هل هناك في قطر ظاهرة زواج بدون اعراس ومعازيم .... وهل تؤيد [الأرشيف]

بـــــــنت النوخـّــــذه

21-04-2010, 10:24 PM

كلن و حسب امكانياته وقدراته وتقبله للوضع (والقناعه بين الطرفين تعلب دور كبير )
وبعد مهب بالضروره الامكانيات تعلب دور كبير احتمال القناعه والاتفاق اهم الي يخلون الشخصين يتخذون هالقرار 0000

اما اني شفت او سمعت اغلبهم ياظروفهم الي حدتهم لالغاء العرس او يا الزوجه مطلقه او الزوج مطلق او الزوجه كبيره بالسن واكتفت بحفله بسيطه جدا 0000

والله يستر على الكل والقناعه في كل الامر كنز:) لايفنى000 ومن الاخر مهب بالضروره ان الزوجين الي ماسووعرس بيكونون سعيدين ولا الي سوو عرس دليل السعاده في باقي حياتهم 00ترى ياجماعه (الاتفاق بين الزوجين وبس اهو سر السعاده ) وعموما انا مع عمل العرس بس بدون تبذير وعلى قدر الاستطاعه

تلتوله

21-04-2010, 10:24 PM

أنا مع هالشي ليش الخساره والله حرام الريال يظل طول عمره يدفع ديون العرس

نيساني

21-04-2010, 10:32 PM

أنا مع هالشي ليش الخساره والله حرام الريال يظل طول عمره يدفع ديون العرس

كلام سليم100%

وشفت بعيني عرس احد الجيران:):)

واتمنى اللي يوضحون اكثر البنات لاني سمعت انهم مستحيل يوافقون على عرس في الحوش!!!هل هذا الكلام صحيح واتمنى عدم المجامله:secret::secret:

وشكرا لصاحب الموضوع:):)

المجروح81

21-04-2010, 10:33 PM

معي 3 بدوام سوور عرس بحفله بسيطه

البدع

22-04-2010, 12:17 AM

أنا ما أعرف إلا شخص واحد

وحبيت أعرف إذا حد سواها

تغلبية

22-04-2010, 12:27 AM

ايه موجود هالنوع من الاحتفالات ..
وعادة يكون عند الأسرة الكبيرة والغنية !
وبعد عند بعض العامة
ميابون صجة وازعاج
عشاء هادي وراقي ... الجماعة والمقربين والاصدقاء
عقد قران وبعده السفر على طول لشهر العسل
ولما تجي العروس ييسون لها عشاء الهدية وتكون العزيمة على أوسع
وكان الله غفورا رحيماً ..

أنا من المؤيدين لهذا النوع من الاعراس .. واشوفه أحلى وأفضل ..
ويكون فيه فعلا الاحساس بلحظات الفرح .. غير عن البهرجة اللي مالها داعي في الأعراس الكبيرة

bu abdulla

22-04-2010, 12:31 AM

اويد و بقوووووووووووووووووووووووة

تحداني

22-04-2010, 12:37 AM

.
.
أنا من المؤيديين بشده لهذا النوع من الزواج
أهم الناس في هذه المناسبه .. أهل الطرفين والجيران المقربين والأحباب فقط
وكلما كان الاحتفال بسيط .. كلما كانت الأمور بعفويه أكثر
.
.

البهرجه ليس عنوان للسعاده
والفستان الأبيض يلبس لشخص واحد فقط
فلما دعوه مئات الأشخاص
.
.

لا علاقه ذلك بالمال والغنى والفقر
هو مبدأ وفكر شخصي ..
ولا علاقه ان كانت متزوجه من قبل او مطلقه او ارمله
وهذا انطباع ايضا خاطئ ..

.
.

الله يسعدكم يارب .. ويجملكم برضى الرحمن

خفوق

22-04-2010, 12:38 AM

بصراحه أنا الفتره الاخيره قمت أحس ان لو العرس يكون عائلي أفضل والله
بناتنا ماحصلوا من الاعراس الا العيون المبققه والحسد اما العروس تطلق او تلاقيها من مطوع لمطوع
استغفر الله العظيم والحين بالكويت شكثر يسون حفله بسيطه في البيت ويسافرون المعاريس على طول

Gh2o

22-04-2010, 01:30 AM

الاشهار احد شروط الزواج والاشهار يكون بالعرس مب لازم يكون كبير واسراف وتبذير حفله بسيطه بس اهم شي الناس تدري

qatari 111

22-04-2010, 05:36 AM

انا أويد الفكره لصالح الاثنين لان الصراحه حرام الاموال هاذي تروح في خلال 4 ساعات وراح نتحاسب فيها امام الله وعدم تكفل المعرس بأعباء الديون حفله بسيطه بين الاقارب والسلام وعرس هادئ وما ازعاج ومافي تبذير
واتمنى ان هذا الرابط راح يفيد الجميع
واشكرك على طرح هذا الموضوع المهم في حياتنا
http://quran.maktoob.com/vb/quran16167/

برشلوني قطر

22-04-2010, 08:18 AM

اشوفها تصير ف ظروف معينه...حالة وفاة احد من الاقارب..مرض شي من هذا القبيل..

لاكن مني والطريق ماعتقد..

الصرااحه انا اقوول الي عنده يسوي ولا يقصر ع عمره والي ماعنده يسوي ع قده ولو حفله..

بسسس

Sharshooooor

22-04-2010, 08:46 AM

انا شفت كثير وانا اايد عدم المبالغة في الشي

يعني ممكن تكون مصغرة بين الاهل والمصاريف تكون كثيرة على المعاريس ويدخلون دائرة التبذير من غير مايشعرون

:nice:

مزهر

22-04-2010, 08:47 AM

برق لمع

22-04-2010, 09:36 AM

ليش من غير معازيم
اعرف ناس عندهم خير والله وزوجت بناتها الثنتين في البيت وزواج عائلي
والسبب انها كانت خايفة على بناتها من العين والحسد وعدم الاسراف مع ان الازواج كان عادي عندهم يسوون عرس لكن الام رفضت

الخارجية

22-04-2010, 10:22 AM

موضوع حلو وممكن من اللي يتصفح في المنتدى يستفيد

قطر دزاين

22-04-2010, 10:26 AM

انا ان شاء الله ناوي ازوج ولدي
اني اسوي عزيمه للاهل والجماعه عندي في البيت كم خروف وحوار فقط
بدون اسراف ان شاء الله والحريم نفس الشي حفله بسيطه

البدع

22-04-2010, 01:23 PM

أنا منصدم

الصراحة توقعت معارضة شرسة

بس الأغلبية مؤيدين

البنات والشباب في الموضوع مؤيدين

BIG-VEGA

22-04-2010, 01:28 PM

أنا منصدم

الصراحة توقعت معارضة شرسة

بس الأغلبية مؤيدين

البنات والشباب في الموضوع مؤيدين

التأييد شيء ..... والواقع شيء آخر

المهم
انا شفت عروس سكيتيه .. بس كلهم كانو من الثانيه او الثالثه:)

البدع

22-04-2010, 02:05 PM

التأييد شيء ..... والواقع شيء آخر

المهم
انا شفت عروس سكيتيه .. بس كلهم كانو من الثانيه او الثالثه:)

الثانية والثالثة غالبا سكيتي

بس الاولى لازم ضجة

BIG-VEGA

22-04-2010, 02:09 PM

الثانية والثالثة غالبا سكيتي

بس الاولى لازم ضجة

لازم ردحه :nice:

ماريسا

22-04-2010, 02:40 PM

هل يوجد .. مدري
هل أؤيد .. يس أؤيد

المخباط

22-04-2010, 02:55 PM

غير مؤيدة
اقولكم ليش
بتزيد عنوسه البنات والشباب
وين بيمشي سوق المقبلات على الزواج اذا حتى العروس بتكون سكيتي
وحن مجتمع محافظ وللأسف ما نشوف بعض الا في عرس او عزا
اقول يابخت من عرس او عرست وكانت سبب لخطبة خواتها او قريباتها او حتى بنت جيرانهم :)

الأصيلة

22-04-2010, 03:06 PM

حفلات العرس البسيطة واللي بدون معازيم
دائما تكون إذا هناك ظروف خاصة كـ مرض أو وفاة احد الأقارب ...
أما أغلب البنات يبغون حفلة وعرس وخاصة إذا كانت البنت بين 18 و الـ 25 وعندها صديقات كثير ..
أما بعض البنات الإنطوائيات أو كبار السن فيفضلون العرس السكيتي ...
وبالأخير هي بـ تتزوج لكن بدون ذكريات تلك الليله الجميلة...

الفريق أول ركن

22-04-2010, 03:47 PM

نعم أوؤيد ذلك

وشخصيا اعرف 2 تزوجوا بهالطريقه وهم مش مطلقين او زواج ثاني

بالعكس شباب صغار بالسن وهو اول زواج لهم الله يوفقهم

عشا بسيط بين العائلتين وبعدين راحوا شهر العسل وبعد مارجعو من شهر العسل سووا حفله بسطيه الاول سواها في القاعه الملكيه والثاني سواها في قاعة الدوحة للاحتفالات وكان هالحفل عباره عن حفل استقبال للنساء

ونسأل الله التوفيق لنا ولكم وللمسلمين اجمعين

مهندس زمانه

22-04-2010, 04:22 PM

اعرف شباب عندهم خير ما شاء الله ولكنهم سووا عرس الرجاجيل في المجلس <مادري عن عرس الحريم> بس ما شاء الله العرس كان روعه وعزم كل ربعه وكل اصدقاء العمل.

