بناء طابق ثاني

[أبوصخي]

السلام عليكم
انا بيتي مبني اساس دورين ومساحة البيت 450 الدور الاول مبني ويتكون من 4غرف نوم ومطبخ و3 حمامت
ابي ابني دور ثاني فوقه يتكون من صالة و4 غرفة نوم و4حمامات

اول شيء شالاجراءات اللي اسويها
ثانيا كم بيكلفني تقريبا

[شموخ دائم]

,

,



مرحبا فيك

على بركه الله

اول شي تحتاج

1- شهاده من مكتب تصميم هندسي ان بيتك يستحمل الدور الثاني
2- تصميم خريطه للدور الجديد وتحديد ( مكان السلم للدور الثاني )
3- عقد مقاول ( وتعهد بناء )
4- اشراف من مكتب هندسي على البناء

الان بعد هذا تكون ( رخصه البناء صارت بيدك من البلديه )


بالنسبه للبناء انصحك تعمل نفس الدور الاسفل بالضبط يكون فوق
راح يكون افضل من الناحيه الفنيه تكون العمدان والجسور فوق بعض
ومناهيل الحمامات والبيبات
لان لاحظت تبي 4 حمامات وتحت 3 والافضل يكون نفس تحت
حتى ما تواجهك مشاكل بالتنفيذ

السعر مو مثل ماراح يتوقع البعض

450 متر نضربها في 1700 ريال على سبيل المثال
ويطلع 765 الف بالسهوله هذي لا طبعا وتطمن ما يطلع كذا باذن الله

هذا يعتمد على امور كثيره ومن ضمنها
هل بيتك الان فيه حديد طالع في السطح لفوق ومخلينه جاهز للدور الثاني
او لازم المقاول يكسر العوازل كلها ويطلع الحديد ويشبك مع الحديد الجديد
هذا له تكلفه معينه تضاف او تخصم من السعر

وراح ينخصم قيمه القواعد من السعر مو محتاج

وجود السلم مهم هل موجود الان وراح يكمل فوقه للدور الجديد
او لا يوجد سلم وهذا راح يطلب عمل غرفه وقواعد من جنب البيت ونطلع منها الدرج لفوق
ونفتح لها من داخل البيت

هل كهرباء البيت تكفي ؟؟ او نطلب اجرائات جديده للبيت
ونضيف كيبل جديد من الشارع الى المنزل اذا كانت قوته 30 او 35
ممكن نحتاج 90

خرائط البيت مهمه ان شاء الله تكون موجوده وشوف 3 مقاولين
ان شاء الله تلاقين السعر الي يناسب امكانياتك

ان شاء الله تكون اجابتي وافيه ومفيده لك

,

,


اخوك


,

,


شموخ دائم