المساعد الشخصي الرقمي

مشاهدة النسخة كاملة : عملية تصحيح النظر (ليـــزك)؟


رذاذ
22-04-2010, 12:23 PM
ياجماعه الخير بسوي عملية تصحيح نظر لني زهقت من العدسات ومن النظارة.

ابي رد من ناس سوها حل مرتاحين بعد العملية؟

عند اي مستشفى مسويها ؟

كم تكاليف العملية.؟

هل في اخطاار نفس ما سمعت .؟

مترد وبنفس الوقت خاطري افتك من العدسات ومن المحلول ومن شل وحط وغسل يدك قبل لا تحط العدسه ولا العدسه مقلوبه وسااالفه ..
بو خليفه 123
22-04-2010, 12:32 PM
رذاذ جيتنا عقب ماشيبت تبي تتشبب و تسوي ليزك :nice:

الله يعطيك الصحه والعافيه ..

أنا اخبر رحت مع عمي الأردن و سواها في مسشفى الملك

الي اخبره ان الاسعار كانت مناسبه لكن كم بالضبط يفداك الكذب ماعرف .

والرجال الحين نظره ممتاز و مايستخدم النظاره ابد خير شر


والسموحه على القصور ..

عئبال مانشوف نظرك 6/6 :victory:
قطر دزاين
22-04-2010, 12:33 PM
السلام عليكم
عندنا مدير القسم مسويها في الاردن ويتحمد الرجال ومداوم والحمدلله وكل شي تمام وفي الادرن ارخص لك ولو حاب اسأله واستفسر منه كم كلف والمده ابشر
بوسعد قطر
22-04-2010, 12:34 PM
ياجماعه الخير بسوي عملية تصحيح نظر لني زهقت من العدسات ومن النظارة.

ابي رد من ناس سوها حل مرتاحين بعد العملية؟

نعم والحمد لله ومافيها شي ثاني يوم تقدر اتسوق السيارة عادي والامور طيبه
عند اي مستشفى مسويها ؟

عند الاستشاري خالد الشريف اذا مش غلطان انا بس في اسمه الشريف
كم تكاليف العملية.؟

سويتها تقريبا بعشره الاف
هل في اخطاار نفس ما سمعت .؟

ابدا قلت لك الامور طيبه وقوي قلبك وكله السالفه خمسه دقائق فقط لا غير
مترد وبنفس الوقت خاطري افتك من العدسات ومن المحلول ومن شل وحط وغسل يدك قبل لا تحط العدسه ولا العدسه مقلوبه وسااالفه ..




سوها وتوكل على الله عند الاستشاري خالد الشريف في بنايه الجبر اللي بقرب السينمات

ولا اتخاف ولا شي كل العلميه خمسه دقائق فقط لا غير اول يوم بتشوف ضباب بعد العمليه وبتنام غصب عنك ههههه وثاني يوم بتشوف الدنيا غير
بوذياب
22-04-2010, 12:37 PM
الحل عندي وانا بوهندي هع

انا سويت العمليه من شهر تقريباً عند الدكتور رمزي

العمليه كالتالي :

اول شي تفحص بخصوص هل عينك تنفع معاها العمليه او لا

ثاني شي تحدد الموعد مع الدكتور وتسوي العمليه في مستشفى العمادي

الجهاز يكون هناك في العمادي , لان العمادي ياخذ من الدكتور نسبه مب منك


تكلفة العمليه والله اسال مجرب في هالشي انا ماخليت عياده مارحت لها من المغربي لين بولفين لين الاهلي لين كل مكان ماخليت عياده مارحت لها وكل واحد يقول الزود عندي وكل واحد تكلفته اغلى من الثاني اللي 10600 واللي 9800 المهم لين وصلت عند هالدكتور , تكلفة العمليه 8000 ريال لاوبعد ازيدك :)

باقساط تدفع اول شي 3000 والباقي على فترات


اشرايك ؟؟

المهم
اذا تبي رقم الدكتور
قولي وابيك تدعيلي

تدري والله العمليه عقب ماتسويها بتقول ياللـــــــــــه لاتحرمني نعمة النظــــــــــــــر

بترتاح نفسياً وكل شي

مجرب النظاره انا 6 سنوات


المهم اذا تبي تسويها عطني خبر
مـــــنــاف
22-04-2010, 12:54 PM
تـــحذيـــــر

بــــعد إجراء العمــليه , يــجب إستخدام (مُــرّطب للــعين) بـصوره مُـــنتظمه ولمُــده لا تــقل عــن (ســته أشـهر) ويُستحـسن ومـن واقع (تــجربه) الإستمرار على إستخدام (الـــمُرطــّب) ولفــترات مُــتقطـّعه قــدر ما أستطــعتم .

