المساعد الشخصي الرقمي

مشاهدة النسخة كاملة : تجاربكم مع الدايت كافية ، فيدونا



qtrose
24-04-2010, 04:30 PM
سمعت عن مركز يختص بالرجيم والأكلات الصحية ، الي هو دايت كافية ،

فالي يعرف شي عنه ياريت يفيدنا ، ويعطينا فكرة عن تجربته معاهم ،

و شلون وجباتهم ؟ وكم نزل معاهم؟

انا بودي انزل بس 5 كيلو واصير تمام ، تنصحوني فيه ؟


Thanx

حياة
24-04-2010, 04:40 PM
ماعندي خبر واتمنى حد يفيدج

كاروهات
24-04-2010, 06:19 PM
بنت قطر

حبيبتي

ابيج اتعرفين شي عدل كل شركات ومؤسسات الدايت لديهم سياسة يمشون عليها

انا كنت باسجل في الدايت لكن زميلتي في العمل حذرتني

زميلتي لها اكثر من خمس سنوات وهي في الدايت وتدفع 3000 ريال في الشهر شرايج يا بنت قطر انها تطبق كل اللي يقولون عليه وما تاكل الا من اكلهم لا زيادة ولا نقصان وبعد تلعب رياضة مثل المشي والسباحة
تعرفين شنو الحصيلة من خمس سنوات
ولا نزلت كيلوا واحد
كل ما تروح عندهم يقيسون الخصر ويقصون عليها والله نقصتي سم واحد زين بديتي تضعفين ..........

الحقيقة اللي ظهرت يحطون مادة في الاكل ما تنزل الجسم ابد اتخليه مثل ما اهو ويبونج لاكثر من 10 سنوات وما تطلعين من عندهم

صدقيني انا دخلت جم الحين وبالنسبة للاكل انا متحكمة فيه
والحمدلله بديت اضعف ..............

موضي قطر
24-04-2010, 06:32 PM
والله اختي حرام تدفعين فلوس على الفاضي بنت عمي تمت تاخذ من عندهم لمدة سنة ولا بين فيها شي

مع انها ملتزمة بالرياضة بس يوم تمت تسوي اكلها في البيت وتمشي ضعفت وانتي حاولي تطبخين

الأكل الصحي في البيت ابرك واحسن و وجبة العشاء خليها بدري لا تتأخرين فيها

Amigo
24-04-2010, 06:48 PM
نص ساعه في الكورنيش او في البيت
تكفيج عن الدايت وغيره :)

البدع
24-04-2010, 06:53 PM
أنا أعرف اثنين ادخلوا هذي البرامج

وفشل معاهم

وهذي رايي الشخصي:

للي وزنه كبير ... عملية تصغير المعدة هي الافضل بلا منازع .. ولو انها شوي خطرة واعرف واحد اصيب فيها

للي يريد ينزل وزنه 5 كيلو ... فعليه بنظام دشتي ... اكل لحوم مشوية وخضروات فقط ... ومعاه مشي بالفريج نص ساعة قبل النوم .. والنتائج في اسبوعين بس

qtrose
24-04-2010, 06:53 PM
FlagLand ، كاروهات ، موضي قطر و Amigo ، يعطيكم العافية .

ومشكورين على النصايح . بس الي صار لها سنة مشتركة وما نزلت ولا كيلو

لازم عندها مشكلة ! مب معقولة رياضة و أكل خفيف وما تنقص ولا كيلو!!

عموما انا كان ودي أنزل هالخمسة كيلو بتجربة جديدة مع هالمركز الي صار

لي من فترة أدور على موعد معاهم وما كنت محصلة ! يعني توقعت ألقى ردود

وتفاعل من تجارب أعضاء مشتركين معاهم . :telephone:

هام السحاب
24-04-2010, 06:55 PM
ماعليج من هالخرابيط
سوي كنترول للأكل و رياضه
موضوعج خالص

موضي قطر
24-04-2010, 06:57 PM
flagland ، كاروهات ، موضي قطر و amigo ، يعطيكم العافية .

