سوء رواتب بعض البنوك

[عطر فرنسي]

السلام عليكم ورحمة الله وبركاته

اسعد الله ايامكم بكل خير

اول مشاركه لي في القسم العام يتكلم عن سوء رواتب موظفي بعض البنوك

منها البنوك الكبيره مثلا

بنك قطر الوطني qnb

ممكن الشخص الي مايشتغل فيها يقول والله هاذي رواتبهم قويه لكن الي يشتغل فيها بيحس

لا رواتب مثل الناس ولا درجه ولا تقدير في الشيئ وانا واحد منهم لادرجه ولاتقدير في الشغل

ولا كلمة شكر من المدير ولا شيئ تعال واشتغل ومع السلامه تتوقعون لين متى هاذي الظاهره

راح اتم وكثير من موظفي البنك نفس الشيئ مظلومين من الدرجه هاذي الاشياء كله تروح

لمن لي الاجانب هم الي يحصلون الدرجه والتقدير والبونس نهاية السنه من احسن مايكون

مع انه لايشتغل مثلنا ولا يعرف شيئ عن الشغل ويجيلة لين باب بيته الي يبي

تتوقعون ياخواني الكرام الى متى راح نظل على هاذيه الحاله

في النهايه والاخير الحمدلله على كل حال

واترك التعليق لكم

[هدوء العاصفة]

مب عاجبك الراتب اطلع ودور لك شغل ثاني .. شتبغي يعني يزيدون رواتبكم ؟ ترى الراتب كله من فلوس الناس وربا .. الله يبعدك عنه ويرزقك الرزق الحلال

[هدوء العاصفة]

واذا صج تقول الراتب سئ ممكن نعرف كم راتبك وشو مؤهلك وخبرتك ؟ عشان مايكون الكلام عام وخرابيط مع احترامي لك بس رواتب البنوك اعلى من رواتب الحكومة بكثييييير

[بن محمود]

اشكر ربك يا اخي
يوجد مواطنين يتمنون يحصلون مكانك لو يعطونهم نص راتبك بعد

اما بخصوص شكواك من الاجانب وان لهم امتيازات احسن منك
حط في بالك ان هالشي عام في كل الدولة .. الاجانب لهم امتيازات قوية في كل قطاعات الدولة سواء كانت حكومية او خاصة
يعني مب انت الوحيد اللي تعاني من هذا الشيء
اشكر بك ... انت وايد احسن من غيرك .. صدقني

[قطرية فذة]

يسر الله لكم اموركم

[شمعة الدوحه]

دامك موب مرتاح يااخي اطلع
واللي سمعته عن بنك قطر الوطني انه البونس يتوزع حق ناس وناس لا
يعني فيه ظلم
انا وصلني عقد بمبلغ وقدره بس رفضت
اشتري راحة بالي احسن :victory:

[hamoor4ever]

انا طلعت من هالبنك لاتعليق افضل لي

[بومبا]

مجال البنوك
الحمدالله افتكييت منهم
صحيح في ظلم بس هالشي موجود في كل مكان
اذا الشغل حلو وانا تكون قومتي الصبح وانا مرتاحه نفسيا هذا اهم شي عندي بغض النظر ان الراتب مهم بس راحه البال اهم
انا نصيحتي حاول تشوفلك وظيفه ثانيه وربي يوفقك فيها

[bu abdulla]

السلام عليكم اولالالالا ... البنك ربوى و فلوسه حرام و اكل الربا كانه يعلن الحرب على الله و رسوله و الى اتمناه اخوى انك تطلع من هاى البنك لانه ربوى.... و انا عندى دلائل و براهين ان هاى البنك اعلى رواتب فى مستوى البونك بالدوله ويوم وقعت العقد كان ما اشتغلت عندهم لما عرفت ان الراتب بسيط

[البدع]

بنك ربوي فلوسه حرام ,,, واعرف اكثر من شخص هناك يمدح في رواتبهم والبونص