شرايكم بهالمسؤول شاركوني برايكم...

[احساس غريب]

السلام عليكم..



امس واقفين انا ورفيجي عند اشارات بن عمران وكان راعي البيكب اللي كلها اعلام وزخارف واقف قدامنا واعتقد انه معروف في قطر والاغلبيه عارفينه كان مطول على المسجل وحاط اغنيه لنادي الغرافه لانهم فازوا امس وتاهلوا للنهائي وفجاه الا واحد من المواتر اللي احذانا نازل من موتره يركض والله ياجماعه يركض ويصارخ عالريال قدامنا وقدام العالم ويقوله قصر عالمسجل وعرفت من رفيجي ان هذي مسؤول في المرور بس للامانه انا اول مره اشوفه وهذاك الريال علطول قصر عالمسجل ..

المفروض ياحضرة المسؤول تاخذ رقم سيارة الريال وتحاسبه ف مكتبك دام عندك سلطه عليه اما انك تروحله ركض قدام الناس اسمحلي اقولك مب حلوه بحقك كمسؤول واقولها بصراحه ماهاكذا تورد الابل في اساليب وايد احسن من الاسلوب اللي سويته مع الريال وانا مب مع راعي البيكب في اللي سواه انه مطول عالمسجل بس بعد ضد حركتك انت ايضا..
واسمحولي عالاطاله..

[ودي أكون]

اللي ماعجبك ان راكض فالشارع يعني !!

هل راكض مسافه طويله والا !!

هل كان بثوب مدني والا عسكري !!


عشان افهم سبب انزعاجك اخوي.. :shy:

[المزن الرياني]

الا ينزل قدام الناس ويفضحه
دام المخطىء مايستحي من الناس ... ليش نراعي شعوره قدامهم ؟

ترى في ناس ماتجي بالطيب

[هام السحاب]

والله ماعرفنا لكم
قبل فتره واحد منزل موضوع عن الي يطولون على صوت المسجل
واليوم موضوع عن مسؤول قال للشخص قصر ع الصوت

رضى الناس غايه لاتدرك
يعني انت زعلان ليش المسؤول راح ركيض

[بدور]

انا من من يومين شفت سياره حمرا اعتقد بيك اب وفيها بلاوي من اعلام وتزيين وليتات عرس

بشكل مو طبيعي من سمح لهذا الشخص بهذا التصرف !!!!!!!!!!!

منظرليس حضاري وخاصة المسجل يلعلع !!!

طيب ليش يعطونه المسئولين تصريح وبعدين يراكضون وراه قصر عالمسجل والمسئول غلطان بتصرفه:rolleyes2:

[الخفي]

(( عندما تفرض على الناس سماع الاغاني بالقوه يجب ان توقف عند حدك

والله انه مر علي في يوم من الايام اني خفت على اذني لاتنفقع

لما اتمشى في الشارع وانا مطول على المسجل على الاغاني واكون مندوب للشيطان

بتلويث اذان من لايريد ان يستمع للاغاني هناك يجب ان توقف عند حدك

كان ودي ان رجل المرور سحب سيارته واسجنه عشان يكون عبره لغيره ))

[سهم بن سهم]

مو من حق المسؤول محاسبة راعي البيك اب بهالشكل وقدام العالم واتصور بان راعي البيك اب شخص معروف في قطر وهذي هوايته وقاعد يسوي شيء بتصريح رسمي من الدولة والاشياء اللي على الموتر برخصه من المرور نفسه واتصور بان تصرف هذا المسؤول تصرف خاطيء ولا يليق وانا هنا اسال سؤال هل هذا المسؤول مخول بان يحاسب الناس بهذه الطريقة مثلا ؟

هل هذا المسؤول مخول بابراز بطاقته الوظيفية للناس ويقول لهم انا مسؤول ولاتسوي هذا الشيء ؟

هل هذا المسؤول لديه صفة الضبطية القضائية من الدولة ؟؟؟

انا لو كنت مكان راعي البيك اب ماقصرت على المسجل ولا افتكرت فيه حتى لو كان من يكون واعطيه الطناااااااااش لان سيارته معروفه ومايفعله معلوم للسلطات واتصور مايفعل شيء غلط هو انسان فنان وهوايته تزيين السيارات وهو في الاول والاخير قطري وله توجهات طيبه من خلال الملصقات اللي على سيارته .

