وصـــول الــرد " الامـــاراتــي " بعــلاج " عمي المـواطن القطــري "

[محمد11]

السلام عليكم لتكملة القضيه السابقه الخاصه بعلاج عمي في مستشفى بانكوك
http://www.qatarshares.com/vb/showthread.php?t=357908

القصه كالاتي

بعد استئصال الورم في القولون طلب الدكتور المعالج جلسات العلاج الكيماوي لمدة سنه تقريبا
وقد تم الاتفاق على اخذ العلاج كل اسبوعين وراحه اسبوعين ولمعلومات الساده القراء فقد تكفلنا بعلاجه سنه كامله وكل شهر نذهب به الى بانكوك لاخذ العلاج ومتابعة حركه السرطان ولله الحمد بعد سنه تقلصت النسبه الى 1ونصف ولله الحمد تم اخذ جميع الفحوصات بعد العلاج
لمدة ستة اشهر وكل هذا على مرمى ومسمع من السفاره والمسؤلين في المكتب الطبي

وبشهادة الموظفين هناك ان الحاله تستحق العلاج على نفقة الدوله وقلنا لاحول ولا قوة الا بالله
في شهر مارس 2010 ذهبنا الى الموعد حسب الفحوصات الدوريه وتفاجأ الدكتور بوجود نسبه عاليه من السرطان في الدم وطلب فحوصات دقيقه لمعرفة وجود الورم وتبين بعد
الفحوصات ان الورم في الكبد وطلب اجراء عمليه جراحيه مستعجله وطلبنا من المكتب الطبي ارسال التقرير الى اللجنه وبعدها اجرينا العمليه على حسابنا الخاص ولحد الان لم نسمع خبر من اللجنه الموقره وعموما الان نحن في بانكوك لاستكمال العلاج الكيماوي واللذي يتطلب 12 جرعه لمدة 6 شهور ولله الحمد

اود ان اتقدم بشكري وعظيم امتناني الى حكومة ابوظبي وعلى راسها سمو الشيخ الوالد محمد بن زايد ال نهيان واللذي تكفل بعلاج عمي والنفقه وجميع المصاريف وبالامس جائنا اتصال من السفاره الاماراتيه بهذا الخصوص واخر كلامي والسموحه على الاطاله

اشكر مدير مكتب العلاج بالخارج على الجهود الطيبه اقوله لو احد من اهلك مرض بتوديه مستشفى حمد؟

ولا بتوديه بانكوك ولا مستواكم امريكا؟
لاحول ولا قوة الا بالله
انتــــهى

[راشد محمد]

الله يشفي عمك

[كركم]

أجر وعافية

[greenline]

مشكور ولد العم
تأمر شي من بانكوك

[الاستثمار]

الله يشفية عمج

[وافق شنن طبقة]

الله يشفيه انشاءالله

والله المستعان

[ورقــة أمــل]

لا حول ولا قوة الا بالله

الله يعينكم ويارب يشفيه

على الاقل قدرتوا تعالجونه من البداية لكن المواطن اللي ماعنده الا الله ومستشفى المقصب الآلي "مستشفى حمد" شبيسوي

حسبي الله ونعم الوكيل واتمنى هالموضوع يوصل للمسؤولين ويستحون على ويههم شوي

[Amigo]

الله يشفيه ويرده سالم غانم بأذن الله :)
وبوخالد معروف عنه انه صاحب ايادي بيضاء
مثل ابوه الله يرحمه الشيخ زايد :)
ولله الحمد والشكر
وكل شيوخ الخليج مثله وشرواه
وانا متأكد لو وصل الموضوع لشيوخنا ولا حد منهم بيقصر
الله يشفي عمك اخوي محمد ويرد له صحته
اجر وعافيه

[يحفظك ربي]

الله يشفيه يارب ويخليه لكم ان شاءالله اجر وعافيه

وماقصرت دولة الامارات يعطيه العافيه الشيخ محمد بن زايد

وعن المكتب الطبي والعلاج بالخارج الكلام ضايع وياهم حسبي الله عليهم

لكن الله فووووق كل شي

[جوال 11]

