تودرت ياجماعة الخير

[بو الطيب]

بسم الله الرحمن الرحيم

اخوكم بو الطيبين اليوم تودر في مصيبه اتمنى القى لها حل

اخوكم كانو يثور بالام صجمه في الفريج جان يطيع في واحد من اعيال عمه ( نفس القبيله ) ويبلغ عليها الشرطه واليوم رحت اسلم لهم الام صجمه جاان يقولون لي لازم اتي اليوم اليوم النيابه العامه العصر

وانا ماكنت ادري لذي الدرجه نشبه ترى لارحت ولايات ام صجمه ماثورت على بيت حد ولا ثورت على موتر حد

بس يلا حسبي الله ونعم الوكيل لو كان اخر اسمي ؟؟؟؟؟؟ كان ماوصلت ذي المواصيل واردد مره ثانيه ماكنت ادري الام صجمه ممنوع لان الام صجمه هوائيه مهب اسلاح ناري مثل الشوزن او السكتون بس يلا لاحول ولاقوة الا بالله وانتظر دعواتكم

[سوق واقف]

ياخوي عادي ليش خايف تعهد وبياخذون الصجمه منك

[بو الطيب]

ياخي قسم بالله صجمه مب رشاش

وشو يبون اهل قطر يصيرووون وشو حنااان مايعرفون يشيلون الاسلحه امحق والله معتمدين على الامريكان اللي لحزت الحزه شفت الغبره

[رذاذ]

قايل لك يا بوالطيب ..

وما سمعت المصجمه تعد سلاح يعني لو مثور بعين احد تعميه .

ودامك تدري استخدامها للصيد ليش تطلعها بالفريج ..

بيخالفونك ويسحبون المصجم منك .

ومن قالك المصجم مب ممنوعه .!!

حيازة سلاح ناري غير مرخص

[أسير الأحلام]

صحيح تعهد وبيأخذون الصجمه منك .. بس المفروض ما تثور في الفريج في ناس تخاف من ولا شي .. وناس تبي سبب ..

[بنت سيف]

أخوي بو الطيب


الأم صجمة .. حتى لو هي بندقية هوائية تعتبر سلاح ..

ولكن في النيابة .. قول لهم الحقيقة .. إنك لم تعرف لخفنها إنك نحناج ترخيص ..

وغالبا .. بياخذونها عندهم .. لحد ما نجيب ترخيص .. وبتوقع تعهد .. على عدم استخدامها بدون ترخيص ..

الله يفرجها عليك

بنت سيف

[alfaqeer]

افا يابوالطيب ام صجمة وخايف
الله يصلحك رح لمهم واسمع منهم , وام صجمة رصاصتها تمسكها باليد, قوي قلبك وانا اخوك وذب مذب الرياجيل وتوكل على الله.

ابودحيم

[كركم]

افا يالبو الطيب ..حتى سكين الفواكه يعتبر سلاح اذا طلعته قدام الناس او هددت فيه احد
على العموم نصيحتي لك انك تحاول تهدي الأمور وتسلمهم الصجمه وتتعهد انك ما تعاودها

[بو الطيب]

المشكله ذي ولد العم الوافي اللي اخر اسمه من اخر اسمي مصر وكلموه كثير من قبيلتنا يقول خل القانون ياخذ مجرااه كاني ضارب حد او امسوي شي
لذي الدرجه العرب ماعادو يقدرون اعيال عمومتهم لاحول ولاقوة الا بالله

[alfaqeer]

يابن الحلال ولد العم والا دونه
رح لمهم, وقل لهم اي اجراء ترونه انا مستعد وانتهى الموضوع قل لهم ما دري ان ام صجمة لازم لها تصريح , وتوكل على الله.

[شبح الصمت]

يابو الطيب يابو الطيب

ما تدري انه الشراخيه بعد ممنوعه في الفرجان ،، انت مطلع سلاح صج أهي صجـمه بس فرضا ثورت وياهل لا قدر الله مر عليك واخطيـته ( الله لا يقول ) توقع جسـمه نفس جسم الكبير ..

صل لك ركعتيـن ورح لهـم وإن شاء الله مهب بضارينك اعترف بخطاك وبأذن الله محدن بضارك ..

الله يفرج همـك ويبعد عنك الهم والكدر .

وولد عمـك روح حبـه على خشـمه وقله ونعـم فيك من ولد عـم

ولا تخلي هالشيء يسبب حساسية

خلك كبير ( والكبير رب العالمين ) ولك الاجر باذن الله

[جنوب الدوحه]

انت طالع بالمصجم في الفريج تقنص .. ^_^ اذا تعترض على القانون ترا بتتعب .. توكل على الله وسلمهم وتعهد ان شاء الله وخلاص .. ما بيفيدك لا ولد عم ولا غيره الموضوع صار عند النيابه ..

غيرك ولع زقاره .. مافي احد في العالم الى ودرا عنه :)


الله يسهل امورك يا الغالي :)

[ماريسا]

الله يعينك