احيي صاحب البيك اب على حبه لوطنه ورحلاته للبلدان المختلفه واتمنى منه ان يلف العالم بسيارته القطرية :victory::)

[Qa6ar]

جعله يسلم المسئول وبيض الله وجهه وكان بعد حجز موتره ووصله لمركز الشرطه لانه مزعج العالم

ومزعج الشارع ولا اهتم بالناس الموجوده وخله يكون عبره لمن يطول الصوت في الشارع

[OTOsan]

اعتقد ان الاعتراض هو على (اسلوب الاعتراض ) من قبل المسؤول وليس على الاعتراض نفسه !

كان من الممكن تنبيه راعي البيكب باسلوب آخر ....ولكن لا املك اية اقتراحات لاساليب اخرى !!

[هام السحاب]

مو من حق المسؤول محاسبة راعي البيك اب بهالشكل وقدام العالم واتصور بان راعي البيك اب شخص معروف في قطر وهذي هوايته وقاعد يسوي شيء بتصريح رسمي من الدولة والاشياء اللي على الموتر برخصه من المرور نفسه واتصور بان تصرف هذا المسؤول تصرف خاطيء ولا يليق وانا هنا اسال سؤال هل هذا المسؤول مخول بان يحاسب الناس بهذه الطريقة مثلا ؟

هل هذا المسؤول مخول بابراز بطاقته الوظيفية للناس ويقول لهم انا مسؤول ولاتسوي هذا الشيء ؟

هل هذا المسؤول لديه صفة الضبطية القضائية من الدولة ؟؟؟

انا لو كنت مكان راعي البيك اب ماقصرت على المسجل ولا افتكرت فيه حتى لو كان من يكون واعطيه الطناااااااااش لان سيارته معروفه ومايفعله معلوم للسلطات واتصور مايفعل شيء غلط هو انسان فنان وهوايته تزيين السيارات وهو في الاول والاخير قطري وله توجهات طيبه من خلال الملصقات اللي على سيارته .

احيي صاحب البيك اب على حبه لوطنه ورحلاته للبلدان المختلفه واتمنى منه ان يلف العالم بسيارته القطرية :victory::)

يطول على صوت المسجل في بيتهم و شرط يكون مركب عازل صوت
مب فالشارع
مب كفايه الواحد يكره نفسه اذا طلع من بيته من الزحمه يطلع لك واحد نفس هالشخص المستطرب يسندره زود

[سهم بن سهم]

(( عندما تفرض على الناس سماع الاغاني بالقوه يجب ان توقف عند حدك

والله انه مر علي في يوم من الايام اني خفت على اذني لاتنفقع

لما اتمشى في الشارع وانا مطول على المسجل على الاغاني واكون مندوب للشيطان

بتلويث اذان من لايريد ان يستمع للاغاني هناك يجب ان توقف عند حدك

كان ودي ان رجل المرور سحب سيارته واسجنه عشان يكون عبره لغيره ))



ليش ياخي تسحب سيارته ويسجن ؟؟؟؟؟؟؟؟؟؟؟؟؟؟؟؟؟

ليش ياخي ؟؟؟؟؟؟؟؟

هو من زمان هذي هوايته وعنده تصريح رسمي بذلك وماعتقد يسوي اشياء مخله وغلط :rolleyes2:

كل اللي مسويه مزين سيارته بصور الامير وزعماء الدول وملصقات تحث الشباب على الاعمال الطيبة ومحاربة المخدرات ..............الخ والشخص هذا معروف في قطر وهو قطري ولف دول مجلس التعاون بسيارته هذه والدول العربية واستقبلوه المسؤولين هناك استقبال حلو وهو شخص فنان ومعروف بين الناس ومايسوي شخص غلط ياخي .

