** موقف قهرني !! ** ( رايكم )

[alrheeb2020]

السلام عليكم ورحمة الله وبركاته ..


بدون مقدمات على طول بدخل فالموضوع ..


اليوم كنت فالملعب ف مباراة الغرافه والعربي ..


جدامي كان فيه 6 شباب قاعدين عالكراسي ..


عاد 5 شباب قاموا وقالوا حق رفيجهم احنه نازلين ( ماعرف حق شنو بالضبط .. بس يمكن حق الصلاه والله اعلم ) احجز لنه مكانه ..


قالهم اوكي افا عليكم ..


كل اشوي اييون ناس يبون يقعدون يقولهم المكان محجوز ..


لحد الان ماشيين ..


ولا جان اييون حريم انجليز (ثنتين) - ( كبار فالسن نوعا ما ) ولا جان يدرعمون ويقعدون ولا حاسبين له حساب ولا اي قيمه لكلامه معاهم ..@!!


يقولهم هالمكان محجوز ولا معطينه ويه !!


يقولهم هالمكان ( فور فرندز )


قالت له : ( we are the friends


والرجال ماقدر يسوي اي شي !!


وانحرج المسكين !! ماعرف شيسوي !!


خلهم قاعدين وماقدر يسوي اي شي ..
----


بعدين يوم جو ربعه مستغربين من اللي سار وسمعت واحد منهم يقوله ..

( اشفيك انت خديه !! )


والرجال ساكت ومايعرف شيقول من القهر !! ومنحرج وويه منقلب مسكيين !!




---


شرايكم باللي صار ؟




والله يجزيكم خير اخواني ^^

[جنوب الدوحه]

حيا اهل قطر ,,,

[إينشتاين]

لو كان الموقف معكوس يعني صاير إنه عربي قعد مكان انجليز كان قلبوا الدنيا ولا قعدوها،،

على إساس ان احنا العرب مانعرف النظام ومانحترم الدور ومانعرف الإستئذان..

للأسف ربعه معاهم حق >>>>>> يوم قالوا خديه...

[alrheeb2020]

حيا اهل قطر ,,,

للاسف في كل شي ..... !! :(

[مستثمر 999]

هذي مشكلة الشركه الي تبيع التذاكر

لو كل تذكره عليها رقم الكرسي ما كانت تتكرر هالمواقف الي غالبا تنتهي بالمشاكل والسب والتجريح


اول كانت هالمواقف تتكرر في الطياره ولكن اكبر الباكر ما قصر

اصلا من أداب حسن الخلق ان الاولويه لكبار السن وخاصه من مسلمين لغير المسلمين

يا ما ناس اسلموا بسبب حسن الخلق وطيب التعامل مع الغير

[alrheeb2020]

لو كان الموقف معكوس يعني صاير إنه عربي قعد مكان انجليز كان قلبوا الدنيا ولا قعدوها،،

على إساس ان احنا العرب مانعرف النظام ومانحترم الدور ومانعرف الإستئذان..

للأسف ان معاهم حق في شئ واحد >>>>>> يوم قالوا خديه...



صادق والله ..

وجان كسروا راسه بعد المباراه .. ولا في نفس اللحظه بعد !!


:weeping:

[alrheeb2020]

هذي مشكلة الشركه الي تبيع التذاكر

لو كل تذكره عليها رقم الكرسي ما كانت تتكرر هالمواقف الي غالبا تنتهي بالمشاكل والسب والتجريح


اول كانت هالمواقف تتكرر في الطياره ولكن اكبر الباكر ما قصر

اصلا من أداب حسن الخلق ان الاولويه لكبار السن وخاصه من مسلمين لغير المسلمين

يا ما ناس اسلموا بسبب حسن الخلق وطيب التعامل مع الغير



ياخوي احنه بالياله يبون بس اييبون جمهور ..

الترقيم بعدين لما يكون فيه جمهور ..

اخوي لكن الملعب فيه مكاان غير هالمكان ..

الملعب مليان امكنه مالقت غير هالمكان يعني ..

[هذلان]

كان شرح لربعه و تصرفو ربعه وياهم
و كان انت و ربعك الي شفتو الموقف كان كلمتوهم ويا الرجال عشان يحسون ان الموضوع جاد ،، لانه حط في بالك شي يمكن مايدرون انه فيه ناس كانو جالسين و راحو و بيردون يمكن على بالهم ربعه في الطريق جايين و هو حاجز لهم مسبقا .
بس الاكيد انهم ماراح يقعدون في الكراسي .

