من يساعدني على الزواج ولو بكلمة

[زايدي]

السلام عليكم

من يستطيع أن يساعدني على تجميع مادة موضوعها يتعلق بالزواج
ويتكون لدينا موضوع متكامل قد يفيد
فأنا وإن كان لي أبن مقدم على الزواج بعد أشهر إلا أن الموضوع يهم شريحة كبيرة
الموضوع المطلوب تجميعه يتعلق بــــ :
التلكفة الاجمالية التقريبية
عدد الذباح
العرضة
الخيام

كيف لي أن أجمع أسماء المدعويين ولا أنسى أحد ؟
هل هناك قوائم يحتفظ بها من سبق أن خاض التجربة
متى أوزع بطاقات الدعوات؟
ما العبارات المتداولة في التهنئة وما الرد عليها ؟
أفضل الاوقات لتقديم العشاء
وغير ذلك ..
أخي العضو إذا كان لديك ما تقوله فلا تبخل ولا تتردد
ولا شك أن الموضوع سيفيد الكثيرين

[hemoud123]

اولا اخوي مبروك والله يتمم لكم بخير ولا تشيل هم كبير ترى الامور بتتيسر ان شاء الله
اولا حددت المكان والزمان لاقامة الحفل ؟
هذا بيعتمد عليه الكثير من الامور
بركز معاك على حفل الرجال , شوف لك مطبعة لطباعة بطافات الدعوه وتقدير العدد يعتم عليك وعلى الولد , بعض الناس ما يجيك الا ببطاقة دعوة وبعضهم يكفيه اتصال وبعضهم حتى لو مسج بالتيلفون
العرس قريب يعني بتحتاج خيمه مكيفه الاسعار تتراوح من ثلاثين الى ستين الف شوف اللي يناسبك
بالنسبه للعشاء افضل شي تعمله بوفيه علشان الناس تجلس على طاولات وما يحتاج تبالغ في عدد الذباح
الفرقه للعرضه اذا بتسوي لا تنسى تتفق معاهم بدري واسعارهم من 15 الى 20 الف
هذا اللي في بالي الحين بس حبيت ابدا وان شاء الله الاخوان والاخوات ما يقصرون
وبالبركه

[hemoud123]

تذكرت نصيحه لا توزع البطاقات قبل العرس بوقت طويل ولا قصير يعني يعني يوم السبت مثلا ويكون العرس اخر الاسبوع

[hemoud123]

ما العبارات المتداولة في التهنئة وما الرد عليها ؟


مبروكييييييين مبروكييييرن
او
خير ما دبرتوا او خير ما دبرت
او
منك المال ومنها العيال
او
منك المال ومنها المال والعيال :)
دامت الافراح ان شاء الله
والعبارات كثيره

[سياتل]

اللي أعرفه أن موعد العرس يعتمد على حجوزات الحريم

بعده إذا تبي عرس vip تروح للعالمية ( في شارع الفروسية ) وترخي الكيس

وإذا تبي عرس زين تروح لمحلات الأعراس الثانية وأنصحك تبعد عن
المحلات اللي في شارع بدريه في بن محمود
لأنهم كلهم يأجرون الأغراض من ناس ويأجرونها عليك مره ثانيه

في محل لواحد قطري دائماً يسوي عروض في الجرايد بس ناسي أسمه
أسعاره مناسبه جداً ( من أرخص الأسعار في السوق )

ونصيحه لاتبالغ وتبذر في العرس لأن كله يوم واحد وكلن بينسى شسويت
وهالايام محد يشوف شي يعني عرس كبير ولا صغير كله واحد
ولاتنسى أن نص اللي بتعزمهم ماراح يجون للعرس

عقب عندك بطاقات الدعوه وأنصحك بقوس قزح لأن أسعاره أفضل من أسعار الشراع اللي في شارع النصر
وقوس قزح مكانه عند دوار المجنون

عقب أحسب عدد المعازم تقريباً وزود عليهم شوي ونسق مع مطابخ عشان العشا
وأنصحك بمطابخ أسمها ( الطاهي ) في شارع معيذر التجاري لأن طبخهم زين في الاعراس