الله يشفي عمك ويعافيه ويرده لبلاده سالما معافى
وهذا رد على من يدعون بأن المواطن يتذمر

[Om Majed]

الله يشفي عمك

[La Bella]

الله شسفية أن شاالله
وفعلاً في حالات لازم تتكفلها الدولة

[ماريسا]

سبحان الله

[سداوي&مدريدي]

الله يشفيه ويرجعه بالسلامه ان شاء الله

الموضوع الي قبل نشرته على البي بي ووصل للناس

وان شاء الله يوصل للمسؤولين

انتظر علي شوي خلال دقايق بنشر هذا الموضوع

على البلاك بيري

[Sharshooooor]

تعليقي وين راح؟ :shy:

ماتبون الصراحة كيفكم :nice:

عالعموم دعوه للمريض

الله يشفي مريضكم ويرجعه لكم سالم غانم

[qtr1]

الله يشفي عمك ان شاءلله والله المستعان حتى العلاج بواااااسطه ؟؟؟

[واحد ثقة]

سوّد الله وجيه بعض المسؤولين في مكاتبنا الطبية في الخارج اللي فضحونا في القنصليات الخليجية !

كم مرة تتكفل المكاتب الطبية الخليجية في الخارج بمواطني دولة قطر ؟ وبالأخص المكاتب الإمارتية ؟

ألا يستحي هؤلاء المسؤولين ويخجلون من أنفسهم ممايحدث عندما يذهب المواطن القطري إلى سفارة دولة أخرى وتتكفل بجميع مصاريفه ؟

هل هو نقص في الميزانية أم بخل أم إهمال أم ماذا ؟


بئس المسؤول الذي يبخل على أهل بلده في الغربة وهو لديه والإمكانيات اللازمة من مال وسلطة ،،

[نيساني]

الله يشفيه ويعافيه آمين

واجر وعافيه بإذن الله

[وحيد-الشوق]

حسبي الله عليهم الله لايوفقهم لا دنيا ولا آخره

والله قوية في حق قطر وفي حق المكتب الطبي

يعني الحين دولة الامارات تتكفل بعلاج مواطن قطري واعيباه وافضيحتاه

من المسؤول عن هذه المهازل

الله يعينكم ياخوي ويعين جميع الملسمين

الله ياخذهم دكاتر مستشفى حمد والمسؤولين الي هناك عقابهم في الاخره ان شاء الله

جعل ربي ينتقم منهم ويراويهم الي يصير في الناس في عيالهم ان شاء الله

حسبي الله ونعم الوكيل اخخخخ والله فيني قهر مايعلم به الا رب العالمين

[روح الاطلس]

الله يشفيه يارب

بس شلون دولة الامارات وافقوا على علاج شخص مو مواطن ؟؟ هل فيه واسطة ؟ بكل صراحه
لاني ما اتوقع اي احد وغير مواطن يكلم الامارات ويتكفلون فيه على طول

[ALHAJAJI]

اسأل الله العظيم رب العرش العظيم ان يشفي عمك
اسأل الله العظيم رب العرش العظيم ان يشفي عمك
اسأل الله العظيم رب العرش العظيم ان يشفي عمك
اسأل الله العظيم رب العرش العظيم ان يشفي عمك
اسأل الله العظيم رب العرش العظيم ان يشفي عمك
اسأل الله العظيم رب العرش العظيم ان يشفي عمك
اسأل الله العظيم رب العرش العظيم ان يشفي عمك

[بن محمود]

الله يشفيه يارب

بس شلون دولة الامارات وافقوا على علاج شخص مو مواطن ؟؟ هل فيه واسطة ؟ بكل صراحه
لاني ما اتوقع اي احد وغير مواطن يكلم الامارات ويتكفلون فيه على طول