ومشكورين على النصايح . بس الي صار لها سنة مشتركة وما نزلت ولا كيلو

لازم عندها مشكلة ! مب معقولة رياضة و أكل خفيف وما تنقص ولا كيلو!!

عموما انا كان ودي أنزل هالخمسة كيلو بتجربة جديدة مع هالمركز الي صار

لي من فترة أدور على موعد معاهم وما كنت محصلة ! يعني توقعت ألقى ردود

وتفاعل من تجارب أعضاء مشتركين معاهم . :telephone:


بقولك عن أخصائية تغذية في العمادي اسمها على ما اظن عايشة صقر وهي ممتازة

وعن تجربة في صديقاتي نزل وزنهم

فضل
24-04-2010, 07:16 PM
الوزن الزايد نتيجة الاكل الوايد وقلة الحركة ...اعتمدي اختي على نفسك والاعتماد على النفس فضيلة ترى الاعتماد على الغير مايفيد وحبلة قصير....عليك بالرياضة ثم الرياضة ثم الرياضة والاكل الصحي واللة يوفقك

أم وضحى
24-04-2010, 08:47 PM
اشتركي في بيرفيكت ويت

بتنزلين في الاسبوع تقريبا بين 2 الى 3 كيلو


وبالتوفيق ان شاء الله

~ نســـايم ~
24-04-2010, 08:58 PM
ما اشتركت فيه لكن اشتركت بمكان ثاني واستغرب من اللي يقولون انهم يحطون شي بالاكل عشان يضعف والكلام هاي وايد سمعناه من الناس بس الغالب انه اشاعات لان مافي اي شي يؤكد هالكلام وما يصير الانسان يقول خبر هو ماشافه بعينه ولا عنده جهة رسميه تثبت هالشي فلازم نتحرى الصدق بكلامنا وثاني شي


اللي ظلت مشتركه سنه ولا نقصت الاكيد لازم في مشكله ثانيه عندها اما في الغده ولا الهرمونات لان مب معقوله الانسان يتبع دايت ورياضه وما ينقص الا لاسباب هرمونيه او صحيه اخرى


عن نفسي اختي الكريمه انا اشتركت بنفس المكان اللي يقولون انه اشتراكه ب3000 بالشهر والحمدلله نقصت 6 كيلو بالشهر الاول مع ان رياضتي جدا كانت خفيفه لضيق الوقت ولاهمالي و نقصت حول 3 او 4 كيلو بالشهر الثاني والسبب عدم التزامي اصلا بالوجبات اما افوت بعضها او ادخل بعضها ببعض ورياضتي كانت جدا خفيفه فانا اشوف في نتايج جدا حلوه صارت لي من اشتراكي وكل صديقاتي واهلي اشتركوا ونقصوا بنفس الكميه واكثر الحمدلله ؟؟


اتمنى لج التوفيق ان شاء الله

مرتبش
24-04-2010, 11:24 PM
بنت قطر
احسن نصيحة ..انج تشوفين موضوع الرابح الاكبر هنا في المنتدى وتحصلين فيه معلومات قيمة للرجيم..

عن مراكز الدايت اشوف انها فكرة زينة للي مايبي يتعب نفسه ومن تجربة احد افراد العائلة اشوف انها ممتازة.. لكن لها مشكلة

المشكلة ان الواحد اذا ماتعلم شلون يتحكم في اكله وعرف شنو الزين والشين شلون بيتصرف عقب ماينزل وزنه؟ بيرجع وزنه مثل ماكان ويمكن ازيد.

فاستثمار بعض الوقت لتعلم العادات الغذائية السليمة سيجنبك ان شاء الله من الوقوع في فخ دائرة الرجيم وزيادة الوزن ..

