راتبك 20 الف حياك نشوف كيف تتصرف

[مليت]

السلام عليكم

اليوم راح نتكلم عن العشرين الف وانت طالع ادري الكثير راتبه 13 الف واقل بس خلونا نشوف شراح يطلع معانا

نقول عائله 5 افراد +خدامتين 1 سائق
طبعاً صرف يومي بترول ودكان وخبز ومصاريف مدرسة 80 ريال يعني 2400 في الشهر

باقي 17800 - 3000 خدم الباقي يا الحبيب 14800 - كيوتل 2500 جوال نت جوال الزوجه اقل فاتوره الباقي 12300 صرف الاكل ولمواد الصحيه اقل شي 4500 الباقي 7800

صرف لكل طفل نقول 1000 ريال مدرسة مكتبه لعبه في خاطره شي 3 عيال يعني 3000

طبعاً الي يزيد من 3000 تجمعه وراك عيد وملابس وسوالف طويله

المهم صار عندنا 7800 - 3000 ريال الباقي 4800 نوفر منها 800 اخر اسنه تجديد اقامات الخدم + السيارات استماره وبيمه الباقي 4000 ريال

ام عيالك اقل شي صرف لها 2000 وترا تعتبر بخيل بس الجود من الموجود المهم باقي من الراتب 2000 ريال :weeping:

طبعاًًًًًًًًًًًًًًًًًاااااااااااااااااااا اخر الفين للزوج الكادح 2000 الباقي من الراتب صفر



على فكره هذه الحسبه بدون دين والسيارات كاش

ممنوع تعزم المزانيه ما تسمح سلم عليه عند الباب وحط رجلك
ممنوع تسافر يا ويلك ان فتحت الجريده في الصيف ومرحبا بكم في ماليزيا
تاخذ ساعه وزرار وعطر تحمل خلك ثوب هدد وقول الرجال ما يتعطر العطر للحريم
تبي تسوي بركة سباحه امعصي
علاج لا سمح الله روح حمد الطبيه يا ويلك لو بطاقتك الصحيه منتهيه

خاطرك في مفطح اقرب عرس ولا تهون

على العموم الحمد الله رب العالمين انا حطيت الحسبه من مخي وللعلم راتبي 13 الف والله يعين الجميع على تكوين الاسره والسلام عليكم ورحمة الله وبركاته

[alrheeb2020]

الله يجزيك خير عالحسبه ..

والله يبعد عنه الكسب الحرام ..

والله يبارك لنه في فلوسنه ان شاء الله ..

[البدع]

جوال ... 2500 ريال

خدم 3000 ريال

وبعدها تقول مسكين

الله في سماه .. لو تتصدق كل يوم بمبلغ بسيط .. وتستغر ربك كل ساعة

بتلاقي نفسك تعيش ملك

20 الف وماتكفيه ...

ما اقول الا الله يهديه ابو ال 20 الف

[مليت]

جوال ... 2500 ريال

خدم 3000 ريال

وبعدها تقول مسكين

الله في سماه .. لو تتصدق كل يوم بمبلغ بسيط .. وتستغر ربك كل ساعة

بتلاقي نفسك تعيش ملك

20 الف وماتكفيه ...

ما اقول الا الله يهديه ابو ال 20 الف

نت وجوالين 2500 اليوم هذه فاتورة اي راعي بلاك بيري

الخدم شر لابد منه

[البدع]

نت وجوالين 2500 اليوم هذه فاتورة اي راعي بلاك بيري

الخدم شر لابد منه

وليش مايطلع له (هلا) .. اذا صدق محتاج فلوس

وليش بلاك بيري ... اذا صدق محتاج فلوس

وش فيها خدامة وحده .... لازم 3 خدم

وش فيها لما هو الي يوصل اهله (اعرف واحد من الشباب يوصل اهله وعياله وبدون سواق .. وراتبه 25 الف ... مب كسلان يخلي الخدم يسون له كل شيء ... )

راعي ال 20 الف .... هو الي حاط نفسه في هذا الوضع

واحد جاهل مايعرف كيف يدير فلوسه وراتبه

[مليت]

وليش مايطلع له (هلا) .. اذا صدق محتاج فلوس

وليش بلاك بيري ... اذا صدق محتاج فلوس

وش فيها خدامة وحده .... لازم 3 خدم

وش فيها لما هو الي يوصل اهله (اعرف واحد من الشباب يوصل اهله وعياله وبدون سواق .. وراتبه 25 الف ... مب كسلان يخلي الخدم يسون له كل شيء ... )