اخوي
الموضوع تكرر اكثر من مرة
يعني هذي مب اول مرة تقوم قنصلية الامارات بالتكفل بعلاج مواطنين قطريين
سمعت عن تكرر هذه الظاهرة اكثر من مرة
اكيد هالشي مسموح عندهم بطريقة او بأخرى
والله اعلم

[وحيد-الشوق]

اخوي اتمنى منك انك تنشر هذا الموضوع في الجريدة او حتى تتصل في وطني الحبيب وتطرح مشكلتك بس لما تتصل لاتقولهم شنو مشكلتك الا بعد ماتكلم المذيع عقب طيح في بطنهم

والله يشفي عمك يارب وييشفي امي ويشفي جميع مرضى المسلمين

[وافق شنن طبقة]

وطنك الحبيب مايسون شي بس يخلون القطري يفضفض وعقب نتتهي السالفه


واهل الامارات رجال فيهم خير مع بعض وينفعون اهلهم والاجنبي والغريب والبعيد والقريب ومهب غريب عليهم

بس عندنا في قطر


قلت لكم مليون مرة ..حسد حقد ..

يعني الي محطوطين فالمركز الطبي فالخارج

مختارينهم الدوله احلى اختيار..

ماخذين الي عيونهم خضر وزرق ..

وغير هذا ياويلك لو توسطت لحد ..

والله مسخرة صايرة من ناحيه مستشفى حمد


وانا من ناحيتي

اسمي مستشفى حمد


واتمنى هالاسم الي بلقبه عليه يوصل للكل ..



اسميه .











((دوله وسط دوله))

لانه لو الدوله تبي الخير للشعب ..
كان ماخلت نفس هالدكاترة ونفس هالعفسه الي تصير ..واللجنه الطبيه ..و اشملهم القليل منهم ..فيهم خير ..<

الله يعينك وبيض الله وجه الشيوخ الي تكفلو بالعلاج..

وصدقني مهب شي غريب على الامارات

[hamoor4ever]

الحمدلله على الاقل احنا القطرين راح نلاقي حد نلجأ اليه اذا تسكرت جميع الابواب في بلدنا المعطاء والغني بالغاز ، اعتقد اني في احدى المرات سمعت ان دوله قطر تملك اكبر احتياطي غاز بالعالم السؤال اين تذهب ميزانيه الغاز ؟ للرياضه اوكي ماقلنا شي والباقي للبعض الكبار اوكي ماقلنا شي والباقي وين يروح ؟!! نبغي على الاقل تخلون منه شوي للمحتاجين من اهل البلاد لانمانع ابدا كمواطنين بأعمار دول فقيره ومحتاجه لكن هناك الكثير من المواطنين المحتاجين وهم الاولى بالحصول على جزء من تلك الميزانيه فديننا يحثنا على التبرع فما بالكم اذا كان لذوي القربى .

رحمك الله يازايد اتعبت من هم بعدك والحمدلله انه لازال هناك دوله مثل الامارات في وقت اصبح الغني لايلتفت ولا يفكر بمأساه الفقير

[bu abdulla]

الله يشفيه ..... اشوف طرح الموضوع ف الاذاعه افضل وسيله لنقل المعاناه

[سداوي&مدريدي]

الحمدلله على الاقل احنا القطرين راح نلاقي حد نلجأ اليه اذا تسكرت جميع الابواب في بلدنا المعطاء والغني بالغاز ، اعتقد اني في احدى المرات سمعت ان دوله قطر تملك اكبر احتياطي غاز بالعالم السؤال اين تذهب ميزانيه الغاز ؟ للرياضه اوكي ماقلنا شي والباقي للبعض الكبار اوكي ماقلنا شي والباقي وين يروح ؟!! نبغي على الاقل تخلون منه شوي للمحتاجين من اهل البلاد لانمانع ابدا كمواطنين بأعمار دول فقيره ومحتاجه لكن هناك الكثير من المواطنين المحتاجين وهم الاولى بالحصول على جزء من تلك الميزانيه فديننا يحثنا على التبرع فما بالكم اذا كان لذوي القربى .