إينشتاين
24-04-2010, 11:42 PM
اشتركت في مركز slim & light وكانو يوصلون الوجبات للبيت ،، نزلت 6 كيلو في الشهر وبدون رياضة،، ولو كان مع رياضة كان نزلت اكثر.

مهره
24-04-2010, 11:48 PM
والله الى اعرفة مركز بيرفكت دايت ممتاز والكل استفاد منة يعنى من الاسبوع الاول ينزل الشخص من 4 الى 6 كيلو

ومن تجارب ناس معروفين

والله ولى التوفيق

jo0ory.56
24-04-2010, 11:54 PM
السلام عليكم ورحمة الله وبركاته .....

أختي ابحثي على جوجل عن ريجيم التسع أسابيع ... ريجيم مريح ومن الموجود في البيت ...

ومافيه اي تكلفة ... والأهم تقريبا في الشهر تنزلين عشر كيلوعن تجربة مرتين اتبعته ونزلت

تقريبا عشرة كيلو في كل مرة ... تمنياتي بالتوفيق ... ولاتنسيني من دعوة بظهر الغيب ...

جنوب الدوحه
24-04-2010, 11:55 PM
انا اعرف ناس سجلو ونفع معاهم ولــــــــــكن اختي رجيمج انتي واكلج تسوينه في البيت ارحم لج واسرع دخلي على المواقع واقراي عن الاكل والسعررات الحراريه في الوجبات واضمن لج جسم صحي مدى الحياه ..

انتي باقي لج 5 كيلو ^_^ هذي فشهر واحد تنزلينهم .. خفي من الاكل والحلويات وامتنعي عن المشروبات الغازيه وبس :)

ضوى
24-04-2010, 11:59 PM
مادري عن المركز اللي تقولين عنه ، بس انا اشتركت في مركز دايت سنتر اللي في التصر جنب اشعة الخليج في السد ، لمدة شهر بس لاني كنت ابي انزل شئ بسيط ن نزلت عندهم 4 كيلو الا كم جرام وكان اكلهم لذيذ وكميته اوكي اعتمدت تقريبا على 1200 سعرة حرارية ، الصراحة تغيير نمط الاكل من فترة لفترة حلو مب شرط انزال وزن

تحياتي

qtrose
26-04-2010, 03:04 PM
يعطيكم العافية جميعا ، قررت اسوي لي نظام امشي عليه

والتزم بالمشي لين أوصل ل 55 :)

nyzk
26-04-2010, 03:12 PM
بدل الخساير وتضييع الوقت عند العيادات العضوه تحداني الزمن مسويه موضوع حق اصحاب الوزن الزايد
والاعضاء متعاونين بيجاوبونج على اسئلتج
اشتركي وياهم احسن لج

تواق
26-04-2010, 03:21 PM
ابحثي في النت او اشتري كتاب من جرير حق فصيلة الدم

وشوفي الاكل اللي يجيب السمنه وتجنبيه او قللي منه

وشوفي الاكل المفيد لهذي الفصيله والرياضه وبس

الأصيلة
26-04-2010, 03:41 PM
سمعت عن مركز يختص بالرجيم والأكلات الصحية ، الي هو دايت كافية ،

فالي يعرف شي عنه ياريت يفيدنا ، ويعطينا فكرة عن تجربته معاهم ،

و شلون وجباتهم ؟ وكم نزل معاهم؟

انا بودي انزل بس 5 كيلو واصير تمام ، تنصحوني فيه ؟


thanx

5 كيلو بسيطة اختي
اشتركي شهر في نيوتريشن بتنزلين 5كيلو..
رجيم مضمون وصحي والكل مستفيد منه
ت / 4504100

قطررررريه
27-04-2010, 12:29 AM
مركز بيرفكت دايت نيوتيرشن
مضمون تنزلين مابين 3 - 5 كيلو بالاسبوع الاول والثاني اذا التزمتي مجرب

