مواطن شاب يدفع حياته ثمنًا لتهور سائق في أبوسمرا

[كلاسيك قطر]

دفع مواطن شاب حياته ثمنًا لتهور قائد إحدى السيارات كان يقود سيارته بسرعة جنونية على طريق ابوسمرا اصطدم بسيارة صغيرة بيك اب وبسيارة المواطن اللاندكروزر التي انقلبت عدة مرات جراء قوة الاصطدام ما نجم عنه وفاة المواطن متأثرا بالجراح التي أصيب بها جراء الحادث فيما أنقذت العناية الالهية طفلة من موت محقق.
وكان طريق ابوسمرا بالاتجاه من جسر الصناعية الى الدوحة مقابل المختبر الجنائي قد شهد الحادث صباح امس حيث هرعت الى المكان شرطة الفزعة والإسعاف والمرور والدوريات والدفاع المدني وقد تم نقل جثمان المتوفى الى مستشفى حمد العام فيما تم التحفظ على قائد السيارة المتسبب بالحادث للتحقيق وعرضه على النيابة العامة.

[بـــــــنت النوخـّــــذه]

اشله العّيله لاحقين على الدنيا 00000

عموما الله يرحمه 0000 ويصبر اهله

[s o s o]

لاحول ولاقوة الابالله العلي القدير
الاستهتار يخلف الدمار
نسئل الله الرحمه والمغفره للميت والهدايه لشباب هذا الوطن

[ANONYMOUS]

الله يرحمه

والله الواحد صار يخاف..

الحين الواحد يمشي بسرعه عاديه وضمن القانون

ويجي واحد متهور يدعمه ويذبحه

وش ذنبه

يعني خلاص مافي امان للناس وهي في الشوارع وماشيه عدل وملتزمه بالقانون

يعني لازم يودع عياله واهله وهو طالع من البيت رايح الدوام ولا الجمعيه ولا السوق

مايدري بيرد البيت ولا بتكون اخر طلعه له

ياليت يصير تشديد اكثر على المتهورين..

[hxamad]

لاحول ولا قوة الا بالله الله يرحمة ولا مادرى ويقولون خل يخففون المخلفات بعد

[بنت سعادة السفير]

الله يرحمه والله يصبر اهله

[محمد افندي]

اذا ما خاب ظني هذا هو حادث العذبي الي صار قبل كم يوم الله يرحمة

[ماريسا]

الله يرحمه
قلنالكم عن السرعة
لا حول ولا قوة الا بالله

[دكتورة روح]

الله يرحمه ويغمد روحه الجنه
ويصبر اهله

[كازانوفا]

لا حولة ولا قوة الا بالله انا لله وانا اليه لراجعون
نقعد في بيوتنا احسن

[بويعقوب]

الله يرحمه ويسكنه الجنه

تذكرت حادث الشيخ فهد اللي على خط الوكره

اللهم اغفر لجميع موتى المسلمين

[نيساني]

انا لله وانا اليه لراجعون


والله يرحمه برحمته آمين

[سهم مديون]

الله يرحمك يابو فهد
http://www.qatarshares.com/vb/showthread.php?t=358678

[Mishari]

والله يا جماعه الاحظ السرعه زايده عندكم وخاصتن طريق الاحساء . تخيل تمشي 140 يطوفك واحد وكأنك واقف من زود السرعه ومع هزت الهوا خاف ربكم ترمون نفسكم باتهلكه

[DOHASHARK]

الشيخ اول شي راعي الجي كان واقف وفسيارع قاعد ومعاه طفل المسبب فل الحادث عنده كروله حمره الي دعم الجي اتريله وبعدين الشيخ مافي بيكم اكروله واتريله وجي ابيض المسبب راعي الكروله

[هذلان]

رحمه الله عليه .


البارحه كنت مع اخوي الاصغر مني ،، موصلني مشوار بالسياره و انا على الطريق اسئله عن عيال الفريج الجيل الاصغر مني ،، من خلص دراسه من متوظف من من من ... احزني عدد الشباب الي كل مانشدت عنهم يقولي توفى في حادث :(

[بن محمود]

الله يرحم المتوفي
بالنسبة للمتسبب, لابد من عقابه بحيث يكون عبرة للباقي

الموضوع ماله علاقة بزيادة قيمة المخالفات او تخفيفها

احنا هني نطالب بحبس المتهورين لفترات طويلة .. لازم هالشباب يذوقون طعم السجن .. علشان ( ياكلون تبن شوي ) ويتعلمون يسوقون بذوق وأخلاق


والله مافي غير هالحل ...
اما المخالفات المالية فلا فائدة منها غير انها تزيد مدخول المرور

[موضي قطر]

الله يرحم المتوفي
بالنسبة للمتسبب, لابد من عقابه بحيث يكون عبرة للباقي

الموضوع ماله علاقة بزيادة قيمة المخالفات او تخفيفها

احنا هني نطالب بحبس المتهورين لفترات طويلة .. لازم هالشباب يذوقون طعم السجن .. علشان ( ياكلون تبن شوي ) ويتعلمون يسوقون بذوق وأخلاق


والله مافي غير هالحل ...
اما المخالفات المالية فلا فائدة منها غير انها تزيد مدخول المرور


مأيده كلامك اخوي وبقوة

[وطن]

الله يرحمه ويغفر له

[الريـــاني 1]

الله يرحمه

[الكونجرس]

مأيده كلامك اخوي وبقوة

1000%

[تحداني]

الله يرحمه

والله الواحد صار يخاف..

الحين الواحد يمشي بسرعه عاديه وضمن القانون

ويجي واحد متهور يدعمه ويذبحه

وش ذنبه

يعني خلاص مافي امان للناس وهي في الشوارع وماشيه عدل وملتزمه بالقانون

يعني لازم يودع عياله واهله وهو طالع من البيت رايح الدوام ولا الجمعيه ولا السوق

مايدري بيرد البيت ولا بتكون اخر طلعه له

ياليت يصير تشديد اكثر على المتهورين..




الله يرحم فهد ويغمد روحه الجنه ان شاء الله
ويحفظ ابهاتنا واخوانه ومن يعزون عليكم
.
.


نفس الكلام يقول لنا الوالد .. خلكم حذريين .. وامشوا اشوي اشوي وعلى مهلكم
وخلكم على سعه .. وارد اقول له يا يبه الطريق ما عاد فيه امان
انت ماشي في حالك وملتزم كل قوانين الذوق .. واحترام المرور
وفجأه تسمع صوت مرعب من الخلف او على الجنب
.
.


اعتقد يجب ان نجدد وداعنا للحياه يوميا ..