اكثر من 10 حوادث على خط الشمال في يوم واحد !!

[mohd89]

السلام عليكم ورحمة الله وبركاته

هناك اخبار تقول انه بالامس فقط حصل 14 حادث على خط الشمال !! :anger1:

أكبرها السياره اللي دعمت في باص المدرسه والله اعلم وش اللي حصل !!

ومسوين موجة تغييرات كبيره فاتحين طرقات ومسكرين طرقات اخر يومين خاصة بالامس

وطريق بيتنا مسكرينه :anger1::anger1:
.
.
.
معقوله 14 حادث في يوم واحد ؟ معقوله هالدرجه من الاهمال والاستهتار ؟

الصراحه الواحد صار يخاف يطلع على خط الشمال .. بالاخص من الساعه 6 الى 8 صباحا ومن 1 الى 3 عصرا !

تتوقع سياره تدعمك في اي لحظه بسبب التشابك والطلعات والنزلات ..
او انك تكمل في طريق مسدود وتدعم الحواجز الاسمنتيه اللي كل يوم توضع في مكان

كل يوم سيارات مكسره على خط الشمال !!
ومن الصباح الباكر صوت الدوريات على الخط !!


الى متى هذا الاهمال والاستخفاف بأرواح وأموال الناس ؟

[أم جابر]

اي والله مب خط هذا قطار الموت .. انا بعد اخاف امره بالذات الظهر
مدري متى بيخلصون الشارع

[رذاذ]

انا اشرد من الخط وادخل الغرافة لجل اتفادى الزحمه و المفاجات الى تصير.

[بوسلمان 2010]

خط الشمال كابوووووووووووووووووووووووووووس ع كل قطري

[أم حصابي]

لا حول ولا قوة ألا بالله
الله يفرج علينااااا الزحمة ويخلص طريج الشمال بأسرع وقت

[سوق واقف]

سبب الحوادث السرعه

انا كل يوم أمر على الخط مرتين ومنذ سنوات والحمد الله ولكن أستهتار ومسابق الشباب على الخط أهي السبب

أول أمس وحده تسوق كروزر جديد طالعه من الخيسة والله العظيم لو ما أمشي 80 كان يعلم الله ماذا حصل للأسف ماسكه البلاك بيري شكره ومرت تعتذر ونزلت جامتي وقلت لها الله يهديج أختي حاسبي على عمرك وعيالك قالت آسفه والله غفلت ....

اللهم أصلح أمة محمد

[ماريسا]

لا حول ولا قوة ألا بالله

[بوخالد911]

السررعة هي السبب

ولا تخالفون الحقيقة

[mohd89]

اكيد السرعه هي سبب جزء كبير من الحوادث

ولكن سوء التخطيط بعد له يد في هذه الحوادث اللي تحصل كل يوم

الله يكون بالعون

[::.Silent.::]

الله يعيننا

و احنا كل يوم قابضين هالخط للدوام

[باراكودا]

الشاحنات هي السبب المباشر وليست السرعة فياليت يتم تحديد وقت دخول الشاحنات بعد متصف
الليل الى الساعة الخامسة صباحا فقط .

[الخارجية]

كلمني صديق لي أمس وقال أنا رايح مركز شرطة الشمال ابغي ارجعهم بخصوص التحويلات الغلط وقعد معاهم قلوا راجع الاشغال وراح الاشغال وقالهم ان التحويلات غلط انتوا تبغون تذبحون الناس حرام عليكم المهم اطلعوا معاها وشافوا الموضوع وقالوا خلاص بنشوف المشكلة هذا الكلام الصباح العصر في نفس المكان 6 سيارات مسوين حادث واتصل فيهم وقال لهم شفتوا التأخير ايش سوا بالناس

[خالد القطري]

بالفعل الخطا من التحويلات الجديده

اللى تفاجاء بها السائقون في الصباح الباكر

واسفر عن عدت حوادث

[الأصيلة]

المفروض هذا الشارع بالذات يستعجلون في استكماله بأقصى سرعة
وليل نهار يجب أن يستمر العمل ..
حتى لا يحصد الارواح البريئة
فهناك من لايفرق في سيره بين شارع عادي وشارع تحت الإنشاء
فيقود سيارته وكأنه على خط سريع..
الله يحفظ الجميع..

[منعنش للابد]

خط الشمال كابوس ع كل قطري

[قطري !]

أكثر طريق تصير عليه حوادث على مستوى الدوله



هو طريق امسيعيد الخراره


والله لو يسوون احصائيه راح يبين لهم انه الطريق المؤدي الى مسيعيد عن طريق الخراراه



ولا زال هذا الطريق سيد واحد فقط مع كثرة الشاحنات والزحمه


ابي اعرف اشغال وينهم .... نايمين ولا ماعندهم ضمير حي ويشوفون الارواح اللي تزهق على هذا الطريق ؟؟؟؟؟؟؟؟؟؟؟