هل يحق للشرطي مخالفتك دون علمك؟

[العابد]

كم مرة يتفاجأ الواحد منا برسالة من مطراش

برسالة عليك مخالفة كذا ومبلغ كذا

طبعا السائق المسكين لا يدري متى وقت المخالفة ولا زمانها ولا يومها

ولا في أي مكان تمت

السؤال هنا هل يحق للشرطي مخالفتك بدون أن يعلمك

وهل إذا خالفك بدون علمك يحق لك رفض المخالفة وعدم تسديدها

أتمنى الإجابة

وشكرا

[ANONYMOUS]

اللي اعرفه ان فتحوا مكان للشكاوي على قولة جاجاسم

شوفهم وخبرنا وش يصير معاك

[كركم]

اذا تقصد مخالفة حزام الأمان ..اكيد خالفك على دوار ولا على اشارة..ومب معقوله بيقعد يتناقش مع كل واحد بيخالفه ويقوله ليش مب رابط الحزام والسائق يرد عليه ياخي توني طالع من المواقف والخ الخ..
اذا انت شاك انه مغلط وانت دايم تربط الأحزام..روح واشتك...اما اذا عارف نفسك غلطان لا تعور راسك

[كاريرا]

اللي اعرفه ان فتحوا مكان للشكاوي على قولة جاجاسم

شوفهم وخبرنا وش يصير معاك

انت المسكين الوحيد الي ماعطوه ازرق غامج اتصدق!!:(

والى المنتدى كله الي يسوى والي مايسوى صار ملون

يالله هارد لك انشالله يلونونك عقب ٣٠٠ سنه

[ANONYMOUS]

انت المسكين الوحيد الي ماعطوه ازرق غامج اتصدق!!:(

والى المنتدى كله الي يسوى والي مايسوى صار ملون

يالله هارد لك انشالله يلونونك عقب ٣٠٠ سنه


ههههههههههههههههههههههههههه

اضحك الله سنك


لا يبه خلني ع العنابي عايش الجو

احسن من بوطير الازرق غامج

:p

[تحداني]

.
.
هناك انواع من المخالفات المروريه من الصعب اخطار السائقين بها ..
مثل حزام الامان .. الجوال .. الجلوس في المقعد الامامي للأطفال ..
.
.


هذه المخالفات تحتاج الى 100 شرطي في كل شارع
لان العمليه صعبه . والازدحام سيكون اكثر من الكثير

.
.
.
جملكم الله برضى الرحمن

[الوعد2016]

بكل تاكيد يحق له المخالفه وبدون اعلامك
واقل سبب لانه لو بيوقف الكل مراح يخالف حد

[المغروره]

ارجوووك لاتكلمني عنهم باطيين جبدي فزعه الخويا ارحم منهم بواايد

[Bu Rashid]

عندنا كل شيئ يصير
ممكن يخالفك وانت ما مسوووووووي شيئ:rolleyes2:

[باراكودا]

لابد أن يكون التعامل بشكل أفضل مثل الدول المتقدمة المفروض الشرطي
يوقف صاحب السيارة المخالفة وقبل مايطلب منه الرخص يعطيه التحية ....المفروض شىء والواقع شىء مؤلم وكسيف .

[yousef545]

دام ايجيك الشرطي اجنبي توقع اي شي

كأنه ايبرد حرته لما ايخالفنااا ( وجهة نظر )

[SomeOne]

الله يرحم برحمته

[الهايم]

لابد أن يكون التعامل بشكل أفضل مثل الدول المتقدمة المفروض الشرطي
يوقف صاحب السيارة المخالفة وقبل مايطلب منه الرخص يعطيه التحية ....المفروض شىء والواقع شىء مؤلم وكسيف .

لا وأبشرك ............. واذا كان الشرطي مزاجه رايق يمكن يسامحك ويدفع عنك مخالفتك القديمه :tease:

[العضو الماسي]

اليوم مطرشين لي مخالفه حزام . وامادري متى شافني الشرطي ؟؟

[قطرية فذة]

شبتسوي يعني بيركبونك الغلط

[باراكودا]

اليوم مطرشين لي مخالفه حزام . وامادري متى شافني الشرطي ؟؟

شافك في الحلم الظاهر كان مكثر من الكيمة في مطعم الزرقاء .

[العضو الماسي]

شافك في الحلم الظاهر كان مكثر من الكيمة في مطعم الزرقاء .

والله الضاهر الكيمه مأثره عليه وايد . بس مستغرب طول اليوم ماخبر ان في شرطي نقز في وجهي ولا طالعني حتى الواحد يدري ان ممكن يكون تخالف :rolleyes2:

[بنت^البحرين1]

اعتقد انه من حقهم وعادي

انا مرة وقفت في باركات ومانتبهت ان مكتوب عقبي بسيارتين ممنوع الوقت ، رجعت الا في مخالفة حاطها لي عند الباب ...