ههههه كان سويتو حركه المدرسه اسحبو قميصهم ولا شعرهم ولا حذفو عليهم حب :)

عليك حق يا اينيشتاين ... مايصير تقول خديه

[إينشتاين]

عليك حق يا اينيشتاين ... مايصير تقول خديه


انا ماقلت ،، ربعه الي قالوا ومعاهم حق

[alrheeb2020]

كان شرح لربعه و تصرفو ربعه وياهم
و كان انت و ربعك الي شفتو الموقف كان كلمتوهم ويا الرجال عشان يحسون ان الموضوع جاد ،، لانه حط في بالك شي يمكن مايدرون انه فيه ناس كانو جالسين و راحو و بيردون يمكن على بالهم ربعه في الطريق جايين و هو حاجز لهم مسبقا .
بس الاكيد انهم ماراح يقعدون في الكراسي .

ههههه كان سويتو حركه المدرسه اسحبو قميصهم ولا شعرهم ولا حذفو عليهم حب :)

عليك حق يا اينيشتاين ... مايصير تقول خديه

ربعه ماقدروا يسوون شي لانه اذا فات الفوت ماينفع الصوت ..


يارجال الحريم ماخذين الموقف عبط وجنه معاهم الحق .. ( يدرون لانه القانون معاهم مهما سار لانهم اجانب )..



هههههههههههههههههه اما عن حركة المدارس هههههههه ماله حللل هههههههه


يعطيك العافيه عالاضافه هههه

[حليتان*]

لو كان الموقف معكوس يعني صاير إنه عربي قعد مكان انجليز كان قلبوا الدنيا ولا قعدوها،،

على إساس ان احنا العرب مانعرف النظام ومانحترم الدور ومانعرف الإستئذان..

للأسف ان معاهم حق في شئ واحد >>>>>> يوم قالوا خديه...

مسكين لو سوا لهم شي بيشتكون عليه ...وبيطلعونه هو غلطان 100%

[alrheeb2020]

مسكين لو سوا لهم شي بيشتكون عليه ...وبيطلعونه هو غلطان 100%

شي اكييد ومافيه كلام :nice:

وهارد لك يالغالي

[وحيد-الشوق]

مشكلة الموقف محرج صراحه وخصوصا مع حريم وكبار في السن واحتمال الرجال ماعرف يتفاهم معاهم

وانا مع راي اخوي هذلان لو اكثر من واحد كلمهم صدقني كانوا حسوا ان الموضوع جد والكراسي فعلا لربعة

[alrheeb2020]

مشكلة الموقف محرج صراحه وخصوصا مع حريم وكبار في السن واحتمال الرجال ماعرف يتفاهم معاهم

وانا مع راي اخوي هذلان لو اكثر من واحد كلمهم صدقني كانوا حسوا ان الموضوع جد والكراسي فعلا لربعة

غلطاان اخوي ..

انا متاكد انه مافي امل يقومون ..

لانهم متخذين الموقف استهزاء وجافوا ربعه بعدين جو ولا جنهم جايفين حسبي الله عليهم ..

[نمر بن عدوان]

ماينلام رفيقهم سوى الي عليه واكثر من هالشي ممكن يتسبب له في مشكله.

بس لو انا من ربعه باقعد فحضنهم او باوقف قدامهم وباخلي هالقعده تطلع عليهم اغلى من بيع السوق

[شموع قطريه]

والله ربعه ماعندهم سالفه .. جان قاموا بالدور مب يشتلون خمستهم ويوهقون رفيجهم في كراسيهم شيسوي يعني ينسدح عليهم بالعرض علشان يبين للناس انهم محجوزين !!!
والعيايز ماينلامون يوم شافوا خمسة مقاعد فاضيه الا بيقعدون وجنه العيد ..
جان قاموا بالاثنين اثنين وخلوا الكراسي الفاضيه بينهم يبين انه محجوز لحد
ولا يحطون شي معين على الكرسي شال مثلا او علم مب يلومونه ويقولون له يالضفعه ..

انا اذا كنت في احتفال ولا عرس مثلا وحد بيقوم من ربعي ولا هلي وبيرجع اقول لها حطي شي على الكرسي شيله او نقاب او اي شي يدل انه لشخص لان سبحان الله يمكن اغفل اقوم اسلم وياخذون الكراسي ..

[alrheeb2020]

ماينلام رفيقهم سوى الي عليه واكثر من هالشي ممكن يتسبب له في مشكله.

بس لو انا من ربعه باقعد فحضنهم او باوقف قدامهم وباخلي هالقعده تطلع عليهم اغلى من بيع السوق


المشكله هم غطوا عالسالفه ورضوا بالامر الواقع ّ!!


والله لو انا مكانهم يا انا يالمكان !!

هههه اي والله صح كلامك ..