راعي ال 20 الف .... هو الي حاط نفسه في هذا الوضع

واحد جاهل مايعرف كيف يدير فلوسه وراتبه


من قال بلاك بيري اقولك اقل فاتوره الحين فوق 1500 عند الكثير

وبعدين السواق اجباري حتى لو انت الي توصل لا سمح مناوب مسافر مريض

والخدامه شر لابد منه ولا تزعل بنشيل وحده وبنوفر 600 ريال وش تغير

[كركم]

اخوي ولو نفس الشخص زادوه ضعف راتبه

بيجب 3 خدم وسائقين وسيارتين ووبيصرف على فواتير الجوال ومصاريف عياله واللعابهم ومصاريف زوجته والبيت ضعف اللي كان يصرفه يوم كان راتبه 20 الف...وبعد بيتحلطم..
الخلل يا عزيزي في أسلوب ادارة المصاريف مب في الراتب....الغلاء موجود ...ويكسر الظهر...بس بعد مد الرجول اكثر من طول اللحاف يسبب نزلة برد وزكام.

[المقاول 1]

الحمد لله 25 سنه في الحكومه طلعت براتب 13000 الف تقاعد

فتحت مشروع انافس الاجانب عندنا ادخل منه في الشهر 25 الف

متحسف على سنوات الضياع في العمل الحكومي قد شعر راسي

[بو خليفه 123]

أنا اقول بكره كلنا نسوي اضراب


الحمدالله على كل حال

[وحيد-الشوق]

ويجيك واحد مادري من وين يطلع ويقولك قول الحمدلله ؟

يأخي الواحد يحمد ربه ويشكره بس مب عيب لو الواحد طلب زيادة الخير والدولة الحمدلله ماعليها قصور

شوف حسبتك اخوي مليت انت حسبتها على 20 الف وبدون الديون واقساط السيارة والراتب الي ذكرته القليل منا يستلمه

حتى الجامعي البعض منهم يستلم مابين 13 و15 الف !! الله يعين رب الاسرة اذا كان راتبه 7000 او 8000 ريال ولحد يقولي مافي مواطن يستلم 7000 ريال الا في ناس تستلم اقل من ذلك

الحمدلله حمدا كثيرا على نعمه

[البدع]

الحمد لله 25 سنه في الحكومه طلعت براتب 13000 الف تقاعد

فتحت مشروع انافس الاجانب عندنا ادخل منه في الشهر 25 الف

متحسف على سنوات الضياع في العمل الحكومي قد شعر راسي

هذا الكلام السليم ,,,, شغلك عدل ,, الله يزيدك

[الأصيلة]

انا رأيي الشخصية
ان الراتب مهما زاد أو كثر فإنه لا يكفي مع هالأسعار المولعة نار...
30 يوم في الشهر ياما طواري تطري
وياما أشياء تصير تحتاج مصاريف...
وسواء الراتب 13 أو 20 أو 30
بالأخير رح تكون آخر الشهر مفلس...
هذا حال الدنيا وحال المعيشة في هذه الأيام..
وخاصة من عنده عيال وخدم وسواقين لهم مصاريف وأكل وشرب ...
والسيارات ومالها وما عليها...
المشكلة مو بالراتب المشكلة بالبركة اللي يطرحها الله في المال...
اللهم أغننا بحلالك عن حرمك وبفضلك عمن سواك...

[ماريسا]

الله المستعان

[سهم سهم]

الله ايعينا على اعباء ومصاريف واحتياجات الاسره
بس الحمد لله على كل حاااال
صج اخر الشهر الراتب زيرو بس بالدز والميزانيات والحسبه يدوب ايكفي هههههه:)

[بويوسف]

مد ريولك على قد لحافك .. هالمثال يلخص طريقة حياة اللي راتبه خمس الاف واللي راتبه عشر الاف واللي راتبه عشرين الف واللي راتبه خمسين الف ....

الحمدلله حمدا كثيرا طيبا مباركا فيه ..

