ليش إحنا كذيه ؟؟؟؟؟؟؟؟

[طواش]

باسألكم سؤال بس لا تزعلون ( السؤال للرجال ) :

هل النظافة والترتيب حكر على النساء ولا نصيب لنا فيها ؟؟؟

اللي خلاني أسأل إن الواحد منا يطلع من البيت ويخلي حجرته عفيسة .

ينزل من سيارته والله أعلم بحالها .

تدش مكتبه تلقى كل شي لا ينتمي لأي شي .

بينما العكس عند النساء أماكنهم أرتب ما يكون إذا ما كانت معطرة بعد .

حكى لي واحد من الشباب كان يخلص له معاملة وهو جديد على تخليص المعاملات يقول :

شالسالفة تدخل مكاتب الرجال تلقاها عفيسة إذا ما مصننة بعد وتدخل مكاتب السيدات تحس إنك

داش حديقة منسقة .

ليش إحنا كذيه ؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!

النظافة من الإيمان ولا إيش رايكم ؟؟؟؟؟؟

[البدع]

تنفق معاك

الحريم ارتب وانظف وحتى اكثر اخلاص في العمل من الرجل

ولا ابريء نفسي

[جرح الزمان]

من تقصد بكلمة نحنا ؟؟ الرجال ؟؟

وليش عممت يا الغالي ؟؟ التعمييم خطاء

في رجال كثير منظمين ومرتبين وللعلم هم من اهم اسباب النجاح والتفوق

والحمد لله اني منهم

[طواش]

تنفق معاك

الحريم ارتب وانظف وحتى اكثر اخلاص في العمل من الرجل

ولا ابريء نفسي

لابد من أن نغير من أنفسنا للأحسن

[السديم]

و شهد شاهد من اهلها :tease:

عموما اخي الكريم

مثل مافيه حريم نظاف فيه رجال نفس الشي

ولكن الغالب كما ذكرت مهمل لأبعد حد

[MP3]

كلن يتكلم عن نفسه

[البدع]

كلن يتكلم عن نفسه

لايتكلم عن نفسه ولا هم يحزنون

هذا واقع (الاغلبية)

تدخل مكتب رجل تلاقيه معفوس

تدخل مكتب حريم تلاقيه نظيف

[طواش]

من تقصد بكلمة نحنا ؟؟ الرجال ؟؟

وليش عممت يا الغالي ؟؟ التعمييم خطاء

في رجال كثير منظمين ومرتبين وللعلم هم من اهم اسباب النجاح والتفوق

والحمد لله اني منهم

صحيح ولكنهم قلة نادرة والحمد أنك منهم .

[MP3]

لايتكلم عن نفسه ولا هم يحزنون

هذا واقع (الاغلبية)

تدخل مكتب رجل تلاقيه معفوس

تدخل مكتب حريم تلاقيه نظيف

بعد تكلم عن نفسك
تعال انا بدخلك مكاتب شباب وشوف الترتيب شيسوون النسوان غير انهم يترسون المكتب اكل وريحه عطورات والوان واشياء وايد بعد
والشباب يدشون اوووووه والله مكاتب البنات مرتبه
(الموضوع وايد مفيد الصراحه

[هذلان]

ماخلاك تتذمر الا من الاختلاط :)

يازينكم قبل بمكاتبكم مفرعين :nice:

ولا حد يشتكي من شي

[مهندس زمانه]

تنفق معاك

الحريم ارتب وانظف وحتى اكثر اخلاص في العمل من الرجل

ولا ابريء نفسي

تكلم عن نفسك اخوي ولا تعمم الله يهديك..قال شنو اكثر اخلاص منا في العمل..:eek5:

[مهندس زمانه]

لايتكلم عن نفسه ولا هم يحزنون

هذا واقع (الاغلبية)

تدخل مكتب رجل تلاقيه معفوس

تدخل مكتب حريم تلاقيه نظيف

لانهم مايشتغلون يتمون طول يومهم ينظفون في هالمكتب ويعطرون فيه والشغل مقطوط على غيرهم....قال اخلاص قال هههاي

[البدع]

اغلب الحريم اخلاص

ربعنا ماهمهم الا التذمر .. والفلوس .. والترقيات ..

و24 ساعة يتكلمون عن (الترينيج)

مثال: مخرجات المدارس النموذجية في قطر والي تديرها معلمات افضل بكثير من مخرجات المدارس الحكومية في قطر قبل 10 سنين

الشغل الاداري والتعليمي والصحي هو للنساء

النساء هم من يرتب البيت منذ ماقبل كفار قريش

[excited]

موضوع طريف بصراحة


المفروض فيه عامل بس يبيله امر وهو بينفذ وياخذ راتب على هالعمل


متابعة

[G0LD]

بالعكس الي أشوفه قليل من الشباب يكون مش مرتب

وتوجد فئه بسيطه هي الي مهمله بكل شي


والحمدلله


والنظافه من الإيمان


شكرا لك

[طواش]

و شهد شاهد من اهلها :tease:

عموما اخي الكريم

مثل مافيه حريم نظاف فيه رجال نفس الشي

ولكن الغالب كما ذكرت مهمل لأبعد حد

كلامك صحيح

[المغروره]

والله والله يااااااااااااااااااااااااااااكم وحده مكتبهااااااااااااااا كنه زباله مع احترامي كله الرجاجييل بس
طالعوا الحريم كل وحده مكتبها كنه لويثه انا شايفه بعيني
بس كله على الرجاجييل
خلوني اسكت

[Ussop]

تكلم عن نفسك يا راعي الموضوع ومن معاه | لا تعممون | وكلن يرى الناس بعين طبعه!