في كل دول العالم هذه الهوايات واصحاب الهوايات الغريبة وليش احنا نحارب ابناء الوطن بهالطريقة ؟؟ ياخي بدال مايدعمونه بسيارة احسن وافكار متطورة افضل من هذا تحاربونه ؟؟؟

ليش ياشباب ؟؟؟؟؟؟

والله انا من غيرتي على ولد البلد اكتب هذا وماعرفه ولاتربطني به اي صله لكن اللي اعرفه بانه قطري وهذي هوايته وهوايته ليست بمنكره ؟

وبعدين الاغاني اللي يشغلها اغلبها اغاني وطنية يعني مو خلاعية ولقد سمعته مرات كثيرة يشغل اغاني ( دار التميمي حمد ) فهل في هذا شي غلط ؟؟؟؟؟؟؟؟؟؟


شوي شوي على الرجال ياشباب ولاتنسون بانه اخوكم وقطري

[سهم بن سهم]

يطول على صوت المسجل في بيتهم و شرط يكون مركب عازل صوت
مب فالشارع
مب كفايه الواحد يكره نفسه اذا طلع من بيته من الزحمه يطلع لك واحد نفس هالشخص المستطرب يسندره زود



ارفع جامة سيارتك ولاتسمعه ياخي ...................... خلك محضر خير يالطيب :)

[بو الجوري]

راعي البيكم الحمر :.. هذا أعتبره مريض نفسي :.. :rolleyes2:

يعني سوالف يهال على سياكل :.. :)

مافي شي ماحطه فالموتر :.. والسماعات برع :.. ومزعج بدرجه مب طبيعيه :.. :anger1:

يعني هل هو عنده تصريح :.. :telephone:
لأنه فالقانون ما يصير يغير من شكل السياره بهالطريقه :.. وممنوع الرسم أو الكتابه أو وضع إعلانات :..
وعليها 3000 ريال :.. :nice:

وهو ما شاء الله موتره مترووووس :.. :rolleyes2:

كفايه الإزعاج :.. :anger1:

وبعدين يمكن المسؤول قطراوي :..:secret:

[سهم بن سهم]

جعله يسلم المسئول وبيض الله وجهه وكان بعد حجز موتره ووصله لمركز الشرطه لانه مزعج العالم

ومزعج الشارع ولا اهتم بالناس الموجوده وخله يكون عبره لمن يطول الصوت في الشارع


لو كنت مكان راعي البيك اب كان رفعت على المسؤول هذا قضية لان ما يفعله راعي البيك اب شيء مصرح به رسميا ومرخص له لكن راعي البيك اب انسان فنان هذا الفرق :)

[بو الجوري]

لو كنت مكان راعي البيك اب كان رفعت على المسؤول هذا قضية لان ما يفعله راعي البيك اب شيء مصرح به رسميا ومرخص له لكن راعي البيك اب انسان فنان هذا الفرق :)

من وين جايب هالكلام ؟ هل إنت متأكد !!

[سهم بن سهم]

راعي البيكم الحمر :.. هذا أعتبره مريض نفسي :.. :rolleyes2:

يعني سوالف يهال على سياكل :.. :)

مافي شي ماحطه فالموتر :.. والسماعات برع :.. ومزعج بدرجه مب طبيعيه :.. :anger1:

يعني هل هو عنده تصريح :.. :telephone:
لأنه فالقانون ما يصير يغير من شكل السياره بهالطريقه :.. وممنوع الرسم أو الكتابه أو وضع إعلانات :..
وعليها 3000 ريال :.. :nice:

وهو ما شاء الله موتره مترووووس :.. :rolleyes2:

كفايه الإزعاج :.. :anger1:

وبعدين يمكن المسؤول قطراوي :..:secret:


ليش ياخي هالكلام ؟؟؟؟؟؟؟

مو من اخلاق القطريين بان ننعت الاخرين بانهم مرضى نفسيين ؟

عيب ياخي اتق الله هذا قطري ومنا وفينا

:anger1:

[الخفي]

ليش ياخي تسحب سيارته ويسجن ؟؟؟؟؟؟؟؟؟؟؟؟؟؟؟؟؟

ليش ياخي ؟؟؟؟؟؟؟؟

هو من زمان هذي هوايته وعنده تصريح رسمي بذلك وماعتقد يسوي اشياء مخله وغلط :rolleyes2:

كل اللي مسويه مزين سيارته بصور الامير وزعماء الدول وملصقات تحث الشباب على الاعمال الطيبة ومحاربة المخدرات ..............الخ والشخص هذا معروف في قطر وهو قطري ولف دول مجلس التعاون بسيارته هذه والدول العربية واستقبلوه المسؤولين هناك استقبال حلو وهو شخص فنان ومعروف بين الناس ومايسوي شخص غلط ياخي .