[المخفي]

السلام عليكم

اليوم راح نتكلم عن العشرين الف وانت طالع ادري الكثير راتبه 13 الف واقل بس خلونا نشوف شراح يطلع معانا

نقول عائله 5 افراد +خدامتين 1 سائق
طبعاً صرف يومي بترول ودكان وخبز ومصاريف مدرسة 80 ريال يعني 2400 في الشهر

كل يوم 5 ريال خبز + 15 ريال بترول + 20 ريال لكل ولد (10 المدرسة + 10 العصر) = 80 ريال في الشهر

باقي 17800 - 3000 خدم الباقي يا الحبيب 14800 - كيوتل 2500 جوال نت جوال الزوجه اقل فاتوره الباقي 12300 صرف الاكل ولمواد الصحيه اقل شي 4500 الباقي 7800

طلع كرت هلا لك و لزوجتك + نزل سرعة النت الى 1 ميجا تقريباً بيطلع لك شهرياً الف ريال خليك شغال على الرنات (:

بخصوص الاكل
مصروف الاكل 6900 شهرياً كثير اتوقع
خذ العيش و الحليب و الزيت و السكر من التموين
الخضرة روح الشبرة وسط الاسبوع اذا تقدر و السمك من الشبرة من يوم الخميس الى السبت الفترة هذي في حضر تصدير و الاسعار نازلة في هذي الايام
اللحم نعيمي 950 ريال يطلع فيه حوالي 12 كيلو كل كل اسبوع 3 كيلو كيلوين مجبوس لحم و كيلو صالونة لحم + يومين في الاسبوع سمك + يومين دجاج + يوم محاشي او اشياء مشكلة
البزار من سوق واقف مرة كل ثلاث شهور


صرف لكل طفل نقول 1000 ريال مدرسة مكتبه لعبه في خاطره شي 3 عيال يعني 3000

طبعاً مصروف المكتبة بداية الفصل الاول و بداية الفصل الثاني فقط و ممكن طلبات متفرقة
اتوقع 30 ريال مصروف + 20 ريال المجموع 50 ريال يومياً كثير يمكن التقليل من المبلغ + لعبة بسعر معقول عن الخاطر بيطلع مبلغ التوفير قريب الالف

طبعاً الي يزيد من 3000 تجمعه وراك عيد وملابس وسوالف طويله

المهم صار عندنا 7800 - 3000 ريال الباقي 4800 نوفر منها 800 اخر اسنه تجديد اقامات الخدم + السيارات استماره وبيمه الباقي 4000 ريال

ام عيالك اقل شي صرف لها 2000 وترا تعتبر بخيل بس الجود من الموجود المهم باقي من الراتب 2000 ريال :weeping:

طبعاًًًًًًًًًًًًًًًًًاااااااااااااااااااا اخر الفين للزوج الكادح 2000 الباقي من الراتب صفر



على فكره هذه الحسبه بدون دين والسيارات كاش

نسيت سيارة الدريول + مصاريف تغير الزيت و الصيانة للسيارات + صيانة للبيت

ممنوع تعزم المزانيه ما تسمح سلم عليه عند الباب وحط رجلك
ممنوع تسافر يا ويلك ان فتحت الجريده في الصيف ومرحبا بكم في ماليزيا
تاخذ ساعه وزرار وعطر تحمل خلك ثوب هدد وقول الرجال ما يتعطر العطر للحريم
تبي تسوي بركة سباحه امعصي
علاج لا سمح الله روح حمد الطبيه يا ويلك لو بطاقتك الصحيه منتهيه

خاطرك في مفطح اقرب عرس ولا تهون

على العموم الحمد الله رب العالمين انا حطيت الحسبه من مخي وللعلم راتبي 13 الف والله يعين الجميع على تكوين الاسره والسلام عليكم ورحمة الله وبركاته


الله يسهل امر كل معسر و يفك ضيقته في اغنى بلد في العالم

[روح الاطلس]

ملاحظة : دام ثلاث اولاد بس والحرمة ماتشتغل وقاعده في البيت

اشوف ان خدامه وحده تكفي ليه خدامتين !!

احنا عائلة من سبع اشخاص وماجبنا خدامة طول عمرنا الا اخر سنتين ( بس عشان مانكون شاذين عن باقي الناس :) ) وحده تكفي وخاصة لو الكل متساعد ومايحملها فوق طاقتها مو لازم تخم السطح كل يوم ولا لازم تغسل الزولية كل يوم :) وتمشي الحياة

[روح الاطلس]

وترا الموضوع على القناعه

اعرف ناس راتبها فوق 70 الف ريال دكاترة ويتشكون من قلة الراتب !! ويبون زيادة

اعنبو الى متى تاكلون فلوس عمركم ماتقولون بس ؟!!