رحمك الله يازايد اتعبت من هم بعدك والحمدلله انه لازال هناك دوله مثل الامارات في وقت اصبح الغني لايلتفت ولا يفكر بمأساه الفقير

مابي احطمك واقولك كم الفائض لميزانيت قطر لسنه 2010

:telephone:

[محمد11]

الله يشفيه يارب

بس شلون دولة الامارات وافقوا على علاج شخص مو مواطن ؟؟ هل فيه واسطة ؟ بكل صراحه
لاني ما اتوقع اي احد وغير مواطن يكلم الامارات ويتكفلون فيه على طول


جزاها الله الف خير دولة الامارات


لاهي بواسطه ولاهم يحزنون ..

المرض نافي واسطه ولا غيره اخوي ...

الله يجزاها خير سفارة الامارات ف بانكوك

السفير بنفسه جاي يطمن على عمي ..

[روح الاطلس]

انا ماسألت وقلت واسطه إلا اني ابيك تبين للناس ان دولة الامارات فزعت لكم ووقفت جنبكم وهي ماتعرفكم وانتو مو مواطنين

وجزاهم كل خير بس والله فضيحه ومهزله وقمة المسخره

اتمنى رسالتك تسعى توصلها للأمير ( معليش هو الحين في قبرص ) بس لما يجي ان شاء الله حاول تروحون الديوان او تنشرون بالجريدة لازم تسوون شي وماتخلي اللي صار يطوف
لان فيه ناس كثير غير عمك متبهذلين بسبب المكاتب الطبية اللي لازم يتم التشديد عليهم

وتخصيص ميزانية محترمة لذلك مادام ان مستشفى حمد تعبان ومافيه غيره في البلد ! خلوا الناس تروح برا دام مو قادرين تفتحون مستشفيات عدله ولا لازم توفل وايلز بعد !!

[العضو الماسي]

الله يشافيه يارب ويقومه لكم بالسلامه يارب

[technical]

اه ويلاه , لوين يا قطر خيرك رايح وهلك يدورون الصدقه يمين ويسار .

[احمد بن علي]

الله يشفيه ورده سالم متعافي ان شاء الله

[الـقـاسـي]

بيض والله وجه شيوخ الامارات كلهم .. ودولة الامارات كلها
وبالذات محمد بن زايد اشهد انه رجال من ظهر رجال ..

ومب غريبه على هل الامارات ومب اول واحد يسوون له كذا من هل قطر
ترى واجد والله ..

انا اخوي كان محتاج للعلاج وقال لنا محمد بن زايد فالكم طيب وهذا ولدنا وبنتكفل بعلاجه ومره حطوا مرافقين من واحد لين الف في نفس الدقيقه ماقال لجنة وخرابيط ..

وعقبها بفتره جات الموافقه من الدوحة .. ويوم وصلنا هناك السفاره الاماراتيه اللي مستقبلتنا وموفره سكن بعد وكانوا يتابعون الحالة ..


وغيره وغيره وغيره ..

وخالي صار عليه حادث فالدوحة وماوافقت اللجنه الموقره على ارساله للخارج سافر على حسابه ويوم وصلوا هناك تكفلت سفاره الامارات بعلاجة ومصاريفه ..

مب عيب مب فظيحة مادري وين الخلل

[بوخليفة3]

بل والله فشيله والله العظيم احراج

الله يشافي عمك والله يواليه العافيه

[شـــوق]

الله يشفي كل مريض ،، ماتشوفون شر
متى تنرفع الغمامه عن عيون المسؤلين ويحسون بمعاناتنا كشعب ( يمكن نعتبر اقل عدد سكان في العالم )
اخاف يجي يوم وننقرض :( ،، لاعلاج مثل العالم والناس ،، ولا لجنه مثل اللجان اللي عند خلق الله
كله قاطينا على مستشفى التدريب ( مقصب حمد البشري )

استغفر الله العظيم

الله المستعان

[hamoor4ever]

