المساعد الشخصي الرقمي

مشاهدة النسخة كاملة : لحقوني زوجتي تخوني


كركم
23-04-2010, 02:15 PM
جمعة مباركة على الجميع :)

أثناء تصفحي لأحد المنتديات الخاصه بالمشاكل الأجتماعية والنفسية لفتت أنتباهي مشكلة (لحقوني زوجتي تخوني ) طرحها أحد الأعضاء وهي مشكلة خاصه به شخصيا وبصراحة لا يحسد عليها وهي كالتالي :

اخواني في مصيبة طاحت على راسي رجعت من دوامي المسائي لقيت زوجتي تبكي بشكل هيستري وبعد اللحاح واصرار مني اعترفت لي انها على علاقه مع واحد تعرفت عليه عن طريق الأنترنت وتكلمه بالتلفون وصارت بينهم علاقه عاطفية وكلام في الجنس...والحين هو يهددها انه بيفضحها بتسجيل صوتي اذا ما طلعت معاه...ماني عارف اتصرف ودي الارض تنشق وتبلعني..انا حبيتها وعندي منها ولد بس جرحي كبير ..اتمنى تفيدوني لاني ما اقدر اعرض المشكلة على هلي اواصدقائي..


رأي كركم في الموضوع :

بصراحه انا اللي لفت انتباهي في هذه المشاركة بالذات ومن بين كل المشاركات..هو تأني الزوج في التصرف يعني ما تسرع يعني لا قدر الله لو صار هالشي مع اي زوج ثاني ..ابسط شي انه يطلقها او يتهور شوي ويثور فيها :secret:

وبعد ما قرأت هذا الموقف الصعب دارت في راسي عدة أسئلة :

_ شنو اللي يخلي الزوجة تخون؟؟ الرجل الخائن يقنع نفسه بأن له حق يحب ويتزوج مرة ثانية او بعض الرجال عيونهم فارغه ما يملاها غير التراب..بس الزوجة ليش تخون؟؟!

_ هل ممكن الزوج يسامح وتنتهي المشكلة؟ طيب معقولة ما بيطغي الشك على كل تصرفاتها في المستقبل؟ لو اتصل ولقى التلفون مشغول ولو دخل البيت وحصلها قاعده على الانترنت لو طلعت على السوق؟؟


وانا بنتظار أرائكم :)
s o s o
23-04-2010, 02:19 PM
كلام منتديات صدقني
وتحصل اللي كاتب المشكله مراهق وعايش الدور
والافي ذمتك في ريال يرضى على نفسه هالكلام ؟؟
انت معاي في هالنقطه والا؟
سداوي&مدريدي
23-04-2010, 02:28 PM
هذا مع احترامي له مب ريال

زوجته اتخونه والحبيب فاضي يكتب في المنتديات " قوية "

شقاعد تنطر !!

شوف شغلك يبه :omen2:
ماريسا
23-04-2010, 02:28 PM
العنوان خرّعني الله يقطع إبليسك ههههههههههههه
متابعة الردود
و الله يبعد الشيطان عن كل الأزواج
00soma00
23-04-2010, 02:29 PM
انا بتفق مع الاخت سوسو لانى بعتقد مافى رجال بيكون هادى وبيفكر باعصاب باردة فى هالموقف
كركم
23-04-2010, 02:29 PM
كلام منتديات صدقني
وتحصل اللي كاتب المشكله مراهق وعايش الدور
والافي ذمتك في ريال يرضى على نفسه هالكلام ؟؟
انت معاي في هالنقطه والا؟

والله ياخوج ماحط بذمتي ..ممكن مراهق مثل ما قلتي وممكن فعلا صارت معاه وتقطعت به السبل مثل ما يقولون ومالقى غير المنتدى يشكي فيه...بس مب هني محور القضية (حصلت ولا ماحصلت)
لأنها تحصل في اغلب المجتمعات وكلنا ندري بهذا الشي..محور القضية الله يسلمج في ردة فعله شنو ردة الفعل المثالية في موقف مثل هذا؟
على فكرة اغلب الردود كانت تنصحه بأنه يسامح :secret:
اسـكـندر
23-04-2010, 02:30 PM
أمر وارد حدوثه .. ليش لا ..
بصراحة عندي حل بس ما ابي أكتبه للكل ..
لأنه مُخصص لصاحب الشأن فقط

تحيتي للجميع وأبعد الله عنا وعنكم شرور الدنيا وكوارثها
شذى الورد
23-04-2010, 02:31 PM
لحقوووني :eek5:
مبين واضح ليش زوجته خانته :rolleyes2:
حياة
23-04-2010, 02:34 PM
كلاااااااااااااام فاضي
ومااعتقد ان فيه رجال يرضى بس انه يسمع هالسوالف فما بالك اذا كانت زوجته
كركم
23-04-2010, 02:34 PM
هذا مع احترامي له مب ريال

زوجته اتخونه والحبيب فاضي يكتب في المنتديات " قوية "

شقاعد تنطر !!

شوف شغلك يبه :omen2:

حيالله المدريدي...وجهة نظر
خلنا من مصداقية الموضوع من عدمها لأن هذي امور ممكن تحصل مب خياليه خلنا نقول لو فعلا كلامه حقيقي..

شلو تبيه يشوف شغله ؟ شيسوي؟
كركم
23-04-2010, 02:37 PM
العنوان خرّعني الله يقطع إبليسك ههههههههههههه
متابعة الردود
و الله يبعد الشيطان عن كل الأزواج

هلو دانتيل.. اي هذا اسلوب الجرايد في جذب القراء <<متأثر بمجلة الجريمة
وكان ودي اسمع رايج بالموضوع
والله يبعد عن المتزوجين والغير متزوجين شياطين الجن والأنس :nice:
كركم
23-04-2010, 02:38 PM
انا بتفق مع الاخت سوسو لانى بعتقد مافى رجال بيكون هادى وبيفكر باعصاب باردة فى هالموقف

حلو..يعني مستحيل الرجل يون تصرفه عقلاني في حال حدوث مثل هالموقف؟
رأي ونحترمه
كركم
23-04-2010, 02:40 PM
أمر وارد حدوثه .. ليش لا ..
بصراحة عندي حل بس ما ابي أكتبه للكل ..
لأنه مُخصص لصاحب الشأن فقط

تحيتي للجميع وأبعد الله عنا وعنكم شرور الدنيا وكوارثها

مرحبا اسكندر..ياليت تشاركنا هالحل..لأن هذي قضية مثل ماذكرت واردة الحدوث..فما المانع من طرح حل لقضية ممكن تحصل لاي انسان
كركم
23-04-2010, 02:42 PM
لحقوووني :eek5:
مبين واضح ليش زوجته خانته :rolleyes2:

تقصدين ان طلبه المشوره من اللي في المنتدى ينتقص من رجولته؟
كركم
23-04-2010, 02:43 PM
كلاااااااااااااام فاضي
ومااعتقد ان فيه رجال يرضى بس انه يسمع هالسوالف فما بالك اذا كانت زوجته

ياليت توضح كلامك اكثر شتقصد بأن ما في رجال يرضى انه يسمع هالسوالف.؟
pure
23-04-2010, 02:51 PM
و بس خلاها ؟!

الموضوع مادري شلووون :secret:


الله يبعد بنات وعيال المسلميين عن هالخرابيط ,,

بضيف نقطه ,, يمكن اهو يسامحها شكلييا ,, يعني ما يطقها ولا يطلقها ويفضحها

بس من داخله بيتقطع مليون مره من الشك

بيتم يطالعها و يففكر ليش خانته ؟ وشاللي بيضمنه انه ما بتخونه مره ثااانيه ,,

وبيتم عل هالحال ,,

عموما انا اقول يستر عليها عشان الله يستر عليه يوم القياامه
إينشتاين
23-04-2010, 02:53 PM
طبعاً الواحد لما يفكر بعواقب انه يذبحها من سجن وتشويه سمعته وسمعة عياله وأهله يستبعد هذا الحل مع انه منطقي ولكن هي ماتستاهل انه يوصخ ايدينه في دمها ....

الحل انه يسكر عليها الغرفة من الصبح لليل ومايخلي فيها عضو سليم وإذا تعب ياخذ فترة استراحة عشان يرجع نشاطه ويواصل الضرب...

بعد مايبرد حرته فيها يقلعها بيت اهلها غير مأسوف عليها وطبعاً ياخذ الولد عشان مايتربى في بيئة وصخة،، وفي الأخير لازم يستر عليها والموضوع يكون سر يعني مايعلم حد من هله أو اهلها عشان ماتصير له أو لها فضيحة ويصير علوج في لسان الناس.

أكيد فيه ناس يخالفوني الرأي ولكن هذا رأيي في الموضوع
pure
23-04-2010, 02:55 PM
طبعاً الواحد لما يفكر بعواقب انه يذبحها من سجن وتشويه سمعته وسمعة عياله وأهله يستبعد هذا الحل مع انه منطقي ولكن هي ماتستاهل انه يوصخ ايدينه في دمها ....

الحل انه يسكر عليها الغرفة من الصبح لليل ومايخلي فيها عضو سليم وإذا تعب ياخذ فترة استراحة عشان يرجع نشاطه ويواصل الضرب...

بعد مايبرد حرته فيها يقلعها بيت اهلها غير مأسوف عليها وطبعاً ياخذ الولد عشان مايتربى في بيئة وصخة،، وفي الأخير لازم يستر عليها والموضوع يكون سر يعني مايعلم حد من هله أو اهلها عشان ماتصير له أو لها فضيحة ويصير علوج في لسان الناس.

أكيد فيه ناس يخالفوني الرأي ولكن هذا رأيي في الموضوع



وبرايك الحل هاي ينفع للجنسين بحالة الخيانه ولا بس للمره :con2:
إينشتاين
23-04-2010, 02:56 PM
وبرايك الحل هاي ينفع للجنسين بحالة الخيانه ولا بس للمره :con2:


بس للمره
s o s o
23-04-2010, 02:57 PM
والله ياخوج ماحط بذمتي ..ممكن مراهق مثل ما قلتي وممكن فعلا صارت معاه وتقطعت به السبل مثل ما يقولون ومالقى غير المنتدى يشكي فيه...بس مب هني محور القضية (حصلت ولا ماحصلت)
لأنها تحصل في اغلب المجتمعات وكلنا ندري بهذا الشي..محور القضية الله يسلمج في ردة فعله شنو ردة الفعل المثالية في موقف مثل هذا؟
على فكرة اغلب الردود كانت تنصحه بأنه يسامح :secret:


يقطع عرق ويسيح دم
كركم
23-04-2010, 03:00 PM
و بس خلاها ؟!

الموضوع مادري شلووون :secret:


الله يبعد بنات وعيال المسلميين عن هالخرابيط ,,

بضيف نقطه ,, يمكن اهو يسامحها شكلييا ,, يعني ما يطقها ولا يطلقها ويفضحها

بس من داخله بيتقطع مليون مره من الشك

بيتم يطالعها و يففكر ليش خانته ؟ وشاللي بيضمنه انه ما بتخونه مره ثااانيه ,,

وبيتم عل هالحال ,,

عموما انا اقول يستر عليها عشان الله يستر عليه يوم القياامه


اول رد منطقي في الموضوع..
pure
23-04-2010, 03:00 PM
بس للمره

صح معاااك حق ,, لان المره لو خانت فاهي ما تستاهل تربي عيال وتبني مستقبل

اما الريال لو خان ,, شي عادي ,, بالعكس اهو ريال يشل عيبه و اخلاقه لنفسه شدخل عياله باخلاقه !
كركم
23-04-2010, 03:02 PM
طبعاً الواحد لما يفكر بعواقب انه يذبحها من سجن وتشويه سمعته وسمعة عياله وأهله يستبعد هذا الحل مع انه منطقي ولكن هي ماتستاهل انه يوصخ ايدينه في دمها ....

الحل انه يسكر عليها الغرفة من الصبح لليل ومايخلي فيها عضو سليم وإذا تعب ياخذ فترة استراحة عشان يرجع نشاطه ويواصل الضرب...

بعد مايبرد حرته فيها يقلعها بيت اهلها غير مأسوف عليها وطبعاً ياخذ الولد عشان مايتربى في بيئة وصخة،، وفي الأخير لازم يستر عليها والموضوع يكون سر يعني مايعلم حد من هله أو اهلها عشان ماتصير له أو لها فضيحة ويصير علوج في لسان الناس.

أكيد فيه ناس يخالفوني الرأي ولكن هذا رأيي في الموضوع

أيدك بكل كلامك ما عدا موضوع الضرب..
مها88
23-04-2010, 03:03 PM
أنا من رأي الأخ / سداوي ..
كركم
23-04-2010, 03:04 PM
يقطع عرق ويسيح دم

لا قدر الله لو حصل هالموقف مع زوجين تربطج علاقه قرابة بأحدهم..سواء الجاني او الضحية..
بـتأيدين القتل ؟..يعني هي تموت وهو ينسجن؟ هل هذا هو الحل
هلا & غلا
23-04-2010, 03:04 PM
في النهاية يتهيأ لي ان الأخ صاحب المشكلة ما لقى نتيجة من ها النقاش والله يسامح الجميع انشالله !!!!!!!!!!!
كركم
23-04-2010, 03:06 PM
صح معاااك حق ,, لان المره لو خانت فاهي ما تستاهل تربي عيال وتبني مستقبل

اما الريال لو خان ,, شي عادي ,, بالعكس اهو ريال يشل عيبه و اخلاقه لنفسه شدخل عياله باخلاقه !





عقوبة الزنى في الأسلام مافرقت بين الرجل والمرأة ..نفس العقوبة للأثنين
كركم
23-04-2010, 03:07 PM
في النهاية يتهيأ لي ان الأخ صاحب المشكلة ما لقى نتيجة من ها النقاش والله يسامح الجميع انشالله !!!!!!!!!!!

آميييييين
pure
23-04-2010, 03:11 PM
عقوبة الزنى في الأسلام مافرقت بين الرجل والمرأة ..نفس العقوبة للأثنين

ثاانكييو ,,

هاي اللي كنت ابي اوصل له :nice:
s o s o
23-04-2010, 03:11 PM
لا قدر الله لو حصل هالموقف مع زوجين تربطج علاقه قرابة بأحدهم..سواء الجاني او الضحية..
بـتأيدين القتل ؟..يعني هي تموت وهو ينسجن؟ هل هذا هو الحل

هههههههههه الله يرجك <<<<< عجبتني :nice:
من ياب طاري القتل في السالفه الحين ؟؟!!
انا اقصد ينهي الموضوع بينه وبينها
عبر التسريح بالاحسان
يعني الطلاق
ضحكتني وانا مالي نفس اضحك هاليومين
ماريسا
23-04-2010, 03:15 PM
هلو دانتيل.. اي هذا اسلوب الجرايد في جذب القراء <<متأثر بمجلة الجريمة
وكان ودي اسمع رايج بالموضوع
والله يبعد عن المتزوجين والغير متزوجين شياطين الجن والأنس :nice:

بصراحة يخوي كركم رايي يمكن مايعجب البعض ..
أنا أررررررررررررفض التسماح بمواضيع الخيانة و الكذب .. سواء من الزوجة .. أو الزوج!
من أول مرة و بغض النظر عن السبب!! و الله ثم والله ثم و الله .. العلاقة لايمكن تتصلح بعد الخيانة
الزوجة الخائنة / الزوج الخائن .. حتى لو الله هداهم و عرفوا غلطتهم و تابوا !!!!!! مارح يقدرون يكملون زواجهم عادي حتى لو سامحوهم .. مستحيل!!
الزوج الخائن مثلاً بيكون طول الوقت يحاول يرضي زوجته اللي خانها و يكسب ثقتها .. و الزوجة لا يمكن تثق فيه مرة ثانية ever و اللي تقول سامحت زوجها الخاين و نست ذي كذابة أو ماتحب زوجها و مايهمها اللي يسويه
بخصوص أسألتك أخي الكريم ..

_ شنو اللي يخلي الزوجة تخون؟؟ الرجل الخائن يقنع نفسه بأن له حق يحب ويتزوج مرة ثانية او بعض الرجال عيونهم فارغه ما يملاها غير التراب..بس الزوجة ليش تخون؟؟!
- أنا بذكر الامور اللي ممكن تكون أسباب و لا أقصد هنا إني الزوجات أتسامح مع الخائنات او إني أوافق على الخيانة في هذه الأمور ولكن للتوضيح فقط: في زوجات .. توقعوا الكثير من أزواجهم .. و انصدموا بالواقع المر .. مثلاً وحدة تزوجت و تنتظر من زوجها انواع الدلع و الرومانسيات اللي تسمعها من القصص و الأفلام .. و قبل كل شي خلّت ربها أهون الناظرين إليها فييجي أي حيوان - الله يكرم القارئين - يقص عليها بكم كلمة حلوة و تروح معاه بسبب إنها محرومة من من هالاشيا و إن زوجها مقصّر معاها! و في مثال آخر اللي انجرحت من قبل زوجها و خانها مليون مرة و هي من كثر حبها له ماتقدر تطلب الطلاق أو تتخلى عنه بس بتسوي أشيا تبرد خاطرها و عشان ترد القليل من اللي زوجها يسويه فيها و عشان تخليه يشرب من كأس السم اللي شربها إياه .. تروح تخونه ..!! و في اللي الله بلاها و طبعاً حالة شاذة و نادرة جداً إنها تحب تنوع من غير سبب!@@ و صادفت هالأشكال بحياتي و الله قرف مدري ليش عايشين أو ايش الهدف من هالتصرف

_ هل ممكن الزوج يسامح وتنتهي المشكلة؟ طيب معقولة ما بيطغي الشك على كل تصرفاتها في المستقبل؟ لو اتصل ولقى التلفون مشغول ولو دخل البيت وحصلها قاعده على الانترنت لو طلعت على السوق؟؟
أعتقد حتى لو الزوج سامحها مارح ينسى بقلبه و بيتم ماسك هالشي عليها لاكن لو سامحها و ستر عليها عشان يحافظ على حياة أبنائه برايي هو رجل قوي و واثق من نفسه و محتسب الأجر من الله بس أنا واثقة إنه مابيكون مرتاح مع هذي الزوجة اللي خانته و أكيد العلاقة خربت للأبد بس بيظل مع الزوجه عشان يستر على عياله

العجيب في موضوع الخيانة .. لما أدخل على منتديات نسائية .. و أقرا مواضيع نسوان يصيحون و يولولون زوجي خانني زوجي تزوج علي رارارارارارارارارارارارارارارارا تعال شوف الردود .. الله يصبرج و بيأجرج معليج منه حاولي تكسبينه و غيري و سوي و دوسي على قلبج و وو و و و و و و آجي أنا اقول لها مفي فايدة من هالاشكال و لازم تطلبين الطلاق يهجمون علي :omen2: يقولون إني اهدم بيت و مدري وشو ...... و لما أشوف ردود الأعضاء بخصوص هذا الزوج المغدور .. كلهم مستنكرين ليش إنه ساكت و هادي و عادي عنده و مو رجّال بسبب هالشي ..
يعني الريال اذا لقى مرته تخونه المفروض يذبحها من غير نقاش .. و الزوجة اللي زوجها يخونها لازم تصبر عليه و تسوي اللي مايتسوى عشان ما تهدم بيتها :omen2:

so what's the real deal now ?? :rolleyes2:
كركم
23-04-2010, 03:18 PM
هههههههههه الله يرجك <<<<< عجبتني :nice:
من ياب طاري القتل في السالفه الحين ؟؟!!
انا اقصد ينهي الموضوع بينه وبينها
عبر التسريح بالاحسان
يعني الطلاق
ضحكتني وانا مالي نفس اضحك هاليومين


يقطع عرق ويسيح دم
تقصدين فيه تسريح باحسان؟ :eek5:

وعسى دوم الضحكة ما تفارق محياج
هدوء العاصفة
23-04-2010, 03:21 PM
يطلقها وخلاص
صمت 1
23-04-2010, 03:21 PM
يستر عليها عشان الله يستر عليه يوم القياامه

ويهجرها فتره لين يتأكد من ندمها ورجوعها الى

رب العالمين وانها ماترجع الى هذي المعاصي مره ثانيه

انا شوف يسامحها ويرجعها ويغفر لها ماعتقد ان

الانسان بيكون ارحم من رب العالمين ومن اسماء الله

الحسنى الغفور الرحيم
s o s o
23-04-2010, 03:26 PM
تقصدين فيه تسريح باحسان؟ :eek5:

وعسى دوم الضحكة ما تفارق محياج

اي نعم

اي حد يقولك اقطع عرق وسيح دم
معناه انهي الموضوع العالق من الاساس
واساس الزوجيه عقد الزواج فانهيه وخلص امورك وريح بالك من الشك الذي سيتبع تلك الحادثه في حال لو تم غفران الزوج للزوجه وسامحها
كركم
23-04-2010, 03:34 PM
بصراحة يخوي كركم رايي يمكن مايعجب البعض ..
أنا أررررررررررررفض التسماح بمواضيع الخيانة و الكذب .. سواء من الزوجة .. أو الزوج!
من أول مرة و بغض النظر عن السبب!! و الله ثم والله ثم و الله .. العلاقة لايمكن تتصلح بعد الخيانة
الزوجة الخائنة / الزوج الخائن .. حتى لو الله هداهم و عرفوا غلطتهم و تابوا !!!!!! مارح يقدرون يكملون زواجهم عادي حتى لو سامحوهم .. مستحيل!!
الزوج الخائن مثلاً بيكون طول الوقت يحاول يرضي زوجته اللي خانها و يكسب ثقتها .. و الزوجة لا يمكن تثق فيه مرة ثانية ever و اللي تقول سامحت زوجها الخاين و نست ذي كذابة أو ماتحب زوجها و مايهمها اللي يسويه
بخصوص أسألتك أخي الكريم ..

_ شنو اللي يخلي الزوجة تخون؟؟ الرجل الخائن يقنع نفسه بأن له حق يحب ويتزوج مرة ثانية او بعض الرجال عيونهم فارغه ما يملاها غير التراب..بس الزوجة ليش تخون؟؟!
- أنا بذكر الامور اللي ممكن تكون أسباب و لا أقصد هنا إني الزوجات أتسامح مع الخائنات او إني أوافق على الخيانة في هذه الأمور ولكن للتوضيح فقط: في زوجات .. توقعوا الكثير من أزواجهم .. و انصدموا بالواقع المر .. مثلاً وحدة تزوجت و تنتظر من زوجها انواع الدلع و الرومانسيات اللي تسمعها من القصص و الأفلام .. و قبل كل شي خلّت ربها أهون الناظرين إليها فييجي أي حيوان - الله يكرم القارئين - يقص عليها بكم كلمة حلوة و تروح معاه بسبب إنها محرومة من من هالاشيا و إن زوجها مقصّر معاها! و في مثال آخر اللي انجرحت من قبل زوجها و خانها مليون مرة و هي من كثر حبها له ماتقدر تطلب الطلاق أو تتخلى عنه بس بتسوي أشيا تبرد خاطرها و عشان ترد القليل من اللي زوجها يسويه فيها و عشان تخليه يشرب من كأس السم اللي شربها إياه .. تروح تخونه ..!! و في اللي الله بلاها و طبعاً حالة شاذة و نادرة جداً إنها تحب تنوع من غير سبب!@@ و صادفت هالأشكال بحياتي و الله قرف مدري ليش عايشين أو ايش الهدف من هالتصرف

_ هل ممكن الزوج يسامح وتنتهي المشكلة؟ طيب معقولة ما بيطغي الشك على كل تصرفاتها في المستقبل؟ لو اتصل ولقى التلفون مشغول ولو دخل البيت وحصلها قاعده على الانترنت لو طلعت على السوق؟؟
أعتقد حتى لو الزوج سامحها مارح ينسى بقلبه و بيتم ماسك هالشي عليها لاكن لو سامحها و ستر عليها عشان يحافظ على حياة أبنائه برايي هو رجل قوي و واثق من نفسه و محتسب الأجر من الله بس أنا واثقة إنه مابيكون مرتاح مع هذي الزوجة اللي خانته و أكيد العلاقة خربت للأبد بس بيظل مع الزوجه عشان يستر على عياله

العجيب في موضوع الخيانة .. لما أدخل على منتديات نسائية .. و أقرا مواضيع نسوان يصيحون و يولولون زوجي خانني زوجي تزوج علي رارارارارارارارارارارارارارارارا تعال شوف الردود .. الله يصبرج و بيأجرج معليج منه حاولي تكسبينه و غيري و سوي و دوسي على قلبج و وو و و و و و و آجي أنا اقول لها مفي فايدة من هالاشكال و لازم تطلبين الطلاق يهجمون علي :omen2: يقولون إني اهدم بيت و مدري وشو ...... و لما أشوف ردود الأعضاء بخصوص هذا الزوج المغدور .. كلهم مستنكرين ليش إنه ساكت و هادي و عادي عنده و مو رجّال بسبب هالشي ..
يعني الريال اذا لقى مرته تخونه المفروض يذبحها من غير نقاش .. و الزوجة اللي زوجها يخونها لازم تصبر عليه و تسوي اللي مايتسوى عشان ما تهدم بيتها :omen2:

So what's the real deal now ?? :rolleyes2:

ما كان ودي اعبر عن رأي الا في نهاية الموضوع بس ردج الموضوعي يجبرني اني اقول انه يطابق رأي مية في المية...كفيتي ووفيتي...الحياة مستحيلة بعد الخيانة..
~~ الدانـه ~~
23-04-2010, 03:35 PM
يعتبرها نزوه ويستمر بحياته معاها افضل لجميع الاطراف

بعض الزوجات صغيرات السن ماعاشوا فترة المراهقه فيدخلون بهالتجربه لمجرد الفضول

ومانسميها خيانه ، الزوج الذكي يحتوي الموضوع ويسامحها ويفهمها ان هذا اسمه خيانه انا

متأكده انها ماتقصد تخونه ، والدليل بكائها وندمها ....... بهالمواقف تبين اخلاق الرجل وحكمته

مو يضربها من الصبح لليل على قولة اينشتاين ...... شهالحل المأساوي ؟ ! لا ويأكد هالحل بس

للحريم !
كركم
23-04-2010, 03:35 PM
اي نعم

اي حد يقولك اقطع عرق وسيح دم
معناه انهي الموضوع العالق من الاساس
واساس الزوجيه عقد الزواج فانهيه وخلص امورك وريح بالك من الشك الذي سيتبع تلك الحادثه في حال لو تم غفران الزوج للزوجه وسامحها

ومنكم نستفيد ياسوسو ..وهذا هو رد الفعل الطبيعي
كركم
23-04-2010, 03:37 PM
يستر عليها عشان الله يستر عليه يوم القياامه

ويهجرها فتره لين يتأكد من ندمها ورجوعها الى

رب العالمين وانها ماترجع الى هذي المعاصي مره ثانيه

انا شوف يسامحها ويرجعها ويغفر لها ماعتقد ان

الانسان بيكون ارحم من رب العالمين ومن اسماء الله

الحسنى الغفور الرحيم


والله ياختي ممكن يسامحها وما يطلقها لكن تعتقدين ان حياتهم بترجع مثل قبل...
الجرح يبرى لكن اثاره ما تروح
كركم
23-04-2010, 03:41 PM
يعتبرها نزوه ويستمر بحياته معاها افضل لجميع الاطراف

بعض الزوجات صغيرات السن ماعاشوا فترة المراهقه فيدخلون بهالتجربه لمجرد الفضول

ومانسميها خيانه ، الزوج الذكي يحتوي الموضوع ويسامحها ويفهمها ان هذا اسمه خيانه انا

متأكده انها ماتقصد تخونه ، والدليل بكائها وندمها ....... بهالمواقف تبين اخلاق الرجل وحكمته

مو يضربها من الصبح لليل على قولة اينشتاين ...... شهالحل المأساوي ؟ ! لا ويأكد هالحل بس

للحريم !

