^^اخيراً بنودع الزحمه .........مبرووووك ^^

[جرح الزمان]

أشغال تركب جسوراً حديدية على الدوارات المزدحمة

علمت "الشرق" أنه سيتم تركيب جسور حديدية على الدوارات المزدحمة والتي تعاني من اختناقات مرورية شديدة، حيث أفادت مصادر مطلعة بأن وزارة البلدية وأشغال وإدارة المرور قد بحثت الأمر، وتم الاتفاق على تكليف بعض الشركات العالمية المتخصصة، والتي نجحت في بعض البلدان بتركيب جسور حديدية لتوصيل الأماكن بالمباني والمشاريع المشيدة حديثاً، وفي ذات السياق أكد مصدر في إدارة المرور أن هيئة الأشغال تجهز لفتح مشروع طريق الدوحة السريع، مما يزيد الضغط على دوارات وطريق الدائري الرابع، ولا يوجد حل إلا وضع جسور من فوق هذه الدوارات، لضمان انسياب الحركة المرورية، وعدم حصول اختناقات، وأشار إلى أن الجسور سهلة التركيب، ولا تحتاج إلى قواعد أرضية، وترفع خلال أيام، وتمد، وتفتح لمرور السيارات عليها، وتكون مشابهة بالحجم والقدرة الاستيعابية للجسور التقليدية، ومن جهته أكد مصدر في هيئة الأشغال العامة أن دراسة الموضوع قد تمت، وأن هذه التجربة نجحت في عدد من البلدان، مما يستدعي تطبيقها في قطر، على عدد من الدوارات وفي عدد من الطرق الحيوية، وذات الازدحام المتزايد، والمطرد مع الزيادة السكانية، واتساع رقعة المشاريع وتوسع المناطق، وأضاف المصدر أن هذه الجسور ستبقى دائمة، لفك الازدحام المروري، وفي حال نجاح التجربة، لن تكون هناك توسعة أو تطوير للطرقات التي توضع عليها، خلال أوقات قريبة.

السؤال : متى تتوقعون تنتهي اشغال من هالجسور ؟؟؟؟

[رجل الجزيرة]

جزاك الله خير على ذا العلم الطيب، بس طال عمرك الزحمة جاية جاية، هاه ويش رأيك؟

[ممنوع اللمس]

أخوي اتوقع سنة 2900 إن شاء الله

[Mobile]

المشاريع عندنا للاسف تحتاج فترات اكثر من الفترات الطبيعية

ويقول لك شركات عالمية .. واخرتها اول ما يخلص المشروع تبدا مشاكله

[نايم سهران]

يعطيك العافيه اخوي
بس نقدر نقول العنوان الجديد ( بنودع الزحمه لمدة 5 او 10 سنوات) فقط

[ســـهم]

طيب ومابعد الجسور الحديديه ؟

الجسور الحديديه وسيلة عبور لزحمه أخرى ونتذكر جسر السودان صارت الزحمه عند الاشارات !

[جنوب الدوحه]

يالربع تخبرون كان في دوار صوب فريج السودان .. يقولون بيصير جسر .. تهقى بنعيش هذا اليوم :)

[بحر الكرم]

اممممممممممممممممممممم

[شموع قطريه]

أشغال تركب جسوراً حديدية على الدوارات المزدحمة
وأشار إلى أن الجسور سهلة التركيب، ولا تحتاج إلى قواعد أرضية، وترفع خلال أيام، وتمد، وتفتح لمرور السيارات عليها،

عزت الله رحنا فيها :eek5:.. بدون قواعد واللي بيركبونها اشغال !! معناتها كلها شهر وبينسدح الجسر :weeping:


يالربع تخبرون كان في دوار صوب فريج السودان .. يقولون بيصير جسر .. تهقى بنعيش هذا اليوم :)

مالك أمل لين الحين العمال يحوطون في المشروع ويحكون راسهم ( شكلهم دافنين شي بالغلط وقاعدين يدورونه ) .. المفروض من الصيف الماضي فاتحين الطريق والحين مرت سنه على موعد التسليم ولا شفنا شي .. الله يعينا على الزحمه بس

[ودي أكون]

وأشار إلى أن الجسور سهلة التركيب، ولا تحتاج إلى قواعد أرضية، وترفع خلال أيام،..


لا ابشروا عيل باذن الله .. باذن الله راح انعيش فرحة الجسور:yes:

[فتى الجود]

ياخوى لايمكن تخلص هالجسور

هذي فاتحة بيوت ومركبه بعضهم يخوت

[مرتبش]

من الاول بدال هالانفاق اللي لازم يحفرون لها ويشيلون كل الخدمات تحتها.. الجسور والعمدان تكون مصبوبة وجاهزة ماعليهم الا يحفرون للعمود كم حفرة متر في متر وحط العمود وركب الجسر..كل هذا والشارع شغال ومافي تسكير ووجع راس.

فلسفة وصرف عالفاضي للانفاق ..يمكن بعض المسؤولين يظنونها احلى .

[تلتوله]

هههههههههههه البحرين هدمت جميع الدورات وحطوا جسور وخفت الزحمه بنسبه 80٪
والفال لقطر

[مشتاقة لقطر]

ربح كريم

[برشلوني قطر]

ياجماعة الخير..ارضو بالامر الواقع الزحمه موجووووده لو تروحون بسياره تطير..

[ماريسا]

ان شالله خير

[مطيع الله]

فرصة تجارية

[ولد البدر]

يالربع تخبرون كان في دوار صوب فريج السودان .. يقولون بيصير جسر .. تهقى بنعيش هذا اليوم :)
أخوي جنوب الدوحة " الجسر صار واحنا نمشي عليه كا ن جسر حديدي والحين سووه جسر دائم بس سيده ما كأنه جسر

[لاجل QT]

لاطيح فينا ..برغي واحد يتبطل الا كلنا طايحيين من فوق الجسر..يبا الزحمة من كثر الاجانب في الدوحة مو منا اذا انحلت هالمشكلة افتكينا من الزحمة وصارت في وظايف شاغرة بحق وحقيق

[الغيداء]

تو الناس

[حبة خال]

اذا حلوا مشكلة الزحمة ما راح نحصل شي نشتكي منه..


يسلم صاحب الموضوع

[حليتان*]

الله يقدم الي فيه اخير :)

[م. عبدالعزيز]

فكره هالجسور عجبتني ، بشرط انه يكون فيه صيانه دوريه عليها ،،

وبالنسبه لانه الفكره مناسبه لانه البنيه التحتيه عندنا تحتاج الى تغيير كبير واذا بدوا بهالتغير بنتم سنين ننتظر وبتزيد ازمه الزحمه بشكل كبير ... :: فانا أؤيد طرح هالجسور

[الـقـاسـي]

اشغال ماقدرت على الجسور العادية شكلها بطيح .. شلون بهالجسور الجديدة

[التيما]

أخوي اتوقع سنة 2900 إن شاء الله

ههههههههههههههههههههههه

[barod]

السوال المهم متي بتبدا هل جسور

[استغفرالله]

ما صدق الا لما اشوف بعيوني

[السندان]

لاكنها تبقى مؤقته .. واعتقد ان لها اصوات مزعجه عند مرور المركبات عليها

وشئ افضل من لاشئ .. يفك أزمه ههههه