عن نفسي 500 ريال تكفيني شهرين والحمدلله رب العالمين

[ضوى]

اللي راتبه 500 يكفيه ويوفر منه واللي راتبه 20 اف يكفيه ويوفر منه ، المسالة مسألة قناعات ومدى توافر كماليات الحياة في بيوتنا ، الحمد لله رب العالمين ، عشنا ايام كنا ندور العشر ريال للبترول والحمد لله ربي فتحها علينا من حيث لانحتسب ، الله يرزق الجميع ويفتحها عليكم من كل صوب اللهم امييييييييييييييييييين

[$$كلنا قطر$$]

السلام عليكم

اليوم راح نتكلم عن العشرين الف وانت طالع ادري الكثير راتبه 13 الف واقل بس خلونا نشوف شراح يطلع معانا

نقول عائله 5 افراد +خدامتين 1 سائق
طبعاً صرف يومي بترول ودكان وخبز ومصاريف مدرسة 80 ريال يعني 2400 في الشهر

باقي 17800 - 3000 خدم الباقي يا الحبيب 14800 - كيوتل 2500 جوال نت جوال الزوجه اقل فاتوره الباقي 12300 صرف الاكل ولمواد الصحيه اقل شي 4500 الباقي 7800

صرف لكل طفل نقول 1000 ريال مدرسة مكتبه لعبه في خاطره شي 3 عيال يعني 3000

طبعاً الي يزيد من 3000 تجمعه وراك عيد وملابس وسوالف طويله

المهم صار عندنا 7800 - 3000 ريال الباقي 4800 نوفر منها 800 اخر اسنه تجديد اقامات الخدم + السيارات استماره وبيمه الباقي 4000 ريال

ام عيالك اقل شي صرف لها 2000 وترا تعتبر بخيل بس الجود من الموجود المهم باقي من الراتب 2000 ريال :weeping:

طبعاًًًًًًًًًًًًًًًًًاااااااااااااااااااا اخر الفين للزوج الكادح 2000 الباقي من الراتب صفر



على فكره هذه الحسبه بدون دين والسيارات كاش

ممنوع تعزم المزانيه ما تسمح سلم عليه عند الباب وحط رجلك
ممنوع تسافر يا ويلك ان فتحت الجريده في الصيف ومرحبا بكم في ماليزيا
تاخذ ساعه وزرار وعطر تحمل خلك ثوب هدد وقول الرجال ما يتعطر العطر للحريم
تبي تسوي بركة سباحه امعصي
علاج لا سمح الله روح حمد الطبيه يا ويلك لو بطاقتك الصحيه منتهيه

خاطرك في مفطح اقرب عرس ولا تهون

على العموم الحمد الله رب العالمين انا حطيت الحسبه من مخي وللعلم راتبي 13 الف والله يعين الجميع على تكوين الاسره والسلام عليكم ورحمة الله وبركاته

هاي حسبة واحد يبي يطير راتبه غصب
3000 خدم شدعوووووووه بعد تبي تتبطر لازم تخسر
2500 لكيوتل خف مكالماتك ما بتوصل لهدرجه
مصاريف اليهال 3000 صج وايد كل شهر مكتبه وملابس والعاب عيل تحمل
الي يبي يوفر يقدر يوفر
بس الزبو هو الي ذابحنا الا جوال اخر موديل الا رقم مميز الا رقم سياره مميز الا سياره كشخه الا والا والا
ادري كلامي بيزعل ناس وااايد
بس لو تفكر فيها بعقل بتعرف انك تصرف فلوسك على اشياء ما تستاهل
لو نزل لك راتب 10 بتصرفه لو نزل 20 بعد بتصرفه حتى لو 50
دام ما ترتب نفسك وتمد ريولك على قد لحافك عمرك ما راح تقول الراتب يكفي لو كان 100 ألف
راعي الموضوع انا ما اقصدك انا اتكلم عامه


أتمنى محد يزعل من كلامي

[مالي ومال الناس]