اختي من الحين مايعرف معنى الخيانة؟؟ وصغر سن الزوجه مب عذر..ولو دققتي في القصة بكائها وندمها صاروا عقب التهديد ..مب نتيجة ان ضميرها صحى...!!
وانا معاج موضوع الضرب محد يأيده ...في النهاية انت رجل وهي مرأة
s o s o
23-04-2010, 03:52 PM
موضوعك هذا يشدنا لسؤال ..

ياترى شالاسباب اللي ممكن تدفع الزوجه لخيانه الزوج ؟
كركم
23-04-2010, 03:54 PM
موضوعك هذا يشدنا لسؤال ..

ياترى شالاسباب اللي ممكن تدفع الزوجه لخيانه الزوج ؟

طرحت هالسؤال في الموضوع بس محد رد عليه الا دانتيل!!!
s o s o
23-04-2010, 03:59 PM
زين اتحفنا بردك اخوي كركم
~~ الدانـه ~~
23-04-2010, 04:08 PM
موضوعك هذا يشدنا لسؤال ..

ياترى شالاسباب اللي ممكن تدفع الزوجه لخيانه الزوج ؟


برود الزوج واهماله
بلوتنيوم
23-04-2010, 04:09 PM
لا يسلم الشرف الرفيع من الاذى
حتى يراق على جوانبه الدم

بس لو صدقت القصة الزوج صج مب مضبوط:secret:
كركم
23-04-2010, 04:11 PM
زين اتحفنا بردك اخوي كركم

سؤال حصري للزوجات والغير متزوجات هم اللي ادرى بالاجابة مني انا

ودانتيل كفت ووفت في هذا الجانب..
كركم
23-04-2010, 04:11 PM
برود الزوج واهماله

لا يبرر فعلتها....بس ممكن يكون سبب رئيسي
كركم
23-04-2010, 04:13 PM
لا يسلم الشرف الرفيع من الاذى
حتى يراق على جوانبه الدم

بس لو صدقت القصة الزوج صج مب مضبوط:secret:

لاقدر الله ..لوكنت مكانه شنو بتكون ردة فعلك؟
بلوتنيوم
23-04-2010, 04:18 PM
لاقدر الله ..لوكنت مكانه شنو بتكون ردة فعلك؟

بدش اقرب منتدى وبكتب مشكلتي :tease:
صعب حد يتنبأ بالتصرفات المستقبلية وخصوصا في مثل هذا الظرف الخطير
يعني في مليون شيطان يطلع في هذي الاوقات
وتصرف الانسان ماراح يتوقع لانه بيكون مدفوع بالغضب او العصبية او الانتقام لشرفه وكرامته

فصعب حد يجاوبك على هالسؤال وكل الكلام الى بيطلع الحين مجرد كلام نظري ما اتوقع ينفع وقت الجد :telephone:
السديم
23-04-2010, 04:23 PM
بغض النظر عن مصداقية الحدث ..

صرنا كل يوم و الثاني نسمع عن حالات طلاق والسبب خيانة احد لاطراف واللي غالبا الزوجة هي الطرف فيها ..

صحيح الاسلام عدل في الحكم على الجنسين بنفس العقوبة .. لكن العرف لايقبل بخيانة الزوجة ابدا ..

اخر حالة طلاق وخيانة كانت مبرر الزوجة ان زوجي بخيل ماديا وعاطفيا ؟؟؟ طيب والحل اخون انحرف ادور المادة والعاطفة برع واقط بنفسي في الرذيلة !!!!

ماعجبني مابيه بطلب الطلاق وارجع مطلقة مستورة ولا خاينة لا رضيت نفسي ولا ربي ولا سمعة اهلي !!!

ومن وجهة نظري من اكثر اسباب الخيانة هو الانفتاح اللي احنا فيه والاختلاط ..

قبل كانت الوحده تتزوج وخلاص هذا هو زوجها وهو الرجل اللي تشوف وتقعد معاه وتسمعه لو كان فيه مليون عيب خلاص بتقنع وبتسكت

لكن اليوم البنت تطلع وتشوف في الشغل المثقف والرومانسي والهادي و و و الكاشخ

وتبدا تقارن زوجي مايفكر مثل فلان و يكشخ مثل علان وشوي شوي

وكل ماذكر ابد ابد مش سبب للخيانة ولكن فقط نذكر الدواعي ..

الله يستر على الجميع :nice:
بومبا
23-04-2010, 04:53 PM
-... الله يستر عالجميع
The Blade
23-04-2010, 05:11 PM
الستر زين , وماهي رجوله انه يطلق مرته في وقت العصبية ينتظر شوي وعقب يحكم عليها بالطلاق لانها ماتستحق انها تعيش معاه.
كازانوفا
23-04-2010, 05:12 PM
ما ابرد اعصابه قعد عالنت يعرض مشكلته اشك برجولته هههههه
بن محمود
23-04-2010, 05:20 PM
اتفق مع كل الاخوة الذين يقولون ان القصة غير حقيقية
وانها من نسج خيال احد المراهقين

حيث ان هذا الامر واضح تماما ..
excited
23-04-2010, 05:37 PM
من صجكم انتو قاعدين تفاعلون مع الموضوع جنه صج


اشكره خرطي من الزين


حلوه يبي الاعضاء يشورون عليه


اقول الافضل يعطيهم رقمه ويكلمونه ويكون التواصل مباشر




صج رجال وينشد الظهر فيه


ماعندكم ساااااااااااااااااااااااااااالفة كلش تبون الصج
كركم
23-04-2010, 07:04 PM
بدش اقرب منتدى وبكتب مشكلتي :tease:
صعب حد يتنبأ بالتصرفات المستقبلية وخصوصا في مثل هذا الظرف الخطير
يعني في مليون شيطان يطلع في هذي الاوقات
وتصرف الانسان ماراح يتوقع لانه بيكون مدفوع بالغضب او العصبية او الانتقام لشرفه وكرامته

فصعب حد يجاوبك على هالسؤال وكل الكلام الى بيطلع الحين مجرد كلام نظري ما اتوقع ينفع وقت الجد :telephone:

يعني انت تتفق معاي ان الموقف صعب ووممكن الإنسان يلجئ لأي حل...وطرح مشكلته في منتدى خاص بالمشاكل الزوجية حل هو شافه مناسب ذلك الوقت.
كركم
23-04-2010, 07:06 PM
قوله تعالى : ( الزَّانِي لَا يَنْكِحُ إِلَّا زَانِيَةً أَوْ مُشْرِكَةً وَالزَّانِيَةُ لَا يَنْكِحُهَا إِلَّا زَانٍ أَوْ مُشْرِكٌ وَحُرِّمَ ذَلِكَ عَلَى الْمُؤْمِنِينَ )
(الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُولَئِكَ مُبَرَّءُونَ مِمَّا يَقُولُونَ لَهُمْ مَغْفِرَةٌ وَرِزْقٌ كَرِيمٌ)قول ربي سبحانه في سوره النور لعن المراه فيها
اعتقد رد الله كافي و وافي

اختي تفسير الأيتيين مغااااير تماما للموضوع ياليت تراجعين تفسيرهم قبل لا تنزلينهم
كركم
23-04-2010, 07:06 PM
الستر زين , وماهي رجوله انه يطلق مرته في وقت العصبية ينتظر شوي وعقب يحكم عليها بالطلاق لانها ماتستحق انها تعيش معاه.

الله يسترك عليك
كركم
23-04-2010, 07:08 PM
ما ابرد اعصابه قعد عالنت يعرض مشكلته اشك برجولته هههههه

ارد واطرح نفس السؤال ..الكل تهكم على موقفه بطرح مشكلته على النت...
طيب لو انتي مكانه شنو بيكون موقفج ؟؟
كركم
23-04-2010, 07:09 PM
اتفق مع كل الاخوة الذين يقولون ان القصة غير حقيقية
وانها من نسج خيال احد المراهقين

حيث ان هذا الامر واضح تماما ..

وين الجانب الخيالي في الموضوع بصراحه مب قادر اشوفه...احس ان القصة ممكن تكون وواقعيه..
كركم
23-04-2010, 07:11 PM
من صجكم انتو قاعدين تفاعلون مع الموضوع جنه صج


اشكره خرطي من الزين


حلوه يبي الاعضاء يشورون عليه


اقول الافضل يعطيهم رقمه ويكلمونه ويكون التواصل مباشر




صج رجال وينشد الظهر فيه


ماعندكم ساااااااااااااااااااااااااااالفة كلش تبون الصج

شنو الخرطي بالضبط..ان المرة خانت زوجها...ولا ان الرجال مالقى غير المنتدى اللي ما يعرفه احد فيه ويطرح مشكلته؟

وانت لا قدر الله لو مكانه شلون تتصرف وتكفى لا تقولي لكل حادث حديث مثل باقي الأعضاء؟
لاجل QT
23-04-2010, 07:13 PM
مدري السالفة غريبة اشوي ..يعنى حتى لو الزوجة تخون.. اخر واحد بتقولة او بتلجأ لة هو الزوج..شاللى يخلي الزوجة واثقة من زوجها ان بس بيسمعها وبيحل مشكلتها من غير ردة فعل الرجل الشرقي المعروفة في مواضيع الشرف..
كركم
23-04-2010, 07:15 PM
مدري السالفة غريبة اشوي ..يعنى حتى لو الزوجة تخون.. اخر واحد بتقولة او بتلجأ لة هو الزوج..شاللى يخلي الزوجة واثقة من زوجها ان بس بيسمعها وبيحل مشكلتها من غير ردة فعل الرجل الشرقي المعروفة في مواضيع الشرف..

لو قريتي الموضوع عدل بتعرفين الأجابة على سؤالج....انها كانت مقبله على مصيبه اكبر وهي تهديد اللي تعرفت عليه لها بتسجيل صوتي..
جنوب الدوحه
23-04-2010, 07:29 PM
انا اقول حق الريال وبكل بساطه سامحها وشفيها يا اخي دامك تحبها ..

واعدم نفسك اعدام محد طبقه في الحياه بكثره التفكير والوسواس .. وبجذيه بتكون اول شخص في التاريخ طبقه

خلك مميز ...
العثماني
23-04-2010, 07:33 PM
جمعة مباركة على الجميع :)

أثناء تصفحي لأحد المنتديات الخاصه بالمشاكل الأجتماعية والنفسية لفتت أنتباهي مشكلة (لحقوني زوجتي تخوني ) طرحها أحد الأعضاء وهي مشكلة خاصه به شخصيا وبصراحة لا يحسد عليها وهي كالتالي :

اخواني في مصيبة طاحت على راسي رجعت من دوامي المسائي لقيت زوجتي تبكي بشكل هيستري وبعد اللحاح واصرار مني اعترفت لي انها على علاقه مع واحد تعرفت عليه عن طريق الأنترنت وتكلمه بالتلفون وصارت بينهم علاقه عاطفية وكلام في الجنس...والحين هو يهددها انه بيفضحها بتسجيل صوتي اذا ما طلعت معاه...ماني عارف اتصرف ودي الارض تنشق وتبلعني..انا حبيتها وعندي منها ولد بس جرحي كبير ..اتمنى تفيدوني لاني ما اقدر اعرض المشكلة على هلي اواصدقائي..