مابي احطمك واقولك كم الفائض لميزانيت قطر لسنه 2010

:telephone:


أعتقد الفائض أخوي كان من ميزانيه البترول صح :shy:
زين وين راح الفائض من ميزانيه الغاز ؟ :nice:

وأخرتها مواطنين دوله قطر يروحون سفارة الأمارات سبحان الله فعلا الامارات خيرها عم الداخل والخارج

[مستجدة]

الله يشفيه ويرده سالم غانم بأذن الله :)
وبوخالد معروف عنه انه صاحب ايادي بيضاء
مثل ابوه الله يرحمه الشيخ زايد :)
ولله الحمد والشكر
وكل شيوخ الخليج مثله وشرواه وانا متأكد لو وصل الموضوع لشيوخنا ولا حد منهم بيقصر
الله يشفي عمك اخوي محمد ويرد له صحته
اجر وعافيه


السموحه اخوي مب كل الشيوخ ولا كل الامراء مثل بعضهم يختلفون مثلهم مثل بقية البشر
فيه ناس قلوبهم دائما على الضعيف والمحتاج تعرف ليه لانهم تربوا على حب عمل الخير وحب المساكين والشيخ زايد زرع هالشئ في ابنائه رحمة الله عليه
والشيخ محمد بن زايد اكثر ابنائه شبه بوالده انسان متواضع يسعى دائما لعمل الخير ولايفرق
بين احد ولا بين جنسيه واخرى لان عمل الخير لايحدد بشخاص ولا بجنسيات نما هو عمل لوجه الله تعالى يوم لا ينفع مال ولا جاه ولا بنون ماينفع ابن أدم الا ماقدم من عمل صالح

الف الحمدلله على سلامة عمك والله لايحيج المواطن القطري لوزارة هالصحه الفاشله
حتى المرض ياناس بواسطه حسبي الله ونعم الوكيل

[الموضوعي]

الله يشفي عمك ويرجعه سالم ، والله يجزى الشيخ محمد بن زايد كل خير ويجعله في ميزان حسناته النبت يطلع على بذره ليت شيوخنا يهتمون في المواطن ويفتحون ابوابهم لنا مثل شيوخ ابوظبي ، راحت فلوس قطر على زنوج افريقيا والرياضة وكل سفيه فيها وحفلات الاوكسترا وايادي الخير نحو اسيا ويوم الشجرة ولكل ربيع طماطه والخ

[محمد11]

بيض والله وجه شيوخ الامارات كلهم .. ودولة الامارات كلها
وبالذات محمد بن زايد اشهد انه رجال من ظهر رجال ..

ومب غريبه على هل الامارات ومب اول واحد يسوون له كذا من هل قطر
ترى واجد والله ..

انا اخوي كان محتاج للعلاج وقال لنا محمد بن زايد فالكم طيب وهذا ولدنا وبنتكفل بعلاجه ومره حطوا مرافقين من واحد لين الف في نفس الدقيقه ماقال لجنة وخرابيط ..

وعقبها بفتره جات الموافقه من الدوحة .. ويوم وصلنا هناك السفاره الاماراتيه اللي مستقبلتنا وموفره سكن بعد وكانوا يتابعون الحالة ..


وغيره وغيره وغيره ..

وخالي صار عليه حادث فالدوحة وماوافقت اللجنه الموقره على ارساله للخارج سافر على حسابه ويوم وصلوا هناك تكفلت سفاره الامارات بعلاجة ومصاريفه ..

مب عيب مب فظيحة مادري وين الخلل


توقيعك:nice:

[greenline]

مرحبا أخوي روح الاطلس كل الموضوع انك اتروح تاخذ اقرب طياره وعلى ابوظبي على طوووووووول وهناك الله لايهينك ليموزين وعلى مكتب ديوان الشيخ محمد بن زايد قدم التقارير وبياخذون رقم جوالك وخلال فتره بسيطه بيردون عليك وتاكد ردهم دايمن ايجابي واذا عندك احد من هلك بعد احسن واحسن وصدقني ماراح يقصرون ومن خلال تجربتي مع الاخوان في سفارة الامارات والله العظيم كفوا وعندي أدله على كلامي يالحبيب ديوان الشيخ محمد مايفرقون بين مواطن ولا قطري بلعكس التفرقه عندنا موجوده ........... سلالالالالالالالالالام

[الوجبه]

جزاهم الله خير شييوخ الامارات ... وبيض الله وجيهم ..