صاحب الموضوع .. انت تكلمت عن شخص متزوج وعليه عيال وراتبه 20 الف وتشكر على ذلك

طيب لو قلنا عزوبي وراتبه مثل ماذكرت 13 الف .. ويبي يتزوج كم بياخذ دين وكم الارباح ؟ وكم القسط ؟

وهل الدوله توفر للعزوبي والعانس (المواطنين اللي بيخلفون مواطنين) اي مساعده تكفيه عن الديون ؟ طبعا لا

يعني كل عزوبي مضطر في بداية حياته ياخذ ديون وعليها ارباح .. الا اللي عندهم خير منذ القدم ومب من الطبقة المتوسطة

ياليت فيه حلول من الجهات العليا للتسهيل .. قاعات بأسعار رمزية .. إنشاء صندوق لعانية المعرس تصرف في الحال وليس بعد فترة طويلة وغيرها من التسهيلات المناسبة للمواطن

[عشووقي]

رمز الوفا اسمحلي ع المداخله ،العزوبي مايصدق عنده راتب سياره اخر مديل ورقم سياره ممبز وووو......،ليش مايكون عندك كامري وليش رقم جوالك مب عادي وليش جوالك مب عادي انت تقدر توفر اكثر من المتزوج ماعندك ملتزمات لو توفر كل شهر 5000بتعرس في الشرتون والسموحه

[هبوب الشمال]

راتب زوجي يزيد عن 20 بالفين او ثلاثه وعليه اقساط السياره
وبيتنا ملك وعندنا خدامات ودريول وعيال الله يبارك وفي مدارس خاصه بعد وسيارتين والثالثه ان شاء الله بالطريق

والحمد لله عايشين عيشه ناس كثير تتمناها

اللهم لك الحمد والشكر

اوصيكم بشيئين ( الصدقه - الاعتدال في الصرف )

والله على ما اقول شهيد

[حدالكلمه]

هو مب بكبر الراتب -- بل بالبركة

[الريـــاني 1]

ربنا اجعل لنا البركة في كل ما رزقتنا

حكي لي صديقي الذي يعمل موظفا براتب محترم بانه ساعات اخر الشهر يتسلف من الفراش اللي معاه ليصب بترول لسيارته رغم الفارق الكبير

[Gh2o]

سهله لو بنحسبها على اسره صغيره من اب ام وثلاثه ابناء فقط
اجار بيت او قسط بيت ب 8000
خدم بالبيت قول 1400
راشن البيت مب اقل من 4000 لأخر الشهر
قسط سيارتين على الاقل 6000
قسط المدرسه غير طلباتهم على الاقل بو بتقسمها بالشهر على ثلاثه طلبه قول 4000
تلفونات كيوتل والفواتير على الاقل 3000 وانا متاكد اكثر
مصاريف عاديه طلعات صيانه سيايير صيانه بيت شغلات خفيفه مني مناك زيد 3000 مع ان هالرقم اقل من الواقع
المهم طالع عمرك خلصت الفلوس وتسلفنا فوقها

[جنوب الدوحه]

وترا الموضوع على القناعه

اعرف ناس راتبها فوق 70 الف ريال دكاترة ويتشكون من قلة الراتب !! ويبون زيادة

اعنبو الى متى تاكلون فلوس عمركم ماتقولون بس ؟!!

عن نفسي 500 ريال تكفيني شهرين والحمدلله رب العالمين

500 ريال شهرين ..اها

[BuFaisal]

وترا الموضوع على القناعه
اعرف ناس راتبها فوق 70 الف ريال دكاترة ويتشكون من قلة الراتب !! ويبون زيادة
اعنبو الى متى تاكلون فلوس عمركم ماتقولون بس ؟!!
عن نفسي 500 ريال تكفيني شهرين والحمدلله رب العالمين

يعني شسالفة .. ساكن بلاش وتاكل بلاش ؟ :)
اذا الي يسون الشاهي والقهوه بالعمل (عمال شركة) سكنهم واكلهم ومواصلاتهم من شركتهم ... معاشهم تقريبا 400
تكفى عطنا سر خلطتك السحرية يا الطيب
حدث العاقل بما يعقل الله يخليك

[فتوون]

أنا راتبي 20 ألف والصافي بعد الديون 7
هههههههههههههههههههه

[PoBox]

*
*


هو مب بكبر الراتب -- بل بالبركة

صدقت



الواحد يتكيف حسب راتبه

ومهما زاد او نقص راح يتكيف عليه الشخص
5 آلاف او 500 الف

[عبير وردة]