رأي كركم في الموضوع :

بصراحه انا اللي لفت انتباهي في هذه المشاركة بالذات ومن بين كل المشاركات..هو تأني الزوج في التصرف يعني ما تسرع يعني لا قدر الله لو صار هالشي مع اي زوج ثاني ..ابسط شي انه يطلقها او يتهور شوي ويثور فيها :secret:
يتهور ولا هو ثور زوجتة تخونة ولا ضربها أو طلقها أمحق رجال
وبعد ما قرأت هذا الموقف الصعب دارت في راسي عدة أسئلة :

_ شنو اللي يخلي الزوجة تخون؟؟ الرجل الخائن يقنع نفسه بأن له حق يحب ويتزوج مرة ثانية او بعض الرجال عيونهم فارغه ما يملاها غير التراب..بس الزوجة ليش تخون؟؟!
البنت مب متربية
_ هل ممكن الزوج يسامح وتنتهي المشكلة؟ طيب معقولة ما بيطغي الشك على كل تصرفاتها في المستقبل؟ لو اتصل ولقى التلفون مشغول ولو دخل البيت وحصلها قاعده على الانترنت لو طلعت على السوق؟؟

أكيد بيشك
وانا بنتظار أرائكم :)



طبعاً الواحد لما يفكر بعواقب انه يذبحها من سجن وتشويه سمعته وسمعة عياله وأهله يستبعد هذا الحل مع انه منطقي ولكن هي ماتستاهل انه يوصخ ايدينه في دمها ....

الحل انه يسكر عليها الغرفة من الصبح لليل ومايخلي فيها عضو سليم وإذا تعب ياخذ فترة استراحة عشان يرجع نشاطه ويواصل الضرب...

بعد مايبرد حرته فيها يقلعها بيت اهلها غير مأسوف عليها وطبعاً ياخذ الولد عشان مايتربى في بيئة وصخة،، وفي الأخير لازم يستر عليها والموضوع يكون سر يعني مايعلم حد من هله أو اهلها عشان ماتصير له أو لها فضيحة ويصير علوج في لسان الناس.

أكيد فيه ناس يخالفوني الرأي ولكن هذا رأيي في الموضوع

هذا هو الحل السليم
excited
23-04-2010, 08:23 PM
شنو الخرطي بالضبط..ان المرة خانت زوجها...ولا ان الرجال مالقى غير المنتدى اللي ما يعرفه احد فيه ويطرح مشكلته؟

وانت لا قدر الله لو مكانه شلون تتصرف وتكفى لا تقولي لكل حادث حديث مثل باقي الأعضاء؟



اولا الموضوع ليس صحيح بالمرة ولاتقول ممكن


من ذي الزوجة اللي بتقعد تصيح وتقول لزوجها الحق على واحد عرفته بالنت ويهددني(قوية ذي ) كثرو منها ترى ذا فلم هندي


الرجال اللي ينحط بذا الموقف بيذبحها لانه بوقتها بيفور الدم بعروقه اكيد و مب يقعد على النت ينزل موضوع الحقو على ابيكم تساعدوني




هذا اللي انا اعرفه واشوفه منذ مبطي




ترى مواضيعكم صارت غريبة
qtrose
23-04-2010, 08:33 PM
القصة واقعية !! نعم أنا من سنتين سمعت عن وحدة

للأسف كانت تخون زوجها مع واحد تعرفت عليه من

النت ، بس الفرق بين قصتها والقصة الي ناقلها كركم

أن الأولى زوجها كان خبر خير و الي كانت تعشقه ستر

عليها وما فضحها :secret:

أما تصرف الزوج الي من القصة الثانية ، تصرف فيه تأني

وحكمة ، يحاول يفهم ليش زوجته وصلت لهالمرحلة من الانحراف؟

وبعدين يفكر في العقاب ، يمكن تكون فرصة للزوجة انها اتوب

وتعرف ان ما في شي اسمه حب وان الي سوته حرااااام ! وخيانة !

ليش يخرب بيته وتكون الضحية الطفلة المسكينة ، المفروض ان

الي صار يكون درس للزوجين لأن الزوج مشترك في الجريمة !!

بتقولون شلون ؟ بقول لكم اهماله لزوجته هو السبب الي خلت الزوجة

تبحث عن شخص يسمعها كلام حلو ومعسول. .
كركم
23-04-2010, 08:40 PM
[QUOTE=excited;5769270]




اولا الموضوع ليس صحيح بالمرة ولاتقول ممكن


من ذي الزوجة اللي بتقعد تصيح وتقول لزوجها الحق على واحد عرفته بالنت ويهددني(قوية ذي ) كثرو منها ترى ذا فلم هندي


الرجال اللي ينحط بذا الموقف بيذبحها لانه بوقتها بيفور الدم بعروقه اكيد و مب يقعد على النت ينزل موضوع الحقو على ابيكم تساعدوني




هذا اللي انا اعرفه واشوفه منذ مبطي




ترى مواضيعكم صارت غريبة[/QUOTE




اذا انت تشوف ان الموضوع صعب التصديق فصدقني هو لقلة اطلاعك على هالأمور ..تصير سوالف اكبر من جذيه واشيا ءما يتخيلها العقل....والمرة لو انها ما كانت متأكده ان ريلها متفهم وهادي..ماقالتله..واذا ماقالت له بيعرف عقب ما يطيح الفاس بالراس مجبورة مب بكيفها..
هذا تحليلي المتواضع,,

ياخي مهب كل الرجال دامهم يفور بسرعة ..تختلف من طبيعة لثانية....ترى في حالات طلاق استوت والسبه خيانة الزوجة...محد منهم ذبح ولا ضرب..طلاق والسلام...تبي تقولي ان اللي سوى جذي مب رجال؟؟؟

واذا الرجال قعد بنفسه ما ذبحها على قولتك ..ومادرى وش بيسوي...رايك يروح المجلس ويعرض السالفه على ربعه...ولا يدخل منتدى وياخذ الشور من اهل الشور..منتدى يدخله بشخصية مجهولة محد يعرفه !!

وعلى سالفة مواضيعنا غدت غريبه...والله انا اشوف الغريب ان ينطرح نفس الموضوع كل يوم من نفس الاشخاص بلا فايدة..خلنا نشكل وانوع شوي
كركم
23-04-2010, 08:44 PM
القصة واقعية !! نعم أنا من سنتين سمعت عن وحدة

للأسف كانت تخون زوجها مع واحد تعرفت عليه من

النت ، بس الفرق بين قصتها والقصة الي ناقلها كركم

أن الأولى زوجها كان خبر خير و الي كانت تعشقه ستر

عليها وما فضحها :secret:

أما تصرف الزوج الي من القصة الثانية ، تصرف فيه تأني

وحكمة ، يحاول يفهم ليش زوجته وصلت لهالمرحلة من الانحراف؟

وبعدين يفكر في العقاب ، يمكن تكون فرصة للزوجة انها اتوب

وتعرف ان ما في شي اسمه حب وان الي سوته حرااااام ! وخيانة !

ليش يخرب بيته وتكون الضحية الطفلة المسكينة ، المفروض ان

الي صار يكون درس للزوجين لأن الزوج مشترك في الجريمة !!

بتقولون شلون ؟ بقول لكم اهماله لزوجته هو السبب الي خلت الزوجة

تبحث عن شخص يسمعها كلام حلو ومعسول. .


يعطيج العافية...اهدي ردج للي يشككون بواقعيه القصة*
abu abdulla
23-04-2010, 09:07 PM
جراك الله خير يفترض ان الانسان ينتقي المواضيع التي يقراءها وكذلك لاينقل للمنتدى الاالذي يعود بالفائده على القراء
تحياااااااتي
كركم
23-04-2010, 09:13 PM
جراك الله خير يفترض ان الانسان ينتقي المواضيع التي يقراءها وكذلك لاينقل للمنتدى الاالذي يعود بالفائده على القراء
تحياااااااتي

لاهنت على الدعوة..بس يالغالي اي موضوع يتحدث عن سلوك او حدث في المجتمع يتم فيه النقاش بشكل عقلاني وتبادل الأراء ..بيعود بالفائدة على القراء.
المغروره
23-04-2010, 10:26 PM
فيـــــــــــــــــــــــــلم هندي
بس لوكان صح يجيب الرجال والله يسلم الامن الوقائي بجبونه ولا العضيد
واهي ياا تنحل بينهم يااا تصريف باحسان ويستر على القصه
وان شالله مافيه الاكل خير
حليتان*
23-04-2010, 10:39 PM
بااااال استغفر الله


هاي الذبح حلال فيها ......غريبه كاتب في منتدى
المرحب
23-04-2010, 10:57 PM
اللهم استر عبادك

فوق الارض

وتحت الارض

ويوم العرض
بوحسن2009
23-04-2010, 11:28 PM
لا تعليق ..
:secret::secret::secret:
الأصيلة
24-04-2010, 12:21 AM
شنو اللي يخلي الزوجة تخون؟؟ الرجل الخائن يقنع نفسه بأن له حق يحب ويتزوج مرة ثانية او بعض الرجال عيونهم فارغه ما يملاها غير التراب..بس الزوجة ليش تخون؟؟!



هنا مربط الفرس...
وكما تدين تدان...
أغلب الخيانات الزوجية الصادرة من الزوجة سببها
(رد الجزاء سواء للزوج أو للأخ أو للأب )
إن الزنا دين ٌ وإن أقرضته
..كان الوفا من اهل بيتك فأعلمِ
كثير من الرجال يطلق العنان لنظره في نساء الغير ...
ويكلم هذه ويعاكس الأخرى ويعطي لنفسه حق من الحرام
لايأبه لزوجه او لدين او لـ عار أو لـ ستر...
فالله هنا قد يعاقبه في أن يهيأ لزوجته من ترد عليه هذا الدين..
فتخون الزوجه زوجها ...
كما اني اعتقد أن الرجل قبل
أن يتزوج يجب أن يتأكد من أخلاق الفتاة ويختار ذات الدين والخلق الحسن...
بالإضافة إلى اعفافها وإشباع حاجاتها النفسية والجسديه فعندما تجد لديه الحنان والكلام الطيب حتما لن تفكر بخيانته..
هذه بعض الأسباب...
وكم اتألم لحال الرجل الذي تخونه زوجته وتضحك على شنبه ...إنها من اعظم المآسي ...


النقاش لم ينتهي
وقد اعود لاحقا...
شموخ وبس
24-04-2010, 12:25 AM
طبعاً الواحد لما يفكر بعواقب انه يذبحها من سجن وتشويه سمعته وسمعة عياله وأهله يستبعد هذا الحل مع انه منطقي ولكن هي ماتستاهل انه يوصخ ايدينه في دمها ....

الحل انه يسكر عليها الغرفة من الصبح لليل ومايخلي فيها عضو سليم وإذا تعب ياخذ فترة استراحة عشان يرجع نشاطه ويواصل الضرب...

بعد مايبرد حرته فيها يقلعها بيت اهلها غير مأسوف عليها وطبعاً ياخذ الولد عشان مايتربى في بيئة وصخة،، وفي الأخير لازم يستر عليها والموضوع يكون سر يعني مايعلم حد من هله أو اهلها عشان ماتصير له أو لها فضيحة ويصير علوج في لسان الناس.

أكيد فيه ناس يخالفوني الرأي ولكن هذا رأيي في الموضوع


احلف بس دقتك قديمه:secret:0000 تراها غلطانه مليون مره بس صار كلام 0000ماجافوا بعض 000 ولا خلوه
إينشتاين
24-04-2010, 01:01 AM
احلف بس دقتك قديمه:secret:0000 تراها غلطانه مليون مره بس صار كلام 0000ماجافوا بعض 000 ولا خلوه


الخيانه وحده شافته ولا ماشافته،، في الموضوع كاتب صار بينهم كلام (.....) يعني نفس الشي.

وبالنسبة لدقتي قديمة هذا شي افتخر فيه ،، خلينا الدقة الجديدة لشباب ستار اكاديمي الي يشوفون اهلهم طالعين السوق كأنها مسوين اعلان تعالوا رقمونا
شموخ وبس
24-04-2010, 01:10 AM
الخيانه وحده شافته ولا ماشافته،، في الموضوع كاتب صار بينهم كلام (.....) يعني نفس الشي.

وبالنسبة لدقتي قديمة هذا شي افتخر فيه ،، خلينا الدقة الجديدة لشباب ستار اكاديمي الي يشوفون اهلهم طالعين السوق كأنها مسوين اعلان تعالوا رقمونا

اشدعوا 0000 لاتزعل بس تتكلم جنك تعامل حيوان مب عاجبتك استر عليها وطرشها ويا ورقتها لبيت اهلها مب اضربها واحبسها 00000 عبالك شطاره وتلقا هالاشكال اكثر شي تخون 000 والله اعلم 0000 لو اهو ريال جان ماقطها وسهران برا الله اعلم مايندرى وين يهيت 00000 يرجع تعبان ينسدحله عالهشبريه ويطخها ارقاد 00000 عقب يصيح خانتني 00000 اهي غلطانه اي نعم بس الرياييل لهم دور في هالشي

لماذا الزوج يخون 000000اكيد امقصره
لماذا الزوجه تخون 000000 اكيد امخليها صفر عالشمال ولو في حب من الاساس
ماكان في خيانه
لماذا الاولاد او الفتيات ينحرفون من الاهمال والتطنيش


الزبده لا دخان من غير نار
STAR
24-04-2010, 01:13 AM
الخيانه وحده شافته ولا ماشافته،، في الموضوع كاتب صار بينهم كلام (.....) يعني نفس الشي.