النهار
27-04-2010, 12:47 AM
اختي الكريمه لادايت ولا وايت عندي لش وصفه على قولة المصرين ماتخرش مياه

الريوق تريقي وايش ماتبغين والغداء تغدي بعد مثل ماتبين
لاتقولين عزومه ولاعرس ولاحفله بعد الساعه 8 مساْء
كل الي عليش عاشك يكون كألتالي
صيام عن الاكل حتى الساعه 8 صباحا
الاكل يكون فقط روب قليل الدسم مش مهم الكميه + تمر
في الصباح تشربين ماي دافي قد ماتقدرين قبل الريوق بنصف ساعه
اذا مانزلتي خلال شهر من 2 الي 3 كليوا تعالي قولي لي انك كذاب
هذه الوصفه جربتها انا بنفسي نزلت 18 كليوا في سنه وشهرين
لازم معاها رياضه يوميه مشي هروله مش شرط برع يمكن في الحوش
لو ماعندكم حوش جهاز جري
انا جربت الدايت سنتر الي في بن عمران سنتين اول شي اكلهم ماصخ وماينوكل
والله مانزلت كليوا واحد مثل ماقال الاخوان كل فتره يقيسون الوزن والجسم
ويقصون عليك يقولون شف انت الحين احسن من اول كله كذب في كذب
3000 ريال الي كان يأخذونها مني حرام وزقوم في جبودهم

ام سلطون
27-04-2010, 09:44 AM
بنت قطر
اختي تروح لخبيرة التغذية(باسكال حدشيتي)كانت فالعمادي والحين فدايت سنتر
تاخذ منها النظام واختي تسوي اكلها بنفسها نزل وزنها من 92الى 75 في 3 شهور
والحين خالتي معاها نزلت فشهرين من 74الى65

chillis
04-05-2010, 12:28 PM
السلام عليكم عن نفسي بعد تجربه بالشهر نزلت 6 كيلو وتمام التمام والشهر الي بعده شوي خربت نزلت 3 كيلو ونص يعني مفيد بشرط ما تخربين بالاكل

القلم الصريح
04-05-2010, 01:50 PM
انا ماعمري اشتركت لا في مركز للتخسيس ولا دايت سنتر ولا مول بيرفكت

نزلت قبل فتره 15 كيلو ، اكل طبيعي ولا شي انقص فيه بس امش كليوم لمده ساعه

قطر دزاين
04-05-2010, 01:59 PM
نصيحه امش كل يوم 3 كيلو وقلل في النشويات وبعد فتره اوزن وشوف لا دايت ولا غير غير المشي ما فيه

Um Sultan
04-05-2010, 02:23 PM
انا اشتركت فيه شهر كامل مانزلت ولا كيلو واحد ..

اشتركت في slim & light نزلت عليهم 4 كليو بدون رياضه في شهر اول ماسجلت قالت لي الاخصائيه احنا بتنزلين متعانا من 4 لين 6 كيلو بالشهر

اللحين جددت اشتراكي مره ثانيه وبستمر وياهم نزلت في 3 اسابيع 3 كيلو نفس ماهي موضحه لي ف البدايه

اللحين بديت امشي واحس بفرق كبير ..

ضوى
04-05-2010, 02:26 PM
انا اشتركت فيه شهر كامل مانزلت ولا كيلو واحد ..

اشتركت في slim & light نزلت عليهم 4 كليو بدون رياضه في شهر اول ماسجلت قالت لي الاخصائيه احنا بتنزلين متعانا من 4 لين 6 كيلو بالشهر

اللحين جددت اشتراكي مره ثانيه وبستمر وياهم نزلت في 3 اسابيع 3 كيلو نفس ماهي موضحه لي ف البدايه

اللحين بديت امشي واحس بفرق كبير ..