هُـــناك أطــبّـاء في (البحرين والسعوديه) ولــكن يـثني الكثير عـلى الدكتور (الشريف) الموجود بــمجمــّع (الجبر) في قطر .

عــمليه بــسيطه (جـــــداً) وبإذن الله سوف تــُشاهـدون الـفرق بـعد ذلــك .

والله يــــوفقـّكم
hma
22-04-2010, 12:57 PM
سوها وتوكل على الله عند الاستشاري خالد الشريف في بنايه الجبر اللي بقرب السينمات

ولا اتخاف ولا شي كل العلميه خمسه دقائق فقط لا غير اول يوم بتشوف ضباب بعد العمليه وبتنام غصب عنك ههههه وثاني يوم بتشوف الدنيا غير

أنا بعد سويت العملية عند الدكتور خالد الشريف سنة 2006 والحمد لله مرتاح

اللي أعرفه أن الدكتور خالد أحسن دكتور في الشرق الأوسط يسوي هالعملية والله أعلم
أسير الأحلام
22-04-2010, 12:58 PM
ياجماعه الخير بسوي عملية تصحيح نظر لني زهقت من العدسات ومن النظارة.

ابي رد من ناس سوها حل مرتاحين بعد العملية؟

عند اي مستشفى مسويها ؟

كم تكاليف العملية.؟

هل في اخطاار نفس ما سمعت .؟

مترد وبنفس الوقت خاطري افتك من العدسات ومن المحلول ومن شل وحط وغسل يدك قبل لا تحط العدسه ولا العدسه مقلوبه وسااالفه ..



العملية سهلة وغير خطرة ومضمونة أن شاء الله .. عندي 3 أشخاص عاملين العملية ونتايجها ممتازة وتخلوا تماما عن النظرة أو العدسات اللاصقة .. وهو سووها في البحرين
في عيادة الدكتورة/ فاطمة الدوسري
رقم العيادة 17877282-00973

وتكلفة العملية 6000 ريال قطري فقط
رذاذ
22-04-2010, 12:58 PM
بوذياب ما قصرت اخوي .. ياليت تعطني الرقم بعد
اخوي مناف وين مجمع الجبر .؟ كم رقمهم ولا شلون اتواصل معهم .
رذاذ
22-04-2010, 01:00 PM
العملية سهلة وغير خطرة ومضمونة أن شاء الله .. عندي 3 أشخاص عاملين العملية ونتايجها ممتازة وتخلوا تماما عن النظرة أو العدسات اللاصقة .. وهو سووها في البحرين
في عيادة الدكتورة/ فاطمة الدوسري
رقم العيادة 17877282-00973

وتكلفة العملية 6000 ريال قطري فقط

كلمتهم وما قصر اخوي سوق واقف بارقم قالو لي 550 دينار ..
بس انا اقول هنا بقطر افضل لجل المتابعه لو لسمح الله صار شي .
Chambray
22-04-2010, 01:00 PM
يوم الاحد عمليتي في الرياض عند الدكتور عثمان العمـر
http://www.alhokama.com.sa/arabic_contents/consultants/dr_othmanomar_ar.htm

ادعولي بالتوفيق والشفاء :(
OTOsan
22-04-2010, 01:03 PM
سبحان الله ،،

النظر نعمة لايشعر بها الا اصحاب النظارات .. وستشعر بفرق كبير ان اجريت العملية ،،

بعد زوال اثار العملية تحس براحة غريبة .. وبتتم فترة متعود على حركة رفع النظارة مع ان مافي نظارة :)

سويت العملية في مستشفى المغربي (فرع صنعاء - اليمن ) عند الدكتور محفوظ بامشموس ..

تكاليف العملية نفسها كانت (2800) ريال فقط ..!

تكلفة العملية رخيصة نوعا ما ، ولكن ان حسبتها مع الاقامة والسكن والخ .. فستكون نفس التكلفة في قطر او البحرين وبمكان اقرب !