[قطري كشخه]

بالعكس الي أشوفه قليل من الشباب يكون مش مرتب

وتوجد فئه بسيطه هي الي مهمله بكل شي


والحمدلله


والنظافه من الإيمان


شكرا لك


اييداك اخوي بهالشي والله وايد من الشباب الى اعرفهم مرتبين ونظاف جدا ومحافظين على كل شي حولهم وقله هم الفئه المهمله

وغلط انك تعم على كل الشباب ياصاحب الموضوع كل انسان يشوف الى حوله ويحكم وانا اشوف الاغلبيه صراحه مرتبين ونظاف

[حليتان*]

صحيح كلامك .... وانا رحت مدرسة ثانوية في الدوحة تفاجأت مكاتب الادارين فيها مااوصف لك ....


مع ذلك من كم يوم دشيت مدرسة نموذجية كنت من اللمنظمين لمجلس الاباء مدرسة مرتبة لابعد الحدود مع العلم انا رحت كان في تدريب قبل مجلس الاباء ...يعني الي بيقول مرتبين لاهالشياء

ومع ذلك انا دشيت مكاتب رجال من هلي وكانت مكاتبهم مرتبة ومعطرة وعلى ماظن مبخرة ... ولا بعد طلبو لي كبشينو :) <<< حركااات

[STAR]

لانهم مايشتغلون يتمون طول يومهم ينظفون في هالمكتب ويعطرون فيه والشغل مقطوط على غيرهم....قال اخلاص قال هههاي

وانته بعد لا تعمم على كل الحريم:tease:

[بـــــــنت النوخـّــــذه]

غريبه موضوع في العام ينصف الحريم ويمدحهم :eek5:

عموما الشي راجع للتربيه وتأسيس الشخص انا الجماعه عندي قمه النظافه والنظام في كل شي كلمه حق تنقال مهب الكل يعني التربيه تلعب دور في هالامور واقصد بالتربيه التعويد منذ الصغر على النظافه والنظام 00 سواء بنت ولا ولد وشفت بنات في مجال عملي عفيسه حتى من كثر عفيستهم تجيني حكه 00ترى النظافه من الايمان ^_^

[kooool]

يعتمد على شخصية الواحد سواء موظفة او موظف ...ولكن في طبيعة الرجل ان العمل وانجازه مقدم على ماقبل وبعد العمل ..يعني مايهم ارتب او اسوي الاوراق المهم ان العمل يتم انجازه والبركة في كومااار ..اما الموظفات الله يخليهم لهذا الوطن قول اميييييين ..فاعتبرهم اضافة حلوه وذات قيمة تعمل على بعث شعور جميل في بيئة العمل وتحفيز وعامل ايجابي لزميلها الموظف على العطاااااء ويكون القسمة كالاتي

كومار + الموظفة العزيزة = ترتيب ونظافة وتهيئة اجواء
الموظف = انجاز اعمال وكرف ودعك وشوف النجوووووم في عز الظهر

[STAR]

غريبه موضوع في العام ينصف الحريم ويمدحهم :eek5:

[/U]^_^

هههههه .. وماتشووفين الردود الغاضبة على راعي الموضوع ...:omen2:

[جرح الزمان]

هههههه .. وماتشووفين الردود الغاضبة على راعي الموضوع ...:omen2:

الردود الغاضبه لانه عمم فقط

[العـوا]

ليس كل ما يلمع ذهبا

[Gentleman]

باسألكم سؤال بس لا تزعلون ( السؤال للرجال ) :

هل النظافة والترتيب حكر على النساء ولا نصيب لنا فيها ؟؟؟

اللي خلاني أسأل إن الواحد منا يطلع من البيت ويخلي حجرته عفيسة .

ينزل من سيارته والله أعلم بحالها .

تدش مكتبه تلقى كل شي لا ينتمي لأي شي .

بينما العكس عند النساء أماكنهم أرتب ما يكون إذا ما كانت معطرة بعد .

حكى لي واحد من الشباب كان يخلص له معاملة وهو جديد على تخليص المعاملات يقول :

شالسالفة تدخل مكاتب الرجال تلقاها عفيسة إذا ما مصننة بعد وتدخل مكاتب السيدات تحس إنك

داش حديقة منسقة .

ليش إحنا كذيه ؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!

النظافة من الإيمان ولا إيش رايكم ؟؟؟؟؟؟

كل واحد يتكلم عن نفسه.

[العليا]

لكل قاعده شواذ

والله فيه رجاجيل عنوان للنظافه
و العكس صحيح
,,,

[دلة الرسلان]

باسألكم سؤال بس لا تزعلون ( السؤال للرجال ) :

هل النظافة والترتيب حكر على النساء ولا نصيب لنا فيها ؟؟؟

اللي خلاني أسأل إن الواحد منا يطلع من البيت ويخلي حجرته عفيسة .

ينزل من سيارته والله أعلم بحالها .

تدش مكتبه تلقى كل شي لا ينتمي لأي شي .

بينما العكس عند النساء أماكنهم أرتب ما يكون إذا ما كانت معطرة بعد .

حكى لي واحد من الشباب كان يخلص له معاملة وهو جديد على تخليص المعاملات يقول :

شالسالفة تدخل مكاتب الرجال تلقاها عفيسة إذا ما مصننة بعد وتدخل مكاتب السيدات تحس إنك

داش حديقة منسقة .

ليش إحنا كذيه ؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!

النظافة من الإيمان ولا إيش رايكم ؟؟؟؟؟؟

:omg: عزي لحال الزوجه

[لوجين098]

كل التوفيق لكم ومب شرط بس هالشي على الرجال احيانا تششششششششششششششششششوف حريم كلشي عفيسة عندها
لكن من النفسية اتوقع ولكن نامل من الحرص كل الحرص على الاهتمام