(خيرهم) على الداخل قبل (الخارج) .. وعلى (المواطن) قبل (الغريب) ..

[الثاقب]

سبحان الله هذه الامور كانت تحصل في السابق وكانوا البعض من اهل قطر يذهب لديوان الشيخ زايد رحمة الله عليه
وها هو ابنه الشيخ محمد بن زايد يقوم بنفس العمل لم يجلس في برج عاجي وينضر الى الناس من اعلى
ولم يصب بالغرور
تواضع قمة في الاخلاق طيبه تقربه من الشعب الله يحفظه لشعبه
ما يصح الا الصحيح والي يناقز واجد اخرتها الى القاع مباشره ولنا في دبي عبره فهل من معتبر

[هام السحاب]

جزاه الله الف خير وكثر الله من امثاله
مابي اعلق ع المكتب الطبي لان مايستاهل انه ينذكر

[روح الاطلس]

كل يوم يزداد اعجابي بهذا الانسان قبل ان يكون شيخاً ( محمد بن زايد ) لك الجنة يارب

كما ان كل العالم بكت يوم وفاة زايد الخير فأنت لك في القلوب محبة مثل محبة العالم لوالدك

[سواح]

السلام عليكم ورحمه الله ..

الله يشفي عمك ويقومه بالسلامه ..
وهالشيء مب غريب على هل الامارات عيال زايد والنعم فيهم ..

بس عندي سؤال لو تسمح تجاوبلي عليه ..
هل علاج عمك متوفر في قطر والا لا ؟ ..
ياليت تجاوبني بصراحه ..

[غير عنهم]

بيض الله وجه الشيخ محمد على عمل الخير في اهل الخليج وجعله الله في موازين حسناته

[$$كلنا قطر$$]

حط موضوعك في الجرايد
مرفق بألأوراق الازمه
اوراق المستشفى والتكاليف
والله يشفيه ان شاء الله

[امـ حمد]

الله يشفيه

[خفوق]

بصراحه الواحد مايدري شيقول قسم بالله تعبنا أنا مالومك اذا خنقتك العبره اذا انا اللي مالي علاقه بالموضوع تاثرت احنا قطر خيرها مغرق الدول الثانيه ماحنا في حاجه اي دوله تساعد مواطنينا الناس تجرحت حلوقهم واهم يشتكون
يعني هذا مرض خطير ماحد يقدر ينطر المقصب لين يطلع تقارير او يشوف امكانيه العلاج الواحد الزم ماعليه اهله حتى لو ماعنده بياخذ سلفه وهو مو ملزوم ياخذ مب من كثرهم القطرريين قسم بالله تعبنا اذا التوظيف كانا نطر منهم طراره والتعليم مأساه
ووزاره الصحه لاتعليق مجزره يدخلها الواحد صاحي ويطلع معلل والعكس صحيح
لاحول ولاقوه الا بالله حسبي الله ونعم الوكيل على كل شخص ماسك منصب ولايشتغل بضمير
اللهم ارزق حاكمنا وولي عهده البطانه الصالحه وأصلح أحوالنا وأحوال المسلمين
وبخصوص الشيخ محمد بن زايد سيماهم في وجوههم وهو من ولده ولد الشيخ زايد عسى الله يرحمه ويجعل قبره روضه من رياض الجنه

اخوي صاحب الموضوع عسى الله يلبس مريضكم لباس العافيه ويشفيه عاجلا غير آجل
ويشفي جميع مرضى المسلمين والله لايحوجنا لمستشفى حمد والمكاتب الطبيه