اعتقد ان التطور في هذه التقنية وكثرة من اجرى هذا النوع من العمليات يزيل مكامن القلق من نتائجها ، لذلك توكل على الله والله يحفظك من كل شر ان شاء الله ياخوي رذاذ ،،
لاجئ عاطفي
22-04-2010, 01:04 PM
الدكتور خالد الشريف اللي يجي مجمع الجبر الكل يمدحه والعملية راح تكلف العينين 10000 ريال ومافيها اي مضاعفات
OTOsan
22-04-2010, 01:06 PM
يوم الاحد عمليتي في الرياض عند الدكتور عثمان العمـر
http://www.alhokama.com.sa/arabic_contents/consultants/dr_othmanomar_ar.htm

ادعولي بالتوفيق والشفاء :(


الله يوفقك اخوي موين اورينت وترجع بالسلامة :)

وتنسى بعدها شي اسمه (نظارة طبيه ) ،،
حراير قطر
22-04-2010, 01:10 PM
انا سويت العمليه بـ 2007

والحمدلله كله بالسليم :victory:

وسويتها بالبحرين عند فاطمة الدورسري

بـ 5500 ريال ...

وتوكل على الله وما عليك شر بأذن الله

اختك

حراير قطر
فيصـــل
22-04-2010, 03:10 PM
السلام عليكم ورحمة الله وبركاته

يمسيك بالخير اخوي رذاذ

اخوك 5 سنين مع العدسات واطلعت علي اكثر من بيع السوق يوم عملت الكشوفات

نصيحه دامك ناوي تسوي العمليه هد عنك العدسات وابتعد عنها ابتعاد كلي
الدكتور اللي بيسويلك العمليه بيطلب منك اسبوع او اسبوعين بدون عدسات

انا الله وكيلك لي فوق الشهر وللحين اعاني من جفاف والسبب العدسات

وقبل كل شي استخير .. والخيره في ما اختاره الله وشاور وامضي في الامر

وتوكل على الله وسو الكشوفات ..

عن نفسي للحين عندي مواعيد وفحوصات مع مركز العيون التخصصي ( الدكتور خالد الشريف ) وكملت تقريبا شهر عالكشوفات لاني اعاني من جفاف والتهاب في العين (الحمدلله في تحسن).. والدكتور خالد بيوصل الخميس الجاي ان شاء الله

والكشوفات هي اللي تحدد اذا العين ينفع لها الليزك ولا لا

وبالنسبه للاماكن المعروفه لاجراء العمليات هي :

مركز العيون التخصصي عند الدكتور الشريف - العمليه مع الكشوفات 9650 ريال
الرقم : 4321393

مؤمن الريفي ( البحرين ) - 6600 ريال
الرقم : 0097317406666

الدكتوره فاطمه الدوسري ( البحرين ) - 5500 ريال
الرقم : 0097317877282

وشوف يالغالي في ناس بتذم هذا وناس بتمدح ذاك .. يعتمد عالشخص ونظره
والعمليه بسيطه وسهله ماتاخذ عشر دقايق ..

انت توكل على الله وسو الكشوفات

وعطنا آخر علومك

وماتشوف شر
Phenomenon
22-04-2010, 06:19 PM
السلام عليكم ،،،

انا سويت العملية سنة 2006 عند د. خالد الشريف في مركز
العيون التخصصي في الجبر ( عند اشارات السينما ) ، وكلفتني
10,000 ريال تقريبا شامل الفحوصات اللي قبل العملية.

والحمد لله لحد الحين مرتاحه ، وما سمعت انها فيها منها مضره
بالعكس انا سألت قبل ما أسوي العملية والكل طمني وقالوا لي
ان العملية آمنه بنسبة 100%.

وبالتوفيق إن شاء الله ،،،
مالي ومال الناس
22-04-2010, 08:21 PM
دام اخوانك مجربين لاتردد .. توكل على الله وارتاح من العدسات

بالتوفيق ان شاءالله
نايف قطر
22-04-2010, 10:28 PM
اخوي نصيحه سو العمليه فالدوحه

انا سويت العمليه عند مركز العيون التخصصي اللي بعد اشارة السينما عند الدكتور خالد الشريف
والحمد لله ارتحت من النظاره والعدسات

بس لازم تترك العدسات اسبوعين قبل الفحص علشان يكشفون على عينك

هذا رقم العياده 4321393
الاسمر
23-04-2010, 06:36 PM
ياخوي ،انا سمعت عن مركز سيكرافت(جينسيترم ماوس)في المانيا/واسم الدكتور ماتياس ماوس/ لكن اسموحه لا اعرف الاسعار، ممكن تتواصل عن طريق النت او المكتب الطبي في بون
حليتان*
23-04-2010, 10:36 PM
يوم الاحد عمليتي في الرياض عند الدكتور عثمان العمـر
http://www.alhokama.com.sa/arabic_contents/consultants/dr_othmanomar_ar.htm

ادعولي بالتوفيق والشفاء :(

الله يوفقك ويشفيك







انا بتابع الموضوع بعد اذن رذاذ :nice: