فحص ماصار في أي دوله [الأرشيف] - منتديات شبكة الأسهم القطرية

مشاهدة النسخة كاملة : فحص ماصار في أي دوله

الطائر الحائر

22-04-2010, 08:58 AM

السلام عليكم ...
شسالفة فحص السكر للحوامل ( اشربي لتر ماء وسكر ) لفحص السكر والله شي غريب وعجيب او ممكن يكون عدم التطور في الطب عندنا .. لأن هذا النوع من الفحص غير موجود في امريكا ولا بريطانيا ولا في اي دوله اوروبيه .

ذي السؤال موجه لمستشفى النساء والولادة والله حريمنا تعبوا من اساليبهم .. والغريب ان ( طوارئ الولادة ) مايسوون فحص سينور بالليل حتى اذا جاتهم حاله طارئة .

نتمنى من الجهات المتخصصة النظر في الموضوع والعمل على تطوير طوارئ ومستشفى الولادة ... والله المستعان

موضي قطر

22-04-2010, 10:02 AM

صادق تقول اختي حتى الدكتورة سألتها وماعرفت الجواب

الخارجية

22-04-2010, 10:05 AM

الله يعينكم يالحريم .. ان شاء الله لكم الجنة اصبروا ..

قطر دزاين

22-04-2010, 11:11 AM

ما دام دكتور الوالده اذا عرف ان عندك نظام اجتماعي يقول لك سوي العمليه في مستشفى خاص الفلاني وهو يروح هناك ويسوي العمليه وياخذ مبلغ وقدره

ومدام الطبيب عمره صغير متى خلص مدة الخبرة

ومدام الطبيب مطرود من بلاده بسبب خطاء

هل تعلم ان الاطباء الاكفاء لا تفرط فيهم الدول ويعيش عيشه افضل من هنا في بلاده

ما يجونك غير المزورين وعديمي الخبره لان الخليج صار حقل تجارب ومرتع للاطباء المطردودين من بلادانهم ومن من منظمه الصحة العالميه

شـــوق

22-04-2010, 04:45 PM

مستشفى تعليمي ،، لاكفاءه ولا غيره

الله يحفظ المسلمين

ماريسا

22-04-2010, 04:50 PM

لا حول ولا قوة الا بالله

هذلان

22-04-2010, 04:58 PM

من الامور الي تنرفز حسبي الله و نعم الوكيل .

الحين مستشفى نساء و ولاده و النرسات ترس المستشفى ،،، ليش يكون فيه بوي (رجل) هو الي يدز سرير المريضه لغرفه العمليات .

المرة داخله المستشفى مستوره و يجون هم يحطون رجال (بوي) يدخل المريضه لغرفه العمليات و هي لابسه لبس العمليه .

و اذا رفظت المره وجود الرجال يعطونها شرشف تغطا فيه .

مافيه مسؤول غيور فيه حميه على النسوان ؟

ايش هذا :anger3:

التيما

22-04-2010, 05:05 PM

مع اني ماواطن هالمستشفى .. بس مب كل شي لازم نقيسه على مستشفيات اوروبا وامريكا .. اللي راح هناك والله يشوف الصدمه من الاسلوب والتعامل والاهمال .. ترى زين والله فحص السكر مب ضار ولمصلحتكم

الأصيلة

22-04-2010, 10:25 PM

يا اخوان تختلفون على أمر انتوا ماتعرفون فيه شيء
يعني لازم اللي يصير بمستشفى قطر يصير بمستشفيات أوربا
وبالعكس تحليل السكر هذا يبين اذا الحامل فيها سكرحمل أو لا...
ويبدون يعالجون الحامل قبل لا يستفحل فيه المرض ويأثر على الجنين...
والخطأ وارد في كل مكان ومانقيس فشل هيئه كامل بخطا أو خطأيين
وكم من أخطاء تحدث في المستشفيات الأوربية...
وأنا اشوف أن مستشفى الولاده يضم كادر ممتاز من الأطباء والطبيبات القطريات والمتمرسات
والحاصلات على البورد
وحتى الممرضات 90 % على مستوى من الكفاءة ...
وتقريبا مستشفى النساء والولادة بـ قطر
من أفضل المستشفيات الحكومية في الخليج...

سواح

22-04-2010, 11:39 PM

السلام عليكم ورحمه الله ..

مع احترامي لصاحب الموضوع ..
تقول ان هالفحص مش موجود في مستشفيات امريكا واوروبا ..
ممكن تجيبلنا مصدر المعلومه اللي قطيتها ؟! ..

عن نفسي اشتغلت في مستشفى اوروبي وهالفحص موجود ..

بس اكيد خبرتك كبيره فهالمجال ..
ومصدرك قوي والا ما نزلت موضوع وشديت حيلك بناء على "ظن" ونقلن عن وكاله "يقولون" ..

بإنتظار مصادرك الموثوقه اخوي ..

تحياتي
:shy:

مشتاقة لقطر

23-04-2010, 03:03 AM

اصلا هالفحص يجيب الدوخة والغياب عن الوعي ..والا مال بو اربع ساعات خليج صايمة واشربي بهالسفن اب والبيبسي مالهم ( مخصص بنكهة )

اخر حمل بطلت اروح لهم لان الحمدالله امورنا تمام من دون هالفحص

نااااني

23-04-2010, 05:00 AM

شنو تقصدين فحص السكر قصدج اللي على شكل ببسي وميرندا وبعدها بساعه يتم سحب العينه هذا ضروري وترى احنا ارحم قبل ايام امهاتنا كانو يشربون ما ادري جلكوز وبعدين عادي بالعكس كل شي لمصلحتنا..........
مع اني ما احبه ودايما اتاخر لين ما اسويه.........

umm yousef

23-04-2010, 09:09 PM

هذا الفحص اسمه GTT Glucose Tolerant Test يقيس مدى تحمل الجسم وتعامله مع السكر و يتم للحوامل من الشهر 6 ، وأيضا غيرهم من الحالات . في منه 50 / 75 / 100 جم حسب ما يحدد الطبيب.
هو مهم وعلى اساسه ممكن يتم ادخال الام في حمية غذائية تحافظ على مستوى السكر وبالتالي لا يحدث أي أخطار للطفل وللام ، مثل زيادة حجم السائل المحيط للجينين ، تسمم الحمل، ارتفاع الضعط ، برونيتات في البول ، وبالتالي ممكن ولادة مبكرة أو أي مضاعفات أخرى..

الله يعين الحريم بس هذا لصحتك وصحة جنينك..
والي ما تحبه أبد تطلب من الطبيب فحص السكر الصايم وبعد ساعتين ، اذا كان يعطي نتيجة مرضية للحاله..

الطائر الحائر

29-04-2010, 11:57 AM

شيزكيك

29-04-2010, 05:31 PM

الي اشوفه ان هالفحص مهم وعادي الي تخاف على روحها وعلى ضناها بتسويه وكيد هالشي علشان

مصلحة الام والبيبي