بالنسبه للعشاء اللقن أو الصحن يكون عليه 10 أشخاص
الخروف يصير على 2 صحن
إذا بتذبح حوار أو قعود يصير على 5 صحون
ولنفترض أن مجموع المدعوين 200 شخص معناته أنك تبي لك 25صحن
25 صحن يعني 12 خروف تقريباً

بالنسبه لصيغة الدعوات الصيغة تلقاها جاهزة عند المكتب اللي بيطبع لك الكروت
وضروري يسوي لك بروفه قبل لايبدا يطبع

بالنسبه للستة المعازيم
مجرد ماتمسك لورقه والقلم بتبدا الأسماء تتوارد لذهنك

وخل عندك في السياره ورقه وقلم وكل ماتذكرت واحد سجل أسمه
وأتصل في اخوانك وخلهم يسجلون لك معارفهم وربعك بعد


مادري نسيت شي ولا لا

والله يتمم بخير ويوفقكم لما يحب ويرضى

[السندان]

على البركه مادبرتوا

ماشاء الله الاخوان ماقصروا وخاصة حمود الظاهر يحب طاري العرس .. ههههه

[اسعاف]

الله يعينك

ذكرتني بلوية عرس بنتي و عرس ولدي

طارت خيارط راسي

وانا ادور لى الفرجان ولبيوت والمقاضي ولسوقه

[تحداني]

.
.
عسى الله يسعدك .. وينور طريقك
ويتمم عليكم الأفراح .. ويجعل دياركم عامره بها
.
.
.
ويرزقكم الذريه الصالحه بإذن الله


الف مبروك

[حليتان*]

عن المعازيم ...تقدر تحط لا فته على الدوار



يعني مثلا اهل الخور يحطون لا فته فلان بن فلان على دوار القادة وانت جاي من الدوحة



انت شوف الدوار الي يناسبك وحط عليه لافته ..


طبعا هاي غير البطايق :)

[زايدي]

اولا اخوي مبروك والله يتمم لكم بخير ولا تشيل هم كبير ترى الامور بتتيسر ان شاء الله
اولا حددت المكان والزمان لاقامة الحفل ؟
هذا بيعتمد عليه الكثير من الامور
بركز معاك على حفل الرجال , شوف لك مطبعة لطباعة بطافات الدعوه وتقدير العدد يعتم عليك وعلى الولد , بعض الناس ما يجيك الا ببطاقة دعوة وبعضهم يكفيه اتصال وبعضهم حتى لو مسج بالتيلفون
العرس قريب يعني بتحتاج خيمه مكيفه الاسعار تتراوح من ثلاثين الى ستين الف شوف اللي يناسبك
بالنسبه للعشاء افضل شي تعمله بوفيه علشان الناس تجلس على طاولات وما يحتاج تبالغ في عدد الذباح
الفرقه للعرضه اذا بتسوي لا تنسى تتفق معاهم بدري واسعارهم من 15 الى 20 الفهذا اللي في بالي الحين بس حبيت ابدا وان شاء الله الاخوان والاخوات ما يقصرون
وبالبركه
ما شاء الله عليك حمود ما قصرت ولي عودة على النقاط اللي بينتها مشكوووور

[ودي أكون]

بالبركه يارب ..


احس بفرحتك ودعمك واهتمامك لولدك من خلال موضوعك ..


الله يبارك فيك يارب .. ويوفق العرسان ان شاءالله ..


وبالبركه أخوي الكبير :)

[مرحوم قطر]

خلني احاول افيدك مع ان بعدي ما تزوجت بس عايشة التجربه مع وايد من ربعي


اول شي نتكلم عن عرس الرجال


اقترح عليك تسوي العرس صوب استاد خليفه

و في عروض وايد حق الخيام تلاقيها في الوسيط منها عرض عجبني


اتمنى اكون فدتك بيه


شكرة خيمة الواجب للمناسبات

عندهم عرضين اعتقد حلوين شاملين كل شي من أ الى ي بئستثناء العشى

و عندهم سعرين 25 الف و 15 الف شوف الوسيط و بتعرف العرض بالظبط

هم يسوون البطاقات و ينصبون خيمتين وحده للعرس و وحده للعشى و مغاسل و مقهوين و كراسي وكل شي