في كل دول العالم هذه الهوايات واصحاب الهوايات الغريبة وليش احنا نحارب ابناء الوكن بهالطريقة ؟؟ ياخي بدال مايدعمونه بسيارة احسن وافكار متطورة افضل من هذا تحاربونه ؟؟؟

ليش ياشباب ؟؟؟؟؟؟

واللع انا من غيرتي على ولد البلد اكتب هذا وماعرفه ولاتربطني به اي صله لكن اللي اعرفه بانه قطري وهذي هوايته وهوايته ليست بمنكره ؟

وبعدين الاغاني اللي يشغلها اغلبها اغاني وطنية يعني مو خلاعية ولقد سمعته مرات كثيرة يشغل اغاني ( دار التميمي حمد ) فهل في هذا شي غلط ؟؟؟؟؟؟؟؟؟؟


شوي شوي على الرجال ياشباب ولاتنسون بانه اخوكم وقطري




ممكن اعرف التصريح اللي عنده من وين

وكيف عرفت ان عنده تصريح

وبالنسبه للاعمال الزينه اللي يحث الناس عليها ايش هي بالضبط

الاغاني والرقص ولا ايش

عندما تكون حريته على حساب الاخرين المفروض يمنع

والرسول صلى الله عليه وسلم قال : ان لم تستح فأصنع ماشئت

اي انسان ينتهك خصوصيتك هذا انسان مايستحي

لما اكون ما اسمع اغاني لحرمتها ايش ذنبي ايجي الشخص جنبي في

الزحمه لمده 10 دقائق او نص ساعه ليسمعني الاغاني غصبا عني

بحجه ان يحث الناس على الاشياء الزينه

لما اكون شخص معروف بالاغاني فانا شخص انسب لما اشتهرت به

فكم الذنوب اللي سيأتي بها يوم القيامه بتوزيع الاغاني مجانا

واستغرب من استنكر رده فعل المسئول ولا استغرب من فعل الاخ

صاحب سياره ( توصيل الاغاني )

[سهم بن سهم]

من وين جايب هالكلام ؟ هل إنت متأكد !!


لو مو مصرح له كان سحبت سيارته من زمان ولكن هو معروف وتقدر تسال المرور عنه وتساله هو شخصيا فاتق الله ياخي ولاتقول على الناس بانهم مرضى ............... عيب

[سهم بن سهم]

ممكن اعرف التصريح اللي عنده من وين

وكيف عرفت ان عنده تصريح

وبالنسبه للاعمال الزينه اللي يحث الناس عليها ايش هي بالضبط

الاغاني والرقص ولا ايش

عندما تكون حريته على حساب الاخرين المفروض يمنع

والرسول صلى الله عليه وسلم قال : ان لم تستح فأصنع ماشئت

اي انسان ينتهك خصوصيتك هذا انسان مايستحي
لما اكون ما اسمع اغاني لحرمتها ايش ذنبي ايجي الشخص جنبي في

الزحمه لمده 10 دقائق او نص ساعه ليسمعني الاغاني غصبا عني

بحجه ان يحث الناس على الاشياء الزينه

لما اكون شخص معروف بالاغاني فانا شخص انسب لما اشتهرت به

فكم الذنوب اللي سيأتي بها يوم القيامه بتوزيع الاغاني مجانا

واستغرب من استنكر رده فعل المسئول ولا استغرب من فعل الاخ

صاحب سياره ( توصيل الاغاني )


خذ رقم سيارته واسال المرور عنده تصريح اولا او اتصل عليه شخصيا وراح يعلمك وبعدين ياخي خلك محضر خير وابتعد عن الكلام الي يجرح الرجل

[الخفي]

ارفع جامة سيارتك ولاتسمعه ياخي ...................... خلك محضر خير يالطيب :)




عزيزي : الاغاني اللي يشغلها ماينفع فيها رفع الجامه

الاخ مركب سماعات توصل لكيلو

وبعدين دفاعك المستميت عن الرجل دفاع عن باطل لا دفاع عن الحق

[حمد بن خالد]

المسؤول المذكور أعلاه : هل هو القصير بوكوبرا :)