[alrheeb2020]

والله ربعه ماعندهم سالفه .. جان قاموا بالدور مب يشتلون خمستهم ويوهقون رفيجهم في كراسيهم شيسوي يعني ينسدح عليهم بالعرض علشان يبين للناس انهم محجوزين !!!
والعيايز ماينلامون يوم شافوا خمسة مقاعد فاضيه الا بيقعدون وجنه العيد ..
جان قاموا بالاثنين اثنين وخلوا الكراسي الفاضيه بينهم يبين انه محجوز لحد
ولا يحطون شي معين على الكرسي شال مثلا او علم مب يلومونه ويقولون له يالضفعه ..

انا اذا كنت في احتفال ولا عرس مثلا وحد بيقوم من ربعي ولا هلي وبيرجع اقول لها حطي شي على الكرسي شيله او نقاب او اي شي يدل انه لشخص لان سبحان الله يمكن اغفل اقوم اسلم وياخذون الكراسي ..



اختي هو كان قاعد فالنص ..

يعني يقدر يتحكم فالكراسي اللي حولينه ..

صح كلامك اختي ممكن الواحد يغفل بس ماكان عندهم شي يحطونه وكراسي نادي السد يتسكرون ..

[الأصيلة]

يا ذا الأجانب اللي مب خالصين منهم
مشاركينا في كل شي...
تعبنا من كثر ما نقارن انفسنا بهم وفعايلنا بفعايلهم,,,
حاشرين نفسهم بكل مكان ...
ومايحترمون الا قوانين بلادهم
اما بلاد المسلمين فآخر مايحترمونه ويهتمون بنظامه..

[£عبدالعزيز£]

المفروض يقولهم اوكي يو ويل سي .. جست ويت

واول ما يجون يلعنون ابو خامسهم

ولو كفو خلهم يسوون شي

هالاشكال ما تنعطى ويه

[الصريحه]

وقاحه منهم اوفففففففففففففففففف واستغلال لابعد حد

[بـــــــنت النوخـّــــذه]

الحق حق هذا مكانهم 000راحو وقالو بنرجع 00000000

والمفروض اهو لما جيه كلمهم على الاقل للتوضيح ان هذا مكانه وان قامو هذا من ذوقهم وان ماقامو هذا من كرم اخلاقه سمح لهالعجايز بالجلوس الي مادري شموديهم كرهات اكره شي الحريم يروحون المباريات 000

[حنان الدنيا]

المفروض لما رجعوا ربعه كانوا كلموا الاجانب وقالوا لهم هذا مكانا وخلوهم يقومون

مب عيب خلهم يحسون انهم غلطوا وقعدوا في مكان المفروض مايقعدون فيه وبس

المفروض مانسكت

[رمــش الغلا]

مادري احس عادي يمكن ايتغشمرون انته ليش داش عرض :)

[النائب]

مافيهم خير الشباب المفروض يقومونهم بالغصب وإن قاموا ولا يشدونهم بشعرهم ويسحبونهم بالإرض لين الله يشوف لهم !

[بيانو]

قله الادب من من يدعون الذوق والإتيكات

حتى الان فى السواقه أخر قله أدب فى عدم إحترام الغير هو ماشى فى الطريق على باله طريق اللى إشتراه هو

[M!$s ĀŁ!eN]

لو انا بمكان الشاب . والله ماا خليتهم يقعدون ..

بقلوهم
hey his for my friends they will be soon here would you change your place please بعربي يكربج ويكرب اللي معاج كلهم يا الشينه .. بعربي عشان مايفهمون ..

بسوي مثلهم ..
اذا ماا افهمواا علي ..

اول مااايجوون ربعي .. اقول لهم قووومي هذاا هم اوصلوواا ..
المكان واللي يسلمكم ماالكم مكان انتو وشعرفكم ف المبااراه والكوره ..
شوفواا ذاك المكان روحو له .. << فديتني قويه ...


ف الحقيقه .. راح اكلهم واحن عليهم تعوون الاجانب ما يحبون الحنه واذا عاادنوا انزيد ف الحنه .
هذا مكان ربعي .. اذا ردوا احنا فرند بقول لا انتو مو فردي ..
الفرندي كاهم واصلوو ..

ترا مقهوره من قلب على العجايز اللي جاااو وقعدوو المككان
المشكين ماااله ذنب انسب من ربعه والسبب الاجانب مااا تفااهمواا معاهم قبل لا يقولون له شي .

[alrheeb2020]

يا ذا الأجانب اللي مب خالصين منهم
مشاركينا في كل شي...
تعبنا من كثر ما نقارن انفسنا بهم وفعايلنا بفعايلهم,,,
حاشرين نفسهم بكل مكان ...
ومايحترمون الا قوانين بلادهم
اما بلاد المسلمين فآخر مايحترمونه ويهتمون بنظامه..

ياليتهم حتى محترمين قوانين بلادهم على الاقل ..