دايما بقول >>> كلما زاد الراتب زادت المصاريف والصرف :(

يعني إذا كان الراتب قليل نشتري أشياء رخصية وإذا زاد الراتب نشتري نفس السلع وبأعلى جودة وبأغلى .. يعني لو كنا نشتري متر القماش بعشرة ... بعد الزيادة نشتري أبو 100 ريال

ومن ناحية ثانية :

المسألة مسألة غلاء المعيشة ........ بيزيد الراتب من ناحية وبتزيد الأسعار كلها من ناحية ثانية .....:(

بس نصيحة صغيرة ........... القرش الأبيض ينفع باليوم الأسود ( الله يبعده عنا جميعا ) ..

والله يزيد ويبارك لك في راتبك وحلالك ... :)

[روح الاطلس]

يعني شسالفة .. ساكن بلاش وتاكل بلاش ؟ :)
اذا الي يسون الشاهي والقهوه بالعمل (عمال شركة) سكنهم واكلهم ومواصلاتهم من شركتهم ... معاشهم تقريبا 400
تكفى عطنا سر خلطتك السحرية يا الطيب
حدث العاقل بما يعقل الله يخليك

لا خلطه سريه ولا شي

انا شخصيا ما اشتري ملابس الا وقت الحاجه وفي بعض المناسبات وهي نادره عندي
الاكل ما اكل الا من البيت
اجار ماعندي الحمدلله
مشواير وعزايم ماعندي
طلعات ماعندي
يعني ال500 اصرفها على كارفور اشتري النواقص من بعض المأكولات الى المنظفات وغيره يعني امور شخصية فقط ومو كل شهر اشتريهم

والجوال كرت هلا بخمسين ريال ويقعد عندي اكثر من شهر :) نادر اكلم واتعامل بالايميلات اكثر شي للمراسلات او استخدم المسجات فقط

هذي هي الخلطة السرية :)

[مشتاقة لقطر]

الحالة حالة على قولة اختي اللي قبل قالت

على قد الراتب نمد ريولنا شوي برع يعني قبل زوجي لا يتخرج من كلية االترشيح راتبه 5-6 الاف تكفينا لا وداخلين منه بجمعية بعد

الحين بين 30 - 40 الف ( ضباط الامارات ) وما يكفي الين اخر الشهر.. لان نشتري اشيا غالية وطلعاتنا وايد
وعزايمنا مستمرة ..

بس على الاقل عندنا بيت ملك + سيارة



الله يهدينا ونعتدل بالصرف

[لجين قطر]

اي والله يعينا مايسوي شي الراتب نصه يروح للبنك وكل شي غالي -الله كريم

[البدر 8]

14000 فيها الخير والبركه

[ummalaz]

الراتب 16 الف اربعه الف قسط سياره و6 الف ايجار الشقه والف ريال كهرباء ومائ ونت والف ريال قسط مدرسي لطفلتين والفين ونص مصروف شهر كامل و500 ريال تلفونات وبترول والف ادخار
مارايكم في هذه القسمه لاسره مكونه من اربعه اشخاص

[محمد افندي]

أستغرب من هالناس الي يحطون 3 خدم في البيت وهم كلهم ما يجون 6 انفار

[mohd89]

أستغرب الموضوع الصراحه

راتب الوالد 17 تقريبا ويصرف علينا وأحنا اثنين شباب وبالجامعات ومصاريفنا وايد والحمدلله عايشين عيشه كريمه

وما علينا ديون .. وعايشين بدون خدامه لانه الوالد كان رافض يجيبها واحنا صغار
وكبرنا وبيتنا مافيه خدامه والوالده قايمه بكل شي في البيت والحمدلله

هي سالفة قناعه واعتدال في المصروف

خدامتين وسايق في البيت وتتشكى ؟ اذا ما ودك تصرف استغتي عن الخدامتين
وخل ام العيال تقوم بشغل البيت

غير 2500 فواتير هذا التبذير بعينه ..

شخلينا حق الفقير عشان يشتكي ويقول ما عندي

[برشلوني قطر]

حسبتك يبيلها راتب خمسين الف علشان ترتااح :nice:

انا راااتبي ستين مب ملحق :rolleyes2: ههههههه

وعلى فكره اخوي كل مازاااد راتبك زاادت مصاريفك..