[مشتاقة لقطر]

الله يرزق دولتنا بطانة صالحة

[المضعد]

الله يخليه لكم
ويرجع لكم احسن من قبل
ولا حول ولا قوة الا بالله العلي الظيم

[Bu Rashid]

يقوووم بالسلامه ان شاء الله
متابع معك اخي الكريم

للاسف محد يحصل على العلاج مجاناٌ بالخارج الا اصحاب الملايين والواسطات <اوانه قاصرهم فلووووووس
الاغنياء يزدادووون غناء والفقراء يزدادوووون فقر
يدي الحلق الي ما له اودان < شدخل

[القيادي]

اغنى دوله في العالم وصلت الى درجه ان يستعين مواطنيها بالدول الاخرى لتتكفل بعلاجهم :omg: والله مصيبه , لكن كل من بيده السلطه ان يساعد ولكنت ابت نفسه الدنئيه ان يقدم المساعده لأبناء وطنه ان يسلط الله عليه نفس المرض الذي رفض ان يبعث صاحبه للخارج لنرى هل سيوافق ان يمضي في العلاج في مقصب حمد او سوف يطلب فورا السفر للخارج

[ماريسا]

الله يقومه بالسلامة

[محمد11]

:secret::secret::omen2::omen2:

[greenline]

العم عنده الخبيث الله يشفيه ويشفي مرضى المسلمين
حالته معروفه عندهم وعلاجه خارج قطر ولكن لسوء الحظ ان معقل التجارب في مقصب حمد ماعرفوا يشخصون ونتشر في القولون والمصران والحين في الكبد واذا بغيت التفصيل بطرشه لك

السلام عليكم ورحمه الله ..

الله يشفي عمك ويقومه بالسلامه ..
وهالشيء مب غريب على هل الامارات عيال زايد والنعم فيهم ..

بس عندي سؤال لو تسمح تجاوبلي عليه ..
هل علاج عمك متوفر في قطر والا لا ؟ ..
ياليت تجاوبني بصراحه ..

[الطائر الحائر]

الله يجزاهم خير اهل الامارات ( خير خلف لخير سلف ) وهذا الفعل الطيب من شيمهم الله يخليهم ذخر للخليج

[لعديد]

للاسف محد يحصل على العلاج مجاناٌ بالخارج الا اصحاب الملايين والواسطات <اوانه قاصرهم فلووووووس
الاغنياء يزدادووون غناء والفقراء يزدادوووون فقر


???????????????!!!!!!!!!!!!!!!!

[فتى الجود]

الحمدالله على سلامت مريضكم

وللأسف الممكتب الطبي مفتوح للى يعرفهم السكرتير الغير قطري
والمدير يمشي على كلامه ولايقدر يسوى شي الا بعد الأستأذان من السكرتير

سبحان الله

[الوعد2016]

يعني الدوله تصرف على الكل ومتقصر وبسبب تقصير مواطن او بمزاجه يلغي او يسمح بالعلاج وللاسف لا رقيب عليه يجب اقالة البعثه الطبيه في السفاره وخاصه في دايلند (المكتب الطبي) او من كان له قرار هنا في قطر وللاسف صار علاج المواطنين على نفقة اهل الخير من خارج قطر
وجزاء الله كل خير من قام بعمل الخير ويغفر لشيخ زايد ماتقدم ومتاخر من ذنبه
شي يقهر

[الهايم]

نبي حل في هذي المهزله ليمتى وحنى كذاااا
حسبي الله ونعم الوكيل

[بدون]

أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه

ان شاء الله أجر و عافية
و منا إلى المسئولين بوزارة الصحة أو ما أدري شاسمهاو المكتب الطبي ،،، رحمة بأبناء قطر

[لطآم]

شدعوى ماتوصل لهدرجه
والله قويه الأمارات تصرف علينا
ماعندنا دوله ولا قاعدين بغابه ؟

[حليتان*]

لا حول ولا قوة الا بالله

اجر وعافية يارب

[سواح]