[بو الجوري]

ليش ياخي هالكلام ؟؟؟؟؟؟؟

مو من اخلاق القطريين بان ننعت الاخرين بانهم مرضى نفسيين ؟

عيب ياخي اتق الله هذا قطري ومنا وفينا

:anger1:


أولا أنا ما قلت إنه مريض نفسي :.. أنا قلت أعتبره :..
وهذا اللي أنا أحس فيه :..
والله يهديه :..
ومدام إنك مب متأكد إنه عنده تصريح :.. لاتقول :.. إنه عنده :.. :)

[سهم بن سهم]

عزيزي : الاغاني اللي يشغلها ماينفع فيها رفع الجامه

الاخ مركب سماعات توصل لكيلو

وبعدين دفاعك المستميت عن الرجل دفاع عن باطل لا دفاع عن الحق


انشاء الله لو مركب على سيارته سماعات توصل اخر قطر ياخي انت بترقد حذاه ؟؟؟؟؟

لا

كلها دقايق وبتتحرك عنه ياخي ........................ شدعوه ؟؟؟؟؟؟؟؟؟؟!!!!!!!!!!!

خلك محضر خير ياخي

[سهم بن سهم]

أولا أنا ما قلت إنه مريض نفسي :.. أنا قلت أعتبره :..
وهذا اللي أنا أحس فيه :..
والله يهديه :..
ومدام إنك مب متأكد إنه عنده تصريح :.. لاتقول :.. إنه عنده :.. :)


ايه قول الله يهديه ويصلحه وهذا اللي نبيه من كل اهل قطر يدعون بالخير للناس :victory:

ياخي مايبي لها معلومية ولا تاكد لو ماكن عنده تصريح ماساق سيارته ولا لف فيها الدول العربية وانا خوك

[هام السحاب]

ارفع جامة سيارتك ولاتسمعه ياخي ...................... خلك محضر خير يالطيب :)

طويل العمر افهمني
احنا مانعترض على تزيين سيارته حلاله و كيفه يتفاهم مع المرور على هالموضوع
اما على كل مناسبه يطلع يزعج خلق الله مب سالفه
حريتك تنتهي عندما تتعدى على حقوق الاخرين

[الخفي]

خذ رقم سيارته واسال المرور عنده تصريح اولا او اتصل عليه شخصيا وراح يعلمك وبعدين ياخي خلك محضر خير وابتعد عن الكلام الي يجرح الرجل




(( عزيزي : انا ماجرحت الرجل بأي كلمه انا تكلمت بالوصف اللي عرف

به وانا لم انتقد فيه الا صفه وحده فقط وهي الاغاني العاليه فقط

الرجل عرف بصاحب البيكم الاحمر ومابي اقولك وصف بعض الناس له

بصاحب السياره ( الخبل )

وباقي الاشياء مالي شغل يعلق ملصقات يحث الناس هذا شي راجع له

لكن سؤالي لك : هل تشغيل الاغاني بصوت عالي صح ولا غلط

لاتقولي ارفع الجامه لأنك داري ان الاغاني توصل كيلو قدامه ))

[هام السحاب]

المسؤول المذكور أعلاه : هل هو القصير بوكوبرا :)

لا هذا شخص ثاني :rolleyes2:

[OTOsan]

سهم بن سهم .. نصير الفن والفنانين :)

[سهم بن سهم]

طويل العمر افهمني
احنا مانعترض على تزيين سيارته حلاله و كيفه يتفاهم مع المرور على هالموضوع
اما على كل مناسبه يطلع يزعج خلق الله مب سالفه
حريتك تنتهي عندما تتعدى على حقوق الاخرين



الله يهداك بس وين كل مناسبه يزعج خلق الله ؟؟؟

اكيد انك قطراوي يمكن وزعلت لانه حاط اغنية للغرافه ؟؟؟؟


اخوي حبيبي ........... هذا قطري وهذي هوايته والمرور عارفينه والبلد يعرفون هذا الرجل

فبارك الله فيك هذا اخوكم منكم وفيكم ياخي :victory:

حقوقك وحقوق الناس محفوظه وانا خوك :victory:

[سهم بن سهم]