الذباح ماقدر افيدك العذر و السموحه بس انا ما اعرف الى المطابخ الشعبيه

حاول الشيخ قد ما تقدر تبتعد عن الاسراف عشان الله يبارك لكم في العرس


رتبوا نفسكم من الحين يعني احجزوا و جهزوا كل شي من الحين عشان لين حزة الحزه ما تتوهقون


هذا الي اقدر افيدك فيه و العذر و السموحه منك يا الغالي

[جميل الصبر]

الف مبروووك....والله يتمم بخير

لتجهيز عرس الرجال عليك بالواجب للمناسبات... عروضه حلوه وشاملة الخيام والمقهوين والبطاقات والتصويروسيارة الزفة والضيافة.
العشا عندك مطابخ الخير صوب شارع ام الدوم في معيذر..طبخهم لا يعلا عليه..:nice:

[hemoud123]

هذا الموضوع مفيد جدا ويستحق التنسيق بعد حمع الكثير من المعلومات ومن ثم التثبيت خاصة في مواسم الافراح
نصائح من واقع تجربه :
1- العشــــــــاء :
أ- لا تسوي العشاء ذباح فقط ولقانه والاكل على الارض
والسبب ان الكثير من المعازيم لا يستطيعون الجلوس على الارض خاصة كبار السن واحيانا الشباب اللي يعانون من مشاكل في الركبه واحسن شي تسويه بوفيه + كم ذبيحه
ب - لا تتاخر كثير في تقليط الضيوف على العشاء
وانسب وقت بعد صلاة العشاء بنص ساعة بالكثير
ج - عادة في الاعراس يحضرون ناس كثير غير مدعويين من العمال ياتون للعشاء
وحتى ما يضايقون ضيوفك هناك حلين
اما انك تضع لهم صحنين مثلا خارج خيمة المطعم او انك تخلى ثلاثه او اربعه من الشباب يوقفون على الباب يمنعونهم من الدخول لين يخلصون المعازيم
د - الشاي والقهوه والعود
حرص على اللي يصبون القهوة يكونون مفتحين مب يصبون لواحد ويخلون عشره ونفس الشي راعي المدخن , وجميل اذا خليت واحد من الشباب مسؤل عنهم
==============================================
2- الكشخه واللبس :
أ المعرس
طبعا هذا يومه وهو مركز الكشخه والعين والتصوير مركز عليه , فلازم يفصل البشت قبل وقت مناسب ويتدرب على لبسه والحركه فيه والقومه والجلسه .
عادة الشباب يكلف واحد من اقرب اصدقاءه يلاحظه طول الوقت لو اختربت الكشخه ينبهه ويساعده
ب - الشباب الصغار
فصل لهم دقلات واشتر لهم سيوف صغار خلهم يشيعون جو حلو على الحفل ,

4- فرقة العرضه :
مثل ما سبق احجز الفرقه قبل وقت كافي وخلك واضح في بعض الامور مثل :
أ - التوقيت , متى يبتدون ومتى ينتهون
ب- العدد : لازم يجيبون عدد كافي يحيي الحفل
ج - عرضه + سامري او فقط عرضه
د - وطبعا الاهم التكلفه والسعر

ملاحظه : يوجد عدد اثنين فرقه سعوديه متواجده بصفه مستمره في الدوحه يعني الخيارات متاحه

[بو خليفه 123]

ردي بالاحمر
التلكفة الاجمالية التقريبية :


عرس الرجال فقط ولا العرس كامل ؟ عرس الحريم له حسبه مختلفه

اذا عرس الرجال فقط مع العرضه يتراوح بين 30 ألف الى 50 ألف


عدد الذباح

الحين اصبح اتجاه الاعراس بوفيه و ذباح .. راح توفر في عدد الذباح .. يعني ذبيحتين و الباقي البوفيه يخدم المعازيم .
العرضة

بالنسبه لي العرضه اهم شيء بالعرس و عن تجربه شخصيه انصحك تختار من السعوديه (التفاصيل موجده عندي اذا احببت) تكلفتهم شامل كل شيء 16 ألف رق

الخيام

الخيام اللي ناصبينها عند نادي الغرافه تتراوح اسعارها من 25 ألف الى 35 ألف و لكن راح تدفع اكثر في الذباح والماء والمشروبات الخ الخ .. نصيحتي لك تحجز في النادي الدبلوماسي سعرها 40 ألف و فيها الاضائات , الماء , المشروبات , المقهوين , عدد 4 جرسون يخدمون المعازيم , الكراسي , و صاله اضافيه بالخيمه للعشاء , ترتيب ولا اروع و الخيمه توهم مجددينها . يعني لو تحسبها الدبلوماسي بتدفع اكثر في سعر الخيمه لكن بتوفر في اشياء ثانيه و بتوفر مشاوير الجمعيه كـ شراء القهوه والعصاير و مشتقاته .

كيف لي أن أجمع أسماء المدعويين ولا أنسى أحد ؟

هذي يبيلها مجهود . و انصح بحضورك و حضور ابنك جميع المناسبات كـ العزاء والاعراس و وصل الاقارب والمجالس اليوميه و كل ماواجهت واحد في مكان عام اطلب منه رقم تلفونه و خزنه . النشر عن طريق منتديات القبائل , الجريده إن امكن . ترا فيه ناس فيهم خير من يسمعون عرس ولد فلان يحضرون بدون عزيمه و فيه بعضهم ماينشره عليهم ترسل لهم بطاقه و مايحضرون . بس انصحك الاخوان كلهم في بطاقه و شيبتهم في بطاقه منفصله تقديراً له , والشيوخ انصح كل واحد له بطاقته و كبار الشخصيات كل واحد له بطاقته و يفضل حضورك و حضور ابنك في مجلسهم عشان يقدرك مثل ماقدرتهم .


هل هناك قوائم يحتفظ بها من سبق أن خاض التجربة

اذا عندك حد في ادارة الجوازات ممكن يعطيك قائمه بأسماء قبائل قطر و والجهاء .


متى أوزع بطاقات الدعوات؟

قبل العرس بـ 4 ايام .. و لكن وزع المهام على اقل شيء 4 اشخاص

ما العبارات المتداولة في التهنئة وما الرد عليها ؟

منك المال و منها العيال

مبروكين مادبرتوا

ألف مبروك

فيه ناس يخربطون و يقولون لك عيدك مبارك هههههه :nice:



أفضل الاوقات لتقديم العشاء

الحين الليل طويل ياخوك على الساعه 8 اشوفه مناسب .


وغير ذلك ..
أخي العضو إذا كان لديك ما تقوله فلا تبخل ولا تتردد
ولا شك أن الموضوع سيفيد الكثيرين


ألف مبروك مقدماً و الله يرزقهم الذريه الصالحه و قول لنا متى العرس ان شاء الله بنجيب سيوفنا و بنكون اول الحاضرين :)

اذا تبغي اي معلومات او عندك اية استفسارات عن تجهيز العرس أنا حاضر و بالخدمه .

و دامت دياركم عامره بالافراح ان شاء الله :)


تحياتي

[سوق واقف]

شوف تكاليف العرس

http://qatarshares.com/vb/showthread.php?t=345801

[زايدي]

اللي أعرفه أن موعد العرس يعتمد على حجوزات الحريم بعده إذا تبي عرس vip تروح للعالمية ( في شارع الفروسية ) وترخي الكيس

وإذا تبي عرس زين تروح لمحلات الأعراس الثانية وأنصحك تبعد عن
المحلات اللي في شارع بدريه في بن محمود
لأنهم كلهم يأجرون الأغراض من ناس ويأجرونها عليك مره ثانيه

في محل لواحد قطري دائماً يسوي عروض في الجرايد بس ناسي أسمه
أسعاره مناسبه جداً ( من أرخص الأسعار في السوق )

ونصيحه لاتبالغ وتبذر في العرس لأن كله يوم واحد وكلن بينسى شسويت
وهالايام محد يشوف شي يعني عرس كبير ولا صغير كله واحد
ولاتنسى أن نص اللي بتعزمهم ماراح يجون للعرس

عقب عندك بطاقات الدعوه وأنصحك بقوس قزح لأن أسعاره أفضل من أسعار الشراع اللي في شارع النصر
وقوس قزح مكانه عند دوار المجنون