وبالنسبة لدقتي قديمة هذا شي افتخر فيه ،، خلينا الدقة الجديدة لشباب ستار اكاديمي الي يشوفون اهلهم طالعين السوق كأنها مسوين اعلان تعالوا رقمونا

:eek5:

اينشتاين .. انا اعترف ان المرأة غلطانة لكن ما السبب اللي خلها تسوي جذي؟؟ يمكن هو مقصر معها؟

انا ما ادور لها حجج لكن اشدعوة يكفخها ويضربها ولا يخلي فيها عضو سليم فيها؟؟!!:rolleyes2:

وين قاعدين؟؟

يطلقها وخلاص


بس لو الزوجة اكتشفت ان الزوج هو الخائن ؟؟ شنو بيكون ردك؟؟

اما تقولي تتحمله وتصبر عليه..!!!
او تطلب الطلاق...

صح؟؟

ليش ماتقوول خل اخوانها يكفخوونه ومايخلون فيه عضو سليم؟؟!!! وعقب تتطلق:telephone:
إينشتاين
24-04-2010, 01:18 AM
:eek5:

اينشتاين .. انا اعترف ان المرأة غلطانة لكن ما السبب اللي خلها تسوي جذي؟؟ يمكن هو مقصر معها؟

انا ما ادور لها حجج لكن اشدعوة يكفخها ويضربها ولا يخلي فيها عضو سليم فيها؟؟!!:rolleyes2:

وين قاعدين؟؟

يطلقها وخلاص


بس لو الزوجة اكتشفت ان الزوج هو الخائن ؟؟ شنو بيكون ردك؟؟

اما تقولي تتحمله وتصبر عليه..!!!
او تطلب الطلاق...

صح؟؟

ليش ماتقوول خل اخوانها يكفخوونه ومايخلون فيه عضو سليم؟؟!!! وعقب تتطلق:telephone:


ردي عليج باختصار إن المرأه عرض الرجل وشرفه وليس العكس
STAR
24-04-2010, 01:23 AM
ردي عليج باختصار إن المرأه عرض الرجل وشرفه وليس العكس

اينشتاين.... لا اعتبارها اجابة منطقية... الحرام بين... والحرام على الذكر و الانثى ...

والا لان رجل تكون العقووبة مخففة .. والمرأة تكون العقووبة من العيار الثقيل..

وانت اللي تقووله يعتبر تعذيب .. عيل يصكر عليها الغرفة على قولتك ومايخلي فيها عضو سليم فيها وعقب يطلقها...!!! ماتوقعت ردك يكون جذي.. انا اقدر غيرتك كرجل .. لكن حكم عقلك.... ترى المرأة بشر مثل ما الرجل بشر .. ليست مخلووقة غريبة...

رفقا بالقوارير
ولـد الخليج
24-04-2010, 01:24 AM
أول مرة يستر عليها
ثاني مرة يطلقها ولا تفضحها
إينشتاين
24-04-2010, 01:26 AM
اشدعوا 0000 لاتزعل بس تتكلم جنك تعامل حيوان مب عاجبتك استر عليها وطرشها ويا ورقتها لبيت اهلها مب اضربها واحبسها 00000 عبالك شطاره وتلقا هالاشكال اكثر شي تخون 000 والله اعلم 0000 لو اهو ريال جان ماقطها وسهران برا الله اعلم مايندرى وين يهيت 00000 يرجع تعبان ينسدحله عالهشبريه ويطخها ارقاد 00000 عقب يصيح خانتني 00000 اهي غلطانه اي نعم بس الرياييل لهم دور في هالشي

لماذا الزوج يخون 000000اكيد امقصره
لماذا الزوجه تخون 000000 اكيد امخليها صفر عالشمال ولو في حب من الاساس
ماكان في خيانه
لماذا الاولاد او الفتيات ينحرفون من الاهمال والتطنيش


الزبده لا دخان من غير نار



الله يبعد عنا المصايب وساعة البلا ،،

انتي تكلمين بالمنطق لكن المنطق مايمشي في بعض اللحظات الي يطلع الإنسان من طور التفكير والتحليل وحسابات الصح والغلط.

في كل العصور وكل الأماكن حتى في الدول الغربية المتحضره ما ينظرون لخيانة المرأه مثل خيانة الرجل، هذا شئ بالفطره إن خيانة المرأه اقوى من خيانة الرجل ،، حتى بين الحريم الشئ هذا موجود يعني لو وحده اكتشفت إن ولدها متزوج ويخون زوجته ماراح تكون نفس النظره وردة الفعل لو اكتشفت إن بنتها المتزوجه أو غير المتزوجه عندها علاقات غير شرعية.

،، الي رفع ضغطي وخلاني اتنرفز الأخ الي بكل هدوء يشرح مشكلته في منتدى
إينشتاين
24-04-2010, 01:31 AM
اينشتاين.... لا اعتبارها اجابة منطقية... الحرام بين... والحرام على الذكر و الانثى ...

والا لان رجل تكون العقووبة مخففة .. والمرأة تكون العقووبة من العيار الثقيل..

وانت اللي تقووله يعتبر تعذيب .. عيل يصكر عليها الغرفة على قولتك ومايخلي فيها عضو سليم فيها وعقب يطلقها...!!! ماتوقعت ردك يكون جذي.. انا اقدر غيرتك كرجل .. لكن حكم عقلك.... ترى المرأة بشر مثل ما الرجل بشر .. ليست مخلووقة غريبة...

رفقا بالقوارير

اختي ردي عليح هو نفس ردي على الأخت شموخ...

بس سؤال: انتي تعتبرين الخاينه الي تلوث سمعة اهلها وسمعة زوجها من القوارير ؟؟؟
جنوب الدوحه
24-04-2010, 01:37 AM
الله يوم خلق الرجل وخلق المرأه .. ساوا بينهم ولكن ليست المساواه هي نفسها

فـ الله خلق الرجل وشرع له الزواج بــ 4 اما المراه فقط 1

ما هو السر او بالاحرى ما هي الحكمه ..

ان الله يعلم ان الرجل في كثير من الاحيان لا يصبر على واحده ولذالك جعل له شي بديل وهو ان يستطيع الزواج باكثر من واحده ..

ناتي هنا الى المراه .. المراه لا تستطيع ان تجعل قلبها الى شخصين في وقت واحد ..

ولأسباب متعدد لا يمكن ان يغفر لها ذنبها على الاقل من جانب زوجها ...

وفي اعتقادي هذي امراة سوء والافضل ان يغير بابه ويطرشها عند اهلها لن ما تستاهل ان يتعذب من وراها ..
STAR
24-04-2010, 01:37 AM
اختي ردي عليح هو نفس ردي على الأخت شموخ...

بس سؤال: انتي تعتبرين الخاينه الي تلوث سمعة اهلها وسمعة زوجها من القوارير ؟؟؟

امممم اخوي القوارير = النساء الضعيفات ..

مالها شغل ان كانت عفيفة ام لا ....


اخوي ارد واكرر حكم عقلك ....

وان كان هناك دليل شرعي ( أية او حديث) يثبت ان للرجل حق تعذيب زوجته قبل تطليقها ولا يجوز تعذيب الزوج بعد اكتشاف الزوجة خيانته.... فآتني به ...
شموخ وبس
24-04-2010, 01:40 AM
الله يبعد عنا المصايب وساعة البلا ،،

انتي تكلمين بالمنطق لكن المنطق مايمشي في بعض اللحظات الي يطلع الإنسان من طور التفكير والتحليل وحسابات الصح والغلط.

في كل العصور وكل الأماكن حتى في الدول الغربية المتحضره ما ينظرون لخيانة المرأه مثل خيانة الرجل، هذا شئ بالفطره إن خيانة المرأه اقوى من خيانة الرجل ،، حتى بين الحريم الشئ هذا موجود يعني لو وحده اكتشفت إن ولدها متزوج ويخون زوجته ماراح تكون نفس النظره وردة الفعل لو اكتشفت إن بنتها المتزوجه أو غير المتزوجه عندها علاقات غير شرعية.

،، الي رفع ضغطي وخلاني اتنرفز الأخ الي بكل هدوء يشرح مشكلته في منتدى



انا بعد اكره الريال اللي يشتكي في المنتدى على زوجته 00000 وين الرجوله
يبه سفرها عند اهلها 0000 مو تشتكي عليها
اساسا كنت داشه على اساس اغسل شراع هالريال اللي مايستحي 0000 بس يوم قال انه مو موضوعه ارتحت 00000 جان اقرا الطق والحبس اللي كتبته0000 تنحت 00000 الله لايبلانا
يارب
وتقبل مروري اخوي :)
Ussop
24-04-2010, 01:59 AM
هذا مب رجال، ولكنه "خاروف" مع كامل احترامي وتقديري للخرفان، سواء كان مقصر ولا مش مقصر، تصرف المرأة يعد خيانة مهما كانت الظروف، والخيانة جرح ما يطيب مهما طال الزمن، ويستحيل على رجل الاستمرار بالحياة مع إنسانه خانته، وبعد كل هذا يفكر بحبه لها، ويكتب مشكلته بكل برود في المنتديات؟!

الحل: لازم يستر عليها (من باب الإحسان أقل شيء) ثم يطلقها بلا رجعة، وياخذ الصبي عنده، ويشوف له وحدة محترمة، ولو كان فعلاً مقصر، يعدل من نفسه.
Arab!an
24-04-2010, 02:01 AM
بعض الامور معروف حلها من مئات السنين

خانتك المرة طلقها

اما احبها وما احبها وبينا عيال وهالامور .. طبعا في ناس ينظرون لها وكأنها شئ موازي لموضوع الخيانة .. وهالناس ايضا موجودين منذ القدم

لكن العرف السائد الطلاق

بعض الناس حتى ما يعتبرها جرح كرامة .. بل يعتبرها خطأ منه

يطلقها ويقول لا حول ولا قوة الا بالله
كركم
24-04-2010, 02:03 AM
انا اقول حق الريال وبكل بساطه سامحها وشفيها يا اخي دامك تحبها ..

واعدم نفسك اعدام محد طبقه في الحياه بكثره التفكير والوسواس .. وبجذيه بتكون اول شخص في التاريخ طبقه

خلك مميز ...


هني مربط الفرس صعب يسامح لانه يدري ان الشك بيذبحه

لاهنت على الرد
كركم
24-04-2010, 02:07 AM
شنو اللي يخلي الزوجة تخون؟؟ الرجل الخائن يقنع نفسه بأن له حق يحب ويتزوج مرة ثانية او بعض الرجال عيونهم فارغه ما يملاها غير التراب..بس الزوجة ليش تخون؟؟!



هنا مربط الفرس...
وكما تدين تدان...
أغلب الخيانات الزوجية الصادرة من الزوجة سببها
(رد الجزاء سواء للزوج أو للأخ أو للأب )
إن الزنا دين ٌ وإن أقرضته
..كان الوفا من اهل بيتك فأعلمِ
كثير من الرجال يطلق العنان لنظره في نساء الغير ...
ويكلم هذه ويعاكس الأخرى ويعطي لنفسه حق من الحرام
لايأبه لزوجه او لدين او لـ عار أو لـ ستر...
فالله هنا قد يعاقبه في أن يهيأ لزوجته من ترد عليه هذا الدين..
فتخون الزوجه زوجها ...
كما اني اعتقد أن الرجل قبل
أن يتزوج يجب أن يتأكد من أخلاق الفتاة ويختار ذات الدين والخلق الحسن...
بالإضافة إلى اعفافها وإشباع حاجاتها النفسية والجسديه فعندما تجد لديه الحنان والكلام الطيب حتما لن تفكر بخيانته..
هذه بعض الأسباب...
وكم اتألم لحال الرجل الذي تخونه زوجته وتضحك على شنبه ...إنها من اعظم المآسي ...


النقاش لم ينتهي
وقد اعود لاحقا...

اي والله موقف مؤلم...وخاصه اذا مب مقصر معاها...والنعم الراي يالاصيلة
Alpinestars
24-04-2010, 02:11 AM
هذا مع احترامي له مب ريال

زوجته اتخونه والحبيب فاضي يكتب في المنتديات " قوية "

شقاعد تنطر !!