(( عزيزي : انا ماجرحت الرجل بأي كلمه انا تكلمت بالوصف اللي عرف

به وانا لم انتقد فيه الا صفه وحده فقط وهي الاغاني العاليه فقط

الرجل عرف بصاحب البيكم الاحمر ومابي اقولك وصف بعض الناس له

بصاحب السياره ( الخبل )

وباقي الاشياء مالي شغل يعلق ملصقات يحث الناس هذا شي راجع له

لكن سؤالي لك : هل تشغيل الاغاني بصوت عالي صح ولا غلط

لاتقولي ارفع الجامه لأنك داري ان الاغاني توصل كيلو قدامه ))



عادي وانا خوك راعي البيك اب مسكين يقول انا هوايتي هذي والناس قالت عني مريض وخبل ومجنون ولكن دام انا في حالي وهذي هوايتي الغريبة وماضر حد ايش المشكله ؟

هو ملتزم بالاشياء الحميده ومايحط اغاني ماجنه ولا يحط اشياء غير مقبوله ياخي


رفقا باخوكم المسكين :victory:

[الخفي]

(( حقوق سمعي غير محفوضه عندما اكون بجنبه في الشارع

حقوق سمعي تكون مخطوفه ملك له لاني اسمع الاغاني بالغصب وانا مابغي

وين حقوقي المحفوضه ))

[سهم بن سهم]

سهم بن سهم .. نصير الفن والفنانين :)


انا مع ابن البلد وهذا انسان قطري وهوايته هالشكل وهو فنان والمفروض نطور اللي عنده لا ان نحاربه وانا ضد محاربة ابن البلد

تحياتي لك

[برشلوني قطر]

ياجمااعة الخير اذكرو الله..

الريال غلط يوم رفع صوت المسجل وازعج الناس..

والمسؤول غلط يوم انه ينزل ويصرخ عليه جدام الناس..يخالفه والا ياخذ رقمه وانتهى الموضوع..

كل انساان ممكن يخطي..لاكن اسلوب الردع مب بالصراخ...

ف نااس ممكن يمسكونه ويرقدون به ع طولة اصرااخه..

فخلك فالسليم واتخذ اجراءاتك او مخالفتك وانتهى الموضوع

والسمووحه ع الاطاله

[@north_star@]

راعي البيكم معلم من معالم قطر
والدين المعاملة

[سهم بن سهم]

(( حقوق سمعي غير محفوضه عندما اكون بجنبه في الشارع

حقوق سمعي تكون مخطوفه ملك له لاني اسمع الاغاني بالغصب وانا مابغي

وين حقوقي المحفوضه ))


ما عليك شر ان شاء الله :victory:

يعني الحين جات على هالمسكين حقوق سمعك ؟؟؟؟؟

شوف الطرب اللي صوبك من كل مكان وشوف شاللي تسمعه وتشوفه في اليوم ويدخل اذنك :)


رفقا باخوكم ياشباب

[هام السحاب]

الله يهداك بس وين كل مناسبه يزعج خلق الله ؟؟؟

اكيد انك قطراوي يمكن وزعلت لانه حاط اغنية للغرافه ؟؟؟؟


اخوي حبيبي ........... هذا قطري وهذي هوايته والمرور عارفينه والبلد يعرفون هذا الرجل

فبارك الله فيك هذا اخوكم منكم وفيكم ياخي :victory:

حقوقك وحقوق الناس محفوظه وانا خوك :victory:

يعني تشوف انها مناسبه كبيره ان الغرافه وصل النهائي !!!
بعدين طالع صورتي الرمزيه و بتعرف اي نادي اشجع
اهو قطري على عيني و راسي ماقلنا شي
بس الواحد يحكم عقله في هالامور
اذا قبل النهائي و مسوي ضجه عيل لي خذوا الكاس شبيسوي
ماقول الا الله يهديه

[احساس غريب]

انا ياجماعة الخير اعترض على تصرف المسؤول لااكثر ولااقل هذا مب تصرف انك تنزل ركض قدام الناس اما بالنسبه لراعي البيكب نعم هو كان مطول عالمسجل وتصرفه ماكان عاجبني لكن ماتوصل ان المسؤول ينزل ركض..

[سهم بن سهم]

ياجمااعة الخير اذكرو الله..

الريال غلط يوم رفع صوت المسجل وازعج الناس..