بوخليفة3

22-04-2010, 04:24 PM

نعم موجوده وانا اويدها وبقوة

واثنين من الشباب تزوجوا بهالطريقه :)

الـقـاسـي

22-04-2010, 04:36 PM

انا شفتها كثير عند ناس من جماعتنا .. مع انهم ناس أغنياء جدا جدا جدا ..
مره انا كنت في المسجد صلاه المغرب حصلت واحد من الربع قال لي ياحياك عندي عشا قلت لمن قالي انا ابشرك بتزوج الليله ومسوي عشى في البيت ..
يوم رحت الا مجموعه من ربعه المقربين واهله والله اننا استانسنا اكثر من الاعراس اللي مالها داعي ..

شـــوق

22-04-2010, 04:42 PM

انا من المؤيديين لهالظاهره وبلا كثرة معازيم ووجع راس

Riku3

22-04-2010, 05:05 PM

انا مثال حي p: .. الحريم ماحرمتهم من عرسهم، وعن نفسي ماشفت له داعي وماسويت الا عشاء بسيط في البيت وخلاص .

البدع

22-04-2010, 05:14 PM

واضح ان الاغلبية مؤيدة لهذا النوع من الزواج الي بدأ في المجتمع

الكل مؤيد .. إلا مشاركة واحدة فقط

وواضح ان المشاركة همها صورتها امام صديقاتها وامام الناس .. عشان لايعايرونها انها كبيرة بالعمر او انطوائية ...

المغروره

23-04-2010, 12:37 AM

اوايدهاااااااااااااااااااااا بالميه مابي معازيم ولاشي زواج وسفر وانتهينا
بعض المعازميين
علل

بوخالد911

23-04-2010, 12:40 AM

نعم وبقووة

ويعتمد على الظرووف

الله يهني سعيد بسعيدة

:)
:)
:)

قطريه ماركه

23-04-2010, 12:42 AM

اي نعم هالنوع من الزواج موجود ..

و انا مع هالشي في ظل الغلاء الفاحش في قاعات الافراح ....

بنت^البحرين1

23-04-2010, 01:16 AM

وايد ناس يسوون جذي.. ماله مقياس غنى او فقر .. ولا مطلقة او بكر.. ولا اي اعتبار اخر، لكن كل الموضوع انه يعتمد على كل ناس وقناعاتهم ونظرتهم للموضوع

عن نفسي مستحيل أوافق على زواج سكيتي وبدون عرس ومعازيم .. ولو حصل وصار الموضوع انه ماعنده يسوي لي حفلة وعرس ،، أبوي مب مقصر علي بيسوي لي اللي في خاطري مثل ماسوى حق اخواني وخواتي.. ومن زمان وهو يقولي انتي بالذات عرسج غير عن الكل.. ايي في النهاية اطلع من بيت هلي بدون عرس ولا معازيم .. لا يبه مابوافق على هالشي

على فكرة أخوي البدع ، أنا إنسانة متواضعة للغاية وقنوعة للغاية .. لكني أشوف ان حفلة الزواج والمعازيم ،، والله انها تفرح العروس.. انا مع الحفلة وضد الاسراف فيها وان اخلي المعرس يدفع حله وحلاله ومادونه عشان يسوي لي عرس ماصار ولا استوى.. لا طبعا .. يعني حفلة في الفندق وعشا وحاجات خفيفة .. وخلاص

مادري .. أنا قلت وجهة نظري عن اللي في خاطري صج وماجاملت عشان لحد يقول ان واقعهم غير ..

واسفه انا رجعت عدلت الحين لاني توني قريت ان الموضوع يخص قطر وانا رديت فيه

الطيبة كلها

23-04-2010, 02:00 AM

فعلا حدث واؤيد بشده بلا خساير كلها ببطن اللبنانيين الحراميه - بالكوشه والورد وغيرة

البدع

23-04-2010, 06:44 PM

أغلب الاعضاء مؤيدين

سواء بنات او شباب

المشكلة في (المظاهر) والخوف من نظرة الناس و كلامهم

ومثل ماقال احد الاعضاء .. التاييد شيء والواقع شيء ثاني

لاجل QT

23-04-2010, 06:59 PM

اي انا شفت..رفيجتى بنت اول مرة تتزوج وزوجها بعد ...سوت حفة في بيت اهلها مع ان حالتهم ميسورة جدا..قالت ليش اخسر فلوس زوجى على اشياء تافهة واحط علية ديون ..قلنا لها مو خاطرج تلبسين فستان عرس وزفة ..ردت قالت كل هذا باسوية في الحفلة العائلية..وصار لها الحين 4 سنوات من تزوجت والله انعم عليهم بالذرية..يعنى كل شي سوتة في عرسها ولكن بدون اسراف على الفاضي..

Qt.1

23-04-2010, 10:08 PM

انا مؤيد حق هالشي وبقو بعد حفله حلوه اصغيره مافيها الاا الااهل والناس المقربين...وعشى حلو مرتب وكان الله غفورا رحيما,,,,

ام السعف

23-04-2010, 10:41 PM

ما مرت علي ،، إلا انني اسمع لو كان الزواج الثاني
بشكل عام الزواج الأول للبنت كله حفلات زواج ،،

كلاسيك قطر

24-04-2010, 01:53 AM

انا في قطر ماشفت شي امه في الامارات وعمان شفت في بيت واحد عرس بين الاهل

~ نســـايم ~

24-04-2010, 08:25 AM

الحمدلله

اانا تزوجت بها الطريقه

وكان بأمكاني اسوي عرس وقاعات

بس شفت انه افضل اني اسوي عشاء وعرس في بيت العروس

ونسافر عمره لبيت الله ونتشراء بفلوسنا احسن

ترى مافيه احلا من السفر .... العرس كله للمعازيم ولا ومايعجبهم بعد

والله يوفق الجميع ...

والله اجمل كلام و شخصيا مؤيده للتضييق في الاعراس ( عن العيون الحاسده والقيل والقال بعض الاحيان :secret: ) ,,

العليا

24-04-2010, 09:21 AM

عادي ليش لا

...

لاجل QT

24-04-2010, 10:01 AM

امشو على سنة رسولنا الكريم ..شوفو شنهو شروط الزواج وسوو نفس ماسوة رسولنا علية افضل الصلاة والسلام...وان حد عارض قولو لة نمشي على السنة ..والله مهب كفو حد يتكلم ..ولنا في رسول الله اسوة حسنة..بس خلصنا

(العديم)

24-04-2010, 11:08 AM

اشهد اني شفته في قطر عرس في البيت والمعازيم شكثرهم والبيت صغير او راعي البيت غني ولا هو بخيل بس رجال ما يحب الزبره علا الفاضي

جوال 11

24-04-2010, 11:14 AM

نعم موجود هذا النوع من الزواج والأغلبية إذا تزوج الرجل الزوجة الثانية ومن المؤيدين لهذا النوع من الأحتفال

بنوته

24-04-2010, 03:12 PM

:victory:
هل انتشرت ظاهرة الزواج بدون اعراس ومعازيم وخيم وقاعات ؟؟؟

يعني زواج وعزيمة مصغرة في البيت بين الاهل بس

وهل تؤيدون او ترفضون هذه الظاهرة ؟؟

السلام عليكم ورحمة الله وبركاته

انا اشوفها ظاهره بدت تنتشر بين الناس بدليل الوالده انعزمت على اكثر من عرس انعملت بهالطريقه غير الاهل يتكلمون عن ناس بعد معرسين بنتهم بهطريقه ...وترى كل هذيلا اول مره معرسين

بس ياخوي العرس يكون مصغر صحيح في البيت لكن عازمين الاهل واقرب الربع يعني لازم في معازميم مش مقتصر على الاهل فقط ...

انا عن نفسي أأيد هالفكره عرس بسيط وبعدها سفره

الله يوفق الجميع

làst çhàncè

24-04-2010, 04:44 PM

انا صديقي تزوج بدون عرس ولاخرابيط عشاء بسيط في المجلس ..

البدع

25-04-2010, 01:11 PM

الصراحة أستغربت من أغلب الردود التي اكدت ان الظاهرة منتشرة خصوصا بين الاغنياء والبكر على نقيض ادعاء احدى المشاركات

واتسائل ان كانت ستنتشر ام ستزول مع الايام بسبب كثرة الكماليات

اسعاف

26-04-2010, 01:32 PM

القصد من العرس الأشهار لحديث المصطفى (اعلنوا النكاح )

ويمكن الأشهار باي طريقة وبدون تكاليف وبدون زبوا ورياء وسمعة وتفاخر وبذخ

وعندي زميل اخذ على راس مرته ،وعمل لها عرس كبير:victory:

ويوم كلمناه وقلنا له :يا بو0000 وين عرس الرجاجيل ،نبغي انبارك لك:telephone:

قال : مافي عرس للرجاجيل ، بس للنسوان:anger1:

(والظاهر عمل ذبيحة مع اهل زوجته( الثانية ) من المقربين فقط وكلوها بلسكات:secret:

علشان ما تخترب ( الطبخة )