بس بقولكم .. الحين مخالفات الموبايل،، اليوم توني أشوف واحد نازل ويراوي الشرطي تلفونه، الظاهر يثبت له بالوقت انه ماكان يتكلم بالتلفون ولا موقف ويطالع في تلفون الريال بعد !! :eek5:


واحسن حل السكوت .. لان الاخذ والعطا ماييب نتيجة خلاص .. خاصة لين ناحسوا بس،، خذ المخالفة والشكوى لله

[فتى الجود]

فى قطر يصير

[bo_hamad]

وينه جاسم ننتظر منه الرد

[ودي أكون]

يعني الشرطي .. لين كمل شهر وماخالف له الا واحد او اثنين .. شو بيقولون عنه .. اكيد هذا مايبي يخالف او مايشتغل عدل ..:con2:


فـ شيسوي المسكين .. لازم يخلص دفتر والا اثنين عليكم.. :tease:


فمن اجل عين ( شغله ) .. تكرم الف عين ( اتنو ) :nice:

[Sharshooooor]

توه واصلتني رسالة مخالفة حزام

وانا ماشي ماوقفني الشرطي ولانبهني مع ان توني طالع من المهرجان البحري

يعني مايمديني ابدل قير 2 :nice:

وبالعكس سلم علي بس مادري انه بيخون وبيصكني مخالفة :shy:

[NEMO]

اليوم الصبح كنت على دوار طيبه ابي اطوف وواحد جاي من الصوب الثاني والشرطي كان قاعد يخالف طبعآ اللي مب لابسين الحزام المهم مر واحد وفتح للشرطي الدريشه (ماكان لابس الحزام ) بس قاله الله يسلمك الله يخليك وطاف والشرطي ماسجل له مخالفه اشر له بيده انه طوف ماعليك شي وشفته ماسجل الرقم يعني ناس وناس ليششش

[بو خليفه 123]

بالنسبه لي .. سؤالك ينطبق على التحريات , يكون مدني و يخالفك لمجرد انه مزاجه كان متعكر ذاك اليوم و انت لفيت عليه بالغلط .

لما تجي تبي تقرا التقرير ولا تبي تواجه هذا الفرد من التحريات يقولك لا ممنوع مايصير .

اتمنى هذي الفوضى يكون لها حد , و اتمنى اعادة تأهيل افراد التحريات و بعض رجال المرور الذين يتخذون الأمور شخصيه ... لأني ضربته بالمدرسه يسجل علي مخالفه غيابيه انتقاماً مني بعد عشرين سنه . ياخي عيب ؟ صرنا آباء رجال بـ طول و عرض


ماذكر اعلاه "حصل معي شخصياً"

[sanad81]

السؤال هنا هل يحق للشرطي مخالفتك بدون أن يعلمك


نعم أكيد يحق و نص

لا تبوق لا تخاف..

اربط حزامك و استعمل سماعة للتلفون و محد بيجي صوبك...

[الدوحي7]

بالنسبه لي .. سؤالك ينطبق على التحريات , يكون مدني و يخالفك لمجرد انه مزاجه كان متعكر ذاك اليوم و انت لفيت عليه بالغلط .

لما تجي تبي تقرا التقرير ولا تبي تواجه هذا الفرد من التحريات يقولك لا ممنوع مايصير .

اتمنى هذي الفوضى يكون لها حد , و اتمنى اعادة تأهيل افراد التحريات و بعض رجال المرور الذين يتخذون الأمور شخصيه ... لأني ضربته بالمدرسه يسجل علي مخالفه غيابيه انتقاماً مني بعد عشرين سنه . ياخي عيب ؟ صرنا آباء رجال بـ طول و عرض


ماذكر اعلاه "حصل معي شخصياً"

اتمنى من الوزير ينظر فيهم هم اللخويا والفزعه والتحريات لان معاملتهم محتاجه الى تاهيل وليس روح الانتقام الموجوده في اغلبيتهم،،

[abn qatar]

اللي اعرفه لازم الشخص يستلم ورقه المخالفه من الشرطي لان صارت معاي مره مخالفه

حزام انا واقف عند الاشاره كتب المخافه وعطاني الوصل اذا دون وصل مشكله ممكن يكتب

الرقم بالغلط والشخص يدفع مخالفه ماله خص فيها

[بنت^البحرين1]

بالنسبه لي .. سؤالك ينطبق على التحريات , يكون مدني و يخالفك لمجرد انه مزاجه كان متعكر ذاك اليوم و انت لفيت عليه بالغلط .

لما تجي تبي تقرا التقرير ولا تبي تواجه هذا الفرد من التحريات يقولك لا ممنوع مايصير .

اتمنى هذي الفوضى يكون لها حد , و اتمنى اعادة تأهيل افراد التحريات و بعض رجال المرور الذين يتخذون الأمور شخصيه ... لأني ضربته بالمدرسه يسجل علي مخالفه غيابيه انتقاماً مني بعد عشرين سنه . ياخي عيب ؟ صرنا آباء رجال بـ طول و عرض


ماذكر اعلاه "حصل معي شخصياً"



:eek5::eek5::eek5:


بل عاد هالكثر شايل في قلبه ومب ناسي؟؟