ولا قانون محترمينه يدرون لانه قانون بطيخ عندنه

[alrheeb2020]

المفروض يقولهم اوكي يو ويل سي .. جست ويت

واول ما يجون يلعنون ابو خامسهم

ولو كفو خلهم يسوون شي

هالاشكال ما تنعطى ويه

:nice::nice:

ههههه مجهز كيمرتي :nice:

[alrheeb2020]

وقاحه منهم اوفففففففففففففففففف واستغلال لابعد حد



الله ينتقم منهم ان شاء الله :(

[alrheeb2020]

الحق حق هذا مكانهم 000راحو وقالو بنرجع 00000000

والمفروض اهو لما جيه كلمهم على الاقل للتوضيح ان هذا مكانه وان قامو هذا من ذوقهم وان ماقامو هذا من كرم اخلاقه سمح لهالعجايز بالجلوس الي مادري شموديهم كرهات اكره شي الحريم يروحون المباريات 000

كلمهم لكن لاحياة لمن تنادي ..

وهم مب عجايز .. يعني في الاربعينات تقريبا ..

[alrheeb2020]

المفروض لما رجعوا ربعه كانوا كلموا الاجانب وقالوا لهم هذا مكانا وخلوهم يقومون

مب عيب خلهم يحسون انهم غلطوا وقعدوا في مكان المفروض مايقعدون فيه وبس

المفروض مانسكت

اختي انتي الظاهر تحلمين انهم بيقومون ..

قاعدين يدافعون عن نفسهم والله اتحسيين انه هم اصحاب الحق والرجال داخل عرض ! !!


والمشكله ولا معطينهم ويه

[alrheeb2020]

مادري احس عادي يمكن ايتغشمرون انته ليش داش عرض :)

صباح الخير :omen2:

[alrheeb2020]

مافيهم خير الشباب المفروض يقومونهم بالغصب وإن قاموا ولا يشدونهم بشعرهم ويسحبونهم بالإرض لين الله يشوف لهم !

ياليت والله ..


علشان يعرفون ان الله حق ولا يتعدون على حقوق غيرهم :anger1:

[alrheeb2020]

قله الادب من من يدعون الذوق والإتيكات

حتى الان فى السواقه أخر قله أدب فى عدم إحترام الغير هو ماشى فى الطريق على باله طريق اللى إشتراه هو

عادي ..


مافي لا قانون ولا حد يردعهم ..


ماخذين راحتهم ولا حد يكلمهم ..


حسبي الله عليهم

[alrheeb2020]

لو انا بمكان الشاب . والله ماا خليتهم يقعدون ..

بقلوهم
hey his for my friends they will be soon here would you change your place please بعربي يكربج ويكرب اللي معاج كلهم يا الشينه .. بعربي عشان مايفهمون ..

بسوي مثلهم ..
اذا ماا افهمواا علي ..

اول مااايجوون ربعي .. اقول لهم قووومي هذاا هم اوصلوواا ..
المكان واللي يسلمكم ماالكم مكان انتو وشعرفكم ف المبااراه والكوره ..
شوفواا ذاك المكان روحو له .. << فديتني قويه ...


ف الحقيقه .. راح اكلهم واحن عليهم تعوون الاجانب ما يحبون الحنه واذا عاادنوا انزيد ف الحنه .
هذا مكان ربعي .. اذا ردوا احنا فرند بقول لا انتو مو فردي ..
الفرندي كاهم واصلوو ..

ترا مقهوره من قلب على العجايز اللي جاااو وقعدوو المككان
المشكين ماااله ذنب انسب من ربعه والسبب الاجانب مااا تفااهمواا معاهم قبل لا يقولون له شي .


والله اختي المسكين قاعد يحاول وماقدر مايعطونهه ويه وويه احترق اشوي عليه ..


اي والله عور قلبي والله وانقهرت على الانجليز حسبي الله عليهم !!!


الرجال سار مسخره عند ربعه كله من الانجليز حسبي الله عليهم!!

[طرفه]

موقف مضحك ومبكي في نفس الوقت
بارك الله فيك

[alrheeb2020]

موقف مضحك ومبكي في نفس الوقت
بارك الله فيك


:( صادقه اختي والله ..

وفيج ان شاء الله اختي ..


الله يرحم والديج من عذاب النار

[مشتاقة لقطر]

مسكين اللي قعد ..

المفروض ربعه بعد ما يؤنبونه ماله حيلة ؟؟

[حبة خال]

يمكن اركب ريولها تعورها وقعدت

[alrheeb2020]

مسكين اللي قعد ..


المفروض ربعه بعد ما يؤنبونه ماله حيلة ؟؟



اي والله مسكين ..

كسر خاطري والله ..

وربعه زادوا الطين بله الله يهديهم !!

[alrheeb2020]

يمكن اركب ريولها تعورها وقعدت

اي صاادق !!


خلهم يحمدون ربهم عالعيشه اللي عايشينها ..

ف بلادهم كله يمشون على ريلهم ..