شوف شغلك يبه :omen2:



:victory:
كركم
24-04-2010, 02:11 AM
بعض الامور معروف حلها من مئات السنين

خانتك المرة طلقها

اما احبها وما احبها وبينا عيال وهالامور .. طبعا في ناس ينظرون لها وكأنها شئ موازي لموضوع الخيانة .. وهالناس ايضا موجودين منذ القدم

لكن العرف السائد الطلاق

بعض الناس حتى ما يعتبرها جرح كرامة .. بل يعتبرها خطأ منه

يطلقها ويقول لا حول ولا قوة الا بالله

ونعم الراي..متميز بأرائك كالعاده
umabdulla77
24-04-2010, 02:22 AM
وجهة نظري تقول

أولا : يعرف ايش سبب الخيانة بما انه مامقصر عليها ويحبها مثل ماقال
ثانيا : اذا كان يحبها لدرجة الجنون فما بيهون عليه تنضرب اللي يسويه وربي يأجره على مابتلاه تجمع اغراضها وعلى بيت ابوهاا على طول ويستر عليها ويطلعون اي عذر لهم ويأجل فكرة الطلاق لين بعد فترة ان شافها فعلا تندمت على اللي سوته وهو شاف انه ممكن يتقبل انها ترجع له ويبيها يردها لاني اتوقع لو زوجته مافيها بذرة طيبة جان نفذت كلام الريال وطلعت معاه وماقالت حق ريلها ولا اعترفت له <<<< ليس المقصد تبرير الخطأ للزوجة ولكن نلتمس العذر لها >> مع اني ممكن اكفخها من القهر بس الافضل تحكيم العقل
المقصد تكون فترة اختبار لهم ممكن خلاص مايقدر يردها حتى لو تندمت فيطلقها وممكن العكس
البيان
24-04-2010, 04:22 AM
اطلق جدت أمها ولعن والديها بعد
بـن عدوان
24-04-2010, 05:11 AM
من ناحيتي انا بوديها عند اهلها مع ورقة الطلاق، بس بكون منصدم الصراحة !!
moon_night
24-04-2010, 05:38 AM
الحين الي يقول الحل انه يطلقها ولا يذبحها ولا يكسرها

ويوم الريال يخون زوجته عشرات المرات يقولون لها اصبري وماعرف شنو

المهم

الاسباب الي تخلي الزوجه تخون زوجها

ان مايقعد معاها وايد

مايحسسها بأنوثتها

مايقولها كلام حب

مايهتم برايها

اذا اجتمعت هالاشياء ومع ضعف الدين طبعا يمكن تخونه

وعلى فكره خيانة الزوجه منتشره بشكل كبير
وهي كما تدين تدان

يعني انت بتخون لازم بتذوق الخيانه
يعني مثلا في وحده متزوجه ومشاكل مع زوجها وصايده زوجها يخونها اكثر من مره وهي عادي قامت تخونه بس الفرق ان هو مايدري ويحسب زوجته شريفه
monatee
24-04-2010, 05:42 AM
هههههههههههههه

الصراحه مادري الكلام ماقنعني كلش

واحد تقوله انا خنتك والحين يهددني

اقله يحذفها بره البيت
Bu Rashid
24-04-2010, 08:14 AM
متابع معاك اخوي كركم ...
وطبعا لا اتفق مع الاخ انشتاين نهائياٌ

نحيل الزوج والزوجه الى مركز الاسرة .. امزح معاك بس الموضوع متشعب
ويجب تحليل الحاله قبل اتخاذ اي قرار
واي ان كان القرار يجب عدم اعطاء الحق للرجل بالخيانه
وعدم الاعتداء على الزوجه بالضرب

وسلامتك اخوي كركم .. وعلى القوه دووووم
العليا
24-04-2010, 09:12 AM
اللهم لك الحمد و الشكر

مجرد سوالف بالمنتديات لرفع رصيدهم بالمشاركات

تحياتي

...
كركم
24-04-2010, 11:11 AM
اللهم لك الحمد و الشكر

مجرد سوالف بالمنتديات لرفع رصيدهم بالمشاركات

تحياتي

...

تهقين؟
(العديم)
24-04-2010, 11:14 AM
ايطلقها او ياخذ غيرها وذا يبيها تربي ولده ايخليها بس لازم يتزوج عليها
جزا لها او لمثالها
الامتياز
24-04-2010, 11:14 AM
العنوان خرّعني الله يقطع إبليسك ههههههههههههه
متابعة الردود
و الله يبعد الشيطان عن كل الأزواج

اشكر صدق تفاعلك دانتيل
واتوقع ها الايام كل شي جايز
بوغانم995
24-04-2010, 11:17 AM
كان جات على النيت ..... تهون بسسسسسسس شوف عيني عينك !!!!!! أخوي كركم
http://www.dohaup.com/up/2010-04-24/dohaup_133072786.jpg (http://www.dohaup.com/)
لالالالالالالالالاأأأأأأأأحد يزعل ......وبسسسسسسسس
كركم
24-04-2010, 11:20 AM
كان جات على النيت ..... تهون بسسسسسسس شوف عيني عينك !!!!!! أخوي كركم
http://www.dohaup.com/up/2010-04-24/dohaup_133072786.jpg (http://www.dohaup.com/)
لالالالالالالالالاأأأأأأأأحد يزعل ......وبسسسسسسسس

ياخي ما يصير تنزل صور شخصية على النت الله يهداك





























لاتزعل بعد انا اتغشمر :victory:
بوغانم995
24-04-2010, 11:31 AM
ياخي ما يصير تنزل صور شخصية على النت الله يهداك)) - القصه للجميع والصوره موجوده على مستوىالعالم في النيت ........وتسلم أخي كركم وشكراً على الدعاء .....بسسسسسسس
وافق شنن طبقة
24-04-2010, 11:40 AM
الحمدلله والشكر

اللهم لك الحمد والشكر ..

الله لا يبتلينا ..

الحمدلله الذي فضلتنا على كثيرا من خلقك
barod
24-04-2010, 12:06 PM
الوضع صعب ان سامحها بيتم الشك فيه طول عمره اتوقع يطلقها بسكات ويستر عليها
BASHAR
24-04-2010, 01:06 PM
يا خي المشكله ان في بنات ماخذين الموضوع على سبيل التسليه والضحك واللعب وهو كبير يعني حياة او موت يعني دم على طول عند الرجال
درب السعادة
24-04-2010, 01:53 PM
السلام عليكم

أنا اشوف ان الاراء تراوحت ما بين العفو الى حد القتل ... وفي هذا عجب العجاب

أنا ارى ان المراة خائنة نعم وغبية في نفس الوقت لانها تمادت في أمر لم تحسب عواقبة ، ولكنها ليست زانية ليقام عليها حد القتل ...

من كان يؤيد قتلها فأني اقول يعني انتوا شايفين أن المرأة اذا كانت حتى مخطئة الا يوجد لديها خط للرجعة ؟؟
بمعنى لو انها علمت ان زوجها سيقتلها فأن الاهون عندها في هذه الحالة ان تسلم نفسها للشخص المعني وتنتهي من الامر ولا يعلم بأمرها أحد ومن ثم تستغفر هل هذا حل ؟؟؟

أم ان عليها ان تعترف وترضى بالموت في سبيل عجرفة رجل قد يقبل بأن يعاشر مائة أمرأة ولكنه لن يقبل بخيانة زوجتة ويرى في ذلك تلويث للشرف @@ ؟؟

ليس من الرجولة ومن ينشد فيهم الظهر ان يكونوا قتلة لان ذلك لن يرفع قدرهم لا في الدنيا ولا في الاخرة عند رب العالمين

الشرع يطبق ويجب ان يطبق كما هو ... خانته له ان يطلقها او يبقيها لتربية ابنائها ...

وكم من نساء يخن ازواجهن وعلاقاتهن معروفة ولكن لديهن من الذكاء والدهاء ما يبقيهن في مأمن

يجب ان لا نكون فرعون فندفع من يريد النجاة الى الهاوية ....

المنطق والحل الامثل في الطلاق فقط ..... وهي ان تابت واستغفرت ربها فسبحانه وتعالى قادر ان يعينها ويخرجها من مصيبتها .....

حسبي الله ونعم الوكيل ..... نحن في زمن ابتلائات وفتن كثيرة وعلينا ان نحاول ان نغير من منهج التعامل القاسي مع المرأة ...... انحلت الاخلاق وضعفت القيم وما زلنا نحمل المراة كل المسؤولية ونستثني الرجل ....

لن يستقيم لنا الحال بهذا المنطق وسننحدر من سيء الى أسؤ ......

تحياتي
الأصيلة
24-04-2010, 02:22 PM
انا أرى الوضع الحالي لبعض الشباب هداهم الله
في فقدان الغيرة على خواتهم ونسائهم ...امر يعين النساء على الإستهتار مستقبلا بالأزواج...
خاصة تربية البنات بالطريقة الجديدة
( الإهمال وترك الحبل على الغارب)
(تمشى وتسهر وتلف الأسواق بحجة الوناسة وتغيير الجو مع صديقاتها )
مما يعينها على عدم احترام الزوج
وبالتالي تتحدث بالنت مع أي رجل غريبة وتقيم معه علاقات لاسمح الله..
انتبهوا يامعشر الأباء لبناتكم وعيالكم ...
ازرعوا فيهم حب الستر والعفاف وفي الولد روح الغيرة على النساء...
انا سمعت عن شخص يقول لأولاده الشباب ( لا احد يتدخل بالبنات يقصد خواتهم.. لاتمنعونهم من الحرية )
درب السعادة
24-04-2010, 02:32 PM
المشكلة لما يتربى الولد عندنا على الغيرة معناتها ان يترك له الحبل على الغارب ليتصرف مع اخته كما يشاء ...
فتراه يعنف ويهين ويقبح ويتدخل ويمارس كل انواع السلطة عليها وربما يسقط عليها كل احباطاته او مشاكله اليومية عليها ....

مثل هذه التربية تعطي الولد الاحساس بانه لا يمكن محاسبته ، كيف يتحاسب وهو يحاسب اخته الاكبر منه !! @@ مايصير .

الصح ان يتم توجيه الولد ان يحترم اخواته ويحترم بنات الناس واللي ما يرضاه على نفسه لا يرضاه على أخته ولكن بالنصح والتوجيه وتبليغ الاهل مو يصحح الوضع بيده ..

مثل هذه التربية المبنية على الاحترام هي التي تنشيئ اسرة سليمة .....

ومن وجهة نظري البنت اللي عندها ثقة من قبل الاهل في الدخول او الخروج مع صديقاتها في بعض الاوقات وليس حتى وقت متأخر ، لن تلجاء لاقامة علاقات على النت لانها تعلم وبشكل كامل ان الحرية التي تتمتع بها مصدرها ثقة الاهل ... وأي مؤشر على ضعف هذه الثقة سوف يعيدها الى نقطة الصفر مما يجعلها مراقبة ....

لا تسلطوا ابنائكم على اخواتهم فالاحساس بالسيطرة والسلطة له مذاق خاص وان لم يقوم عند الولد فسوف يستخدمه بشكل سيء ويفهم الامر على ان المراة أضعف منه وهي في الاساس لخدمته وليست نصفه الاخر وشريكه في الحياة ...

تحياتي
المبرمج صلاح
24-04-2010, 02:45 PM
كلام منتديات صدقني
وتحصل اللي كاتب المشكله مراهق وعايش الدور
والافي ذمتك في ريال يرضى على نفسه هالكلام ؟؟
انت معاي في هالنقطه والا؟

هذا هو التفسير الوحيد العاقل
والتفسير الاخر انه ريال ( نوع فقط ) مجنون
اعمال
24-04-2010, 09:08 PM
طبعاً الواحد لما يفكر بعواقب انه يذبحها من سجن وتشويه سمعته وسمعة عياله وأهله يستبعد هذا الحل مع انه منطقي ولكن هي ماتستاهل انه يوصخ ايدينه في دمها ....

الحل انه يسكر عليها الغرفة من الصبح لليل ومايخلي فيها عضو سليم وإذا تعب ياخذ فترة استراحة عشان يرجع نشاطه ويواصل الضرب...

بعد مايبرد حرته فيها يقلعها بيت اهلها غير مأسوف عليها وطبعاً ياخذ الولد عشان مايتربى في بيئة وصخة،، وفي الأخير لازم يستر عليها والموضوع يكون سر يعني مايعلم حد من هله أو اهلها عشان ماتصير له أو لها فضيحة ويصير علوج في لسان الناس.

أكيد فيه ناس يخالفوني الرأي ولكن هذا رأيي في الموضوع

مـا هكذا التفاهم يا الحبيب ههههههههههههه
Just a Gurl
24-04-2010, 11:04 PM
الرجل الخائن يقنع نفسه بأن له حق يحب ويتزوج مرة ثانية او بعض الرجال عيونهم فارغه ما يملاها غير التراب..


كثّر منها!!!!!!!!!!
حبة خال
24-04-2010, 11:53 PM
الحين زوجته خانته بالنت وهو يوم درى بالمشكلة كتبها بالنت ؟؟؟!!! اخاف خاينته معاه !

وبعدين من باب الشيء بالشي يذكر وليس المقارنة حادثة الافك مع السيدة عائشة رضي الله عنها وارضاها

هل عندما علم الرسول بالحادثة ضربها ولا فضحها الناس كلها درت وهي اخر من علم كانت في بيت اباها

ودخل عليها الرسول عليه الصلاة السلام ((فجلس النبي - صلى الله عليه وسلم - وتشهّد ثم قال :

( أما بعد ، يا عائشة ، فإنه قد بلغني عنك كذا وكذا ، فإن كنت بريئة فسيبرئك الله ، وإن كنت ألممت بذنب

فاستغفري الله وتوبي إليه ؛ فإن العبد إذا اعترف بذنبه ثم تاب إلى الله تاب الله عليه ) ، فلما سمعت قوله جفّت

دموعها ، والتفتت إلى أبيها فقالت : " أجب رسول الله فيما قال" ، فقال : " والله ما أدري ما أقول لرسول الله -
صلى الله عليه وسلم - " ، ثم التفتت إلى أمّها فكان جوابها كجواب أبيها ، وعندها قالت :

" لقد سمعتم هذا الحديث حتى استقرّ في أنفسكم وصدقتم به ، فلئن قلت لكم أني منه بريئة - والله يعلم أني منه

بريئة - لا تصدقوني بذلكولئن اعترفت لكم بأمر - والله يعلم أني منه بريئة - لتصدقنّني ، وإني والله ما أجد لي

ولكم مثلاً إلا قول أبي يوسف حين قال :{ فصبر جميل والله المستعان على ما تصفون } ( يوسف : 18 ) .

وإذا بالوحي يتنزل من السماء يحمل البراءة الدائمة ، والحجة الدامغة في تسع آيات بيّنات ، تشهد بطهرها

وعفافها ، وتكشف حقيقة المنافقين ، فقال تعالى :{إِن الذين جاءوا بالإفك عصبَة منكم لا تحسبوه شَرا لكم بل

هو خير لكم لكل امرِئٍ منهم ما اكتسب من الإثم والذي تولى كبره منهم له عذاب عظيم }

( النور : 11 ) وانفرج الكرب ، وتحوّل حزن الرسول - صلى الله عليه وسلم - فرحاً ، فقال لها :

( أبشري يا عائشة ، أمّا الله عز وجل فقد برّأك ) ، وقالت لها أمها : " قومي إليه " ، فقالت عائشة رضي الله

عنها امتناناً بتبرئة الله لها ، وثقةً بمكانتها من رسول الله - صلى الله عليه وسلم - ومحبته لها :

" والله لا أقوم إليه ، ولا أحمد إلا الله عزوجل "


هذا مع الاخذ بالاعتبار بأنها كانت من احب الناس الى قلبه صلى الله عليه وسلم

وهنا تتجلا حكمة رسول الله:

*وإن كنت ألممت بذنب فاستغفري الله وتوبي إليه ؛ فإن العبد إذا اعترف بذنبه ثم تاب إلى الله تاب الله عليه )لم

يذكر الطلاق ولا الضرب ولكن وجهها للحل

*فلئن قلت لكم أني منه بريئة - والله يعلم أني منه بريئة - لا تصدقوني بذلك ولئن اعترفت لكم بأمر - والله يعلم

أني منه بريئة - لتصدقنّني )وفي هذا الجزء نرى تأثير الحادثة الكبير على حبيبها وزوجها ووالديها ومع هذا لم

يباشروا بردت الفعل .

أكثر ما يؤثر في المرأة مشاعرها فإذا خانها كانت المعاملة بالمثل لكن إذا ما انفق عليها ولا ضربها ما يكون

بنفس اثر أنه يخونها

أتمنى التصحيح لي من الجانب الديني إذا أخطئت.. فلست ملاك
رويس
25-04-2010, 12:38 AM
كلام منتديات صدقني
وتحصل اللي كاتب المشكله مراهق وعايش الدور
والافي ذمتك في ريال يرضى على نفسه هالكلام ؟؟
انت معاي في هالنقطه والا؟


اللي يقرأ كلامك يقول كلش مافي زوجات يخونون ؟؟ وتلاقي الرجال رااااقد على اذنه , من وجهة نظري 50 % من المتزوجات أو أكثر يمكن لهم سوالف وبعض الخيانات ........ سواء بالطلعات أو بالمكالمات أو بالنظرات أو بالتبرج أو ..... أو ....... لانه الخيانه أنواع وياكثر اللي يخونون والله يستر على الجميع ........... والحمدلله ..........
الأصيلة
25-04-2010, 01:17 AM
اللي يقرأ كلامك يقول كلش مافي زوجات يخونون ؟؟ وتلاقي الرجال رااااقد على اذنه , من وجهة نظري 50 % من المتزوجات أو أكثر يمكن لهم سوالف وبعض الخيانات ........ سواء بالطلعات أو بالمكالمات أو بالنظرات أو بالتبرج أو ..... أو ....... لانه الخيانه أنواع وياكثر اللي يخونون والله يستر على الجميع ........... والحمدلله ..........

لاتحط في ذمتك يا اخوي...من وين جايب هالنسبة وعلى أي اساس..
الناس بخير ووعي ودراية بالحلال والحرام..الا من غضب الله عليه...
عفوا تعف نسائكم في المحرمي
وكما قلت عفاف المراة مرتبط بعفاف زوجها واخيها وأبيها...
فلا تتوقع الأمر السئ..
فترى من يفعل الحرام مع النساء دائما يشك بنساءه ويخاف
لآن الجزاء من جنس العمل...
مستوى الدعم
25-04-2010, 02:42 AM
بسم الله الرحمن الرحيم

هذا الموضوع أحدث نقاطاً جدلية كثيرة وسوف ألخص ردي عليها في ما يلي من نقاط (علماً بأني فتاة ولست شاباً كما يوحي اسمي، وحتى لا تفسر أي نقطة ضد النساء بأنني رجل ومتوقع مني الدفاع عن بني جنسي):

أولاً: الأخ كركم عندما نقل القصة كان المقصود منها استلهام مادة لهذا الموضوع ، وإثارة تساؤلات عن التصرف الأفضل في حال تعرض زوج ما لهذا الموقف (لا سمح الله) ولم يطرح الموضوع مطالباً بتأكيد مصداقية ذلك الزوج المغدور من عدمها...

ثانياً: رأيت العديد من الردود تنتقد الردود العنيفة للرجال في حال تعرضهم لصدمة الخيانة الزوجية من زوجاتهم في لحظة الاكتشاف .... والتي تنهار فيها احلام الحياة الماضية والمستقبلية ناهيك ما يحسه الزوج من استغفال وغباء كان فيه.... هي لحظة قاسية..تفور فيها براكين الغيرة .... ولنا في غيرة سيدنا سعد بن معاذ مثال عندما نزلت آية اللعان لما نزل قوله تعالى:{ والذين يرمون المحصنات ثم لم يأتوا بأربعة شهداء فاجلدوهم ثمانين جلدة}، قال سعد بن معاذ: " يا رسول الله! إن وجدت مع امرأتي رجلا أمهله حتى آتي بأربعة؟ والله لأضربنه بالسيف غير مصفح.

فقال النبي صلى الله عليه وسلم: أتعجبون من غيرة سعد؟، لأنا أغير منه، والله أغير مني". (رواه البخاري )

لقد أقر الرسول صلى الله عليه وسلم غيرته ولم يقل له تسامح لأني أحسبه يريد أن يعلمنا أمرين:

أولهما: أن الغيرة طبع محمود (بل مطلوب) في المسلم وثانيهما: إفهامنا أن هذه اللحظة من اللحظات التي يغيب فيها العقل وتتصرف الغرائز...

(تنويه: أبرأ إلى الله تعالى ممن يستعمل هذا الحديث حجة لآزهاق روح مسلمة بغير حق، وانما اوردته على سبيل الدلالة على جموح الغيرة والتصرفات الناتجة عنها)

قد تقول لي إحدى الأخوات: اشمعنى الريال يعصب واحنا لا.... حلال عليه حرام علينا؟

جوابي هو ومن قال لك أن النساء تكون ردود فعلهن هادئة في لحظة الاكتشاف، تكفيك جولة على صفحات الجرائم في المجلات، أو الاطلاع على شكاوى النساء في المنتديات النسائية المحترمة، لتقرأي كيف كانت ردود أفعالهن على الموضوع....

ولكن توجد أحياناً نساء يؤثرن الحلول السلمية ليس حباً فيها ولكن لان ليس لها حل بديل....كأن يكون والداها متوفيان وأخوتها ليسوا نعم السند لها... أو ليس لديها وسيلة لتعيل نفسها وأولادها

ثالثاً: التمثل برد فعل رسول الله صلى الله عليه وسلم في حادثة الإفك لا ينطبق بهذه الحالة بالذات لأن الرسول عليه أفضل الصلاة والسلام كان قد سمع بأحاديث الإفك ولم تكن هناك أدلة عليها بالمقابل فإن المرأة المقصودة بهذا الموضوع اعترفت لزوجها بما بدر منها ولم تكن هناك إشاعات او تشكيك حول سلوكها... من هنا كان الرسول صلى الله عليه وسلم هادئاً حتى تثبت صحة حديث الإفك من عدمها...
بوحارب
25-04-2010, 02:47 AM
اللي يكتب عن مشاكلة الخاصة في المنتديات انسان فااااضي عمل وسخيف
مستوى الدعم
25-04-2010, 03:03 AM
أحببت أن أضع إضافة لردي السابق وهي جواب السؤال المهم:

لماذا تخون المرأة؟


رداً على خيانة (أو خيانات) الزوج

عدم وجود القدوة الصالحة في بيئتها التي نشأت فيها بالإضافة إلى قلة الوازع الديني

توافر وقت الفراغ مع عدم وجود البديل النافع لشغله مع توافر الوسائل المساعدة من تكنلوجيا تسهل عملية الخيانة، كلها تعتبر بيئة خصبة لعمل الشيطان

صحبة السوء التي تزين هذه الأفعال

تصديق ما يظهر على وسائل الإعلام عن صورة الحب وكيفية التعبير عنه، حيث أعطت صورة مزخرفة ومنمقة كثيراً للحياة الزوجية، مما يجعل الزوجة تعتقد أنها في حرمان وجفاف عاطفي (أنا هنا لا أعطي الرجل ضوءاً أخضر للتملص من الاهتمام العاطفي بزوجته ولكني أطالبه باتخاذ رسولنا صلى الله عليه وسلم قدوة في معاملته مع أهله، وهو كان خير الناس لأهله)
Classic Bags
25-04-2010, 03:13 AM
السلام عليكم و رحمة الله و بركاته ,

الصراحه هالمشاكل مو غريبه في مجتمعنا خصووصا هالأيام..
صار كثير من الناس يشتكون من الخيانه سواء الزوج او الزوجه
و هذي احد المشاكل الكبيره في مجتمعنا للأسف..

المهم , انا عندي رأي و ياليت يوصل لصااحب المشكله تجااهلا مصداقية القصه ,
انا اعرف ناس يشتغلون مع الشرطه و التحريات و كل حااجه.. و لهم بهالسوالف و الفضايح.
راح الخص القصه كامله عشان ما اعطي معلومات عن القضيه هذي لانه من حقهم انها تبقى سريه , بس على العموم..
فيه واحد هدد بنت انه ينشر صورتها في مواقع اباحيه و العياذ بالله ,
شرط انها تجي تقابله في مطعم ولا مادري وين
و هي ما عرفت تتصرف فـ راحت قالت لأبوها .. و اللي مادري شلون اعصاابه بارده بعد..
كلمو الشرطه و اتفقو معااهم , و هي كلمته و اتفقت معاه فالمكان اللي يبيه
و راحو كلهم طبعا و البنت راحت قعدت مع الولد , الا شوي يطلعون له الشرطه و هذا هوو بو لسان فالسجن محبوس ..

فـ اقترح انه صاحب المشكله هذي , يلجأ للشرطه يقول لهم انه هالرجال مهدد مرته انه ينشر صوتها من دون ذكر المحتوى او سبب المحتوى , و هم يتصرفون معاه..

بس بعدين هي تتحمل افعاالها اللي سوتها لأنه الصراحه مادري شلون المرأه ممكن تنزل تفسها لشخص ما تدري هو ايش قاعد من ورا الشاااشه , مراهق , شيبه , مجرم ,
و تقعد تاخذ و تعطي فالكلاام.. الصراحه ما احترم اي بنت ممكن تتخطى الخط الأحمر مع اي رجل غريب.

المفروض البنت تتحط حد لها , حتى لو فيه شبااب فالنت معاها تحط حدود و ما اتوقع زوجها اصلا يرضى انها تكلم رجال غيره , هذا هي النقطه من الزواج .. تاخذ لها رجال يشبع رغبااتها و تشبع رغباتها ؟

فيه حد من اأعضااء سأل " ليش المرأه تخون " انا اقول لك ,
المرأه هذي دخلت معااه في علاقه و " كلام جنسي " يعني هي فااقده الـ " اكشن " مثل ما يقولون في حياتها العاديه او الجنسيه الخ..
و يمكن الريال ما يعطيها ويه واايد يعني يروح الشغل و يجي تعبان يتغدى و يناام , يقوم المغرب يروح المجلس .. فـ هي تفتقر لهالشي فـ تلجأ للنت اللي هو ابسط حاجه ممكن تسويها و محد بعرفها .
بس مرات تتطور الحاله و تصري كذا و الشكووى لـ الله..

و بعدين تطقع له و تغير رقمها و بس , ما راح تموت لو انتشر المقطع .

الرجال داااايما دااااااايما يختبر المره اكثر من مره , لا شافها بايعتها راح استغل هالشي و هددها .
لو هي ما عطته المجال كان ما استدرجها فالكلام و الحوار هذا عشان يسجله..

الا لو المقطع يحتوي على اسمها ؟ او هي غبيه لدرجه انه قالت له اسمها الكااامل ؟!
مستحيل ما اتوقع.. بس دامها ما ذكرت اي شي شخصي عن نفسها او زوجها او بيتها ,
خله ينشره فاللعنه اللي تلعنه و تلعن اشكااله ,

خله ينشر و يوزع و بعدين ؟

محد بعرفها ولا راح يصير شي.

و ياليت الزوج يرااعي مرته شوي , و يشوف الشي اللي خلاها تسوي كذا و ما يعااقبها على خياانتها مع انهاا صعبه.. و مثل ما قال كركم ممكن الثقه في قلبه تموت و لما يشووفها جاالسه او شي يبدأ مخه يلعب لعبته.

اسفه على كلاامي ممكن يكون فيه شوي من الصرااحه او كلام غير لاائق ,
بس هذا للفاائده العامه و الله يعوضه صاحب المشكله و يفرج عليه..

اللهم امين

و شكرا على طرحك للموضوع يا كركم..
المقاول 1
25-04-2010, 04:04 AM
طبعاً الواحد لما يفكر بعواقب انه يذبحها من سجن وتشويه سمعته وسمعة عياله وأهله يستبعد هذا الحل مع انه منطقي ولكن هي ماتستاهل انه يوصخ ايدينه في دمها ....

الحل انه يسكر عليها الغرفة من الصبح لليل ومايخلي فيها عضو سليم وإذا تعب ياخذ فترة استراحة عشان يرجع نشاطه ويواصل الضرب...

بعد مايبرد حرته فيها يقلعها بيت اهلها غير مأسوف عليها وطبعاً ياخذ الولد عشان مايتربى في بيئة وصخة،، وفي الأخير لازم يستر عليها والموضوع يكون سر يعني مايعلم حد من هله أو اهلها عشان ماتصير له أو لها فضيحة ويصير علوج في لسان الناس.

أكيد فيه ناس يخالفوني الرأي ولكن هذا رأيي في الموضوع

حكم المحاكم هذي الايام الولاد في حضانه امهم والمصيبه البنات تربيهم صاقطه وتعال اثبت للمحكه انها ساقطه

وتربي بناتها على المولات ولاب يتحسب على المحاكم
STAR
25-04-2010, 05:00 AM
حكم المحاكم هذي الايام الولاد في حضانه امهم والمصيبه البنات تربيهم صاقطه وتعال اثبت للمحكه انها ساقطه

وتربي بناتها على المولات ولاب يتحسب على المحاكم

عيب عليك هالكلام
ماريسا
25-04-2010, 06:25 AM
السلام عليكم و رحمة الله و بركاته ,

الصراحه هالمشاكل مو غريبه في مجتمعنا خصووصا هالأيام..
صار كثير من الناس يشتكون من الخيانه سواء الزوج او الزوجه
و هذي احد المشاكل الكبيره في مجتمعنا للأسف..

المهم , انا عندي رأي و ياليت يوصل لصااحب المشكله تجااهلا مصداقية القصه ,
انا اعرف ناس يشتغلون مع الشرطه و التحريات و كل حااجه.. و لهم بهالسوالف و الفضايح.
راح الخص القصه كامله عشان ما اعطي معلومات عن القضيه هذي لانه من حقهم انها تبقى سريه , بس على العموم..
فيه واحد هدد بنت انه ينشر صورتها في مواقع اباحيه و العياذ بالله ,
شرط انها تجي تقابله في مطعم ولا مادري وين
و هي ما عرفت تتصرف فـ راحت قالت لأبوها .. و اللي مادري شلون اعصاابه بارده بعد..
كلمو الشرطه و اتفقو معااهم , و هي كلمته و اتفقت معاه فالمكان اللي يبيه
و راحو كلهم طبعا و البنت راحت قعدت مع الولد , الا شوي يطلعون له الشرطه و هذا هوو بو لسان فالسجن محبوس ..

فـ اقترح انه صاحب المشكله هذي , يلجأ للشرطه يقول لهم انه هالرجال مهدد مرته انه ينشر صوتها من دون ذكر المحتوى او سبب المحتوى , و هم يتصرفون معاه..

بس بعدين هي تتحمل افعاالها اللي سوتها لأنه الصراحه مادري شلون المرأه ممكن تنزل تفسها لشخص ما تدري هو ايش قاعد من ورا الشاااشه , مراهق , شيبه , مجرم ,
و تقعد تاخذ و تعطي فالكلاام.. الصراحه ما احترم اي بنت ممكن تتخطى الخط الأحمر مع اي رجل غريب.

المفروض البنت تتحط حد لها , حتى لو فيه شبااب فالنت معاها تحط حدود و ما اتوقع زوجها اصلا يرضى انها تكلم رجال غيره , هذا هي النقطه من الزواج .. تاخذ لها رجال يشبع رغبااتها و تشبع رغباتها ؟

فيه حد من اأعضااء سأل " ليش المرأه تخون " انا اقول لك ,
المرأه هذي دخلت معااه في علاقه و " كلام جنسي " يعني هي فااقده الـ " اكشن " مثل ما يقولون في حياتها العاديه او الجنسيه الخ..
و يمكن الريال ما يعطيها ويه واايد يعني يروح الشغل و يجي تعبان يتغدى و يناام , يقوم المغرب يروح المجلس .. فـ هي تفتقر لهالشي فـ تلجأ للنت اللي هو ابسط حاجه ممكن تسويها و محد بعرفها .
بس مرات تتطور الحاله و تصري كذا و الشكووى لـ الله..

و بعدين تطقع له و تغير رقمها و بس , ما راح تموت لو انتشر المقطع .

الرجال داااايما دااااااايما يختبر المره اكثر من مره , لا شافها بايعتها راح استغل هالشي و هددها .
لو هي ما عطته المجال كان ما استدرجها فالكلام و الحوار هذا عشان يسجله..

الا لو المقطع يحتوي على اسمها ؟ او هي غبيه لدرجه انه قالت له اسمها الكااامل ؟!
مستحيل ما اتوقع.. بس دامها ما ذكرت اي شي شخصي عن نفسها او زوجها او بيتها ,
خله ينشره فاللعنه اللي تلعنه و تلعن اشكااله ,

خله ينشر و يوزع و بعدين ؟

محد بعرفها ولا راح يصير شي.

و ياليت الزوج يرااعي مرته شوي , و يشوف الشي اللي خلاها تسوي كذا و ما يعااقبها على خياانتها مع انهاا صعبه.. و مثل ما قال كركم ممكن الثقه في قلبه تموت و لما يشووفها جاالسه او شي يبدأ مخه يلعب لعبته.

اسفه على كلاامي ممكن يكون فيه شوي من الصرااحه او كلام غير لاائق ,
بس هذا للفاائده العامه و الله يعوضه صاحب المشكله و يفرج عليه..

اللهم امين

و شكرا على طرحك للموضوع يا كركم..

كان تصرف ذكي من هالبنت انها قالت لابوها
جنوب الدوحه
25-04-2010, 07:25 AM
انا أرى الوضع الحالي لبعض الشباب هداهم الله
في فقدان الغيرة على خواتهم ونسائهم ...امر يعين النساء على الإستهتار مستقبلا بالأزواج...
خاصة تربية البنات بالطريقة الجديدة
( الإهمال وترك الحبل على الغارب)
(تمشى وتسهر وتلف الأسواق بحجة الوناسة وتغيير الجو مع صديقاتها )
مما يعينها على عدم احترام الزوج
وبالتالي تتحدث بالنت مع أي رجل غريبة وتقيم معه علاقات لاسمح الله..
انتبهوا يامعشر الأباء لبناتكم وعيالكم ...
ازرعوا فيهم حب الستر والعفاف وفي الولد روح الغيرة على النساء...
انا سمعت عن شخص يقول لأولاده الشباب ( لا احد يتدخل بالبنات يقصد خواتهم.. لاتمنعونهم من الحرية )



على كثر الناس الي يتكلمون يـــا الاصيله .. وعلى كثر الرجال اصحاب الشوارب الي يتكلمون عن الاخلاق والصرامه .. وفي الاخير ما يعرف اخته او زوجته وين رايحه ومن وين جايه

هذا هو الاهمال ..
بنت ابوها 19
25-04-2010, 10:38 AM
حشي والله مهب ريال
رمــش الغلا
25-04-2010, 11:59 AM
انا شفت هالمشكله مع واحد من الجماعه

بصراحة

طلقها وهو خذ اعياله ، وإلا وحده مثل هاذي شلون بتربي أجيال

والحمدلله هو تزوج ومستقر مع زوجه صالحة
وهي ................ لاتعليق

الله يستر على بنات وشباب المسلمين
أم علي 2010
25-04-2010, 01:00 PM
اسمحوا لي بهالمداخلة

ليش يعني يوم المره تغلط تنقلب الدنيا .. والله العظيم ان في رجاجيل اعوذ بالله مايتم شي حرام ما يسويه ان كان في بلاده ولا بالخارج و كله عنده شغل ولما تكتشف مرته .. قصي علي الشيطان ...

صج عاد مثل ما الرجال مايبي زوجته تخونه .. المره بعد تبي زوجها يصونها و يحفظها ويحفظ نفسه مثل ما هي احفظت نفسها عن الحرام .. يعني هو يخون معليه سامحيني وخلاص ترى صعبة على الحريم مثل ما هي صعبة على الرجال

كل شي الا خيانه اللي يخون مره بيخون عشر سواء مره ولا رجال

وبعدين الطيبون للطيبات .. ما اعتقد في هالايام في وحده ترضى تاخذ واحد يلعب و ماتمت وحدها ما كلمها

وعن موقف الرجال لازم يراجع نفسه هو ما تهور الا لانه مسوي شي ..

يعني الرجال 24 ساعه محد يا مع الربع يا البحر و لا هايته و المره في البيت .. ياخي وينك عن زوجتك
هي بعد انسانه لازم تراعي مشاعرها ..

عفوا كان المره خانت فاللوم يقع على الزوج لان هو اللي قصر في اجبات زوجته و خلاها دور النقص في غيره

مثل ما الزوج يتعذر انا مرتي ما تكشخ مرتي ريحتها ماعرف وشو و لا غرفتي مب مرتبة ومن هالكلام ..

اذا هو مب قادر يعيش معاها مب مجبور اما امساك بمعروف او تسريح باحسان ..


و السموحة
Al-Kuwari
25-04-2010, 01:04 PM
بغض النظر اذا الموضوع حقيقي او خيالي

هالمواقف حقيقيه وتصير في كل دول العالم


عن نفسي وبكل صراحه مثل ماخذتها من عند ابوها بردها لبيت ابوها

شيلي شنطتج وعباتج وبنزلها بيت ابوها و ورقتها بتجيها لعندها

والولد بيتم عندي انا بربيه بمعرفتي
M!$s ĀŁ!eN
25-04-2010, 01:29 PM
انا في هاي اطالب بعقل ..
والله يروح يحل المشكله مع اشتشارات العائليه ..
انا اقول له بعد يشكتي عليه.. لان هداا تهدد بعارض
والله عرفناه بعقل ..
وخلي القران اهو اللي حدد المشكله اوالحل ..
لانه العلاج لمشكله ..
المقاول 1
26-04-2010, 01:26 AM
اسمحوا لي بهالمداخلة

ليش يعني يوم المره تغلط تنقلب الدنيا .. والله العظيم ان في رجاجيل اعوذ بالله مايتم شي حرام ما يسويه ان كان في بلاده ولا بالخارج و كله عنده شغل ولما تكتشف مرته .. قصي علي الشيطان ...

صج عاد مثل ما الرجال مايبي زوجته تخونه .. المره بعد تبي زوجها يصونها و يحفظها ويحفظ نفسه مثل ما هي احفظت نفسها عن الحرام .. يعني هو يخون معليه سامحيني وخلاص ترى صعبة على الحريم مثل ما هي صعبة على الرجال

كل شي الا خيانه اللي يخون مره بيخون عشر سواء مره ولا رجال

وبعدين الطيبون للطيبات .. ما اعتقد في هالايام في وحده ترضى تاخذ واحد يلعب و ماتمت وحدها ما كلمها

وعن موقف الرجال لازم يراجع نفسه هو ما تهور الا لانه مسوي شي ..

يعني الرجال 24 ساعه محد يا مع الربع يا البحر و لا هايته و المره في البيت .. ياخي وينك عن زوجتك
هي بعد انسانه لازم تراعي مشاعرها ..

عفوا كان المره خانت فاللوم يقع على الزوج لان هو اللي قصر في اجبات زوجته و خلاها دور النقص في غيره

مثل ما الزوج يتعذر انا مرتي ما تكشخ مرتي ريحتها ماعرف وشو و لا غرفتي مب مرتبة ومن هالكلام ..

اذا هو مب قادر يعيش معاها مب مجبور اما امساك بمعروف او تسريح باحسان ..


و السموحة

الخطاء والخيانه جريمه اذا قام بها الزوج او الزوجه

لكن الرجل اذا خان مراح يجيب لها ولد من بطنه ويقول لها هذا ابنك ربيه

المراه اذا خانت وجابت ابن حرام وتلزجه في لحيت الرجل هذا ابنك ربه
تركي111
26-04-2010, 10:17 AM
الجزء من جنس العمل كماتدين تدان والله يستر على المسلمين