في وين هالمركز اختي ؟؟

ماريسا
04-05-2010, 02:30 PM
طيب حبيبتي بما انج بنت ذكية و مثقفة و تستخدمين الانترنت ليش تخلين مركز يقص عليج و ياخذ فلوسج ليش انتي بنفسج ماتبحثين و تسوين لج نظام اكل للتخسيس مع جدول للتمارين الرياضية يومياً و بتشوفين نتائج كل شهر على ضمانتي ..بس تلتزمين بالدايت ;)

qtrose
04-05-2010, 03:35 PM
و كأني محتاجة نصائح !! الموضوع يا حبايب اني سألت عن مركز

وحبيت اعرف تجارب الي اشتركوا فيه سواء كانت سلبية او ايجابية !

الي قاعد يتفلسف ويعطيني نصايح ! ياخي خلو نصايحكم لكم ، ادري ان

السالفة سالفة تخفيف اكل ورياضة ( على عيني وراسي ) لكن انا سألت

عن تجارب الي اشتركوا وبس ! لو كنت سائلة عن طريقة انقاص 5 كيلو

من الوزن كان شي ثاني !! رجاء لحد يدخل ويتفلسف أنا قاعدة أسأل الي

جربوا المركز !!

ما يسوى علي :rolleyes2:

والي تقول اني مثقفة وذكية ، شدراج عني ؟ ياختي كيفي فيني فضول وابي

عرف عن نظامهم وخدماتهم !!! ومثل ما قالت الأخت ضوى الواحد حلو ينوع

في أنظمته الغذائية !

بوحارب
04-05-2010, 03:45 PM
^
^
هههههههههههههههههه

احسن دايت عندي

ريوق قلاص كرك

غدا برياني لحم

عشا كلاب مع شبس

والله يوفقكم للأوزان الصحية

ماريسا
04-05-2010, 03:56 PM
و كأني محتاجة نصائح !! الموضوع يا حبايب اني سألت عن مركز

وحبيت اعرف تجارب الي اشتركوا فيه سواء كانت سلبية او ايجابية !

الي قاعد يتفلسف ويعطيني نصايح ! ياخي خلو نصايحكم لكم ، ادري ان

السالفة سالفة تخفيف اكل ورياضة ( على عيني وراسي ) لكن انا سألت

عن تجارب الي اشتركوا وبس ! لو كنت سائلة عن طريقة انقاص 5 كيلو

من الوزن كان شي ثاني !! رجاء لحد يدخل ويتفلسف أنا قاعدة أسأل الي

جربوا المركز !!

ما يسوى علي :rolleyes2:

والي تقول اني مثقفة وذكية ، شدراج عني ؟ ياختي كيفي فيني فضول وابي

عرف عن نظامهم وخدماتهم !!! ومثل ما قالت الأخت ضوى الواحد حلو ينوع

في أنظمته الغذائية !



بصراحة ماتوقعت كلامي بيكون offensive ونا كلش ماقصدت شي غلط :( فاسمحيلي يالغلا و ان شالله تلقين اللي بيفيدج

qtrose
04-05-2010, 10:52 PM
بصراحة ماتوقعت كلامي بيكون offensive ونا كلش ماقصدت شي غلط :( فاسمحيلي يالغلا و ان شالله تلقين اللي بيفيدج


It's OK dear :)

no0or-
27-06-2010, 10:47 AM
دامج سالتي بنقلج تجربتي سنه 2007 عزمت هالسنه اسوي رجيم فاشتركت في ثلاث مراكز الغذاء المثالي وبعدين هديته لانه ماستحملت اكلهم وبعدين دايت سنتر وكان وايد ياثر بميزانيتي واخر شي سليم لايت ولين الحين اجيه بين فتره وفتره وخصوصا في فترة الحمل استشير الاخصائيه وعفكره ما كنت اقدر استحمل اكل هالمراكز اكثر من ثلاث شهور وطبعا كنت امارس الرياضه بكل انواعها لان خبرج حق وحده ماكانت تتحرك بتمل وقدرت خلال هالسنه والحمد الله انزل وزني من 100 لين 65 وبس وحافظت على وزني خلال هالسنين اني كله اشتري اكل دايت وبتحصلين هالاكل في المخازن تبين الصراحه اهم شي العزيمه واللي ساعدني زود برنامج جوليان يحطونه في قناه المسلسلات في شوتايم و اني كنت اروح جرير واشتري لي كتب رجيم واقراها وصدقيني الكتب كانت وايد تقوي عزيمي وايد اضحكوو علي اول مابديت وماهتميت صج ان نفسيتي كانت تتاثر بس كنت استمر والحمد الله اللي يشوفني الحين مايعرفني والحمد الله وبس اتمنى اني افدتج :)

Qtr.Girl
27-06-2010, 11:45 AM
مرحبا اختي

انا اشتركت فيه 3 شهور
ونزلت بالشهر الاول 5 كيلو لان كنت ملتزمه فيه

وبالشهر الثاني كيلوين

والثالث كيلوين

لاني خربطت بالاكل

بس بصراحه رديت وزني كله من اول ماقطعته

واكلهم حلوو بس يبيلج تغيرين فالمنيوو انا وايد اشيا ما اعجبتني حذفتها وقلت لهم عن الشي اللي احبه :)

وحاليا ناويه اجرب بيرفكت ويت وايد يمدحونه

باشا البدو
27-06-2010, 01:38 PM
عندهم شوربه المشروم عجيبه وحلوه وفيها بس 100 سعره حراريه

واذا تبين تنزلين من وزنس

الصبر أول وأخر شي على مقاومه لذه الاكل والشرب وعليس بالمشي قد ماتقدرين

حطي الايبود على حديث ولا قرآن وامشي

وترا الرياضه ونــــــــاسه وراحه في النوم وصحه فالبدن ولياقه حتى في التفكير!!!

أنا مجرب وتولعت فالرياضه

لي ربع يحبون رياضه الجري,, يقولون لي اذا ما فحوا في اليوم تجيهم ضيقه خاطر

وفيه مقولات واجد تقول

العقل السليم في الجسم السليم

و

و

و

المهم أن الرياضه حلوه حلوه حلوه

باشا البدو
27-06-2010, 01:44 PM
وجباتهم واجد والطعم حليو مب لذيذ

والزين انه مع كل وجبه يكتبون كم سعره حراريه فيها

بدوي
27-06-2010, 01:53 PM
واحد من الشباب يمدح بيرفكت :nice:

يقول استفدت واااااجد ونقص 5 او 6 كيلو في اقل من شهر تقريبآ

بس يقول ماااااشي وياهم بالملي :victory:

بالتوفيق يارب

فارس بلا جواد
27-06-2010, 01:54 PM
بنت قطر

عليج بكلام اختنا ام وضحى

والاخت مهره

روحي مركز بيرفكت ويت

انا اعرف ناس راحو له انزلو اول اسبوعين على ماظن 5 كيلو

روحي عند واحد مصري اسمه الدكتور عادل

عندهم محل ورا نجمة الهند جنج رايحه الدفنه وانتي ماخذه الدوار

انا رحت له بعد وايد استفدت منه

دكتور متخصص

راح يعطيج في البداية ريجيم قاسي

تقولين جنج داشه عسكرية

اذا تستحملين قو هيد

ما تقدرين كنسلي

وقللي من الاكل وشوية رياضه والسلام عليكم

اتمنى لكم التوفيق

qtrose
27-06-2010, 02:00 PM
مشكورين جميعاًُ ،

الحمد لله وصلت لوزني المثالي وإن شاء الله

أثبت عليه.:)

فلتة زمانها
27-06-2010, 03:03 PM
بال شسالفه في كل مكان اشوف مواضيع الريجيم
شدعوه مافي حد رشيق وزنه مثالي احس اكثر الناس متان ودببه:omg: