المساعد الشخصي الرقمي

مشاهدة النسخة كاملة : ((((((( ضياع المستقبل مع الخطوط القطريه )))))))))


جرير
22-04-2010, 01:38 AM
بسم الله الرحمن الرحيم













كان من المقرر ان تكون رحلتي يوم الاربعاء بتاريخ الواحد والعشرين من هذ الشهر

يعني امس . . . . ونظرا لرداءه الاحوال الجويه بسبب بركان ايسلندا فقد تقرر الغاء

الرحله الى اجل غير معلوم . . . وكل ما اسالهم متى يمكن عشر مرات متصل فيهم

واكثر من خمس مرات امر على الشركه . . . يردون علي بكل برود ماندري متى

الرحله . . . واحتمال الحجز فل ومافيه اماكن تعال بدايه شهر خمسه

.. . واللي يقول مافيه رحلات . . . واللي يقول في رحله وتكنسلت .. . واللي

يقول في رحله كانت الصبح . . . . . .بالعربي

راحت علينا لأن الدراسه باديه من يوم الاثنين والحين امتحانات والاخوان في القطريه

مب متعاونيين كلش . . . . الوضع غامض جدا مب عارفين شسالفه

والرحلات بدت ترجع لوضعها الطبيعي والاخوان في القطريه مادري ليش يقولون

تعال بعد عشره ايام او اسبوعين . . . . وحتى كتابه هذه الموضوع اخوكم ضايع في الطوشه

واللي يقهر انه يقولون مب انت بروحك في طلاب معاك . . .

كفايه ان الطلاب محرومين من ايه خصومات وحالك حال اي مسافر وفوق هذي كله

يعطون الاولويه حق ركاب الترانزيت على حساب مستقبلنا


اناشد المسؤلين بفعل اي شي لمساعده الطلاب على اللحاق بجامعاتهم
مستوى الدعم
22-04-2010, 02:21 AM
الواحد لازم يغير جنسيته

عشان السيد أكبر يحترم انسانيته ويراعي ظروفه

مع أكبر لا اعتبار للقطري على الخطوط القطرية!!!!!!!!!
airbus
22-04-2010, 02:35 AM
ممكن تقولي لي اي مدينة مسافر حتى ممكن اساعدك وقولك ادا في رحلة امس او اليوم

وربي يوفقك في دراستك
ولد النواخذه
22-04-2010, 02:41 AM
يا الربع جميع خطوط العالم لديها هالمشاكل هالايام ماجات على القطرية وفعلا الرحلات ليست ماشية على أي جدول معين ولربما هاليومين يتحسن الوضع واذا تتكلم عن مستقبلك ترا هالاجراء ضمنيا للمحافظة على مستقبلك وسلامتك من أي مكروه والخيرة في ما اختاره الله
mohd89
22-04-2010, 04:00 AM
اخوي الله يوفقك في دراستك وان شاء الله بتوصل للمكان اللي تبيه
بس ترا مب من القطريه ولا من الباكر !!
احمد الله انك مب في اوروبا وعلقت في المطارات 5 او ايام ترقد ع الكراسي
هذي ظاهره عالميه والكل متأثر منها وحركة الرحلات للحين متوتره
يعني هم مافي يدهم شي يسونه
عسى ربي يعينك ويوفقك
بنت سيف
22-04-2010, 05:32 AM
أخي الفاضل ..

المشكلة ليست من القطرية تحديداً ..

وإالغاء الرحلات هو لسلامة الجميع .. وعليه .. هناك الكثيرون من هم في وضعك ..

والآن فتحت جميع المطارات ..

اقترح الصبر .. والذهاب مرة اخرى لمكتب الطيران

وإن شاء الله ستجد حجز لوجهتك بأسرع وقت ..

بنت سيف
أسير الأحلام
22-04-2010, 10:49 AM
لو تم إلغاء الرحلات هل يتم تعويض أصحابها والا الأولوية للي حجز بالتاريخ المؤجل .. وهل ممكن يزيدون عدد الرحلات لتغطية الرحلات الملغاة .. أم راحت على الي كان بيروح والله يعوض عليه
BIG-VEGA
22-04-2010, 11:15 AM
اعتقد اي جامعه تتقبل عذر التاخير الحاصل بخصوص البركان

بس شكلك جاي من بريطانيا في اجازه الايستر
واذا عندك دكاتره عنصريين ...... الله يعينك
مستوى الدعم
22-04-2010, 11:30 AM
كفايه ان الطلاب محرومين من ايه خصومات وحالك حال اي مسافر وفوق هذي كله

يعطون الاولويه حق ركاب الترانزيت على حساب مستقبلنا


اناشد المسؤلين بفعل اي شي لمساعده الطلاب على اللحاق بجامعاتهم




انا مطلعة على الاوضاع:thumbup1:

وعارفة انه الظاهرة مأثرة على كل المطارات


أنا لمت القطرية :anger1::anger1: انه الرحلات لما بدت ترد تدريجيا عطوا ركاب الترانزيت اولوية على حساب الطلبة القطريين الي عندهم التزامات وامتحانات .. مب اجانب رادين من الفار ايست
جوال 11
22-04-2010, 11:36 AM
يا أخي
شوف لك أي طيران آخر وتنتهي المشكلة
والله يوفقك
*¤ بن قطر¤*
22-04-2010, 02:31 PM
أخي العزيز ...

الحمدلله انك في بلدك و بين أهلك وناسك ... و كل تأخيره فيها خيره لك ... بركان ايسلاند شل حركة الطيران على أوروبا وقد تأثرت جميع الشركات جراء ذلك!

ولقد ذكرت في عنوان الموضوع بضياع مستقبلك !! وهذا خطأ لان الذنب ليس ذنبك ولا ذنب شركات الطيران ... وليس انت المتضرر الوحيد فهناك المئات مثل حالتك ... ولا أظن بأن الجامعة التي تدرس فيها ليس لديهم علم بما حدث في الاونه الاخيره.

أخي الكريم .. أحمد لله على كل حال و ان شاء الله سترجع الى جامعتك و دراستك .. و الحدث سيصبح ذكرى !

و بالنسبه للخطوط القطريه ... للامانه كانوا متابعين عن قرب مع الاحداث و كانوا يتصلون بي بشكل يومي ليفيدونني عن الاوضاع وعن تغيير موعد رحلتي ... و في النهاية ألغيت السفر لحين رجوع المياه لمجاريها.

اسأل الله لك التوفيق

Have a safe trip :)
العضو الماسي
22-04-2010, 02:33 PM
انا اليوم بغيت احجز على لندن هيثرو قالولي اقرب حجز تاريخ 4/05/2010 ؟؟؟
IPOD
22-04-2010, 05:42 PM
الغالي انا اليوم حاجز من النت على تاريخ 1 مايو والرحلات ابتدت طبيعية من اليوم تقدر تجيك من النت الحجز على قفى من يشيل والله يوفقك وانشالله المدرسة ببريطانيا راح تتفهم هالأمور لنهم على علم بالمشكلة اللي صايرة
كازانوفا
22-04-2010, 10:59 PM
لا تحزن لعله خير لك ان شالله