعقوب]

الله يعينك عليهم

والله يخليهم لك

افصل الكهرب وقولهم (( التلفزيون خلبااااااان ))

اليهال ماينصادون الا بالخدعه

[نمر بن عدوان]

امنعهم شوي شوي بانك ترتب لهم وقت للمشاهدة ووقت للعب ووقت للتعليم

المشاهده =طيور الجنه

واللعب =طيور الجنه شغاله وهم يلعبون ههههههههههه

التعليم البنت بس في الروضه الباقيين ماعندهم شي ومثل مانت عارف الروضه الله بالخير :secret:

[Khaled Qatar]

نفس الحاله لين مسحت القناه

[ابـو مــحــــمـــــد]

والله ياخوي صارت مفروضه علينا في البيت فرض الخدمات حفظو الاغاني
اوقات صرنا حتى في المجلس نحط على طيور الجنه
خلاص تعودنا عليها من عاشر القوم 40يوم صار مثلهم

بس تصدق اصغرهم متولع في مسلسل نمر بن عدوان

[al-bake2002]

الــــــلــــــه يا نمر بن عدوان ,, الحين نسيت ايامك يوم كنت تجي من المدرسة ركييض وتتحبل حق الكرتون الساعة 4 العصر تشوف افتح يا سمسم ولا اغنية هدى حسين سيارتي عجيبة !! الحين خذت وقتك تبي تاخذ من عيالك وقتهم ؟؟ الله يسامحك بس

[سوق واقف]

الله يحفظ لك عيالك

فديت عيالي ما يحبون التلفزيون أذا طلعت قالوا بنجي معاك فديتهم

[Gh2o]

حلك بسيط وايد بند التلفزيون خلهم يصيحون شوي هم يعرفون اساسا انك من تسمعهم يصيحون بتسوي لهم الي يبونه وهذي غلطتك لازم تكون حازم معاهم ولا تقول صغار وحرام بالعكس بالعمر شخصياتهم تتشكل ولو فقدت السيطره من الحين الله يعينك لا كبروا

[alfahad1]

عندي اقتراح بس يكلف شوي
.........

.......

....

جيبلهم الفرقه للبيت

[برشلوني قطر]

هههههههههههههههههههههههههههههههههه

الله يخليلك عيالك..ويخليك لهم..

والله ياخوي انا جاتني فتره نفس وضعك ...ولاكن تدريجيا بدو ينسونها..

يمكن مثالي بعيد بس تخيل اشلون تفطم الياهل عن الحليب :eek5::rolleyes2: هههههه

والحين الحمدلله ولا يتذكرون القناة..حببهم ف اشياء ثانيه من غير ماتمنعهم من البدايه..

وهم من نفسهم بيلهوون..:nice:

والله يجعلهم ذريه صالحه واحسن من ابوهم

[OTOsan]

عندي اقتراح بس يكلف شوي
.........

.......

....

جيبلهم الفرقه للبيت


هههههههه عجبني هالاقتراح ،،


عيال اخوي مأذيني كله (اسناني واوا !!)

تحدثت في موضوع سابق ان التلفاز بكثرة قنوات الرسوم المتحركة التي فيه اصبح شيئا فشيئا شغل الاطفال الشاغل ، وقد يؤدي هذا الى قلة النشاط لديهم بكثرة الجلوس اضافة الى الاعراض الاخرى ،،

حدد لهم وقتا معينا للمشاهدة تدريجيا .. وحاول ان تحثهم على اللعب والنشاطات الاخرى .. والله يكون بعونك ويخلي لك عيالك يارب :)

[ام السعف]

الموضوع ابسط من البساطة سكر عنهم القناة و حدد لهم وقت معين
يشغلون فيه هالقناة المؤذية بالنسبة لك ،،
وخلهم يصيحون ما في طفل مات من الصياح و انه و ابوه معاه،،

وان كنت بالفعل تبي تقعد معاهم ،، روح المكتبة خذ لك درزنين اقلامة تلوين
وهات دفاتر تلوين و لون وياهم ،، او خذ لك مقاصة وخلهم يقصصون اوراق
ملونة على اشكال هندسية و علمهم اشلون يسوون ابوهم
وييب لهم ورقة بيضة و خلهم يركبون اجزاء هالأبو او الأم او اخوانهم،،
وعلق اوراقهم على طوفة خاصة و عززهم بالنجوم او طلعة او مصارعة حرة في البيت ،،

العب وياهم كوك انخش في الكبت و خلهم يدورونك
او انخش تحت السرير و ارقد و خلهم يدورنك ،، ما في اسهل من انك تشغل اليهال
بس اهم شي تكون عندك الإرادة ،،

[العضو الماسي]

ياطيبه ياطيبه يادوا العيانه ... ههههه

بابا تليفووون قولو مو هون ... ههههه



:rolleyes2:

[شموع قطريه]

مالك أمل اخوي .. اليهال عندنا تولعوا في هالقناة بشكل مو طبيعي .. 24 ساعه مشاهدينها لا والحين مسوين لهم برنامج مباشر كل يوم العصر وعيالي يتصلون فيهم وانا خبر خير ومادرينا بهالشي الا يوم جاتنا الفاتوره :omg: اتصالات بالهبل للأردن ويوم شافوني معصبه على كيوتل وسمعوني اني بشتكي عليهم اعترفوا انهم هم اللي متصلين بطيور الجنه :anger1:

المصيبه حاولت انسيهم القناة مسحتها وقاموا يدورونها مالقوها بغوا يستخفون قلت لهم يمكن خاص سكروا القناة قاموا يتصلون في عيال عمهم ويوم قالوا لهم انهم شغاله استعانوا بصديق وياهم وبرمج لهم القناة مره ثانيه :rolleyes2:

شريت لهم كمبيوترات علشان يلهون فيها عن القناة لقيتهم فاتحين اغاني طيور الجنه من اليوتيوب :rolleyes2:

اخر شي خلوني انا اللي اتابعها وياهم ومن كثر ماشوفها حفظت كل اناشيدهم ( انا ديمه حلوه وشطوره ) :weeping:..

لا وازيدك من الشعر بيت عيالنا استخبروا ان فرقة طيور الجنه بيجون قطر عقب اسبوعين ومن الحين يحنون على راسي يبون يحضرون ..:(

[alrheeb2020]

هههه الله يخلي لكم عيالكم ويحفظهم ويجعلهم من الذريه الصالحه

[الرويـس]

هههههههه عجبني هالاقتراح ،،


عيال اخوي مأذيني كله (اسناني واوا !!)

تحدثت في موضوع سابق ان التلفاز بكثرة قنوات الرسوم المتحركة التي فيه اصبح شيئا فشيئا شغل الاطفال الشاغل ، وقد يؤدي هذا الى قلة النشاط لديهم بكثرة الجلوس اضافة الى الاعراض الاخرى ،،

حدد لهم وقتا معينا للمشاهدة تدريجيا .. وحاول ان تحثهم على اللعب والنشاطات الاخرى .. والله يكون بعونك ويخلي لك عيالك يارب :)

لا وبعد ضروسهم مكسره بعد
:unsure:
جان زين استفادوا من اسناني واوا




طلعهم برع البيييت
ودهم البرررررر
:unsure:

[محسن العجي]

مافيه الا انك تلهيهم في شىء


امممم مثلا يعني

دخلهم الجيش :tease:

هههههههههههه

الله يحفظهم لك ياخوي

[]ام جاسم[]

اممممممم بالنسبه لي داويت عيالي بنفس الدوا
صرت احط على قناة براعم واتم اطالع معاهم واذا هم تمللو اتم اهول ان الحلقه هذي رهيبه ولا زم انشووفها وكل شغله اقولهم شوفو لازم انسوي كذا واتم اسولف معاهم بس ماحرمتهم من طيور الجنه
لين تدريجيا بدو يطالعون القناتين شوي خفت السنداره وغير كذا وقت الدراسه اسكر التلفزيون والساعه 7 لازم على فرشهم واشغل القران لهم .... والله يديهممم

[هتـان قطر]

ياليت على سندارة طيور الجنة وبس..؟ الا طلعت قنوات ثانية

كراميش..نيكولوديا..وكلها اغاني..الله المستعان

من يوم دشت بنتي الروضة وحنا مرتاحين من السندارة

[موضي قطر]

ههههههههههههههههههههه يعني عيال خواتي احسن انا مرة طلعت من طوري وكسرت التلفزيون

والكل استغرب بس مادروا اني ماعرف اشكال طيور الجنة بس اسمع اغانيهم اتنرفز من دون سبب

[جنوب الدوحه]

الله يخليهم لك يا رب ^_^

[بنت^البحرين1]

هههههههههههههههههههههههههههههههههههههههه

الله يحفظ لكم اعيالكم كلكم


اعتقد هذيلن طيور الجنة هالاسبوع اهني بييون البحرين ،، واشوف اعيال اخوي مستخفين يبون يروحون .. بس انا اللي اسمع به ،، بابا تلفووووووووووون قولوووووا موووووووو هووووووووون
ههههههههههههههههههههههههه


بس احنا ماشاءالله اعيالنا لو يلقون فتحه فالطوفة دشوا فيها ،، مب ادمان هالقناة لان عندهم شغل اللعب فالحديقة وكل واحد يدورف الثاني .. يعني مب متسندرين من هالقناة

[شـــوق]

امسح القناه وقولهم القناه قفلت >_<

[ماريسا]

هههههههههههههههههه الله يخليكم لبعض يا رب
و الله إنك متساهل وايد مع عيالك اخي الكريم
انا لا يمكن أسمح لعيالي بالتلفزيون الا بعد سن الـ9 حتى لو قنوات أطفال
برايي يسبب ضعف التركيز و الانتباه عند الاطفال اللي أقل من 8 سنين اذا قعدوا ع التلفزيون

[لــولــو]

انا بعد حفظت الاغاني (( انا البندورة الحمرة مزروعة بين الخضرة تاكل مني و لا تشبع و تصير اخدودي حمرة ))
و بعد (( عصومي و وليد مرة راحو على بيت الجيران )) نفس الحالة بنت اختي تقول انا ابي اروح البيت عشان انتو ما عندكم طيور الجنة

[شعنونة قطر]

لا والله انا متولع في قناة سبيس تون الاجنبيه فالصبح كله يحطون اغاني

انا ابريق الشاي اغني هذه يدي وهذا فمي
حين يغلي الشاي اصيح
حان وقت الشاي دعوني استريح :p

حفظت كل اغانيهم بس حلوه خخ

[ANONYMOUS]

كم ترددها ع القمرين

؟

[غير البشر]

هههههههههههههههههههههههههههههههههههههه
ههههههههههههههههههههههههههههههههههههه

يحليلهم الله يخليهم لك يارب
انا الحمدلله اعيالي عقب جهد جيده علمناهم على ساعه او ساعه ونص باليوم

اقتراحي لك
كل يومين اخذ لهم لعبه سعرها مايكون عالي عشان لو تمملو منها يقطونها
خبرك اليهال يحبون اي شي جديد نفس الكبار يتولعون فيه :secret:
اشوي اشوي بتحسهم يخفون من التلفزيون وان شاء الله
فتره بسيطه يمكن ينسونه
في خلال هذي الفتره لو اطلبو التلفزيون حاول تلهيهم با الالعاب

وبعد فتره وقف عنهم شراء الالعاب مع اسلوب تخفيف التلفزيون وبس :victory:

[بوعمير]

لم أعاني مع أطفالي كثيراً وقمت بتشفير القناة، خصوصاً وأنها تزخر بالأغاني، وعوضتهم بأن أخذهم معي إلى العزبة حتى أصبحوا يطلبون مني الذهاب إليها بشكل يومي، وأذكر في أحد البرامج الدينية أن الشيخ محمد العريفي قام بنصح صاحب القناة وطلب منه إعاده النظر فيما يطرح خصوصاً وأن المتلقي طفل.

[تحداني]

.
.
.
الحمد لله لا اعاني من هذه المشكله .. وما عندنا اعيال اصغار
ولكن لما يجون اعيال اخوي البيت تبدأ الحنه والزنه على هذه القناه
مجرد ان يلقو نظره سريعه .. تأتي القصص وعلب الألوان ..
ويلهون عن التلفزيون .. ونحط الي نبيه على كيفنا ..
.
.
.
هكذا هم الأطفال يلهون بسرعه ..
ولكن الاهم ان تعرف ما الذي يحبونه .. وماذا يجذبهم ..
وكما اشارت " ام السعف " ردها كان جدا منطقي ..

.
.
الله يحفظهم لك يارب ..
وينور طريقك


جملكم الله برضى الرحمن

[مرتبش]

بيتعبون منها ..فهمهم انه في اوقات لكل شي..وقت اكل ووقت نوم ووقت للعب ووقت دراسة والاوقات لما تختلط الانسان مايقدر يستفيد منها ومايقدر يخلص الشي اللي يسويه ..
يعني وقت الاكل مايصير يلعب لانه بيقعد يلعب واخوانه بياكلون الاكل عنه! وبعدين بتطلعون الالعاب وهو بعده ماتغدى طبعا هالخطة ماتصير اذا الياهل تلاحقه الخدامة بالاكل وهو يلعب .