عقب أحسب عدد المعازم تقريباً وزود عليهم شوي ونسق مع مطابخ عشان العشا
وأنصحك بمطابخ أسمها ( الطاهي ) في شارع معيذر التجاري لأن طبخهم زين في الاعراس

بالنسبه للعشاء اللقن أو الصحن يكون عليه 10 أشخاص
الخروف يصير على 2 صحن إذا بتذبح حوار أو قعود يصير على 5 صحون
ولنفترض أن مجموع المدعوين 200 شخص معناته أنك تبي لك 25صحن
25 صحن يعني 12 خروف تقريباً

بالنسبه لصيغة الدعوات الصيغة تلقاها جاهزة عند المكتب اللي بيطبع لك الكروت
وضروري يسوي لك بروفه قبل لايبدا يطبع

بالنسبه للستة المعازيم
مجرد ماتمسك لورقه والقلم بتبدا الأسماء تتوارد لذهنك

وخل عندك في السياره ورقه وقلم وكل ماتذكرت واحد سجل أسمه
وأتصل في اخوانك وخلهم يسجلون لك معارفهم وربعك بعد


مادري نسيت شي ولا لا

والله يتمم بخير ويوفقكم لما يحب ويرضى

بيض الله وجهك يا سياتل أحسنت وأجدت وما قصرت

[Phenomenon]

متابعه :)

والف مبروك ... والله يتمم لولدك على خير ان شاء الله

[بلوتنيوم]

الله يرزقك بنت الحلال ياشيخ :D
وان شاء الله نشوف باقي التجارب مع الاعضاء
ويكون الملف للجميع :nice:

[لاجل QT]

مبروكيين انشالله ..

الموضوع حلو ويفيد ناس كثار ماعندهم خلفية عن تكاليف العرس..

[قطرية مثقفة]

بوخليفه 123 ماشاءالله عليك ،،،،،،،،:nice:

[زايدي]

السندان , اسعاف , تحداني الزمن شكرا للجميع على المرور والتعليق ..

amaf535 وضع لافتة على التقاطعات والدورات فكرة حلوة تشكر عليها

[زايدي]

بالبركه يارب ..


احس بفرحتك ودعمك واهتمامك لولدك من خلال موضوعك ..


الله يبارك فيك يارب .. ويوفق العرسان ان شاءالله ..


وبالبركه أخوي الكبير :)

ودي أكون هذا من طيبك وذوقك والله يبارك فيك وفي عيالك ..


خلني احاول افيدك مع ان بعدي ما تزوجت بس عايشة التجربه مع وايد من ربعي


اول شي نتكلم عن عرس الرجال


اقترح عليك تسوي العرس صوب استاد خليفه

و في عروض وايد حق الخيام تلاقيها في الوسيط منها عرض عجبني


اتمنى اكون فدتك بيه


شكرة خيمة الواجب للمناسبات

عندهم عرضين اعتقد حلوين شاملين كل شي من أ الى ي بئستثناء العشى

و عندهم سعرين 25 الف و 15 الف شوف الوسيط و بتعرف العرض بالظبط

هم يسوون البطاقات و ينصبون خيمتين وحده للعرس و وحده للعشى و مغاسل و مقهوين و كراسي وكل شي


الذباح ماقدر افيدك العذر و السموحه بس انا ما اعرف الى المطابخ الشعبيه

حاول الشيخ قد ما تقدر تبتعد عن الاسراف عشان الله يبارك لكم في العرس


رتبوا نفسكم من الحين يعني احجزوا و جهزوا كل شي من الحين عشان لين حزة الحزه ما تتوهقون


هذا الي اقدر افيدك فيه و العذر و السموحه منك يا الغالي

مرحوم قطر
تكلم عن المكان وتكلم عن الاستفادة من الوسيط وعن أسعار الخيام وخيمة العرس وخيمة العشاء ومغاسل ومقهوين والبطاقات والكراسي
ثم قدم نصيحة غالية بالابتعاد عن الاسراف لتحل البركة في العرس
ثم تكلم عن استغلال الوقت بالحجوزات والتجهيزات
جزاك االله خير يا مرحوم قطر وكثر الله خيرك