والمسؤول غلط يوم انه ينزل ويصرخ عليه جدام الناس..يخالفه والا ياخذ رقمه وانتهى الموضوع..

كل انساان ممكن يخطي..لاكن اسلوب الردع مب بالصراخ...

ف نااس ممكن يمسكونه ويرقدون به ع طولة اصرااخه..

فخلك فالسليم واتخذ اجراءاتك او مخالفتك وانتهى الموضوع

والسمووحه ع الاطاله




بارك الله فيك اخوي على الكلام الطيب

[الخفي]

عادي وانا خوك راعي البيك اب مسكين يقول انا هوايتي هذي والناس قالت عني مريض وخبل ومجنون ولكن دام انا في حالي وهذي هوايتي الغريبة وماضر حد ايش المشكله ؟

هو ملتزم بالاشياء الحميده ومايحط اغاني ماجنه ولا يحط اشياء غير مقبوله ياخي


رفقا باخوكم المسكين :victory:




(( يا اخي احنا مهوب ضده كمواطن قطري احنا ضد التصرف في جزئيه

الاغاني فقط وغير هالشي مالنا شغل ولاحض ان اغلبنا ماتكلم على سيارته

ولا على شكله ولا على لون سيارته والزينه احنا نختلف معاه في الاغاني

فقط احنا نتكلم على خطأه وانت تروح وترجع على انه مواطن وعنده هوايات

وفنان وهذا شي راجع له لكن تطوييييييل الاغاني هذا فيه تعدي على حقوق

الاخرين ))

[سهم بن سهم]

يعني تشوف انها مناسبه كبيره ان الغرافه وصل النهائي !!!
بعدين طالع صورتي الرمزيه و بتعرف اي نادي اشجع
اهو قطري على عيني و راسي ماقلنا شي
بس الواحد يحكم عقله في هالامور
اذا قبل النهائي و مسوي ضجه عيل لي خذوا الكاس شبيسوي
ماقول الا الله يهديه



جعل ربي يسلمك وان شاء الله الرهيب ياخذ كاس الامير قول انشاء الله :victory:

ايوه عجبتني الحين قول الله يهديه ويصلحه بارك الله فيك

لك تحياتي

:victory::nice:

[سهم بن سهم]

(( يا اخي احنا مهوب ضده كمواطن قطري احنا ضد التصرف في جزئيه

الاغاني فقط وغير هالشي مالنا شغل ولاحض ان اغلبنا ماتكلم على سيارته

ولا على شكله ولا على لون سيارته والزينه احنا نختلف معاه في الاغاني

فقط احنا نتكلم على خطأه وانت تروح وترجع على انه مواطن وعنده هوايات

وفنان وهذا شي راجع له لكن تطوييييييل الاغاني هذا فيه تعدي على حقوق

الاخرين ))



والله انا ماشوف بانه تعدي على حقوق الناس والاخرين والمسؤولين على علم بان في سيارته مسجلات وسماعات كبار ...................الخ وعطوه الاستمارة والملكية بهذا الخصوص طال عمرك

[الخفي]

والله انا ماشوف بانه تعدي على حقوق الناس والاخرين والمسؤولين على علم بان في سيارته مسجلات وسماعات كبار ...................الخ وعطوه الاستمارة والملكية بهذا الخصوص طال عمرك




(( الضاهر انك تدري انا وش اقصد ومع ذلك تروح بعييد

تدري انه مزعج وتدري انه مركب سماعات وتدري ان المسجل واصل

كيلو لكن انت الحين جالس صار لك نص ساعه ماخليت عضو مارديت

عليه مع العلم ان الغالبيه يتكلمون على نفس النقطه اللي هي الازعاج

لكن انت تهرب منها مررااات بأن عنده تصريح ومراات تقول هذا فنان

ومرات تقول لا صوت المسجل مهوب عالي ومره تقول ارفع الجامه

في النهايه اهنيك على دفاعك المستمييت على شخص شغله ليل نهار

اغاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اني ))

[s o s o]

كبرتو الموضوع كثيرا وطلعتو عن مساره اكثر

صاحب الموضوع يبي يعرف رايكم في تصرف المسئول ..هل هو سليم ولائق ام غير سليم وغير لائق ؟

كون انكم تخلون مغزى السؤال وتمسكون في صاحب البيك اب , اسمحولي هذا مضيعه للوقت لان صاحبه عنده تصريح ومنتهي امره والتصريح على فكره يشمل المسجل اللي يوصل لبعد كيلو يعني شيء متوقع انه راح يستخدم هالمسجل والسماعات .
كون انه يلوث السمع بالاغاني فااغانيه مثل ماقالو الاخوان وطنيه والاغاني الوطنيه تبعث على الحماسه الوطنيه ومااعتقد فيها تحريم ...وعلى افتراض لو ان شخص مايبي يسمع اغاني حتى لو وطنيه مش من المفروض ان يجبر الاخرين على الانصياع لرغباته ,خصوصا اللي عندهم تصريح ولان هذا كله حدث في الشارع اللي هو مكان عام وملك للجميع ومتوقع فيه كل شيء متوقع فيه اغاني متوقع فيه شخص يبصق متوقع فيه شخص بملابس عاريه متوقع فيه كل مالايخطر على بال ,فكل انسان فكر يطلع من بيتهم ويستخدم الشارع فلازم يهيء نفسه لكل شي ء.

وعموما كل هذا لايعنينا تبعا لسؤال صاحب الموضوع وهو هل تصرف المسؤل سليم ؟

الاجابه بالنسبه لي :
تصرفه غير سليم على الاطلاق .

شكرا

[بدور]

سهم بن سهم :omen2: وشعندك اليوم :omen2:

[سهم بن سهم]

كبرتو الموضوع كثيرا وطلعتو عن مساره اكثر

صاحب الموضوع يبي يعرف رايكم في تصرف المسئول ..هل هو سليم ولائق ام غير سليم وغير لائق ؟

كون انكم تخلون مغزى السؤال وتمسكون في صاحب البيك اب , اسمحولي هذا مضيعه للوقت لان صاحبه عنده تصريح ومنتهي امره والتصريح على فكره يشمل المسجل اللي يوصل لبعد كيلو يعني شيء متوقع انه راح يستخدم هالمسجل والسماعات .
كون انه يلوث السمع بالاغاني فااغانيه مثل ماقالو الاخوان وطنيه والاغاني الوطنيه تبعث على الحماسه الوطنيه ومااعتقد فيها تحريم ...وعلى افتراض لو ان شخص مايبي يسمع اغاني حتى لو وطنيه مش من المفروض ان يجبر الاخرين على الانصياع لرغباته ,خصوصا اللي عندهم تصريح ولان هذا كله حدث في الشارع اللي هو مكان عام وملك للجميع ومتوقع فيه كل شيء متوقع فيه اغاني متوقع فيه شخص يبصق متوقع فيه شخص بملابس عاريه متوقع فيه كل مالايخطر على بال ,فكل انسان فكر يطلع من بيتهم ويستخدم الشارع فلازم يهيء نفسه لكل شي ء.

وعموما كل هذا لايعنينا تبعا لسؤال صاحب الموضوع وهو هل تصرف المسؤل سليم ؟

الاجابه بالنسبه لي :
تصرفه غير سليم على الاطلاق .

شكرا



الله يرحم والديك وجعل من جابك الجنه على هالكلام الطيب والتوضيح :victory:

[سهم بن سهم]

سهم بن سهم :omen2: وشعندك اليوم :omen2:



عندي كل خير يابدور ......... رجال قطري وعنده هواية جميلة وغريبة وفي حاله ولاتعدى على احد لكن في المقابل الناس تحاربه وتقول عنه مجنون وخبل ومريض نفسي ......... الخ :(

ادافع عن هالقطري المسكين فقط لاغير يابدور

لك تحياتي

:anger1::)

[بو خليفه 123]

مسكين راعي البيكم ماعرفنا له .. مره عرباوي مره غرفاوي هههه


اما من ناحية الشخص المسؤول بالمرور على قولتك .. للأسف ليس فقط هذا المسؤول .
90% من ادارة المرور يبيلهم اعادة تأهيل .


والادهى انه من دق الباب لقى جواب , لو يحشم عمره راعي البيكم او اي حد ثاني ماكان تجرأ (رامبو) و نزل يزاعق عليه في مكان عام .

لكن الطيور على اشكالها تقع ... الله المستعان .