او تبي خطة ثانية ..شوف برنامج السوبر ناني :)

تحياتي

[نمر بن عدوان]

انا قبل نفسك

بس مالك الا انك تلهيهم بشيء تدريجيا وشوي شوي

الين تكنسل هالقناه من روسهم

وربي يخليهم لك


تسلم على المشورة الطيبه مثل ماقلت مافي الا السحب التدريجي كل يوم انقص لهم نص ساعه من الوقت :nice: جزاك الله خير




هههههه الله يخليهم لك

مافي امل يتغيروا... خلك ريلاكس مثلي واقعد وياهم وتابع :) انا حفظت كل اناشيدهم وقمت ارددها ويا عيالي خخخخ:eek5:


ياحيك الي قدرت تتأقلم معاهم المشكلة هالقناة ماقدر ابلع اغانيها ولا الاسلوب وخصوصا احنا نعرف ان الهدف الاول منها مادي بحت مب حبا في الاطفال وفيها استغلال للاطفال .

[mohd89]

هههههههههههههههههههههههههه

مشالله الله يخليهم لك يارب

نفس الحاله عيال اخواني مجننينا الله يعين كل اللي في البيت حفظوا الاغاني

حتى ابوي واخواني الكبار !!

الوالد ذاك اليوم يمشي يقول "انا البندوره الحمره" ههههههه

اول ما فتحوها كانوا 24 ساعه يطالعونها بس الحين خففوا

مصيرهم بيزهقون .. بس انت حاول تنسيهم وتشغلهم بشي ثاني

عسى ربي يخليهم لك

[وحش قطر]

العب معاهم سيكل قبل اذان المغرب واول ماياذن قولهم بروح اصلي صل وعقب خذ راحتك وهم لاهين في سياكلهم

[ممنوع اللمس]

هههههههههههه الله يخليهم لك يارب
مالك الا الصبر وش وداك له...
اهم شي غن معاهم
يابابا اسناني واوا..وديني عند الطبيب
ما بدي آكل شوكلاته..بدي أشرب الحليب
هالله هالله :victory:
اشهد انه شاعر

[STAR]

الله يخليهم لك.. بس مردهم بيتملوون .. نفس اللي عندنا ههههه

[cristal]

الله يخلي لك عيالك

احنا مش بس اليهال سندرونا حتى الخدامات
حافظين اسامي اللي يغنون عمر الصعيدي :rolleyes2: وديمة :eek5:

ويغنون مع اليهال

الله يعين

[جرح الزمان]

التربيه تحتاج حزم

وهم امانه ومعلقين في رقبتك

عليك ان تحدد لهم وقت للتلفزيون

الله يبارك لك فيهم ويجعلهم من الصالحين

[بــو فهــد]

عندنا وعندك خير
اختي الصغيره متولعه ببراعم وتغني وتناقز وياهم *..

[بنت سعادة السفير]

ههههههه عندنا وعندكـ خير يااخووي

[ع.م]

لازم تنظم حياتهم.. وقت مخصص للتلفزيون.. وقت محدددد للنوم بدددري.. وقت لللعب.. وهكذا.. بيتعودون عالوضع بدون مايدرون.. كل شي فالبداية صعب بس عقب بيتيسر بالذات إن سنهم صغير وهذي نقطة فصالحك..

إذا مانظمت حياتهم وحطيت لهم جدول يومي أكيد بيكون هذا حالهم.. هم يهال مايقدرون يعدلون نظام يومهم مايدرون شالسالفة.. هذي وظيفة الأهل..

والله يعينك..

[ليــث قطر]

نيكولوديان .. صج صج قناة خبيثة ..

يمكن طيور الجنة شوي اهون .. لكن مصيبتها في الموسيقى والرقص !

[ضوى]

اخوي الكريم نمر

كنت بفترة من الفترات مثلك ، لدرجة حسيت ان عيالي صارت حياتهم تلفزيون وبس سبيس تون وارت الاطفال ، بس سويت لهم طريقة حلوة ، خربت الدش بطريقة ما ، احاول اصلحه وهم معاي يمين يسار مانفع جبت راعي الدش خليته يلغي القنوات هاي ، لغاهم وقال جدامهم ماينفع خلاص القنوات تشفرت ولازم دش خاص وسالفة طويلة :) خليت لهم قنوات الجزيرة الوثائقية وكم قناة خليجية اللي واثقة مافيهم شئ مخل والحمد لله شوي شوي تأقلموا الا نسوا هالقنوات والحين مايسالون عنها اساسا غير هذا التهوا بنشاطات رياضية وحفظ قران صار وقتهم مشغول وطبعا هذاتقدر تطبقه على الاطفال تحت 5 سنوات بالراحة وبيكونون متعاونين معاك خاصة سالفة الدش خربان وخليهم بروحهم يصلحونه لين يملون وينسون الموضوع والاحلى والاحلى انك تجيب كتاب عن الستالايت تعلمهم اشلون ممكن تصلح الستالايت يعني بيحوبن القراءة منها ومنها معلومات مفيدة
والله يخلي لك عيالك ويصلحهم وتشوفهم من ائمة الحرم المكي ان شاء الله

