الناقلات والاسبوع القادم

[متداول]

اخواني واخواتي الاعضاء
السلام عليكم ورحمة الله وبركاته
اليوم انا ابي اطرح موضوع خاصة ان النعنويات اشوفها مرتفعة وان اشاء الله دوم وهي :
ماذا تتوقعون للناقلات على اساس التطورات التي تمت اليوم انا واحد اتوقع سحب الكمية خلال الاسوع القادم .
السبب لين الحين البنوك والشركات المساهمة ماشرت وتبداء كل شركة تحسب الفرصة وثاني شيء التحرك في الصناعات بيرفع الشركات الاخرى وبدورها يرفع الناقلات .
هذا راي اتمنى من كل عضو يشارك ويبدي رائيه والسبب مع تمنياتي لكم بالتوفيق .

وسلامتكم ,,,,,,,,,

[المراقب]

اللمت أب ودون سيكون 10% بالمائة على حسب ما ورد في الراية اليوم بأن هناك توجه إلى تغير النسب في ذلك السهم مما سيغير حتما الحال.

[$$$]

اللمت أب ودون سيكون 10% بالمائة على حسب ما ورد في الراية اليوم بأن هناك توجه إلى تغير النسب في ذلك السهم مما سيغير حتما الحال.


والله اخوي لو غيروا نسبة المت اب واداون بتشوفه 3% مب 10%.......لان 10% تخدم الي عارف شقاعد ايصير في البورصه ....بس الناس الي مسويه زحمه على الفاضي ويبون يبيعون الناقلات من اسبوع كانها اخر الدنيا ما اظن .... :d

[المديون]

المفروووض الليمت اب 10 والليمت داون 5 وسلامتكم

[المراقب]

أخوي بعد بيع الكمية المعروضة من ناقلات، برأي سيتغير الحال. حل اخر لناقلات التي سببت إنخفاض السوق بدلا من ارتفاعه، هو فتح اللمت، ولاي يبي يبيع بأي سعر يبيع، ويخلصنا.

الناس كما ترى طوابير تبي تبيع، وتتخاصم مع بعضها وتتدافع في تقديم الطلبات وكأنها داخلة الجنة.

كلام كثير ونصائح كثيرة بالتروي ولكن دون فائدة، فاليبيعوا بالسعر الي يرضون فيه.

سمو الأمير أراد أن تعم الخيرات على الجميع، ولكن البعض غير مقدر أو ربما مضطر، أو يرى أن هذه هي المكرمة بالبيع وبأي سعر، فالنفتح الباب.

[$$$]

في اعتقادي ان سبب الي حاصل في السوق كله بسبب الناقلات.....

[المدير]

السلام عليكم
اذا الناس فكروا صح واذا الناس سحبت طلبات البيع السوق بينتعش .
يااهل قطر الحل في الازمه الحاليه في البورصه في يدكم انتوا الي ترفعون الاسعار وانتوا الي تنزلونها المفروض انه كل واحد منه يكون فاهم الحركات والالعاب الي صايره في السوق حاليا يعلم ويثقف جماعته
والله المستعان

[المراقب]

نتمنى سحب طلبات العرض، ولكن .....

[بوحظين]

يا شباب اللمت اب 10% و داون 5% شي جيد ... و المستثمر القطري لازم يعرف وين الدجاجه اللي تبيض ذهب
خنا نتثقف عشان ما يصير فينا زي سوق المناخ

[المديون]

الدجااجه اللي تبيض ذهب

وين قااعد اخوي في سووق الحمام

ههههههههه

[سهم قطري]

ياجماعه لاتنسون الاكتتاب الغير شرعي اللي صار في ناقلات مثل الاجانب اللي شروا بأسامي قطرية واول مانزل في السوق باعو عشان ترجع فلوسهم وبذكاء منهم الاجانب بينتظرون لين ينزل السهم وبيشترون لأنهم باعوا اسهمهم اللي بأسامي قطرية بمبالغ عالية وبيشترون بمبالغ ضعيفه من 50 الى 45 ،،،وبعد اللي باع بطاقته

[حسين ين عاقول]

سهم الصناعات و بس