العم عنده الخبيث الله يشفيه ويشفي مرضى المسلمين
حالته معروفه عندهم وعلاجه خارج قطر ولكن لسوء الحظ ان معقل التجارب في مقصب حمد ماعرفوا يشخصون ونتشر في القولون والمصران والحين في الكبد واذا بغيت التفصيل بطرشه لك


مرحبا اخوي ..
شاكرلك الرد اولن ..
ثانين .. اللي اعرفه ومتاكد منه ان المستشفى "مقصب حمد :tease:" فيه جراحيين متخصصين في استئصال الاورام فالقولون ..
وبالنسبه للعلاج الاشعاعي والكيماوي فمستشفى الامل كذلك متخصص فهالمجال ..
ولو لم يتوفر علاج الشخص في قطر مع توفره في اي مكان ثاني فالعالم فاللجنه المفروض اتيسرله الامور واطرشه من غير تعقيد ..
الا في حاله كون المرض في مرحله متقدمه والعلاج يكون مساعد وليش شافي .. بالانقليزي "palliative treatment" فهالحاله اللجنه ما اطرشه برع لان هذا الشيء متوفر فالامل ..

اما بالنسبه لمساله القصور فالتشخيص او اهمال واضح فانا انصحك انك ما تسكت عن الموضوع وتسوي الشيء الصح وهو تقديم شكوى رسميه بذلك ..
اقلها ان ما استفاد منها عمك تمنع دكتور متسيب من التسبب فنفس الخطأ لمريض ثاني ..
او في حاله كون المساله سوء تفاهم تتوضحلكم الامور وتكونون على بينه ..

انشالله اكون افدتك اخوي ..
والله يقوم عمك بالسلامه ويرده وسطكم فالدوحه معافى ..
اللهم امين ..
:discuss:

[جـوليـآن قطر]

الله يقومه ويرده بسلامه
وحكومتنا الموقره بس خيرها على فلسطين ولبنان

[ام سلمى]

#سبحان الله وبحمده سبحان الله العظيم*


--

[متابع عن قرب]

الامارات وقطر



اخوة



واتحاد قديم




ومحبة عريقة




واذا صار فيه قصور بسبب بعض ضعاف الانفس من المسؤولين عن خدمة الناس


فدولتنا ترحب بكم


والامارات تسد النقص لدى شقيقتها قطر



ادام الله التعاون




ورحم الله زايد



الذي خلف نماذج تفخر بها البشرية



واعانكم على ابتلائكم





الله يشفي مريضكم ويرده سالم غانم

[برشلوني قطر]

السلام عليكم ورحمه الله ..

الله يشفي عمك ويقومه بالسلامه ..
وهالشيء مب غريب على هل الامارات عيال زايد والنعم فيهم ..

بس عندي سؤال لو تسمح تجاوبلي عليه ..
هل علاج عمك متوفر في قطر والا لا ؟ ..
ياليت تجاوبني بصراحه ..



ماتوقع ف شي عندهم فالمغصب ماله اعلاج ....عيب يقولون مانعرف..


اسأل الله العظيم رب العرش العظيم ان يشفي عمك
اسأل الله العظيم رب العرش العظيم ان يشفي عمك
اسأل الله العظيم رب العرش العظيم ان يشفي عمك
اسأل الله العظيم رب العرش العظيم ان يشفي عمك
اسأل الله العظيم رب العرش العظيم ان يشفي عمك
اسأل الله العظيم رب العرش العظيم ان يشفي عمك
اسأل الله العظيم رب العرش العظيم ان يشفي عمك

[barzan2]

الله يشفيه انشاء الله ويرجع سالم غانم يارب والله الصراحه الواحد يستحي شو يقول الي ماعنده سند عليه السلام خمسين الف لجنه لين الريال يروح فيها على بوهامور يبون ؟؟

[online]

الله كـــريمـ

والله يردكم بالســلامه

وبعضهــم كل سنه يروحون علاج في الصيف مع المرافقين ؟؟؟؟