[سهم صعب]

عندنا وعندكم خير كانت شغاله عندنا من الصبح لين الليل 24 اغانيهم لين ماتمللت وخليت التلفزيون لولدي وشريت واحد ثاني
بس عقب مسحتها من ذاك وخليته على براعم قبل كان يحن بس شوي شوي نسى الموضوع وماصار حتى يطالع التلفزيون مثل اول اصلاً

[مساهم عادي]

ولدي يحب هذه القناة ... من ماكان عمره 4 شهور والى اليوم وعمره سنة ونص... واذا شافني قاعد عند التلفزيون يعطني الريموت ويقولي "دنه دنه" يقصد حط لي طيور الجنة .....

هذه القناة تعلق فيها الأطفال بشدة غير عن باقي القنوات .... ولو قارنها بمحتويات باقي قنوات الأطفال فهي الأفضل من وجهة نظري ....

[قطرية فذة]

ليش مسويها مشكله
الله لايهينك بند التلفزيون وقعد معاهم

[alqtri]

مايبيله شي ياخي رقم سري على القناه كم يوم وقول لهم القناه خربانه باجيب رجال يصلحها

وخلاص اجلس معاهم لين الله يشوف لك وبعدها شغل القناه لهم

الله يخليهم لك ان شاء الله نفس الحاله عندنا في البيت ههههههههههههههههههههههههه

[نااااني]

عادي ياخوك انا طول الوقت على هالقناه وحفظت اناشيدها وفوق هذا كله اذا ركبنا السياره بعد ابوهم يحطه على dvd
ويغنون وياهم في البيت وفي السياره مالنا الا الصبر ربي يخليهم لناااااااااااااااااااااااااااااااااااا............ ..

[نااااني]

الله يخلي لك عيالك

احنا مش بس اليهال سندرونا حتى الخدامات
حافظين اسامي اللي يغنون عمر الصعيدي :rolleyes2: وديمة :eek5:

ويغنون مع اليهال

الله يعين



صدقتي خدامتي مع الخدم الثانين يغنون والمصيبه خذت اشرطه تبي توديها لبلادهاااااااااااااااا
ههههههههههههههههههههههههههههههههههههههههههههههههه. ....

[حليتان*]

الله يخليهم لك.....

[The Blade]

عادي احذف القناة وقول لهم ان القناة سكروها :d عارف ان الكذب على الطفل راح ينمي شئ غلط فيه بس راح تبعدهم عن شئ احتمال تضرهم .

الله يخليهم لك.

[الشمريه]

قناة طيور الجنة = من أقوى القنوات المخرجة لجيل راقص وعاشق للغناء ! والمحزن أنها دخلت كثيراً من بيوت الملتزمين ... ولاأدري ألايفرق هؤلاء بين الإنشاد الحلال وبين الانشاد الغنائي ! الذي لاتكاد تسمع فيه كلمات النشيد بسبب المويسقى وآلات العزف والمزامير الالكترونية ( ايقاعات الكمبيوتر )!

ألا يرون هؤلاء أنهم يطبقون على أنفسهم حديث رسول الله عليه الصلاة والسلام


1 - ( ليكونن من أمتي أقوام ، يستحلون الحر والحرير ، والخمر والمعازف.......)

الراوي: أبو مالك الأشعري المحدث: البخاري - المصدر: الجامع الصحيح - الصفحة أو الرقم:5590
خلاصة الدرجة: [صحيح]

لاأدري هل يستطيع أن يقول أحد بأن مايـُعرض على قناة طيور الجنة ليس بمعازف ولامويسقى !
لاتعليق طبعاً إن قال أحد بذلك !!
فليس يصح في الأذهان شيئ إذا إحتاج النهار إلى دليل !
أصلاً من شعارها تعرف محتواها !

وأخشى أن يكون من يسمع الغناء أهون ممن يسمع لهذه الاناشيد الملغمة !
لأن الذي يسمع الغناء في الغـــــــــــالب يعترف أنها حرام ويسألك أن تدعوا له بالهداية
أما من يسمع هذه الاناشيد الغنائية ! ( والله مش عارف أسميها إيه أناشيد أم غناء !) فإنه في الغالب ينكر ويدافع عن هذه الاناشيد وعن القنوات التي تبثها ويقول ليس فيها شيئ وعادي وللاطفال مش للكبار !!
طيب أنا أتحدى كل من يقول هذا
بينك وبين نفسك
اصـــــــــدق الله ، فحتى لو كذبت على نفسك فالله يعلم ماتوسوس به نفسك !
أقول
أليس أطفالكم في المنازل يتراقصون على أناشيد طيور الجنة ؟؟؟
أطفالكم الذين أعمارهم ثلاث وأربع وخمس وتسع سنين !
هؤلاء أمانة ين أيديكم ستسئلون عنهم ورب الكعبة شئتم أم أبيتم ..
عجبت عندما علمت عن أحد الاطفال أنه مدمن على قناة طيور الجنة وهو في عمر 3 سنين
ليل نهار وهذه الموسيقى تضرب في رأسه
ثم عندما يكبر نقول له المويسقى حرام !
لاأدري كيف سيحل الطفل هذه المعادلة !
ألم يقل الشاعر
وينشئوا ناشئ الفتيان منـّا **** على ماكان عوّده أبوه



هذه سنة فطرية
تربي الطفل على القرآن وحب الصلاة سينشأ على ذلك إن شاء الله

تعوده على الغناء والطرب ولسانه لايفتر من السب والشتم سينشأ على ذلك إن إلا أن يرحمه الله ويصلح حاله
وكما في الحديث
(فأبواه يهودانه أو ينصرانه !! )


مازالت الفرصة قائمة لتدارك الوضع ، وإصلاح مافسد
فالبدار البدار أيها الأباء والامهات
ربما تأتي النهاية قبل أن تنبهوا أبناءكم على هذا الخطأ ..فلاندري إلى متى سنحيا .
من الآن تخلصوا من هذه القنوات المسمومة
ولتربـّوا أولادكم على حب كتاب الله وسنة رسوله عليه الصلاة والسلام وأن يطبقوها بقدر مايستطيعون
ولتخرجوا للأمة جيلاً يرفع راية الإسلام ويعز الله به المسلمين

ساهموا بنشر الموضوع في المواقع والمنتديات والإيميلات والقروبات
حذروا من استطعتم ممن تعرفون
وأبرءوا الذمة أمام الله
والدال على الخير كفاعله


* م ن ق و ل للأهميه *

[نمر بن عدوان]

الله يعينك عليهم

والله يخليهم لك

افصل الكهرب وقولهم (( التلفزيون خلبااااااان ))

اليهال ماينصادون الا بالخدعه

خربان بيقولون صلحه ولا بيروحون التفلزيون الثاني وماقدر اطول لاني انا ابي اتفرج بعد :)




نفس الحاله لين مسحت القناه

حل من الحلول :nice:



والله ياخوي صارت مفروضه علينا في البيت فرض الخدمات حفظو الاغاني
اوقات صرنا حتى في المجلس نحط على طيور الجنه
خلاص تعودنا عليها من عاشر القوم 40يوم صار مثلهم

بس تصدق اصغرهم متولع في مسلسل نمر بن عدوان


يعني رايك اعود نفسي معاهم ؟ يهون مسلسل نمر بن عدوان كم يوم ويخلص مب قناة 24ساعة وعلى طووول .


الــــــلــــــه يا نمر بن عدوان ,, الحين نسيت ايامك يوم كنت تجي من المدرسة ركييض وتتحبل حق الكرتون الساعة 4 العصر تشوف افتح يا سمسم ولا اغنية هدى حسين سيارتي عجيبة !! الحين خذت وقتك تبي تاخذ من عيالك وقتهم ؟؟ الله يسامحك بس


ههههههههه الله يرحم ذيك الايام كلها نص ساعه وكل شي يخلص الحين 24ساعه



الله يحفظ لك عيالك

فديت عيالي ما يحبون التلفزيون أذا طلعت قالوا بنجي معاك فديتهم


الله يخليهم لك ويبارك لك فيهم


حلك بسيط وايد بند التلفزيون خلهم يصيحون شوي هم يعرفون اساسا انك من تسمعهم يصيحون بتسوي لهم الي يبونه وهذي غلطتك لازم تكون حازم معاهم ولا تقول صغار وحرام بالعكس بالعمر شخصياتهم تتشكل ولو فقدت السيطره من الحين الله يعينك لا كبروا


تسلم على الاقتراح وفعلا سندارة ايام ولا سندارة سنين



عندي اقتراح بس يكلف شوي
.........

.......

....

جيبلهم الفرقه للبيت


:anger1::anger1:


هههههههههههههههههههههههههههههههههه

الله يخليلك عيالك..ويخليك لهم..

والله ياخوي انا جاتني فتره نفس وضعك ...ولاكن تدريجيا بدو ينسونها..

يمكن مثالي بعيد بس تخيل اشلون تفطم الياهل عن الحليب :eek5::rolleyes2: هههههه

والحين الحمدلله ولا يتذكرون القناة..حببهم ف اشياء ثانيه من غير ماتمنعهم من البدايه..

وهم من نفسهم بيلهوون..:nice:

والله يجعلهم ذريه صالحه واحسن من ابوهم


تسلم على الاقتراح والله يبارك فيك ومن يعز عليك وجزاك الله خير على الدعاء الطيب:)



هههههههه عجبني هالاقتراح ،،


عيال اخوي مأذيني كله (اسناني واوا !!)

تحدثت في موضوع سابق ان التلفاز بكثرة قنوات الرسوم المتحركة التي فيه اصبح شيئا فشيئا شغل الاطفال الشاغل ، وقد يؤدي هذا الى قلة النشاط لديهم بكثرة الجلوس اضافة الى الاعراض الاخرى ،،

حدد لهم وقتا معينا للمشاهدة تدريجيا .. وحاول ان تحثهم على اللعب والنشاطات الاخرى .. والله يكون بعونك ويخلي لك عيالك يارب :)


بارك الله فيك على الاقتراح والتدريج هو تقريبا افضل حل


الموضوع ابسط من البساطة سكر عنهم القناة و حدد لهم وقت معين
يشغلون فيه هالقناة المؤذية بالنسبة لك ،،
وخلهم يصيحون ما في طفل مات من الصياح و انه و ابوه معاه،،

وان كنت بالفعل تبي تقعد معاهم ،، روح المكتبة خذ لك درزنين اقلامة تلوين
وهات دفاتر تلوين و لون وياهم ،، او خذ لك مقاصة وخلهم يقصصون اوراق
ملونة على اشكال هندسية و علمهم اشلون يسوون ابوهم
وييب لهم ورقة بيضة و خلهم يركبون اجزاء هالأبو او الأم او اخوانهم،،
وعلق اوراقهم على طوفة خاصة و عززهم بالنجوم او طلعة او مصارعة حرة في البيت ،،

العب وياهم كوك انخش في الكبت و خلهم يدورونك
او انخش تحت السرير و ارقد و خلهم يدورنك ،، ما في اسهل من انك تشغل اليهال
بس اهم شي تكون عندك الإرادة ،،


اقتراح رائع اختي وفعلا باحاول ادور لهم البديل وان شالله باطبقه من بكره توني راد من السفر وشايف الردود :nice:




ياطيبه ياطيبه يادوا العيانه ... ههههه

بابا تليفووون قولو مو هون ... ههههه



:rolleyes2:


:anger1::anger1:


مالك أمل اخوي .. اليهال عندنا تولعوا في هالقناة بشكل مو طبيعي .. 24 ساعه مشاهدينها لا والحين مسوين لهم برنامج مباشر كل يوم العصر وعيالي يتصلون فيهم وانا خبر خير ومادرينا بهالشي الا يوم جاتنا الفاتوره :omg: اتصالات بالهبل للأردن ويوم شافوني معصبه على كيوتل وسمعوني اني بشتكي عليهم اعترفوا انهم هم اللي متصلين بطيور الجنه :anger1:

المصيبه حاولت انسيهم القناة مسحتها وقاموا يدورونها مالقوها بغوا يستخفون قلت لهم يمكن خاص سكروا القناة قاموا يتصلون في عيال عمهم ويوم قالوا لهم انهم شغاله استعانوا بصديق وياهم وبرمج لهم القناة مره ثانيه :rolleyes2:

شريت لهم كمبيوترات علشان يلهون فيها عن القناة لقيتهم فاتحين اغاني طيور الجنه من اليوتيوب :rolleyes2:

اخر شي خلوني انا اللي اتابعها وياهم ومن كثر ماشوفها حفظت كل اناشيدهم ( انا ديمه حلوه وشطوره ) :weeping:..

لا وازيدك من الشعر بيت عيالنا استخبروا ان فرقة طيور الجنه بيجون قطر عقب اسبوعين ومن الحين يحنون على راسي يبون يحضرون ..:(

ههههههههههههه
شفتي شلون المعاناه مع هالقناه سبحان الله كأنج تتكلمين عن عيالي


هههه الله يخلي لكم عيالكم ويحفظهم ويجعلهم من الذريه الصالحه

.يعطيك العافيه ومشكوره على الدعوه الطيبه

[نمر بن عدوان]

لا وبعد ضروسهم مكسره بعد
:unsure:
جان زين استفادوا من اسناني واوا




طلعهم برع البيييت
ودهم البرررررر
:unsure:

ماعندي وقت اطلعهم كل يوم :(



مافيه الا انك تلهيهم في شىء


امممم مثلا يعني

دخلهم الجيش :tease:

هههههههههههه

الله يحفظهم لك ياخوي

هههههههههههه
يسلام على الاقتراح الرهيب :victory:



ام جاسم[;5749285']اممممممم بالنسبه لي داويت عيالي بنفس الدوا
صرت احط على قناة براعم واتم اطالع معاهم واذا هم تمللو اتم اهول ان الحلقه هذي رهيبه ولا زم انشووفها وكل شغله اقولهم شوفو لازم انسوي كذا واتم اسولف معاهم بس ماحرمتهم من طيور الجنه
لين تدريجيا بدو يطالعون القناتين شوي خفت السنداره وغير كذا وقت الدراسه اسكر التلفزيون والساعه 7 لازم على فرشهم واشغل القران لهم .... والله يديهممم

الله يبارك لج فيهم ام جاسم واقتراح طيب :)



ياليت على سندارة طيور الجنة وبس..؟ الا طلعت قنوات ثانية

كراميش..نيكولوديا..وكلها اغاني..الله المستعان

من يوم دشت بنتي الروضة وحنا مرتاحين من السندارة

لا قناة نيكولوديا ماخليهم يشوفونها لو يموتون فيها اشياء ماتصلح لعمرهم وتعلمهم اخلاقيا سيئه



ههههههههههههههههههههه يعني عيال خواتي احسن انا مرة طلعت من طوري وكسرت التلفزيون

والكل استغرب بس مادروا اني ماعرف اشكال طيور الجنة بس اسمع اغانيهم اتنرفز من دون سبب

نفس الشعور هالغناه ماستصيغها احس انهم يخدعون الاطفال والقصد مادي بحت



الله يخليهم لك يا رب ^_^


ويخليلك من يعز عليك


هههههههههههههههههههههههههههههههههههههههه

الله يحفظ لكم اعيالكم كلكم


اعتقد هذيلن طيور الجنة هالاسبوع اهني بييون البحرين ،، واشوف اعيال اخوي مستخفين يبون يروحون .. بس انا اللي اسمع به ،، بابا تلفووووووووووون قولوووووا موووووووو هووووووووون
ههههههههههههههههههههههههه


بس احنا ماشاءالله اعيالنا لو يلقون فتحه فالطوفة دشوا فيها ،، مب ادمان هالقناة لان عندهم شغل اللعب فالحديقة وكل واحد يدورف الثاني .. يعني مب متسندرين من هالقناة

الله يخليهم لكم . حاط لهم العاب في الحديقه لعبوا فيها يومين والحين حلت ومايدرون عنها :(



امسح القناه وقولهم القناه قفلت >_<

:nice::nice:


هههههههههههههههههه الله يخليكم لبعض يا رب
و الله إنك متساهل وايد مع عيالك اخي الكريم
انا لا يمكن أسمح لعيالي بالتلفزيون الا بعد سن الـ9 حتى لو قنوات أطفال
برايي يسبب ضعف التركيز و الانتباه عند الاطفال اللي أقل من 8 سنين اذا قعدوا ع التلفزيون

المشكله فالبدايه ناخذ الامور بسهالات وبعدين ندور الحل للمشكله الي جبناها لنفسنا .



انا بعد حفظت الاغاني (( انا البندورة الحمرة مزروعة بين الخضرة تاكل مني و لا تشبع و تصير اخدودي حمرة ))
و بعد (( عصومي و وليد مرة راحو على بيت الجيران )) نفس الحالة بنت اختي تقول انا ابي اروح البيت عشان انتو ما عندكم طيور الجنة

هههههههههههههههه

اشرايج اقط عيالي عندج :nice:

[بوحارب]

يالربع كم تردد طيور الجنه على العربسات ؟؟؟

وشلون اطلع القناة ؟.

بن عدوان ترى القناة حلوة وخاصة لما يقولون
لالا لا لا لا لاااااااااااااا لما نستشهد بنروح الجنه ههههههههههههههههههههههه

[بنت ابوها 19]

قناة مامحصلين من وراها اله التردح والترقص


لو قناة فيها شي ينفع الياهل بقول

قمنا نحرم اطفالنا من هل القناه وقمنا نحط لهم براعم طووول اليوم ولا ع الاقل ديزني فيها برامج تعلم الاحرف وكلمات تنفع الياهل


لكن طيور الجنه شيستفيد منها الطفل غير الترقص والتردح
والقهر انه البنات الي بالقناه وقسم بالله جريئات بشكل غريب يرقصون جنه تقول بنت كبيره ترقص


انا بصراحه مسحتها من عندنا لانها ماتنفع اطفالنا بشي

ياحي براعم والله صج قناه حلوه تعلم الياهل الحروف وكل شي ,,